جميع خبراء التربية بيأكدو على انو التربية هي شيء مكتسب.. بمعنى اخر ما حدا بيولد وهوي بيعرف يربي أولادو.. وعلم التربية تطور كتير بالقرن الماضي وفي طرق للتربية كانت متبعة سابقا صارت غير مقبولة بتاتا..

بهادا الموضوع رح حاول حط مجموعة تقنيات بتساعد الاهل على السيطرة على سلوك ابناؤهم وايجاد طرق وخطوط وصل بتحسن علاقتهون وبتخلي الحياة اكتر سهولة للأطفال اولا وللأهل ثانياً..

الموضوع عم يهتم بالاطفال من عمر سنة ونص وحتى عمر 7 سنوات بشكل رئيسي

مصادر الموضوع:
-خبيرة التربية جو فروست صاحبة برنامج سوبر ناني ومجموعة مهمة من كتب التربية الحديثة
- متابعتي لنصائح مايا خاطر مقدمة فقرة أولادنا في تلفزيون المستقبل
- حديث الى الامهات كتاب للدكتور سبوك احد أهم وأشهرخبراء التربية في القرن الماضي
- مقالات مترجمة عن كتاب العائلة اولا للدكتور فيل

بعض النصائح العامة

-اهم شي بتربية الطفل الاتفاق بين الوالدين على الاستراتيجيات والطرق.. وان تكون التعليمات موحدة وواضحة للطفل وأن يعرف الطفل أن الوالدين متفقين تماما بخصوص تربيته
- أن لا تظهر توترك او حيرتك تجاه سلوك الطفل مهما كان سيئا ...لازم تكون دايما عرفان شو بدك
- أن تختار الاوقات "حتى لو كانت قليلة" التي يكون فيها الطفل جيد السلوك وتعطيه ضمة كبيرة وقبلة.. وتخبره انه طفل كويس
- أن لا تتحدث عن كونه طفل صعب او غبي او شيطان أمام الاخرين لأن هذا يكرس فكرة انه فعلا طفل مشاغب.. بل بالعكس امدحه دايما امام امه وما م الاخرين
- كل تصرفاتنا مع الولد هيي رسائل عم نبعتلو ياها.. وهوي بيترجمها متل ما بيحس
- مقولة مهمة كتير: اختار معاركك مع الطفل
يعني مو كل شغلة ممنوع أحيانا بدك تمرّق.. لما بدك تقول ممنوع لازم يعرف الطفل انو انت مستحيل تتراجع عن كلمتك.. وممنوع يعني ممنوع.. ولا تقول ممنوع أصلا اذا كنت بدك تتراجع..
- انا ما بشوف انو الحب والبوسات الكتيرة والضمات واللعب مع الولد بيتعارض مع كونك صارم أبدا..
- استسلامك للبكاء والعياط والصريخ وتنفيذ رغبةالطفل اللي سبق ورفضت انت تنفيذها يعتبر رسالة واضحة منك الى طفلك " اصرخ وابكي لأنفذ لك رغباتك"

يتبع..

وأخيراً نزل ...

يسلمو ايديك ...

متابعين ..

شكرا ابو النجب.. انت المشجع الوحيد..
:D

رح احكي عن مجموعة مواقف.. وكيف ممكن نواجهها على ارض الواقع وبدون تنظير..

الدكان - السوبر ماركت
قبل الذهاب الى التسوق لازم يعرف الطفل انو بدنا نشتري كذا وكذا وانو هوي بدو يشتري كذا فقط.. وانو المصاري اللي معنا بتكفي بس لهدول الاغراض..
بس نروح ويجن متل العادة.. لازم ننبهو مرة او مرتين بصوت واطي وصارم وبعدين اضرب طنااااااااااااااااااااااا ش..
وكأنو انطرشو أدنيك ..
نوبة الغضب عند الطفل بتتصاعد بشكل خط بياني بيكون خفيف بعدين بيتصاعد وبيرجع بينزل وبتروح النوبة وبتطول او بتقصر الفترة حسب كل طفل أكتر فترة ممكن تتوقعها هيي عشرين دقيقة الى نص ساعة.. وبيكون بأثناءها الطفل عم يحاول يخليك تحكي معو وتستجيب الو.. وانت بسكوتك بتكون عم توجهلو رسالة واضحة هيي "هادا السلوك غير مقبول وانا ما بسمعك وقت تصرخ"
اذا قطعت سكوتك وحكيت مع الطفل اثناء نوبة الغضب بتكون قطعت الخط البياني وممكن يرجع الطفل بالخط البياني للنقطة اللي بلش منها.. مشان هيك حافظ على سكوتك وحاول تدندن شي غنية بقلبك او تحكي مع زوجتك او مع الاخ التاني اثناء زعيق الولد.. وتعاملو كانو غير مرئي.. يعني اهمال تام..
بالزيارة التانية للسوبر ماركت او للسوق رح تشوف فرق واضح.. وخلال 3 زيارات رح تحس انو هادا الولد غير هداك اللي كان يجي معك من قبل..

بعض النصائح العامة

-اهم شي بتربية الطفل الاتفاق بين الوالدين على الاستراتيجيات والطرق.. وان تكون التعليمات موحدة وواضحة للطفل وأن يعرف الطفل أن الوالدين متفقين تماما بخصوص تربيته

يتبع..

كتير مهمة هالنقطة بنظري
بلاحظ كتير ولاد بيحاولو ياخدون إذن من الأم بعمل شي ولما بترفض بيحاولو فوراً مع الأب لأن عادة بيمرق هيك قصص والعكس صحيح
هالشي كتير غلط لأن بتأثر عموضوع الرسائل يلي ذكرتيها بنفس المشاركة ... الطفل هون ما عم تصلو رسالة واضحة عن المقبول وغير المقبول

وحبيت فكرة المواقف وكيف منواجها :gem: وناطرة الباقي



شكرا ابو النجب.. انت المشجع الوحيد..
:D

:pos:
وأنا مشجعة كمان



:D

كتير مهمة هالنقطة بنظري
بلاحظ كتير ولاد بيحاولو ياخدون إذن من الأم بعمل شي ولما بترفض بيحاولو فوراً مع الأب لأن عادة بيمرق هيك قصص والعكس صحيح
هالشي كتير غلط لأن بتأثر عموضوع الرسائل يلي ذكرتيها بنفس المشاركة ... الطفل هون ما عم تصلو رسالة واضحة عن المقبول وغير المقبول

وحبيت فكرة المواقف وكيف منواجها :gem: وناطرة الباقي





:pos:
وأنا مشجعة كمان



:D
شكرا ساندرا..
اذا شفتي شي خطأ بتمنى انو تساعديني بتصحيحو.. بحكم انو انا عم اعتمد بالغالب على ذاكرتي السمعية.. يعني الموضوع مو منقول..
شكرا الك

تقنية العزل:
بعتبر انو تقنية العزل هيي تقنية كتير مفيدة للأطفال العصبيين خاصة.. الطفل بس يعصب بيكون غير قادر على التواصل.. وما بيسمع شي .. لا خناق ولا مسايرة.. مشان هيك لازم ياخد وقتو ليرجع يهدا..
من جهة تانية لازم الطفل يعرف انو الاهل ما رح يحكو معو اذا كان معصب.. واذا ما كان مهذب..
تقنية العزل بتعني انو يقعد الطفل بغرفة لحالو بدون ما ينقفل عليه الباب بس بيتسكر تسكير.. وبدون ما تطفي الضو..
يعزل الطفل لمدة دقيقة لكل سنة من عمرو يعني اللي عمرو 3 سنين 3 دقائق واللي 4 سنين 4 دقايق............... بعد مرور الفترة بتدخل الى الغرفة واذا كان الطفل هادئ معناها انو هوي مستعد للحديث.. واذا صرخ بوجهك معناتا هوي بحاجة لتكرار فترة العزل مرة تانية.. ممكن بالفترات الاولى تستمر نوبة الغضب مدة 20 دقيقة وانت كل 4 دقائق لازم تفوت وتشوفو اذا سكت وتقلو اذا سكتت منحكي...
- خلال صريخ الطفل والعياط ... لازم يكون كلامك قليل وصارم.. ولا تكتر حكي فوق راسو لأنو هوي ما رح يفهم شي.. خدو على الغرفة بدون ما تعصب وبدون ما تورجيه انو قدر يستفزك..
- قلة الادب والوقاحة تواجه فورا بغرفة العزل وبدون تقديم مبررات مطولة منك.. فقط جملة مقتضبة بتشرح سبب العزل
- بعد ما يهدا الولد بتحاول شرح المشكلة بدون كتر حكي.. وضمة وبوسة بحنية بس بدون ضحك كتير
- تقف بشكل موازي لطول الطفل مو انت واقف وهوي قصير ويضطر يرفع راسو ليشوفك.. ولا تقترب زيادة وقت التوبيخ خلي مسافة لابأس بها بيناتكون.. ولا تفنجر عيونك.. ولاتعيط..
خلي صوتك واطي وصارم..
- في حالات من الشغب بيجوز انت تعتبرها لاتستدعي العزل ممكن انك تواجهها بتجاهل الطفل وعدم اعارتو اي انتباه سلبي او ايجابي يعني طنش على الاخيييييييييييير

تقنية بقعة المزعجين او كرسي المزعجين:
هي التقنية هيي نفس تقنية العزل بالمعنى العام للكلمة.. بس ما بيكون الطفل بغرفة منفصلة.. بيكون على كرسي معين او سجادة صغيرة.. هوي بيعرف مسبقا انو هي السجادة او الكرسي مخصص للاطفال المزعجين.. وكمان لازم الطفل يقعد عليها لمدة دقيقة عن كل سنة من عمرو..
ممكن انو يكون مواجه للحيط.. واذا نزل عن الكرسي لازم يتم ارجاعو مرة تانية حتى لو تكرر نزولو عن الكرسي مرات عديدة..

تقنية البرنامج اليومي..
الطفل على خلاف الراشدين بيحب الروتين.. بمعنى اخر الروتين بيريحو
يجب عمل كرتونة كبيرة فيها الاعمال اليومية ..

وقت الفيقة.. وقت الفطور.. وقت الرسم .. وقت اللعب.. وقت الغدا.. موعد رجعة البابا.. وهيك وأمام كل موعد رسمة رمزية ليفهم الطفل هلكلام شو معناتو يعني موعد الفيقة قدامو صورة شمس ووقت الرسم قدامو الوان..وهيك..
هيدي التقنية كتير يتفيد للأمهات اللي ما بيشتغلو وااطفال اللي ما بيروحو روضة بشكل خاص.. كتير بيكون حلو اذا اشترك الطفل بإعداد اللوحة وهادا بيساعدة على فهم آلية العمل واعتبارها لعبة عم يلعبها..

تقنية النقاط او الوجوه الضاحكة
هيدي التقنية بتعتمد على تجميع الطفل لنقاط لما بيمتنع عن العمل السيء.. عن قول الكلام البذيء او حتى التبول خارج الواليت او بالفراش او اللعب بالاعضاء التناسلية او نكش الانف او حتى قضم الاظافر.. طبعا التقنية تستخدم لحل مشكلة وحدة من هدول المشاكل مو الكل سوا
نقوم بعمل كرتونة ملصقة على الحائط وجدول يقسم حسب ايام الاسبوع وكل يوم 3 اقسام وتلصق وجوه ضاحكة او زعلانة عند قيام الطفل بسلوك جيد او سيء.. ونقوم باعداد الوجوه بمساعدة الاطفال ..
لما بيجمع الولد عدد من الوجوه الضاحكة انت بتحددو بيحصل على هدية صغيرة

ومتل ماتحاكينا عالماسنجر ..انا طبعت هالتقنيات و ازا في استفسار رح خبّرك ....

يسلمو ناي
:D

هلاء بالنسبة لهدول التقنيات ...

بدنا نستعملون مع بعض ...!!

ولا نجرب وحدة وازا فشلت نشوف غيرا ..؟

كلو سوا ابو نجبو

تقنية العزل.. بمواجهة نوبات الغضب

تقنية النقاط متل ما حكيت من قبل بمواجهة المشاكل اللي الها علاقة بالعادة.. يعني قرط الاظافر او مص الاصبع او التبول او الكلمات البذيئة.. بس بهي الحال بدك تختار من هدول المشاكل وحدة.. واذا بتلاقي انو فيك تمرق شي مشكلة مرقها..
انا مثلا بمرق أحيانا لما بتقول بنتي حمار لرفقاتها... وبلاقي الاولوية لمشاكل تانية بشوفها اهم.. وكل أب او ام الو رأي مختلف..

تقنية البرنامج اليومي : كمان فيك تستعملها مع باقي التقنيات

كلو بيمشي مع بعض.. وبيكمل بعض..
وفيك تختار اللي بتشوفو مناسب الك .. انا ما بطبق تقنية البرنامج لأنو ظروفي ما بتساعدني من جهة ولأني فوضوية بطبعي من جهة تانية..
بس لما بتخربط او بتتنازل او تتراجع بتكون هدمت كلشي عملتو وبدك ترجع من الاول.. اهم شي يكون الواحد صارم وحنون بنفس الوقت..

والله خايف أخبّص ...

يعني صرلون كل هالمدّة الماضية بدون توجيه...

وهلاء بدنا نطبق هالتقنيات ...


بتظنّي بيتجاوبو الولاد معهون ...؟

والله خايف أخبّص ...

يعني صرلون كل هالمدّة الماضية بدون توجيه...

وهلاء بدنا نطبق هالتقنيات ...


بتظنّي بيتجاوبو الولاد معهون ...؟
اهم شي تعمل تقنية العزل.. او بقعة المزعجين.. الولاد الكتير عصبيين أحسن يكون العزل بغرفة مو على كرسي..
بعدين شوي شوي.. لانو تبع النقاط والبرنامج بدون رواق.. رغم انو انا شفت ببرنامج سوبر ناني عم يطبقو كل التقنيات سوا

ناي :D


هلا مشان سؤال ابو نجبو
هو صحيح كلما كان التوجيه أبكر .. بيكون أسهل
بس اعتقد هالتقنيات يلي ذكرتا ناي مجدية
وخصوصاً ...
خبيرة التربية جو فروست صاحبة برنامج سوبر ناني
بصراحة فظيعة :? أنا هالبرنامج بشوفو كل مرة بنزل إجازة لسوريا وبيطلع عال ام بي سي 4

في حالات كنت شوف الطفل فيها عن جد خارج السيطرة بس هي من خلال تطبيقها لهالتقنيات كانت فعلاً تأثر فيه
وبالأخير يتجاوب الطفل

و متل ما قالت ناي هالتقنيات بدون رواق


:D

ناي :D


هلا مشان سؤال ابو نجبو
هو صحيح كلما كان التوجيه أبكر .. بيكون أسهل
بس اعتقد هالتقنيات يلي ذكرتا ناي مجدية
وخصوصاً ...

بصراحة فظيعة :? أنا هالبرنامج بشوفو كل مرة بنزل إجازة لسوريا وبيطلع عال ام بي سي 4

في حالات كنت شوف الطفل فيها عن جد خارج السيطرة بس هي من خلال تطبيقها لهالتقنيات كانت فعلاً تأثر فيه
وبالأخير يتجاوب الطفل

و متل ما قالت ناي هالتقنيات بدون رواق


:D

بس ساندرا أول شي بيتعب الواحد كتير لمدة شي اسبوع او عشر أيام .. بس بعدين بيرتاح كتير.. انو يكون عندك طفل هادي ولطيف وحنون ومهذب.. هادا شي ما بيجي الا بعد تعب.. بس بيريحك على المدى الطويل..

هلأ مثلا انا بنوتي الصغيرة.. بغض النظر عن كل فصولها الناقصة.. :pos:
اتعودت من عمر سنة ونص انو بس تفرد ألعابها هيي اللي بدا ترجع تضبهون.. وأحيانا كنا نتقاتل أنا وياها.. وتضل تلك بالالعاب أكتر من ساعتين .. وهيي مزعوجة ومعصبة.. وأحيانا بتعيط.. بس مرة ورا مرة صارت تعرف انو انا مستحيل انا ضبلها ألعابها.. وصارت ما تكركب كتير.. ونفس الشي مع الالوان.. ومع الاواعي..
وهادا الشي ريحني.. لأنو مو منطقي الام تضب ألعاب الولد 5 او ست مرات باليوم.. او انو ضل راكدة ورا فوضاها كل النهار...

ناي :D


هلا مشان سؤال ابو نجبو
هو صحيح كلما كان التوجيه أبكر .. بيكون أسهل
بس اعتقد هالتقنيات يلي ذكرتا ناي مجدية
وخصوصاً ...

بصراحة فظيعة :? أنا هالبرنامج بشوفو كل مرة بنزل إجازة لسوريا وبيطلع عال ام بي سي 4

في حالات كنت شوف الطفل فيها عن جد خارج السيطرة بس هي من خلال تطبيقها لهالتقنيات كانت فعلاً تأثر فيه
وبالأخير يتجاوب الطفل

و متل ما قالت ناي هالتقنيات بدون رواق


:D

رح بلّش فيهون ...

وخبّركون بالتطورات أول بأول ...:lol:

رح بلّش فيهون ...

وخبّركون بالتطورات أول بأول ...:lol:
صحيح ما قلتلنا أنو زوجتك شافت التقنيات.. وشو قالت؟؟ عجبوها؟؟
لانو هيي جزء أساسي..
حلو كتير انو تخبرنا شو عم يصير..
انا متحمسة أعرف..

بس ساندرا أول شي بيتعب الواحد كتير لمدة شي اسبوع او عشر أيام .. بس بعدين بيرتاح كتير.. انو يكون عندك طفل هادي ولطيف وحنون ومهذب.. هادا شي ما بيجي الا بعد تعب.. بس بيريحك على المدى الطويل..

هلأ مثلا انا بنوتي الصغيرة.. بغض النظر عن كل فصولها الناقصة.. :pos:
اتعودت من عمر سنة ونص انو بس تفرد ألعابها هيي اللي بدا ترجع تضبهون.. وأحيانا كنا نتقاتل أنا وياها.. وتضل تلك بالالعاب أكتر من ساعتين .. وهيي مزعوجة ومعصبة.. وأحيانا بتعيط.. بس مرة ورا مرة صارت تعرف انو انا مستحيل انا ضبلها ألعابها.. وصارت ما تكركب كتير.. ونفس الشي مع الالوان.. ومع الاواعي..
وهادا الشي ريحني.. لأنو مو منطقي الام تضب ألعاب الولد 5 او ست مرات باليوم.. او انو ضل راكدة ورا فوضاها كل النهار...


في ولد ما عندو فصول ناقصة !!.. بس فصل عن فصل بيفرق :lol:
يمكن أكبر غلط بيرتكبوه الأهل هو التمريق مشان يخلصو من عياط وصريخ الولد
وبعدا بيتندمو ليش هيك عملو.. بيصير الولد مجلوق وعنيد
بس بيضل كل شي قابل للتصحيح وتتصحح الأخطاء وهنن صغار أحسن من بعدين ...المراهقة مثلا :sick:
أنتي بتعرفي رأيي بتربيتك :D

رح بلّش فيهون ...



:lol:

وخبّركون بالتطورات أول بأول ...:lol:

:gem:

شكرا ساندرا.. هلأ نحنا بشر وما بعرف ليش بحس انو دمنا حامي ومنتوتر بسرعة اكتر من الأجانب..
يعني أحيانا بعصب.. وبرفع صوتي.. وبرجع بندم..
وكمان انا بسمح لبنتي انو تنام جنبي بالليل وهادا شي معروف انو مو منيح وبيأثر على استقلالية الولد بالمستقبل.. بس كمان ما عم تزبط معي..

هلا في كتير ولاد ما بيحبو ينامو لحالون للتعلق بالأهل، الخوف من أنهم يبقو وحيدين ويتركوهم أهلهم، والخوف من الظلام

إذا كان السبب هو الخوف من الظلام
سبق ونزلت موضوع عن برنامج سلوكي للطفل يلي عندو خوف من الظلام

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

حسب اطلاعي عليه حسيتو جيد

ما بعرف إذا كان بيفيدك :D

اي شفتو ساندرا.. وحبيتو .. الحقيق هيي ما عندا مشكلة تجاه العتم.. ونومها جنبي مو بسبب عدم قدرتها على النوم لحالها... المشكلة من عندي .. انا اللي تاركة الموضوع هيك.. وما عم حسسها انو لازم تنام لحالها..

بالنسبة لتقنية العزل أنا تابعتها ببرنامج سوبر ناني بس هنن كانو طالبين انو الغرفة تكون فارغة من أي شي يتسلى فيه الطفل ... صح؟ .
شو الحل شو عملتو انتو لتتجاوزو هالشي؟.
من ناحية تانية النقاط والبرنامج
انا عندي تلات بنات وخفت لو عملت البرنامج والنقاط يصير في منافسة وشوي شوي يوصل لحسد ومشاكل بينهم لذلك توقفت عنو... فشو الرأي عندكم؟؟.
على فكرة شكرا ناي من زمان كان بودي نعمل موضوع نقاش وتبادل خبرة بهالأمر..:D

بالنسبة لتقنية العزل أنا تابعتها ببرنامج سوبر ناني بس هنن كانو طالبين انو الغرفة تكون فارغة من أي شي يتسلى فيه الطفل ... صح؟ .
شو الحل شو عملتو انتو لتتجاوزو هالشي؟.
من ناحية تانية النقاط والبرنامج
انا عندي تلات بنات وخفت لو عملت البرنامج والنقاط يصير في منافسة وشوي شوي يوصل لحسد ومشاكل بينهم لذلك توقفت عنو... فشو الرأي عندكم؟؟.
على فكرة شكرا ناي من زمان كان بودي نعمل موضوع نقاش وتبادل خبرة بهالأمر..:D
أهلا سام..
مشان تقنية العزل مو ضروري تكون الغرف فاضية بس لازم ما تكون مصدر تسلية للطفل..
يعني مثلا غرفة النوم عندي الدروج ما بتقدر تفتحها بنتي.. في بالسوق قطع بلاستيك صغيرة بتمنع الطفل أنو يفتح الدروج .. ومافي برا الدروج أي مكياج او عطر او شي بيخوف او بيلهي.. وبشوف غرفة النوم مكان مثالي.. كنت كمان استعمل البلكون.. لأنو الزريعة عالية وما في شي بيخوف بالبلكون..

النقاط حلوة كتير وبتصير أحلى لما بيكون في اخوات.. خاصة البنات الصغار بيحبو التمثيل والمسابقات اكتر من الصبيان.. وبهي الحالة ممكن ينعمل الجدول جماعي للبنات التلاتة.. ويصير سباق.. بس طبعا الاصغر بيتراعى أكتر من الكبير..
ومشاكل ما بيصير .. انتو بتحددو انو مو الهدف الجكارة الهدف انو كلكون تصيرو كويسين واللي بيجاكر بياخد نقطة سودا..
شو رأيك:D

في متل شائع الصيت بيقول الطبع غلب التطبع

هلئ السؤال هل الطبع سلوك مكتسب أم في شي وراثي

ناطر الرد اي

اهلا جاد..
هلأ الطبع بيغلب مزبوط.. بس نحنا كمان فينا نهذب الطبع اللي ورثو ابننا ..
يعني اذا كان عنيد.. منضل نشتغل عليه لحتى يبطل عند..
واذا كان نكدي او فجعان او غليظ.. كلو بينحل.. وأسوأ شي انو نقول.. "طالع لأمو راسو متل الحيط" او "طالع لخالو بيحب الاكل وفجعان" وهادا الشي بيخلي الولد يقتنع انو الصفة السيئة متأصلة فيه ومنكون هيك عم نكرس هيدي الصفات السيئة عندو
شو رأيك انت؟

عندي أخبار جديدة ...

راجعلكون ...

انشا الله يكون خبر منيح..

اهلا جاد..
هلأ الطبع بيغلب مزبوط.. بس نحنا كمان فينا نهذب الطبع اللي ورثو ابننا ..
يعني اذا كان عنيد.. منضل نشتغل عليه لحتى يبطل عند..
واذا كان نكدي او فجعان او غليظ.. كلو بينحل.. وأسوأ شي انو نقول.. "طالع لأمو راسو متل الحيط" او "طالع لخالو بيحب الاكل وفجعان" وهادا الشي بيخلي الولد يقتنع انو الصفة السيئة متأصلة فيه ومنكون هيك عم نكرس هيدي الصفات السيئة عندو
شو رأيك انت؟

يعني عما إتأكدي إنو الطبع فيه شي وراثي ...طيب يا ريت الزملاء و انتي تتوسعو بالشرح عن الطبع هل هو سلوك مكتسب أو شي وراثي

بلّشنا من اسبوع بالتقنيات ...عمتواجهنا مشاكل بموضوع العزل

العزل عمبيصير لمدّة ربع ساعة لعشرين دقيقة ....هلاء الولاد عمتبكي ..مو مشكلة ...المشكلة انو عمبيخافو كتير

يعني البنت صارت ,وهي نايمة, تصرخ لاتسكرو الباب ..لاتسكرو الباب ...

والصبي ماعمبيحسن ينام الا ازا كنت أنا أو أمّو نايمين جنبو ...عمبيقلي بابا لاتسكّر الباب علي ..بعدين بجي "البوبع" بياكلني .....:cry:

شو اعمل ؟

بلّشنا من اسبوع بالتقنيات ...عمتواجهنا مشاكل بموضوع العزل

العزل عمبيصير لمدّة ربع ساعة لعشرين دقيقة ....هلاء الولاد عمتبكي ..مو مشكلة ...المشكلة انو عمبيخافو كتير

يعني البنت صارت ,وهي نايمة, تصرخ لاتسكرو الباب ..لاتسكرو الباب ...

والصبي ماعمبيحسن ينام الا ازا كنت أنا أو أمّو نايمين جنبو ...عمبيقلي بابا لاتسكّر الباب علي ..بعدين بجي "البوبع" بياكلني .....:cry:

شو اعمل ؟

أخي أبو نجيب الله يصبحك بالخير

العزل شيئ و النوم شيئ أخر أنا من خلال خبرتي أنصح بأن ينام الأطفال مع الأم و الأب و خصوصاً مع الأم و حسب خبرتي من خلال عشقي للأفلام الوثائقية و الأجتماعية خاصة و من خلال مراقبتي عن كثب و بحكم أني عملت لفترى في مجال الشؤون الأجتماعية فقد كنت أتردد على دور الأيتام
من أكثر الأشياء التي لفتت أنتباهي لدى الأيتام أن لكل واحد منهم عادة يمارسها بشكل متكرر مثل ما ذكرت الأخت ناي عن قضم الأضافر و وضع الأصبع في الفم و أشياء أخرى لا تعد و لا تحصى من تصرفات ليست محمودة

يرجح خبراء التربية أن السبب هو فقدان الحنان الدائم لدى الطفل و لا يمكن لأحد أن يمنحه ذلك الحنان غير الوالدين و خصوصاً الأم
فمن عادة الرضيع أن يلتقط أي عضو من والدته و هذا صحي و غير مستغرب دع الطفل ينعم بهذا الحق أثناء بداية النوم فمثلاً أبني محمد كان يحب أن يلتقط دهنة الأذن و ليسى عنده فرق بين أمه أو أبيه أما الثاني فيحب أن يضع يده على الرقبة و لايريد ألا رقبة أمه و لكن لا يريد رقبة أبيه و على رأي الخبراء هذه ظاهرة صحية

و أشكر الأخت ناي على الموضوع و انشاء الله سأشارك في المستقبل

رح احكي عن مجموعة مواقف.. وكيف ممكن نواجهها على ارض الواقع وبدون تنظير..

الدكان - السوبر ماركت
قبل الذهاب الى التسوق لازم يعرف الطفل انو بدنا نشتري كذا وكذا وانو هوي بدو يشتري كذا فقط.. وانو المصاري اللي معنا بتكفي بس لهدول الاغراض..
..

صيح هذا الكلام و لكن لا يمكن أن يأتي من فراغ لأني عانيت من أبني الأول و كنت أشتري له كل ما كنت أتمنى أن يكون عندي كطفل و لكن شراء كل ما يطلب الطفل له أنعكاسات سلبية جداً و لا أتمناها لأبوين أن يعانو منها فلقد تعود الطفل على أن كل أمنية يجب أن تحقق له و هذا حق شرعي له و لا يمكن ان يتنازل عنه بل يصل بالطفل الى التمادي و لا يمكن أن ينفذ أي واجب مدرسي حتى بدون أن يحصل على المكافئة
لذا عندما أذهب الى أي محل و بصحبتي أبني الثاني أتفق معه على أني أحمل نقود و لكني أحببت أن يصطحبني الى السوق و أننا ذاهبون الى السوق من أجل أشياء أخرى هامة و ليسى من أجله بصراحة أنا كثير مرتاح معه في هذا الأسلوب و هو مقتنع و راضي و عندما أشتري له أي لعبة يكون مسروراً بها و يشعرني بأنه سعيداً بها و بنفس الوقت راضً عني و حتى أنه في بعض الأحيان يكتفي بلعبة واحدة و لا يريد أن أشتري له حلوى مع اللعبة هذا الأسلوب يحتاج الى نقاش كثير مع الطفل حتى يصل الى هذه القناعة

بلّشنا من اسبوع بالتقنيات ...عمتواجهنا مشاكل بموضوع العزل

العزل عمبيصير لمدّة ربع ساعة لعشرين دقيقة ....هلاء الولاد عمتبكي ..مو مشكلة ...المشكلة انو عمبيخافو كتير

يعني البنت صارت ,وهي نايمة, تصرخ لاتسكرو الباب ..لاتسكرو الباب ...

والصبي ماعمبيحسن ينام الا ازا كنت أنا أو أمّو نايمين جنبو ...عمبيقلي بابا لاتسكّر الباب علي ..بعدين بجي "البوبع" بياكلني .....:cry:

شو اعمل ؟
ابو نجبو ولك مو ربع ساعة..
انا كتبت انو دقيقة لكل سنة من عمر الولد يعني ابنك 4 سنين بيقعد 4 دقايق ونحنا ما بدنا نخوفو انا قلت فيك تستعمل بقعة الملعونين يعني مو بغرفة على كرسي مثلا وفيك كمان انو ما تسكر الباب المهم الولد يقععد لحالو شوي... بس اذا ضل يقلل أدب وما رضي يعتذر وضل يصرخ ويعصب منكرر الفترة 4 دقائق تانيين..
انا قلت انو فترات تكرار العقوية ممكن توصل مجموعها ل 20 دقيقة وهادا عند الولاد الكتير بيكونو عصبيين شرط انك تفوت كل 4 دقائق لعند الولد وتعطيه فرصة ليعتذر..

انتبه لازم تكون دقيق كتير .. وبعتذر اذا انا ما كنت واضحة.. بتمنى تخلي زوجتك تشوف الموضوع مشان اذا في شي مو مفهوم تسأل هيي كمان..
بوساتي للقرود الحلوين

أخي أبو نجيب الله يصبحك بالخير

العزل شيئ و النوم شيئ أخر أنا من خلال خبرتي أنصح بأن ينام الأطفال مع الأم و الأب و خصوصاً مع الأم و حسب خبرتي من خلال عشقي للأفلام الوثائقية و الأجتماعية خاصة و من خلال مراقبتي عن كثب و بحكم أني عملت لفترى في مجال الشؤون الأجتماعية فقد كنت أتردد على دور الأيتام
من أكثر الأشياء التي لفتت أنتباهي لدى الأيتام أن لكل واحد منهم عادة يمارسها بشكل متكرر مثل ما ذكرت الأخت ناي عن قضم الأضافر و وضع الأصبع في الفم و أشياء أخرى لا تعد و لا تحصى من تصرفات ليست محمودة

يرجح خبراء التربية أن السبب هو فقدان الحنان الدائم لدى الطفل و لا يمكن لأحد أن يمنحه ذلك الحنان غير الوالدين و خصوصاً الأم
فمن عادة الرضيع أن يلتقط أي عضو من والدته و هذا صحي و غير مستغرب دع الطفل ينعم بهذا الحق أثناء بداية النوم فمثلاً أبني محمد كان يحب أن يلتقط دهنة الأذن و ليسى عنده فرق بين أمه أو أبيه أما الثاني فيحب أن يضع يده على الرقبة و لايريد ألا رقبة أمه و لكن لا يريد رقبة أبيه و على رأي الخبراء هذه ظاهرة صحية

و أشكر الأخت ناي على الموضوع و انشاء الله سأشارك في المستقبل
الولد اللي بينام بغرفة لوحدو ما بيكون ناقصو حنان اطلاقا.. الحنان ما بيجي بسبب النوم جنب الام او الاب..
واليتيم بيعاني من نقص حنان بشكل عام بحياتو مو بسبب عدم نومو جنب امو...

الطفل اللي بينام لحالو بيكون مستقل ومتزن عاطفيا وقادر على انو يعمل أمورو بالمدرسة ووقت يكون بعيد عن أهلو بطريقة أفضل من الطفل اللي بينام جنب امو والللي بيعتمد عليها بكل شي..
الحنان بيجي من الضمات والبوسات والوقت النوعي اللي منعطيه لولادنا.. لو كان قليل ربع ساعة لعب.. مصارعة كركرة.. قصة صغيرة.. رسم .. حديث بينك وبينو بيوصل حنان كتير للولد...
ما بعرف شو رأيك؟

أنا ولادي بينامو بأوضة لحالهن، بس أنا ببقى جنبون لحتى يغفو، وأحيان بيعيطولي بالليل بس ليمسكو ايدي دقيقة ويرجعو ينامو، وأنا عم لاقي هالشي أحسن بكتير من أنو ينامو جنبي لأنو أصلاً صعب نام جنب تنين بنفس الوقت، وفعلاً متل ما قالت ناي الولد بحاجة أنو يحس أنو أهلو مهتمين فيه، وعم يسمعوه وهالشي ما إلو علاقة بالوقت اللي بيقضوه معو وإنما بنوعية هالوقت.
بس أنا مشكلتي أنو بنتي عنيدة كتير، وأنا بالي مانو طويل كتير، ومن أنو بعرف أنو لازم طول بالي ما عم أقدر شو بعمل؟؟ :cry:

أنا ولادي بينامو بأوضة لحالهن، بس أنا ببقى جنبون لحتى يغفو، وأحيان بيعيطولي بالليل بس ليمسكو ايدي دقيقة ويرجعو ينامو، وأنا عم لاقي هالشي أحسن بكتير من أنو ينامو جنبي لأنو أصلاً صعب نام جنب تنين بنفس الوقت، وفعلاً متل ما قالت ناي الولد بحاجة أنو يحس أنو أهلو مهتمين فيه، وعم يسمعوه وهالشي ما إلو علاقة بالوقت اللي بيقضوه معو وإنما بنوعية هالوقت.
بس أنا مشكلتي أنو بنتي عنيدة كتير، وأنا بالي مانو طويل كتير، ومن أنو بعرف أنو لازم طول بالي ما عم أقدر شو بعمل؟؟ :cry:
اي تماما هادا الحكي المزبوط.. هيك تماما سمعت كذا مرة من المختصين انو اذا نادى الولد منروح لعندو شوي ومنرجع بس يغفى..
قصة طولة البال كلياتنا هيك.. منعمل شغلات منعرف انو غلط ومنضل نعملها.. ومنطلع عن طورنا ومنعيط كمان ومنرجع منندم.. انا بحس انو بعمل اللي فيني عليه واذا طلعت عن طوري أحيانا.. بحس انو عادي.. وبتصير مع ايا حدا فلا تزعلي..

ابو نجبو ولك مو ربع ساعة..
انا كتبت انو دقيقة لكل سنة من عمر الولد يعني ابنك 4 سنين بيقعد 4 دقايق ونحنا ما بدنا نخوفو انا قلت فيك

لك شو 4 دقايق ..!! اي لبين مايفهم ليش بدّو يدخل عالغرفة بدّو ربع ساعة ....:sick:

تستعمل بقعة الملعونين يعني مو بغرفة على كرسي مثلا وفيك كمان انو ما تسكر الباب المهم الولد يقععد لحالو شوي... بس اذا ضل يقلل أدب وما رضي يعتذر وضل يصرخ ويعصب منكرر الفترة 4 دقائق تانيين..
انا قلت انو فترات تكرار العقوية ممكن توصل مجموعها ل 20 دقيقة وهادا عند الولاد الكتير بيكونو عصبيين شرط انك تفوت كل 4 دقائق لعند الولد وتعطيه فرصة ليعتذر..

اها ....
رح نجرب ...

انتبه لازم تكون دقيق كتير .. وبعتذر اذا انا ما كنت واضحة.. بتمنى تخلي زوجتك تشوف الموضوع مشان اذا في شي مو مفهوم تسأل هيي كمان..

اي اي زوجتي عمبتابع الموضوع أكيد ...
أصلاً انا أغلب الوقت بالشغل ..هي اللي عمتنقلّي الاخبار ...:lol:

بوساتي للقرود الحلوين
وصل ....:D

الولد اللي بينام بغرفة لوحدو ما بيكون ناقصو حنان اطلاقا.. الحنان ما بيجي بسبب النوم جنب الام او الاب..
واليتيم بيعاني من نقص حنان بشكل عام بحياتو مو بسبب عدم نومو جنب امو...

الطفل اللي بينام لحالو بيكون مستقل ومتزن عاطفيا وقادر على انو يعمل أمورو بالمدرسة ووقت يكون بعيد عن أهلو بطريقة أفضل من الطفل اللي بينام جنب امو والللي بيعتمد عليها بكل شي..
الحنان بيجي من الضمات والبوسات والوقت النوعي اللي منعطيه لولادنا.. لو كان قليل ربع ساعة لعب.. مصارعة كركرة.. قصة صغيرة.. رسم .. حديث بينك وبينو بيوصل حنان كتير للولد...
ما بعرف شو رأيك؟

أختي الكريمة نحن هنا نتحدث عن الطفل في فترة الرضاعة الى سن الثلاث سنوات و النوم طوال الليل بجانب الطفل هو في فترة الرضاعة فقط و كلما كبر الطفل تتقلص المدة تدريجياً حتى يصل الى النوم وحيد في الغرفة و هذه المدة متفاوتة على حسب وعي الطفل و أمكانية الوالدين على منح الطفل الأستقلال و أبني الصغير يمتلك غرفة خاصة به منذو أن كان عمره الخمس سنوات أقتداء بأخيه فهو يريد أن يكون مستقل مثل أخيه و له الخصوصية في الألعاب لأن الفارق بين الأخوين كبير و هي 7 سنوات

العزل شيئ و النوم شيئ أخر أنا من خلال خبرتي أنصح بأن ينام الأطفال مع الأم و الأب و خصوصاً مع الأم و حسب خبرتي من خلال عشقي للأفلام الوثائقية و الأجتماعية خاصة و من خلال مراقبتي عن كثب و بحكم أني عملت لفترى في مجال الشؤون الأجتماعية فقد كنت أتردد على دور الأيتام
من أكثر الأشياء التي لفتت أنتباهي لدى الأيتام أن لكل واحد منهم عادة يمارسها بشكل متكرر مثل ما ذكرت الأخت ناي عن قضم الأضافر و وضع الأصبع في الفم و أشياء أخرى لا تعد و لا تحصى من تصرفات ليست محمودة

صحيح كلامك ...
هلاء الولاد أول شي بينامو بغرفتون ...بس بالليل بيفيقو و بيجو لعندنا بينامو ....هالعادة يومية تقريباً ...
هلاء ابني كان ينام لحالو ...بس لما حاولنا نطبّق العزل المشار اليه بالتقنية ...صار يخاف و يرفض ينام لحالو
بعتذر ابو محمد ماانتبهت عالرد بالاول ....
:D

و أبني الصغير يمتلك غرفة خاصة به منذو أن كان عمره الخمس سنوات أقتداء بأخيه فهو يريد أن يكون مستقل مثل أخيه و له الخصوصية في الألعاب لأن الفارق بين الأخوين كبير و هي 7 سنوات
خزيت العين ... شأد عمرك البركة :?

صحيح كلامك ...
هلاء الولاد أول شي بينامو بغرفتون ...بس بالليل بيفيقو و بيجو لعندنا بينامو ....هالعادة يومية تقريباً ...
هلاء ابني كان ينام لحالو ...بس لما حاولنا نطبّق العزل المشار اليه بالتقنية ...صار يخاف و يرفض ينام لحالو
بعتذر ابو محمد ماانتبهت عالرد بالاول ....
:D


خزيت العين ... شأد عمرك البركة :?

هههههههه

مو أنالكون أني ختيار و مهرهر :lol:

لأنو حضرتك .. عملتلو رعب للولد .. عم تجرب فيه ؟؟؟:cry:
العزل مشان يفكر لحالو ويعرف انو اللي عملو غلط مو مشان نخليه يفكر انو نحنا كرهانينو....
ومو لازم وقت بدك تعزلو تكون انت عم تعيط وتصرخ عليه.. عادي امسك ايدو واشراح بصوت واطي.. حتى لو هوي كان عم يصرخ وما سمع معليش انت لا تعيط..
واذا ما مشي معك حملو على الغرفة بس لا تجرو ولا تعصب خليك هادي مشان ما يخاف منك..
وبرجع بكررلك ابو نجبو لا تسكر الباب اذا عم يخاف واوعاك تطفي الضو .. والله زعلت عليه يمكن عم يسب عليي الولد .. :cry:

ما عم أتخيل حالي بهالمواقف :sick:

ما عم أتخيل حالي بهالمواقف :sick:
لا تخيلي تخيّلي....:cry:

نحن السابقون و انتم اللاحقون ....


بس اش بدّك بالحكي ....

لمّا بيكونو مروّئين ...

بيجننّو ....:sosweet:

لأنو حضرتك .. عملتلو رعب للولد .. عم تجرب فيه ؟؟؟:cry:
العزل مشان يفكر لحالو ويعرف انو اللي عملو غلط مو مشان نخليه يفكر انو نحنا كرهانينو....
ومو لازم وقت بدك تعزلو تكون انت عم تعيط وتصرخ عليه.. عادي امسك ايدو واشراح بصوت واطي.. حتى لو هوي كان عم يصرخ وما سمع معليش انت لا تعيط..
واذا ما مشي معك حملو على الغرفة بس لا تجرو ولا تعصب خليك هادي مشان ما يخاف منك..
وبرجع بكررلك ابو نجبو لا تسكر الباب اذا عم يخاف واوعاك تطفي الضو .. والله زعلت عليه يمكن عم يسب عليي الولد .. :cry:
:lol:
لا شو يسبّ خالتو ....بس هو عمبيعبّر عن قلقو العميق من القوانين الجديدة ....

خلص خلص ...رح اعمل متل ماقلتي...

تقنية العزل بتجيب نتيجة، أنا مجربتا مع ابني الكبير، ومشي حالو بسرعة، بس القصة بتتعلق بطبع الولد، يعني مع بنتي الصغيرة لأنها عنيدة وتنحة ما كتير مشي الحال لأنو بدا وقت أكتر وطولة بال وقدرة على ضبط الأعصاب لحتى يمشي حالا، وأنا يوم بقدر أعمل هيك وكذا يوم بعصب وببلش عيط، يا بروح بنام وبترك أبوها يتفاهم معها :cry: .
هو أهم شي نعود الولد يحكي ويعبر عن يللي عم يحسو.
ابني هلأ صار عمرو ست سنين وبلش يشوف أحلام بتخوّف، بس لما شجعتو يحكيلي شو عم يشوف (الله يلعن برامج الmbc3) قدرت فهمو الفرق بين الأحلام والواقع وبين أفلام كرتون والواقع، صحيح الأحلام بتضل تجي بس صار تأثيرا أخف وبيكفي أنو اقتنع أنو ما بقى يشوف هالكرتون يللي عم يرعبو..

تقنية العزل بتجيب نتيجة، أنا مجربتا مع ابني الكبير، ومشي حالو بسرعة، بس القصة بتتعلق بطبع الولد، يعني مع بنتي الصغيرة لأنها عنيدة وتنحة ما كتير مشي الحال لأنو بدا وقت أكتر وطولة بال وقدرة على ضبط الأعصاب لحتى يمشي حالا، وأنا يوم بقدر أعمل هيك وكذا يوم بعصب وببلش عيط، يا بروح بنام وبترك أبوها يتفاهم معها :cry: .
هو أهم شي نعود الولد يحكي ويعبر عن يللي عم يحسو.
ابني هلأ صار عمرو ست سنين وبلش يشوف أحلام بتخوّف، بس لما شجعتو يحكيلي شو عم يشوف (الله يلعن برامج الmbc3) قدرت فهمو الفرق بين الأحلام والواقع وبين أفلام كرتون والواقع، صحيح الأحلام بتضل تجي بس صار تأثيرا أخف وبيكفي أنو اقتنع أنو ما بقى يشوف هالكرتون يللي عم يرعبو..
يحرق ديبون أفلام الكرتون .. خليه يشوف نيكولوديان.. او الجزيرة او براعم.. براعم احلى شي بس يمكن كبر عليها شوي.. قناة براعم لعمر بين ال 3 الى 5 سنين بتحط كرتون من ال bbcومن شركات اوروبية محترمة كتير.. مو متل mbc3كلو ياباني.. وتجاري..
وبلكي عم يلعب العاب كومبيوتر فيها قتل ودم كمان يمكن بيأثر..

اذا بتسمحولي ناقش النوم جنب الولد:
بالنسبة الي ومن وقت ما كان رضيع وبعد اول شهر صار ينام لوحدو بتخت صغير لكن بنفس غرفتنا, بعد فترة السنة تقريبا بينتقل لغرفة تانية, يعني الا ما ندر او بوقت يون مريض وهالشي مشاننا نحنا مو مشانو يعني اريح رغم انو بيصير بعد فترة يتمارض لينام بجنبنا.
طبعا امر النوم ما دخلو بالحنان ابدا يعني مو النوم بجنبي بيعطيه الحنان, تعاملي معو طول النهار هو يلي بيعطيه الحنان. قبلة لما بيعمل شي منيح او ضمة لما بيكون زعلان , او ضمة بعد ما يعتذر هلشي كلو تاثيرو أكبر من وقت النوم .
منرجع للتقنيات انا صراحة ما بديت فيها مظبوط رغم انو منطبقها بشكل غير مباشر لكن هي لازمها تفرغ وهدوء وتنظيم بتعطي نتائج خلال اسبوع ... فشدوا همتكم وشدولي همتي معكم .

اذا بتسمحولي ناقش النوم جنب الولد:
بالنسبة الي ومن وقت ما كان رضيع وبعد اول شهر صار ينام لوحدو بتخت صغير لكن بنفس غرفتنا, بعد فترة السنة تقريبا بينتقل لغرفة تانية, يعني الا ما ندر او بوقت يون مريض وهالشي مشاننا نحنا مو مشانو يعني اريح رغم انو بيصير بعد فترة يتمارض لينام بجنبنا.
طبعا امر النوم ما دخلو بالحنان ابدا يعني مو النوم بجنبي بيعطيه الحنان, تعاملي معو طول النهار هو يلي بيعطيه الحنان. قبلة لما بيعمل شي منيح او ضمة لما بيكون زعلان , او ضمة بعد ما يعتذر هلشي كلو تاثيرو أكبر من وقت النوم .
منرجع للتقنيات انا صراحة ما بديت فيها مظبوط رغم انو منطبقها بشكل غير مباشر لكن هي لازمها تفرغ وهدوء وتنظيم بتعطي نتائج خلال اسبوع ... فشدوا همتكم وشدولي همتي معكم .
بخصوص النوم جنب الطفل اانا معك تماما .. انو مو بس انا معك.. هادا هوي التصرف المثالي ..

مشان التقنيات .. هيي بدها رواق.. بس اذا انت عندك مشكلة بالتعامل مع الطفل وطبقت التقنيات ولو شوي شوي وعلى مهل بترتاح كتير على المدى الطويل متل ما صار معي ومع حلبي بخصوص الروحة على السوق.. يعني بدل ما كل مرة نتقاتل ونعمل صرعة.. متعب 3 او 4 مرات وبعدين منرتاح ..

هو الموضوع بدو استمرارية ومتابعة وروتين، الروتين كتير مفيد لأنو الولد بيتعود عليه وبصير يتجاوب بسرعة أكتر، بس المشكلة أنو إلا ما يضطر الواحد يكسر هالروتين ببعض الأوقات وبيرجع يتعذب ليرجع للروتين.
موضوع أفلام كرتون والتلفزيون بشكل عام كتير مهم، أنا فعلاً لاحظت فرق لما بطل ابني يشوف أفلام الضرب والمعارك وهالشغلات، بس مو كتير سهل نلاقي أشيا يحضرا. براعم قدمتلي حل كتير منيح من وقت ما لقيتها من شي شهرين، نيكلوديون مو كل برامجا منيحة يعني متل mbc3 فيها برامج جونيور بتنحضر متل دورا وأوبي وغيرا بس فيها برامج تانية بتعلم كتير أشيا سيئة، حالياً عم اعتمد على براعم وعلى DVD لأنو بحب يحضرو أفلام بالفرنسي والانكليزي لأنو بتساعدون بالمدرسة.