اي براعم حلوة كتير.. بنتي عمرا 3 سنين ونص وصايرة بتحكي بالفصحى.. صحيح حكيها مكسر بالفصحى بس حلو كتير.. والحلو كمان انو صرت بس اقرالها قصة تفهم عليي بدون ما ترجم للعامية..
واتعلمت مفاهيم الكبير والصغير والمين واليسار والبعيد والقريب والارقام واسماء الحيوانات واولادهون واصواتهون.. واتعلمت كمان تقنيات جديدة بالرسم وطرق جديدة لتستعمل ألوانها.. شغلات كتير كتير حلوة..
وحسيتها صايرة بتطبخ لحالها وبتحكي مع العابها بالفصحى.. بالمختصر براعم ضافت شي حلو كتير لبنتي..

ابني وبنتي كمان صارو عم يحكو فصحى منيح، وأنا كان عندي مشكلة معون بلفظ الحروف العربية، لأنو متل ما بتعرفو بلبنان مدري ليش عندون أزمة خصوصاً مع حرف القاف اللي كتير بيقولوه كاف، بالإضافة للمشاكل تبع المؤنث والمذكر والمثنى، لأنو بيدرسو أغلب المواد بالفرنسي والعربي بيدرسوه كمادة متل هالمواد مو كلغة رئيسية، بس مع براعم صار الموضوع أسهل.

بس مع براعم صار الموضوع أسهل.
ايه ..!!

و اللي عندو براعم صينية ..شو يساوي مثلاً...



ياترى براعم الها موقع عالانترنت شي !!

رح بحبش ...

شكرا كتير على تثبيت الموضوع.. :ohyeah:
وبشكر كتير رفقاتي الاباء والامهات على المتابعة..

رح كمل بكم تقنية لاحقا..

الحمد لله أن الموضوع ثبت و البركة في الأخوى الطيبين

بلنسبة الى مشاهدة القنوات الفضائية للأطفال أنا عندي كتير هامة لأن الجو عندنا غاية في البرودة يعني اليوم عندنا وصلت درجة البرودة الى 25 درجة مأوية تحت الصفر هنا نعاني من مشكلة كبيرة جداً بلنسبة الى الأولاد من ضجر المكوث في البيت لا يمكنهم الخروج و لا حتى التزلج على الجليد بسبب هذه البرودة و يمكن أن تأدي الى أمراض نحن بغنى عنها حتى أنهم لا يذهبون الى النادي بسبب أن الجسم يعرق أثناء التدريب و المشكل عند العودة الى البيت مع أن الصالة لا تبعد 50 متر عن العمارة لذا يجب التحلي بالصبر حتى ينقشع الجليد
أذاً لا مفر من البحث عن البديل ألا و هو التلفاز أو الحاسوب و النت تلعب دوراً هاماً في البديل
لدى الناس عندنا نهفة جديدة ألا و هي الفيسبوك ففي هذا الموقع يوجد لعبة أسمها المذرعة و بدء الأولاد و زوجتي باللعب في هذه المزرعة و هناك تنافس بين الجيران و وصل أبني الصغير الى المرحلة ال30 في اللعبة لست أدري الا أني أرى أن في هذه اللعبة شيئ قريب من الواقع فهي تحث الاعب على الزراعة و توسيع المزرعة و حتى أن كثير من الأطباء العرب مشتركين في هذه اللعبة و يمارسونها أثناء المناوبة في المشفى

بصراحة الأولاد سعيدين بهذه اللعبة و أعجبني شيئ في هذه اللعبة جداً ألا و هو أنك يمكن أن تذهب الى مزرعة جارك و تقوم ببعض الأعمال التي تحتاجها المزرعة و عندما تنتهي من العمل تحصل على مكافئة وذلك يزيد من رصيدك المالي

المهم أريد رأي الأخوى و الأخوات في هذه الخطوة

هيي اللعبة حلوة حلبي.. أخبي بيحبها وبيلعبها على الفيس بوك..

بس ما بعرف أديش عمرو ابنك الكبير .. انا ما بحس انو لازم ينسمح للولاد يعملو حساب على الفيس بوك قبل عمر ال 17 او 18 ولا حساب بأي موقع تعارف تاني.. وهادا لازم يكون شي مهم كتير ببالنا..

هيي اللعبة حلوة حلبي.. أخبي بيحبها وبيلعبها على الفيس بوك..

بس ما بعرف أديش عمرو ابنك الكبير .. انا ما بحس انو لازم ينسمح للولاد يعملو حساب على الفيس بوك قبل عمر ال 17 او 18 ولا حساب بأي موقع تعارف تاني.. وهادا لازم يكون شي مهم كتير ببالنا..

محمد عمرو 14 سنة و لكن تسجيلو في الفيس بوك عادي جداً عندنا لأن الشلة التي يتواصل معها هي من طلاب المدرسة و الأقرباء و يوجد مراقبة صارمة من قبل زوجتي و حتى أننا نتدخل في كل شيئ الكبيرة و الصغير

و لولا أني شاهدة فيلم وثائقي على الجزيرة وثائقية و كان الفيلم يحذر الأباء من أستخدام النت من دون مراقبة من قبل الأولاد و كيفية المراقبة لما سمحت لمحمد أن بستخدام الفيس بوك

أما عن الصغير فأنه يستخدم اللعبة فقط و لا يتفاعل مع أحد ألا مع الجيران و الأقرباء من خلال اللعبة

أختي الكريمة

نحن هنا في الغربة حالة أستثنائية لذا يوجد فراغ كبير و يمكن المرء أن يتحكم في الحياة العائلية بطريقة أسهل من بلادنا
و يمكن أن تضع برنامج لحياتك كما ترى أنه مفيد لك و لا نعاني من تطفل الأهل أو الأقرباء أو حتى الجيران فالأستقلالية في الحياة متوفرة بشكل ممتاز
كم أتمنى أن أرى شعبي في بلادنا أبتعد عن القيل و القال و تركه مالا يعنيه و أن يلتفت كل منا الى ما هو أهم ألا و هو بناء الحياة الأسرية أولاً و من ثم العمل و باقي المجالات كلُ شخص على حسب توجهه و أختصاصه

مو بس بالغربة، وين ما كان صارو الولاد محبوسين بالبيت بأغلب الأحيان، يمكن بالغربة على القليلة بتلاقي أماكن مخصصة للأولاد تاخدون عليها، لو حتى متاحف، بس هون ما محل يروحو عليه. بس موضوع شو بيشوفو على التلفزويون وعلى الانترنت موضوع معقد كتير، لأنو ممكن يفيدون كتير وممكن يضرون كتير، والأصعب أنو تحس أنو القرار اللي بدك تاخدو ممكن يغير شخصية أبنك بشكل كتير كبير

لك يسلمو حبيبتي ناي:lol:
كتير انبسطت بهالموضوع وضليت اقرا فيه كلمة كلمة لخلصتو كلو
عن جد موضوع قيم كتير كان لازم بحبش عليه من الأول
على كل انا عندي بنوتة عمرا سنتين ونص كتير عنيدة وتنحة وعصبية وانا كنت دايما بحضر سوبر ناني وعبطبئ فيه تقنيات العزل والتطنيش اثناء نوبات الغضب
وعندي صبي عمرو سنة بنتي لما بتعصب من شي او انا بعاقبا لما احرما من شغلة بتروح بتضربو ولما قلها تقلو اسفة وتبوسو ما بترضى ابدا
هالبنت تنحة كتير مدري لمين طالعة
بس انا حاسة انو المشكلة ابوها اللي بدللها كتير وشو ما بدها بيعطيا خصوصي لما نروح عالسوء
عن جد ترباية الولاد صعبة كتير
الله بعين
بس بدي اعرف كيف كان آبائنا ايام زمان يجيبو ولاد كتير ؟؟؟

انا متابعة هالموضوع كلو وحابة نحن الآباء كلياتنا نستفيد من خبرات بعضنا البعض..:lol:

لك يسلمو حبيبتي ناي:lol:
كتير انبسطت بهالموضوع وضليت اقرا فيه كلمة كلمة لخلصتو كلو
عن جد موضوع قيم كتير كان لازم بحبش عليه من الأول
على كل انا عندي بنوتة عمرا سنتين ونص كتير عنيدة وتنحة وعصبية وانا كنت دايما بحضر سوبر ناني وعبطبئ فيه تقنيات العزل والتطنيش اثناء نوبات الغضب
وعندي صبي عمرو سنة بنتي لما بتعصب من شي او انا بعاقبا لما احرما من شغلة بتروح بتضربو ولما قلها تقلو اسفة وتبوسو ما بترضى ابدا
هالبنت تنحة كتير مدري لمين طالعة
بس انا حاسة انو المشكلة ابوها اللي بدللها كتير وشو ما بدها بيعطيا خصوصي لما نروح عالسوء
عن جد ترباية الولاد صعبة كتير
الله بعين
بس بدي اعرف كيف كان آبائنا ايام زمان يجيبو ولاد كتير ؟؟؟

انا متابعة هالموضوع كلو وحابة نحن الآباء كلياتنا نستفيد من خبرات بعضنا البعض..:lol:

اي وانا متلك بعاني من دلال زوجي لبنتي.. وهي مشكلة كبيرة.. لما ما بيكونو الطرفين متفقين على طريقة معينة بيضيع الولد.. وماعاد يعرف شو الرسائل اللي مفروض يلتزم فيها..

الحقوني يا جماعة
عندي مشكلة كبيرة مع بنتي:cry:

شكرا كتير على تثبيت الموضوع.. :ohyeah:
..

الشكر الك وللبقية ولكل أب وأم قاموا بإغناء الموضوع

:akh:


ممتع جداً متابعة ردودكم كأهل والاستفادة من خبراتكم عدا عن موضوع التقنيات المطروحة
وكمان هيك الواحد بيحضر حالو وبياخد فكرة عاللي ناطرو :cry:


:D

الحقوني يا جماعة
عندي مشكلة كبيرة مع بنتي:cry:


هاتي بسرعة..

هاد يا ستي رحنا عند بيت سلفتي وعندا ولد عمرو 3 سنين متعلم عادة بشعة مدري من وين ؟وهي عادة" التبزيق " العفو منكن
يعني اذا الواحد زعجو بقلو تفو عليك وبطالع اللعاب من تمو
المهم بنتي الحلوة لقطت هالشغلة منو وصارت كل ما عاقبا او انهيا عن شي بتقلي اياها وبتطالع اللعاب طبعا
اكيد فهمتو عليي
المهم جربت معها العزل والحرمان من اشياء بس ما نفع معا
والل يزعجني انو اخوها اللي عمرو سنة اتعلم منها هالعادة كمان وصار يبزق
ومن يومين رحنا لعند جماعة عندن ولد بعمر بنتي .. اتقاتل هوة وبنتي وبنتي صارت تبزق عليه وهوة اتعلم منها هالعادة كمان...
والله شي بجنن
فكرت استخدم معها الفليفلة الحدة بس قلت لحالي حرام لساتا زغيرة
والله احترت معا شو اعمل؟؟؟؟
افيدوووووووووني:cry:

جربي طريقة التجاهل، يعني بس تعمل هيك ما تتطلعي فيها ولا تنفعلي بس عبسي شوي وما تعودي تحاكيها متل العادة، غالباً العنيد هي الطريقة بتنفع معو أكتر من العزل، وفيكي تبلشي تحرميها من بعض الأشيا اللي بتحبا بالتدريج وبكل هدوء (إذا قدرتي تضبطي أعصابك :cry:)، أنا بنتي هالطريقة بتفيد معا بس كون أنا هادية. وكمان أحيان وقت مثلاً ما تقبل تعمل شي بقلا أنو ممنوع تعملو بتقوم بتعملو.. يعني هي غالباً ما بتقبل تفوت عالحمام وقت قلا تفوت مشان هيك هلأ بقلا ممنوع تفوتي عالحمام بتقوم بتفوت!!!

هوي بالعادة لما الولد بيتعلم هيك شغلة.. بيكون انو نخلص منها ببدايتها كتير سهل.. وهادا الشي بأنو نطنش الولد وما نورجيه انو اللي عملو لاهوي حلو ولا هوي بشع.. لأانو الطفل بيعجبو انو نحنا استغربنا تصرفو .. او عصبنا وهوي بيكون عاجبو انو عم يلفت نظرنا..
فبيكون الحل بأنو نطنش.. وما نهتم فيه لما بيعمل هي الشغلة.. وهادا مفيد لابنك اللي عمرو صغير .. لا تهتمي بالموضوع منوب..

اما البنوتة الكبيرة.. ولأنو متل ما هوي واضح العادة تكونت عندها وخلصت ..فيكي تستعملي معها طريقة النقاط.. انو منقسم اليوم ل 3 أقسام صبح وظهر ومسا اذا ما بزقت الصبح رح نعطيها وجه ضاحك.. واذا بزقت منعطيها وجه زعلان.. واعملي انتي وياها الكرتونة تبع الوجوه.. .. وعطيها هدية آخر النهار او لاتعطيها حسب النتيجة
واذا حسيتي عليها انو صرلها كم ساعة ما بزقت.. جنني حالك وفرحي كتير وضميها وامدحيها وقوليلها انو برافو عليكي لأنو ما عاد بزقتي.. واتفقي معاها انو لازم نخلي أخوكي الصغير يبطل هي العادة البشعة.. مشان ما يقرفو منو رفقاتو.. وخليها تراقب الصغير وتخبرك اذا بزق وتحطلو وجه زعلان لانو بزق..
البنات بيحبو هي المسرحيات.. وهي القصص .. واذا مر يومين بدون ما تبزق فمعناتا أكيد خلصت المشكلة..

هاد يا ستي رحنا عند بيت سلفتي وعندا ولد عمرو 3 سنين متعلم عادة بشعة مدري من وين ؟وهي عادة" التبزيق " العفو منكن
يعني اذا الواحد زعجو بقلو تفو عليك وبطالع اللعاب من تمو
المهم بنتي الحلوة لقطت هالشغلة منو وصارت كل ما عاقبا او انهيا عن شي بتقلي اياها وبتطالع اللعاب طبعا
اكيد فهمتو عليي
المهم جربت معها العزل والحرمان من اشياء بس ما نفع معا
والل يزعجني انو اخوها اللي عمرو سنة اتعلم منها هالعادة كمان وصار يبزق
ومن يومين رحنا لعند جماعة عندن ولد بعمر بنتي .. اتقاتل هوة وبنتي وبنتي صارت تبزق عليه وهوة اتعلم منها هالعادة كمان...
والله شي بجنن
فكرت استخدم معها الفليفلة الحدة بس قلت لحالي حرام لساتا زغيرة
والله احترت معا شو اعمل؟؟؟؟
افيدوووووووووني:cry:


على أولت المصريين طناااااااش
هذه من البديهات لدى الأطفال
للتخلص من هذه العادة السيئة و العادات الأخرى لدى الأطفال

الخطوة الأولى
1 - اللامبالاة و هكذا تشعرين الطفل بأن ما يقوم به ليسى له مكان من الأهتمام

2 - في البداية يمكن أن تناقشي الطفل بأن هذه العادة ليست جيدة و تحاولي أن تقنعيه بذلك

3 - أذا فشلت المحاولة دعي الطفل يروي فضوله في الأستمتاع في تنفيذ هذه العادة حتى يمل منها من تلقاء نفسه

4 - تظاهري بأن هذه العادة لا تأثر بكي و كأنها لم تحدث

5 - بعد مدة و يمكن أن تطول الى العشرة أيام و بعد تركها تفعل ما تريد يمكن النقاش معها و بهذه الحالة الطفلة تكون قد ملت منها و تبحث عن شيئ أخر بديل لكي تلفت الأنتباه من حولها

هنا تقومين بدورك بأقناعها و هذه هي أسهل الحلول مع المراعات لشعور أن الطفل تريد أن يكون له وجود مأثر حتى و لو كان سلبي فهو لا يميز بينهما

لك تسلمولي يا حئ مروش وناي وحلبي
ان شاء الله راح ساوي باللي قلتوه وراح خبركن شو بصير معي اول باول
الله يعطيكن الف عافية يا حئ
هيك انا عرفت انو عندي اخوة هون بأخوية بساعدوني وهاي وردة لكل واحد منكن :D:D:D

هاي جيتكن بالأخبار الطيبة:lol:
انا عملت متل ما قلتولي التطنييييش
وفاد كتييييييييييييير
اتصورو من مبارح لليوم ما كررت هالعادة غير مرتين مع انو كانت عالطالعة والنازلة تقلي اياها....
وفهمتو هالاسلوب لزوجي وصار يساوي متلي كمان ونطنش
وقعدت معا وفهمتا انو عيب ولازم ما نخلي اخوا يعمل هيك كمان
وان شاء الله على نهاية الاسبوع راح جيب لوحة وارسم وجوه ضاحكة وحزينة مشان تتعدل بنتي عالتمام
هالتقنية كتير كويسة وانا حضرتا مرة ببرنامج سوبر ناني
يسلمو ناي
بنتي ذكية كتير ولما كانت تعمل هيك كنت عصب وصرخ عليها انو عيب ومن هالحكي وعاقبا وكنت بينلها اني مغتاظة منها لما تعمللي هيك
وهلأ لما صرت طنشا عرفت انو هالعادة ما بتهمني وانا ما بنغاظ لما تعمللي هيك
عن جد المشكلة كانت فيي ما كنت قدرانة اتعامل معها
بقولو اول ولد مدرسة للأم والأب..
يسلمووووو كتييييييييييييييييير كتيييييييييييييير
مروش وناي وحلبي تسلمولي والله:D:lol: