الجرأة في المسلسلات السورية .. لوين ؟ [الأرشيـــــف]

saman

08/09/2009, 01:00

مرحبن ... :D

هاد الموضوع كان بدي افتحو من زمان .. يمكن من وقت مسلسل "و شاء الهوى "...:pos:

انو يا عمي هاد المشهد يلي البنت بتروح على بيت رفيقها بكل حرية وبتتسطح عندو وبتغنيلو وما بعرف شو كمان ... اوك ... هاد المشهد صار اعتيادي تقريباً !:?

بس هلأ ... رح أعطي مثال ... مسلسل " عن الخوف والعزلة " ... بسمة بتروح عن رفيقها عالبيت ليمارسوا الجنس .. بكل طبيعية ... ولا كأنو اغلب المجتمع السوري بيعتبر هالشي غلط !:?

هي غير المناظر المؤثرة ... يلي بيقشواها من آخرها وبكل وضوح بتبين انو هالشب كان عم يبوس هالصبية !:pos:
وغير يلي قاعدة بحضن هاد .. وهاد قاعد بحضنها ! :?
طبعن الرقاصات موضوع قديم وشبه اعتيادي صار !:sick:
وغير مناظر اللبس القصير يلي يلي بكتير من الاحيان لا يسمى لبس !:shock:

طبعن مو بس بهالمسلسل .. بس ملاحظين لوين وصلت الجرأة مع المخرجين السوريين ؟:jakoush:

ملاحظين .. انو الرقابة شبه مختفية عن هالاشياء هي !:frown:
ملاحظين انو هالمسلسلات ... عم تدخل لبيوتنا .. وهالمشاهد ما خرج يشاهدها المراهقين او الاطفال ؟:jakoush:
ملاحظين كمان انو عم يطرحوا مواضيع (متل الخيانة الزوجية وابن الزنا) بكثرة ... وكأنو هالموضوع صار اعتيادي كمان بالمجتمع السوري !:?

عاوزين توعوا العالم ... اوك انا معكن بس مو بهالطريقة ! :sick:

وحيات ربي ... وقت كون قاعد انا وامي عم نتفرج على شي مسلسل كل ما تطلع هالمناظر انا مضطر اقلبو لأنو امي بتعارض هالشي ... !:pos:
يعني اغلب المسلسلات وخصيصاً هي السنة ... المواضيع يلي عم تتناولها فيها شي كبير من النحطاط ؟
وفيها كتير شغلات بعيدة تمام البعد عن المجتمع السوري (والدمشقي ع الخصوص ) ! :pos:

مومعقول بجد .. يعني المسلسلات المصرية .. استحت تعمل هالشي ... يلي عندهن الافلام التجارية مليانة !:shock:

بجوز كتير ناس تعارضني .. لأنو مو انا يلي بحدد الـ خرج والـ ما خرج ... بس يا روحي ...ناويين يعرضوا مشاهد سكسك ... يروحوا يعرضوها بالسينما .... لما يكون في راشدين ... اما بالمسلسلات ... فهاد في اطفال ومراهقين عم تتفرج عليه ... واكيد مانو من الطبيعي انو يشوفوا هيك مشاهد على تلفزيون مفكرين اهلن انو هنن بأمان ما دامهن عم يتفرجوا على مسلسل محلّي ...!:jakoush:

فعلاً صار هالشي مثير للاشمئزاز والاستغراب بالنسبة الي (ولكتير عالم بالشام ) ليكها جارتي يلي هيي رمز الحرية بالحارة ويلي هيي اكتر وحدة متحررة باللبس وبالعادات .. وبكل شي ... عم تقللي شو هاد .. كل المسلسلات السورية صار تحكي عن الاغتصاب و الخيانة والجنس ! :shock:

غريب ! :?

شنو لأنو

08/09/2009, 01:06

فعلاً صار هالشي مثير للاشمئزاز والاستغراب بالنسبة الي (ولكتير عالم بالشام ) ليكها جارتي يلي هيي رمز الحرية بالحارة ويلي هيي اكتر وحدة متحررة باللبس وبالعادات .. وبكل شي ... عم تقللي شو هاد .. كل المسلسلات السورية صار تحكي عن الاغتصاب و الخيانة والجنس ! ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

مزبوط انا معك بكل شي ...

بس أنت شو اخدك عند جارتك وفتحكن ع هيك احاديث ؟ :?

يحرء اخت الانحطاط :jakoush:

saman

08/09/2009, 01:09

مزبوط انا معك بكل شي ...

بس أنت شو اخدك عند جارتك وفتحكن ع هيك احاديث ؟ :?

يحرء اخت الانحطاط :jakoush:

:lol: :lol: :lol:
من كل الموضوع ما لفت نظرك غير هي ...
والله جارتي كان عند اختي بالبيت .. وانا كنت عم ضيفهن القهوة ارتحت هيك :lol:

راما الحالمه

08/09/2009, 01:14

والله كلامك اخوي عين العقل
بالرغم من اني مو سوريه لكني بصراحه متابعه للمسلسلات السوريه واعشقها :sosweet:
بالنسبه لجرأة المشاهد ..للأسف الساحه الفنيه تنسى قوة تأثيرها ع متابعيها وانه بوقتنا الحالي اي شي ع التلفزيون يتطبق واقعيا
ومثل ماذكرت مراهقين واطفال يتابعونها :sick:يعني عقولهم تتشرب هالشي وتشوفه عادي مستقبلا
لو كل منتج مخرج ممثل فكر بافكار الجيل وانه رسالته لازم تكون تمثل عادات المجتمع الملتزم بأخلاقه
كان عالجوها بتحفظ اكثر
بيقولون لك واقع ويصير .. طيب اذا هو يصير نجي احنا نأيده ونمحي الحيا من اعمالنا
طبعا اتكلم بشكل عام ع كل المسلسلات

شكرا لوعيك موقادره اكمل نقاش :jakoush:

Dndoshy

08/09/2009, 01:23

لأ مو غريب..
المسلسلات بتحكي واقع كل يوم منعيشو ويمكن ما نكون منتبهينلو بس موجود بكثرة لحد أنو وصل للتلفزيون..
المسلسلات السورية مانا بهدف عرض قصص حب أو مشاهد خلاعة أو عادات "دخيلة" (متل ما البعض بحب يسميها)
بس أنو عملو مسلسل متل المسلسلات التركية والمكسيكية والأميركية..لأ بهدف التوعية(اما سلبا أو ايجابا)..
وكيف يعني مثير للاشمئزاز!..أن بقعد بتفرج مع امي واختي وما بحس بالحرج أو أي شي..وامي كمان بتنبسط لأنو هالمسلسلات بتقوم بتوعية البنات(متل ما بتقول)..

ملاحظين انو هالمسلسلات ... عم تدخل لبيوتنا .. وهالمشاهد ما خرج يشاهدها المراهقين او الاطفال ؟////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
ملاحظين كمان انو عم يطرحوا مواضيع (متل الخيانة الزوجية وابن الزنا) بكثرة ... وكأنو هالموضوع صار اعتيادي كمان بالمجتمع السوري !////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

عاوزين توعوا العالم ... اوك انا معكن بس مو بهالطريقة ! ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////هالمسلسلات بالذات لازم يشاهدها الأطفال والمراهقين..وبعتقد أنها أفضل ما الطفل يضل قاعد يحضر سبيس تون متل مو صاير عند معظم الأطفال..
والخيانة الزوجية وابن الزنا وغيرها من المواضيع يلي ميطرحوها..نحن مانا معتادين أنو نشوفها هيك يمكن..بس هي موجودة ومافينا ننكرها بالمجتمع السوري بأي مجتمع تاني

ويا سامان هاي الطريقة هي من أفضل الطرق يلي ممكن الناس توعى عليها..لأنها بتحكي قصة شب أو قصة بنت أوقصة عيلة..وهالشي بقرّب المشاهد من القصة لأنو بيعتبر أنها ممكن تصير معو أو معها.

:D

غيداء ذاك اسمي

08/09/2009, 01:30

بلشنا ننتبه لهاد الشئ من السنة الماضية بلش التشليط باللبس وكاسات ال............ هاداك اللي بيشربوه والدخان مابقي ممثلة ماشربتو يعني عيب عالاقل عنا عيب :pos:
مع اني كتير بحب المسلسلات السورية كتييييير:p بس انتزعت شوي

مملكة الورود

08/09/2009, 01:33

بتعرف والله كلامك صحيح مية المية
وانا بس شوف مشهد جريئ
بقول لحالي هلأ هالممثلة هاي
اذا كانت عمتتفرج على هالمشهد
قدام ابوها او اخوها او جوزها او حبيبها
يا ترى شو بكون موقفا

وكل الممثلين ببرو هالجرأة هاي بأنو شغل وبس
مشان هيك بنلاقي الطلاق والخيانة وغيرو منتشرة بأوساط الفنانين

بس المؤكد من الطبيعة البشرية بين الذكر والانثى انو لمى بيحتكو ببعض تتحرك عندن المشاعر العاطفية وما الى ذلك

يسلمو على هاللفتة الحلوة سامان

saman

08/09/2009, 01:39

لأ مو غريب..
المسلسلات بتحكي واقع كل يوم منعيشو ويمكن ما نكون منتبهينلو بس موجود بكثرة لحد أنو وصل للتلفزيون..
المسلسلات السورية مانا بهدف عرض قصص حب أو مشاهد خلاعة أو عادات "دخيلة" (متل ما البعض بحب يسميها)
بس أنو عملو مسلسل متل المسلسلات التركية والمكسيكية والأميركية..لأ بهدف التوعية(اما سلبا أو ايجابا)..
وكيف يعني مثير للاشمئزاز!..أن بقعد بتفرج مع امي واختي وما بحس بالحرج أو أي شي..وامي كمان بتنبسط لأنو هالمسلسلات بتقوم بتوعية البنات(متل ما بتقول)..

هالمسلسلات بالذات لازم يشاهدها الأطفال والمراهقين..وبعتقد أنها أفضل ما الطفل يضل قاعد يحضر سبيس تون متل مو صاير عند معظم الأطفال..
والخيانة الزوجية وابن الزنا وغيرها من المواضيع يلي ميطرحوها..نحن مانا معتادين أنو نشوفها هيك يمكن..بس هي موجودة ومافينا ننكرها بالمجتمع السوري بأي مجتمع تاني

ويا سامان هاي الطريقة هي من أفضل الطرق يلي ممكن الناس توعى عليها..لأنها بتحكي قصة شب أو قصة بنت أوقصة عيلة..وهالشي بقرّب المشاهد من القصة لأنو بيعتبر أنها ممكن تصير معو أو معها.

:D

وحدة وحدة لقلك :gem:
هالمسلسلات عم تحكي عن واقع ... اي يا سيدي عم تحكي عن واقع انا معك ... بس مو واقع اغلبية مجتمعنا !
المسلسلات السورية مانا بهدف عرض قصص حب .. الخ ... لأ يا عمي هدفها هالشي في مسلسل سوري هلأ ما فيه قصة حب ... (لك مسلسل صدق وعده تبع النبي وما بعرف شو ) فيه قصة حب !
ما فيه مشاهد خليعة ...!!! ممممممممم طيب يا عمي المشاهد يلي بتوحي للمُشاهد .. انو هالتنين عم بيبوسوا بعض ... متل انو يقرب عليها ويلزق راسوا براسها بعدين يقطشوا المقطع ... وبيرجعوا بعدين بيورجيك الزلمة بالقميص الداخري وهديك شعرها منكوش ... هي مو مشاهد خليعة !! :?
بالنسبة لقصة عادات دخيلة.. فهيي اكيد مو دخيلة لأنو موجودة وانا مقتنع انو موجودة ... بس ما لازم نعبر عنها بالتلفزيون من خلال هيك مشاهد .. في عدة طرق كانت ازابط واحسن وبتوصل الفكرة من غير هالشي !
يعني رح اعطيك مثال ... في انسان سوري ما بيسب ؟ ما بيحكى كلمات من تحت الزنار ونازل ؟
طيب هاد واقع ... شو رأيك يحطوه بالمسلسلات ... متل ا بيصير بالافلام الاجنبية ؟؟ :?
انت عم تقول بلسانك انو عملوا مسلسلات متل المكسيكي والتركي والاميركي ... طيب هالتنين المكسيكي والاميركي ما هنن بعادات المجتمع السوري على الاطلاق ... وبالنسبة للتركي .. فا ممثلين هالمسلسلات ومنهن هي (توبا ) قالت انو العادات بتركيا مانها هيك ! :pos:
قلتلي هالمسلسلات بتهدف لتوعية البنات ... يعني هلأ بروح بحط فلم سكس لشي بنت من قريابيني ... وبقلهن تفرجوا وتوعوا ... واعرفوا انو هالشي يلي عم بيصير بالفلم ما بيصير .. ممنوع ! :?

عم تقللي انو هالمسلسلات لازم يشوفها الاطفال والمراهقين !!!! .... بصراحة ما فيني علّق ... نو كومنت يعني .. سوري منك !

الخيانة الزوجية وابن الزنا .. انا معك موجودة وما فيني انكرها اكيد ... بس انا عم احكي عن طريقة الطرح ... والتكرار .... يلي عم يحكوا فيه عن هالمواضيع .... يلي ممكن تلاقي اهم منها ... متل السنة الماضية كان في مسلسل ليس سراباً يلي بيحكي عن الزواج المدني .. يا عمي هيك موضوع خرج ينشاف وينحكى لأنو نحنا بحاجة الو...!
ام تجي تقللي تلت اربع خمس مسلسلات عم تحكي عن الخيانة وابن الزنا والجنس... اي هيك تقيلة مو ؟؟ اي موو !!!

انا معك انو المسلسلا هيي افضل الطرق لتوعية الناس .... بس ما ننسى انو انت لما توعّي العالم ... بتركز عالشي الصح .. مو بتركز عالشي الخطأ بعدين بتقول انو هاد خطأ ( وانا عم احكي بنظر المجتمع ) ... !

وهي :D

ليلى

08/09/2009, 01:42

بلعكس ما في شي غريب و هالشي موجود بالواقع بس مو كل الناس بيعرفوا...:sly:
و عن اللبس كمان موجود بالشارع ...:jakoush::sly::pos:
الله يهدي الجميع...

حيفاويه

08/09/2009, 01:53

والله يا سامان انا كمان انقهرت بس شفت هاللقطات ب عن الخوف والعزله
خاصة بسمة ولميس قاهريني قصصهن
واليوم اكرم باشا وبنت الجيران
اكيد مو عادي
يعني لو بلمحو تلميح نص مصيبه
بس اشكرى مبين كانو عم يعملو شي :frown:

Nasserm

08/09/2009, 01:57

طالما مشهد حب بين رجل وامرأة يثير الاشمئزاز

فـ من #ـيزي رح نصير بشر!!

Dndoshy

08/09/2009, 02:01

وحدة وحدة لقلك :gem:
هالمسلسلات عم تحكي عن واقع ... اي يا سيدي عم تحكي عن واقع انا معك ... بس مو واقع اغلبية مجتمعنا !
المسلسلات السورية مانا بهدف عرض قصص حب .. الخ ... لأ يا عمي هدفها هالشي في مسلسل سوري هلأ ما فيه قصة حب ... (لك مسلسل صدق وعده تبع النبي وما بعرف شو ) فيه قصة حب !
ما فيه مشاهد خليعة ...!!! ممممممممم طيب يا عمي المشاهد يلي بتوحي للمُشاهد .. انو هالتنين عم بيبوسوا بعض ... متل انو يقرب عليها ويلزق راسوا براسها بعدين يقطشوا المقطع ... وبيرجعوا بعدين بيورجيك الزلمة بالقميص الداخري وهديك شعرها منكوش ... هي مو مشاهد خليعة !! :?

أغلبية مو أغلبية..ما دخلني:lol:..المهم متحكي واقع موجود
أنا قلت مانا بهدف عرض قصص حب أو مشاهد خلعية متل المسلسلات التركية والأميركية والمكسيكية لأنو هيدول المسلسلات مو هدفن تصوير الواقع..وهيدول المشاهد بالمسلسلات السورية هني موجودين متل ما قلت بهدف التوعية أما سلبا أو ايجابا

بالنسبة لقصة عادات دخيلة.. فهيي اكيد مو دخيلة لأنو موجودة وانا مقتنع انو موجودة ... بس ما لازم نعبر عنها بالتلفزيون من خلال هيك مشاهد .. في عدة طرق كانت ازابط واحسن وبتوصل الفكرة من غير هالشي !
يعني رح اعطيك مثال ... في انسان سوري ما بيسب ؟ ما بيحكى كلمات من تحت الزنار ونازل ؟
طيب هاد واقع ... شو رأيك يحطوه بالمسلسلات ... متل ا بيصير بالافلام الاجنبية ؟؟ :?
انت عم تقول بلسانك انو عملوا مسلسلات متل المكسيكي والتركي والاميركي ... طيب هالتنين المكسيكي والاميركي ما هنن بعادات المجتمع السوري على الاطلاق ... وبالنسبة للتركي .. فا ممثلين هالمسلسلات ومنهن هي (توبا ) قالت انو العادات بتركيا مانها هيك ! ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
قلتلي هالمسلسلات بتهدف لتوعية البنات ... يعني هلأ بروح بحط فلم سكس لشي بنت من قريابيني ... وبقلهن تفرجوا وتوعوا ... واعرفوا انو هالشي يلي عم بيصير بالفلم ما بيصير .. ممنوع ! :?يعني كيف بدها تصير التوعية اذا ما صورنا الواقع السيئ..معقولة يتم تصوير الواقع بشكل كاذب وأنو مافيه أي مشكلة ونضحك عحالنا..اذا هيك الواقع

انت رح تزعلني منك..يعني أشو دخل التوعية بانك تروح تحط فلم سيكس ميشان توعي فيه قرايبينك..
لأ بس وقت بتصور بالمشاهد الخلعية كيف بتم المشاكل يلي بتجي من وراهن هاد اسمو توعية

عم تقللي انو هالمسلسلات لازم يشوفها الاطفال والمراهقين !!!! .... بصراحة ما فيني علّق ... نو كومنت يعني .. سوري منك ! :shock::?

الخيانة الزوجية وابن الزنا .. انا معك موجودة وما فيني انكرها اكيد ... بس انا عم احكي عن طريقة الطرح ... والتكرار .... يلي عم يحكوا فيه عن هالمواضيع .... يلي ممكن تلاقي اهم منها ... متل السنة الماضية كان في مسلسل ليس سراباً يلي بيحكي عن الزواج المدني .. يا عمي هيك موضوع خرج ينشاف وينحكى لأنو نحنا بحاجة الو...!
ام تجي تقللي تلت اربع خمس مسلسلات عم تحكي عن الخيانة وابن الزنا والجنس... اي هيك تقيلة مو ؟؟ اي موو !!!
مسلسل ليس سرابا بيحكي مشكلة وتم تصويرو عهالأساس..

أما مثلا مشكلة الأيدز..كيف بتحب يصورولك ياها..أاا

انا معك انو المسلسلات هيي افضل الطرق لتوعية الناس .... بس ما ننسى انو انت لما توعّي العالم ... بتركز عالشي الصح .. مو بتركز عالشي الخطأ بعدين بتقول انو هاد خطأ ( وانا عم احكي بنظر المجتمع ) ... !

وهي :Dياحبيبي كيف بدك توعي الناس عالخطأ بلا ما تركز عليه..ما بيصير ما بيمشي الحال..3
عكلّن أنا صار لازم فوت نام شنو عندي فيقة الصبح بكير:jakoush:
:D

saman

08/09/2009, 02:03

طالما مشهد حب بين رجل وامرأة يثير الاشمئزاز

فـ من #ـيزي رح نصير بشر!!
مشهد حب ... لا يساوي ... مشهد جنس ! :?
مشاهد الحب .. مو بالضرورة تكون موضحة بطريقة غريزية !

لما تكون قاعد مع ولاد اخواتك الصغار عم تتفرج ع مسلسل سوري .. ويطلعلك مشهد متل المشاهد يلي عم احكي انا ... ما رح تشمئز وتضطر تقلب التي في ... لأنو قدامك اطفال ؟؟ :?

غيداء ذاك اسمي

08/09/2009, 02:04

طالما مشهد حب بين رجل وامرأة يثير الاشمئزاز

فـ من #ـيزي رح نصير بشر!!

يااخي الكريم انا بعرف انو العلاقة بين الرجل والمرأة في الها اسم كمان وهو العلاقة الخاصة خااااااااااصة يعني مابيصير حدا يطلع عليها مو يجو بالتلفزيون ويوحو للشباب
برايي هاد مادخل انو نصير بشر او لا بنصير بشر بالعلم والحظارة مو بتفريج الناس على علاقة خااااصة

اسفة ان اطلت ولك احلى وردة :D

zen

08/09/2009, 02:06

بدي افهم مين قلك انو هالقصص اللي حكيتها ما عم تصير
بعدين يا ميرو افندي
الدراما بتعمل سبوت لايت ع نقطة وبتخلي العالم تشوفها
بعدين انو جد ما شفت كل هالاباحية اللي عم تحكي عنها
بس الجرأة لازم تكون بلا حدود بالطرح طبعا مو قصدي يعملو فلم سكس
بس انت حكيت حتى ع الموضوع المطرح متل ابناء الزنا:shock: انو انا استغربت انو انت قلت هالكلمة
بس يعني هاد موضوع كتير منيح انو انطرح

Nasserm

08/09/2009, 02:14

مشهد حب ... لا يساوي ... مشهد جنس ! :?
مشاهد الحب .. مو بالضرورة تكون موضحة بطريقة غريزية !

لما تكون قاعد مع ولاد اخواتك الصغار عم تتفرج ع مسلسل سوري .. ويطلعلك مشهد متل المشاهد يلي عم احكي انا ... ما رح تشمئز وتضطر تقلب التي في ... لأنو قدامك اطفال ؟؟ :?

مشهد جنس؟

هلق البوسة أو الضمّة صارت مشهد جنس؟ وما لازم يشوفوها الأطفال؟

يا حسرتي على حالنا..

TheLight

08/09/2009, 02:17

طالما مشهد حب بين رجل وامرأة يثير الاشمئزاز

فـ من #ـيزي رح نصير بشر!!

:lol:
اجمل تعليق بقراه من زمان باخوية...بس...ممم...شلون بدي قلك...خيو بمجتمع لا يزال يرزح تحت وطأة التخلف ما في شي اسمو حب...
قاموسنا بيحمل مصطلح واحد...
ني**ة وبس...

بقا بدك ما تفلش كتير بالقاموس لانو ما رح تتفركش غير بنفس الكلمة....

عودة للموضوع الرئيسي منشان الحلال والحرام و منشان أرفع عني تهمة السبام المتعمد مع سبق الاصراف والتسميط...
لاء يا عزيزي كاتب الموضوع...يللي عم يصير مو غلط...لانو مو مخترع او مبتكر..كل عمرو التلفزيون مراية المجتمع...هاد مجتمعنا فلا نهرب منو ونتخبى ورا اصبعتنا
+ المسلسلات مو للاطفال...اي نعم مو للاطفال: الاهل عليهم مسؤولية السماح/المنع لاولادهم بمشاهدة مسلسلات ما بتناسب أعمارهم
+ بعد سن معين اذا سين من الاطفال ما شاف ع التلفزيون رح يشوفو بمكان تاني ويحكي فيه مع رفقاته
+ اذا بالغ/بالغة بيقلك انو انخدش حياءه بسبب هيك مسلسلات قلو: كذاب/كذابة...العب غيرها

رأي سخصي :pos:

boozy

08/09/2009, 02:18

غريب ;)

Nay

08/09/2009, 02:20

انا بشوف انو المسلسلات السورية كتيرة وشاملة لحد بعيد.. فيها باب الحارة وفيها ليس سرابا.. وما شفت شي مخالف للآداب او شي بيخجل بهي المسلسلات..
التلفزيون بالذات بيسمحلنا نتفرج على اللي بدنا ياه ونشيل اللي ما بدنا ياه..
يعني نحنا بالبيت ما عنا غير 10 محطات.. والباقي محذوف.. لأنو ما بيناسبنا وما بيهمنا..

saman

08/09/2009, 02:24

مشهد جنس؟

هلق البوسة أو الضمّة صارت مشهد جنس؟ وما لازم يشوفوها الأطفال؟

يا حسرتي على حالنا..
مشهد الجنس لما تشوف وحدة قاعدة بحضن واحد ... شي نص ساعة ! :pos:
مشهد اجنس ... لما تلاقي واحد قللها لمرتو تعي شوي .. وراحوا ع غرفة النوم .. بعدين هيي طلعت شعرها منكوش وهوي طلع شبه لابس ... ! :?
مشهد الجنس لما تلاقي بيبلشوا المقطع .... وقت هوي بيبعد تمو عن رقبتها ! :?
فيك تقللي هي مشاهد حب !

من شو بتشكي مسكة الايد .. والمعانقة العادية بالمشاهد ... :?

Nasserm

08/09/2009, 02:47

طيب.. عن مشهد الحب

أوضح فأقول:

وقت اللي بيصير شعبنا بس يشوف بنت وشب عم يبوسوا بعض بنص الطريق.. بنص الطريق مو ع التلفزيون..

ويكون بوس حب.. مو هاد تبع الخدود ومن بعيد لبعيد.. لأ.. بوس تبع الشفايف والقطايف أي نعم

وقت يصير هالشعب يمر قدّام هالمشهد بابتسامة.. وابتسامة غـِـبـْـطـة حصراً..

وبدون ما يشعر متل هلق بالاشمئزاز والاشمئناط أو يقعد يبربس بينو وبين حالو..

وقتها.. وفقط وقتها.. منكون بلشنا نصير بشر

واضح هيك؟

هاد رأيي

Nay

08/09/2009, 02:51

يا سامان.. لا تشووووووف.. لا تفتح على هي المحطات.. وخلصت القصة..

saman

08/09/2009, 02:53

طيب.. عن مشهد الحب

أوضح فأقول:

وقت اللي بيصير شعبنا بس يشوف بنت وشب عم يبوسوا بعض بنص الطريق.. بنص الطريق مو ع التلفزيون..

ويكون بوس حب.. مو هاد تبع الخدود ومن بعيد لبعيد.. لأ.. بوس تبع الشفايف والقطايف أي نعم

وقت يصير هالشعب يمر قدّام هالمشهد بابتسامة.. وابتسامة غـِـبـْـطـة حصراً..

وبدون ما يشعر متل هلق بالاشمئزاز والاشمئناط أو يقعد يبربس بينو وبين حالو..

وقتها.. وفقط وقتها.. منكون بلشنا نصير بشر

واضح هيك؟

هاد رأيي

ازا عم تعتبر انو هالشي ... كتير طبيعي ... بالشارع وعم تعتبر انو ازا قبلنا بهالشي منصير بشر ... فا انو الله يخليلنا هالفكر يلي بدو ينوّر العالم ... :pos:

وهاد رأيك !

ritka

08/09/2009, 03:36

ازا عم تعتبر انو هالشي ... كتير طبيعي ... بالشارع وعم تعتبر انو ازا قبلنا بهالشي منصير بشر ... فا انو الله يخليلنا هالفكر يلي بدو ينوّر العالم ... :pos:

وهاد رأيك !
و هاد رأيي الي كمان امير
وقت العالم بتحل عن بعضها شوي.. شوف شو رح نصير :)

مم بالمناسبة.. انا السنة ما حضرت ولا مسلسل ولكن شفت وشاء الهوى.. و ما بعرف ليش تدايقت منو انت.. ما شفت شي بيخدش الحياء العام ابدا فيه!

غير هيك .. ع التلفزيون بتلاقي هيك مسلسلات "خليعة :lol:" و بتلاقي غيرو "محترم :lol:" كمان..
يعني اللي بدك تشوفو .. شوفو .. و اللي والله حسيت انو .. لا هيك كتير
دير و ما تتفرج .. و انتهت القصة بارضها .. ما عم بعرف ليش متدايق كل هالقد .. ما شفت مبالغة ابدا .. ابدا

كمان غير هيك.. بالنسبة للسينما.. انت قلت انو فيهم يعرضو هيك اشيا بالسنيما (ما معناه يعني)
هلا بدك تقنعني انو "الاطفال و المراهيقين" ما بيشوفو افلام و قصص ان كان مش بالسينما بالبيت؟ :sly:

كمان و كمان غير هيك.. انا برايي انو والله يجي ابني يشوف شي مشهد "حب.. مدري جنس :lol:" قدامي و معي
احسن مية مرة ما يشوفو من قفا ضهري مع رفقاتو ..

أإأبو العبد

08/09/2009, 04:13

هانت شبيبة بكرة بيصير عنا xxl عربية مية بالمية :lol:

ِAbu Alzooz

08/09/2009, 05:14

جارتي يلي هيي رمز الحرية بالحارة

ميرو الك عزيمة على كاسة شاي أو قهوة أو ميلو أو عصير فريش بكرا و برجعلك السيديات حبيب القلب انت

و الك عليي وصلك لنص حارتك براسي كمان

ِAbu Alzooz

08/09/2009, 05:26

هلق بمناسبة رأي بالموضوع ماشفت شي لهلدرجة اباحي بالعكس الجرأة مطلوبة

لتوصيل الفكرة

..Jimy

08/09/2009, 08:01

هلئ انا ما شفت بالدراما السورية غير ابداع...

بس يعني متابعتي قليلي ويمكن مو مشوف كل شي.. المسلسل يلي حكيت عنو ما شفتو انا سامان..ولكن من حكيك استنتجت انو الامور شبه عادية يعني..

المسلسلات الدرامية ما لازم تخفف من جرأتها ابدا.. لأن هي مو مسؤوليتها هي مسؤولية القنوات الفضائية يلي عم تعرض..

بمعنى أنو.. بكل دول العالم في لجان خاصة بالتقييم للمسلسلات والافلام بتتقرر لأي عمر هيي مناسبة..
وبتقرر بأي ساعات ممكن تنعرض..في بعض المسلسلات مثلا ما بيصير تنعرض قبل الساعة 9 المسا..
بحيث انو في فئة عمرية معينة بتكون حتما نامت بهالوقت.. وهكذا..

المغزى مسلسلاتنا عظيمة ولازم تستمر بالابداع وبالجرأة والطرح وكل شي..المشكلة يلي عم تحكي عنها مسؤولية القنوات الفضائية وفقط القنوات الفضائية..
ولبين ما نلحق بقية العالم هي مسؤولية الأهل..

ابو نجبو

08/09/2009, 12:02

أوضح فأقول:
وقت اللي بيصير شعبنا بس يشوف بنت وشب عم يبوسوا بعض بنص الطريق.. بنص الطريق مو ع التلفزيون..
ويكون بوس حب.. مو هاد تبع الخدود ومن بعيد لبعيد.. لأ.. بوس تبع الشفايف والقطايف أي نعم
وقت يصير هالشعب يمر قدّام هالمشهد بابتسامة.. وابتسامة غـِـبـْـطـة حصراً..
وبدون ما يشعر متل هلق بالاشمئزاز والاشمئناط أو يقعد يبربس بينو وبين حالو..
وقتها.. وفقط وقتها.. منكون بلشنا نصير بشر
واضح هيك؟
هاد رأيي

اي ياسيدي ثقّ تماماً مارح تشوف هداك اليوم....لاانته ولا اللي بعد بعدك.....

كمان و كمان غير هيك.. انا برايي انو والله يجي ابني يشوف شي مشهد "حب.. مدري جنس :lol:" قدامي و معي
احسن مية مرة ما يشوفو من قفا ضهري مع رفقاتو ..
غلط ....غلط .....شو رأيك تجيبي أختو و حطّيهون يحضرو فيلم ثقافي سوا....وانتي قعدي علميهن....هداك شو بيعمل و هديك شو بتساوي...

ليش ما انتي بتلقنيه المبادئ و الخطوات الاساسية لابنك ....وخليه لوحدو يكتشف....مع رفقاتو مع الانترنت مع الكتب مع الافلام ...يصطفل..

عالقليلة...بتحافظي شوي على بعض الاحترام لالك من ناحيتو...مو يعتبرك رفيقو و يقعد يسبّ ويحشّك أو يقعد يوصفلك جمال و حرارة جسد صاحبتو أدامك....

* بعتزر عن السبام ...بس انو انا محل مالي موجود مابيطلع عندي مسلسلات سورية

Nasserm

08/09/2009, 12:29

اي ياسيدي ثقّ تماماً مارح تشوف هداك اليوم....لاانته ولا اللي بعد بعدك.....

روح ربي يجبر بخاطرك يا أبو نجبو

طمّنتلي بالي الله يطمّن بالك

Nasserm

08/09/2009, 12:35

مشهد اجنس ... لما تلاقي واحد قللها لمرتو تعي شوي .. وراحوا ع غرفة النوم .. بعدين هيي طلعت شعرها منكوش وهوي طلع شبه لابس ... !

سؤال يطرح نفسيتو

الولاد بـ بيوتهن (بين الوالد والوالدة) ما بيشوفوا هيك مشهد؟

ما حدا فاقت إمو من النوم شعرها منكوش؟ وأبوه شبه لابس!

قال مشهد جنس قال!!

من شي قليل هالجيل عنا معقـّد..

حبيبي.. إذا الولد ما شاف ولمس مشاعر "حب" بـ بيتو.. بين إمو وأبوه.. هاد رح يطلع بني آدم هاد؟

إي بأحسن أحوالو.. بيطلع متل هاد الكديش معتز بـ باب الحارة

قال جنس قال!!

marochka

08/09/2009, 13:19

بس أنو ما فهمت ليش مسموح بأفلام السينما وبالمسلسلات لاء، ما أفلام السينما عم تنحط ليل نهار عالتلفزيونات، والحمدلله الجرأة بأفلام الأبيض والأسود وما تلاها بالسبعينات والثمانينات أكتر بكتير من المسلسلات السورية.
أنو يعني كان أحسن أيام المشاهد تبع واحد كان مسافر سنين وإجا يسلم على مرتو وولاده يادوب بالإيد ومن بعيد لبعيد؟؟
أنو كيف ما بيمثلو المجتمع؟؟ طيب أنا بتذكر من أيام ما كنت بالجامعة بكلية الكهربا والميكانيك أنو بالحدايق الكبيرة تبع الكلية كنا نتفركش بكتير كوبلات عابطين بعض، صحيح كنا نحمرّ ونخضرّ بس أنو كانو موجودين، وبعد كم سنة عرفت أنو أنا اللي كنت معقدة بس أحمرّ وأخضرّ مو هني، لأنو كل واحد حر بحالو.
أنا بتذكر أنو بس كان يطلع شي مشهد من هالنوع بشي فيلم ويكونو أهلي عم يحضرو معي، كانو متل اللي لاقا لقية، ليفتحو مواضيع الحرية الشخصية والمسؤولية وكيف الوعي بيحمي البنت، والطرق والأساليب اللي ممكن يستخدما الشباب للوصول للبنت. ومشان هيك بس سافرت على أوروبا لوحدي ما كان عندي مشكلة بأيا شي بشوفو ، طالما أنا قادرة قرر شو اللي بدي أعملو.
أنا اللي استغربتو بالمسلسلات شي تاني، يعني مثلاً شفت حلقة من مسلسلين ما بعرف شو اسمون لأنو ما بقدر كفي مسلسل لآخرو واستغربت كمية المكياج الرهيبة على وجوه الممثلات، يعني ولا مرة شفت هالعدد من البنات اللي بيحطو هالكمية من المكياج وخصوصاً الأحمر الفاقع على وجوهن، سواء كانو متحررات أو لاء.

Nasserm

08/09/2009, 13:29

طيب أنا بتذكر من أيام ما كنت بالجامعة بكلية الكهربا والميكانيك أنو بالحدايق الكبيرة تبع الكلية كنا نتفركش بكتير كوبلات عابطين بعض، صحيح كنا نحمرّ ونخضرّ بس أنو كانو موجودين، وبعد كم سنة عرفت أنو أنا اللي كنت معقدة بس أحمرّ وأخضرّ مو هني، لأنو كل واحد حر بحالو.

وأنا عم قووووووول لحالي وين شايفك!!

هاي إنتي اللي كنتي تتفركشي فينا؟

يا ستي الشارع بقفى مبنى الإلكترون.. وجنب هاي البحرة اللي ما فيها مي.. آكل من رجلينا شقف :)

marochka

08/09/2009, 13:45

وأنا عم قووووووول لحالي وين شايفك!!

هاي إنتي اللي كنتي تتفركشي فينا؟

يا ستي الشارع بقفى مبنى الإلكترون.. وجنب هاي البحرة اللي ما فيها مي.. آكل من رجلينا شقف :)

اي أهلين زميل، عم قول شكلك همك. بس يمكن ما لحقتني يعني بدك تكون فايت عالكلية قبل ال95 ليكون في احتمال كون تفركشت فيك.

Nasserm

08/09/2009, 13:52

اي أهلين زميل، عم قول شكلك همك. بس يمكن ما لحقتني يعني بدك تكون فايت عالكلية قبل ال95 ليكون في احتمال كون تفركشت فيك.

هلق صحيح بالـ 95 كنت لساتني بالمدرسة :pos:

بس إلا ما تكوني عملتيلك مشوار ع الكلية بمطلع القرن.. وتفركشتي فيني

بس وقتها بتذكر إنك ما احمرّيتي واخضرّيتي هه

مو؟

هلا ماروشكا :D

بس إنو هالقد مبيّن عليي همكي! العمش! :p

MadMax

08/09/2009, 14:07

الجرأة في المسلسلات السورية .. لوين ؟

جرأة ...!!
بشك أنو لسا في شي اسمو جرأة
بس بيني و بينك ... مو كتير بستبعدو بالمدى المنظور

لأنو ...... ما بصير فن بدون جرأة
و الجرأة بشكل عام هيي اختراق أحد المحرمات
و معروف شو هو الثالوث المحرّم بالمجتمع العربي ( السياسة - الدين - الجنس )

و متل مو شايف ..... الاسهل اختراقو بالفترة القريبة .... هو الجنس

بس ماني شايف مشكلة بالموضوع

إذا انت كتير متدايق .... حط ع قناة دزني ..... فظيعة بعد الضهر

Syria Lover

08/09/2009, 15:08

طولو بالكن ياجماعة انا شايف شوي تانية كل واحد رح يسحب شبريتو
انا بقول الي بريد يتفرج يتفرج والي ما بريد يصطفل
ومن ناحيتي اول مرة بسمع بهلمسلسل بس شهيتوني احملو من النت واتفرج عليه :p
بس حكي Dndoshy فيو وجهة نظر بس مو يعني انو ما تنحرج ولا تحس بشي
اي ما حلوي بنوووووب

Genifer

08/09/2009, 15:29

بس أنو ما فهمت ليش مسموح بأفلام السينما وبالمسلسلات لاء، ما أفلام السينما عم تنحط ليل نهار عالتلفزيونات، والحمدلله الجرأة بأفلام الأبيض والأسود وما تلاها بالسبعينات والثمانينات أكتر بكتير من المسلسلات السورية.

تماماً..الافلام المصرية عم تكون مليانة اباحية .. بقا ليش التركيز بس ع المسلسلات السورية ؟؟
ماهالأفلام عم يحضروها الكل الكبار والزغار والمراهقين.

بعدين المسلسلات السورية ماعم يفرجوا شي عم يفرجونا قبل وبعد بس.

انا مابشوف اي مشكلة بهالشي

ritka

08/09/2009, 18:43

اي ياسيدي ثقّ تماماً مارح تشوف هداك اليوم....لاانته ولا اللي بعد بعدك.....
ليش كل هالقد واثق؟ :)

غلط ....غلط .....شو رأيك تجيبي أختو و حطّيهون يحضرو فيلم ثقافي سوا....وانتي قعدي علميهن....هداك شو بيعمل و هديك شو بتساوي...
ممم.. رح قلك شغلة .. لو كنت برا كندا كنت فكرت فيها شوي.. بس هون بالمدارس بيفرجوهم "افلام وثائقية" و بشرحولهم .. هاد بالنسبة للافلام :)

ليش ما انتي بتلقنيه المبادئ و الخطوات الاساسية لابنك ....وخليه لوحدو يكتشف....مع رفقاتو مع الانترنت مع الكتب مع الافلام ...يصطفل.. اولا.. فيك توضحلي شو يعني المبادئ و الخطوات الاساسية؟.. يعني انا اليوم ما نمت غير ساعتين بقى الله يرضى عليك خدني ع قدي :lol:
تانيا .. هلا ابني رح يطلع ازعر.. بعرفو :p.. اكيد رح يطلع مع صحابو و يشوف مجلات و افلام.. الخ و رح يكون من وراي هاد الحكي
ولكن لما يكون في شي قدامي..كيف بدي قلك؟
يعني واحد بيجيب كل شي من برا.. الله اعلم شو بيشوف و شو بيفهم.. لما يكون بالبيت هالموضوع مطروح بطريقة او باخرى.. بيختلف الوضع
بيصير الصبي مش بحاجة انو يبحبش ع هيك قصص.. الا من باب الفضول و الولدنة

عالقليلة...بتحافظي شوي على بعض الاحترام لالك من ناحيتو...مو يعتبرك رفيقو و يقعد يسبّ ويحشّك أو يقعد يوصفلك جمال و حرارة جسد صاحبتو أدامك....
اهااا,, حلو الكلام.. ليش ما يعتبرني رفيقو؟
لك لا عنجد عم احكي.. ليش لا؟

* و انا كمان بدي اعتزر ازا طلعت عن الموضوع :D

أإأبو العبد

08/09/2009, 19:26

ليش كل هالقد واثق؟ :)
لانو ابن اصل ومابيرضى ومتلو كتار :)

وبالسبة للي عميطالب بانو يصير الجنس يمارس بنص الشارع
يااخي وقت بتشوف امك او اختك او بنت قاعدة بحضن شي واحد بنص الشارع ابقى ابتسملن الابتسامة هي الي قلت عليها متل هيك يعني :lol:

Nasserm

08/09/2009, 19:34

وبالسبة للي عميطالب بانو يصير الجنس يمارس بنص الشارع

هلق البوسة بالشارع صارت جنس؟

أبو العبد.. حليئ من خلئتي.. أحسن ما أعملك نيفا

لك بشرفي حمَامات الجامع الإموي بيعرفوا بالحب والبوس أكتر منكن!!

قال جنس قال!!

أإأبو العبد

08/09/2009, 20:15

هلق البوسة بالشارع صارت جنس؟

أبو العبد.. حليئ من خلئتي.. أحسن ما أعملك نيفا

لك بشرفي حمَامات الجامع الإموي بيعرفوا بالحب والبوس أكتر منكن!!

قال جنس قال!!
ايه بحلئ من خلئتك شو علية لان خلئتك مابتشاف اساسا
حزيلي عالقرون يخليلك ياهن ياحأ ويربو بعزك الاهي

قلتلي حمامات مو يعني لهون بدك توصل انو نصير متل بقية الحيوانات ايه ايه مابينعتب عليك ايييه والله:lol:

Nasserm

08/09/2009, 20:30

:)

خايف تصير متل الحيوانات!!

تطمّن.. ما رح تصير

بس تذكّر إنو "حيوانات الغرب" اللي بيعملوا "جنس" بالشوارع.. هني اللي اخترعوا التكنولوجيا والكومبيوتر اللي خلاّك تقدر تقلل زوق معي هون

أإأبو العبد

08/09/2009, 20:41

بالله جد عمتحكي يعني الواحد مابيتطور الا وقت يصير يبوس بنص الشارع

بعدين ماانا الي قللت زوق معك شوف حالك شو كاتب

Nasserm

08/09/2009, 20:53

بالله جد عمتحكي يعني الواحد مابيتطور الا وقت يصير يبوس بنص الشارع

أول شي.. منيح إنك فقت وصححت.. "بوس بنص الشارع" مو جنس

تاني شي.. ما في تطوّر بدون حريّة.. وأول شي حرية الفرد الشخصية..

حتى تقدر تفكّر ومن ثم تتطوّر بدّك تكون حرّ.. والحرّية ما بتتجزّأ

ثم.. ولو طلعنا عن الموضوع شوي

الغرب المتطوّر.. متل ما اخترع العلم والتكنولوجيا بعد تجارب كتيرة.. اخترع منظومة اجتماعية بعد تجارب كتيرة

تنيناتهن متطوّرين أكتر من اللي عندنا (وما فينا نقول غير هيك.. لإنو مالنا أحسن منهن بشي)

ما بيصير ناخد الأولى.. ونترك التانية

يعني.. فيني قلك مثلاً:

طالما العالم عنا شايفين إنو السواك تبعنا أفضل من فرشاية الاسنان تبعهن.. واللصلصة من تحت لتحت عنا أحسن المجاهرة بالحب عندهن..

فـ لا سيدي.. رح نضل متل ما نحنا هلق

ولبينما يتطوّر هالمجتمع اللي معاجبك على وضعو.. وينتج شي مفيد بهالدنية..

من هون لوقتها.. ما تجي تقلي إنو وضعنا هيك صح ومنيح ويا سلام

حاجة هيك.

sheldi

08/09/2009, 21:23

أول شي.. منيح إنك فقت وصححت.. "بوس بنص الشارع" مو جنس

تاني شي.. ما في تطوّر بدون حريّة.. وأول شي حرية الفرد الشخصية..

حتى تقدر تفكّر ومن ثم تتطوّر بدّك تكون حرّ.. والحرّية ما بتتجزّأ

ثم.. ولو طلعنا عن الموضوع شوي

الغرب المتطوّر.. متل ما اخترع العلم والتكنولوجيا بعد تجارب كتيرة.. اخترع منظومة اجتماعية بعد تجارب كتيرة

تنيناتهن متطوّرين أكتر من اللي عندنا (وما فينا نقول غير هيك.. لإنو مالنا أحسن منهن بشي)

ما بيصير ناخد الأولى.. ونترك التانية

يعني.. فيني قلك مثلاً:

طالما العالم عنا شايفين إنو السواك تبعنا أفضل من فرشاية الاسنان تبعهن.. واللصلصة من تحت لتحت عنا أحسن المجاهرة بالحب عندهن..

فـ لا سيدي.. رح نضل متل ما نحنا هلق

ولبينما يتطوّر هالمجتمع اللي معاجبك على وضعو.. وينتج شي مفيد بهالدنية..

من هون لوقتها.. ما تجي تقلي إنو وضعنا هيك صح ومنيح ويا سلام

حاجة هيك.
:o:o:shock::shock::shock::?:cry::sick::sick:

اللامنتمي

08/09/2009, 21:30

يا صديقي إن هذهِ المشاهد المُنتقاة بعناية فائقة هيَ جزء صغير مِنَ الواقع المُعاش

فلماذا نخفيها وَ نخافُ منها وَ كأنها غولٌ سَيأكلنا إن ذكرنا اسمهُ على رؤوس ِ ألسنتنا الحمراء

فلماذا نرفض الواقع وَ كأننا لا نعيشه ,.

أإأبو العبد

08/09/2009, 21:36

أول شي.. منيح إنك فقت وصححت.. "بوس بنص الشارع" مو جنس

تاني شي.. ما في تطوّر بدون حريّة.. وأول شي حرية الفرد الشخصية..

حتى تقدر تفكّر ومن ثم تتطوّر بدّك تكون حرّ.. والحرّية ما بتتجزّأ

ثم.. ولو طلعنا عن الموضوع شوي

الغرب المتطوّر.. متل ما اخترع العلم والتكنولوجيا بعد تجارب كتيرة.. اخترع منظومة اجتماعية بعد تجارب كتيرة

تنيناتهن متطوّرين أكتر من اللي عندنا (وما فينا نقول غير هيك.. لإنو مالنا أحسن منهن بشي)

ما بيصير ناخد الأولى.. ونترك التانية

يعني.. فيني قلك مثلاً:

طالما العالم عنا شايفين إنو السواك تبعنا أفضل من فرشاية الاسنان تبعهن.. واللصلصة من تحت لتحت عنا أحسن المجاهرة بالحب عندهن..

فـ لا سيدي.. رح نضل متل ما نحنا هلق

ولبينما يتطوّر هالمجتمع اللي معاجبك على وضعو.. وينتج شي مفيد بهالدنية..

من هون لوقتها.. ما تجي تقلي إنو وضعنا هيك صح ومنيح ويا سلام

حاجة هيك.
:? شو مشان مافهمت ولا كلمة يعني مالقيت حلقة وصل بين الجمل الي حضرتك كاتبا

عموما اخي انا بتفق معك انو نحنا ماعنا حرية بالوطن اعربي بشكل عام

بس الي مابتفق معك فيه حرية البوس بالشارع هي سبب التطور وانا متاكد انو لو الغرب صار يسمح بالني* بالشوارع كمان كنت حضرتك طالبت بالسماح بهالشي بشوارعنا لانو هاد كمان سبب للتطور من وجهة نظرك

وانا من وجهة نظري انو سبب تخلفنا هو انو مافي دعم للشباب (من الجنسين)
شبابنا عندن طاقات وافكار ومشاريع بتخلينا بمقدمة الامم بس للاسف حكوماتنا بتحارب هالافكار والمشاريع بكل الطرق لحتى وصلنا لمرحة الياس والي مايئس ومصر على تحقيق مشروعو عميهاجر
فما دخل البوس بنص الشارع فلا تقلي الحرية مابتتجزأ

x52

08/09/2009, 21:50

والله هالحكي مزبوط

بس المشكلة يا ريت هالشي يقتصر على هيك وبس الله يستر من الاكبر

وعن الخوف والعزلة مش الوحيد

ونشوف شو بدو يصير بعدين:D

Dndoshy

08/09/2009, 21:54

...
هاد يا سيدي الغرب الله من أعالي سماه نزلنا ياهن خص نص ميشان يخدمونا ويخترعولنا :lol: