الجرأة في المسلسلات السورية .. لوين ؟ [الأرشيـــــف] - صفحة 2

x52

08/09/2009, 22:06

:)

خايف تصير متل الحيوانات!!

تطمّن.. ما رح تصير

بس تذكّر إنو "حيوانات الغرب" اللي بيعملوا "جنس" بالشوارع.. هني اللي اخترعوا التكنولوجيا والكومبيوتر اللي خلاّك تقدر تقلل زوق معي هون
انت مسكين شي

عفكرة ما بحب ولا عمري حبيت ولهلا ما بحب اتدخل

بس نرفزتي بافكارك المشتتة

عكلن خليك هيك شطور يخرب بيتك شو شطور

نفسي شوفك ملتزم بالموضوع والحوار شي مرة

:larg:

blackiris2009

08/09/2009, 22:15

انا رايي
بشوف طرح هاي الموضوع مو لتوعيه
بقدر ما هو لنشر افكار غريبة عنه
منافية لدينا واخلاقنا

يعني مثلا الزواج العرفي نص البنات بالجامعه عرفوا
من الاتلفزيون
وجربوا
وعرفوا كيف يتحايلو عالاهل من التلفزيون والافكار الي بتصلهم
وعرفواكمان كيف يقدرو ينبسطو بدون اولاد
وبدون حمل
وبدوا يحسبو للعلاقة
يعني لو بطلت عن البنت وهي حامل
بدي اتخلص من الجنين بدون شورشرة
وازا مو حامل
بدي رجع عذريتها
وكل هاد لقولو حل؟؟؟؟؟

شو القصص التافهة هاي؟؟

ritka

08/09/2009, 23:48

يعني مثلا الزواج العرفي نص البنات بالجامعه عرفوا
من الاتلفزيون التفلزيون عرفو من بنات الجامعة !

شو القصص التافهة هاي؟؟ هاد واقع مجتمعنا .. ان اثبتيه او انكرتيه
هاي القصص "التافهة" حياة اشخاص موجودين بيننا .. ما فيكي تنكري وجودهم

Syria Lover

09/09/2009, 00:26

التفلزيون عرفو من بنات الجامعة !

هاد واقع مجتمعنا .. ان اثبتيه او انكرتيه
هاي القصص "التافهة" حياة اشخاص موجودين بيننا .. ما فيكي تنكري وجودهم

شي أكيد هالمسلسلات الي عم تنعرض مو جايبينها من خيال
بس ليش كترة هالحكي والله القصة مو محرزة

صغروها بتصغر كبروها بتكبر

كل واحد يدير بالو ع اهلو وخلصنا
والله لو قضية الجولان كان انحلت من زمان

تحياتي للكل :D

بنفسجة

09/09/2009, 00:36

ميرو باشا لو حاكي هالحكي قبل ما يصير عمرك 18 كنا قلنا فيا ومافيا تحت ال18 بحقلك تنزعج
يعني بصراحة شايفة هالموضوع متل يلي عم يضحك على حالو
مين قلك هيك اشيا ما عم تصير بمجتمعنا
وليش دايما عنا ازدواجية بالمعايير من جهة بدنا الحرية للفكر وخاضة يلي بيتعلق بالجنس ومن جهة تانية بنجرب نهاجم اي محاولة للخروج من نطاق الممنوع والمحظور وهالقصص
من قبل الحب والغرام كان شي محظور والتلفزيون ساهم بشكل كبير بجعل هالشي عادي جدا وهلق كل واخد فيكون بيحب مرة وتنين وتلاتة وهاد حقو الطبيعي ما؟
ومن قبل اتهاجمت هيك مسلسلات واعتبرت لا اخلاقية
وهلق التاريخ يعيد نفسه
بس عم شوف انو يلي عم يهاجم هي مسلسلات بينقال عنها جريئة هنن فئة الشباب يلي دايما عم ينادو بالحرية وعدم التقيد والموت للرقابة على المسلسلات
عم شوف في تطور حلو كتير بالتعاطي مع هيك امور من قبل المسلسلات السورية
بلكي بيبطل الجنس شي مجهول ومرغوب بطريقة حيوانية لانو ممنوع
:D

Dndoshy

09/09/2009, 00:39

انا رايي
بشوف طرح هاي الموضوع مو لتوعيه
بقدر ما هو لنشر افكار غريبة عنه
منافية لدينا واخلاقنا

اي والله..اتفه عهالزمان يلي خلانا نوصل لهيك مواصيل..قال توعية قال

mhsen77

09/09/2009, 00:50

يلي متربى صح و مشغل عقلو

ما مبتأثر بالاشيا السلبية و بيستفيد من ايجابيات التلفزيون و الدش و الراديو و النت و كلو عند العرب صابون

المهم و يلي عندو قابلية الانحراف اي شي ممكن يحرفو للطريق المطعوج

و دمتم و دامت المسلسلات السورية يلي اصلا ما عنا بهالبلد صناعة مفتخرة متلها

ritka

09/09/2009, 00:53

شي أكيد هالمسلسلات الي عم تنعرض مو جايبينها من خيال

بس ليش كترة هالحكي والله القصة مو محرزة

صغروها بتصغر كبروها بتكبر

كل واحد يدير بالو ع اهلو وخلصنا
والله لو قضية الجولان كان انحلت من زمان

تحياتي للكل :D

القصة مش قصة صغرها بتصغر كبرها بتكبر

تعا لهون ..شي متل المسلسلات.. شو شغلتو بالدنيا؟؟
هلا بدك تقلي ترفيه عن النفس.. رح اجي معك و قلك انو والله معك حق ابو الشباب
بدك تقلي تاريخ .. رح قلك كمان انو معك ابو الشباب
و طبعا هالنوعين من المسلسلات موجودين كتير كمان

بس ما فيك تحصر العمل الابداعي بهدول الشغلتين

و وقت تيجي بدك تعمل عمل درامي اجنماعي
بدك تحط بعين الاعتبار المجتمع اللي عم تحكي عنو.. يعني ما زالت هالظواهر موجودة.. طبيعي نشوفها ع التلفزيون
و ما زالت هالظواهر منتشرة .. طبيعي تشوفها بكثافة اكبر ع التلفزيون
كونك ما بتعرف غير حالة او حالتين .. هالشي ما بيعني انو هالظواهر مش منتشرة
:D

Nirvana

09/09/2009, 00:59

أنا قرأت الصفحة الأولى وبس... ولذلك اقتضى التنويه..

أما بالنسبة لموضوع الدراما السورية والجرأة ... رح قول رأيي ...

الدراما والفن بشكل عام بدو حرية ليطوّر ويطلع بأحلى صورة..
الدراما السورية هالسنة مثلاً تناولت عدة قضايا غير الحب بأشكاله الكثيرة وظروفه وقصصه ...
الخيانة الزوجية
التحرش الجنسي بالأطفال
التحول الجنسي من فتاة إلى شاب
الأيتام
الفساد بعدة أشكال
العشوائيات واللاجئين
العراق
فلسطين
السياسة في مرحلة من المراحل التاريخية
التعصب
التحرر
المخدرات
القتل

واشيا تانية مو قادرة أتزكرها هلأ.. وهالشي مستحيل ولا بأي شكل من الأشكال يكون غلط... هاي مشاكل وقضايا موجودة في المجتمع ... ما حدا بيقدر ينكر هالشي.. إذاً بنوصل لنتيجة انو الدراما السورية ما عم تتمحور حول قضايا الحب فقط ولا هدفها اللبس خلينا نسمي المتحرر ومشاهد البوس وغيرو وغيراتو...

الشي التاني ... هلأ ضل حد في مجتمعاتنا من كبيرها لصغيرها ما بشوف بنات لابسين لبس "متحرر". أو ما بيعرف شي اسمو حب حتى لو بسمع عنو سمع بس... أو ما بيعرف شو المشروب الكحولي أو الدخان أو الحشيش... ألخ... يعني ازا ما عرفو من أهلو بيعرفو من المدرسة والناس اللي بخالطها ما عرفو من المدرسة بيعرفو من أصدقائه وما عرفو منهم لازم يعرفو ويتعرف عليه من الدرااما لحتى لما يطلع على المجتمع يكون واعي وقادر على الحكم.. وبطبيعة الحال إزا الأهل بيعرفو يربو يفترض يميز بين الصح والخطأ ... أما إنو تنين راشدين ما يقدرو يحضرو شي من هالنوع مع بعض واللي أنا متأكدة أنو بالدراما ما عم يعرضو شي محرز... فهاد بيعني انو في خلل بالمجتمع والتربية .
في ناس بتنام مع بعض من دون زواج، وفي بنات وستات بدخنو ... وفي ناس بتشرب كحوليات وفي ناس بتحشش وفي ناس بتسكن مع بعضها وفي ناس بتلبس عمزاجها ... هالشي موجود بالمجتمع بشكل واضح وأحياناً من تحت لتحت.
مو يعني انو فلان من الناس عايش ببيئة متدينة أو متعصبة أو محدودة .. يحكم هيك بالمطلق أنو هالأشياء مو موجودة ... بمكان متل الشام أو عمّان أو القاهرة أو بيروت .. مين معبي البارات ومين مشغل تجار الحشيش ومين بيشتري من محلات الألبسة .. مو ناس من مجتمعنا .. مين مشغّل المقاهي !!!!

الشي التالت أنو هاد فن .. تمثيل ... هل الفن حرام... ؟ الفن بدو حرية مشان يصير إبداع ... وإزا هالمخرج ما عندو مانع يخرج هالشي والممثل ما عندو مانع يمثل هالشي والرقابة ما عندها مانع تعرضو... ليش لنحرمو!؟

وفي الختام ... يطول الحديث إذا بدنا نحكي بكافة الجوانب .. لكن وبرغم من اختلاف المستوى الفني من مسلسل لآخر ... إلا أنو لازم نهني الدراما السورية على جرئتها إن كانت فعلاً جرأة وليست عرضاً للواقع... !

LiOnHeArT.3LA2

09/09/2009, 01:01

اي ياسيدي ثقّ تماماً مارح تشوف هداك اليوم....لاانته ولا اللي بعد بعدك.....
مممممم .. قول الله .. وغب لبن .. بسرعة سريعة جدّا جزيلا ..
لأنو صارت ..
وهالمجتمع بدو يتغيّر .. وبالصرماية ..

طيب تعا احكيلك انتي ..
انو انا صار معي هالموقف ..
كنا قاعدين .. اجا مرّ واحد .. فا انو طبعا اكيد ما كنا مهتمّين الو ..
بس انو بعدنا عن بعض شوي ..
اجا لعنا .. وقال بعتذر ازا دايقتكن .. ما كان قصدي بنوب .. الله يحميكن ..
يا زلمي يلعن دينا قديش كانت حلوة ..
اشتهيت قوم بوّسو للزلمي ..
وخلاني انسا كل اللي كانو عم يمرّو بالسيارات ورانا ويزمرو وياكلو ***
لانو ابن اصل ومابيرضى ومتلو كتار ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
ما بيرضى على حالو شكل ..
ومالو علاقة بغيرو .. شو ما بدّو يعمل .. نفس الشكل .. بالضبط

منرجع للموضوع ..

امير ..
لا تقلي جرأة ولا تقلّي شي ..
الموضوع بدال ما نكون عم نحكي عنو بالحارة وعالنايس ..
ونكون عم نحكي فيه على بنت الجيران .. اللي ممكن تكون هيي بريئة مليون بالمية من اقوالنا ..
عم نشوفو عالتلفزيون .. ونعرف انو هادا الشي غلط ..
وانا مع هالكلام مليون بالمية
هلق بمناسبة رأي بالموضوع ماشفت شي لهلدرجة اباحي بالعكس الجرأة مطلوبة

لتوصيل الفكرة

LiOnHeArT.3LA2

09/09/2009, 01:04

اي والله..اتفه عهالزمان يلي خلانا نوصل لهيك مواصيل..قال توعية قال
شايف شايف ..
ليش بدن يوعو العالم ليش ..
يا زلمي شعب ما بيفهم

عوجة .. بقديش الكيلو؟

أإأبو العبد

09/09/2009, 04:34

مممممم .. قول الله .. وغب لبن .. بسرعة سريعة جدّا جزيلا ..
لأنو صارت ..
وهالمجتمع بدو يتغيّر .. وبالصرماية ..

طيب تعا احكيلك انتي ..
انو انا صار معي هالموقف ..
كنا قاعدين .. اجا مرّ واحد .. فا انو طبعا اكيد ما كنا مهتمّين الو ..
بس انو بعدنا عن بعض شوي ..
اجا لعنا .. وقال بعتذر ازا دايقتكن .. ما كان قصدي بنوب .. الله يحميكن ..
يا زلمي يلعن دينا قديش كانت حلوة ..
اشتهيت قوم بوّسو للزلمي ..
وخلاني انسا كل اللي كانو عم يمرّو بالسيارات ورانا ويزمرو وياكلو ***

ما بيرضى على حالو شكل ..
ومالو علاقة بغيرو .. شو ما بدّو يعمل .. نفس الشكل .. بالضبط

اول شي حبيب مو كل الي رح يمرو من حدك شباب او صبايا واعيين متل الشب الي اعتزر منك

تخيل لو مر من قدامك شي طفل

انت حر ايه انت حر انا مادخلني بس لو انا مريت من قدامك وانت بهالوضع ومعي ابني لصغير وانا مابدي ابني يشوف هيك شوفات ساعتا انا شو اعمل احبسو بالبيت مثلا مشان حريتك الشخصية ؟؟؟؟

ms_roory

09/09/2009, 07:41

على فكرة من يومين كنا عم نحكي بالقصة وكنت ناوية نزله موضوع هون
كنت عم احكي انا و اختي على الحلقة تبع اهل الغرام ما بعرف شو عنولنها بس انعرضت على الmbc1
قبل رمضان بيمثل فيها قصي خولي موضوع الحلقة انه هو بيحب وحدة و بيتجوزوا و بعدين ما بيتوافقوا جنسيا يعني كيميا جسمها ما بتوافق كيميا جسمه والحلقة للي شافها كانت مليئة بالمواقف الساخنة يعني بوسة على وشك انها تصير بس للامانة ما صارت يعني الرقابة حذوفها و بعدت له تمه
المشكلة كنت عم شوف الحلقة مع اختي الصغيرة يعني 15سنة اذا بدي اقلبها بدها تقول ليش قلبتها و اذا خليتها يعني كمان مو حلوة والله فتت ببعضي وتلبكت وقلت يلعن اخت هيك مسلسلات
هاموش:اختي الي نا قشت معها الموضوع غير الي تفرجت معها عالمسلسل

Genifer

09/09/2009, 13:29

طيب البنات الساندين ع السيارات (شبه مستلقين) وعم يحكوا مع الشباب بالشوارع .... هي مو جرأة

والمناظر والحكايات يلي عم نسمعها عم تصير بالجامعات والحدائق العامة...هي مو جرأة

الأفلام والمسلسلات التركية والأجنبية .... هي مو جرأة

بقا وقفت ع المسلسلات السورية ويلي بكل بساطة منقدر نسيطر عالوضع برقابة صغيرة من قبل الأهل؟؟

شنو لأنو

09/09/2009, 13:36

انت حر ايه انت حر انا مادخلني بس لو انا مريت من قدامك وانت بهالوضع ومعي ابني لصغير وانا مابدي ابني يشوف هيك شوفات ساعتا انا شو اعمل احبسو بالبيت مثلا مشان حريتك الشخصية ؟؟؟؟

لا بس بتفهمو انو يا ابني هدول ما عميعملو شي غلط ... بتقلو انو هدول يا اخي تنين بيحبو بعض وقاعدين عميحكو :)

marochka

09/09/2009, 14:29

ببداية هالقرن عشت بروما كم شهر، ورغم أنهن مو كتار بس غيرولي كتير من نطرتي للدنية، بهيديك الفترة كان الواحد كيف ما مشي بالشارع بيلاقي عالم عم تبوس بعضا، وباقي العالم عم يمرو جنبون بدون ما يشوفوهن حتى، ما عدا عدد قليل منالأشخاص بتكون ردة فعلن منزعجة شوي. يعني الواحد بيفكر أنو كل الطليان هيك، بس بعدين تعرفت على بنات حتى شكلون بيفكرو الواحد من قلب الشام، بس هني من أهل روما الأصليين، بيشتغلو بجمعيات خيرية وبيدرسو لغات من ضمنا العربي وبيصلو كل يوم بالكنيسة، ومرة عرفوني على رفقاتون، وكان في بيناتن عالم متحررة كتير وشيوعيين ويمينيين. أنا أول فترة كنت ضل فايتة بالحيط، لأنو نحنا إجمالاً يا بيكون الواحد متلنا لنصاحبو ونحكي معو، يا منعتبرو مو منيح وما منقرب عليه إذا كان عندو أفكار بتختلف عنا. بس اللي علموني ياه أنو ما أحكم على حدا من تصرفاتو اللي بتتناقض مع قناعاتي أنا بس وورجوني أنو هي اللي لابسة قصير وعايشة مع شب بدون زواج، بتشتغل 4 ساعات كل يوم تبرع مع الأولاد اللي أهلون مدمنين مخدرات وما بيعتنو فيهن، وشفتا بعيني كيف بتقعد بتدرسون وبتطعميهن كأنهن ولادا، متلا متل التانية اللي مقتنعة أنو ما تمارس الجنس غير لبعد الزواج، واتنيناتون ما عندون مشكلة مع بعض ولا حدا منهن بيحكم عالتاني، بالعكس تنينون صحاب.
يمكن بدنا وقت كتير لنفهم حدود الحرية الشخصية ونبطل نحكم عالعالم وعلى أخلاقا بحسب معاييرنا الشخصية.

savage garden

09/09/2009, 14:38

وفيها كتير شغلات بعيدة تمام البعد عن المجتمع السوري (والدمشقي ع الخصوص ) ! :pos:

اسمحلي اعارضك خيو
لا مش بعيدة ابدا عن واقع المجتمع السوري
بس معك حئ انو وصلت الجراة بالمسلسلات لحد الوقاحة
والله صرت اخجل اتفرج عليها وابوي جنبي

حيفاويه

09/09/2009, 17:20

على فكرة من يومين كنا عم نحكي بالقصة وكنت ناوية نزله موضوع هون
كنت عم احكي انا و اختي على الحلقة تبع اهل الغرام ما بعرف شو عنولنها بس انعرضت على الmbc1
قبل رمضان بيمثل فيها قصي خولي موضوع الحلقة انه هو بيحب وحدة و بيتجوزوا و بعدين ما بيتوافقوا جنسيا يعني كيميا جسمها ما بتوافق كيميا جسمه والحلقة للي شافها كانت مليئة بالمواقف الساخنة يعني بوسة على وشك انها تصير بس للامانة ما صارت يعني الرقابة حذوفها و بعدت له تمه
المشكلة كنت عم شوف الحلقة مع اختي الصغيرة يعني 15سنة اذا بدي اقلبها بدها تقول ليش قلبتها و اذا خليتها يعني كمان مو حلوة والله فتت ببعضي وتلبكت وقلت يلعن اخت هيك مسلسلات
هاموش:اختي الي نا قشت معها الموضوع غير الي تفرجت معها عالمسلسل
شفتا لهالحلقة .. يا ريت وقفت عالبوسة
يعني وقت طلع من غرفة النوم معصب .. ونادين قاعده عالتخت ولافه حالها بالحرام وعم تبكي ... عنجد شي بخجل
انا شفت الحلقة مع اختي يلي بالصف الخامس .. وامي
طيب اختي الصغيره ضروري اوعيها على هيك اشيا
رح تقولوي لازم يعرفو ايمتى لكان بدها تعرف
اي بالاول خليها تعيش طفولتها .. وبعدين كل شي بوقتو رح تعرف وقت تاخدو بالمدرسة
بس ما ضروري نلفت نظر الاطفال لهيك شي
ما حدا يقلي مافي شي بخجل .. يلي ما بخجل يشوف هالشي مع امو واختو بكون عديم احساس

ابو نجبو

09/09/2009, 17:22

مممممم .. قول الله .. وغب لبن .. بسرعة سريعة جدّا جزيلا ..
لأنو صارت ..
وهالمجتمع بدو يتغيّر .. وبالصرماية ..

طيب تعا احكيلك انتي ..
انو انا صار معي هالموقف ..
كنا قاعدين .. اجا مرّ واحد .. فا انو طبعا اكيد ما كنا مهتمّين الو ..
بس انو بعدنا عن بعض شوي ..
اجا لعنا .. وقال بعتذر ازا دايقتكن .. ما كان قصدي بنوب .. الله يحميكن ..
يا زلمي يلعن دينا قديش كانت حلوة ..
اشتهيت قوم بوّسو للزلمي ..
وخلاني انسا كل اللي كانو عم يمرّو بالسيارات ورانا ويزمرو وياكلو ***

وحياتك عالغالي ....
شامات ...رح يبقو شامات ....مارح يبينو كتير ....
في كتير ضيع بتجيب ولاد غير شرعية ..على اساس عمّو خالو .....أهلية بمحلية
بس بتجي عالمدن الكبيرة كـ حلب ..او حماة أو حمص أو دمشق ...وبتشوف هالمناظر ...!!
هلاء لو بنتي كانت معي...وانا ماشي شفتك انته و صاحبتك فوق بعض ...شو بدّي قلها لبنتي ... بابا معلش هاد عمّو عمبشوشوها لخالة منشان تجبلو دادا....!!!
وكرمال شو ....كرمال حريتك الشخصية ..
يا أخي روح على بيتك و مارس حريتك الشخصية المادية و المعنوية بكل الوسائل الممكنة ..ماحدا رح يأارشك .....

ما بيرضى على حالو شكل ..
ومالو علاقة بغيرو .. شو ما بدّو يعمل .. نفس الشكل .. بالضبط

لوكان كان هالـ "غيرو" ....أختكن الله يستر عليها ...بتقول معلش .....يا أخي بدها تاخد راحتها و تعبّر عن مشاعرها بالشوارع ....!!

والله مو ظابطة يا معلم ....

Sun Shine Art

09/09/2009, 21:25

يعني للتنويه انا قريت الموضوع بس ..وشويه ردود ..

يعني غريبه كيف انتو شايفن الموضوع هيك انه جرأه ولك خيو الواقع عم يصير فيه اكتر ..بعدين انا ماني شايفه انه المسلسلات السوريه كتير فيها جرأه بطريقه سيئه بالعكس كل الناس برى عم تابعها بطريقه كتير حلوه والكل عم يبدي اعجابو بطريقه طرح الموضوع ...
خلونا شوي نكون جرأين ومنفتحين شو المشكله ولا متعودين دائما بالخفىشي وع العلن شي تاني ...

انا بحي و :Dلكل مسلسل سوري جريء ..ومتعصب وكوميدي وبايخ ..وسخيف لان بالاخير عم يعرض فكره وواقع بكل موضوعيه ووضوح ....

وحاجتنا خلونا هيك نكون طبيعين ..وجريئين متل مو مسماينها .....

LiOnHeArT.3LA2

09/09/2009, 23:49

ول شي حبيب مو كل الي رح يمرو من حدك شباب او صبايا واعيين متل الشب الي اعتزر منك
بعرف

انت حر ايه انت حر انا مادخلني بس لو انا مريت من قدامك وانت بهالوضع ومعي ابني لصغير وانا مابدي ابني يشوف هيك شوفات ساعتا انا شو اعمل احبسو بالبيت مثلا مشان حريتك الشخصية ؟؟؟؟
يعني ما فيني اشرحلك شو فينك تعمل ..
هادا ابنك وانتي حر بتربيتو متل ما بدّك ..
فينك تقلو هادا الشي حرام ..
وفينك تقلو هادا الشي كتير طبيعي وهدول التنين بيحبو بعض ..
طيب مثلا .. انا ما شوف حبيبتي .. مشان حرية ابنك الشخصية ؟
ما ظابطة ما ..
ازا كان عنا تنيناتنا احترام لبعض .. وللشي اللي عم نعملو .. سواء ان كان مسكت ابنك وقلتلو شايف هدول .. بدي موتك ازا بتطلع متلهن .. وسواء ازا اي شي تاني .. انتي حر .. وانا حر ..

LiOnHeArT.3LA2

09/09/2009, 23:59

وحياتك عالغالي ....
شامات ...رح يبقو شامات ....مارح يبينو كتير ....
طيب .. ما فيني لا انا .. ولا انتي .. نحكم على هادا الموضوع ..
الزمن لحالو كفيل بهالشي ..

في كتير ضيع بتجيب ولاد غير شرعية ..على اساس عمّو خالو .....أهلية بمحلية
اي .. وعادي هيك ؟
بس بتجي عالمدن الكبيرة كـ حلب ..او حماة أو حمص أو دمشق ...وبتشوف هالمناظر ...!!
اي؟
هلاء لو بنتي كانت معي...وانا ماشي شفتك انته و صاحبتك فوق بعض ...شو بدّي قلها لبنتي ... بابا معلش هاد عمّو عمبشوشوها لخالة منشان تجبلو دادا....!!!
طيب ..
اول شي .. الكلمة اللي بالأحمر .. بكره الله اللي خلقا .. فا بلاها ..
واللي بالاسود .. بلا هالطريقة بالنقاش ..
لأني ابدا ما كنت عم بقصد هيك ..
وانتي بتعرف ..
بس خليني وضحلك انو كنت انا و حبيبتي عم نبوس بعض .. منرجع

وكرمال شو ....كرمال حريتك الشخصية ..
اي .. كرمال حريتي الشخصية ..
يا أخي روح على بيتك و مارس حريتك الشخصية المادية و المعنوية بكل الوسائل الممكنة ..ماحدا رح يأارشك .....
سؤال .. ما انتي من العالم اللي اعترضو على شي اسمو مساكنة ؟! .. مع انو المساكنة ما بس هيك .. بس هي فينا تكون حالة من بين حالاتا

لوكان كان هالـ "غيرو" ....أختكن الله يستر عليها ...بتقول معلش .....يا أخي بدها تاخد راحتها و تعبّر عن مشاعرها بالشوارع ....!!
بعتقد انو ازا بدا تعمل هيك ..
لا انا ولا غيري فينا نمنعها ..
" حريتا الشخصية .. وهيي حرّة "

والله مو ظابطة يا معلم ....
من وجهة نظرك ..
بس من وجهة نظري .. زابطة .. ومليون بالمية ..
ولكل واحد وجهة نظر معيّنة ..

يمكن بدنا وقت كتير لنفهم حدود الحرية الشخصية ونبطل نحكم عالعالم وعلى أخلاقا بحسب معاييرنا الشخصية.
او نعمل طلعة ..
ل 20 مليون سوري .. على روما
:o

اختي الصغيرة يعني 15سنة
:shock::shock::shock:
لأ صغيرة كتير ..
ليش ما مسجلتيها بالروضة ؟
بالروضة بيعلمو هيك شغلات

أإأبو العبد

10/09/2009, 01:25

بعرف

يعني ما فيني اشرحلك شو فينك تعمل ..
هادا ابنك وانتي حر بتربيتو متل ما بدّك ..
فينك تقلو هادا الشي حرام ..
وفينك تقلو هادا الشي كتير طبيعي وهدول التنين بيحبو بعض ..
طيب مثلا .. انا ما شوف حبيبتي .. مشان حرية ابنك الشخصية ؟
ما ظابطة ما ..
ازا كان عنا تنيناتنا احترام لبعض .. وللشي اللي عم نعملو .. سواء ان كان مسكت ابنك وقلتلو شايف هدول .. بدي موتك ازا بتطلع متلهن .. وسواء ازا اي شي تاني .. انتي حر .. وانا حر ..
ياعيني علي ازا عنا تنيناتنا احترام لبعض انا لهون بدي اوصل
يعني ازا انت قاعد انت وحبيبتك مو ضروري يكون في بوس وهالحكي بالاماكن العامة فيك تروح على شي مكان مخبى شوي وتعمل شو مابدك
و انا بهالحالة بكون متطمن وانت ماخد راحتك

saman

10/09/2009, 01:33

طيب شباب .. انا من النوع يلي ما بحب يلت ويعجن بالسيرة كتير ... حكيت رأيي وحكيت يلي عندي وتناقشت فيه مع كتير عالم

بس كم نقطة حابب وضحهن :
- يلي معتبر انو التبويس والمدري شو بالطريق .. لازم يصير كتير شي عادي بـ سوريا ... فهاد رأيو ... مع العلم انو نحنا بسوريا طول عمرنا شرقيين وانشالله منضلنا هيك ..(وهاد رأيي ) .
وازا عم تول انو الغربيين اخترعوا الاجهزة والكومبيوتر فهاد شي كتير حلو ..ولازم نتعلم منن ... بس مو ضروري نتعلم منون ... انو نبوس بعض بالشارع بداعي الحب ... بتوقع انو لازم يكون في شوية خصوصية بالعلاقة الجنسية او عالقليلة شوية احترام للحياء العام .... مو معناتها ازا واحد ما باس حبيبتو او مرتو بالشارع .. هوي مو من البشر .. متل ما زكر ناصر !
- بالنسبة للمسلسلات .... حكيت بل انو ممكن توصل فكرة التوعية بدون هيك شي ... لأنو اغلب الاوقات بتكون الشغلة مالها طعمة ... يعني بيكفي انو تول وحدة عم بتخون جوزها ... بدون ما تورجينا فعل الخيانة متل ما هوي ..لأنو هالفعل واقع !
- بالنسبة للمواضيع يلي لت انو عم تنطرح بالمسلسلات كتير ... فا انا ماني ضد الموضوع ... انما ضد الكترة ... انو يا عمي ما صفي مواضيع شاغلة بال السوريين غير الخيانة الزوجية ... او العلاقات غير الشرعية (بنظر المجتمع)؟
- بالنسبة لكلمة (ابن زنا ) فا انا ضدها واصلاً ما بفكر فيها كتير .. بس انا قلتها هون لأنو للصراحة ما لقيت كلمة رديفة ... قلك (ابن حرام ) مثلاً !! .. ما بتركب معي والله !
-بالنسبة للملسلات مرة تانية ... انا ما عم ول انو لازم يشوفوها الاطفال وبعرف انو هيي غير مخصصة للاطفال ...بس هالمسلسلات بالنهاية عم تفوت عالبيت .. وعم تنحط وقت الغدا ووت الفطور وبوت السحور والعشا ... يعني يلي بيكون فيها جمعات عائلية ممكن الاهل يكونوا عم يتابعو شي مسلسل من هالمسلسلات فيها ... ازا بدك تحط الحق والمسؤولية عالاهل ...لأنو شافوا ولادهن المسلسل فا مصيبة ...لأنو مو دايماً بتزبط !
- بالنسبة انو ليش هالشي مسمو بالافلام وبالمسلسلات لأ ... سموح بالافلام .. لأنو غالباً المشاهد السخانة يلي بالافلام .. بتنعرض بالسينما ... ! يعني هالمكان عم تروح عليه باختيارك وازا شي فلم ممكن يكون فيه هيك مشاهد فا انت بتتحكم ازا بيروح ابنك او لأ ... اما بالبيت .. فا في صعوبة كبيرة انو تتحكم بالمسلسل يلي طالع وانو تخلي ابنك يتفرج عليه او لأ ! ... بدك تللي في افلام عم تطلع بالتلفزيون ... اي بلك نص المحطات يلي عنا بتشفر هالشي متل الام بي سي او دبي ون ... فا وين بدو يطلع هيك مشاهد ! :?

- في نطة حكتها معي (سوزان ) انو من شدة غباء بعض الاهل .. ممكن يتركوا ولادهن عم يتفروا ع مسلسلات سورية ويطلعوا ...على اساس ما في شي متل المصري او الاجنبي ... بس يلي عم بيصير انو في مواضيع مو خرج الصغار ... في المشاهد يلي زكرتها كمان مو خرج اطفال !
-بالنسبة ليلي عم يللي شيل المحطة وت يطلع هيك شي ... بقللو شكراً لنصيتك وانا عم اعمل هاد الشي .. بس انا بالنهاية انسان سوري وبتوقع انو بيحقللي انتقد الفن او الدراما السورية ... وعبر عن رأيي فيها .. مو ؟؟
- نقطة أخيرة : نحنا بسورية ..ناس شرقيين عنا عادات منيحة وعنا عادات سيئة ... بتمنى ثم اتمنى انو تضل العادات المنيحة موجودة .... بمعزل عن العادت السيئة !

هادا رأيي ويلي مقتنع فيه تقريباً (تقريباً لا يعني انو مو رأيي ولكن يعني اني ماني متشبث فيه ) وبس :pos:

ابو نجبو

10/09/2009, 19:00

طيب ..
اول شي .. الكلمة اللي بالأحمر .. بكره الله اللي خلقا .. فا بلاها ..
واللي بالاسود .. بلا هالطريقة بالنقاش ..
لأني ابدا ما كنت عم بقصد هيك ..
وانتي بتعرف ..
بس خليني وضحلك انو كنت انا و حبيبتي عم نبوس بعض .. منرجع

مالمشكلة انو انته معتبرها حبيبتك ....بس في كتير من الناس بيصادقو لمجرد التسلية ...و طمعاً برغبات معيّنة ... واللي تعني بالاخير انها "مصاحبة" .....
وانتو قاعدين عمبتتبادلو القبل ..بس في كتير ناس ...وشايفين منن كتير ....عمبيتبادلو ما هو أكتر من مجرد قبلات....

وبالاخير انا ما عنيتك شخصياً ....نحن عمنحكي بشكل عام ..واجت قصّتك بالنص .....
فبتأسف ازا أذيت مشاعرك...

سؤال .. ما انتي من العالم اللي اعترضو على شي اسمو مساكنة ؟! .. مع انو المساكنة ما بس هيك .. بس هي فينا تكون حالة من بين حالاتا

ما بذكر انو شاركت بموضوع المساكنة .....كيف عرفت انو معارض للموضوع ....

بعتقد انو ازا بدا تعمل هيك ..
لا انا ولا غيري فينا نمنعها ..
" حريتا الشخصية .. وهيي حرّة "

خلينا نكون واضحين شوي ....
لما بكون أنا قاعد بالحديقة مع حبيبتي فأنا بهالحالة عمبستعمل أملاك الدولة ....عن جد ....يعني الكرسي وما يحيط بالكرسي هو مالو ملكي الخاص .....وبالتالي مالي سلطة عليه ....وهاد بيأدي انو كل اللي بدّو يمرّ من حواليي يا أما بدّو يعتزر و يكمّل طريقو ....متل ماصار معك ...ياأما بدي أنجبر اسمع تعليقات و تلطيشات الشعب اللي رايح جاي من حواليي .....
وانا كمان عندي حلّين ...
يا أما ..اسمع و طنّش ....
أو ..ألملم حالي و أحويلي مكان خاص فيني ....ماحدا بيقدر يمارس سلطتو علي....

في نقطتين مهمتين بهالموضوع .....
اول نئطة... انو ازا مرّ طفل من امامي و شافني شو عمبعمل .....وحكينا فيها هي
تاني نئطة ....بركي الي كان عمبيراقبني واحد عاجز جنسياً...او بيفتقد لحبيبة ....عايش وحيد وماعندو صدر حنون يرتكي عليه ...هالشي اللي عمبيشوفو مابيأذيه أو بيأذي مشاعرو ...أو بحالات أعنف ....مو ممكن تدفعو ليرتكب جريمة اغتصاب أو خطف ....!!

وهاد الكلام كلّو بيأدي انو هالممارسات اللي عمبمارسها أنا مالها حريّة شخصيّة أبداً....انمّا تعدي على حريات الناس وبتأذي مشاعرهن .....

سوا ربينا

10/09/2009, 21:38

انو شو بدك بالحكي تحضر ...:lol:
انو بس لو اني بدالو لغسان ...:larg:

MadMax

10/09/2009, 22:10

في حلقة من بقعة ضوء ( يمكن الجزء الاول ) بتحكي عن الرقابة العربية عالدرامة و عن منع الجرأة يللي عم تحكوا عنها
و بتقارن نفس المشاهد بحرية .. و بدون حرية ..

بكرا برفعلكون ياها لتشوفوا كيف زيادة الرقابة .. بتشوّه العمل الفني

sweetangle

11/09/2009, 00:32

بس هلأ ... رح أعطي مثال ... مسلسل " عن الخوف والعزلة " ... بسمة بتروح عن رفيقها عالبيت ليمارسوا الجنس .. بكل طبيعية ... ولا كأنو اغلب المجتمع السوري بيعتبر هالشي غلط !:?

هي غير المناظر المؤثرة ... يلي بيقشواها من آخرها وبكل وضوح بتبين انو هالشب كان عم يبوس هالصبية !:pos:
وغير يلي قاعدة بحضن هاد .. وهاد قاعد بحضنها ! :?

أنو ليش لحتى نعترض على هيك مشاهد طالما هيي عم تنقل الواقع
يعني هاد اللي عم يصير (لكن متل ماعم ينعرض بالمسلسلات ..انو عم يصير بالمخفي وبالسر)
كمان دخيلك نسبة كبيرة من الشعب كل يوم بدو يحضر فلم (لعادل إمام ) وهاد إذا كان الفلم مدتو ساعتين بدو يكون فيه نص ساعة عالأقل تبويس ومشاهد من هالنوع ومننزعج من مشهد عم ينقل الواقع... وبنفس الوقت بطريقة فينا نقول أنّا محترمة وهدفا التوعية
كمان لأيمت بدنا نقيّد إعلامنا ...لازم يتحرر شي شوي إن كان من ناحية الكلاااااام عن الوضع اللي عم نعيشو أو من ناحية الأمور الاجتماعية...

Ichigo

11/09/2009, 15:50

معك حق وبمجرد ان قرات عنوان الموضوع فكرت في مسلسل عن الخوف والعزلة فبعد ان كانت المسلسلات السورية محترمة ويمكن مشاهدتها مع العائلة صارت الان مصدر احراج وقلة ادب ولا اعرف ما الغاية من هيك مشاهد فبدونها المسلسلات ناجحة.

أم الجود

11/09/2009, 16:36

على فكرة من يومين كنا عم نحكي بالقصة وكنت ناوية نزله موضوع هون
كنت عم احكي انا و اختي على الحلقة تبع اهل الغرام ما بعرف شو عنولنها بس انعرضت على الmbc1
قبل رمضان بيمثل فيها قصي خولي موضوع الحلقة انه هو بيحب وحدة و بيتجوزوا و بعدين ما بيتوافقوا جنسيا يعني كيميا جسمها ما بتوافق كيميا جسمه والحلقة للي شافها كانت مليئة بالمواقف الساخنة يعني بوسة على وشك انها تصير بس للامانة ما صارت يعني الرقابة حذوفها و بعدت له تمه
المشكلة كنت عم شوف الحلقة مع اختي الصغيرة يعني 15سنة اذا بدي اقلبها بدها تقول ليش قلبتها و اذا خليتها يعني كمان مو حلوة والله فتت ببعضي وتلبكت وقلت يلعن اخت هيك مسلسلات
هاموش:اختي الي نا قشت معها الموضوع غير الي تفرجت معها عالمسلسل

شفتا لهالحلقة .. يا ريت وقفت عالبوسة
يعني وقت طلع من غرفة النوم معصب .. ونادين قاعده عالتخت ولافه حالها بالحرام وعم تبكي ... عنجد شي بخجل
انا شفت الحلقة مع اختي يلي بالصف الخامس .. وامي
طيب اختي الصغيره ضروري اوعيها على هيك اشيا
رح تقولوي لازم يعرفو ايمتى لكان بدها تعرف
اي بالاول خليها تعيش طفولتها .. وبعدين كل شي بوقتو رح تعرف وقت تاخدو بالمدرسة
بس ما ضروري نلفت نظر الاطفال لهيك شي
ما حدا يقلي مافي شي بخجل .. يلي ما بخجل يشوف هالشي مع امو واختو بكون عديم احساس

أهل الغرام متل ما بتعرفو بيحكي بكل حلقة منو عن حبيبين ما كملوا سوا بسبب ظروف خارجة عن إرادتون .. و هي الحلقة بالذات بتحكي عن شب و بنت حبوا بعضون من هنن و صغار و من بعد ما اتجوزوا اكتشفوا انهن مو صالحين لبعض جنسياً .. طيب موضوع متل هاد كيف فينا نوصّل فكرتو بأمانة للناس من دون هدول المشاهد اللي وصفتوهن بأنن "بيخجلوا" ؟؟!!
بعدين مشان موضوع الأطفال .. يعني معليش خلينا نحكي اللي النا و اللي علينا و نعترف انو المسلسلات لو شو ما كان نوعها -جريئة أو مو جريئة- انعملت للكبار مو للأطفال ، و في حال حبينا تجاوزاً نسمح للطفل يحضر معنا شي مسلسل ما لازم يكون الاختيار عشوائي .. يعني مو منطقي لطفل بالصف الخامس يقعد يحضر مع أهلو مسلسل متل أهل الغرام و بعدين نقول : لأ و ما بيصير و عيب ..!

saba n

11/09/2009, 20:55

بالنسبة للجرأة بالمسلسلات السورية فهي سمة من سماتها .. وهي سمة ايجابية ومحسوبة لصالحها لانها تملك القدرة على مناقشة الواقع بصورة اوسع وتفاصيل ادق ..
أنا معك انو احيانا ما يكون للمشاهد الجريئة موقعها او يكون مبالغا" بيها او يمكن الاستعاضة عنها بأشارات بسيطة لكن هذا الشي يرجع لاجتهادات القائمين على العمل..
أما بالنسبة للاطفال .. فالاطفال جزء من المجتمع ومو بمعزل عن قضايا ... وبالتأكيد يشوفون ويسمعون من المجتمع اشياء هواي يصعب السيطرة عليها .. اما اللي يشوفو بالمسلسل فمن الممكن جدا ان نتحكم بيه بمجرد ان نغير القناة ..

بالنهاية اعتقد انو الموضوع ما يحتاج دور اكبر من الرقابة انما يحتاج لرقابة من الاهل ...و اهتمام من العاملين في مجال الفن ..

Nirvana

12/09/2009, 09:50

خلو الأطفال يحضرو باب الحارة مثلاً، واللي مو قادر يحضر دراما لحالو وما عم يقدر يتحملها.. ما يحضر دراما بالمرة أو ينقي المسلسل اللي بناسبو وبناسب ظروفو العائلية .. مو ضروري يفرض رقابة من هالنوع على الدراما ومتابعينها كلهم...

حيفاويه

12/09/2009, 16:11

أهل الغرام متل ما بتعرفو بيحكي بكل حلقة منو عن حبيبين ما كملوا سوا بسبب ظروف خارجة عن إرادتون .. و هي الحلقة بالذات بتحكي عن شب و بنت حبوا بعضون من هنن و صغار و من بعد ما اتجوزوا اكتشفوا انهن مو صالحين لبعض جنسياً .. طيب موضوع متل هاد كيف فينا نوصّل فكرتو بأمانة للناس من دون هدول المشاهد اللي وصفتوهن بأنن "بيخجلوا" ؟؟!!
بعدين مشان موضوع الأطفال .. يعني معليش خلينا نحكي اللي النا و اللي علينا و نعترف انو المسلسلات لو شو ما كان نوعها -جريئة أو مو جريئة- انعملت للكبار مو للأطفال ، و في حال حبينا تجاوزاً نسمح للطفل يحضر معنا شي مسلسل ما لازم يكون الاختيار عشوائي .. يعني مو منطقي لطفل بالصف الخامس يقعد يحضر مع أهلو مسلسل متل أهل الغرام و بعدين نقول : لأ و ما بيصير و عيب ..!
هلا ما فيهن يوصلو هدول المعلومات الا ازا بينت نادين وهي لافه حالا بالحرام وهداك طالع يلبس تيابو برات الغرفه
في كتير طرق بيقدر يلمحو فيها
يعني مثلا في مسلسل ابناء القهر .. انا كتير بحترم المسلسل لانو قدر يوصل الفكرة بدون ما اخجل شوف هالمسلسل مع اهلي
وكمان مسلسل حاجز الصمت الاول والتاني .. وصل الفكرة بطريقة حلوه
اما بالنسبة انو تقوليلي المسلسلات ما انعملت للاطفال هالحكي شبة مستحيل يتحقق

أم الجود

12/09/2009, 16:18

هلا ما فيهن يوصلو هدول المعلومات الا ازا بينت نادين وهي لافه حالا بالحرام وهداك طالع يلبس تيابو برات الغرفه

أنا شفت الحلقة .. و نادين ما بيبان من جسما غير كتافها -متل كأنا لابسة فستان سهرة cut- يعني محتشمة كتير مقابيل مغنيات كليبات هالأيام .. و معلومك هدول الكليبات عم ينبثوا 24/24 على 100 محطة ..!
بعدين جوهر و صلب الحلقة بيحكي عن مشكلة حميمة بين هالزوجين .. فالتلميح هون مو وارد .. لازم الإخراج يوصل للهدف بشكل مباشر ، خاصة انو ما كل الناس بتفهم من التلميح ، و مو معقول إذا الواحد ما فهم التلميحة تروح عليه فكرة الحلقة كلها ... :D

حيفاويه

12/09/2009, 16:27

أنا شفت الحلقة .. و نادين ما بيبان من جسما غير كتافها -متل كأنا لابسة فستان سهرة cut- يعني محتشمة كتير مقابيل مغنيات كليبات هالأيام .. و معلومك هدول الكليبات عم ينبثوا 24/24 على 100 محطة ..!
بعدين جوهر و صلب الحلقة بيحكي عن مشكلة حميمة بين هالزوجين .. فالتلميح هون مو وارد .. لازم الإخراج يوصل للهدف بشكل مباشر ، خاصة انو ما كل الناس بتفهم من التلميح ، و مو معقول إذا الواحد ما فهم التلميحة تروح عليه فكرة الحلقة كلها ... :D
لا لا حبيبتي انا ما قصدي شو بين من جسما ولا فكرت بالاحتشام
انا عم بحكي عن مبدا الفكرة ... صراحة مو عارفه كيف قلك
بس المبدا بخجلني شخصيا ..يعني لو شفت هالمقطع مع ابي ما بعرف شو بعمل بخجل كتير
هون اراء بتختلف يعني
كل واحد حسب تفكيرو .. وكيف نمط علاقتو باهلو :D
وبعدين في حلقة من اهل الغرام .. بيكون فيو وائل شرف مريض بالسكر وتجوز وحده ما بتعرف شو ييعمل مرض السكر عند الشب
وعن نفس النقطة كانو عم يحكو عن علاقتهن الزوجية
بس كمان كانت بطريقة حلوه وما بتخجل وكان فيها تلميحات
مع انو نفس مضمون الحلقة :D

marochka

12/09/2009, 18:41

بس سؤال: إذا واحد بيخجل ليش ليحضر مسلسل اسمو أهل الغرام مع أبوه أو أخوه أو ابنه؟؟
أنو مو مبين من اسم المسلسل أنو مواضيعو متعلقة بالعلاقات العاطفية؟
بيقدر الواحد ينقي اللي بدو يحضرو حسب مين اللي موجود معو بكبسة زر.

حيفاويه

12/09/2009, 18:47

بس سؤال: إذا واحد بيخجل ليش ليحضر مسلسل اسمو أهل الغرام مع أبوه أو أخوه أو ابنه؟؟
أنو مو مبين من اسم المسلسل أنو مواضيعو متعلقة بالعلاقات العاطفية؟
بيقدر الواحد ينقي اللي بدو يحضرو حسب مين اللي موجود معو بكبسة زر.
لو كلو واحد فات قال هيك ما بعود في شي اسمو نقاش :D
نحنا لا عم نتخانئ ولا في مشاكل
كل واحد عم يحكي رايو :?

..Jimy

12/09/2009, 19:43

خلينا نكون واضحين شوي ....
لما بكون أنا قاعد بالحديقة مع حبيبتي فأنا بهالحالة عمبستعمل أملاك الدولة ....عن جد ....يعني الكرسي وما يحيط بالكرسي هو مالو ملكي الخاص .....وبالتالي مالي سلطة عليه ....وهاد بيأدي انو كل اللي بدّو يمرّ من حواليي يا أما بدّو يعتزر و يكمّل طريقو ....متل ماصار معك ...ياأما بدي أنجبر اسمع تعليقات و تلطيشات الشعب اللي رايح جاي من حواليي .....
وانا كمان عندي حلّين ...
يا أما ..اسمع و طنّش ....
أو ..ألملم حالي و أحويلي مكان خاص فيني ....ماحدا بيقدر يمارس سلطتو علي....

في نقطتين مهمتين بهالموضوع .....
اول نئطة... انو ازا مرّ طفل من امامي و شافني شو عمبعمل .....وحكينا فيها هي
تاني نئطة ....بركي الي كان عمبيراقبني واحد عاجز جنسياً...او بيفتقد لحبيبة ....عايش وحيد وماعندو صدر حنون يرتكي عليه ...هالشي اللي عمبيشوفو مابيأذيه أو بيأذي مشاعرو ...أو بحالات أعنف ....مو ممكن تدفعو ليرتكب جريمة اغتصاب أو خطف ....!!

وهاد الكلام كلّو بيأدي انو هالممارسات اللي عمبمارسها أنا مالها حريّة شخصيّة أبداً....انمّا تعدي على حريات الناس وبتأذي مشاعرهن .....
ولو خرجنا شوي عن الموضوع..بس انا هون بدي وافق ابو نجبو هون..

انا لو بحديقة عامة مثلا من حقي بوس حبيبتي.. نحنا احرار وماحدا إلو معنا شي..بس مو كل شي من حئئ اعملو رح اعملو..

انا ممكن بوس حبيبتي بالشارع بضيعتي..عادي ما حدا رح يتدليق أو يبحلئ فينا..
بس ما رح اعمل هالتصرف نفسو بالشام مثلا.. مو لأنو غلط..مانو غلط.. بس حلو نراعي طبيعة المجتمع شوي..

..Jimy

12/09/2009, 19:43

خلينا نكون واضحين شوي ....
لما بكون أنا قاعد بالحديقة مع حبيبتي فأنا بهالحالة عمبستعمل أملاك الدولة ....عن جد ....يعني الكرسي وما يحيط بالكرسي هو مالو ملكي الخاص .....وبالتالي مالي سلطة عليه ....وهاد بيأدي انو كل اللي بدّو يمرّ من حواليي يا أما بدّو يعتزر و يكمّل طريقو ....متل ماصار معك ...ياأما بدي أنجبر اسمع تعليقات و تلطيشات الشعب اللي رايح جاي من حواليي .....
وانا كمان عندي حلّين ...
يا أما ..اسمع و طنّش ....
أو ..ألملم حالي و أحويلي مكان خاص فيني ....ماحدا بيقدر يمارس سلطتو علي....

في نقطتين مهمتين بهالموضوع .....
اول نئطة... انو ازا مرّ طفل من امامي و شافني شو عمبعمل .....وحكينا فيها هي
تاني نئطة ....بركي الي كان عمبيراقبني واحد عاجز جنسياً...او بيفتقد لحبيبة ....عايش وحيد وماعندو صدر حنون يرتكي عليه ...هالشي اللي عمبيشوفو مابيأذيه أو بيأذي مشاعرو ...أو بحالات أعنف ....مو ممكن تدفعو ليرتكب جريمة اغتصاب أو خطف ....!!

وهاد الكلام كلّو بيأدي انو هالممارسات اللي عمبمارسها أنا مالها حريّة شخصيّة أبداً....انمّا تعدي على حريات الناس وبتأذي مشاعرهن .....
ولو خرجنا شوي عن الموضوع..بس انا هون بدي وافق ابو نجبو..

انا لو بحديقة عامة مثلا من حقي بوس حبيبتي.. نحنا احرار وماحدا إلو معنا شي..بس مو كل شي من حئئ اعملو رح اعملو..

انا ممكن بوس حبيبتي بالشارع بضيعتي..عادي ما حدا رح يتدليق أو يبحلئ فينا..
بس ما رح اعمل هالتصرف نفسو بالشام مثلا.. مو لأنو غلط..مانو غلط.. بس حلو نراعي طبيعة المجتمع شوي..

أإأبو العبد

12/09/2009, 20:01

بس حلو نراعي طبيعة المجتمع شوي..

عراسي الفهم :D

saman

13/09/2009, 00:53

مو لأنو غلط..مانو غلط.. بس حلو نراعي طبيعة المجتمع شوي..

هي من احد الافكار يلي كان بدي اوصلها ... :D
انو في شي اسمو خصوصية بالعلاقة العاطفية ... وانا مع هالخصوصية بشدة .. :gem:
وبنفس الوقت في مجتمع .. في عادات ... في ناس تانيين لازمن نحترمها :pos:
مو معناتها ازا انا ما بست حبيبتي بالطريق انا مو من البشر ! :pos:

oudplayer8

13/09/2009, 00:55

بصراحة من زماااااان ماشفت مسلسلات سورية ..

مابعرف ..

لكن الإعلام بالاغلب هيك اتجاهه .. الا ما ندر ..

;)

MadMax

13/09/2009, 01:30

وبنفس الوقت في مجتمع .. في عادات ... في ناس تانيين لازمن نحترمها :pos:
على سيرة عادات المجتمع
لازم تحضر هالحلقة من بقعة ضوء .. يللي رفعناها خصوصي لموضوعك

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

saman

13/09/2009, 01:48

على سيرة عادات المجتمع
لازم تحضر هالحلقة من بقعة ضوء .. يللي رفعناها خصوصي لموضوعك

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

منشان فكرة الحلقة... انا ماني حابب تكون الدراما على حسب زوق الرقابة ... :pos:
انا حابب تكون الدراما بتحاكي المشاهدين وقريبة منهون .. بطريقة ما بتأثر على حياء المجتمع .... يعني المشهد يلي ورجونا ياه انو تعدل .. هاد يعتبر مشهد كتير عادي .... بس يلي عم بيصير ويلي قلتو هون ... انو كتير عم بيركزوا على المشاهد يلي بتضل الحبيبة نص ساعة بحضن الحبيب ! :?

بالنسبة لعادات المجتمع .. انا بعرف انو في عادات منيحة وفي عادات سيئة .. والمنيحة لازم نخليها و السيئئة لازم نشتغل على الغائها ... ومن العادات المنيحة برأيي انو لسا في شوية حياء بالمجتمع السوري (مو خجل انما حياء ) ...فيا انا يلي بتمناه انو نحاول نضل محافظين على هالشي وبس !

:D

W.E.G.A

13/09/2009, 09:33

شوف ميرو انا ما لي ضد

بس وقت يكون في هدف او حل

يعني مو شطارة اني اعمل مسلسل

اكشف عيوب نسبة من مجتمع

وامشي

انا اني اوضع حل لهي العيوب

او يكون اله هدف من الطرح

المشكلة الكبيرة انه الي ما بيرف هي القصص

لما عم يشوف بالمسلسلات عم يظن انها

عادية وانها مجرد عادات متخلفة ودقة قديمة

بس الحقيقة هنن عم يمسو الاخلاق بشكل عام حتى اذا بدك

:pos::pos:

..Jimy

13/09/2009, 09:49

هي من احد الافكار يلي كان بدي اوصلها ... :D
انو في شي اسمو خصوصية بالعلاقة العاطفية ... وانا مع هالخصوصية بشدة .. :gem:
وبنفس الوقت في مجتمع .. في عادات ... في ناس تانيين لازمن نحترمها :pos:
مو معناتها ازا انا ما بست حبيبتي بالطريق انا مو من البشر ! :pos:

أوكي ميرو انا ممكن راعي المجتمع وعادات الناس التانيين بالشارع:D..اي..
بس بالمسلسلات الموضع مختلف تماما..التلفزيون موجود بالبيت مو بالشارع..لو في شاشات بالساحات العامة عم تعرض مسلسلات فيها "خدش للحياء" وقتها انا معك:deal:..

بس هون بالبيت الريموت بايدك..انتي فيك تشوف وما تشوف يلي بدك ياه..
وما من حئقك وئتها تجي تفرض رقابة على "جرأة" المسلسلات لأن ما حدا جابرنا نشوف الشي يلي مو عاجبنا فيها..

DARKNESS

13/09/2009, 12:38

المشكلة بالمسلسلات السورية حاليا انها صارت تجارة بتعتمد على البهورة و الكذب و عامل الأجساد
و كل سنة عم نشوف هالشي اكتر من اللي قبلها

و بالنسبة للجرأة بعتقد لسا القادم أعظم و خصوصا بوجود أوجه جديدة بس بدها تثبت نفسها

:D

saman

14/09/2009, 01:28

أوكي ميرو انا ممكن راعي المجتمع وعادات الناس التانيين بالشارع:D..اي..
بس بالمسلسلات الموضع مختلف تماما..التلفزيون موجود بالبيت مو بالشارع..لو في شاشات بالساحات العامة عم تعرض مسلسلات فيها "خدش للحياء" وقتها انا معك:deal:..

بس هون بالبيت الريموت بايدك..انتي فيك تشوف وما تشوف يلي بدك ياه..
وما من حئقك وئتها تجي تفرض رقابة على "جرأة" المسلسلات لأن ما حدا جابرنا نشوف الشي يلي مو عاجبنا فيها..
بس حابب علّق على آخر كم كلمة ....
لاحظت اكتر من مرة انو انا ما زكرت كلمة رقابة ... انا ما عم افرض رقابة ... انا عم انتقد .. وانا كـ مواطن سوري من حقي اني انتقد الوضع الدرامي او الفني يلي بسوريا .. متل ما في عالم بتنقد الوضع الاجتماعي والسياسي ...وبالتالي انا هون ما عم افرض رقابة ... انا عم اعطي رأيي بكل صراحة ومن الشي يلي شايفو قدامي .. يجوز غيري يوافقني او يخالفني ... مو مهم .. بس هاد بيضل مجرد ابداء رأي...

:D

..Jimy

14/09/2009, 01:40

بس حابب علّق على آخر كم كلمة ....
لاحظت اكتر من مرة انو انا ما زكرت كلمة رقابة ... انا ما عم افرض رقابة ... انا عم انتقد .. وانا كـ مواطن سوري من حقي اني انتقد الوضع الدرامي او الفني يلي بسوريا .. متل ما في عالم بتنقد الوضع الاجتماعي والسياسي ...وبالتالي انا هون ما عم افرض رقابة ... انا عم اعطي رأيي بكل صراحة ومن الشي يلي شايفو قدامي .. يجوز غيري يوافقني او يخالفني ... مو مهم .. بس هاد بيضل مجرد ابداء رأي...

:D
سقطت سهوا :p..

:D