شيوخ أخويــــــــــــة [الأرشيـــــف] - صفحة 3

Sun Shine Art

10/09/2009, 07:35

بعدو بعدو اللي بدو كام سنة أنا بعطيه من عندي، الشقي عمرو بقي ، ودخلكون ليش حدا منّا عم يتعلم مع مرور العمر إذا بدنا نحب الزمن هيك بتطلع أعمارنا ألعن من جبر هاد اللي قصتو مشهورة كتير وصار مضرب مثل واللي ما بيعرفها بحكيلو إياها و وهيك بتكون أعمارنا سلبية لأنو الزمن ببلادنا بيرجع لورا أنريير يعني

ما علينا
بتحبو احكيلكون عن الطفولة والخوف واللا ما أحكيلكون أحسنلكون وأحسن إلي كمان ، ترا إذا بدكون إحكيلكون
أنا مو مسؤول عن كلامي بنوب بنوب بنوب
ما علينا اليوم خلص نعست ورايح اندفس وقوم أنعس ونام وصير أحلم ربما ... شو بعرفكون ربما بشوف شي حلم أفلام كرتون
تصبحو لخير والصباح رباح

يسعدلي صباحك ...طبعا انت من الاعضاء الي كتير بهمني اسمع رأيون بالموضوع ..ومنتمنى فعلا تشاركنا خبرتك وحديثك معنا ...وناطريين نظرتك للموضوع بكل شوق ...واهتمام ..منتمنى تاخد راحتك بالموضوع ....
:D

Sun Shine Art

10/09/2009, 07:38

:oops:
لا والله اصغر من 27 ، من باب الاقرب للسنة انا ممكن تغاضيا احسب حالي 26 (بس انا مو 26 ولا 27 )

انا عندي فكرة موضوع بتخص فئة كبيرة من الشيوخ والشيخات
في عالم تعتبرو مشكلة وفي عالم تعتبرو ظاهرة وفي عالم تعتبرو هاجس وعالم مابيفرق معها .
بدي سجل معكون دور هون .
سلامي للشيوخ والعجائز والختايرة .

يسعدلي صباحك مولانا ..طبعا للتوضيح مولانا فوق ال 25 ...:p...واكبر مني حتى احم احم ..
بس حابب يعمول دعايه لحاله انه تحت 24 ...مدري ليش ;)
ع كل الاحوال انت منور معنا مولانا واعتبر الموضوع موضوعك ...

ويسعدلي صباحك يارب ..:D

jovia

10/09/2009, 09:00

شو ياه ابو نجبو شو من شاني يعني صحيح عمري ما تجاوز ال25 ولسا الطريق طويلة بس يعني بديني عندي مشاكل انت ادرى فيها :cry:
بس لح شارك لح شارك بس مو هون ع مسنجرك ;)

شامي للنخاع

10/09/2009, 17:25

شيلكون عن بيت الفيران.......وعن أذا عذبتني بدي أعطيك لبياع الخبز يابس:cry:
كان في شي أثر في لليوم وعمل عندي ردة فعل حتى وصلت معي للتمرد........وبحث عن اشي خارج عن طبيعة العيلة......هي هاد حرام...وإذا بتعملو الله رح بيحطك بنار.........وإذا سويت ضايقت أخواتك......ربنا حا يعذبك......وهي العبارة......وتخويف من الله.......أثرت عندي بشكل كبير

ابو نجبو

10/09/2009, 18:19

موضوع تخويف الولد كتير كتير صعب و شائك .....

بذكر مرّة أخوي الكبير "وكان طالب طبّ " انو جاب جمجمة بني أدم منشان يدرس عليها ...وعاشت الجمجمة بيناتنا شي شهرين .....الله لا يورجيكن الليالي و الاحلام اللي كنت أقضيها ....:sick:

وعلى فكرة ..انو انا كنت خوّف ابني بـ "سبدلاّ ..اللي بيشق الحيط و بيتدلاّ " ....

لك الولد يفيق من نومو وهو عمبيبكي بخوف شديد و يقللي "بابا سبدلا اجاني و كان بدو ياكلني " .....:cry:

بعدين أعلنت بالبيت انو سبدلا أجا ابوه و اخدو و خلص مابقى يجي ... :yahoo:

بتصدقو انو الولد بهداك اليوم نام بعمق 8 ساعات متواصلة ....مع انو ماكان يقدر يكمّل ساعتين نوم بدون ما يفزع.....

................

حسيت انو لمّا صرت أتبع سياسة " رزمة العقوبات " ..., و ليس الضرب... , صار الوضع أحسن بكتير ......

طبعاً مابيخلو الامر من كم كفّ على كم شدة أدن .....:lol:

ابو نجبو

10/09/2009, 18:24

شو ياه ابو نجبو شو من شاني يعني صحيح عمري ما تجاوز ال25 ولسا الطريق طويلة بس يعني بديني عندي مشاكل انت ادرى فيها :cry:
بس لح شارك لح شارك بس مو هون ع مسنجرك ;)
والله انتي حالّة خاصة ....
مابيمشي حالك معنا يا حجّة .....

ولا ائللك ....دخلي وامرنا لـ الله ....

أهلين أم محمد ....:p

سوا ربينا

10/09/2009, 21:45

انو سجلولي اسمي بس بعد تلات سنين .. لساتني زغنوط بعين الحسود ...:p

يحرق حريشكن اتاريكن كلكن ختيارية ...:p روحو بلاش تعدونا ..ونصير متلكن..:o:lol:

Black Orchid

10/09/2009, 21:51

انو سجلولي اسمي بس بعد تلات سنين .. لساتني زغنوط بعين الحسود ...:p

يحرق حريشكن اتاريكن كلكن ختيارية ...:p روحو بلاش تعدونا ..ونصير متلكن..:o:lol:

:pos::pos::pos::frown::frown::frown::?:?:?:?

أإأبو العبد

10/09/2009, 21:53

:pos::pos::pos::frown::frown::frown::?:?:?:?
ختيارة :o

Black Orchid

10/09/2009, 21:57

:lol:ختيارة :o,

,وانت ختيار و عزابي!!!!!!!!!!!!!!!!!!!!!!!!:lol:

سوا ربينا

10/09/2009, 22:01

:pos::pos::pos::frown::frown::frown::?:?:?:?

عادي عادي ولا تزعلي حالك .. شو بدك تعملي بتصير باحسن الاوادم ..:p

ختيارة :o

شوف مين جاي يحكي ما انت طلعت ختيار كمان.. ما بعرف كيف مصاحبك ..لانو اصلانتا مامي قالتلي ما تصاحب ختيارية لانو بتنعدي منهن خصوصا انو نصهن بيهلوسو وهيك يعني ...:p

وختيار ع العطازة عنت ع بالو الجازة ...:lol:

أإأبو العبد

10/09/2009, 22:06

:lol:,

,وانت ختيار و عزابي!!!!!!!!!!!!!!!!!!!!!!!!:lol:
:cry:
عادي عادي ولا تزعلي حالك .. شو بدك تعملي بتصير باحسن الاوادم ..:p

شوف مين جاي يحكي ما انت طلعت ختيار كمان.. ما بعرف كيف مصاحبك ..لانو اصلانتا مامي قالتلي ما تصاحب ختيارية لانو بتنعدي منهن خصوصا انو نصهن بيهلوسو وهيك يعني ...:p

وختيار ع العطازة عنت ع بالو الجازة ...:lol:
:jakoush:

ياشريرين:cry:

بنفسجة

10/09/2009, 22:36

:shock::shock::shock::cry::cry::cry:حسيت حالي ختيارة ومعنسة كمان
مدري ليش قولكون ليش:cry:

أإأبو العبد

10/09/2009, 22:50

:shock::shock::shock::cry::cry::cry:حسيت حالي ختيارة ومعنسة كمان
مدري ليش قولكون ليش:cry:
الحقيقة صعبة يااختي الله يصبرك:pos:

أإأبو العبد

10/09/2009, 22:56

انا شفت كتير ايام الدراسة وبتذكر كان في شب ايام الاعدادي كان شرس كتير ماكان يخلي حدا من شرو بس وقت كانت المدرسة تستدعي ابوه كان يعملا تحتو اي يعملا عنجد ولحد هلا عمتوصلني اخبار عنو انو صار عميتاجر بالمخدرات وهربان من بيت اهلو من زمان
فتصورو ياراعكم الله قديش ابو هالشب خدم ابنو

sheldi

10/09/2009, 22:57

:shock::shock::shock::cry::cry::cry:حسيت حالي ختيارة ومعنسة كمان
مدري ليش قولكون ليش:cry:
الله كبير

محمد ابراهيم

10/09/2009, 23:05

يسعدلي صباحك مولانا ..طبعا للتوضيح مولانا فوق ال 25 ...:p...واكبر مني حتى احم احم ..
بس حابب يعمول دعايه لحاله انه تحت 24 ...مدري ليش ;)
ع كل الاحوال انت منور معنا مولانا واعتبر الموضوع موضوعك ...

ويسعدلي صباحك يارب ..:D
والله خجلتوني ، ماعدت الاقي حكي ،
بس للامانة يعني مافي انثى ممكن تكون اكبر من شاب على اي حال ، وهذه قضية منتهية منذ الازل ،
بالوقت اللي يعجبك انتي وابو نجبو بنزل الموضوع

بنفسجة

10/09/2009, 23:17

اكتر شي بندم عليه بايام المدرسة اني ولامرة هربت من الدرس
ولامرة نطيت من عن السور
بس انو يعني ايام كتير كانت الانسة تطلع بكيانة من الصف
او الاستاذ ينزل يشكينا للمدير
والمدير يجي يعملي بهدلة شنو بيعرفني الزعيم
ههههههه

whiterose

11/09/2009, 00:51

اكتر شي بندم عليه بايام المدرسة اني ولامرة هربت من الدرس
ولامرة نطيت من عن السور
بس انو يعني ايام كتير كانت الانسة تطلع بكيانة من الصف
او الاستاذ ينزل يشكينا للمدير
والمدير يجي يعملي بهدلة شنو بيعرفني الزعيم
ههههههه

لو عملتي هيك ماكنتي طلعتي دكطورة :pos: كنتي طلعتي متلي:larg:

sheldi

11/09/2009, 00:57

:lol:,

,وانت ختيار و عزابي!!!!!!!!!!!!!!!!!!!!!!!!:lol:
اهلين أبو العبد:o

ابو نجبو

11/09/2009, 09:56

لك ليش هيك الدنيا مكركبة هون ......:cry:

انا مو طلبت من الولاد مايدخلو لمضافتنا ....

لك يا أحبائي الصغار ...كرمال الرسل كنّو بقى و ريحونا منكن شوي ....والله راسنا مطووش ...حلّو عننا شوي

خلص خلص وانا بوعدكن اجبلكن دروبس و علك دعابيل و مصّاصات ....بس فرقونا

Sun Shine Art

11/09/2009, 11:04

شيلكون عن بيت الفيران.......وعن أذا عذبتني بدي أعطيك لبياع الخبز يابس:cry:
كان في شي أثر في لليوم وعمل عندي ردة فعل حتى وصلت معي للتمرد........وبحث عن اشي خارج عن طبيعة العيلة......هي هاد حرام...وإذا بتعملو الله رح بيحطك بنار.........وإذا سويت ضايقت أخواتك......ربنا حا يعذبك......وهي العبارة......وتخويف من الله.......أثرت عندي بشكل كبير

معك حق بهل الشغله وهون اغلب الناس بتربي ..ولادها ع الخوف والترعيب من الله ..بدل من تاسيس صوره واضحه وصحيحه له ......مشان هيك بتشوف ولادنا بتخاف حتى من السؤال عن الله ..

موضوع تخويف الولد كتير كتير صعب و شائك .....

وعلى فكرة ..انو انا كنت خوّف ابني بـ "سبدلاّ ..اللي بيشق الحيط و بيتدلاّ " ....

لك الولد يفيق من نومو وهو عمبيبكي بخوف شديد و يقللي "بابا سبدلا اجاني و كان بدو ياكلني " .....:cry:

بتصدقو انو الولد بهداك اليوم نام بعمق 8 ساعات متواصلة ....مع انو ماكان يقدر يكمّل ساعتين نوم بدون ما يفزع.....

هي أمثلة للمخاوف المكتسبة حيث أنها تكتسب عن طريق التعلم وخاصه من الوالدين والام بالتحديد

وفي خوف يمر به الطفل عن تجارب مؤلمه ..كحادثه موت ..او انفصال الوالدين ...

طبعا كلنا مرينا بهل المرحله ..وكل واحد فينا كان يخاف من شي معين وترك اثر كبير فينا لحد الان ..وبتاثر حتى على نفسيتنا بطريقه ما ...

اهم العوامل الي ممكن تخلي الطفل يتغلب على الخوف ...هو جعل الطفل يعترف بمخاوفه والاستماع له وعدم السخريه منه او من مخاوفه ....

Sun Shine Art

11/09/2009, 11:06

[quote=ابو نجبو;1332079]لك ليش هيك الدنيا مكركبة هون ......:cry:

انا مو طلبت من الولاد مايدخلو لمضافتنا ....

quote]

بسيطه ابو نجبو طول بالك ..لان الولد بضل ولاد ...شو بتعمول والشغله كلها زوق :p

Sun Shine Art

11/09/2009, 11:30

والله خجلتوني ، ماعدت الاقي حكي ،
بس للامانة يعني مافي انثى ممكن تكون اكبر من شاب على اي حال ، وهذه قضية منتهية منذ الازل ،
بالوقت اللي يعجبك انتي وابو نجبو بنزل الموضوع

مولانا كتير بيسعدنا انه تكون معنا وتشاركنا ارائك ومواضيعك ..لح بتزيد الموضوع لمسه خاصه ....
:D

بنفسجة

11/09/2009, 13:39

كان بابا يخوفني من( النور) او( البدو) ويقلي هلق النوري رح يجي ياخدك اذا ما بتسمعي مني
ولمرحلة صرت شوف كل مين لبس عباية نوري
وكان جدي الله يرحمو يلبس لباس عربي عباية وقنباز وشو بيعرفني شو
مرة شفتو لجدي رحت اركض لعند بابا وابكي وقلو بابا بابا نوري بدو ياخدني
وطلع هالنوري هو جدي:lol:
جد شي كتير خطير انو نخوف الطفل من شي معين لان بيكبر ومعو هالخوف جواتو في ناس بيخوفو اولادون من دكتور الاسنان ومن الابرة ومن الشرطي وهاد كلو غلط بغلط وبياثر على نفسية الطفل وقوة شخصيتو لبعدين

سوا ربينا

11/09/2009, 21:26

صحيح انو انا اعترض على اسم شيوخ الاخوية .. لازم ختيارية الاخوية ..:p لانو الشيوخ هني هدول جماعة اللحى ومدري كيف .. اما الختيارية تدل على الكبر والعتي وما ادراك ما العتي .. يا حيام ..:p

لك ابو نجبو وابو العبد انو عرفت ليش عملتو هالموضوع شكلو بدكو عرايس مش عارفين كيف ويكونو قراب من عمركن فانو يعني وهكزا .. اخ بس العزوبية شو بتعمل ..:lol::p

أإأبو العبد

11/09/2009, 21:29

صحيح انو انا اعترض على اسم شيوخ الاخوية .. لازم ختيارية الاخوية ..:p لانو الشيوخ هني هدول جماعة اللحى ومدري كيف .. اما الختيارية تدل على الكبر والعتي وما ادراك ما العتي .. يا حيام ..:p

شو شريك خايف تروح عليك المشيخة حاشا وكلا وانا موجود انت بتضل شيخنا قدس سرك:p
لك ابو نجبو وابو العبد انو عرفت ليش عملتو هالموضوع شكلو بدكو عرايس مش عارفين كيف ويكونو قراب من عمركن فانو يعني وهكزا .. اخ بس العزوبية شو بتعمل ..:lol::p
:angel:

سوا ربينا

11/09/2009, 21:49

شو شريك خايف تروح عليك المشيخة حاشا وكلا وانا موجود انت بتضل شيخنا قدس سرك:p
:angel:

لا المشيخة بطلناها زمان لانو هيك يعني ما بتطعمي خبز .. في مشاريع اخرى تانية ..:larg:

ما عرفتك وانت ملاك..:lol:

sheldi

12/09/2009, 18:27

شو شكلو الختايرة عما ينامو عبكير صحي نحنا ختايرة بس خلي قلوبكون شباب شه.

marochka

12/09/2009, 18:34

مظبوط، أنا عم نام عبكير، يعني 10 بالكتير 11 بكون بسابع نومة، بس من وقت اللي كنت صغيرة وأنا هيك ما في شي جديد. ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

sheldi

12/09/2009, 19:05

مظبوط، أنا عم نام عبكير، يعني 10 بالكتير 11 بكون بسابع نومة، بس من وقت اللي كنت صغيرة وأنا هيك ما في شي جديد. ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
أنا بحيي ملك النوم والله يديم النعس عالكل

ابو نجبو

13/09/2009, 18:43

خيو قلنالكن انو اللي عندو شي موضوع عانن على بالو يشلفو هون ..لاحدا ينتظر...شبكن نمتو ....

شمّتو فينا الولاد :p

zen

13/09/2009, 19:43

:na3san::na3san::onetv:
كل الختيارية تأحط
أنا لساتني شب 24 و12 شهر الا كام يوم
ايواااااااااااااااااا

Sun Shine Art

13/09/2009, 19:46

:na3san::na3san::onetv:
كل الختيارية تأحط
أنا لساتني شب 24 و12 شهر الا كام يوم
ايواااااااااااااااااا

ابن العم شو مفوتك لهون :jakoush: شيخ الشباب انت :larg:

أإأبو العبد

13/09/2009, 20:34

صباح المسا لاحلى شيوخ اخوية ومية وردة

حابين نحكي اليوم عن موضوع كتير مهم

الا وهو الغربة
على قولة فارس ابن ابي كرم

الله يلعن بي الغربة شو سوت بحالي
مرة ومرمرلتي ألبي وسرئت مني الغالي
:cry:

اذا حابين تسمعوها
اضغطو هون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

حابين نعرف شو الاسباب الي بتدفع الواحد انو يتغرب عن اهلو وناسو

حابين انو كل واحد تغرب يحكيلنا عن تجبرتو كيف بدت وهل قدر يتأقلم مع الوضع لجديد

وحتى الي ماتغرب يحكيلنا شو فكرتو عن الغربة

ويعطيكن العافية
:D

ارسلان

13/09/2009, 22:24

" وان منكم الا واردها"
لا أعتقد ان أحدا قد فرّ من قدر الغربة او لم يتجرع من كأسها
والحنين جغرافية يبدأ حدوده من أول تسارع للقلب خارج الهواء الذي ألفه واعتادته خلايا جسده وانسجته
الغُربة شجرةٌ قد يكون الوطن أكثر المناطق صلاحية لزراعتها ونموها

بنفسجة

14/09/2009, 00:30

انا اذا بدي اتغرب لسببين عمل او دراسة
والسبب التاني زواج:sosweet:
انا لسا ما اغتبرت ولاجربت الاغتراب
كل يلي اغتبرتون 15 يوم مرتين بلبنان سياحة :lol:
واسبوع سياحة بالبحرين:lol:
يعني ما لحقت اغترب
بس ياعمي حتى بهالكم يوم يلي طلعت فيا برا البلد رجعت عالبيت عم قول لابي اخ يابابا الغربة صعبة:shock:

أإأبو العبد

14/09/2009, 02:05

بس ياعمي حتى بهالكم يوم يلي طلعت فيا برا البلد رجعت عالبيت عم قول لابي اخ يابابا الغربة صعبة:shock:
تغربتي 15 يوم ومع العيلة عنجد عنجد اتعتيلي البي :7amwi:

:p

marochka

14/09/2009, 14:27

أنا وقت تجوزت على لبنان فكرت حالي ما عم اتغرب، أنو المفروض الوضع كتير قريب من بعضو، يعني أصلاً كلا ساعة ساعة وشوي وبصير بنص الشام عند أهلي. بس تاري القصة مو هيك بالظبط، أول شي في بعد عن كل شي الواحد متعود عليه، يعني الرفقات والأهل وحتى الشوارع، وبعدين هون ما بتعرف كيف ماشي البلد، يعني في دولة وما في دولة، يعني بالشام صحيح كنا نضل ننق من الفساد والأمن (كسلطة طبعاً) بس أنو يا محلاهون قدام أنك كل يوم لازم تسمع الأخبار وتشوف كل زعيم شو مزاجو اليوم لتعرف شو ممكن يصير معك بس تطلع من البيت.

ابو نجبو

15/09/2009, 16:19

والله يا أبو العبد جبتها عالجرح ......:cry:

يمكن انا من أول ماوعيت عالدنيا و مغهوم الغربة و شعورها عمبينمو جواتي ...
لذلك من أول فرصة الي ...غادرت ....

بس بيني وبينك ..لما تغرّبت ...اصبح عندي شعور حنيني غريب اتجاه البلد ....

من المعروف انو في كتير من الاشخاص الل بيتغرّبو ..وخاصة لبلد أجنبي متقدّم....بيصير ينظر لبلدو نظرة دونيّة ...حتّى في بشر بيرحلك سنتين زمان بيرجع غير نمط ....قرفان ...نقوزي....ومابيعرف كيف بدّو يرجع.....

أنا بالعكس ..كل ما روح و أزور بلاد تانية ...مع انو زرت بلاد كتيرة.. بتطرّف صرت ما بشوف أحلا و أجمل و أحسن من بلادنا .....

بالنسبة لالي صارت الغربة حاجة أكتر ما تكون حلم ......

Sun Shine Art

15/09/2009, 20:01

صباح المسا لاحلى شيوخ اخوية ومية وردة

حابين نحكي اليوم عن موضوع كتير مهم

الا وهو الغربة
على قولة فارس ابن ابي كرم

الله يلعن بي الغربة شو سوت بحالي
مرة ومرمرلتي ألبي وسرئت مني الغالي
:cry:

اذا حابين تسمعوها
اضغطو هون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

حابين نعرف شو الاسباب الي بتدفع الواحد انو يتغرب عن اهلو وناسو

حابين انو كل واحد تغرب يحكيلنا عن تجبرتو كيف بدت وهل قدر يتأقلم مع الوضع لجديد

وحتى الي ماتغرب يحكيلنا شو فكرتو عن الغربة

ويعطيكن العافية
:D

هلى انا نظرتي مختلفه عن اغلب الناس ..عن الغربه ...
انا الي بالغربه 6 سنين ...ولما اتغربت كانت لاسباب عائليه ...كنت احلم كتير بالسفر بس لما صار وصرت بالغربه خفت كتير وخاص مجتمع مختلف كليا عنا ...بس لما بلشت اتأقلم مع الوضع ...اختلفت نظرتي كليا ...انا ما بقلك اني ما بشتاق لبلدي وما بتمنى ارجعلها ..بس للاسف ..لما بشوف شو الي عم يصير بالبلد والي عم ترجع لورى ..بحس بالاسف والالم ....

اما الغربه عطتيني الالم والوحده الي كمان كنت حس فيون ببلدي وطورتني عمليا لابعد الحدود ولو كنت ببلدي ما كنت اطورت ولا اتقدمت بهل الشكل .وهدا الشي مافيني انكره ...الصراحه الغربه عطتيني عمليا الي ما عطاني بلدي ...وفكريا فتحتني كتير وعلمتني كيف اتقبل الاخر .....عائليا اكيد في شوق بس يمكن للذكريات مو اكتر ...

والصراحه انا ما بفكر ارجع ...اول سنه كنت اتمنى ارجع ..بس الوقت هلى لا ..الغربه ضافتلي كتير مفاهيم ع شخصيتي وعلمتني اشياء كتير كبيره .....

حلوه ومره ...متل هل الوطن الي هو حلو ومر .....

وهي الك :D

Nay

15/09/2009, 20:14

أنا من كتر ما بحب البلد كرهتا.. حاسة حالي كرهتا كتير.. وما عاد في شي بيربطني فيها.. وحاسة انو زيمبابوي أقرب إلي من بلدي... حاسة انو ما فيني قدملها شي ولا هيي فيها تقدملي شي .. حتى الحلم بعييييد..
أنا رايحة.. وما عاد بدي شي.. حتى ذكرياتي ما بدي ياها..

قرصان الأدرياتيك

15/09/2009, 21:29

الغربةُ مثل الفودكا كلاهما يفتكان في جسدي فتكَ النّسرِ بطريدته!

كنتُ في غربةٍ إبّانَ دراستي في لبنانَ، غربةٍ في لهجتي، وغربةٍ في مهجتي! كنتُ غريباً عن أجواءِ هذا البلد، عن جوّه السياسيّ، وعن جوّه الاجتماعيّ... إلخ! وما أن تآلفتُ "فكرياً" معه، بعد عامٍ أو عامين من الدراسة فيه، حتّى بدأت سلاسلُ الغربة تتفكّك عن أوصالي ولمّا تتمّ عتقي بكليّتي حتّى غادرتُه إلى بلدٍ أوروبيّ في صدرِه الغربيّ ينبضُ قلباً شرقيّا! مكثتُ فيه أربعة أعوام ونيّف وذقتُ الغربة كما لم أفعل في لبنان!

وبعدَ مضيّ هذه الأعوام... وبعدَ أن صقلتُ جهالتي، وقوّمتُ ما خلّفته العادات البالية في نفسي، ومنحتُ هذه النفس مكاناً فسيحاً تلهجُ فيه وتلهو، اقتطفتُه من حياتي الدنيا في عالمٍ غريقٍ بأسباب المادّة؛ دفعتني الظروف إلى العودة إلى بلدي. وما أن راحت الأيّامُ الأولى تعدو حتى اختنقتُ وقلتُ: غربةٌ في الوطن لأشدُّ كفراً من أيّة غربة! كنتُ غريباً عن بلدي وأبنائه في فكري وعاداتي ومهما فعلتُ إلا أنّني بقيتُ على هذه الحال قلباً واضطررتُ إلى أن أكون على غيرها قالباً!

وها قد عُدتُ لبنان وغربتي لمّا تزل على ذينك الحال!

هذا العالمُ بأسرِه لن يفكّ غربةَ نفسي عنه وعن أصحابِه!
:D.

بنفسجة

16/09/2009, 00:10

تغربتي 15 يوم ومع العيلة عنجد عنجد اتعتيلي البي :7amwi:

:p
مسافرة لحالييييييييييييييييييييي يييييييييييي لحالي وحق ربي لحالي قال العيلة قال :lol::lol::lol:

هشام ابو شرار

16/09/2009, 01:20

بعدك جديد عالمصلحة

صار عنا خدمة شي خمس سنين

بس ترى بيحقلك تسجل معنا :D
طيب وشو بالنسبة للراتب التقاعدي؟

mhsen77

16/09/2009, 03:58

طيب وشو بالنسبة للراتب التقاعدي؟

بدك تشوف حدن مسؤول يزبطلك ياه بالتأمينات الاجتماعية و البطالة و مكافحة العمل بيجوز تحصل عليه

أإأبو العبد

16/09/2009, 05:17

أنا وقت تجوزت على لبنان فكرت حالي ما عم اتغرب، أنو المفروض الوضع كتير قريب من بعضو، يعني أصلاً كلا ساعة ساعة وشوي وبصير بنص الشام عند أهلي. بس تاري القصة مو هيك بالظبط، أول شي في بعد عن كل شي الواحد متعود عليه، يعني الرفقات والأهل وحتى الشوارع، وبعدين هون ما بتعرف كيف ماشي البلد، يعني في دولة وما في دولة، يعني بالشام صحيح كنا نضل ننق من الفساد والأمن (كسلطة طبعاً) بس أنو يا محلاهون قدام أنك كل يوم لازم تسمع الأخبار وتشوف كل زعيم شو مزاجو اليوم لتعرف شو ممكن يصير معك بس تطلع من البيت.
انا الي بعرف وضع لبنان الحال من بعضو:lol:
هلى انا نظرتي مختلفه عن اغلب الناس ..عن الغربه ...
انا الي بالغربه 6 سنين ...ولما اتغربت كانت لاسباب عائليه ...كنت احلم كتير بالسفر بس لما صار وصرت بالغربه خفت كتير وخاص مجتمع مختلف كليا عنا ...بس لما بلشت اتأقلم مع الوضع ...اختلفت نظرتي كليا ...انا ما بقلك اني ما بشتاق لبلدي وما بتمنى ارجعلها ..بس للاسف ..لما بشوف شو الي عم يصير بالبلد والي عم ترجع لورى ..بحس بالاسف والالم ....

اما الغربه عطتيني الالم والوحده الي كمان كنت حس فيون ببلدي وطورتني عمليا لابعد الحدود ولو كنت ببلدي ما كنت اطورت ولا اتقدمت بهل الشكل .وهدا الشي مافيني انكره ...الصراحه الغربه عطتيني عمليا الي ما عطاني بلدي ...وفكريا فتحتني كتير وعلمتني كيف اتقبل الاخر .....عائليا اكيد في شوق بس يمكن للذكريات مو اكتر ...

والصراحه انا ما بفكر ارجع ...اول سنه كنت اتمنى ارجع ..بس الوقت هلى لا ..الغربه ضافتلي كتير مفاهيم ع شخصيتي وعلمتني اشياء كتير كبيره .....

حلوه ومره ...متل هل الوطن الي هو حلو ومر .....

وهي الك :D
بس بيضل تراب الوطن غالي
وهي الك صفصف :D
أنا من كتر ما بحب البلد كرهتا.. حاسة حالي كرهتا كتير.. وما عاد في شي بيربطني فيها.. وحاسة انو زيمبابوي أقرب إلي من بلدي... حاسة انو ما فيني قدملها شي ولا هيي فيها تقدملي شي .. حتى الحلم بعييييد..
أنا رايحة.. وما عاد بدي شي.. حتى ذكرياتي ما بدي ياها..
رايحة من الوطن بس صدقيني الوطن مارح يروح منك:D

والله يا أبو العبد جبتها عالجرح ......:cry:

يمكن انا من أول ماوعيت عالدنيا و مغهوم الغربة و شعورها عمبينمو جواتي ...
لذلك من أول فرصة الي ...غادرت ....

بس بيني وبينك ..لما تغرّبت ...اصبح عندي شعور حنيني غريب اتجاه البلد ....

من المعروف انو في كتير من الاشخاص الل بيتغرّبو ..وخاصة لبلد أجنبي متقدّم....بيصير ينظر لبلدو نظرة دونيّة ...حتّى في بشر بيرحلك سنتين زمان بيرجع غير نمط ....قرفان ...نقوزي....ومابيعرف كيف بدّو يرجع.....

أنا بالعكس ..كل ما روح و أزور بلاد تانية ...مع انو زرت بلاد كتيرة.. بتطرّف صرت ما بشوف أحلا و أجمل و أحسن من بلادنا .....

بالنسبة لالي صارت الغربة حاجة أكتر ما تكون حلم ......

يا ابو نجبو ماحدا بيتغرب الا الي ظروفو جبرتو وشو في بهالدنيا اغلى من حضن الام وحضن الوطن
وانا الحمدلله لتنين فاقدن:lol:
الغربةُ مثل الفودكا كلاهما يفتكان في جسدي فتكَ النّسرِ بطريدته!

كنتُ في غربةٍ إبّانَ دراستي في لبنانَ، غربةٍ في لهجتي، وغربةٍ في مهجتي! كنتُ غريباً عن أجواءِ هذا البلد، عن جوّه السياسيّ، وعن جوّه الاجتماعيّ... إلخ! وما أن تآلفتُ "فكرياً" معه، بعد عامٍ أو عامين من الدراسة فيه، حتّى بدأت سلاسلُ الغربة تتفكّك عن أوصالي ولمّا تتمّ عتقي بكليّتي حتّى غادرتُه إلى بلدٍ أوروبيّ في صدرِه الغربيّ ينبضُ قلباً شرقيّا! مكثتُ فيه أربعة أعوام ونيّف وذقتُ الغربة كما لم أفعل في لبنان!

وبعدَ مضيّ هذه الأعوام... وبعدَ أن صقلتُ جهالتي، وقوّمتُ ما خلّفته العادات البالية في نفسي، ومنحتُ هذه النفس مكاناً فسيحاً تلهجُ فيه وتلهو، اقتطفتُه من حياتي الدنيا في عالمٍ غريقٍ بأسباب المادّة؛ دفعتني الظروف إلى العودة إلى بلدي. وما أن راحت الأيّامُ الأولى تعدو حتى اختنقتُ وقلتُ: غربةٌ في الوطن لأشدُّ كفراً من أيّة غربة! كنتُ غريباً عن بلدي وأبنائه في فكري وعاداتي ومهما فعلتُ إلا أنّني بقيتُ على هذه الحال قلباً واضطررتُ إلى أن أكون على غيرها قالباً!

وها قد عُدتُ لبنان وغربتي لمّا تزل على ذينك الحال!

هذا العالمُ بأسرِه لن يفكّ غربةَ نفسي عنه وعن أصحابِه!
:D.
اسمو في بعض الكلمات مافهمتا:lol: فاستحياطا هي الك:D

مسافرة لحالييييييييييييييييييييي يييييييييييي لحالي وحق ربي لحالي قال العيلة قال :lol::lol::lol:
والي بيحلف يامين كازب ياويل ويلو من الله:p

انو مالقيتي غير البحرين تعملي فيها سياحة:pos:

ابو نجبو

16/09/2009, 17:46

يا ابو نجبو ماحدا بيتغرب الا الي ظروفو جبرتو وشو في بهالدنيا اغلى من حضن الام وحضن الوطن
وانا الحمدلله لتنين فاقدن:lol:

مالي مختلف معك ...بس انو كتير مئرورء من البعض اللي ما بيسافرلو سنتين زمان بيرجع وتقول عايش طول عمرو بالشانزليزيه أو بالامباير ستايت....:pos:
تخيّل انو في واحد من المعارف طلع عالامارات سنة ونص ولمّا رجع قال نسي وين مكان بيت أهلو......:?

هيك أصناف ما بتخرط مشطي أبداً....:sick:

msabri

16/09/2009, 18:23

وأنا معاكم ياأحباب وكل رمضان وأنتم بخير وعيد فطر سعيد للكبار والصغار يارب .

شامي للنخاع

16/09/2009, 19:35

الغربة سياحة وسفر.......وتغير جو يعني:shock:
صرلي مغرب شي خمس سنين......شفت كتير وفتلت أكتر..........الغربة غيرت كتير اشيا فيي.......يمكن علمتني القسوة للدرجة كبيرة.........وخسرتني ناس وحباب كتير.........ورغم هيك أخدت منها مكاسب كبيرة....أن مادية ولا معنوية........وبنت عندي نظر جديدة للواقع