مونولوجات دينية [الأرشيـــــف]

ِAbu Alzooz

08/08/2009, 02:34

إلى كل من يقرأ و سوف يقرأ هذه السطور ...

يجب أن يعرف بأن هذه و تلك السطور هي تعبير حر عن رأي و فكري

و هو بعيد كل البعد عن الإلحاد و الكفر لا بل هو يبحث عن مواطن الخلل و يستدل إلى الحقيقة .

و أريد أن أوصل رسالة لكل من سوف يعتبرها كفراً فليتذكر ليس هو من يقيم الناس إلى مؤمنين و كفرة و ليس هو سوف يأمر بسوقنا إلى جهنم أو الجنة .

الفكر الديني الأخطبوطي :

في كثير من الأحيان عندما أحلل ما أسمع و أرى من الجمل و التراكيب التي تهبط علينا كل يوم من جميع الجبهات و الأصعدة يتراء إلى ناظري الدين

كالوحش الأخطبوطي بعض الناس يمسكونه كل ساعة من يد

و اخر هذه المواقف كانت عندما علمت بقرار مجلس الشعب المصري القاضي بمنع حفلات ملكات الجمال لأسباب دينية .

ليس حباً و دفاعاً عن هذه الحفلات أو تلك بل سؤلاً هل تم حل جميع المشاكل المتعلقة بالدين و بالمجتمع و بقي فقط مشكلة حفلات ملكات الجمال و مع أني متأكد بدرجة 99% أنا جميع من صوت لصالح القرار لو دعي إلى حفلة من هذه الحفلات ليذهب و هو يسابق الرياح .

هنا تراء لي الدين بمشهده الإخطبوط المقيد الذي أمسك أحد المرتزقة الدينية

و أتباعهم يده و رفعوها لصالح أهداف .... ضبابية غير مرئية

و هذه المشاهد تطول و لو أردت تذكرها لن أنتهي إلا بعد وفاتي

يتبع ...

:D

LiOnHeArT.3LA2

08/08/2009, 02:40

عم نستنا اليتبع .. لنشوف ..
باينتو في فكرة ..

suryoyo

08/08/2009, 02:51

,و هي تسجيل متابعة :D

mhsen77

08/08/2009, 03:06

وهي متابعة متل الاوادم يلي سبقونا :D

المحارب العتيق

08/08/2009, 03:38

وهي متابعة متل الاوادم يلي سبقونا :D
جزاك الله كل خير :D

savage garden

08/08/2009, 10:43

marochka

08/08/2009, 11:22

موضوع كتير مهم وبيحط ايدو على الجرح الأكبر بكتير مجتمعات بالشرق وبالغرب، بس بالأخص عنا

مجنون يحكي وعاقل يسمع

08/08/2009, 12:47

هات لك خاي هات معك على طول وإذا بدك دعم لوجيستي عندي تاريخ منو هاد

وردة حماة

08/08/2009, 13:48

راح تابع الموضوع
لكن رجاء الاحترام لكل الديانات
وشكرا

khalkhool

08/08/2009, 14:01

و أريد أن أوصل رسالة لكل من سوف يعتبرها كفراً فليتذكر ليس هو من يقيم الناس إلى مؤمنين و كفرة و ليس هو سوف يأمر بسوقنا إلى جهنم أو الجنة .

هي نتيجة حتمية, يعني رح يجي حدا يعتبرك كافر وزنديق, لأنو الفكر الشمولي الذي يؤومن بامتلاك الحقيقة المطلقة, ويؤمن بالتفوق المطلق على الغير لا يمتلك سلاحا يحارب فيه الفكر سوى التكفير!

الحجج جاهزة: الذات الإلهية, الأنبياء, الشرع...
وطبعا, أي حدا ممكن يكفرك
بئا إذا خايف حدا يكفرك, لا تخاف, رح يكفروك!!

DARKNESS

08/08/2009, 18:07

درر يا ابو الزوز درر:cry::cry:

عم نستنى:D

ِAbu Alzooz

09/08/2009, 01:33

الدين سلاح خفي:
إن الدين في بعض الأحيان و مع بعض الأشخاص يستخدم كسلاح سري قاتل و مدمر فتاك و ليس له رد دفاعي و الاهم من ذلك سلاح مخفي

و يستخدم عند الاختلاف بالآراء مع احد الأشخاص أصحاب الفكر المجمد و المحصن بالاسمنت المسلح الغير قابل على التفهم او التناقش سوف يقوم بتكفيرك في أول المراحل مرورا بتهويدك و تخوينك إلى أن ينتهي النقاش بتفجيرك أو ....

* و من أسوء لحظات الضعف
شعورك عندما تكون تتكلم مع احد أشخاص عن موضوع هام و تدافع عنه فيلقي عليك عدة قنابل يدوية
بضعها آيات سماوية أو مواقف حصلت مع الأنبياء لتسكت
و إن شككت في هذه المقولات فأنت فتحت على نفسك جبهة
لن تستطيع الرد عليها و لو كنت جهبذ في علم الخطابة
و سوف ينتهي بقنبلة نووية تقول انك كافر ملحد لست من مستوى الشخص المقابل و لا تستحق محاورته

لماذا نستخدم الدين للحلول مكان أفكارنا الخاصة و عقولنا النيرة
أم الصبح عقلنا محاط بسياج ديني يستحيل خرقه و التفكير خارج حدوده
و في النهاية تراودني هذه المقولة
ربما أكون مختلف عنك و لكن ليس بالضرورة عدوك
يتبع ... :D

ِAbu Alzooz

09/08/2009, 01:40

عم نستنا اليتبع .. لنشوف ..
باينتو في فكرة ..
:D

,و هي تسجيل متابعة :D
:D
وهي متابعة متل الاوادم يلي سبقونا :D
:D
موضوع كتير مهم وبيحط ايدو على الجرح الأكبر بكتير مجتمعات بالشرق وبالغرب، بس بالأخص عنا
:D
هات لك خاي هات معك على طول وإذا بدك دعم لوجيستي عندي تاريخ منو هاد
:D يسلمون حبيب و اكيد بدنا دعم لوجستي
راح تابع الموضوع
لكن رجاء الاحترام لكل الديانات
وشكرا

ما فيني اوعدك بشي
[/right]

هي نتيجة حتمية, يعني رح يجي حدا يعتبرك كافر وزنديق, لأنو الفكر الشمولي الذي يؤومن بامتلاك الحقيقة المطلقة, ويؤمن بالتفوق المطلق على الغير لا يمتلك سلاحا يحارب فيه الفكر سوى التكفير!

الحجج جاهزة: الذات الإلهية, الأنبياء, الشرع...
وطبعا, أي حدا ممكن يكفرك لأنو عندك مليار ,اربعمئة مليون وصي على الدين!!

بئا إذا خايف حدا يكفرك, لا تخاف, رح يكفروك!!

سيدي يكفرو من هون لبكرا على فيائي المتوصل بهي الدني انهدر دمي كم مرة و مرة زيادة ما بيأثر
درر يا ابو الزوز درر:cry::cry:

عم نستنى:D

:D

المحارب العتيق

09/08/2009, 01:47

و اخر هذه المواقف كانت عندما علمت بقرار مجلس الشعب المصري القاضي بمنع حفلات ملكات الجمال لأسباب دينية .

ليس حباً و دفاعاً عن هذه الحفلات أو تلك بل سؤلاً هل تم حل جميع المشاكل المتعلقة بالدين و بالمجتمع و بقي فقط مشكلة حفلات ملكات الجمال

أولا أغلب أعضاء مجلس الشعب المصري هم من الحزب الحاكم . وهو ليس بحزب ديني بل حزب يساري يحارب الأاحزاب الدينية . وخاصة الاخوان المسلميين رغم أرضيتهم الشعبية

تانيا ماأجى ترتيب لحل مشاكل الدين . المشاكل كتيرة وكل ماأستطعنا نحل مشكلة المفروض مانوقف .الا اذا عندك مشكلة انت انو اليهود يحلو مشاكلهم والمسيحيين يحلو مشاكلهم والمسلميين يحلو مشاكلهم

ِAbu Alzooz

09/08/2009, 01:47

يا شباب رجاء بلا نقاشات جانبية من هون ليخلص ال يتبع

اذا اي حدا عندو مشكلة مع هالمونولوجات يا مرحبا

:D

ِAbu Alzooz

09/08/2009, 01:52

أولا أغلب أعضاء مجلس الشعب المصري هم من الحزب الحاكم . وهو ليس بحزب ديني بل حزب يساري يحارب الأاحزاب الدينية . وخاصة الاخوان المسلميين رغم أرضيتهم الشعبية

انا حكيت انو في عالم من المرتزقة الدينية بتجي كل فترة و بتمسك الدين من ايد
و بترفعها و هادا شبه الدين بالاخطبوط و بظن انو خكيك نفس حكيي بالمشرمحي انا حكيتو بغير طريقة

تانيا ماأجى ترتيب لحل مشاكل الدين . المشاكل كتيرة وكل ماأستطعنا نحل مشكلة المفروض مانوقف .الا اذا عندك مشكلة انت انو اليهود يحلو مشاكلهم والمسيحيين يحلو مشاكلهم والمسلميين يحلو مشاكلهم

هلق مسابقة جمال هي مشكلة

المحارب العتيق

09/08/2009, 02:02

انا حكيت انو في عالم من المرتزقة الدينية بتجي كل فترة و بتمسك الدين من ايد
و بترفعها و هادا شبه الدين بالاخطبوط و بظن انو خكيك نفس حكيي بالمشرمحي انا حكيتو بغير طريقة

طيب أنت حطيت حادثة معينة . ياريت تشرحلنا فيها أكتر عن المرتزقة الدينية يلي بيمسكو الدين من أيد

هلق مسابقة جمال هي مشكلة
أول شغلة أنت يلي أفترضت أنها مشكلة لما أتسائلت هلتم حل جميع المشاكل المتعلقة بالدين

تاني شي مفهوم مشكلة بالدين بدها تختلف بشكل طبيعي بين نظرتي ونظرتك . وبين دين ودين . وهون ياريت تحددلي أنت جايب شي مسميه مونولوجات دينية أنا بدي ناقشك فيه على أنو اساس ؟ . أنو أنت مسيحي ولا ملحد ولا مسلم ؟

ِAbu Alzooz

09/08/2009, 02:06

أول شغلة أنت يلي أفترضت أنها مشكلة لما أتسائلت هلتم حل جميع المشاكل المتعلقة بالدين

تاني شي مفهوم مشكلة بالدين بدها تختلف بشكل طبيعي بين نظرتي ونظرتك . وبين دين ودين . وهون ياريت تحددلي أنت جايب شي مسميه مونولوجات دينية أنا بدي ناقشك فيه على أنو اساس ؟ . أنو أنت مسيحي ولا ملحد ولا مسلم ؟
على اساس اني انسان و على اساس الانسانية

المحارب العتيق

09/08/2009, 02:19

على اساس اني انسان و على اساس الانسانية
مافهمت . شوية شرح لو سمحت . هلاء الأانسانية بتسمحلي حط مثلا موضوع عن اليهود وهاجمهم فيه ؟

MadMax

09/08/2009, 02:20

المحارب العتيق

09/08/2009, 02:22

ملاحظة صغيرة ... من بعد ما اجاني كذا تقرير مشاركة عاطلة بهالموضوع

صحيح أنو المواضيع الدينية ممنوعة

بس المواضيع يللي بتحكي عن فكرة الدين بالمطلق .... و بتتناول الفكرة من جانب منطقي أو فلسفي
بدون ما تسيء لدين معين ....

فهي تعتبر مسموحة
طيب أولا معناها الردود يلي بتدل على دين معين ياريت تنمحى . وتانيا بما انك مشرف السقيفة ممكن حط موضوع أتناول فيه عن الالحاد والملحدين بالمطلق ؟

MadMax

09/08/2009, 02:30

طيب أولا معناها الردود يلي بتدل على دين معين ياريت تنمحى
ابعات تقرير مشاركة عاطلة .. و حط السبب...

لأنو مو دايماً منلحق نقرا كل الردود ..

. وتانيا بما انك مشرف السقيفة ممكن حط موضوع أتناول فيه عن الالحاد والملحدين بالمطلق ؟
إذا رح تتناولو من منظور علمي أو منطقي

اي أكيد ممكن

ِAbu Alzooz

09/08/2009, 02:43

مافهمت . شوية شرح لو سمحت . هلاء الأانسانية بتسمحلي حط مثلا موضوع عن اليهود وهاجمهم فيه ؟
الانسانية بتجبرك تحترم الانسان لأنو انسان

و تهاجمو لأنو انسان سيئ همجي

مو لانو حاطط نجمة داوود او صليب او هلال

ِAbu Alzooz

09/08/2009, 02:48

ملاحظة صغيرة ... من بعد ما اجاني كذا تقرير مشاركة عاطلة بهالموضوع

الله يزيد المحبين

و اهلا اب سمرا

MadMax

09/08/2009, 02:56

الله يزيد المحبين

و اهلا اب سمرا
أهلين باشا
و أدامك الله ذخراً لسقيفتنا

صحيح هيي سقيفة
بس حلو نشوف فيها مواضيع فيها فكرة .. و بتفتح باب للنقاش و الحوار

اي ... و مشكور عالموضوع

المحارب العتيق

09/08/2009, 02:59

و تهاجمو لأنو انسان سيئ همجي

حلو هالكلام وبتستاهل عليه صفقة . بس وين الهمجية بأنتو منعو أنتخاب ملكة الجمال . شيلني من الدين لحنا كل عادانتا بالشرق عند أغلب الناس . بتمنع انو البنت تعرض حالها شالحة تيابها وعارضة مفاتنها للناس. يعني هاد الكلام بيشمل أسلام ومسيحية وملحدين كمان . وحتى بالغرب في كتير اصوات بتنادي بألغاء حالحفلات لانها تنتقص من المرأة . لما ما بتاخد منها غير قياس صرها وطول رجليها وغيرو . وبتطلع تعرض حالها شبه عارية . وكأنها مخلوق غريزي فقط مو انسان . أو كأنها الة جنسية . فلما الواحد بيطلع قرار من ضمن بيئتو وبيحافظ على كرامة المرأة بيكون همجي ؟

ِAbu Alzooz

09/08/2009, 04:27

حلو هالكلام وبتستاهل عليه صفقة . بس وين الهمجية بأنتو منعو أنتخاب ملكة الجمال . شيلني من الدين لحنا كل عادانتا بالشرق عند أغلب الناس . بتمنع انو البنت تعرض حالها شالحة تيابها وعارضة مفاتنها للناس. يعني هاد الكلام بيشمل أسلام ومسيحية وملحدين كمان . وحتى بالغرب في كتير اصوات بتنادي بألغاء حالحفلات لانها تنتقص من المرأة . لما ما بتاخد منها غير قياس صرها وطول رجليها وغيرو . وبتطلع تعرض حالها شبه عارية . وكأنها مخلوق غريزي فقط مو انسان . أو كأنها الة جنسية . فلما الواحد بيطلع قرار من ضمن بيئتو وبيحافظ على كرامة المرأة بيكون همجي ؟

الهمجية بالغاء رئي الاخر انت مو عاجبتك هالشي و عما تقول انو انتقاص من المرأة لا تحضر
مو تمنع الاخر انو يعمل شي مقتنع فيه ما بظن في اي صبية شاركة بهالمسابقات عن غصب
و على فكرة بمسابقات ملكات الجمال الثقافة و الشخصية الها علامات كمان مو بس الجمال

وردة حماة

09/08/2009, 10:05

حلو هالكلام وبتستاهل عليه صفقة . بس وين الهمجية بأنتو منعو أنتخاب ملكة الجمال . شيلني من الدين لحنا كل عادانتا بالشرق عند أغلب الناس . بتمنع انو البنت تعرض حالها شالحة تيابها وعارضة مفاتنها للناس. يعني هاد الكلام بيشمل أسلام ومسيحية وملحدين كمان . وحتى بالغرب في كتير اصوات بتنادي بألغاء حالحفلات لانها تنتقص من المرأة . لما ما بتاخد منها غير قياس صرها وطول رجليها وغيرو . وبتطلع تعرض حالها شبه عارية . وكأنها مخلوق غريزي فقط مو انسان . أو كأنها الة جنسية . فلما الواحد بيطلع قرار من ضمن بيئتو وبيحافظ على كرامة المرأة بيكون همجي ؟

يسلمو هدا الكلام درر
يعطيك الف عافية يا رب...

هدول الناس اللي بيفهمو....
يعطيك الف عافيو يا المحارب العتيق.:D...

يمان Rooooonaldo

09/08/2009, 10:09

انو مرحبا جميعا ..

شلونك زيادو .

تقريبا فكرة الموضوع .. عم تحوم شوي حوالين فكرة لموضوع .. انغتح بالصالون من كم يوم ..

لماذا نستخدم الدين للحلول مكان أفكارنا الخاصة و عقولنا النيرة
أم الصبح عقلنا محاط بسياج ديني يستحيل خرقه و التفكير خارج حدوده
و في النهاية تراودني هذه المقولة
ربما أكون مختلف عنك و لكن ليس بالضرورة عدوك
يتبع ... ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

اب الزوز .. منشان ما ارجع كرر حكيي .. لح حطلك الرد ..

هلا .. بالاخير .. متل ما حكيت نقطة وما حدا علّق عليها يمكن .. انو الانسان .. معروف عنو وعن شخصيتو انو بتتكون وبتتاّثر بالجو والبيئة والمعتقدات اللي بيامن فيها .. طبيعيا .. ما بإرادتو ..

هلا بجوز بعد ما يكبر .. وتصير قدرة التفكير عندو اكبر واوسع .. ممكن يحلل ويشوف انو الشي اللي انا مآمن فيه يا اخي غلط .. او يشوف انو هاد الشي اللي انا .. اتربيت عليه وعرفتو ما .. كتير عم يلائمني .. وبعّد عن هاد الشي كلو .. بيبلش من جديد .. يبني تطلعاتو وافكارو .. على اشياء تانية اخرى ..
بالمقابل .. في عالم بعد ما ترجع .. وتكبر وهيك .. بتفكر بتلاقي انو فعلا الشي اللي انا متربي عليه .. واللي بامن فيه واللي عشتو .. هوة شي .. مريحني .. وعاطيني قناعة اني انا ماشي تمام ومتل ما بدي .. " شو ما كان طريقو " ..

هلا تعا شوف هدول التنين .. وقت بدن يجو يتناقشو .. شو حتشوف .. كل واحد لح يحاول الحكي من المبدا والمنطلق اللي متربي عليه .. سواءً كان بيرضي الطرف التاني او لا .. يعني حكيت كلمة من قبل ولح ارجع عيدا ..

لو بدّك كل العالم تحكي .. وتفكر وتناقش بغض النظر عن معتقداتا وكيف بتفكر .. ما لح ينتج عندك نقاش ابدا .. لانو لح يكون الكل محايد .. وما في افكار او اتجاهات معينة تتناقش بصدى هالموضوع ..

نقطة الاحترام للطرف المقابل جدا مهمة بهي الحالة .. لانو عند اقل .. شي بيحس الطرف التاني بالاهانة فيه لح .. ينتج خلاف معين بينهم .. وما ينتهي النقاش بايا شي .. بس في ملاحظة مهمة ..

انو ازا انا استنتجت وناقشتك من منطلق اللي انا بامن فيه .. وووقت بقلك انو الشرب حرام وقت انت بتكون عم تقلي انو امشي نشرب " مثال ما اكتر " .. ما بكون عم هينك ابدا .. لاني ما عم قلك ازا بتشرب بتكون .......
ابدا وقطعا لاني عم كون احكي انا شو بآمن .. وانا شو شايف الصح وشو شايف الغلط ..

منشان شغلة التطور .. والدين .. الدين .. واللي بيفهمو منيح وبيعرف فيه منيح مالو ابدا ضد التطور .. ولا التقدم الفكري .. وفي نقطة انك تحكم عالدين .. من خلال شخصيات بتمثل هاد الدين .. مين ما كانت تكون "باستثناء اللي وصل هالرسالة بالدين " .. غلط كبير لح يكون ..

لانو اللي عم يمثل الديين " دولة - مجموعة - فرد " .. بجوز تكون مصالحو الشخصية الها دور كبير بتشكيل .. الصورة الدينية او هوة يا اخي كيف فهم هالدين .. لذلك .. بتمنى ما ينحكم على الدين .. من خلال اراء او نظريات معينة .. بتخالف تماما الواقع الديني الحقيقي ..

فـ .. وقت بدك تجي وتقلي انو الدين .. بيخالف التطور والتقدم والتعليم .. عطيني دليل .. من الدين اللي عم ينحكى عنو .. بيطالب بهيك شي .. وساعتا بكون النا حكي بهاد المجال ..

:D

وردة حماة

09/08/2009, 10:10

الهمجية بالغاء رئي الاخر انت مو عاجبتك هالشي و عما تقول انو انتقاص من المرأة لا تحضر
مو تمنع الاخر انو يعمل شي مقتنع فيه ما بظن في اي صبية شاركة بهالمسابقات عن غصب
و على فكرة بمسابقات ملكات الجمال الثقافة و الشخصية الها علامات كمان مو بس الجمال

يا عيوني لك بمسابقات ملكة الجمال بعاملو المرأة متل السلعة لما بتعرض جسما بالمايو وغيرو ....
وين الكرا مة لما المرا بتعرض جسما قدام ملا يين من الناس وبعدين يا بتفوز او ما بتفوز.. شو بتكون استفادت..
غير انو اتنقص من كرامتا وأصبحت بنت رخيصة كسلعة من السلع المعروضة كالسيارات مثلا...
والله يعطين الف عافية مجلس الشعب المصري لما حط هيك قانون...
هيك بكونو عملو قدر وقيمة للمرأة...

khalkhool

09/08/2009, 10:25

الانسانية بتجبرك تحترم الانسان لأنو انسان

و تهاجمو لأنو انسان سيئ همجي

مو لانو حاطط نجمة داوود او صليب او هلال

طيب, بهي الحالة, فينا ننتقد الجماعات يلي فيها خط عام ومجموعة من المعتقدات والدساتير يلي بتلغي الآخر أو بتحقرو أو بتمتهن كرامتو, يعني مثلا, النازيين هنن حزب عنصري يرفع العرق الآري إلى مصافي البشر, ويعتبر كل ماسواه من أعراق دونه, فهو حزب عنصري يجاهر بالتتعصب والتمييز بين الناس على أساس لون بشرتهم وعرقهم,
برأيكون, هدول مو المفروض اننا نهاجم معتقداتهم؟

وهاد السؤال موجه بشكل أساسي لأبو الزوز, المحار العتيق, وردة حماه, ماد ماكس, ويمان رونالدو....

بتمنى تجاوبوني! لأنو للحديث بقية....

يمان Rooooonaldo

09/08/2009, 10:31

طيب, بهي الحالة, فينا ننتقد الجماعات يلي فيها خط عام ومجموعة من المعتقدات والدساتير يلي بتلغي الآخر أو بتحقرو أو بتمتهن كرامتو, يعني مثلا, النازيين هنن حزب عنصري يرفع العرق الآري إلى مصافي البشر, ويعتبر كل ماسواه من أعراق دونه, فهو حزب عنصري يجاهر بالتتعصب والتمييز بين الناس على أساس لون بشرتهم وعرقهم,
برأيكون, هدول مو المفروض اننا نهاجم معتقداتهم؟

ابو الخل .. نوّرت .. :D اشتقنالك ..
عندي تعليق عاللي حكيتو انت .. ولح احكي رايي اللي بشوفو وفهمتو من حكيك ..
إني هاجم بدون سبب .. لا ما لح هاجم .. إلّا بحالة وحدة .. واللي هية انو هي الجماعة وتوجهها .. وفكرها لو بدو يأذيني .. او حس انو عم ياخد من حقي .. لح اطلع واتناقش .. وتحكي وتتناقش معهم .. وتوصلو لنقطة اتفاق ..
أما يا اخي لو هنن قاعدين بحالن .. وما عم يأثرو عليي .. ما عم يأذوني او يهاجموني .. ما لح قرب عليهم .. مثال النازية .. بيختلف شوي .. عوقتها النازية كانت قوة عظمى وما حدا عم يقدر يوقفهم .. لو هاجمتن او لا .. لح ياكلوك .. لذلك ما كان بالامكان انك توقف ضدهم .. فما لح تفرق كتير ..
اما حاليا لو بدنا نحكي عن جماعة ما متدينة " وأرجو انو يتم التدقيق على كلمة جماعة .. وهي الجماعة ما بتمثل الدين كامل " .. وعندها افكار غريبة عجيبة .. وما بحبونا يا اخي .. ما لح روح هاجمن وقلو بالصرماية بدك تحبني لانو ما لح يقبل ولح تقوم الدنيا وما تعقد .. بس لو بلّش .. يشتغل فيني ويحكي عليي بطالبو اكيد انو يتوقف عن هالشي .. لانو ما بحقلّو ..

:D

khalkhool

09/08/2009, 10:32

يا عيوني لك بمسابقات ملكة الجمال بعاملو المرأة متل السلعة لما بتعرض جسما بالمايو وغيرو ....
وين الكرا مة لما المرا بتعرض جسما قدام ملا يين من الناس وبعدين يا بتفوز او ما بتفوز.. شو بتكون استفادت..
غير انو اتنقص من كرامتا وأصبحت بنت رخيصة كسلعة من السلع المعروضة كالسيارات مثلا...
والله يعطين الف عافية مجلس الشعب المصري لما حط هيك قانون...
هيك بكونو عملو قدر وقيمة للمرأة...

انتي مانك مضطرة تشاركي بهيك مسابقة, يلي عمبيشاركو هنن بنات واعيين وبالغين راشدين, وأصحاب قرار, كل انسان حر يقبل أمور ويرفض أخرى,,,,

مشان هيك في بنت عاهرة, وفي بنت متعصبة دينيا, مرورا بجميع درجات التحرر والاعتدال والتعصب..
وفي شب متدين, وفي شب ماجن, كمان مرورا بجميع الدرجات والمستويات...

إذا أنا عندي وجهة نظر معين, فمابتخيل انو الناس ملزمين يتقيدو فيها, لأنو مو كل الناس متلي...

khalkhool

09/08/2009, 11:09

ابو الخل .. نوّرت .. :D اشتقنالك ..
عندي تعليق عاللي حكيتو انت .. ولح احكي رايي اللي بشوفو وفهمتو من حكيك ..
إني هاجم بدون سبب .. لا ما لح هاجم .. إلّا بحالة وحدة .. واللي هية انو هي الجماعة وتوجهها .. وفكرها لو بدو يأذيني .. او حس انو عم ياخد من حقي .. لح اطلع واتناقش .. وتحكي وتتناقش معهم .. وتوصلو لنقطة اتفاق ..
أما يا اخي لو هنن قاعدين بحالن .. وما عم يأثرو عليي .. ما عم يأذوني او يهاجموني .. ما لح قرب عليهم .. مثال النازية .. بيختلف شوي .. عوقتها النازية كانت قوة عظمى وما حدا عم يقدر يوقفهم .. لو هاجمتن او لا .. لح ياكلوك .. لذلك ما كان بالامكان انك توقف ضدهم .. فما لح تفرق كتير ..
اما حاليا لو بدنا نحكي عن جماعة ما متدينة " وأرجو انو يتم التدقيق على كلمة جماعة .. وهي الجماعة ما بتمثل الدين كامل " .. وعندها افكار غريبة عجيبة .. وما بحبونا يا اخي .. ما لح روح هاجمن وقلو بالصرماية بدك تحبني لانو ما لح يقبل ولح تقوم الدنيا وما تعقد .. بس لو بلّش .. يشتغل فيني ويحكي عليي بطالبو اكيد انو يتوقف عن هالشي .. لانو ما بحقلّو ..

:D
عراسي يمان الغالي....

معلم الموضوع انو انا حاسس بخطر دائم من هي الجماعة, تمددها وتطورها بيشكل انذار خطر إلي ولغيري... فلازم يكون في حدا عميعمل لوبي للتصدي لهي المجموعة قبل ماتكبر, متل السرطان تماما, ببدايتو مابيكون مؤذي, بس تطورو ممكن يسبب الموت, مشان هيك لازم نعالجو على بكير....

إذا انت بتعرف انو انا وجماعتي عنا أفكار ضد كل شي مختلف عننا, وانت شفت مننا تحركات ما أذتك بس أذت غيرك واللي متلك, مارح تحاول تحارب هدول الجماعة؟
فيك تحاربهون بالقلم, وفيك تحاربهون بالنار....

انا عن نفسي مابعرف قوّص غير بالقلم البايلوت الأزرق :lol:

وردة حماة

09/08/2009, 11:11

انتي مانك مضطرة تشاركي بهيك مسابقة, يلي عمبيشاركو هنن بنات واعيين وبالغين راشدين, وأصحاب قرار, كل انسان حر يقبل أمور ويرفض أخرى,,,,

مشان هيك في بنت عاهرة, وفي بنت متعصبة دينيا, مرورا بجميع درجات التحرر والاعتدال والتعصب..
وفي شب متدين, وفي شب ماجن, كمان مرورا بجميع الدرجات والمستويات...

إذا أنا عندي وجهة نظر معين, فمابتخيل انو الناس ملزمين يتقيدو فيها, لأنو مو كل الناس متلي...

في شي بمجتمع الانسانية اسمو اخلاق واحترام للعادات والتقاليد والكرامة الانسانية..بعيدا عن الدين.

khalkhool

09/08/2009, 11:18

والله حكيك هاد لحالو كلو تناقض
اذا انت ما بتعرف ترد على الشخص اللي بتحاورو بعد ما يجبلك الادلة لما تكذبو....
مو هاد لحالو دليل انو الدين هو الحق؟؟؟؟؟؟
وبدي انصحك نصيحة اذا بدك تكذب حدا بشي روح ادرس تاريخ بالاول....
مو تكذب على عماك...
بعلم المنطق, لا يعرَّف الشيء بنفسو, وبالحكم, لا يشهد الشيء لنفسو...

يعني وقت بدنا نناقش مثلا موضوع ورد بالإنجيل, مافيني قول أنو هاد الموضوع صح لأنو ورد بالإنجيل,,,, لأنو بالأصل انتي ممكن ماتكوني مؤمنة بالإنجيل أصلن... يعني بالمقابل, مافيني اشهد على صحة الإنجيل بالإنجيل نفسو, خصوصا إذا كان الطرف التاني لا يؤمن به!!!

المصيبة أنو بهي المواضيع, الدليل الوحيد يلي بيجي بيكون من الكتاب نفسو, يعني هوه عم يشهد لنفسو, وبعلم المنطق هاد الشيء غير مقبول!!!

وما بني على باطل فهو باطل,,, مشان هيك مافيكي تقولي انو دين معين هوه دين الحق بس لأنو هوه قال هيك عن حالو!!! إذا قلتلك انو أنا الله, والدليل اني عمقول اني انا الله!!! هل هاد الشي معناه اني انا الله ؟؟؟ !!!!

khalkhool

09/08/2009, 11:24

في شي بمجتمع الانسانية اسمو اخلاق واحترام للعادات والتقاليد والكرامة الانسانية..بعيدا عن الدين.
اي بس مو كل الناس عندهون نفس المستوى من الأخلاق
ومو كل الناس بيؤمنو بنفس العادات والتقاليد

الشي المرفوض عندي ممكن يكون مقبول عندك, والعكس صحيح!!!

فيكي تنكري انو الملاهي اليلية شيء مخالف للأخلاق يلي معظمنا بيؤمن فيها؟؟ طيب بس هيه موجودة, ومقبولة من كتير ناس, بدليل انها موجودة من ومااااان كتير, ومربحة وشغالة, معناها في ناس بيقبلو فيها, سواء بالعمل فيها, أو انو يكونو زباين إلها أو أو أو...

إذا انا برأيي أنو الحجاب شيء غلط وسيء, مو معناها أنو هوه سيء بالمطلق, الحجاب مرفوض ببعض المجتمعات, ومقبول ببعضها الآخر, ويعتبر فرض قسري بمجتمعات أخرى, وهيههي المجتمعات المصيبة نفسها, لأنو الأنظمة الشمولية هيه اللي بتسبب التخلف بالمجتمعات, وبتقتل روح الإبداع والفكر والتحرر...

بعدين برأيك كل العادات والتقاليد تبعنا هيه شي ممتاز وكامل؟؟؟
ختان البنات مثلا بمصر,
والنقاب بالسعودية
وزواج المبادلة والمصلحة بسوريا
ومنع خروج البنت لحالها مثلا, ومنعها من التعلم والشغل كمان....
والشب مابيتجوز إلا ليدفع مصاري لأهل البنت,

هل هي العادات هيه صح تماما؟ ومقبولة تماما؟

وردة حماة

09/08/2009, 11:29

بعلم المنطق, لا يعرَّف الشيء بنفسو, وبالحكم, لا يشهد الشيء لنفسو...

يعني وقت بدنا نناقش مثلا موضوع ورد بالإنجيل, مافيني قول أنو هاد الموضوع صح لأنو ورد بالإنجيل,,,, لأنو بالأصل انتي ممكن ماتكوني مؤمنة بالإنجيل أصلن... يعني بالمقابل, مافيني اشهد على صحة الإنجيل بالإنجيل نفسو, خصوصا إذا كان الطرف التاني لا يؤمن به!!!

المصيبة أنو بهي المواضيع, الدليل الوحيد يلي بيجي بيكون من الكتاب نفسو, يعني هوه عم يشهد لنفسو, وبعلم المنطق هاد الشيء غير مقبول!!!

وما بني على باطل فهو باطل,,, مشان هيك مافيكي تقولي انو دين معين هوه دين الحق بس لأنو هوه قال هيك عن حالو!!! إذا قلتلك انو أنا الله, والدليل اني عمقول اني انا الله!!! هل هاد الشي معناه اني انا الله ؟؟؟ !!!!

في شي اسمو تاريخ
الواحد لازم يكون على دراية فيه
اذا ما كان مؤمن بالديانات
لان مادام الواحد عندو عقل راح يعرف الحق والباطل
وبظن انو التاريخ هو اللي بيدعم كلام الدين وبيكذبو اذا كان هدا التاريخ من مصادر موثوقة ومعروفة....

DARKNESS

09/08/2009, 11:38

في شي اسمو تاريخ
الواحد لازم يكون على دراية فيه
اذا ما كان مؤمن بالديانات
لان مادام الواحد عندو عقل راح يعرف الحق والباطل
وبظن انو التاريخ هو اللي بيدعم كلام الدين وبيكذبو اذا كان هدا التاريخ من مصادر موثوقة ومعروفة....

مممم اناما الي عداوة مع الدين بس شو هوي الشي اللي بخلي التاريخ يدعم الدين:?

اذا رجعنا بالتاريخ منشوف انو في حضارات عظيمة قامت حتى انو بعضها تفوق على نفوذ اعظم الديانات الموجودة حاليا و ترك اثار اكبر من اي اثار لأي دين

برأيي الدين ظاهرة تاريخية كغيرها من الظواهر و الحضارات اللتي تناسب بيئتها المرحلية و لكن ما يساعد على بقائها الإيمان بها
و لكن في بعض الأحيان الإيمان يجعلنا نتمسك بشيء لا داع له

سلام:D

مركيشيو

09/08/2009, 14:04

فعلا مبسوووط انا فيكن وبافكاركن لانو بحب الناس يلي بتعلك كتير متلي

طبعا انا اسف على كلمة بتعلك بس السبب انو ممكن نكون عمنعمل شي افضل من انو نتناقش على منتدى وممكن نتناقش بشكل مباشر بس في اسباب كتيرة بتمنع هالشي
بس يا ترى شو هي هالاسباب فكرو فيها منيح
رح اعطيكو واحد من هالاسباب

( التقليد الديني بقول انه نوع من العبادة لما الناس تقعد وتتناقش بهالمواضيع طبعا مع عدم التخبيص )

بس المجتمع الشرقي صار يعتبر انو كل نقاش من هالنوع بكون زندقة وكفر وابتعد كل الابتعاد عن العقل يلي ربنا اعطانا ياه لحتا نستخدمو اهم استخدام يلي هو فهم الله

سواء كنت من ديانة سماوية او غير سماوية سواء ملحد او مؤمن تزكر انو عندك عقل وتزكر انو تعامل الناس منيح

اي شخص بلاقي انو هالتعليق بهينو او بهين ديانتو يا ريت يخبرني وانا بحذفو بايدي

اما بالنسبة لموضوع ملكات الجمال فانسو موضوعهم وتزكرو الافلام الاباحية ولا تقولولي كمان البنات حدا ضربن على ايدن لحتا يمثلو فين :larg:

khalkhool

09/08/2009, 15:55

في شي اسمو تاريخ
الواحد لازم يكون على دراية فيه
اذا ما كان مؤمن بالديانات
لان مادام الواحد عندو عقل راح يعرف الحق والباطل
وبظن انو التاريخ هو اللي بيدعم كلام الدين وبيكذبو اذا كان هدا التاريخ من مصادر موثوقة ومعروفة....
يعني إذا طلبت منك دليل تاريخي على نبوة محمد مثلا, فيكي تجيبي دليل من مصادر غير إسلامية (مشان تكون محايدة) وموثوقة؟
او مثلا إذا بدي دليل تاريخي على أنو "الدين عند الله الإسلام" أو إنو "اليهود شعب الله المختار"

المحارب العتيق

10/08/2009, 00:38

هلاء اجيت بدي جاوب لقيت الحوار ماشي ولقيت أن خلخول مجاوب عني بفكرة أنو

ومو كل الناس بيؤمنو بنفس العادات والتقاليد

الشي المرفوض عندي ممكن يكون مقبول عندك, والعكس صحيح!!!

إذا انا برأيي أنو الحجاب شيء غلط وسيء, مو معناها أنو هوه سيء بالمطلق, الحجاب مرفوض ببعض المجتمعات, ومقبول ببعضها الآخر, ويعتبر فرض قسري بمجتمعات أخرى, وهيههي المجتمعات المصيبة نفسها, لأنو الأنظمة
بعدين برأيك كل العادات والتقاليد تبعنا هيه شي ممتاز وكامل؟؟؟

وهون الزبدة لمثال أبو الزوز . أنو لما بينمنع بمجتمع متل المجتمع المصري . بعتقد شي عادي . بس لما بيجو مثلا المسلميين بيطلبو من المجتمع الأميركي يلغيها هون الغلط

المحارب العتيق

10/08/2009, 00:48

الهمجية بالغاء رئي الاخر انت مو عاجبتك هالشي و عما تقول انو انتقاص من المرأة لا تحضر
مو تمنع الاخر انو يعمل شي مقتنع فيه ما بظن في اي صبية شاركة بهالمسابقات عن غصب
و على فكرة بمسابقات ملكات الجمال الثقافة و الشخصية الها علامات كمان مو بس الجمال
طيب ولما بيكون اغلب الرأي ضد هالمسابقة الهمجية ( حسب تعبيرك ) وين بتكون؟ . بعدين ياريت ترجع تشرحلي لأنو ما جاوبتي بفكرة موضوعك الرئيسية . مين يلي مسك الدين من أيدو بمثالك ؟

بعدين ماعاد ناقشناك دينيا . قلتلك شيلني من الدين ناقشتك بالعادات وبالأنسانية . الأانسانية بعيدة عن هالشي بعتقد . والانسانية مو بس رأيك . يعني مثلا مابسمحلك تختصر الانسانية . أنا حر برأيي ومتل مابشوف الانسانية من وجهة نظري .

المحارب العتيق

10/08/2009, 01:07

بدي ارجع لهاد الكلام . أنت أعتبرت أنو أصحاب الفكر المجمد والمحصن بالأسمنت حيكفرك ويخونك . والشباب ماحدا عمل هاد الشي . فبشهادتك طلعو الشباب مو من اصحاب الفكر المجمد

و يستخدم عند الاختلاف بالآراء مع احد الأشخاص أصحاب الفكر المجمد و المحصن بالاسمنت المسلح الغير قابل على التفهم او التناقش سوف يقوم بتكفيرك في أول المراحل مرورا بتهويدك و تخوينك إلى أن ينتهي النقاش بتفجيرك أو ....

* و من أسوء لحظات الضعف

شعورك عندما تكون تتكلم مع احد أشخاص عن موضوع هام و تدافع عنه فيلقي عليك عدة قنابل يدوية

بضعها آيات سماوية أو مواقف حصلت مع الأنبياء لتسكت

و إن شككت في هذه المقولات فأنت فتحت على نفسك جبهة

لن تستطيع الرد عليها و لو كنت جهبذ في علم الخطابة

و سوف ينتهي بقنبلة نووية تقول انك كافر ملحد لست من مستوى الشخص المقابل و لا تستحق محاورته

لماذا نستخدم الدين للحلول مكان أفكارنا الخاصة و عقولنا النيرة

أم الصبح عقلنا محاط بسياج ديني يستحيل خرقه و التفكير خارج حدوده

و في النهاية تراودني هذه المقولة

ربما أكون مختلف عنك و لكن ليس بالضرورة عدوك

يتبع ... :D

بعدين قلتلي وكمان كلام منطقي أنو

الانسانية بتجبرك تحترم الانسان لأنو انسان

و تهاجمو لأنو انسان سيئ همجي

مو لانو حاطط نجمة داوود او صليب او هلال

بس انت بالرد يلي بعدو أفترضت انو 95 % من المجتمع المصري همجي لأنو مابيتفق مع وجهة نظر البقية .

طيب منجي اذا بدنا نقيس هاد الكلام بشي تاني . بتطلع كل الكرة الارضية همجية بصور مختلفة . ومن أصغر مثال لأكبر مثال

من مثال انو انا همجي اذا منعت جارنا يوقف على الفرندة بلاتياب (لأنو هو حر ومقتنع ومو مجبر وهيك بدو) .لنصل لمثال أنو فرنسا همجية لأنو منعت أرتداء الرموز الدينية . ولأخر الهمجيين تركيا يلي منعت التدخين بالأماكن العامة الخ الخ. طبعا كلامك كان

الهمجية بالغاء رئي الاخر انت مو عاجبتك هالشي و عما تقول انو انتقاص من المرأة لا تحضر
مو تمنع الاخر انو يعمل شي مقتنع فيه ما بظن في اي صبية شاركة بهالمسابقات عن غصب
و على فكرة بمسابقات ملكات الجمال الثقافة و الشخصية الها علامات كمان مو بس الجمال

ِAbu Alzooz

10/08/2009, 02:26

طيب ولما بيكون اغلب الرأي ضد هالمسابقة الهمجية ( حسب تعبيرك ) وين بتكون؟ . بعدين ياريت ترجع تشرحلي لأنو ما جاوبتي بفكرة موضوعك الرئيسية . مين يلي مسك الدين من أيدو بمثالك ؟

بعدين ماعاد ناقشناك دينيا . قلتلك شيلني من الدين ناقشتك بالعادات وبالأنسانية . الأانسانية بعيدة عن هالشي بعتقد . والانسانية مو بس رأيك . يعني مثلا مابسمحلك تختصر الانسانية . أنا حر برأيي ومتل مابشوف الانسانية من وجهة نظري .
اول شي يا محارب انت سئلتني شلون بدي ناقشك كمسلم و لا مسيحي و لا ملحد
قلتلك ناقشني كانسان و ايم الدين تبعي على جنب

تنين المثال تبعي مين رفع ايد الدين بظن واضحة و ما بدها تفكير و انت قلتو بردك

ِAbu Alzooz

10/08/2009, 02:28

بدي ارجع لهاد الكلام . أنت أعتبرت أنو أصحاب الفكر المجمد والمحصن بالأسمنت حيكفرك ويخونك . والشباب ماحدا عمل هاد الشي . فبشهادتك طلعو الشباب مو من اصحاب الفكر المجمد

بعدين قلتلي وكمان كلام منطقي أنو

بس انت بالرد يلي بعدو أفترضت انو 95 % من المجتمع المصري همجي لأنو مابيتفق مع وجهة نظر البقية .

طيب منجي اذا بدنا نقيس هاد الكلام بشي تاني . بتطلع كل الكرة الارضية همجية بصور مختلفة . ومن أصغر مثال لأكبر مثال

من مثال انو انا همجي اذا منعت جارنا يوقف على الفرندة بلاتياب (لأنو هو حر ومقتنع ومو مجبر وهيك بدو) .لنصل لمثال أنو فرنسا همجية لأنو منعت أرتداء الرموز الدينية . ولأخر الهمجيين تركيا يلي منعت التدخين بالأماكن العامة الخ الخ. طبعا كلامك كان
بس انت بالرد يلي بعدو أفترضت انو 95 % من المجتمع المصري همجي لأنو مابيتفق مع وجهة نظر البقية .

طيب منجي اذا بدنا نقيس هاد الكلام بشي تاني . بتطلع كل الكرة الارضية همجية بصور مختلفة . ومن أصغر مثال لأكبر مثال

من مثال انو انا همجي اذا منعت جارنا يوقف على الفرندة بلاتياب (لأنو هو حر ومقتنع ومو مجبر وهيك بدو) .لنصل لمثال أنو فرنسا همجية لأنو منعت أرتداء الرموز الدينية . ولأخر الهمجيين تركيا يلي منعت التدخين بالأماكن العامة الخ الخ. طبعا كلامك كان

انا ما قلت انو الهمجي هوي يلي بيختلف معي بالرئي

و فيك تقلي ايمت وصفت انا الشعب المصري بالشعب الهمجي

suryoyo

10/08/2009, 02:39

انا الي تعليق بسيط ع الموضوع النقاشي ... و طالما نرجع لنفس النقاط

لا تظلوا تصرعونا بتركيا (كما حكينا عنها العلمانية على اساس القومية ) .... لان هي اقصى شي عملوه انو منعوا الحجاب لكن ما سدوا المساجد و لا منعوا الصلاة

لكن بالمقابل ... هذا شيئ بسيط من اللي عملوه او رح يعملوه الطبقة اللي تتخيل حالا الوصية على المجتمع

يعني من منع الموسيقى بكل انواعها ... الى منع السفرات الجامعية لانها مختلطة ... الى فرض تشغيل الكاسيتات الدينية بسيارات النقل العام و حتى التاكسي

فرض نموذج فكري و سياسي ضمن الطائفة الواحدة ... يعني لازم تعتبر فلان حاكم هو حاكم عادل و فلان هو حاكم باطل ..

فرض قائمة انتخابية ...

يعني بس ينفتح الباب .. ما رح يسكتوا و رح يلوا يضيقوا الخناق

و اكبر دليل ... عندك العراق .. و هي الشغلات عملتها الاحزاب الدينية ... مع صمت مطبق من الجهات االمفروض ان تندد بها

و ما زال كثير منها مفروض فرضا على الناس ... مثل الاذاعات الدينية او على القليل منع تشغيل الاذاعات العادية او حتى صوت فيروز !

ما رح نحكي على المتطرفين منهم ...

هي شي بسيط من اللي حاولوا فرضه على المواطنين

قبل ايام بغزة القضاء اصدر فرض الحجاب و منع الروب القضائي و لو ستقف هنا لما حكيت ...
بس المشكلة هي مجرد خطوة بداية

هلا اكيد رح تنطوا و تقولوا ... مو فرنسا منعت الحجاب ... رح قلك فرنسا منعت حتى ما يصير تفرقة بالمدارس (السبب المعلن)

بس هون من لاجل لبس ... انما لفرض ستايل ديني (يعني اللي يخالف يعتبر خارج عن الملة) بغض النظر عن فكرو

و هي اخطر بكثير من مجرد لبس ... لان الهدف منها هو سيطرة فكرية شمولية بيد اشخاص معينين
و بالتالي السيطرة على القرار السياسي و الفكري للمواطنين

على العموم العلمانيين العرب ما فرضوا الى هذه اللحظة اي شي .. انما دائما يهاجمون بالمنابر الدينية و يتعرضون لكل التلفيقات الكاذبة ...

اساتذة جامعيين في العلوم الانسانية يقولون للطلاب اذا انتشر الفكر العلماني ... رح تنتشر الدعارة بو المنكرات و و و و ...

لا تضحكوا .. لا تقولوا هذه حالة خاصة
هذه ليست حالة فردية و انما بروباغاندا مستمرة !

بالنهاية المراكز الدينية اذا تظل دينية ما رح تواجه اي مشاكل بس اذا تدخلت بالسياسة و بالفكر

لازم تتحمل المواجهة الفكرية و السياسية وحتى التشهير ... !

اعذروني على الاطالة ... :D

LiOnHeArT.3LA2

10/08/2009, 02:40

. أنو لما بينمنع بمجتمع متل المجتمع المصري . بعتقد شي عادي .

ابو شريك ..
انتي عم تحكي
كأنو مصر .. ما فيها ولا شي اسمو مسيحي .. ولا شي اسمو قبطي
ولا شي اسمو الحاد ..

حبيبنا .. المجتمع المصري .. مجتمع متلو متل كل المجتمعات .. فيه كل شي ..
وقت بمنع عنو شي .. عند بعض الشرائح مسموح .. وكتير
وبيشاركو فيه
بعتقد انو المسابقات كانت عم تصير
وفيها بنات .. واهلهن رضيانين ..
ويا سيدي بيفتخروا فيهن ..

ولا شو رأيك؟

المحارب العتيق

10/08/2009, 02:41

اول شي يا محارب انت سئلتني شلون بدي ناقشك كمسلم و لا مسيحي و لا ملحد
قلتلك ناقشني كانسان و ايم الدين تبعي على جنب

تنين المثال تبعي مين رفع ايد الدين بظن واضحة و ما بدها تفكير و انت قلتو بردك
وأنا ماناقشتك بعد كلامك عن المسابقة من منطلق ديني

انا ما قلت انو الهمجي هوي يلي بيختلف معي بالرئي

و فيك تقلي ايمت وصفت انا الشعب المصري بالشعب الهمجي

مو نت يلي قلت انو

الهمجية بالغاء رئي الاخر انت مو عاجبتك هالشي و عما تقول انو انتقاص من المرأة لا تحضر
مو تمنع الاخر انو يعمل شي مقتنع فيه ما بظن في اي صبية شاركة بهالمسابقات عن غصب
و على فكرة بمسابقات ملكات الجمال الثقافة و الشخصية الها علامات كمان مو بس الجمال

يعني أنت قلت انو الغاء رأيي الاخر هو همجية . وطبعا بنقاشنا بينطبق كلامك على مجلس الشعب المصري يلي طلع القرار . وعلى الشعب المصري لما قلتلك انو حتى بالعادات هنن مابيرضو ( يعني مثالك عن مصر ) . وخلينا نتوسع أكتر بالفكرة ونسقطها بشكل عام . منرجع أنو هيك بيطلع معك أنو أي حدا بيخالفني الرأي همجي