-
عرض كامل الموضوع : مونولوجات دينية
LiOnHeArT.3LA2
10/08/2009, 02:46
مجلس الشعب المصري يلي طلع القرار
اي .. مجلس الشعب همجي .. لأنو منع حدا من ابداء رأيو
لما قلتلك انو حتى بالعادات هنن مابيرضو
لك يا زلمي كل شوي .. بحسك عم تحكي على مصر كأنا ضيعة .. لسا ما واصلا كهربا ولا واصلا مي
يا زلمي مصر فيها ثقافة وفيها حضارة وفيها مغنيين وفيها رقاصات وفيها دعارة وفيها شرم الشيخ وفيها الاخوان المسلمين وفيها الازهر وفيها الاهرامات وفيها كل شي
حدا بيخالفني الرأي همجي
بيخالف رأي .. مانو همجي ..
بيمنعني انو ابدي رأيي ..
او حتى ما بيعترف فيه .. همجي .. وابن كلب .. واللي بدك ياه
نسيت قول شغلة ...
شو يعني اي نقد يعتبر عدم احترام الاديان
اتذكر قبل سنة بالضبط .... طلعت فتاوي و دعاوي على الفضائيات ... تقول لا تجوز الرحمة على محمود درويش لشبهة كونه شيوعي ...
لم نسمع مرجعيات دينية معتدلة تستنكر هذا الكلام !!!
من تحترم الجهات الدينية الفكر الحر .. . خلي تطالب بعدم النقد !
اعتقد هذا عدل
ِAbu Alzooz
10/08/2009, 02:52
انا الي تعليق بسيط ع الموضوع النقاشي ... و طالما نرجع لنفس النقاط
لا تظلوا تصرعونا بتركيا (كما حكينا عنها العلمانية على اساس القومية ) .... لان هي اقصى شي عملوه انو منعوا الحجاب لكن ما سدوا المساجد و لا منعوا الصلاة
لكن بالمقابل ... هذا شيئ بسيط من اللي عملوه او رح يعملوه الطبقة اللي تتخيل حالا الوصية على المجتمع
يعني من منع الموسيقى بكل انواعها ... الى منع السفرات الجامعية لانها مختلطة ... الى فرض تشغيل الكاسيتات الدينية بسيارات النقل العام و حتى التاكسي
فرض نموذج فكري و سياسي ضمن الطائفة الواحدة ... يعني لازم تعتبر فلان حاكم هو حاكم عادل و فلان هو حاكم باطل ..
فرض قائمة انتخابية ...
يعني بس ينفتح الباب .. ما رح يسكتوا و رح يلوا يضيقوا الخناق
و اكبر دليل ... عندك العراق .. و هي الشغلات عملتها الاحزاب الدينية ... مع صمت مطبق من الجهات االمفروض ان تندد بها
و ما زال كثير منها مفروض فرضا على الناس ... مثل الاذاعات الدينية او على القليل منع تشغيل الاذاعات العادية او حتى صوت فيروز !
ما رح نحكي على المتطرفين منهم ...
هي شي بسيط من اللي حاولوا فرضه على المواطنين
قبل ايام بغزة القضاء اصدر فرض الحجاب و منع الروب القضائي و لو ستقف هنا لما حكيت ...
بس المشكلة هي مجرد خطوة بداية
هلا اكيد رح تنطوا و تقولوا ... مو فرنسا منعت الحجاب ... رح قلك فرنسا منعت حتى ما يصير تفرقة بالمدارس (السبب المعلن)
بس هون من لاجل لبس ... انما لفرض ستايل ديني (يعني اللي يخالف يعتبر خارج عن الملة) بغض النظر عن فكرو
و هي اخطر بكثير من مجرد لبس ... لان الهدف منها هو سيطرة فكرية شمولية بيد اشخاص معينين
و بالتالي السيطرة على القرار السياسي و الفكري للمواطنين
على العموم العلمانيين العرب ما فرضوا الى هذه اللحظة اي شي .. انما دائما يهاجمون بالمنابر الدينية و يتعرضون لكل التلفيقات الكاذبة ...
اساتذة جامعيين في العلوم الانسانية يقولون للطلاب اذا انتشر الفكر العلماني ... رح تنتشر الدعارة بو المنكرات و و و و ...
لا تضحكوا .. لا تقولوا هذه حالة خاصة
هذه ليست حالة فردية و انما بروباغاندا مستمرة !
بالنهاية المراكز الدينية اذا تظل دينية ما رح تواجه اي مشاكل بس اذا تدخلت بالسياسة و بالفكر
لازم تتحمل المواجهة الفكرية و السياسية وحتى التشهير ... !
اعذروني على الاطالة ... :D
تحياتي ابو سرور
ِAbu Alzooz
10/08/2009, 03:00
التسلط الديني :
سوف ابدأ كلامي عن التسلط الديني بمقولة ل ميشيل فوكو
((الطاغية الغبي قد يضطهد العبيد و يقهرهم مستخدما في ذلك السلاسل الحديدية , و لكن السياسي الحقيق الماهر يستطيع أن يقيدهم بسلاسل أقوى من سلاسل الحديد عن طريق أفكارهم هم أنفسهم و هو قد يستمد قوته من انفنا لا نعرف المادة التي صنع منها ))
نستطيع المرور ببعض مظاهر الطاعة المطلوبة دينيا
1-طاعة ولي الأمر
2-طاعة الابن لأبيه و أمه
3-طاعة المرأة لزوجها
4-طاعة التلميذ لأستاذه
و الطاعة هل للسلطة التي نخاف منها أو نحترم أو ننتفع منها و هذه السلطة يمكن أن تتحمل المسؤولية عنا أو معنا و هذا يعني إن الطاعة غيرت في الإنسان نفسه ابتداء بقواعد السلوك و التهذيب و البرتوكول وصولا إلى الطاعة في القطعات العسكرية إلى تملق أولياء الأمر أو الآلهة
هذا كله من مظاهر تغير الإنسان بفعل الطاعة
و هي طاعة أوامر مباشرة او غير مباشرة أوامر مرئية أو غير مرئية
و مجتمعات القمع:
هي المجتمعات التي تضع هدفها أنه لا بد من تغير شيء ما في الإنسان لضمان انصياعه التام و الدائم
و هنا نجد هذا السؤال يطرح نفسه
لما لا يتم الاعتراض على بعض الخرافات التي يشيعها بعض رجال الدين
بحيث يفترون على الدين بذلك و يظهرونه بمظهر المتخلف
و لكن يتم الاعتراض على الفكرة العلمية التي يمكن أن يتحدث بها المثقف بحجة مراعاة رجل الدين
لماذا يراعى رجال الدين و تحترم أحاسيسهم تجاه المسائل العلمية و لا يحترم العلم و العلماء و العقل و المنطق اتجاه الخرافة و التخلف ؟
يتبع ...
حيونة إنسان – ممدوح عدوان
بتصرف
VivaSyria
10/08/2009, 03:04
حلو الموضوع أبو الزوز وإلي هيك تعليق عالهامش:
أخي انت أو انتي ليش بدك تفرض عليي شي أنا مابدي ياه؟؟
يعني انت او انتي مثلاً لما تحط بأخوية موضوع عن فوائد صيام ليلة النصف من شعبان ما بتعرف انو انا ممكن انزعج؟؟
طيب هل انت بتقبل اني نزل أنا موضوع عن فوائد السكر والكفر بليلة الخامس من رمضان مثلاً؟؟
كيف مثلاُ بتقبل انك تحطلي موضوع عن طرق العلاج بالقرآن أو معجزات المسيح؟؟ مابتعرف انو هالشي ممكن يجرحني؟؟
بتقبل حطلك موضوع عن طرق العلاج بلعن الله أو عدم الإعتراف بالله وبالأنبياء وكيف بتريح الإنسان وبتخليه يتحرر من عقده وينظر للبشرية من وجهة نظر أخلاقية عامة؟؟
يعني هيك بس باعتباري قريت كم موضوع انجرحت فيون
المحارب العتيق
10/08/2009, 03:20
حبيب الكلام اساسا اجا لينتقد حالة دينية من وجهة نظر أبو الزوز . ومن بعدها باليتبع أجا أنو أي متدين رح يهاجمو بأنو كافر وملحد وعقلو مجمد . وهاد ماصار . وعم نتناقش بالفكرة الرئيسية وبالمثال . بس بردك الاسقاطات مغلوطة ورح رد عليهم وحدة وحدة . بس بتمنى أنو نناقش بنفس فكرة وكلام ومثال صاحب الموضوع مشان مايتشتت كتير
لا تظلوا تصرعونا بتركيا (كما حكينا عنها العلمانية على اساس القومية ) .... لان هي اقصى شي عملوه انو منعوا الحجاب لكن ما سدوا المساجد و لا منعوا الصلاة
كلامك ألو مأخذين ( رغم أنو تناقشنا بقصة تركيا كتير وهون ماحدا جاب سيرة تركيا ) . أولا تشبيه منع الحجاب ( يلي هو من ضمن عقيدة المسلميين ) بمنع حفلات ملكات الجمال يلي مو من عقيدة حدا مغلوط
وتاني شي كلنا منعرف أنو لولا ضغوط الجيش وورثة اتاتورك . لو بتجي الشغلة لتصويت البرلمان أو تصويت شعبي . لألتغى القانون . بعكس مثال الموضوع . اذا بيصير تصويت شعبي الكل مع ألغاء الحفلات ( حسب أعتقادي طبعا ومعرفتي بالشارع المصري )
عدا عن أنو كان في ناس تندبح لأنها حاطة الطبوش مثلا . الشي يلي خلا كتير ناس تتخلا عن دينها وأنتج مجتمع من هالحالة
لكن بالمقابل ... هذا شيئ بسيط من اللي عملوه او رح يعملوه الطبقة اللي تتخيل حالا الوصية على المجتمع
يعني من منع الموسيقى بكل انواعها ... الى منع السفرات الجامعية لانها مختلطة ... الى فرض تشغيل الكاسيتات الدينية بسيارات النقل العام و حتى التاكسي
فرض نموذج فكري و سياسي ضمن الطائفة الواحدة ... يعني لازم تعتبر فلان حاكم هو حاكم عادل و فلان هو حاكم باطل ..
فرض قائمة انتخابية ...
يعني بس ينفتح الباب .. ما رح يسكتوا و رح يلوا يضيقوا الخناق
رح نفترض أنو كل الأحزاب الدينية رح تعمل يلي انت قلتو ( مع أنو الاحزاب الدينية المسيحية مثلا مارح تعمل هيك . و95% من الاحزاب الاسلامية بالعالم . ماذكرت انها رح تعمل هيك ) . بيصير الامر بيرجع للشعب يعني اذا الشعب ضد رح أنا مع خيارو (وبرأيي رح يسقط النظام يلي حرمهم ) . واذا الشعب مع فأنا كمان مع خيارو وبحترم رأيو . متل ماقلت قبل هلأء أنا بتفعم انو بمصر يمنعوه . وبتفهم انو بأميركا أقل من عادي . لأنو كل شعب الو ثقافتو وعاداتو وخصوصيتو وهكذا . يعني افتراضك بانو كل الاحزاب الدينية رح تتصرف هيك (غير أنو مغلوط من وجهة نظري ) هو مجرد افتراض
و اكبر دليل ... عندك العراق .. و هي الشغلات عملتها الاحزاب الدينية ... مع صمت مطبق من الجهات االمفروض ان تندد بها
ومشان هيك بالنتخابات تراجعت الاحزاب الدينية لأنو الشعب ضدها . وبرجع بقلك أنا مع خيار الشعب
و ما زال كثير منها مفروض فرضا على الناس ... مثل الاذاعات الدينية او على القليل منع تشغيل الاذاعات العادية او حتى صوت فيروز !
ما رح نحكي على المتطرفين منهم ...
هي شي بسيط من اللي حاولوا فرضه على المواطنين
ماسمعت أنو الحكومة العراقية قامت بهيك شي . بس من كلامك بفهم انو جماعات مادخلها بالنظام ولا دخلها بالشعب . وهية ضد التنين . طيب أنا وين دافعت عن هيك شي ؟ . كلنا ضد هالأسلوب
قبل ايام بغزة القضاء اصدر فرض الحجاب و منع الروب القضائي و لو ستقف هنا لما حكيت ...
بس المشكلة هي مجرد خطوة بداية
هلا اكيد رح تنطوا و تقولوا ... مو فرنسا منعت الحجاب ... رح قلك فرنسا منعت حتى ما يصير تفرقة بالمدارس (السبب المعلن)
بس هون من لاجل لبس ... انما لفرض ستايل ديني (يعني اللي يخالف يعتبر خارج عن الملة) بغض النظر عن فكرو
و هي اخطر بكثير من مجرد لبس ... لان الهدف منها هو سيطرة فكرية شمولية بيد اشخاص معينين
و بالتالي السيطرة على القرار السياسي و الفكري للمواطنين
أنا بشوف أنو المثالين متل بعض
على العموم العلمانيين العرب ما فرضوا الى هذه اللحظة اي شي .. انما دائما يهاجمون بالمنابر الدينية و يتعرضون لكل التلفيقات الكاذبة ...
اساتذة جامعيين في العلوم الانسانية يقولون للطلاب اذا انتشر الفكر العلماني ... رح تنتشر الدعارة بو المنكرات و و و و ...
لا تضحكوا .. لا تقولوا هذه حالة خاصة
هذه ليست حالة فردية و انما بروباغاندا مستمرة !
وشو بتفرق عن بروباغاندا العلمانيين. يلي على طول بتاخد أي قرار لتهاجمو من منطلق أنو ديني .
يعني حتى أعترف فيك مثلا ( مو عن حالي عم أحكي بشمولية ) لازم أنت تعترف فيني . بس المشكلة عند العلمانيين العرب ( بأغلبهم ) أنو هنن ضد الدين . مو مع حرية الدين . وانو هنن مابيحتروا ولابيعترفو بالأغلبية . وأغلب شعاراتهم يلي بيحملوها فرج المرأة ( هي الكلمة يلي كل المواقع العلمانية السورية حملتها لمحاربة مشروع قانون الأحوال الشخصية ) وحرية الجنس وحرية المابعرف شو . بالوقت يلي مابيذكرو أنو بدهم يجيبو من الغرب اي شي من العلم أو أحترام الأغلبية أو أو
المحارب العتيق
10/08/2009, 03:43
منكمل نقاش بكلامك . وبدي علق على فكرتين هون
نستطيع المرور ببعض مظاهر الطاعة المطلوبة دينيا
1-طاعة ولي الأمر
2-طاعة الابن لأبيه و أمه
3-طاعة المرأة لزوجها
4-طاعة التلميذ لأستاذه
هون الطاعة أجت من الاحترام . وانت بكلامك قبل هلاء قلتلي أنو عم تناقش منمنطلق أنساني . طيب وين الشي يلي ضد الأنسانية ؟ . مو هاد الشي قمة الأنسانية والأخلاق ؟ . طبعا بعد مانعرف انو الطاعة بتجي ضمن أطر . ومابتجي الطاعة على مبدأ أنو نتبع بشكل أعمى أو نتبع اذا كان الطرف الأخر على غلط
( طبعا هون أنت جايب مثال عن شي ديني . وأذا أنا بدي رد عليك واشرح فكرتي بمثال مشابه صار بالدين بكون عم أرمي كم قنبلة متل ما أنت قلت طيب (أنت مثلا عم تهاجم فريق برشلونة بقصة معينة .كيف بدي اشرحلك أنو هاد الكلام مو دقيق اذا أنت مابدك ياني جيب أي شي عن الفريق . مع أنو انا بكلامي مابكون لا عم سبك ولا عم هينك ولا بدي ياك تصير برشاوي :lol:
بس برجع بقول من منطلق انساني أنو الطاعة لأجل الأاحترام هي شي انساني بأمتياز
لماذا يراعى رجال الدين و تحترم أحاسيسهم تجاه المسائل العلمية و لا يحترم العلم و العلماء و العقل و المنطق اتجاه الخرافة و التخلف ؟
أولا ماحدا بيراعي أحساس
أولا ماسمعت عن حدا بيراعي احساس رجال دين تجاه مسائل علمية . ووين المشكلة بين الدين والعلم . وليش ليتراعى احساسو . بيستحي من المسائل يعني :lol:
عدا عن أنو وصف معتقدات من يخالفنا الرأي (خرافة وتخلف) يمكن شي همجي :lol:
المحارب العتيق
10/08/2009, 03:46
حلو الموضوع أبو الزوز وإلي هيك تعليق عالهامش:
أخي انت أو انتي ليش بدك تفرض عليي شي أنا مابدي ياه؟؟
يعني انت او انتي مثلاً لما تحط بأخوية موضوع عن فوائد صيام ليلة النصف من شعبان ما بتعرف انو انا ممكن انزعج؟؟
طيب هل انت بتقبل اني نزل أنا موضوع عن فوائد السكر والكفر بليلة الخامس من رمضان مثلاً؟؟
كيف مثلاُ بتقبل انك تحطلي موضوع عن طرق العلاج بالقرآن أو معجزات المسيح؟؟ مابتعرف انو هالشي ممكن يجرحني؟؟
بتقبل حطلك موضوع عن طرق العلاج بلعن الله أو عدم الإعتراف بالله وبالأنبياء وكيف بتريح الإنسان وبتخليه يتحرر من عقده وينظر للبشرية من وجهة نظر أخلاقية عامة؟؟
يعني هيك بس باعتباري قريت كم موضوع انجرحت فيون
عفوا فادي .
بس بدي أخد ردك لورجي أبو سارة ليش بعض المتدينيين بيحذروا من العلمانيين
VivaSyria
10/08/2009, 03:50
عفوا فادي .
بس بدي أخد ردك لورجي أبو سارة ليش بعض المتدينيين بيحذروا من العلمانيين
خدو حبيب على حسابك.. بس رجعو ها مو تنام على السيرة :p
المهم أخي بعد ماتورجيه لأبو سارة اذا عندك شي رأي معين على هالكلام وبحاجة لتوضيح مني فأنا جاهز...
LiOnHeArT.3LA2
10/08/2009, 03:52
بس بدي أخد ردك لورجي أبو سارة ليش بعض المتدينيين بيحذروا من العلمانيين
هلأ بيحذروا ..
ولا بيحذّروا ؟
هي اولن ..
تانين ..
فينك تاخد رد ابو سارة .. اطول واحلى ..
وفينك حتى تاخد جملة اي جملة لاء من رد فادي ..
لتشوف ليش العلمانيين بيحذروا من المتدينيين
حبيب الكلام اساسا اجا لينتقد حالة دينية من وجهة نظر أبو الزوز . ومن بعدها باليتبع أجا أنو أي متدين رح يهاجمو بأنو كافر وملحد وعقلو مجمد . وهاد ماصار . وعم نتناقش بالفكرة الرئيسية وبالمثال . بس بردك الاسقاطات مغلوطة ورح رد عليهم وحدة وحدة . بس بتمنى أنو نناقش بنفس فكرة وكلام ومثال صاحب الموضوع مشان مايتشتت كتير
حبيبي ... عيوني ... مو قصة اسقاطات
قصة مشكلة فكرية
يعني من يمنع الاغاني و الموسيقى ... عندو نص ديني صريح بتحريم الاغاني ...
بس الاحزاب الاسلامية تؤمن بنظرية المجتمع الاسلامي اللي لازم يتلزم بالقواننين الالهية و ما تعترف بالقوانين الوضعية ... حتو لو كانت بالحكومة
ما حدا جبروا يسمع اغاني ... بس هم مصرين يمنعوا تشغيل الاغاني بالاماكن اللي يقدروا عليها
كلامك ألو مأخذين ( رغم أنو تناقشنا بقصة تركيا كتير وهون ماحدا جاب سيرة تركيا ) . أولا تشبيه منع الحجاب ( يلي هو من ضمن عقيدة المسلميين ) بمنع حفلات ملكات الجمال يلي مو من عقيدة حدا مغلوط
عزيزي ... قد يكون هناك مسلمين متدينين ما يريدوا الحجاب ... او ضد فرضو على الاخرين
انا ضد منعو و ضد فرضو ... سواء اجتماعيا او منبريا
وحدة بدها تشلح بمسابقة جمال .. انت شو يضرك شخصيا ؟
بعدين مثلا انت تشوف حالات مقبولة بالاسلام مثلا حلال ... بغير اديان ما مقبولة .. و العكس صحيح
عمي بالمنطق الانساني ما يقبلها ...
اعمل اللي تعتبرو عقيدة و خلي غيرك يمارس دورو بالحياة
وتاني شي كلنا منعرف أنو لولا ضغوط الجيش وورثة اتاتورك . لو بتجي الشغلة لتصويت البرلمان أو تصويت شعبي . لألتغى القانون . بعكس مثال الموضوع . اذا بيصير تصويت شعبي الكل مع ألغاء الحفلات ( حسب أعتقادي طبعا ومعرفتي بالشارع المصري )
ارجع و اقول ما حدا يقدر يجبرني على شي هو يعتقدو صح .. .مهما كان رأي الشارع
عسى لو كان 99% ..
معناها على كلامك ... ممكن يصدر قرار بمنع اعتناق اليزيدية ... لان ما الها مؤيدين كثار
و هذا اعتداء سافر على معتقدات غيرك .. و الفرق بس بالعدد :lol:
بعدين شيا تأثير المنابر الدينية ... و بعدين قلي كلهم ضد القرار
رح نفترض أنو كل الأحزاب الدينية رح تعمل يلي انت قلتو ( مع أنو الاحزاب الدينية المسيحية مثلا مارح تعمل هيك . و95% من الاحزاب الاسلامية بالعالم . ماذكرت انها رح تعمل هيك ) . بيصير الامر بيرجع للشعب يعني اذا الشعب ضد رح أنا مع خيارو (وبرأيي رح يسقط النظام يلي حرمهم ) .انا حكيت عن تغييب الوعي ... باسم الدين
و طبعا هذا تغييب للفكر و فرض الرأي باسم الدين او الطائفة و بالتالي تمرير الاحزاب او القرارات ...
يعني تقبل حدا يقلك كيف تحب فلان و انت مسلم او مسيحي او اي طائفة .. مو هذا كان من جماعة فلان ... اللي عملت كذا و كذا ..
هي تغييب لارادة الشعب
و لا تجي تقلي ... نسب انتخابية
من تشيل نفوذ الاحزاب الدينية .. الديني ... يعني تمنع التبشير بالاحزاب في المساجد و التبشير انو هم الحل (مثل ما صارت بالعراق و مصر)
تعال قلي الشعب رح يرفض او يقبل
ومشان هيك بالنتخابات تراجعت الاحزاب الدينية لأنو الشعب ضدها . وبرجع بقلك أنا مع خيار الشعب
يا حبيب نرجع و نقول فرض الرأي ما يعتمد على مين ربح ..
الانتخابات تحدد الحكومة ما تحدد الايديولوجيات و تفرض اراءها على الاخرين حتى لو كانوا اقليات
ماسمعت أنو الحكومة العراقية قامت بهيك شي . بس من كلامك بفهم انو جماعات مادخلها بالنظام ولا دخلها بالشعب . وهية ضد التنين . طيب أنا وين دافعت عن هيك شي ؟ . كلنا ضد هالأسلوب
جماعات من الاحزاب الدينية اللي شكلت الحكومة او محسوبة عليها
فيك تقول انو الحكومة رفضت قسم منها .. بس المشكلة نرجع و نقول بتغييب الوعي
على انو مسلم انت ... لازم تسمع فلان اذاعة و تسمّع الناس الاذاعة الفلانية و لازم تنتخب فلان !
و قد تلاقي اسلاميين معتدلين يرفضون التدخل ... بس دائما صوت هؤلاء اعلى
وشو بتفرق عن بروباغاندا العلمانيين. يلي على طول بتاخد أي قرار لتهاجمو من منطلق أنو ديني .
يعني حتى أعترف فيك مثلا ( مو عن حالي عم أحكي بشمولية ) لازم أنت تعترف فيني . بس المشكلة عند العلمانيين العرب ( بأغلبهم ) أنو هنن ضد الدين . مو مع حرية الدين . وانو هنن مابيحتروا ولابيعترفو بالأغلبية . وأغلب شعاراتهم يلي بيحملوها فرج المرأة ( هي الكلمة يلي كل المواقع العلمانية السورية حملتها لمحاربة مشروع قانون الأحوال الشخصية ) وحرية الجنس وحرية المابعرف شو . بالوقت يلي مابيذكرو أنو بدهم يجيبو من الغرب اي شي من العلم أو أحترام الأغلبية أو أو
انت كثير نتأثر ببروغاندا الاسلاميين بكل مكان
ما شفت انا شعار فرج المرأة بالعراق ... او بمصر
بعدين مشروع الاحوال الشخصية انرفض لاسباب تتعلق بالطوائف و تضييق الحريات عليها
بعدين مثل ما انت ترفض كون القاعدة مثل الاحزاب الاسلامية ... لا تفوت بدرب الترويج للعلمانية يعني الترويج للدعارة
لان ما في اي دليل عندك ..
اما مسابقات ملكات جمال ... هي حرية شخصية
و بعدين ... ما فيك تعمم حالة معينة
يعني هناك قديو لراقصات مع مسؤوليت بحزب ديني كبير بالعراق ... بس ما شفنا احد من العلمانيين قال انو كل الاحزاب الدينية هي عندا حفلات رقص و سكر بالخفاء !
بس اللي دائما الاسلاميين يروجوه .. انو العلمانيين بلا احلاق .. بلا مبادئ ... يشجعون على الدعارة و الفسق و المخدرات
مثال صغير ... فتح اليوتيوب ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
الشيخ احمد السيسي يتحدث عن جيفارا (طبعا في خطبة دينية على الهواء)
ما خلا مسبة ما سبوا من كافر الى زنديق الى كل من يضع صورته كافر مثله ..... و اخر شي قال يقاتل في سبيل الشيطان
وو طبعا الازهر ... ما حكى شي ... معناها موافق 100% و يتحمل كامل المسؤولية لان هو بشكل او بآخر مسؤول عن الخطباء و تعيينهم
و لا تقلي عقيدة المسلمين او 99% من المصرييين يشتموا جيفارا
لان هي مو حرية شخصية .. هي اعتداء سافر على البشرية و ما رح كمل من الفاظ الشيخ احمد السيسي .. لان ما اريد انزل بالمستوى !
المهم ..
لو كان العكس ... و حزب علماني حكى عن مرجعية دينية ... شو كان صار ؟
كان انقلبت الدنيا ... كان انحرقت محلات ....
كان الازهر طلع الف بيان شجب
هلا قلي ... مين اللي يعتدي دائما ؟؟
مثال صغير ... فتح اليوتيوب ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
الشيخ احمد السيسي يتحدث عن جيفارا (طبعا في خطبة دينية على الهواء)
ما خلا مسبة ما سبوا من كافر الى زنديق الى كل من يضع صورته كافر مثله ..... و اخر شي قال يقاتل في سبيل الشيطان
وو طبعا الازهر ... ما حكى شي ... معناها موافق 100% و يتحمل كامل المسؤولية لان هو بشكل او بآخر مسؤول عن الخطباء و تعيينهم
و لا تقلي عقيدة المسلمين او 99% من المصرييين يشتموا جيفارا
لان هي مو حرية شخصية .. هي اعتداء سافر على البشرية و ما رح كمل من الفاظ الشيخ احمد السيسي .. لان ما اريد انزل بالمستوى !
المهم ..
لو كان العكس ... و حزب علماني حكى عن مرجعية دينية ... شو كان صار ؟
كان انقلبت الدنيا ... كان انحرقت محلات ....
كان الازهر طلع الف بيان شجب
هلا قلي ... مين اللي يعتدي دائما ؟؟
هذا لينك الفديو على الفورشيرد
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
الملعون عدو الله مقاتل في سبيل الطاغوت ...
و فوق كل هذا .... يقول شامل باساييف (خاطف الاطفال) بطل الاسلام
هذا اكبر دليل انو هذه التيارات و مؤيديها امثال الشيخ اللي يخطب في المسجد هذه الافكار الرديئة ... هم الخطر الاكبر على الجميع ...
عندما يتم منع هؤلاء من بث البروباغاندا ... احكيلي عن ال اغلبية و الاكثرية !
LiOnHeArT.3LA2
10/08/2009, 05:09
ابو سارة .. انا بعتذر ..
بس الله يسم بدنك
khalkhool
10/08/2009, 09:49
حلو الموضوع أبو الزوز وإلي هيك تعليق عالهامش:
أخي انت أو انتي ليش بدك تفرض عليي شي أنا مابدي ياه؟؟
يعني انت او انتي مثلاً لما تحط بأخوية موضوع عن فوائد صيام ليلة النصف من شعبان ما بتعرف انو انا ممكن انزعج؟؟
طيب هل انت بتقبل اني نزل أنا موضوع عن فوائد السكر والكفر بليلة الخامس من رمضان مثلاً؟؟
كيف مثلاُ بتقبل انك تحطلي موضوع عن طرق العلاج بالقرآن أو معجزات المسيح؟؟ مابتعرف انو هالشي ممكن يجرحني؟؟
بتقبل حطلك موضوع عن طرق العلاج بلعن الله أو عدم الإعتراف بالله وبالأنبياء وكيف بتريح الإنسان وبتخليه يتحرر من عقده وينظر للبشرية من وجهة نظر أخلاقية عامة؟؟
يعني هيك بس باعتباري قريت كم موضوع انجرحت فيون
هاد مو كلام إنسان ملحد, هاد الكلام مستحيل ييكون صادر غير عن انسان من دين معين مارح إذكرو, لأنو مافي غير هدول الناس مشاعرون ملهفة ووجروحهون من البالة, مشان هيك بيتأثرو و بتتكركب باطنتون لما حدا بياكول قدامهون وقت الصيام مثلا.
الإلحاد (كدين أو معتقد) هوه الاساس الذي نبعت منه العلمانية نتيجة تسلط الدين على السياسة وتسييس الدين من قبل بعض السياسيين على مر العصور, وبنتيجة التطور الإنساني, أنا بعتقد أنو العلمانية لا تتعارض مع الإيمان الديني الحقيقي مهما كان نوعو, يعني فيني كون مسلم أو مسيحي أو يهودي وعيش بدولة علمانية, مافي شي بيمنع!
أما تجي تقلي انك ممكن تنجرح إذا حدا إجى طرح موضوع يربط الدين بالحياة, فلا تواخذني, هاد مو من شيمك Viva Syria الي بعرفو من كتاباتك انك متنور وبتعرف تمام تفصل الدين عن الحياة, وتفصل المعتقدات الخاصة عن الحياة اليومية... مشان هيك, متل مو حقك تحكي متل مابدك عن معتقداتك, كمان أنا حقي احكي متل مابدي عن معتقداتي... ولا لأ؟
بس حقي اتدايق ورد لما بتجي بتحكي بشي من معتقداتك يمس أو يهين شي من معتقداتي, مثلا انك تقول أنو النبي تبعي كذاب, أو شي من هاد, هون طبيعي جاوبك... للأسف نحن لا نتمتع بروح رياضية تمكننا من مناقشة هكذا موضوع بعلم ومنطق, ولكن للأسف نتحول مباشرة للصراخ والشتائم والحوار غير الحضاري... وبيتحول الموضوع لخناقة.
أنا رأيي انو هي النقاشات هيه البرهان الحقيقي على الإيمان, إذا إجى حدى طرح فكرة أنا بعتبرها سيئة) عن النبي تبعي, فالمفروض اني بدل ما اتحرك من منطلق تعصب قبلي أو ملّى, إني اتحرك من منطلق مناظرة debate حقيقية لأثبت لهاد الشخص أنو وجهة نظرو خاطئة (عالقليلة بنظر) وساعتها إذا اقتنع, بكون أنا انتصرت للمعتقد تبعي, أما إني سبو وأشتمو ومدري شو, فهاد دليل واضح على ضعف أيماني بهي الفكرة اللي عمدافع عنها وأنو ارتباطي فيها هو مجرد تعصب قبلي أعمى!
khalkhool
10/08/2009, 10:23
الشيخ احمد السيسي يتحدث عن جيفارا (طبعا في خطبة دينية على الهواء)
ما خلا مسبة ما سبوا من كافر الى زنديق الى كل من يضع صورته كافر مثله ..... و اخر شي قال يقاتل في سبيل الشيطان
وو طبعا الازهر ... ما حكى شي ... معناها موافق 100% و يتحمل كامل المسؤولية لان هو بشكل او بآخر مسؤول عن الخطباء و تعيينهم
هاد مو اعتداء سافر ولا شي, هاد شي متوقع تماما من هي الفئة من الناس, لأنو:
1- لديهم الاعقاد المسبق بالمعرفة الكاملة, ويقسمون الناس (البشرية) إلى قسمين: من ليس معنا فهو علينا, أي أن البشرية تُختصر في مسلمين, وغير مسلمين! وواجب المسلمين أن يحاربوا غير المسلمين.
2- وجود أي تيار فكري آخر مهما كان نوعه, يكفي أن يكون مختلفا عنهم ويتمتع بقدر من المنطق ليخافو منه لأنه سيشكل خطرا على مملكتهم المصنوعة من الورق, والتي يعرفون تماما أنها قد تسقط بسبب أي تفكير منطقي سليم, للأسف مملكتهم لم تعد من ورق, بل تحولت إلى صخور متينة نتيجة سيطرتهم المطبقة على مجتمعات بكاملها, وتحكمهم بعقول الناس من خلال المتجرة بالرغبات والحاجات الأساسية عند الإنسان , كالطعام والجنس وغيره, من خلال وعود بحوريات وأنهار عسل وووو.... وللأسف تعتبر هذه الطريقة ناجعة مع مجتمع بدوي متخلف تعود على دفن البنات أحياء فقط لأنهن ولدن بنات وخوفا من أن يأتيهم العار بسبب هؤلاء البنات, لأنهم يضعون كرامتهم وشرفهم بين أفخاذ هؤلاء البنات!!!!
وردة حماة
10/08/2009, 11:47
عبس والله عبس
marochka
10/08/2009, 12:20
عبس والله عبس
:?:shock:
عبس نسبة لقبيلة بني عبس يعني ولّا المقصود عَبَث؟
khalkhool
10/08/2009, 12:22
:?:shock:
عبس نسبة لقبيلة بني عبس يعني ولّا المقصود عَبَث؟
إذا الكتاب الأساسي والمرجعية الإلهية فيو أغلاط نحوية, ماوقفت على حدا من المكررين!
DARKNESS
10/08/2009, 14:12
:?:shock:
عبس نسبة لقبيلة بني عبس يعني ولّا المقصود عَبَث؟
بعتقد انها عبث باللهجة العربية الهجينة برفع العين و تسكين الثاء هذا و قد أختلف الفقهاء في تحليل المعنى منها و الأصح منها قول عبث الفصيح
كما اتفق العلماء و صحح المجتهدون اما من ناحية قبيلة بني عبس فلا نجد علاقة لها في هذا النص بناء عن بعده عن الجاهلية
:larg:
ِAbu Alzooz
11/08/2009, 00:43
لح يتم ايقاف انزال المونولوجات حتى اجل غير محدد
و ربما يكون في موضوع اخر
و لكن كلو عند العرب بطاطا
الباحثة عن الحرية
11/08/2009, 01:01
لح يتم ايقاف انزال المونولوجات حتى اجل غير محدد
و ربما يكون في موضوع اخر
و لكن كلو عند العرب بطاطا
خسارة كان الموضوع كثير حلو
متابعة على طول اذا كملت هون او اذا عملت موضوع ثاني
:D لألك
المحارب العتيق
11/08/2009, 01:35
لح يتم ايقاف انزال المونولوجات حتى اجل غير محدد
و ربما يكون في موضوع اخر
و لكن كلو عند العرب بطاطا
مع أني كنت حابب تكمل وتجاوبني على سؤالي باخر مونولوج
هلاء على الهامش بدي رد على شغلة للصراحة ضحكتني شوي
مثال صغير ... فتح اليوتيوب ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
الشيخ احمد السيسي يتحدث عن جيفارا (طبعا في خطبة دينية على الهواء)
ما خلا مسبة ما سبوا من كافر الى زنديق الى كل من يضع صورته كافر مثله ..... و اخر شي قال يقاتل في سبيل الشيطان
وو طبعا الازهر ... ما حكى شي ... معناها موافق 100% و يتحمل كامل المسؤولية لان هو بشكل او بآخر مسؤول عن الخطباء و تعيينهم
و لا تقلي عقيدة المسلمين او 99% من المصرييين يشتموا جيفارا
لان هي مو حرية شخصية .. هي اعتداء سافر على البشرية و ما رح كمل من الفاظ الشيخ احمد السيسي .. لان ما اريد انزل بالمستوى !
قديش بتحب جبلك روابط . لشخصيات علمانية عالمية عم تسب على المسلميين ؟
لو كان العكس ... و حزب علماني حكى عن مرجعية دينية ... شو كان صار ؟
كان انقلبت الدنيا ... كان انحرقت محلات ....
كان الازهر طلع الف بيان شجب
بتحب جبلك هاد العلماني عربي ولا من نجوم هوليود مثلا . لك بن لادن يلي هو بن لادن ماوصل ليلي وصلتو مثلا وفاء سلطان . بن لادن بكل أجرامو معادلتو لن تأمنو بأوطانكم حتى نامن بأوطاننا . أما وفاء سلطان فدعت لأبادة المسلميين أجمعيين
هلا قلي ... مين اللي يعتدي دائما ؟؟
كمان من وين بتحب بلش . من الغارات الأميركية اليومية على باكستان وأفغانستان . يلي بيروح ضحيتها عشرات العزل . ولا من الأانظمة العربية والغربية على السواء . يلي بتمسك المتدين وبترميه بالسجن بدون تهمة واضحة ( بيركبولو أرهابي وبيئولو ركود:lol: ) . ولا من المصرية يلي أنقتلت لأنها حاطة حجاب ؟
أبو سارة الموضوع مو سفسطة وشعارات وعموميات بتفترضها وبتعممها بالصورة يلي بتعجبك . وكنت بتمنى شوفك عنجد عم تناقش من ضمن الموضوع والامثلة :D
ِAbu Alzooz
11/08/2009, 02:09
هون الطاعة أجت من الاحترام . وانت بكلامك قبل هلاء قلتلي أنو عم تناقش منمنطلق أنساني . طيب وين الشي يلي ضد الأنسانية ؟ .
اول شي وين الاحترام هي مصالح بهي الطريقة الانسان و الحياة كلها مصالح
انت لازم تبوس تيتي جابتلك هدايا
انت لازم تحب بابا و تبوسو هوي عما يشتغل مشانك
و ليش ما في طاعة الزوج للزوجة اذا هي احترام
. طبعا بعد مانعرف انو الطاعة بتجي ضمن أطر . ومابتجي الطاعة على مبدأ أنو نتبع بشكل أعمى أو نتبع اذا كان الطرف الأخر على غلط
لا الطاعة عنا بتكون بشكل اعمى من اضغر شي من طريقة لبسك لتخصصك و دراستك و يمكن شريتك حياتك
( طبعا هون أنت جايب مثال عن شي ديني . وأذا أنا بدي رد عليك واشرح فكرتي بمثال مشابه صار بالدين بكون عم أرمي كم قنبلة متل ما أنت قلت طيب (أنت مثلا عم تهاجم فريق برشلونة بقصة معينة .كيف بدي اشرحلك أنو هاد الكلام مو دقيق اذا أنت مابدك ياني جيب أي شي عن الفريق . مع أنو انا بكلامي مابكون لا عم سبك ولا عم هينك ولا بدي ياك تصير برشاوي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
بس برجع بقول من منطلق انساني أنو الطاعة لأجل الأاحترام هي شي انساني بأمتياز
الطاعة لا تساوي الاحترام و لا تنشئ عنه
أولا ماسمعت عن حدا بيراعي احساس رجال دين تجاه مسائل علمية . ووين المشكلة بين الدين والعلم . وليش ليتراعى احساسو . بيستحي من المسائل يعني ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
ما سمعت قناة طالعة عما تتهم رجل الدين بالتخلف رغم كل شي بيقولو بيكون تخلف
البعض و ليس الكل
عدا عن أنو وصف معتقدات من يخالفنا الرأي (خرافة وتخلف) يمكن شي همجي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
لما واحد بيحرم الكراسي و التلفزيون ما بيكون خرافة
و بعدين هادا المونولج منقول مانو من كتابتي بل منقول من كتاب حيونة انسان بتصرف
فسحة أمل
11/08/2009, 02:13
هشاشة الفكر وعجز اليات الدفاع الجدلي
"كلما ازدادت الفكرة هشاشة كلما ازداد ( ارهاب ) المدافعين عنها "
من أكثر أليات الارهاب الدفاعي للفكر الديني خطورة الارهاب الفكري القائم على عدم تقبل الفكر الاخر المختلف , " إن كنت تختلف عني فانت مصدر تهديد , أنت عدو يجب القضاء عليه "
تكفير التفكير الحر للعقل الانساني من اهم أليات الدفاع للفكر الديني المنغلق
لا مكان للاختلاف في حرب النفوذ والسيطرة على عقول الاتباع .
لذلك فان تعمية الحقائق وحجبها في دوامات التحريم والثواب والعقاب , و اختفاء ثقافة الحوار المعتدل في الفكر الديني , والجدل القائم على العلم والدلائل المادية لا الغيبية, أدى إلى انتشار حالة من التعصب الاعمى لافكار معدة مسبقاً من مجموعة من رجال الدين ( أياً كان هذا الدين |)يهدفون في النهاية إلى الحفاظ على السلطة . ويقوم الاتباع بتسويق هذه الافكار بطريقة
غوغائية وبتسليم أعمى دون النظر أو التدقيق في خطورة النهج الذي يدافعون عنه
أقول
من حقي كأنسان أن أعبر عن أفكاري بكل حرية .
«التعددية = ديمقراطية = حضارة؛ الوحدانية = قمع = بداوة».
وبالنهاية بدي أختم : قد لا أوافق على كلمة مما تقول ولكني مستعد أن أدفع حياتي ثمناً لحقك في أن تعبر عن افكارك
قديش بتحب جبلك روابط . لشخصيات علمانية عالمية عم تسب على المسلميين ؟
بتحب جبلك هاد العلماني عربي ولا من نجوم هوليود مثلا . لك بن لادن يلي هو بن لادن ماوصل ليلي وصلتو مثلا وفاء سلطان . بن لادن بكل أجرامو معادلتو لن تأمنو بأوطانكم حتى نامن بأوطاننا . أما وفاء سلطان فدعت لأبادة المسلميين أجمعيين
مثل ما توقعت ... حيب لي الروابط و نتناقش ...
بن لادن ما ظل مكان الا و بعث انتحاريين و مفخخات ... و هي انا عايش قدامك بعد النجاة من مفخخة كانت على بعد 100 متر عني
بالنسبة لوفاء سلطان ... جيبلنا الفديو اللي تقول لازم نبيد كل المسلمين !
كمان من وين بتحب بلش . من الغارات الأميركية اليومية على باكستان وأفغانستان . يلي بيروح ضحيتها عشرات العزل . ولا من الأانظمة العربية والغربية على السواء . يلي بتمسك المتدين وبترميه بالسجن بدون تهمة واضحة ( بيركبولو أرهابي وبيئولو ركود:lol: ) . ولا من المصرية يلي أنقتلت لأنها حاطة حجاب ؟بس لانهم مسلمين :shock:
طبعا بدل ما نخلط الاوراق ...
نعرف كثيرا ما عملته الطالبان .. و كلن وحشية الاميركان ضد المدنيين مو اقل من وحشية الطالبان ضد المدنيين
بس هني الطرفين بحرب ... و ايضا ههم قتلوا مدنيين فقط لانهم ضد التوجهات الدينية لهم في الباكستان و افغانستان
القصد ... لا تخلط الامور ..
ناس بحالة حرب ضروس ... و نهرف كل المعرفة انو الحرب مو دينية ... الحرب حرب سيطرة
أبو سارة الموضوع مو سفسطة وشعارات وعموميات بتفترضها وبتعممها بالصورة يلي بتعجبك . وكنت بتمنى شوفك عنجد عم تناقش من ضمن الموضوع والامثلة :D
اي من ضمن الموضوع ...
الايديوجيات الحزبية الدينية تشتغل الشعوب حتى تفرض اراءها و تغيب الوعي ...
بالنهاية هذا الشيخ اللب حطيتو بالمثال .. بالنسبة الي مو رجل دين
و انما رجل سياسي او رجل عادي .... بس استخدم المنبر الديني لاغراض سياسية
و لو حصل و تم اعتقاله او اعتقال امثاله ... مو لانهم رجال دين مسلمين ... بس لانهم يستغلون المنابر بالتحشيد و التحريض على الارهاب و القتل و التغرقة العنصرية او المذهبية
بالمختصر ... ما دام دخل هذا الدرب ... لازم يتحمل كل النتائج
لان افكاره السامة .... ممكن تعمل مذابح
و بكل العالم ... اي شخص يحرض على العنف ... يتحاكم و بنمنع ....
هاموش ...
ما جاوبت على رأي الشعب (ضمن الموضوع) انو 99% مع او ضد
و انو رح تطلعوا قانون حظر الديانات و الاقليات ... لان الشعب ما بدو يشوفهم !
ويقوم الاتباع بتسويق هذه الافكار بطريقة
غوغائية وبتسليم أعمى دون النظر أو التدقيق في خطورة النهج الذي يدافعون عنه
ذكرتني بالقنوات الديمقراطية ... قصدي الدينية المفتوحة لاجل اتباع اديان اخرى :larg:
الحلو بالموضوع انو البرنامج ثاني يوم ينعاد من قبل المشاهدين الحبابين (اللي ما ينسوا الفارزة و الشخطة)
و يقلك عم نتحاور :o
لو عندي سلطة .. كان اغلقت 75% من القنوات الدينية !
marochka
11/08/2009, 08:00
يمكن الحل هو مو فصل الدين عن الدولة وإنما فصل الدين عن رجال الدين، أنا بعتقد أنو مشكلة الدين هي بيللي بعتبرو حالون قائمين عليه، السلطة اللي بيستمدا رجال الدين من مراكزن هي أكبر بكتير من إمكانياتن الأقل من متواضعة، وفجأة بيلاقو حالن قادرين يقررو بيمواضيع كتير ما بيفهمو فيها شي، وبيصير الموضوع بالنسبة إلهن كيف يستغلو عواطف الناس الدينية لتثبيت مراكزن، وهاد الشي بينطبق على رجال الدين من كل الطوائف والمذاهب، يعني تخيلو الدنية بدون رجال دين أديش بتكون مختلفة، المفروض أنو كل شخص يبني تجربتو الروحية لوحدو لأنه العلاقة بين أي شخص وربو ما لازم تمر عبر أشخاص تانيين وإلا ما عادت علاقته هو وإنما نسخ لتعليمات حدا تاني،
DARKNESS
11/08/2009, 08:05
كلام سليم اخ ما روشكا و أكبر دليل على كلامك التقاسيم الطائفية اللي صارت بالإسلام من ورا رجال الدين اللي كل واحد حس حالو هو الصح بتفسيرو و مذهبوا و اللي ادى الى كوارث طائفية و عداوات مستمرة لحد هلق و ما رح تخلص
وجهة نظرك عجبتني جدا
سلام:D
اخوية نت
بدعم من : في بولتـين الحقوق محفوظة ©2000 - 2015, جيلسوفت إنتربـرايس المحدودة