كلنا تربينا على مبادئ تلقيناها من الاهل او المجتمع
او تشبعنا بها دينيا وثقافيا
او توصلنا اليها بناء على تجارب عشناها شخصيا
او دروسا تعلمناها من تجارب غيرنا


وغالبا ما تتعارض قناعاتنا بخصوص المقبول والمرفوض
المسموح والممنوع
وتختلف من انسان لاخر

فيفكر احدنا ان الغاية تبرر الوسيلة
اي ان كان الهدف مشروعا يجوز استخدام الغش والكدب
او غيرها مما لا يتوافق مع المبادئ التي يقتنع بها نفس الشخص

في حين يقول اخر
الغاية لا تبرر الوسيلة
وان كان هدفك نبيلا
فلا بد ان تكون مسيرتك نحوه بنفس الدرجة
من الاستقامة

قد يرى والداك امرا ما مرفوضا وغير قابل للنقاش
وتراه انت عاديا بل وحقا من حقوقك
فكيف تتصرف؟

اين تضع خطوطك الحمراء؟
ما هي المبادئ التي لا يمكن ان تخالفها مهما حاصرتك الظروف؟
ام ان المبادئ تفاهة وعراقيل نضعها لانفسنا
تحول بيننا وبين النجاح والسعادة؟

ان اضطررت لارتكاب خطا ما كي تنجح
اتفعله بضمير مرتاح؟
ام تتمسك بقناعاتك وتصبر وتثابر اكثر حتى تحققه رغم كل شيء؟

كمثال بسيط
يتقدم كل سنة الاف المتخرجين لامتحان القبول الذي يسبق تحضير شهادة الماجستير
لكن العدد محدد مسبقا
على انه لا يمكن ان يتعدى 500
مثلا
وهو معروف لدى الجميع انك ان قدمت مبلغا محددا من المال
لاحد الاساتذة المصححين مبروك عليك النتيجة مسبقا

هل تدفع هذه الرشوة
ام تتانى سنة او سنتين وتقوي معلوماتك
وتستعد جيدا الى ان تحصل على اقوى العلامات من بين كل الحاضرين
مع ان هذا الامر سيتطلب وقتا اطول وجهدا اكبر؟

منتظرة
:D

[quote=حنين.;1280771]



اين تضع خطوطك الحمراء؟
ما هي المبادئ التي لا يمكن ان تخالفها مهما حاصرتك الظروف؟
ام ان المبادئ تفاهة وعراقيل نضعها لانفسنا
تحول بيننا وبين النجتح والسعادة؟


اوك ليكي انتي حكيتي اول شي انو عن تربايتنا بالبيت وعاداتنا ومبادئنا ..
انا صح اني بعمل اغلاط واشياااء انو بيكونو اهلي مو موافقين عليها ..وبعملها من وراهن ..:p
بس انوو اغلااطي ولما بعملها وبكون عرفانه انها غلط قبل ما اني اعملها بحسب حساب لاهلي
هالشي فيو مضره لاهلي او انو ممكن يصير من ورى شي يضر اهلي او يصير حكي ناس كتير وهيك ..
والمبادئ طبعا واكيييد مو تفاهه لانو المبادئ هيه الي بتبني حياتي ..بس ئبل ما اعمل كل هااد
بكون واثقه اكييد من نفسي اني اللي عم اعملو مقتنعه فيو او لاء ..
يسلمووو عالموضوع:D

طرح جميل

مبدئياً الموضوع مثبت 3 أيام والي رجعة للنقاش :D

مساء الخير
الموضوع بيعزف على الوتر الحساس;)

أول شي المبادئ من اسمها هي أساسيات لتكوين الشخص والشخصية
وما ممكن تكون تافهة أو غير ماخوذ فيها لان ما في حياة صح بدون مبدأ

تاني شي انو متى بيصير عنا مبدأ شخصي؟
بعد تجارب كتيرة وفترة طويلة نسبيًا لحتى يصير المبدأ قناعة ثابتة
غير قابلة لعمليات الحت والتعرية والترسيب
ونادرًا ما بتكون المبادئ الشخصية مبكرة الظهور والتكون
- هاي بدها سعة اطلاع وعقل نظيف -

تالت شي وهوي الجواب على اسم الموضوع
انو الخطوط الحمرا غالبا بتكون بسبب المبادئ
يعني إشارة قف موجودة بكل مكان فيه مخالفة للمبدأ
متلا إني غش بامتحان أو غيره لحتى حصل كم علامة هاي خط أحمر
بالنسبة إلي قناعتي بالمصلحة المرتجعة من شي معين خط أحمر
يعني لحد بعيد بفضل كون راضية على اني ارضي الي حولي
لان أنا الي عايشة حياتي مو غيري
وهاد لا يعني ما اسمعهن ولا قدر نصحهم بالعكس تمامًا

وبالنسبة لموضوع الأهل تصرفاتهن بتكون من منطلق الخوف والنصح
وأنا بركز على التقاطعات أكتر من نقط الخلاف

التكوين الفكري عندي خط أحمر وبيكهرب كمان

:Dالك حنين.

هل تدفع هذه الرشوة


أول شي رح رد عالسؤال ..

اي .. بدفع

اين تضع خطوطك الحمراء؟

بعيدا جدّا ..مشان ما وصّلا ..
وكل ما قربت منا .. بشلفا لبعيد ..

ما هي المبادئ التي لا يمكن ان تخالفها مهما حاصرتك الظروف؟

None

ام ان المبادئ تفاهة وعراقيل نضعها لانفسنا
تحول بيننا وبين النجاح والسعادة؟

احيانا .. ووقت بكتشف انو هيك .. ممكن انو تتغير ..

حلمي.. خط أحمر..
وكل شي في سبيلو مباح..

خطي الاحمر هوي سعادتي على حساب سعادة الاخرين..
وتحقيق حلمي على حساب احلام الاخرين..
رغم انو دفعت مسبقا تمن كبير كتير لحتى ما اتجاوز هيدا الخط.. بس انا غير قادرة حتى على التفكير بتجاوزه..
بمعنى اخر اذا كانت سعادتي واحلامي ما بتأذي حدا ما عندي اي مشكلة بس اذا كانت رحتحرم حدا من فرصة بيستاهلها اكتر مني الموضوع بيصير خطي احمر..

خطي الاحمر هوي سعادتي على حساب سعادة الاخرين..
وتحقيق حلمي على حساب احلام الاخرين..
رغم انو دفعت مسبقا تمن كبير كتير لحتى ما اتجاوز هيدا الخط.. بس انا غير قادرة حتى على التفكير بتجاوزه..
بمعنى اخر اذا كانت سعادتي واحلامي ما بتأذي حدا ما عندي اي مشكلة بس اذا كانت رحتحرم حدا من فرصة بيستاهلها اكتر مني الموضوع بيصير خطي احمر..
:D:D:D:D:D
فايتة اكتب هيك
كانك بقلبي
كفيتي ووفيتي عني:D:D

ما بعتقد أنو عندي خط أحمر..أو بالأصح باعتقد أنو عندي خط برتقالي.. ممكن يصير أحمر وممكن يصير أخضر..لأنو ما باؤمن بشي ثابت بالحياة.. بس مافي شك أو الانسان لازم يكون عندو مبدأ بالحياة ويمشي عليه ويتمسك فيه طالما بقلبو في ايمان بهالمبدأ

كتبت اكتر من رد بس رجعت و محيتون

ما كنت اعرف حدد بشكل قطعي وين هيي خطوطي الحمرا



بس بتوقع هالخطوط بتفرق بين الاشخاص يلي بتعامل معون يعني الخط الاحمر مع شخص بيصير ابيض و ناصع البياض مع شخص تاني


بس اكيد في خطوط اساسية ما بتجاوزها ابدا وهيي لما سبب اذى لشخص بتصرفاتي وهوي ما بيستاهل و كون عارف من الاول انو تصرفي رح يأذيه

[quote]

اوك ليكي انتي حكيتي اول شي انو عن تربايتنا بالبيت وعاداتنا ومبادئنا ..
انا صح اني بعمل اغلاط واشياااء انو بيكونو اهلي مو موافقين عليها ..وبعملها من وراهن ..:p
بس انوو اغلااطي ولما بعملها وبكون عرفانه انها غلط قبل ما اني اعملها بحسب حساب لاهلي
هالشي فيو مضره لاهلي او انو ممكن يصير من ورى شي يضر اهلي او يصير حكي ناس كتير وهيك ..
والمبادئ طبعا واكيييد مو تفاهه لانو المبادئ هيه الي بتبني حياتي ..بس ئبل ما اعمل كل هااد
بكون واثقه اكييد من نفسي اني اللي عم اعملو مقتنعه فيو او لاء ..
يسلمووو عالموضوع:D
بفهم انك ما بتخالفي القانون الاسري الا ان كنتي مقتنعة انك ما غلطتي؟
بظن ان الاهل بالذات الابوين بيستاهلو منا شوي تضحيات اقل شي مراعاة لشعورهم ومحاولة فاشلة لرد جزء من تضحياتهم عشاننا برايي يستاهلو نلاقي حل وسط لما نختلف معهم
تسلمي شمس:D

طرح جميل

مبدئياً الموضوع مثبت 3 أيام والي رجعة للنقاش :D
مرسي كتير
مستنية رجعتك بفضول:D

مساء الخير
الموضوع بيعزف على الوتر الحساس;)
عزف وسيعزف وسيظل يعزف طالما لكل منا طريقة تفكير مختلفة


أول شي المبادئ من اسمها هي أساسيات لتكوين الشخص والشخصية
وما ممكن تكون تافهة أو غير ماخوذ فيها لان ما في حياة صح بدون مبدأ
حتى مبدا اللامبدا هو مبدا ايضا

تاني شي انو متى بيصير عنا مبدأ شخصي؟
بعد تجارب كتيرة وفترة طويلة نسبيًا لحتى يصير المبدأ قناعة ثابتة
غير قابلة لعمليات الحت والتعرية والترسيب
ونادرًا ما بتكون المبادئ الشخصية مبكرة الظهور والتكون
- هاي بدها سعة اطلاع وعقل نظيف -
بظن ان المبادئ اللي تغرس فينا وما تكون بعيدة عن فطرة الانسان التي تميل للحق والخير ابقى
وابعد عن عمليات الحت والتعرية
كما ان بعض الناس قد يشكلون قتاعات ومبادئ انهزامية او عدائية
فقط لحماية انفسهم من تكرار آلام تجارب مريرة
بمعنى ان المبدا الشخصي قبل تثبيتو لازم يحاكم اما لجنة مبادئ ثابتة لا تتغير
تالت شي وهوي الجواب على اسم الموضوع
انو الخطوط الحمرا غالبا بتكون بسبب المبادئ
يعني إشارة قف موجودة بكل مكان فيه مخالفة للمبدأ
متلا إني غش بامتحان أو غيره لحتى حصل كم علامة هاي خط أحمر
بالنسبة إلي قناعتي بالمصلحة المرتجعة من شي معين خط أحمر
يعني لحد بعيد بفضل كون راضية على اني ارضي الي حولي
لان أنا الي عايشة حياتي مو غيري
وهاد لا يعني ما اسمعهن ولا قدر نصحهم بالعكس تمامًا
وانا بعتبرها انانية باهداف مغايرة انك تسعي لارضاء ضميرك وما تهتمي للعواقب

وبالنسبة لموضوع الأهل تصرفاتهن بتكون من منطلق الخوف والنصح
وأنا بركز على التقاطعات أكتر من نقط الخلاف
رايي نخلق تقاطعات حتى لو ما كانت موجودة ومع الاهل خصوصا
بتسقط اغلب الخطوط الحمراء

التكوين الفكري عندي خط أحمر وبيكهرب كمان

:Dالك حنين.




والك 100:D

أول شي رح رد عالسؤال ..

اي .. بدفع
ليش لتربح الوقت يعني؟ في كتار بيجاوبو متلك
بتمنى تحاول تحطنا بصورة خلفية اتخاذ هالقرار



بعيدا جدّا ..مشان ما وصّلا ..
وكل ما قربت منا .. بشلفا لبعيد ..

ليش لتحس بحرية اكبر؟
طيب شو شعورك لما تخترق الخط الاحمر قبل خلال وبعد


None

متاكد؟ اكيد لا اكيدة انا انو في ولو واحد على الاقل
احيانا .. ووقت بكتشف انو هيك .. ممكن انو تتغير ..
ممكن تتغير بالنسبة للي بيقرر يغيرها او يلغيها طلبا للسعادة والراحة مع اني بشك انو يقدر يلاقيها بدون حد ادنى من المبادئ

شكرا لصراحتك
واضح انك من الناس اللي بيرفضو التصنع والتمثيل لارضاء الغير وهاد مبدا حلو كتير يظهر انك نسيت تذكرو:D
تحياتي:D

حلمي.. خط أحمر..
وكل شي في سبيلو مباح..

كل شي كل شي؟؟؟؟
:shock:
:D

ناي وبنفسجة
هالمبدا بالذات متعب جدا ولازم ترافقو شوي انانية بس لتخفف ضريبتو العالية جدا
خصوصا ادا كان هالاخرين ما بيعترفو ببعض المبادئ
:D الله يقويكم

ماني مفكرة بخطوط حمرا
بس اللي بعرفو انو كل شي مقتنعة في رح اعملو حتى لو كان الكل شايفو غلط
وانا بآمن انو الله خلقنا عقل لنفكر فيه ولنقرر الصح من الغلط مو لحتى نخلي التقاليد والعادات والمبادئ عالعقل الحجري هية اللي تمشينا وتخلينا نضغط على حالنا لحتى العالم ما يطلعوا علينا

ومشان السؤال تبع الرشوة اذا كان هالمبلغ متوفر رح ادفع اي
وميرسي عالموضوع

ما بعتقد أنو عندي خط أحمر..أو بالأصح باعتقد أنو عندي خط برتقالي.. ممكن يصير أحمر وممكن يصير أخضر..لأنو ما باؤمن بشي ثابت بالحياة.. بس مافي شك أو الانسان لازم يكون عندو مبدأ بالحياة ويمشي عليه ويتمسك فيه طالما بقلبو في ايمان بهالمبدأ
ممكن نعرف اهم المبادئ بالنسبة الك؟
الا اذا كان مبداك السريةالتامة:p
:D

كتبت اكتر من رد بس رجعت و محيتون

ما كنت اعرف حدد بشكل قطعي وين هيي خطوطي الحمرا



بس بتوقع هالخطوط بتفرق بين الاشخاص يلي بتعامل معون يعني الخط الاحمر مع شخص بيصير ابيض و ناصع البياض مع شخص تاني


بس اكيد في خطوط اساسية ما بتجاوزها ابدا وهيي لما سبب اذى لشخص بتصرفاتي وهوي ما بيستاهل و كون عارف من الاول انو تصرفي رح يأذيه
لازم يكون في فرق فالتعامل بحيث انو ممكن نتنازل شوي لاناس بنعزهم
بس بيظلو خطوط حمراء متل الكرامة والخصوصة على سبيل المتال لا الحصر
شكرا كتير محسن:D

ماني مفكرة بخطوط حمرا
بس اللي بعرفو انو كل شي مقتنعة في رح اعملو حتى لو كان الكل شايفو غلط
وانا بآمن انو الله خلقنا عقل لنفكر فيه ولنقرر الصح من الغلط مو لحتى نخلي التقاليد والعادات والمبادئ عالعقل الحجري هية اللي تمشينا وتخلينا نضغط على حالنا لحتى العالم ما يطلعوا علينا

ومشان السؤال تبع الرشوة اذا كان هالمبلغ متوفر رح ادفع اي
وميرسي عالموضوع

هلق تعتبري الصدق والاخلاص والامانة واحترام حرية الغير وحقوقهم ووووو.... تقاليد وعادات لازم تتغير ؟
اكيد سؤال الرشوة ادا كان متوفر المبلغ طبعا
مستنية ردك وتحياتي:D

هل تعتقد ان علينا مواكبة رياح الموضة الهوجاء حتى لا تكسرنا
نكذب ان كذبو نتعدى ان تعدو ونرد بنفس طريقتهم واسلوبهم ولاننا لا نقل قوة ولا ذكاء
والبقاء للاقوى؟
وهل ستبقى الارض صالحة للحياة ان انتهج الكل هاد المنهج
هل ترى انا التزامك بقواعد الضمير يجعل منك ضحية وكبش فداء بلا ثمن

لكل اللي جاوبو بدفع الرشوة الا تكون بذلك ايدت استمرار الوضع اماساوي الحالي وساهمت ببقاء عقبة امام بناء وطن حقيقي؟
سترد قائلا ان لم ادفعها سيدفعها غيري
فهل ستشعر بالرضا الداخلي وانت تحصل على الشهادة ربما على حساب من هو احق منك؟
وكيف يكون التغيير برايك
ام انه لا امل ولا رجاء؟

هل تعتقد ان علينا مواكبة رياح الموضة الهوجاء حتى لا تكسرنا
نكذب ان كذبو نتعدى ان تعدو ونرد بنفس طريقتهم واسلوبهم ولاننا لا نقل قوة ولا ذكاء

احيانا يكون الموقف يتطلب ذلك



وهل ستبقى الارض صالحة للحياة ان انتهج الكل هاد المنهج

و الحياة ستبقى سائرة أما الضعيف هو الذي ينتهي


هل ترى انا التزامك بقواعد الضمير يجعل منك ضحية وكبش فداء بلا ثمن


لا بل في غالب الأحيان تساعدنا


وكيف يكون التغيير برايك
ام انه لا امل ولا رجاء؟



ان الكبار من المستحيل ان يتغيروا
و لكن الأمل موجود في الصغار

و لكن بالنسبة للوضع الذي نعيشه فكان في السابق يلزمنا مئة عام للوصول الى مجتمع نحلم به
و لكن مع تنامي ظاهرة الفساد فنحن نعود للأسفل و لا نستطيع حساب الرقم المتبقي للوصول إلى المجتمع الذي نحلم به لا الألة الحاسبة لا تتسع لأرقام اكثر من ثمانية

و لكن بالنسبة للأمل
فالأكيد انه موجود
-------------------------------------------------------------------------------------- 

على الهامش : أي هي حنين يلي بعرفها:lol:

ليش ما بتعرفي شو صارت الجملة الجديدة عنا؟؟؟؟

مصلحة الولد أهم من مصلحة البلد

ان حرف واحد الواو او الباء فالولد الأن يدمر البلد.........

احيانا يكون الموقف يتطلب ذلك
طيب قلي شو اقصى حد ممكن توصلو؟ لا تقول متل اللي قبلك مافي حد
بعرف ماممكن تقتل متلا الحد اقرب بكتير مو؟


و الحياة ستبقى سائرة أما الضعيف هو الذي ينتهي
وهل التمسك بالحق ضعف؟ الا يحتاج قوة مضاعفة؟؟
من الضعيف ومن القوي؟


لا بل في غالب الأحيان تساعدنا
اذن لماذانلقي بها جانبا؟



ان الكبار من المستحيل ان يتغيروا
و لكن الأمل موجود في الصغار

و لكن بالنسبة للوضع الذي نعيشه فكان في السابق يلزمنا مئة عام للوصول الى مجتمع نحلم به
و لكن مع تنامي ظاهرة الفساد فنحن نعود للأسفل و لا نستطيع حساب الرقم المتبقي للوصول إلى المجتمع الذي نحلم به لا الألة الحاسبة لا تتسع لأرقام اكثر من ثمانية

و لكن بالنسبة للأمل
فالأكيد انه موجود
--------------------------------------------------------------------------------------

على الهامش : أي هي حنين يلي بعرفها:lol:

ليش ما بتعرفي شو صارت الجملة الجديدة عنا؟؟؟؟

مصلحة الولد أهم من مصلحة البلد

ان حرف واحد الواو او الباء فالولد الأن يدمر البلد.........

ادا كانت مبادئ الاباء مختلة من وين يجي الامل بالله عليك
اللي بدو امل يبدا واغلبنا عاجز عن تقوييم نفسو كيف حيربي ابن صالح؟
والمثل الشائع عندنا "تخطى راسي" يعني المهم انا ما يصيبني مكروه والباقي ينحرق بما فيهم الولد معناها انتو احسن :lol:
----------
هامش مين حنين؟
انت تعرف هدى:lol:

احيانا يكون الموقف يتطلب ذلك
طيب قلي شو اقصى حد ممكن توصلو؟ لا تقول متل اللي قبلك مافي حد
بعرف ماممكن تقتل متلا الحد اقرب بكتير مو؟

إذا على القتل
فالحد أقرب بكتير بالنسبة الي
يعني للنقطة يلي بكون فيها ما عم ضر غيري
يعني مثلا
بمعالات الجيش لك الشخص مضطر يدفع بلاوي حتى تنتهي المعاملة
فأذا بدي قول ما بدي ادفع و مدري شو
اي بحياتها ما رح تخلص


و الحياة ستبقى سائرة أما الضعيف هو الذي ينتهي
وهل التمسك بالحق ضعف؟ الا يحتاج قوة مضاعفة؟؟
من الضعيف ومن القوي؟

الضعيف هو الذي يجلس على كرسيه الصغير و يتأمل اصحاب المخالب الكبيرة
و في مجتمع عمه الفساد فمعنى الحق قد تغير


لا بل في غالب الأحيان تساعدنا
اذن لماذانلقي بها جانبا؟

لا نلقي بها جانبا
و لكن من يلقونها فمن اجل الولد



ادا كانت مبادئ الاباء مختلة من وين يجي الامل بالله عليك
اللي بدو امل يبدا واغلبنا عاجز عن تقوييم نفسو كيف حيربي ابن صالح؟
والمثل الشائع عندنا "تخطى راسي" يعني المهم انا ما يصيبني مكروه والباقي ينحرق بما فيهم الولد معناها انتو احسن :lol:

معك حق على مبدأ أن فاقد الشيء لا يعطيه
و لكننا لا نفقد الأمل بالشعور الأنساني الكائن فينا


----------
هامش مين حنين؟
انت تعرف هدى:lol:

طيب نعيد صياغة الجملة
--------------------------------------------------------------------------------------

على الهامش : أي هي هدى (:lol:) يلي بعرفها :D :D

إذا على القتل
فالحد أقرب بكتير بالنسبة الي
يعني للنقطة يلي بكون فيها ما عم ضر غيري
يعني مثلا
بمعالات الجيش لك الشخص مضطر يدفع بلاوي حتى تنتهي المعاملة
فأذا بدي قول ما بدي ادفع و مدري شو
اي بحياتها ما رح تخلص

وهدا قصي اللي بعرفو:D


الضعيف هو الذي يجلس على كرسيه الصغير و يتأمل اصحاب المخالب الكبيرة
و في مجتمع عمه الفساد فمعنى الحق قد تغير
هاد الي الجالس ضعيف فعلا الا ادا كانت بيستجمع قوتو لجولة قادمة

لا نلقي بها جانبا
و لكن من يلقونها فمن اجل الولد




معك حق على مبدأ أن فاقد الشيء لا يعطيه
و لكننا لا نفقد الأمل بالشعور الأنساني الكائن فينا



طيب نعيد صياغة الجملة
--------------------------------------------------------------------------------------

على الهامش : أي هي هدى (:lol:) يلي بعرفها :D :D
مرسي صديقي العزيز وانا متلك مؤمنة انو في كل انسان بذرة خير مهما كانت صعيرة
لكنها قد تنمو يوما وتزهر وتثمر:D

كل شي كل شي؟؟؟؟
اي كل شي كل شي‎..
من بسمة طفل لقنبلة هيروشيما‎..

كل شي كل شي؟؟؟؟
اي كل شي كل شي‎..
من بسمة طفل لقنبلة هيروشيما‎..

خليت الفضول باعلى درجاتو " شو هالحلم اللي بيستاهل قنبلة ذرية؟"
والاستغراب ما بوصفلك :shock:
بس ماني زعلانة لانو صراحة ماني مصدقة ومعتبرتها مبالغة كبيرة

هلق تعتبري الصدق والاخلاص والامانة واحترام حرية الغير وحقوقهم ووووو.... تقاليد وعادات لازم تتغير ؟
اكيد سؤال الرشوة ادا كان متوفر المبلغ طبعا
مستنية ردك وتحياتي:D
اكيد ماعم احكي عالعادات المنيحة
انا قلت العادات والتقاليد والمبادئ اللي عالعقل الحجري
يعني تمسيح الجوخ و لاتعمل هيك لانو العالم بيحكوا ولا هيك و و و و و
هاد اللي لازم يتغير
وانا من جهتي بعتبر انو الصدق والامانة والاخلاص واحترام حرية الغير وحقوقهم مانون عادات مجتمع لانو المجتمع ما بيعلم احترام حرية الغير وكل هالاشيا
هدول كلون اشيا مثالية والشخص بيكتسبا من العيلة العايش فيا مو من المجتمع
هاد رأيي وبتمنى تكون وضحت فكرتي ;)

اكيد ماعم احكي عالعادات المنيحة
انا قلت العادات والتقاليد والمبادئ اللي عالعقل الحجري
يعني تمسيح الجوخ و لاتعمل هيك لانو العالم بيحكوا ولا هيك و و و و و
هاد اللي لازم يتغير
وانا من جهتي بعتبر انو الصدق والامانة والاخلاص واحترام حرية الغير وحقوقهم مانون عادات مجتمع لانو المجتمع ما بيعلم احترام حرية الغير وكل هالاشيا
هدول كلون اشيا مثالية والشخص بيكتسبا من العيلة العايش فيا مو من المجتمع
هاد رأيي وبتمنى تكون وضحت فكرتي ;)

وضحت الفكرة:D ما عمري اعطيت نظرة الاخرين اهمية كبيرة المهم يكون ضميري مرتاح وراضية عن نفسي وان تنازلت شوي فاكيد مو لكل الناس بس لزمرة خاصة جدا
والباقي رايهم ما بيهمني بيكفني عناء اني ارضي ضميري
واكيد ماني من انصار الافكار الرجعية والبدائية متل ما بايد ابدا الحداثة الي بتقتلع جذور الانسان
وكمان حابة وضح اني ضد التحجر والتعصب الفكري حتى بقضية المبادئ لان"الضرورات تبيح المحضورات"
بس بتمنى كل واحد منا يحكم ضميرو مو طموخاتو ورغباتو وقت بدو يقارن بين ضرر الغلط المرتكب والزامية والحاح الضرورة وما بيقدم على خيار كخيار الرشوة متلا الا لضرورة قسوى وبعد ما يتاكد من استنفاذ الحلول الاخرى
ولسا في كمية اسئلة بحب اعرف اراؤكم فيها جاية بالطريق...

:D:D:D:D:D
فايتة اكتب هيك
كانك بقلبي
كفيتي ووفيتي عني:D:D
وأنا كتير بيصير معي هيك ..بشوف ردك .. وبيكون عبر عن رأيي..
وهي الشغلةحلوة كتير.. وبتفرحني:D

ممكن نعرف اهم المبادئ بالنسبة الك؟ الا اذا كان مبداك السريةالتامة بالغ السرية..If I told you..I have to kill you

شو كمان بالحياة في code de la route?
هيهيهيهي...
انا اضع علامة ستوب يعني بايا مواضع ؟؟؟
باشيا ما تخصني و ما تتعلق فيي لا من قريب و لا من بعيد ..و كفى ..

خطي الاحمر طموحي

خطي الاحمر طموحي

الان ... ساصوت:ss:

بالغ السرية..If I told you..I have to kill you
:lol:قلي واقتلني معلش قبلانة

شو كمان بالحياة في code de la route?
هيهيهيهي...
انا اضع علامة ستوب يعني بايا مواضع ؟؟؟
باشيا ما تخصني و ما تتعلق فيي لا من قريب و لا من بعيد ..و كفى ..
:lol:ضروري قانون مرور حتى ما تصير حوادت مرور:lol:
:D

خطي الاحمر طموحي
ان شاء الله توصلو بسهولة وما تكون امامك عراقيل حتى نامن على حالنا:lol:
بلكي انت كمان مستعد ترمي قتبلة نووية لتحقيق طموحك:o
انتو ليش هيك بتحكو بشكل عام متقصدين تخوفوني:x

ان شاء الله توصلو بسهولة وما تكون امامك عراقيل حتى نامن على حالنا:lol:
بلكي انت كمان مستعد ترمي قتبلة نووية لتحقيق طموحك:o
انتو ليش هيك بتحكو بشكل عام متقصدين تخوفوني:x
لا ما رح ارمي قنبلة نووية بس مابعرف يمكن اعملا اذا لزم الامر:larg:
لا لا جد انا طموحي لازم يتحقق باي ثمن والا رح صير بلا ولا شي
:shahbi7:

الخط الأحمر كتير موضوع حلو
هلاء البعض بحاول يميع الأمر بس مشان يتسلى بس انا برأي هالموضوع كتير مهم وبدو نقاش جدي .
طبعا برأي ما في انسان ماعندو خطوط حمرا بدل الخط الواحد بس طبعا بتختلف من واحد للتاني ، مثلا اللي بقول ماعندو خطوط حمرا رح اسألو اذا والدك صرخ عليك بتضربو شي ؟؟ اذا لاء معناتا هاد خط أحمر انت حاطو لحالك لأنو ممكن تقدر تضربو وماحدا يحكي أو مافي حدا يحكي معك. هلاء في أمثلة كتيرة الواحد ما رح يحكي كل شي....
ولأنو الحياة بدون هالخطوط الحمرا اللي بتحطا الحكومات أو بحطوا الأشخاص لحالون بتتحول لغابة بلا أخلاق وبلا قوانين .
و برأي هالخطوط متغيرة من موضوع لآخر ومن شخص لآخر يعني ما في خط ثابت بس انو في خط------------------

ما بظن ان انا وانت متلا نختلف بالاساسيات اللي متفقين عليها كل البشر انها غلط
بس الاختلاف بترتيب اولويات كل واحد منا
عندي متلا راحتي النفسية والضميرية اغلى من كل شيء لاني بشوف سعادتي ما ممكن تكون بلاها
وطموحاتي كمان بلاها انا ولا شيء ومالي لزمة حياتي بس لوحققتها على حساب غيري كمان مارح سامح نفسي

ما بظن ان انا وانت متلا نختلف بالاساسيات اللي متفقين عليها كل البشر انها غلط
بس الاختلاف بترتيب اولويات كل واحد منا
عندي متلا راحتي النفسية والضميرية اغلى من كل شيء لاني بشوف سعادتي ما ممكن تكون بلاها
وطموحاتي كمان بلاها انا ولا شيء ومالي لزمة حياتي بس لوحققتها على حساب غيري كمان مارح سامح نفسي
أكيد ما في خلاف بجوهر الأمربس بعتقد ما في خط أحمر متفقين عليه البشرية لأنو لكل مجتمع أو دولة خطوطا الخاصة مثلا بسوريا اللي بيحكي عن حرية الرأي والفساد عند الأشخاص المسؤلين بيتهمو بوهن واضعاف الشعور القومي ..... يعني خط أحمر، بس بباقي دول العالم حكي شو مابدك بدون أي خط أحمر للحكي ؟؟؟؟؟؟
هلاء الطموحات بدون خط أحمر بطريقة الوصول الا بكون غلط كبير( برأي طبعا) بس اذا بحقق طموحي بطريقة صح ولو غيري بيتأذى هالشي ما بهمني .؟؟؟؟؟:D

الخط الأحمر كتير موضوع حلو
هلاء البعض بحاول يميع الأمر بس مشان يتسلى بس انا برأي هالموضوع كتير مهم وبدو نقاش جدي .
طبعا برأي ما في انسان ماعندو خطوط حمرا بدل الخط الواحد بس طبعا بتختلف من واحد للتاني ، مثلا اللي بقول ماعندو خطوط حمرا رح اسألو اذا والدك صرخ عليك بتضربو شي ؟؟ اذا لاء معناتا هاد خط أحمر انت حاطو لحالك لأنو ممكن تقدر تضربو وماحدا يحكي أو مافي حدا يحكي معك. هلاء في أمثلة كتيرة الواحد ما رح يحكي كل شي....
ولأنو الحياة بدون هالخطوط الحمرا اللي بتحطا الحكومات أو بحطوا الأشخاص لحالون بتتحول لغابة بلا أخلاق وبلا قوانين .
و برأي هالخطوط متغيرة من موضوع لآخر ومن شخص لآخر يعني ما في خط ثابت بس انو في خط------------------
مرحبا
برايي اللي بيحاول يميع الامر مو مشان يتسلى فاما انو فعلا ما قعد مع نفسو وحاول يعرف شو اللي بيقدر يعملو وشو اللي ما بيقدر يعملو ورح يعرف خطوطو الحمراء شوي شوي وبكل موقف على حدا
او انو عندو خطوط حمر كتير وتعبتو كتير فمل وقرر يتخلى عنها وحتى بهالحالة مارح يقدر باعتقادي لان الخير مخلوق فالانسان فما يقدر يادي غيرو وما يتع\ب ولو داخليا
فمتلا مسالة الكرامة سؤال لجيمي ولابو العبد من اللي بيقولو انو الغاية تبرر الوسيلة
تقبل تذل نفسك لتحقق خطوة للامام وان عملتها هل ستكون سعيد بما حققت بعد الاذلال؟
شكرا كتير ابو الجود:D
على اخد الموضوع بجدية اللي ما حطيتو الا للنقاش الجدي لنستفيد من تجارب بعضنا

مو ضروري يكون خط اخمر انا حطيتو لحالي ومثالك عدم الماخزة غلط لانه الواحد اذا رفع صوتو بوجة ابو لا يطيق ريح النجنة مو انو ما حدى بردو القران الله يحفظو حط خطوط حمرة والواحد الي بحكي انو ما عندو خط احمر هاد واهد ملحد وهاد راي وارجو انو ما اكون ازعجتك.

مو ضروري يكون خط اخمر انا حطيتو لحالي ومثالك عدم الماخزة غلط لانه الواحد اذا رفع صوتو بوجة ابو لا يطيق ريح النجنة مو انو ما حدى بردو القران الله يحفظو حط خطوط حمرة والواحد الي بحكي انو ما عندو خط احمر هاد واهد ملحد وهاد راي وارجو انو ما اكون ازعجتك.

هكر المحبة أولا اهلين فيك تانيا ما بعرف ليش مثالي غلط اذا انت قلت انو اللي بيرفع صوتو ما بشم الجنة .وطبعا أنا عم احكي بغض النظر عن الدين لأنو معنا اخوان ما بآمنو بأي دين وفي اخوان مسيحية ما بهمون شو اجا بالقرأن الكريم وفي وفي وفي المهم حكينا عن الأمر بمعزل عن رأي الدين .. يعني الدين حط خطوط حمرا كتير كيف بدي ناقش واحد دينيا اذا كان لايعترف بالاديان .
وشكرا

مو ضروري يكون خط اخمر انا حطيتو لحالي ومثالك عدم الماخزة غلط لانه الواحد اذا رفع صوتو بوجة ابو لا يطيق ريح النجنة مو انو ما حدى بردو القران الله يحفظو حط خطوط حمرة والواحد الي بحكي انو ما عندو خط احمر هاد واهد ملحد وهاد راي وارجو انو ما اكون ازعجتك.
هلا وسهلا هكر المحبة
بالنسبة للي فهمتو منك انو خطوطك الحمراء هي داتها اللي واردة في الدين الاسلامي
وما بعرف ادا في خطوط تانية رسمتها لنفسك ولا اكتفيت؟
صحيح انو اغلب المبادئ والمتل العليا وردت بالاديان بس هي كمان ارث مشترك بين كل الناس على اساس انو مافي انسان بيولد شرير وكل الاطفال بيمتازو بالبراءة يعني في ارضية مشتركة بين كل البشر صح
الاختلاف ان انا وانت نلتزم بيها كدين وعقيدة وغيرنا بيلتزم بيها بقناعات مختلفة

أكيد ما في خلاف بجوهر الأمربس بعتقد ما في خط أحمر متفقين عليه البشرية لأنو لكل مجتمع أو دولة خطوطا الخاصة مثلا بسوريا اللي بيحكي عن حرية الرأي والفساد عند الأشخاص المسؤلين بيتهمو بوهن واضعاف الشعور القومي ..... يعني خط أحمر، بس بباقي دول العالم حكي شو مابدك بدون أي خط أحمر للحكي ؟؟؟؟؟؟
هلاء الطموحات بدون خط أحمر بطريقة الوصول الا بكون غلط كبير( برأي طبعا) بس اذا بحقق طموحي بطريقة صح ولو غيري بيتأذى هالشي ما بهمني .؟؟؟؟؟:D

وانا ان كانت الطريقة صح بكمل طريقي عادي بس بيبقى في منغص
الحكي عن حرية التعبير ومحاربة الفساد لازم المتحدث تكون مبادؤو وشجاعتو كبيرة
برايي ما بينفع نحكي عن الرشوة متلا ونرشي لاتفه سبب
كيف نستنى الاصلاح ادا ما نقدر نتحكم فتصرفاتنا وقراراتنا الشخصية

قد يرى والداك امرا ما مرفوضا وغير قابل للنقاش
وتراه انت عاديا بل وحقا من حقوقك

فكيف تتصرف؟


اين تضع خطوطك الحمراء ؟
ما هي المبادئ التي لا يمكن ان تخالفها مهما حاصرتك الظروف؟
ام ان المبادئ تفاهة وعراقيل نضعها لانفسنا
تحول بيننا وبين النجاح والسعادة؟

ان اضطررت لارتكاب خطا ما كي تنجح
اتفعله بضمير مرتاح؟
ام تتمسك بقناعاتك وتصبر وتثابر اكثر حتى تحققه رغم كل شيء؟


هل تعتقد ان علينا مواكبة رياح الموضة الهوجاء حتى لا تكسرنا
نكذب ان كذبو نتعدى ان تعدو ونرد بنفس طريقتهم واسلوبهم ولاننا لا نقل قوة ولا ذكاء
والبقاء للاقوى؟
وهل ستبقى الارض صالحة للحياة ان انتهج الكل هاد المنهج؟
هل ترى انا التزامك بقواعد الضمير يجعل منك ضحية وكبش فداء بلا ثمن؟

لكل اللي جاوبو بدفع الرشوة الا تكون بذلك ايدت استمرار الوضع اماساوي الحالي وساهمت ببقاء عقبة امام بناء وطن حقيقي؟
سترد قائلا ان لم ادفعها سيدفعها غيري
فهل ستشعر بالرضا الداخلي وانت تحصل على الشهادة ربما على حساب من هو احق منك؟
وكيف يكون التغيير برايك
ام انه لا امل ولا رجاء؟

بس ماني زعلانة لانو صراحة ماني مصدقة ومعتبرتها مبالغة كبيرة
انو حئك تتعتبريها مبالغة وحئ غيرك يعتبرها تسلاي أو مياعة..الكل احرار بأرائن...
بس لو خُيّرت انو يكون حلمي ثمنو قنبلي ذرية أنا متأكد جدا انو مارح اتردد لحظة :D..

سؤال لجيمي ولابو العبد من اللي بيقولو انو الغاية تبرر الوسيلة
تقبل تذل نفسك لتحقق خطوة للامام وان عملتها هل ستكون سعيد بما حققت بعد الاذلال؟
إذا بطمن انو اذا تخليت عن كرامتي حملي بيتحقق.. اي بكون سعيد :D..

اللي بقول ماعندو خطوط حمرا رح اسألو اذا والدك صرخ عليك بتضربو شي ؟؟ اذا لاء معناتا هاد خط أحمر انت حاطو لحالك لأنو ممكن تقدر تضربو وماحدا يحكي أو مافي حدا يحكي معك. هلاء في أمثلة كتيرة الواحد ما رح يحكي كل شي....
التصرف بدون خطوط حمر بيعني بشكل أو بآخر الغاية تبرر الوسيلي..
يعني أنا مارح نط بالمي وضل ساعتين تحتها..بس ما بيعني هاد انو هالشي خط احمر.. لأن مافي غاية..متل المثال يلي ضربتو انتي.. من دون غاية..
حتى انا اتخلى عن انسانيتي واتعدى عشخص آخر..لازم تكون الغاية من وراها ثميني جدا..بثمن انسانيتي واكتر..


هاد واهد ملحد

تسلم اخجلت تواضعي:oops:..

ما بخفيك اني مختلفة معك وكتير جدا وهاد مهما كان هدفك نبيل ومفيد لناس كتار برايي القنبلة النووية:x بالدات مالها اي مبرر مقبول عندي لا حرية ولا اكبر منها ولا اقل ولو اتقابلت انا وياك بموقف مشابه رح كون عدوتك اكيد
طبعا ما بدي ناقشك لخليك تغير قناعتك --بعرف مو من صلاحياتي وما رح اقدر--
بس حابة افهم كيف وصلت لهالقناعة وصرت تشوفها صح؟ ادا سمحت وقدرت طبعا:D

س لو خُيّرت انو يكون حلمي ثمنو قنبلي ذرية أنا متأكد جدا انو مارح اتردد لحظة

بس بصراحة هاي شغلة حلوة انك تكون طموح وبتكون كتمسك بتحقيق حلمك بس طريقة انانية ومن كلامك انا بفهم انو لو اجا حد من اهلك بطريق بتعدى عليه لتوصل للبدك اياه وهاد اكيد بتعد المعقول وبهنبك باصرارك وهاد راي :larg: