اين تضع اشارة قف لنفسك "الخطوط الحمراء" [الأرشيـــــف] - صفحة 2

abo aljoud

13/06/2009, 18:03

انو حئك تتعتبريها مبالغة وحئ غيرك يعتبرها تسلاي أو مياعة..الكل احرار بأرائن...
بس لو خُيّرت انو يكون حلمي ثمنو قنبلي ذرية أنا متأكد جدا انو مارح اتردد لحظة :D..

إذا بطمن انو اذا تخليت عن كرامتي حملي بيتحقق.. اي بكون سعيد :D..

التصرف بدون خطوط حمر بيعني بشكل أو بآخر الغاية تبرر الوسيلي..
يعني أنا مارح نط بالمي وضل ساعتين تحتها..بس ما بيعني هاد انو هالشي خط احمر.. لأن مافي غاية..متل المثال يلي ضربتو انتي.. من دون غاية..
حتى انا اتخلى عن انسانيتي واتعدى عشخص آخر..لازم تكون الغاية من وراها ثميني جدا..بثمن انسانيتي واكتر..

..

يعتي هون اسمحلي اشكرك كتير لأنواعتبرت سؤالي من دون غاية وهالشي بدل انوانت زلمة حكيييييم بتعرف تتهرب من الأسئلة المحرجة ؟؟؟؟
ما بعرف ليش حاسس انو انت بتحب تعارض كل شي يمكن هيك طبيعتك ...
وحابب اسألك بشكل مباشر ( طالما سؤالي الأول من دون هدف) في سبيل وصولك لطموحك وهدف انت مخططلوا من سنين بس المشكلة انو في شخص بطريقك وقتلو فقط بوصلك لهدفك وبالرغم من انو هالشخص ما سبق انو آذاك ف هل بتقتلو ولا بتعدل عن فكرتك؟؟؟؟؟
يا رب يطلع هاسؤال بهدف ما متل اللي قبلو ...

..Jimy

13/06/2009, 18:41

يعتي هون اسمحلي اشكرك كتير لأنواعتبرت سؤالي من دون غاية وهالشي بدل انوانت زلمة حكيييييم بتعرف تتهرب من الأسئلة المحرجة ؟؟؟؟
ما بعرف ليش حاسس انو انت بتحب تعارض كل شي يمكن هيك طبيعتك ...
وحابب اسألك بشكل مباشر ( طالما سؤالي الأول من دون هدف) في سبيل وصولك لطموحك وهدف انت مخططلوا من سنين بس المشكلة انو في شخص بطريقك وقتلو فقط بوصلك لهدفك وبالرغم من انو هالشخص ما سبق انو آذاك ف هل بتقتلو ولا بتعدل عن فكرتك؟؟؟؟؟
يا رب يطلع هاسؤال بهدف ما متل اللي قبلو ...

بعتذر منك كتير عسوء الفهم يلي صار.. بس كتير فهمتني غلط.. عم علق عالمثال نفسو..
كان مثالك أنو إذا ابوك صرخ عليك بتضربو؟؟
وهون انا موقفي لأ.. لأن بنظري أنو مافي دافع أو غاية لأضربو..

حتى انا اتخلى عن انسانيتي واتعدى عشخص آخر..لازم تكون الغاية من وراها ثميني جدا..بثمن انسانيتي واكتر..يعني ببساطة ما في ثمن محرز رح نالو من ضرب بيي.. ومافي ثمن محرز لأتخلى عن انسانيتي:D..
بتمنى تكون وصلت فكرتي..
تحية:akh:

وهلئ انا عندي سؤال إلك ولحنين.. لو عرفت أنو انتي بتقدر تحقق السعادة وتنهي الشقاء لكل اطفال العالم..مقابل انك تقتل طفل بريء واحد مالو اي ذنب.. بتعملوها؟؟

*هاموش: انا بكلوريا فلذلك مارح اقدر تابعكن.. فعذروني:D

حنين.

14/06/2009, 00:31

بعتذر منك كتير عسوء الفهم يلي صار.. بس كتير فهمتني غلط.. عم علق عالمثال نفسو..
كان مثالك أنو إذا ابوك صرخ عليك بتضربو؟؟
وهون انا موقفي لأ.. لأن بنظري أنو مافي دافع أو غاية لأضربو..

يعني ببساطة ما في ثمن محرز رح نالو من ضرب بيي.. ومافي ثمن محرز لأتخلى عن انسانيتي:D..
بتمنى تكون وصلت فكرتي..
تحية:akh:

وهلئ انا عندي سؤال إلك ولحنين.. لو عرفت أنو انتي بتقدر تحقق السعادة وتنهي الشقاء لكل اطفال العالم..مقابل انك تقتل طفل بريء واحد مالو اي ذنب.. بتعملوها؟؟

*هاموش: انا بكلوريا فلذلك مارح اقدر تابعكن.. فعذروني:D
سؤالك خلاني اتردد "في حال صارت هالحالة" اقتل ما بقتل بس كتبرير ممكن اعتبرو مبرر واطلب منك بتواضع تقوم بالمهمة بدالي:o
النقاش بيننا ما انتهى موفق ان شاء الله بالباكالوريا بس تخلص انكش الموضوع
شكر كبير وتمنياتي بالنجاح:D

abo aljoud

14/06/2009, 02:06

بعتذر منك كتير عسوء الفهم يلي صار.. بس كتير فهمتني غلط.. عم علق عالمثال نفسو..
كان مثالك أنو إذا ابوك صرخ عليك بتضربو؟؟
وهون انا موقفي لأ.. لأن بنظري أنو مافي دافع أو غاية لأضربو..

يعني ببساطة ما في ثمن محرز رح نالو من ضرب بيي.. ومافي ثمن محرز لأتخلى عن انسانيتي:D..
بتمنى تكون وصلت فكرتي..
تحية:akh:

وهلئ انا عندي سؤال إلك ولحنين.. لو عرفت أنو انتي بتقدر تحقق السعادة وتنهي الشقاء لكل اطفال العالم..مقابل انك تقتل طفل بريء واحد مالو اي ذنب.. بتعملوها؟؟

*هاموش: انا بكلوريا فلذلك مارح اقدر تابعكن.. فعذروني:D
بكالوريتك اهم من اي نقاش الله يوفقك...

whiterose

14/06/2009, 12:12

boy freind

14/06/2009, 18:36

قد يرى والداك امرا ما مرفوضا وغير قابل للنقاش
وتراه انت عاديا بل وحقا من حقوقك

فكيف تتصرف؟

بحاول اقنعو طبعا و اذا ما قبل ما بعمل هالأمر لأنو اللي ما بيجي معك تعا معو

اين تضع خطوطك الحمراء؟

قريبة عالاغلب يعني بيكون الخط ورا التصرف مباشرة

ما هي المبادئ التي لا يمكن ان تخالفها مهما حاصرتك الظروف؟

مافي يعني كل شغلة لازم اتأقلم معا و هالشي بيلزم انو قدم تنازلات

ان اضطررت لارتكاب خطا ما كي تنجح
اتفعله بضمير مرتاح؟
ام تتمسك بقناعاتك وتصبر وتثابر اكثر حتى تحققه رغم كل شيء؟

ممممممممم بظن انو بحاول حققو شو ما كانت النتائج

هاد رأيي و شكرا عالموضوع الحلو :D

حنين.

14/06/2009, 19:54

الخطوط الحمراء عندي هية عدك تجاوز حدود الاحترام لنفسي وللآخرين

وكمان خطوطي بتتوقف عند تعاليم ديني اكيد في كتير تجاوزات

بس المهم هالتجاوزات ما تتخطى حدود الاحترام

وبالنسبة لسؤال الرشوة كرمال احصل على الماجستير

بتخيل اني بدفع باعتبار انا بسوريا
اهلا وايت روز:D
شو هي المبادئ اللي ناوية تعلميها لابناءك في المستقبل
وهل تعلميهم ينسوها ويطنشوها احيانا او لا
على اعتبار انهم حيعيشو بسوريا كمان؟
:hart:

حنين.

14/06/2009, 20:21

اين تضع خطوطك الحمراء؟

قريبة عالاغلب يعني بيكون الخط ورا التصرف مباشرة

ما هي المبادئ التي لا يمكن ان تخالفها مهما حاصرتك الظروف؟

مافي يعني كل شغلة لازم اتأقلم معا و هالشي بيلزم انو قدم تنازلات

ان اضطررت لارتكاب خطا ما كي تنجح
اتفعله بضمير مرتاح؟
ام تتمسك بقناعاتك وتصبر وتثابر اكثر حتى تحققه رغم كل شيء؟

ممممممممم بظن انو بحاول حققو شو ما كانت النتائج

اهلا نورت:D
بس كانو ما فهمتك مضبوط
كيف ورا التصرف مباشرة؟ يعني تتصرف بحرية والخط الاحمر ديكور؟

whiterose

14/06/2009, 23:18

اهلا وايت روز:D
شو هي المبادئ اللي ناوية تعلميها لابناءك في المستقبل
وهل تعلميهم ينسوها ويطنشوها احيانا او لا
على اعتبار انهم حيعيشو بسوريا كمان؟
:hart:

اذا كانت رح تأثرعليهم وعلى مستقبلهم سلبي أكيد بخليهم ينسوها
بس كمان طبعا ماتكون تتجاوز الخطوط الحمراء

وهلا:D

mhsen77

14/06/2009, 23:39

شو هي المبادئ اللي ناوية تعلميها لابناءك في المستقبل
وهل تعلميهم ينسوها ويطنشوها احيانا او لا
على اعتبار انهم حيعيشو بسوريا كمان؟
:hart:
رح اسمح لنفسي جاوب على هالسؤال

اهم مبدىء بحب علمو لابني او بنتي انو تكون صادقة
بالاول مع نفسها وبعدين و بدرجة تانية مع الاخرين
لانو يلي بيكذب بيعمل كل شي و ما بتوقع عندو خط احمر ولا اصفر ولا غيرو
:D

حنين.

15/06/2009, 00:24

اذا كانت رح تأثرعليهم وعلى مستقبلهم سلبي أكيد بخليهم ينسوها
بس كمان طبعا ماتكون تتجاوز الخطوط الحمراء

وهلا:D
مرسي لمشاركتك وصراحتك:D
رح اسمح لنفسي جاوب على هالسؤال

اهم مبدىء بحب علمو لابني او بنتي انو تكون صادقة
بالاول مع نفسها وبعدين و بدرجة تانية مع الاخرين
لانو يلي بيكذب بيعمل كل شي و ما بتوقع عندو خط احمر ولا اصفر ولا غيرو
:D
محسن اسمحلي قلك انك رح تظلمهم هيك
الصدق بوقتنا مكلف كتيييييييير فتخيل كيف حيكون على وقت اولادنا؟
صحيح مو نكدب لاخد حقوق غيرنا او كهواية متل بعض الناس او للخداع والتظاهر
بس غالبا اداا مو دائما بكدب على نفسي
واحيانا على غيري وقت الضرورة
ومع هيك ما تتخيل قديش في خطوط حمراء بحياتي
زيادة عن اللي بنشترك فيها كلنا
في اللي انا حاطتها لحالي وللي بتكون معزتهم خاصة عندي

اكيد الموضوع موضوعكم وبيحقلكم تحكو بحرية وتسالو وتجاوبو كمان:D

I_Love_Syria

15/06/2009, 00:27

حنين.

15/06/2009, 10:48

هلأ أهلي دراستي خطوط حمرا ما ممكن إتجاوزها وما ممكن أعمل أي شي يأثر عليها سلباً مهما كان السبب حتى لو هالشي بدو يأثر على نفسيتي سلباً, بس عندي قناعة تامّة انو بالمستقبل حيكون الوضع أفضل يعني في بصيص أمل صغير
هلأ في أشياء تانية مالها بأهمية أهلي ودراستي وبالنسبة لإلي بالزمانات كانت أشياء ماممكن أعملها خطوط حمراء يعني بس حب التجربة والمغامرة دفعوني لتجاوزها لفترات معينة بس رجعت التزمت فيها بعدين
:D
ان نعتبر انسان ملتزم بمبادئ مو معناها خلص انو صار معصوم فالخطا والنسيان من طبع الانسان
الفرق انو في واحد يغلط وما بيعتبرو اصلا خطا فبتلاقيه مكمل عليه عادي ومانو مخبي
وواحد تاني يغلط بلحظة طيش او غضب او تسرع او غيرو بس يفيق يندم ويحاول يصلح غلطتو وانو ما يرجع يعملها
والنوع التالت اللي بيغلط وبيعرف انو غلط وما يقدر يتحكم في نفسو ويكملها بغلط افدح واشنع وهو ادعاء الاستقامة والقاء الاحكام على الناس -لانو ما في ولا واحد معصوم على الكرة الارضية-
اهلا وسهلا بيك :D

حنين.

15/06/2009, 10:54

-الاستقامة مفتاح الكرامة
- من سار بالاستقامة, سار بالطمأنينة.
- كثيرون الذين يتغنون بالاستقامة, وقليلون الذين يمارسونها.
- استقامة الانسان شيء جميل, والاجمل ألا نتخلى عنها في أي ظرف.
- من نظّف ثوبه قلّ همه, ومن قلّ همّه زاد عقله, ومن زاد عقله كثر فهمه.

Amo0o0orah

17/06/2009, 01:40

أول شي بدي أشكر الاخت حنين عالموضوع الرائع يلي شدني لاقرا كل حرف فيه رغم اني نعسااااااااااانة :D

في كتير حكي بقلبي بس رح حاول اختصر حتى ما تملوا,,,يلي لفت انتباهي اكتر شي شغلتين
1-اكتر يلي ماعندهن خطوط حمرا ومستعدين يعملوا اي شي..ذكور..وهاد طبعا ان دل على شيء دل على انه مجتمعاتنا الظريفة تبيح للذكر مالاتبيحه للأنثى..
طبعا مافي خلاف انو الذكر غير الانثى بس مو معنى هاد انو هو على راسه ريشة وبيخبص على كيفه وبيعمل يلي بده وبعدين المعترة الانثى اذا قالت (أ..) بيقولولها انضبي!!!!

2- في قصة مابعرف اذا بتعرفوها او سمعانين فيها..بس بكل الاحوال رح احكيها..
قال كان يا ما كان في قديم الزمان وسالف العصر والاوان لحتى كان:p
كان في ملك محبوب ببلده مرض مرض شديد وشارف على الموت...جابوله احسن دكاترة بالبلد وهالاطباء وصفوله وصفة غير شكل...
قالواله انو علاجك انو يحط كل واحد من اهل البلد معلقة عسل من عنده منخلطهن وبتاكلهن وبالعافية..
واعلن الملك انو هو حيحط جرة على راس التلة يلي بنص البلد وكل واحد يروح يحط معلقة عسل (يعني معلقة مارح يخسر فيها شي ولا بتقدم ولا بتأخر)
تاني يوم أخدو الجرة لعند الملك حتى ياكل العسل وقت فتحوها:o
قام طلعت كلها مي (ماء)
لأن كل واحد يجي بده يحط معلقة عسل..يقول هلأ معلقتي يلي حتخلي الملك يتحسن..يلا هي نقطة هالمي مارح تغيرلوا شي بالعسلات..

ومع الاسف نحن صاير فينا هيك...كل واحد بيغلط وبيقول ماوقفت عليي من بين كل هالبشر..
والحقيقة انو كل واحد فينا لازم يبدا من نفسه بالاصلاح..واهل بيته واحبابه وهيك بنقدر نحن نصلح هالمجتمع بدون ما ننقده بكم كلمة مع انو نحن يلي عايشين فيه...واي نقد للمجتمع هو بالحقيقة تجريح لالنا..

وشكرا لأنكم تحملتوني..(لاحظوا اني نعسانة وكتبت كل هاد!!!الله ستركن اني مو صحيانة:oops:)

mhsen77

17/06/2009, 02:04

محسن اسمحلي قلك انك رح تظلمهم هيك
الصدق بوقتنا مكلف كتيييييييير فتخيل كيف حيكون على وقت اولادنا؟
صحيح مو نكدب لاخد حقوق غيرنا او كهواية متل بعض الناس او للخداع والتظاهر
بس غالبا اداا مو دائما بكدب على نفسي
واحيانا على غيري وقت الضرورة
ومع هيك ما تتخيل قديش في خطوط حمراء بحياتي
زيادة عن اللي بنشترك فيها كلنا
في اللي انا حاطتها لحالي وللي بتكون معزتهم خاصة عندي

اكيد الموضوع موضوعكم وبيحقلكم تحكو بحرية وتسالو وتجاوبو كمان:D
انا رح اظلمهم لو اسمحلهون يكذبو اكتر بكتير
يعني كون الكذب هوي يلي ماشي بهالايام ما بيعني ابدا انو هو الصح
و قلة عدد الصادقين ابدا ما بيعني انو الصدق غلط
ورح تلاحظي الازدواجية عندك بين الرد يلي فوق و الرد يلي تحت ( اكيد بتوافقيني انو ما في استقامة مع الكذب ولا كرامة بدون صدق )

-الاستقامة مفتاح الكرامة
- من سار بالاستقامة, سار بالطمأنينة.
- كثيرون الذين يتغنون بالاستقامة, وقليلون الذين يمارسونها.
- استقامة الانسان شيء جميل, والاجمل ألا نتخلى عنها في أي ظرف.
- من نظّف ثوبه قلّ همه, ومن قلّ همّه زاد عقله, ومن زاد عقله كثر فهمه.

-اكتر يلي ماعندهن خطوط حمرا ومستعدين يعملوا اي شي..ذكور..وهاد طبعا ان دل على شيء دل على انه مجتمعاتنا الظريفة تبيح للذكر مالاتبيحه للأنثى..
طبعا مافي خلاف انو الذكر غير الانثى بس مو معنى هاد انو هو على راسه ريشة وبيخبص على كيفه وبيعمل يلي بده وبعدين المعترة الانثى اذا قالت (أ..) بيقولولها انضبي!!!!
انضبي :pos:

وشكرا لأنكم تحملتوني..(لاحظوا اني نعسانة وكتبت كل هاد!!!الله ستركن اني مو صحيانة)
اي عم نحمد ربنا كتير :p

اهلين امورة نورتي اخوية :D

ومع الاسف نحن صاير فينا هيك...كل واحد بيغلط وبيقول ماوقفت عليي من بين كل هالبشر..
والحقيقة انو كل واحد فينا لازم يبدا من نفسه بالاصلاح..

يا ريت كل واحد منا ياخد هالعبرة و بس

جاد81

18/06/2009, 17:45

حنين.

18/06/2009, 19:12

أول شي بدي أشكر الاخت حنين عالموضوع الرائع يلي شدني لاقرا كل حرف فيه رغم اني نعسااااااااااانة :D
انا اللي بشكرك من كل قلبي عالتعب
واهلا بيكي:D

في كتير حكي بقلبي بس رح حاول اختصر حتى ما تملوا,,احكي ولا تاكلي هم طول او قصر مشاركتك نحن هون لنتناقش
,يلي لفت انتباهي اكتر شي شغلتين
1-اكتر يلي ماعندهن خطوط حمرا ومستعدين يعملوا اي شي..ذكور..وهاد طبعا ان دل على شيء دل على انه مجتمعاتنا الظريفة تبيح للذكر مالاتبيحه للأنثى..
طبعا مافي خلاف انو الذكر غير الانثى بس مو معنى هاد انو هو على راسه ريشة وبيخبص على كيفه وبيعمل يلي بده وبعدين المعترة الانثى اذا قالت (أ..) بيقولولها انضبي!!!!- اللي هيك تفكيرو هيك رح يظل وخصوصي انو نحنا بنستسلم بسهولة وما بنطبق عليهم نفس المعايير تخيلي لو بنت اشترطت انو اللي بدها تتزوجو ما يكون له علاقات حب سابقة متلا مو بيقولو عنها مجنونة؟ و البنات قبل الشباب:x وطبعا حل هالمشكلة بيجي مع الوقت لما نربي اطفالنا الجايين بطريقة مختلفة جدا

2- في قصة مابعرف اذا بتعرفوها او سمعانين فيها..بس بكل الاحوال رح احكيها..
قال كان يا ما كان في قديم الزمان وسالف العصر والاوان لحتى كان:p
كان في ملك محبوب ببلده مرض مرض شديد وشارف على الموت...جابوله احسن دكاترة بالبلد وهالاطباء وصفوله وصفة غير شكل...
قالواله انو علاجك انو يحط كل واحد من اهل البلد معلقة عسل من عنده منخلطهن وبتاكلهن وبالعافية..
واعلن الملك انو هو حيحط جرة على راس التلة يلي بنص البلد وكل واحد يروح يحط معلقة عسل (يعني معلقة مارح يخسر فيها شي ولا بتقدم ولا بتأخر)
تاني يوم أخدو الجرة لعند الملك حتى ياكل العسل وقت فتحوها:o
قام طلعت كلها مي (ماء)
لأن كل واحد يجي بده يحط معلقة عسل..يقول هلأ معلقتي يلي حتخلي الملك يتحسن..يلا هي نقطة هالمي مارح تغيرلوا شي بالعسلات..

ومع الاسف نحن صاير فينا هيك...كل واحد بيغلط وبيقول ماوقفت عليي من بين كل هالبشر..
والحقيقة انو كل واحد فينا لازم يبدا من نفسه بالاصلاح..واهل بيته واحبابه وهيك بنقدر نحن نصلح هالمجتمع بدون ما ننقده بكم كلمة مع انو نحن يلي عايشين فيه...واي نقد للمجتمع هو بالحقيقة تجريح لالنا.. لا كيف ادا اتصلح المجتمع مين بدنا ننتقد ولمين بدنا نرضخ ونقول يا حسرة عليك يا دنيا- اللي ناقصنا فعلا هو الشجاعة بمحلها

وشكرا لأنكم تحملتوني..(لاحظوا اني نعسانة وكتبت كل هاد!!!الله ستركن اني مو صحيانة:oops:)
ان شاء الله بترجعي وتمري من هون وانتي صحيانة لنشوف شو بيطلع معك:p
ومرسي مرة تانية:D

حنين.

18/06/2009, 19:22

:Dانا رح اظلمهم لو اسمحلهون يكذبو اكتر بكتير
يعني كون الكذب هوي يلي ماشي بهالايام ما بيعني ابدا انو هو الصح
و قلة عدد الصادقين ابدا ما بيعني انو الصدق غلط
ورح تلاحظي الازدواجية عندك بين الرد يلي فوق و الرد يلي تحت ( اكيد بتوافقيني انو ما في استقامة مع الكذب ولا كرامة بدون صدق )

يا ريت كل واحد منا ياخد هالعبرة و بس
محسن انا ما قلت الصدق غلط والكدب صح قلت الصدق مكلف ومتعب جدا لصاحبو
والكدب ضروري ببعض المواقف واشترطت ما يكون كدب لاخد حقوق الغير او للتزييف والتصنع
رح اعطيك متل
في انسان مريض مرض خطير ما يستحمل الزعل ولا الصدمات وفي احد من عيلتو اتوفى
المريض سالك عن اللي اتوفى بتقلو الحقيقة انو والله الله يرحمو وتصيرعندك جنازة مزدوجة ولا تكدب عليه ليطب ويصر اقوى؟ وسؤال تاني انت من خلال كلامك فهمت انك ضد الكدب وهو خط احمر بالنسبة الك صح؟
هل يا ترى من يوم ما ابتديت تتكلم لليوم بعمرك ما كدبت؟
الازدواجية اني ادعي الصدق التام وها امر غير صحيح
ومنتظرة:D

Amo0o0orah

19/06/2009, 14:12

في كتير اشيا نحنا منعمل منا خطوط حمر و هي بالحقيقة اشيا اقل من عادية ...يعني الخطوط الحمر بترجع لثقافة الشخص و كيف حدد اهمية الموضوع و واعطاه قيمة لا تقبل التنازل او التراجع عنه...

بالنسبة لألي ما عندي خطوط حمر....لا اعترف بالاشياء الثابتة ...حتى الاشيا يلي عما تقولوا انها ممكن تخالف الأخلاق و الدين ...هيدي برأيي امور نسبية كل انسان بيعطيها من وحي فكروا ...انا احيانا بكزب بس بكره يلي بيكزب عليي... علاقاتي مع الكل تأتي من وحي المعاملة المشتركة ..يعني يلي سخر مني بشي رح اسخر منو بشي تاني بوقت تاني و بمطرح تاني و الخ .................

بس في اشيا ما بقبل اتنازل عنها حاليا بس ما بعرف بعدين

أخ جاد..في حكمة بتقول..عامل الناس كما تحب أن يعاملوك..
ليش عم تطالب غيرك بشي انت ماعم تقدر تعمله؟؟؟؟ ابسط حقوق الناس عليك انك تعدل بينك وبينهم! بعدين اذا انت ما بتحب حدا يسخر منك ليش حتى تسخر من الاخرين!!اذا بدنا نعيش بمبدأ رد الصاع صاعين بحياتنا ما رح نتفق ونعيش بسلام!

محسن أفندي...شكرا لأنك تحملتني وقريت..:p

حنين...اسمحيلي قدملك وردة شكر على هالتفكير الحلو والمنطقي يلي عندك..:D.صرلي 3سنين بالمنتدى بقرا وما بحكي:oops:
خليتيني انطق ويطلع صوتي:deal:

حنين.

19/06/2009, 22:36

في كتير اشيا نحنا منعمل منا خطوط حمر و هي بالحقيقة اشيا اقل من عادية ...يعني الخطوط الحمر بترجع لثقافة الشخص و كيف حدد اهمية الموضوع و واعطاه قيمة لا تقبل التنازل او التراجع عنه...

بالنسبة لألي ما عندي خطوط حمر....لا اعترف بالاشياء الثابتة ...حتى الاشيا يلي عما تقولوا انها ممكن تخالف الأخلاق و الدين ...هيدي برأيي امور نسبية كل انسان بيعطيها من وحي فكروا ...انا احيانا بكزب بس بكره يلي بيكزب عليي... علاقاتي مع الكل تأتي من وحي المعاملة المشتركة ..يعني يلي سخر مني بشي رح اسخر منو بشي تاني بوقت تاني و بمطرح تاني و الخ .................

بس في اشيا ما بقبل اتنازل عنها حاليا بس ما بعرف بعدين

اهلا جاد نورت:D
واسفة على التاخير
بتمنى ما يكون عندك مانع تخبرنا مبادءك الحالية :oops: من وحي تفكيرك وثقافتك الخاصة الحالية بما انها ممكن تتغير بالنسبة الك
يمكن اسرق منك فكرة او اتنين او اكتر:p
عن الكدب انك تحللو لنفسك وتحرمو على غيرك بظن لازمها اعادة نظر هالنظرية بحيت انك تحاول تلاقي تبرير للي كدبو عليك من التبريرات الي بتلاقيها لنفسك ان ما ضبطت ولا وحدة ابقى ازعل
وبالنسبة للسخرية برايي الخاص اللي بيستخدم اسلوب السخرية معناها في عندو شوي غرور زيادة وتسفيه للاخرين وهدول قد ما بقدر بتجنبهم
عموما اللي بيزعجني يا اما بوقفو عند حدو بنفس اللحظة يا اما اقلب الصفحة وانسى بس ما بعطيه من وقتي وجهدي لردلو الكف بعد فترة بشوف انو خسارة فيه عالوقت والجهد
ومرسي جاد:D

حنين.

19/06/2009, 22:43

أخ جاد..في حكمة بتقول..عامل الناس كما تحب أن يعاملوك..
ليش عم تطالب غيرك بشي انت ماعم تقدر تعمله؟؟؟؟ ابسط حقوق الناس عليك انك تعدل بينك وبينهم! بعدين اذا انت ما بتحب حدا يسخر منك ليش حتى تسخر من الاخرين!!اذا بدنا نعيش بمبدأ رد الصاع صاعين بحياتنا ما رح نتفق ونعيش بسلام!

محسن أفندي...شكرا لأنك تحملتني وقريت..:p

حنين...اسمحيلي قدملك وردة شكر على هالتفكير الحلو والمنطقي يلي عندك..:D.صرلي 3سنين بالمنتدى بقرا وما بحكي:oops:
خليتيني انطق ويطلع صوتي:deal:
اي الحمد لله اللي جابلك الشفاء على ايدي
وهيك سمعينا صوتك احيانا وانا الربحانة اكيد:gem:
تفكيري منطقي بنظرك لانو تفكيرنا متقارب بهالخصوص:D
بس تعرفي في ناس بيعتبروه منتهى السطحية والتفاهة والمبالغة:p
ادا بدك خلينا نكمل نقاش
ادا تعارض مبدئين من مبادئك مع بعض في موقف ما كيف بتتصرفي؟

Amo0o0orah

22/06/2009, 00:50

ادا تعارض مبدئين من مبادئك مع بعض في موقف ما كيف بتتصرفي؟

ممممم سؤال حلو بس صعب...تكمن صعوبته بعدم وضوحه...يعني نظريا فيني قلك انو بمشي عالمبدأ الاقوى...
بس المشكلة انو عم حاول اضرب مثال لحالي لأقدر جاوب بدقة...بس ماعم يطلع معي!!!!
اذا في ببالك شي مثال أوضح عالتعارض بيكون أسهل وأوضح الجواب!!:oops:

Huzun

22/06/2009, 01:17

مابتهمني العادات والتقاليد لأن هي اللي مفوتتنا بالحيط

بس أي شي مخالف لديني وممكن يضرني ويضر أهلي .. خط أحمر

وبالتالي سؤالك عن الرشوة بالنسبة لإلي .. مستحيل

mhsen77

22/06/2009, 02:09

:D
محسن انا ما قلت الصدق غلط والكدب صح قلت الصدق مكلف ومتعب جدا لصاحبو
والكدب ضروري ببعض المواقف واشترطت ما يكون كدب لاخد حقوق الغير او للتزييف والتصنع
رح اعطيك متل
في انسان مريض مرض خطير ما يستحمل الزعل ولا الصدمات وفي احد من عيلتو اتوفى
المريض سالك عن اللي اتوفى بتقلو الحقيقة انو والله الله يرحمو وتصيرعندك جنازة مزدوجة ولا تكدب عليه ليطب ويصر اقوى؟ وسؤال تاني انت من خلال كلامك فهمت انك ضد الكدب وهو خط احمر بالنسبة الك صح؟
هل يا ترى من يوم ما ابتديت تتكلم لليوم بعمرك ما كدبت؟
الازدواجية اني ادعي الصدق التام وها امر غير صحيح
ومنتظرة:D
صدق بالمعنى المطلق غير موجود اكيد
بس يمكن تلاحظي اشخاص كتير بالحياة بتحسيها ما بتعرف تصدق بكلمة من كلامها
يلي قصدتو انو ربي اولادي و يكون الصدق صفة بارزة بشخصياتون

اسف لاني تأخرت بالرد :D

محسن أفندي...شكرا لأنك تحملتني وقريت..:p

اهلا وسهلا بعودتك لاخوية :D
طلع صوتك حلو :oops:

ادا بدك خلينا نكمل نقاش
ادا تعارض مبدئين من مبادئك مع بعض في موقف ما كيف بتتصرفي؟

ما بتخيل انو انسان واعي و عندو تفكير منطقي ممكن يكون عندو مبدئين متعارضين مع بعضون تماما

flower bomb

22/06/2009, 05:19

mary_55

22/06/2009, 05:53

Amo0o0orah

22/06/2009, 09:44

اهلا وسهلا بعودتك لاخوية :D
طلع صوتك حلو :oops:

هلأ ببطل أسكت هه:p

ما بتخيل انو انسان واعي و عندو تفكير منطقي ممكن يكون عندو مبدئين متعارضين مع بعضون تماما

كأنو في حدا عم يتهزأ هون:confo:
هو مزبوط كلامك... بس أحيانا بتوقع بنقطة اختلاف مع حالك...بين الشي يلي انت بدك ياه والشي يلي لازم تعمله ومفروض عليك..وبتوقع هيك بتقصد حنين

الفيـصل

22/06/2009, 11:27

المباديء لابد ان تكون مباديء انسانية بحتة
وليس فقط مكتسبة ،
وجهة نظر طبعاً
اما عن خطوطي الحمراء
فهي التعدي على حرية الآخرين
.
تحياتي

حنين.

22/06/2009, 20:06

مابتهمني العادات والتقاليد لأن هي اللي مفوتتنا بالحيط

بس أي شي مخالف لديني وممكن يضرني ويضر أهلي .. خط أحمر

وبالتالي سؤالك عن الرشوة بالنسبة لإلي .. مستحيل
هلا سعادة:D
مافي ولا عادة ولا تقليد واحد سليم بنظرك؟

حنين.

22/06/2009, 20:14

صدق بالمعنى المطلق غير موجود اكيد
بس يمكن تلاحظي اشخاص كتير بالحياة بتحسيها ما بتعرف تصدق بكلمة من كلامها
يلي قصدتو انو ربي اولادي و يكون الصدق صفة بارزة بشخصياتون

اسف لاني تأخرت بالرد :D

ما بتخيل انو انسان واعي و عندو تفكير منطقي ممكن يكون عندو مبدئين متعارضين مع بعضون تماما
ولا يهمك ان ترد متاخرا احسن من الا ترد ابدا:D
اكيد التعارض مارح يكون بالمضمون وبالهدف
بس في مواقف بتلاقي نفسك احيانا بين مبئين وجبر تختار ورح ارجع اشرح وجهة نظري اكتر

حنين.

22/06/2009, 20:34

موضوع كتير مهم وثري ...
طموحاتي خط أحمر بالعريض
بالنسبه للرشوه ؛ازا حسيت انو قدراتي بتأهلني لتجاوز اختبار القبول لكنني لن استطيع تجاوزه الا بالرشوه ,حينها بدفع
وبلا تردد
الك هدى ولتميزك وتفردك:D
مرسي صديقتي الغالية بجد فرحت بزيارتك للموضوع:D
كيف ممكن تتاكدي انو قدراتك بتاهلك فعلا لتجاوز امتحان القبول لانو اغلبنا بتكون عندو هالثقة لكن نادرا ما تكون ثقة بمحلها فكيف ممكن نتاكد؟
كل اللي قالو قبلك انو طموحاتهم خط احمر ما حاولو يساعدونا نفهم انو كيف خط احمر يعني مستحيل تخلي اي موقف او اي مبدا او اي شي ياخر او ياجل او يلغي طموحك؟ بلكي منك اقدر افهم اكتر
عالهامش انا واثقة بقدرتك على تجاوزو:sosweet:

حنين.

22/06/2009, 20:39

عندي مبادأ كتيرة ويطول شرحها
وأغلبها مختبرتو
وبعضها لا
والخطوط الحمرا
مابحب كون مصدر قلق وازعاج للأخرين
و إيذائي له 3 خطوات وبينمحي الشخص من حياتي
مبدئي الأساسي "ما دمت تبتسم فهناك نهار جديد وشمس مشرقة"
وبشوف أنو المبدأ شي أساسي عند الانسان
ومن دونو بتكون الحياه ملخبطة مافي تنظيم
كأنو المبدأ هو الطريق
من دون مبدأ لا طريق
شكرا عالموضوع
:D
المبدا المفروض يكون هو الشيء الثابت الوحيد بحياتنا كل ما ضيعنا طريق بنرجع نستدل بيه ولهيك لازم نولي مبادئنا اولوية قصوى حتى ما نضيع بزحمة الحياة
خليكي دائما مبتسمة ومتفائلة
مرسي:D

حنين.

22/06/2009, 20:43

المباديء لابد ان تكون مباديء انسانية بحتة
وليس فقط مكتسبة ،
وجهة نظر طبعاً
اما عن خطوطي الحمراء
فهي التعدي على حرية الآخرين
.
تحياتي
اهلا وسهلا اخي فيصل:D
ومرسي لانك شرفت موضوعي باول مشاركة لك باخوية
هي فعلا المبادئ منبعها الانسانية وهدفها انساني وموجودة لتسهل التعامل وتخلي في قانون للتعامل بين البشر وهده وجهة نظري ايضا
:D

حنين.

22/06/2009, 20:56

ممممم سؤال حلو بس صعب...تكمن صعوبته بعدم وضوحه...يعني نظريا فيني قلك انو بمشي عالمبدأ الاقوى...
بس المشكلة انو عم حاول اضرب مثال لحالي لأقدر جاوب بدقة...بس ماعم يطلع معي!!!!
اذا في ببالك شي مثال أوضح عالتعارض بيكون أسهل وأوضح الجواب!!:oops:
تكرمي وهاد اول متال مر ببالي
متلا احد المشاركين قال انو اهم مبادؤو عدم التعدي على خصوصيةالاخرين لو فرض وانحط بموقف اجبرو انو يتجسس على خصوصية حدا من اجل مصلحة عليا خلينا نقول للوطن متلا او حتى اقل
مو بيكون بين مبدئن؟ واختيارين؟

كأنو في حدا عم يتهزأ هون:confo:
هو مزبوط كلامك... بس أحيانا بتوقع بنقطة اختلاف مع حالك...بين الشي يلي انت بدك ياه والشي يلي لازم تعمله ومفروض عليك..وبتوقع هيك بتقصد حنين
لا في حدا بيتهزا ولا شي :lol: بعد شوي نعرف راي الاستاد محسن ان كان هالتفكير غير منطقي او غير واعي
وبالنهاية نحن هون لنتناقش مو لنغير بمبادئ او طرق تفكير بعضنا البعض:D
بتمنى متالي يكون واضح شوي

حنين.

22/06/2009, 21:16

شعرة واحدة تفصل
بين الصراحة وبين الوقاحة
بين الثقة بالنفس و بين الغرور
بين التسامح و بين الاستسلام
بين التمسك بالاصالة و بين التحجر الفكري
بين التحرر من التقاليد والخرافات البالية وبين التنصل من كل ماهو جميل واخلاقي
بين حسن النية في التعامل مع الغير و بين الغباء
بين الحذر و بين الوسواس والشكوك الغير منطقية
بين مساعدة الغير عند الحاجة وبين التحول الى وسيلة بايديهم
بين حب الانسان لنفسه الذي هو ضروري وبين النرجسية الزائدة
بين الطموح وحب النجاح وبين الهوس به لدرجة سحق الاخرين
.
.
.

فهل نستطيع جميعا ان ننجو من الخلط؟
وكيف يمكن ان نفرق بين وبين؟

flower bomb

22/06/2009, 23:25

مرسي صديقتي الغالية بجد فرحت بزيارتك للموضوع:D
كيف ممكن تتاكدي انو قدراتك بتاهلك فعلا لتجاوز امتحان القبول لانو اغلبنا بتكون عندو هالثقة لكن نادرا ما تكون ثقة بمحلها فكيف ممكن نتاكد؟
يعني ازا معدلي مرتفع وبطور من نفسي دائما واتعب ع حالي كتير ..بتكون الثقه قريبه من محلها :lol:
ما بعرف ازا هالمعيار دقيق اما لا ,برأيي دقيق لحد ما
كل اللي قالو قبلك انو طموحاتهم خط احمر ما حاولو يساعدونا نفهم انو كيف خط احمر يعني مستحيل تخلي اي موقف او اي مبدا او اي شي ياخر او ياجل او يلغي طموحك؟ بلكي منك اقدر افهم اكتر
طموحاتي خط احمر ...يعني مستعده اخسر كتير اشياء في سبيل حقق طموحي
يعني مثلا مستعده انو اضغط ع حالي كتير واحرم حالي من معظم الاشياء التي احبها وانو كافح واتعب لوصل
وطبعا مستحيل خلي اي موقف يلغي طموحي
بس ما فهمت كيف ما خلي اي مبدأ يأجل او يلغي طموحي؟
عالهامش انا واثقة بقدرتك على تجاوزو:sosweet:
:D
ياريت وضحت الفكره

mhsen77

22/06/2009, 23:58

ولا يهمك ان ترد متاخرا احسن من الا ترد ابدا:D
اكيد التعارض مارح يكون بالمضمون وبالهدف
بس في مواقف بتلاقي نفسك احيانا بين مبئين وجبر تختار ورح ارجع اشرح وجهة نظري اكتر
طبعا لكل موقف تصرف مناسب و بناء على الموقف بيكون التصرف السليم وهون ما صار برأيي تعارض مبادىء

تكرمي وهاد اول متال مر ببالي
متلا احد المشاركين قال انو اهم مبادؤو عدم التعدي على خصوصيةالاخرين لو فرض وانحط بموقف اجبرو انو يتجسس على خصوصية حدا من اجل مصلحة عليا خلينا نقول للوطن متلا او حتى اقل
مو بيكون بين مبدئن؟ واختيارين؟
بمثالك السابق التجسس على خصوصية هالشخص يلي رح يضر مصلحة الوطن واجب اكتر ما هيي تعارض مع مبدء شخصي

كأنو في حدا عم يتهزأ هون:confo:
هو مزبوط كلامك... بس أحيانا بتوقع بنقطة اختلاف مع حالك...بين الشي يلي انت بدك ياه والشي يلي لازم تعمله ومفروض عليك..وبتوقع هيك بتقصد حنين
برجع بقول انو لكل موقف تصرف مناسب
و مافي شي ثابت بالمطلق بالحياة

شعرة واحدة تفصل
بين الصراحة وبين الوقاحة
بين الثقة بالنفس و بين الغرور
بين التسامح و بين الاستسلام
بين التمسك بالاصالة و بين التحجر الفكري
بين التحرر من التقاليد والخرافات البالية وبين التنصل من كل ماهو جميل واخلاقي
بين حسن النية في التعامل مع الغير و بين الغباء
بين الحذر و بين الوسواس والشكوك الغير منطقية
بين مساعدة الغير عند الحاجة وبين التحول الى وسيلة بايديهم
بين حب الانسان لنفسه الذي هو ضروري وبين النرجسية الزائدة
بين الطموح وحب النجاح وبين الهوس به لدرجة سحق الاخرين
.
.
.

فهل نستطيع جميعا ان ننجو من الخلط؟
وكيف يمكن ان نفرق بين وبين؟
لما الانسان بيستخدم عقلو اكيد قادر يفرق بين و بين
هالشي ما بينفي الوقوع بالخطأ ببعض الاحيان بس لازم نستخدم العقل

:D

Amo0o0orah

25/06/2009, 10:06

طبعا لكل موقف تصرف مناسب و بناء على الموقف بيكون التصرف السليم وهون ما صار برأيي تعارض مبادىء

برجع بقول انو لكل موقف تصرف مناسب
و مافي شي ثابت بالمطلق بالحياة

لما الانسان بيستخدم عقلو اكيد قادر يفرق بين و بين
هالشي ما بينفي الوقوع بالخطأ ببعض الاحيان بس لازم نستخدم العقل

:D

المختصر المفيد;)

..Jimy

01/07/2009, 09:55

بناء عالتوصية..نكشت الموضوع انا:larg:..
فوين كنا؟؟..

Black Orchid

01/07/2009, 10:10

مو أكيد وين بوقف , كل حدث اله ظروفه ,
:oops: , بس أكيد بوقف لما بتعب.............:oops:

homam85

02/07/2009, 09:23

الخطوط الحمراء الحمدلله كتيرة بمجتمعنا ..بضفلا خط واحد هوي ستوب لما حس غيري انزعج أو انجرح مني وهوي ما بيستحق هالشي وبحاول صلح هالشي طبعا( أقارب او صديق أو....الخ)

حنين.

06/07/2009, 11:09

بناء عالتوصية..نكشت الموضوع انا:larg:..
فوين كنا؟؟..
اعتدر من الجميع على التاخير اللي يظهر رح يمتد كمان
ومن جيمي خصوصا:D

..Jimy

06/07/2009, 12:05

ما بخفيك اني مختلفة معك وكتير جدا وهاد مهما كان هدفك نبيل ومفيد لناس كتار برايي القنبلة النووية:x

بداية كمشتيلي القنبلي ومشيتي..كانت استعارة للتعبر عن لوين ممكن اوصل..أكيد ما حدا رح يسلمني قنبلي يعني.. (ثم انا قلت قنبلي زرية مو نووية في فرق كبير :p)

سؤالك خلاني اتردد "في حال صارت هالحالة" اقتل ما بقتل بس كتبرير ممكن اعتبرو مبرر واطلب منك بتواضع تقوم بالمهمة بدالي////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

مهما كان هدفك نبيل....ولو اتقابلت انا وياك بموقف مشابه رح كون عدوتك اكيد

صراحة انا بشوف هون تناقض.. وانانية :lol:..

هلئ عالمثال تبع قتل الطفل البرئ المالو ذنب.. انا بدون تررد بنهي حياتو :pos:.. مع اسف كبير..
ممكن انتي تديني تصرفي..أو تطالبي بمحاكمتي عفعلتي..

بس بشكل ما انتي فرحاني لأني عملتها.. المهم انو انتي ما كان إلك علائة بهالتصرف اللا انساني..
المهم انو تشعري بتأنيب الضمير..حتى لو عحساب سعادة اطفال العالم..
وهي انا بشوفها انانية..

:D

حنين.

06/07/2009, 16:39

بداية كمشتيلي القنبلي ومشيتي..كانت استعارة للتعبر عن لوين ممكن اوصل..أكيد ما حدا رح يسلمني قنبلي يعني.. (ثم انا قلت قنبلي زرية مو نووية في فرق كبير :p)
اي سيدي انا ضد كل القنابل ومابيفرقو كتير عندي

صراحة انا بشوف هون تناقض.. وانانية :lol:..

هلئ عالمثال تبع قتل الطفل البرئ المالو ذنب.. انا بدون تررد بنهي حياتو :pos:.. مع اسف كبير..
ممكن انتي تديني تصرفي..أو تطالبي بمحاكمتي عفعلتي..

بس بشكل ما انتي فرحاني لأني عملتها.. المهم انو انتي ما كان إلك علائة بهالتصرف اللا انساني..
المهم انو تشعري بتأنيب الضمير..حتى لو عحساب سعادة اطفال العالم..
وهي انا بشوفها انانية..

:D
بالنسبة لسؤالك قلتلك انك حيرتني وماعرفت شو قرر هلق اعتمدت اني اسمحلك تقتلو واشترط يكون الامر سري جدا
يعني حتى مايطلعو هالاطفال وبراسهم ان القتل ممكن يكون مبرر
ومن جهة الانانية انا ماطلبت منك تقتلو بس عشان الضمير لانو مجرد الطلب رح ياثر على مسيو ضمير كتييير
بس طلبت لاني عاجزة عن القتل
ومعك حق ممكن يعتبر قتلك لهالطفل البريء بهالحالة تضحية وتركو يعيش مع عداب كل اطفال العالم انانية وجبن

بنرجع للموضوع اللي بدي افهمو منك
الطموح درجات ومراحل صح
متلا هلق انت تطمح لدخول الجامعة بتخصص بيعجبك وانت قلت ماعندك ولا خط احمر واحد طيب صحلك تغش وماحدا يدرا بتعملها وبصراحة اكيد متل العادة

حنين.

06/07/2009, 17:38

مو أكيد وين بوقف , كل حدث اله ظروفه ,
:oops: , بس أكيد بوقف لما بتعب.............:oops:
لما تتعبي؟ فرضا ما تعبتي وطاقتك عالية كيف؟
اهلا:D

الخطوط الحمراء الحمدلله كتيرة بمجتمعنا ..بضفلا خط واحد هوي ستوب لما حس غيري انزعج أو انجرح مني وهوي ما بيستحق هالشي وبحاول صلح هالشي طبعا( أقارب او صديق أو....الخ)

اهلا وسهلا همام:D
طبعا لكل موقف تصرف مناسب و بناء على الموقف بيكون التصرف السليم وهون ما صار برأيي تعارض مبادىء

بمثالك السابق التجسس على خصوصية هالشخص يلي رح يضر مصلحة الوطن واجب اكتر ما هيي تعارض مع مبدء شخصي

برجع بقول انو لكل موقف تصرف مناسب
و مافي شي ثابت بالمطلق بالحياة

لما الانسان بيستخدم عقلو اكيد قادر يفرق بين و بين
هالشي ما بينفي الوقوع بالخطأ ببعض الاحيان بس لازم نستخدم العقل

:D
اكيد المتال اللي حطيتو واضح القرار فيه
بس بغير مواقف رح تحتار ويكون كل مبدا بيسحبك لجهتو براسي متال هلق بس مارح حطو انت اتخيل لحالك موقف مشابه ولا قلك بلا ما تتخيل الحياة قدامك طويلة الا ما تصادف عشرة او عشرين موقف من هالنوع
بالنسبة لاخر سطرين
سؤال سمعت حدا بيقول انو لازم تلغي عقلك
القصة وما فيها اني حبيت اعرف طريقة كل واحد فيكم كتبادل افكار بلكي بحسن اداء عقلي شوي
وهي وردة الك محسن:D

حنين.

06/07/2009, 17:46

:D
طموحاتي خط احمر ...يعني مستعده اخسر كتير اشياء في سبيل حقق طموحي
يعني مثلا مستعده انو اضغط ع حالي كتير واحرم حالي من معظم الاشياء التي احبها وانو كافح واتعب لوصل
وطبعا مستحيل خلي اي موقف يلغي طموحي
بس ما فهمت كيف ما خلي ايمبدأ يأجل او يلغي طموحي؟
معك بكل اللي دكرتيه بس هاد اسمو تضحية وقوة ارادة
والمبدا ممكن ياجل نجاحك متلا ادا كان الغش او الكدب او النفاق او غيرو ممكن يسهل طريقك ويسرع نجاحك
فاكيد لما تلتزمي بمبادءك المضادة لهالامور رح تتعطلي وتتعبي بزيادة وبعيد الشر بحالات قصوى ممكن تضطري تغيري مسيرتك كلها
متلا في مهنة المحاماة والقضاء قوليلي مين يوصل للقمة اسرع صاحب المبادئ او الانسان الملتوي؟