مجرد كانت ملاحظتي (المزعجة جداً على ما يبدو) انو بستغرب انو نحنا كمراقبين خارجيين نعتبر انو هدول السياسيين رمز ديمقراطية و حرية و كل هالأمور.... كلهون بلا استثناء ايديهون ملطخة و مش بس بالدم


هون زبدة الموضوع ..
إذا ابليس بذاتو بيعادي (النظام السوري) بيصير رمز الديمقراطية و فارس فرسان السيادة و الحرية و الاستقلال ...
تحياتي الموضوعية الك :D

أوف! نبرة عصبية؟

هل لأنو رأيي ما عاجبك صارت نبرتي عصبية؟

شو بدك الواحد يرد عليك لما تقلو رأيك مو موضوعي لحتى يعجبك ردو؟ يتشكرك مثلاً؟

ظروف الحرب ما كانت مبرر... الحرب صارت و انتهت و 3 أرباع مذابح الحرب ما صارت بين الأطراف قد ما صارت بين الأطراف بعضهون البعض...

بشير جمّيل ضد شمعون

جعجع ضد حبيقة

جعجع ضد الجميّل

جعجع ضد ميشيل عون

أمل و حزب الله

جنبلاط و المرابطون..

الفلسطينينة بين بعض..

الخ الخ الخ

الحرب انتهت... و نفس أمراء الحرب هلأ شلحو البدلة العسكرية و لبسو كرافة... و صارو سياسيين... طيب ما بيقصرو, اذا في شعب بيريدهون ما بيقصرو جداً...

كل كل كل كل حكيي كان انو هدول الناس مانون رمز حريات و حقوق و ديمقراطيات لألنا لحتى نقعد نصفق لطلعتهون...

جنبلاط اللي صارع سما رب الدنيي بسيادة الدولة بيرضى يجي الجيش اللبناني يرجّع المسيحيين اللي هجّرهون من الشوف بالقوة؟

و خلينا عند جنبلاط: كيف واحد بيقول عن حالو تقدمي و اشتراكي و ديمقراطي متشبث بزعامة حزب من 30 سنة و ورثو عن أبوه؟ كيف واحد اشتراكي يكون زعيم طائفة و أحد أكبر اقطاعيي بلدو؟ هاد الديمقراطي اللي حاطينو رمز؟؟ أنا ما بفهم هالشي... واحد عندو تاريخ أسود من العمالة و الشراكة مع المخابرات السورية, واحد كانت ميليشيتو تخطف هالكم سوري اللي هربو من الملاحقة و قدرو يوصلو ع لبنان و يسلموهون للمخابرات السورية هلأ صار حبيب الشعب السوري لأنو حكالو كلمتين وسخين عن النظام؟


زعماء المسيحيين هدول اللي طالعين, كلياتهون بما فيهون عون طبعاً... صارعين سما ربنا بتهديد الوجود المسيحي و كل هالكلام, ما أغلب المسيحيين اللي تقتلو و تهجرو لما تدابحو بين بعض المسيحيين


السياسة مش دائماً نظيفة, بس الديمقراطية و الحرية و العدالة و الحق كلمات سامية ما بتنحط سمات لأي واحد... في سياسي اسباني قال بزماناتو انو الديمقراطية مكانها قبة البرلمان, بس السياسة ممكن تكون بقبة البرلمان و ممكن تكون بالكهاريز...

اذا اللبنانيين راضين عن هيك سياسة و هيك سياسيين فهم أحرار, هاد بلدهون و هاد خيارهون الحر و ما حدا الو عندون شي... بس انو والله يصيرو سياسيين لبنان بضاعة حرية و ديمقراطية و عدالة معدّة للتصدير.. فهاد أمر بنوب ما فايت مخي... ما بعرف المشكلة بالأمر مدري بمخي...


طيب في شي اسمو مصالحة وطنية ..يعني الأطراف كلها بعد الحرب قعدو مع بعض و اتفقو على انو يتركو افرازات النزاع الداخلي عاجنب ..و لاحظ من خريطة التحالفات بالوقت الراهن انو بالفعل الحرب اللبنانية انتست ..سؤالي ليش نحنا مصرين نذكر هديك الحقبة دايما و دايما منجعلها سبب للتشكيك بأي انجاز لبناني ...و من موضوع الأنجاز حبب احكي بنقطة تانية هي الألهام ...او الملهم ,,! ..انا كسوري ,,و عم قول انا بس يعني ما حدا غيري مطالب انو ياخد الفكرة هي ...انا ما بشوف ابدا اي عيب بأعتبار تجربة المجتمع اللبناني بال 2005 كمصدر ألهام ,,و لو مشيت معك انو قادة التحرك هاد كانو دمويين و ديكتاتوريين اكتر من الديكتاتور نفسو ...بس ما بيمنع انو كانت الحركة السلمية بال 2005 يلي عطت للبناني "استقلالو" من دون ضربة كف مصدر الهام ! ,,,,يمكن الشي الأول يلي بيتبادر بذهن البعض هو التشكيك بوطنية شخص بيعتبر حركة لبنانية كمصدر الهام ( من باب انو ما في ملهمين بسوريا يلي هني الأولى اعتبارون ملهمين للمجتمع السوري ) ..في كتير ابطال بسوريا ناضلت و دفعت عمرها مشان حرية مجتمعنا ...بس لما بتكون حالات فردية معزولة ما فيني اعتبرها كألهام ,,,,الألهام بشوفو وقت الشعب بيوقف وقفة وحدة ...

عزيزي ياس ..بتمنى تاخد كلامي بسعة صدر ,,ما القصد من كلامي زد قنابل بالمنتدى هاد ...بس انا سوري متلي متلك ...طيب اذا انت ما بتعتبر اللبنانين كفؤ لدرجة اعتبارون ملهمين ,,,طيب ..فكر ليش في سوري تاني عم يعتبرون هيك !! ...بكل بساطة قادر تقول انو السوري متل هاد عم يقبض حقها للقصة !! ..بس انا كلمتك بالصراحة هي لأنو بعرفك تماما انو انت ابعد ما يكون عن هيك عقلية ...

مفهوم مولانا مفهوم..بس يعني مابيطلعن نص دولة بين هالدول ال22 في المنطقة؟
ليش يطلعلون نص دولة طالما من حقون يطلع الون 22 ؟!!
انا كنت بحكي عن المرجح لكفة المنافسة هي الاصوات المسيحية وليست غيرها ، ذكرتها كمعلومة توضيحية ليس اكثر وليس من باب الاستكثار عليهم او عدم تقبلي لهذا الامر وعلى فكرة
عبر مئات السنين أثبت مسيحو الشرق ان ولائهم الاول لهذه الاوطان واثبتوا بما لايدع مجالا للشك انهم جزء غير قابل للاقتطاع من نسيج هذه الاوطان
يعني قصدك انو انا بسيط فكرياً؟ :frown:
كمشتني :o
اعلمك دعوة ايمانية ؟
بس لاني مستبشر فيك انسان مؤمن طيب القلب
قول قبل النوم اللهم اجعلني من البسطاء
المهم حبيب أنا بالتسميات ما قربت على المقاعد والاسماء المحسومين وانما اعتمدت على تسميات المقاعد المتكافئة بين الطرفين تحديداً... بعدين لقلك سر أنا توقعاتي بعكس كل استطلاعات الرأي والتحاليل الانتخابية.. يعني فيك تقول عم راهن على أضعف حصان...
للامانة يعني انا ماقريت تحليلك كاملا بس المقدمة ونظرة سريعة ، حسيت انك عامل تحليل شامل وحصر شامل لكل المقاعد والمرشحين (قلت الزلمة ماترك مقعد :o )
بس حبيت اقول انو في 90 مقعد محسومين مسبقا
بس شو منشان خطة الخداع الاستراتيجي هاي تبع الرهان عالحصان الاضعف !! أقنعتو العالم انو المعارضة ربحانة مية المية وفاجئتو العالم بخاذوق الاحصنة الضعيفة !!!

على كل حال هي تجربة مثمرة رغم كل تحفظاتي عليها ، تبقى تجربة ديموقراطية سيتعلم الشعب اللبناني من ايجابياتها ومن اخطائه فيها .

هلئ بس نقبض من هون منحاسبك على الشرط الماضي أو بجيرلك الخسران من هون ليدفعلك :gem:
شو ؟ وين ؟ ها ؟ ناطر انا

ما تيجي نفتح مركز لادارة المراهنات بالعالم العربي ..

هاموش : على الرغم من السخونة والاحتدام صاير نقاشات ممتعة بهالموضوع ، جد استمعت بالقراءة ، مشكورين جميعا .

طيب في شي اسمو مصالحة وطنية ..يعني الأطراف كلها بعد الحرب قعدو مع بعض و اتفقو على انو يتركو افرازات النزاع الداخلي عاجنب ..و لاحظ من خريطة التحالفات بالوقت الراهن انو بالفعل الحرب اللبنانية انتست ..سؤالي ليش نحنا مصرين نذكر هديك الحقبة دايما و دايما منجعلها سبب للتشكيك بأي انجاز لبناني ...و من موضوع الأنجاز حبب احكي بنقطة تانية هي الألهام ...او الملهم ,,! ..انا كسوري ,,و عم قول انا بس يعني ما حدا غيري مطالب انو ياخد الفكرة هي ...انا ما بشوف ابدا اي عيب بأعتبار تجربة المجتمع اللبناني بال 2005 كمصدر ألهام ,,و لو مشيت معك انو قادة التحرك هاد كانو دمويين و ديكتاتوريين اكتر من الديكتاتور نفسو ...بس ما بيمنع انو كانت الحركة السلمية بال 2005 يلي عطت للبناني "استقلالو" من دون ضربة كف مصدر الهام ! ,,,,يمكن الشي الأول يلي بيتبادر بذهن البعض هو التشكيك بوطنية شخص بيعتبر حركة لبنانية كمصدر الهام ( من باب انو ما في ملهمين بسوريا يلي هني الأولى اعتبارون ملهمين للمجتمع السوري ) ..في كتير ابطال بسوريا ناضلت و دفعت عمرها مشان حرية مجتمعنا ...بس لما بتكون حالات فردية معزولة ما فيني اعتبرها كألهام ,,,,الألهام بشوفو وقت الشعب بيوقف وقفة وحدة ...
منحكي تاريخ؟ طيب متل ما بتحب

ليش انتهت الحرب اللبنانية؟ لأنو أفلاطونات الميليشيات صحيو ع حالون انو صرلون خمسطعش سنة عم يمزقو بلدهون لحساب فلان و علتان من الدول؟ طبعاً لأ... الحرب اللبنانية انتهت لأنو كان لازم تنتهي, دولياً كان لازم تخمد لحتى تنفتح جبهة تانية بالعراق بعد ما اجتاح الكويت.... و على هالأساس صار في اجماع عربي و دولي انو يا سوريا فوتي احسمي و انهيلنا هالقصة, و كل الأفلاطونات عرفو يقرأو هالشي و عرفو انو مستقبل لبنان على المدى المنظور بإيد سوريا, فقعدو مع بعض و قعدو مع سوريا... كل الأفلاطونات ما عدا عون اللي كان طموحو الرئاسي عامي ع قلبو و ما عرف يقرا الواقع و راح ناطح سوريا و قعد يقول انو بدو يفوت بالجيش اللبناني عالشام:lol:

زبطو مصالحهون الجماعة, و صارو حبايب مع مندوبي سوريا بلبنان من طراز كنعان و عبد الحليم "يورانيو" خدّام, و فاتو بمشاريع كتير متناسبة مع رواتبهون (متل صفقة فرانس تيليكوم بين جمال خدام و الحريري), و جعجع بعد 3 سنين كمان عمى ع قلبو و نسي حالو وين عايش و حاول يطلع من الطائف.. فتحولو ملف و بطريقهون فتحولو باب السجن...

كبرو الولاد و صار بدهون يستقلو.... و منهون عبد الحليم خدام... و صارت قصة اغتيال الحريري (اللي سياسياً لا يمكن عدم التفكير بشكل بديهي انو نفذّها حدا بدو سوريا تطلع) و لقوها فرصة.. و طلّعو سوريا من لبنان ( هلأ لا تفهم من هالحكي انو أنا كنت مع الوجود السوري بلبنان, أكيد لأ, بس ببساطة اعتبر هالموميائات هي جزء من هالوجود كانت)... و صار الحكي و الزعبرة...

كانت حركة مدنية؟ أي و الله كانت... بس شي مالو علاقة بشي تاني... الناس هجّت لأنو كانت تشعر بالغبن و الظلم, مش انتصاراً لفلان من الناس.. و بعدها رجع كل واحد تمترس ورا علمو (بقصد علم الحزب و \أو علم الطائفة)

نجي ع مصطلح "مصالحة وطنية" ....

لو هالأفلاطونات كتير قلبون طيّوب... بيعملو مصالحة وطنية... بس هل يا ترى هلأ في مصالحة وطنية حقيقية؟ أنا شايف ذات الروس اللي تغيّرت تحالفاتا مليون مرة خلال الحرب اللبنانية متحالفة هلأ بخندقين... و ما في شي يؤكد انو التحالفات ما راح تتغيّر خلال الشهور القادمة...

حدا كان متوقع ميشيل عون يصير حليف حزب الله من 4 سنين وقت رجع؟ حدا كان متوقع يصير يهاجم الامبريالية و الغرب بعد ما كان يبعت خطابات للكونغرس وقت اجتاحو العراق انو بطريقكون اعملولكون فتلة ع سوريا؟

لو بدي العب عالمضمون أنا ما براهن ع انو هالتحالفات رح تظل قائمة بعد سنة سنتين... الزمن قلاّب جداً و بسرعة

ما شفت عاليوتيوب جنبلاط و هو عم يحكي كيف جعجع كان عم يعمللو كمين ليعلق مع الشيعة و هو ملص من هالعلقة؟ ما سمعتو عم يقول عن المسيحيين انو "الجنس العاطل بيظل عاطل"؟

هاد اسمو يا ترى مصالحة وطنية؟

رأيي البسيط و الشخصي يقول انو لو هدول السياسيين قلبون ع بلدون, بيجتمعو جميعاً و يقولو يا جماعة نحنا النا تاريخ مش كتير ناصع, ذاتاً بنوب مش ناصع ( و أغلبهون معترفين بانو عملو العمايل)... تعو هلأ نعمل اتفاق وطني, و كلنا مع بعض نطلع تقاعد و يجي جيل جديد ايدو ما ملطخة بالدم... جيل سياسي بحق مو ميليشياوي انحط عند الصوّاج شهرين و طلع سياسي... جيل من طراز وزير الداخلية الحالي... يشيل هالبلد لقدّام... و نحنا "أخلاقياً" بنحكم على حالنا بالخروج قبل ما يحاكمنا التاريخ.... ساعتها فعلاً فينا نقول إلى حد ما "عفا الله عما سلف" و نقول فعلاً انو في رجال دولة... مش مرتزقة


عزيزي ياس ..بتمنى تاخد كلامي بسعة صدر ,,ما القصد من كلامي زد قنابل بالمنتدى هاد ...بس انا سوري متلي متلك ...طيب اذا انت ما بتعتبر اللبنانين كفؤ لدرجة اعتبارون ملهمين ,,,طيب ..فكر ليش في سوري تاني عم يعتبرون هيك !! ...بكل بساطة قادر تقول انو السوري متل هاد عم يقبض حقها للقصة !! ..بس انا كلمتك بالصراحة هي لأنو بعرفك تماما انو انت ابعد ما يكون عن هيك عقلية ...
أخي أنا ما بحاكم حدا, و لا بحكم على حدا... أنا بقول رأيي, و يجوز يحكي حدا شغلة بقلو هالشغلة بمنظوري غلط أو صح أو شو ما كان... بس ما بحكم على حدا و ما بقيّم عقليتو... ما بيحقلي

كموقف شخصي أنا ما بشوف بلبنان "سياسياً" الهام... بشوفها الهام مدنياً (كحرية مدنية و فكرية) اذا حبيت.. ثقافياً, موسيقيا... هندسياً حتى اذا حبيت, لكن سياسياً ما بشوفها بنوب الهام لألنا.. لسببين:

الأول: حكيت سلفاً انو ع مستوى القيم اللي أؤمن بها من حرّية سياسية و ديمقراطية ما بشوف سياسيي لبنان ممكن يكونو قدوة لحدا, و مافي داعي لنرجع نعيد الكلام

الثاني: حتى لو تركنا القيم الفكرية أو الفلسفية و نزلنا ع سياسية "أرض الواقع" (سياسة الدهاليز كما أحب تسميتها).. لبنان مانا قدوة لألنا بهالشي.. لبنان قائم أساساً على الطائفية و التوزيع الطائفي, و سياستهون ماشية بهالاتجاه... تبع بدنا تمثيل طائفتنا هون و هون, بدنا وزير هون و وزير هنيك...

بتوزيع المناصب تأتي الطائفة ثم الحزب ثم الكفاءة.... و هاد شي لا يمكن انو شخصياً استسيغو...

تلت رباع خطابهون السياسي قائم ع تخويف الطوائف بين بعض, ع اللعب عالهاجس الوجودي تبع الناس, و أنا هاد شي مش بس ما بستسيغو انما بشوف من منظوري انو شي واجب المحاربة...

مابدي عون سوري, و لا بدي جعجع سوري, و لا بدي بري سوري... أنا بدي السياسي السوري يكون سوري و كفى, من دون إضافات....



أي و هكذا...

اكيد الحق كلو مو عالمخابرات السورية ..بس يعني بقول انو تسعين بالمية ..لأنو المخابرات حبت تعامل اللبناني بنفس العقلية يلي بتعامل فيها السوري ....و الشي هاد ما مشي مع اللبنانيين و ما فينا نلومون اذا عندن تحفظ على مخابرات النظام السوري ...لأنو متل ما منشوف ..كل يومين في معتقل سوري عم يختفي من دون سبب ...و كل فترة منسمع تقارير المنظمات الأنسانية عم تقول انو في عالم عم تموت تحت التعذيب بالسجون السورية او ببساطة عم يتم قتلها من دون محاكمة متل صيدنايا مثلا و الأمثلة على فكرة ما بتخلص ...

هلئ اذا قسم من السوريين بيشوف الشي هاد طبيعي ..ما فينا نطلب من اللبناني انو يشوف فترة وجود المخابرات السورية بلبنان بنفس المظور !

ثانيا ...يا عزيزي ..لاحظ انو اللبناني صار يكرهنا ( حسب رأي كتير ناس محسوبين على الموالاة بسوريا ) و الأردني و المصري و السعودي ...طيب شو السبب برأيك !! شو هو السبب من ورا انعزال سوريا بالمنطقة !!


حبيب فيق شوي يرحم جدك . أنا من زمان ماناقشت سياسة ولا كنت حابب أرجع ناقش . بس كنت قاريلك كم رد حسيتك واعي ومنطقي . ماتخليني أندم أنك طلعت مو هيك .
لسا بقلك تايخيا بتقلي مخابرات . لك أخي تاريخيا عم قلك . بترجع بتقلي مخابرات . لك أخي فهمنا مفخوتة هل أسطوانة صارت . أولا قلنالك رجاع أقرا كيف كانت العلاقات قبل الدخول السوري للبنان ( ياما أجت أيام سكرنا عليهم الحدود دبحناهم فيها دبح . بينما بكل أزمة الحريري ماسكرنا تسكيرة متلها . وأكيد مو لأنو بدنا نحبسهم كنا نعمل هيك . لأنو فكرة أنو لبنان يحكم ضد سورية موجود من زمان وعند قيادات كتيرة بالتاريخ اللبناني ) .
وتانيا هي طلعت سوريا . برأيك سبها والتظاهر ضدها ليل نهار هاد أمر عادي لازم سوريا تصفقلو . لك أخي أذا أنا كنت عم عاني الويلات من المخابرات السورية برجع بسب سوريا ليل نهار وكل ما أجتني فرصة بعد ماطلعت ؟ . هيك بكون ما عم خليهم يرجعو يتدخلو فيني ؟ . بعدين الله يرحم لما كانو وطنيي السيادة والأستقلال هلأ :lol: . نفسهم يطلعو يعملو أفراح وليالي ملاح لتجديد البيعة بسوريا . وأنا حضرتو هاد . هلأ تذكروا انو سوريا عدوة ؟ .
أما قصة أنو صرنا مكروهين من باقي الشعوب العربية . فإذا حابب تكون منطقي لازم تلاحظ شغلتين . أنو هاد الشي كان من فترة أكتر من هلأ . وخفت لأنو السياسة الغربية أختلفت سياستها بالتعامل مع سوريا . وهاد الأمر بينعكس على دول الأعتلال يلي بتطبلو ومن بعدها شعوبها التي ترقص عليه . وشعوب تانية مو دائما بيكون موقفها متل موقف حكوماتها . ( وهون بدي ميز بشكل اساسي بين الشعبين السعودي والمصري )
وانا بشوف انو الرد رقم 104 لياس كتي منطقي وكافي

تلت رباع خطابهون السياسي قائم ع تخويف الطوائف بين بعض, ع اللعب عالهاجس الوجودي تبع الناس, و أنا هاد شي مش بس ما بستسيغو انما بشوف من منظوري انو شي واجب المحاربة...

مابدي عون سوري, و لا بدي جعجع سوري, و لا بدي بري سوري... أنا بدي السياسي السوري يكون سوري و كفى, من دون إضافات....



أي و هكذا...

ستيريو ... والله ستيريو .... :pos:

:D

yass
منحكي تاريخ؟ طيب متل ما بتحب

ليش انتهت الحرب اللبنانية؟ لأنو أفلاطونات الميليشيات صحيو ع حالون انو صرلون خمسطعش سنة عم يمزقو بلدهون لحساب فلان و علتان من الدول؟ طبعاً لأ... الحرب اللبنانية انتهت لأنو كان لازم تنتهي, دولياً كان لازم تخمد لحتى تنفتح جبهة تانية بالعراق بعد ما اجتاح الكويت.... و على هالأساس صار في اجماع عربي و دولي انو يا سوريا فوتي احسمي و انهيلنا هالقصة, و كل الأفلاطونات عرفو يقرأو هالشي و عرفو انو مستقبل لبنان على المدى المنظور بإيد سوريا, فقعدو مع بعض و قعدو مع سوريا... كل الأفلاطونات ما عدا عون اللي كان طموحو الرئاسي عامي ع قلبو و ما عرف يقرا الواقع و راح ناطح سوريا و قعد يقول انو بدو يفوت بالجيش اللبناني عالشام

زبطو مصالحهون الجماعة, و صارو حبايب مع مندوبي سوريا بلبنان من طراز كنعان و عبد الحليم "يورانيو" خدّام, و فاتو بمشاريع كتير متناسبة مع رواتبهون (متل صفقة فرانس تيليكوم بين جمال خدام و الحريري), و جعجع بعد 3 سنين كمان عمى ع قلبو و نسي حالو وين عايش و حاول يطلع من الطائف.. فتحولو ملف و بطريقهون فتحولو باب السجن...

كبرو الولاد و صار بدهون يستقلو.... و منهون عبد الحليم خدام... و صارت قصة اغتيال الحريري (اللي سياسياً لا يمكن عدم التفكير بشكل بديهي انو نفذّها حدا بدو سوريا تطلع) و لقوها فرصة.. و طلّعو سوريا من لبنان ( هلأ لا تفهم من هالحكي انو أنا كنت مع الوجود السوري بلبنان, أكيد لأ, بس ببساطة اعتبر هالموميائات هي جزء من هالوجود كانت)... و صار الحكي و الزعبرة...

كانت حركة مدنية؟ أي و الله كانت... بس شي مالو علاقة بشي تاني... الناس هجّت لأنو كانت تشعر بالغبن و الظلم, مش انتصاراً لفلان من الناس.. و بعدها رجع كل واحد تمترس ورا علمو (بقصد علم الحزب و \أو علم الطائفة)

نجي ع مصطلح "مصالحة وطنية" ....

لو هالأفلاطونات كتير قلبون طيّوب... بيعملو مصالحة وطنية... بس هل يا ترى هلأ في مصالحة وطنية حقيقية؟ أنا شايف ذات الروس اللي تغيّرت تحالفاتا مليون مرة خلال الحرب اللبنانية متحالفة هلأ بخندقين... و ما في شي يؤكد انو التحالفات ما راح تتغيّر خلال الشهور القادمة...

حدا كان متوقع ميشيل عون يصير حليف حزب الله من 4 سنين وقت رجع؟ حدا كان متوقع يصير يهاجم الامبريالية و الغرب بعد ما كان يبعت خطابات للكونغرس وقت اجتاحو العراق انو بطريقكون اعملولكون فتلة ع سوريا؟

لو بدي العب عالمضمون أنا ما براهن ع انو هالتحالفات رح تظل قائمة بعد سنة سنتين... الزمن قلاّب جداً و بسرعة

ما شفت عاليوتيوب جنبلاط و هو عم يحكي كيف جعجع كان عم يعمللو كمين ليعلق مع الشيعة و هو ملص من هالعلقة؟ ما سمعتو عم يقول عن المسيحيين انو "الجنس العاطل بيظل عاطل"؟

هاد اسمو يا ترى مصالحة وطنية؟

رأيي البسيط و الشخصي يقول انو لو هدول السياسيين قلبون ع بلدون, بيجتمعو جميعاً و يقولو يا جماعة نحنا النا تاريخ مش كتير ناصع, ذاتاً بنوب مش ناصع ( و أغلبهون معترفين بانو عملو العمايل)... تعو هلأ نعمل اتفاق وطني, و كلنا مع بعض نطلع تقاعد و يجي جيل جديد ايدو ما ملطخة بالدم... جيل سياسي بحق مو ميليشياوي انحط عند الصوّاج شهرين و طلع سياسي... جيل من طراز وزير الداخلية الحالي... يشيل هالبلد لقدّام... و نحنا "أخلاقياً" بنحكم على حالنا بالخروج قبل ما يحاكمنا التاريخ.... ساعتها فعلاً فينا نقول إلى حد ما "عفا الله عما سلف" و نقول فعلاً انو في رجال دولة... مش مرتزقة


الأخ الصغير هو بمعظم الحالات ..الأبن المدلل و المغنّج بالعيلة ..بس ببعض الحالات ..الأخ الصغير بتكون لعنة ...لعنة تسلط اخواتو الكبار ...و هون بقصد بالأخوة الكبار الدول العربية كلها وقت اجتمعت على الأخ الصغير بالطائف و قبل الطائف لما امريكا امرت الأخوة العرب بالسماح للأخ السوري باجتياح بيروت الشرقية و فرض امر الواقع على لبنان ,,مشان الناس تتفضى لحل الأزمة يلي عملها صدام حسين بالكويت ...بالفعل انتهت الحرب و تم اسكات اصوت اللبنانيين و طلعت تضحياتون بالحرب كلها ..فاشوش ..

كلامك عزيزي ياس بالرد الأخير مبني على كتير حقائق ...بس الحقائق هي اجت هيك ..من نفسها ...في امور جبرت الجميع ليتصرف بالطريقة يلي تصرفوها ( اكيد ما بقصد سرقة الأموال يلي تكلمت عنها .هاد موضوع تان ما فيني كتير دافع عنو ) ...بس الفكرى يا صاحبي ..انو بلشنا نشوف في تغيير بسياساتون بعد ما زالت الظروف يلي ادت للتصرفات المسيئة بالماضي ..اكيد اللبنانيين مو ملائكة ..بس ما بيستاهلو الجلد هاد كلو .. اللبناني اتحمل تبعات القضايا كلها ...صراع النفوذ بين عرفات و الأسد ..بين ...بعث العراق و بعث سوريا ...الأسرائيلي و الأمريكي ضد ما كان يسمى بالتيار الوطني هداك الوقت ( جنبلاط و السنة ..) يلي هدون هلئ بيتسمو اصدقاء الأمريكان ..و من هون بدي احكي عن نقطة مهمة ...ليش ما ذكرت انو جنبلاط هو يلي ابتدا المقاومة ضد الأسرائلي ..قبل تأسيس حزب الله بسنوات ,,,,ابتداها مع الوطنيين ( من مختلف الطوائف ..متل ما كان الخونة من كل الطوائف ) ...ليش مننسى انو مصر وقفت الحرب مع اسرائيل ..و سوريا كمان ,,بس لبنان خلال الأربعين سنة الماضية كانت ساحة الصراع العربي الأسرائيلي ..بمرحلتين ..قبل و بعد ظهور حزب الله ....الشي هاد ما بينحسب للبنانيين ...و لأصدقاء امريكا الأن بالتحديد !!

شغلة مهمة كتير:

اكيد اللبنانيين مو ملائكةأنا ما حكيت عن اللبنانيين, حكيت عن الساسة اللبنانيين, في فرق كبير جداً جزيلاً....


اللبناني اتحمل تبعات القضايا كلها ...صراع النفوذ بين عرفات و الأسد ..بين ...بعث العراق و بعث سوريا ...الأسرائيلي و الأمريكي ضد ما كان يسمى بالتيار الوطني هداك الوقت ( جنبلاط و السنة ..)
الحركة الوطنية, للدقّة فقط

تم اسكات اصوت اللبنانيين و طلعت تضحياتون بالحرب كلها ..فاشوش ..

ماهو اللي كانو فرحانين ع دخول سوريا و حسمها و طردها لميشيل عون هنن هلأ جماعة حرية و استقلال!!!!


ليش ما ذكرت انو جنبلاط هو يلي ابتدا المقاومة ضد الأسرائلي ..قبل تأسيس حزب الله بسنوات ,,,,ابتداها مع الوطنيين ( من مختلف الطوائف ..متل ما كان الخونة من كل الطوائف )



منيح...

مش جنبلاط اللي ابتدا المقاومة... تحالف الحركة الوطنية اللي كان كمال جنبلاط (أبوه لوليد) جزء قيادي منها هو "جزء تاني" لتحالف القوى الوطنية مع جمال عبد الناصر لما صارت أحداث الـ 58 ضد كميل شمعون, يعني جزء من إطار عريض, و استمر هذا الصراع بعد دخول الفلسطينيين كقوة مسلحة بلبنان, و صار تحالف استراتيجي بين الحركة الوطنية و ياسر عرفات لتلاقي المصالح و لتلاقي العدو, اللي كان بيمثلو الكتائب و كميل شمعون ,اللي كانو يسموهون قوى الانعزال آنذالك و كانو ضد الوجود الفلسطيني بايديهون و سنانهون,و كان الطرف الآخر متحالف مع عرفات لأنو عندو قوة و عندو سلاح... ببساطة

و للتاريخ كمان.... لولا سوريا كان المسيحيين (كقوة سياسية و كوجود طائفي حتى) انمسحو عن خارطة لبنان بالـ 76.

صح, كانت حركة أمل تعمل مذابح بالفلسطينيين و كان وليد جنبلاط حليفهون, و يمكن تحالفو مع عرفات كان التحالف الوحيد اللي ما نكثو (يمكن لأنو كانو كتير بيشبهو بعض بالبراغماتية).

اذا بتلاحظ أنا ما حكيت عن اسرائيل و لا لفظت كلمة "خاين" (عم قول هالشي لأنو شفتك استخدمتا) و ما قلت طائفة أحسن من التانية... حكيت على مستوى متل ما تقول مطلق, من دون التطرّق إلى قضية بحد ذاتها.

كمان شغلة, أنا كتير موافق ع انو لبنان تحمّل مصايب عن كل العرب مجتمعين, و انفرض عليه يحارب اسرائيل و يتحمّل ويلات هالحرب لما ما حدا حارب... بس كمان لازم ما ننسى انو اللي عم يضرب و يقصف هيي اسرائيل... و مش دفاعاً عن نفسها أبداً... يعني لو ما اسرائيل لايقلا تضرب لبنان كان ما ضربتو

و مزبوط كمان انو كل القوى الاقليمية و العالمية لقت في لبنان ساحة صراع و باستخدام القوى السياسية اللبنانية.. و هالشي كتير كان سيء للبنان, بس هل يا ترى هدول السياسيين عم يحاولو ينهو هالشي؟ قالو للقوى الاقليمية و الدولية انو حلّو عن سما ربنا و اتركونا بحالنا؟ لأ طبعاً... كلو متحالف مع الخارج, و بين الحين و الحين تنقلب الموازين الدولية و تنقلب التحالفات... و ما زال نفس السيستيم ماشي و لهالسبب ما بشوف اللي متحالف مع ايران و سوريا أسوء من المتحالف مع السعودية... بشو أحسن السعودية من إيران؟ و ما عم دافع عن أي تحالف, عم قول انو استغباء للناس انو ينذم فريق لأنو متحالف مع ايران لما فريق تاني متحالف مع السعودية فأميركا (و ليش ما نقولها.. مع اسرائيل و لو نفسياً, و أقصد جزء من 14 آذار بشكل خاص)

من هون أجا كلامي انو مافي ملائكة و شياطين... كلو متل بعضو

:gem::gem::gem:

ولك على راسي 14 آذار وجمهور 14 آذار,, بشرفي أنكن بيضتوها.
يعني بعد هالانتصار رح يفكر السيد بشار الأسد وغيرو ألف مرة قبلما يقولو عن الموالاة انها اكترية وهمية او انها منتج اسرائيلي, لأنو بالحالة رح يكونو عم يجكو عن غالبية الشعب اللبناني الحر.

مبروك للديمقراطية
مبروك للشعب اللبناني الحر
مبروك لكل نواب وقياديي 14 آذار : الشيخ سعد الحريري, الزعيم وليد بيك جنبلاط, الدكتور سمير جعجع , الشيخ أمين الجميل, الزهرة المتألقة نائلة تويني, الشاب الطموح سامي الجميل, وباقي شجعان السيادة والحرية و الاستقلال.
شو هالفكر هاد . هاد الحكي ولا بلا . لكان شلون بدو الواحد يكون معارض . كل العالم بتفكر أنو المعارض هو فكر حر واعي . مهمتو وهدفو أنو يشوف بلدو بأحسن صورة . ويفكر دائما بمصالح بلدو وين ماكانت
مو أنو المعارض بيمشي حالو يكون سطحي . وماعندو أي خلفية بالموضوع يلي بناقش فيه . لأنو مواصفاتو بسيطة يعارض أي شي . وكيف ماكان . ويكون قوي الصوت عريض المنكبين :lol:

ابو شريك ...خفف شوي عالجماعة ..يعني ما شايفون بحالة عزا !!

شايف يلي بيقدر:lol: . خف شوي . بعدين مابدكمن تزورونا بخيمة العزا يلي فاتحينها ؟ :?. أصلا أنا عن حالي . قررت أيقاف السهر وألغاء حفلات الديسكو لمدة ثلاثة أيام بالأضافة لأول خميس ويوم أربعين خسارة الأنتخابات :cry: :? :lol:

شباب قصرولنا هالمواضيع شوي يعني والله حكيكون طوييييييييييييييييييييييي ييييييييييييييييييييييييي يييييييييييل خيرات الله

إختصرو شويو:D للكل

اليوم التوافق السوري السعودي قال
الاقتصاد النا: عبر الحريري
والامن لهم يعني نحنا:عبر المؤسسة العسكرية

بي اس: يعني كل اللي سبوا بعض وخونوا بعض من سياسيي لبنان بوسوا شوراب بعض بالدوحة
فيعني اي زي ما هيي مش متغير شي

المحارب العتيق

حبيب فيق شوي يرحم جدك . أنا من زمان ماناقشت سياسة ولا كنت حابب أرجع ناقش . بس كنت قاريلك كم رد حسيتك واعي ومنطقي . ماتخليني أندم أنك طلعت مو هيك

بتعرف شو ..عبتطني بالكام كلمة هدون ...بس ..هي كانت ارائي بالموضوع ..يعني بتبقى مجرد اراء...


لسا بقلك تايخيا بتقلي مخابرات . لك أخي تاريخيا عم قلك

يا عزيزي المحارب ..اذا كان في اخطاء تاريخية من الطرفين ...عكرت صفو الجو الأخوي يلي لازم يكون بين سوريا و لبنان ...هاد ما بيعني انو الشعبين بيضمرو العداء لبعض ..كلامك هاد ,,,يعني عنجد ما بعرف ...خايف قلك انو مبالغ فيه جدا ...تروح تزعل او تغير رأيك فيي

شايف يلي بيقدر . خف شوي . بعدين مابدكمن تزورونا بخيمة العزا يلي فاتحينها ؟ . أصلا أنا عن حالي . قررت أيقاف السهر وألغاء حفلات الديسكو لمدة ثلاثة أيام بالأضافة لأول خميس ويوم أربعين خسارة الأنتخابات

بفهم من كلامك لو انو انتصر حزب الله ما كنت رح تتزحزح من الديسكو :lol:

:D

يا سيدي كان هناك حربان اهليتان في لبنان اشترك فيها جميع الأطراف والكل كان متورط فيها من الفريقين
أما هلئ الكل بدو يفتح صفحة جديدة على مبدأ عفى الله عما مضى وبدنا ما ننسى انو الدكتور سمير جعجع أمضى 11 سنة في السجن, يعني هو دفع جزء من تمن أفعالو بالحرب في حين انو غيرو من االمتورطين من الطرف الآخر ضلوا أحرار طلقاء.
هلئ خطاب الدكتور سمير جعجع وباقي رفاقه في 14 آذار خطاب عقلاني وطني قائم على مبدأ لبنان أولا , أرض واحدة سلاح واحد وجيش قوي, لذلك هو حاليا نعم رمز من رموز الحرية والاستقلال .

حلو , يعني بفهم من كلامك انو المتورطين بجرائم الحرب الاهلية من الاطراف الاخرى هني برايك مجرمين لانن حلفاء للنظام السوري بلبنان بينما سمير جعجع و وليد جنبلاط ذنبن مغفور ومن رموز الحرية لانن هلق صاروا معارضين للنظام السوري

يعني اذا هالطريقة بالتفكير ما اسمها ازدواجية معايير, شو هي ازدواجية المعايير لكن؟؟؟

بتعرف انا بتوقع قريبا وبعهد الحكومة اللبنانية اللي رح تتشكل قريبا , رح تلاقي جنبلاط و ممكن سعد الحريري رايحين على الشام ليرجعوا ايام زمان, ياترى وقتها رح يضلوا بنظرك رموز الحرية والاستقلال؟

والله يا جماعة هاللبنانيين متل اللواح
بمشيهن كل طرف متل ما بدوه وكل أقوالهن وأفعالهن هي لإرضاء الأطراف الخفية

شو هالفكر هاد . هاد الحكي ولا بلا . لكان شلون بدو الواحد يكون معارض . كل العالم بتفكر أنو المعارض هو فكر حر واعي . مهمتو وهدفو أنو يشوف بلدو بأحسن صورة . ويفكر دائما بمصالح بلدو وين ماكانت
مو أنو المعارض بيمشي حالو يكون سطحي . وماعندو أي خلفية بالموضوع يلي بناقش فيه . لأنو مواصفاتو بسيطة يعارض أي شي . وكيف ماكان . ويكون قوي الصوت عريض المنكبين :lol:

شايف يلي بيقدر:lol: . خف شوي . بعدين مابدكمن تزورونا بخيمة العزا يلي فاتحينها ؟ :?. أصلا أنا عن حالي . قررت أيقاف السهر وألغاء حفلات الديسكو لمدة ثلاثة أيام بالأضافة لأول خميس ويوم أربعين خسارة الأنتخابات :cry: :? :lol:



دخيل رب الفكر العظيم تبعك, القول والتعميم ان ملايين اللبنانيين جميعا يكرهون المواطن السوري ويعتبرونه ادنى مستوى منهم, يعني انت قابلت كل اللبناينين واحد واحد لحتى استنتجت هالاكتشاف يا مفكر يا عظيم:lol:



حلو , يعني بفهم من كلامك انو المتورطين بجرائم الحرب الاهلية من الاطراف الاخرى هني برايك مجرمين لانن حلفاء للنظام السوري بلبنان بينما سمير جعجع و وليد جنبلاط ذنبن مغفور ومن رموز الحرية لانن هلق صاروا معارضين للنظام السوري

ومين قال هالحكي يا شاطر؟؟
14 آذار هن رموز حرية واستقلال لأنن بثورة الارز السلمية طردوا الاحتلال السوري من لبنان وهاهم يساهمون في بناء وتعزيز الديمقراطية والحرية في سورية, أما الطرف الآخر فهم يحاولون ارجاع السوري وادخال لبنان في صراعات وحروب لتحسين شروط تفاوض سوريا وايران مع الدول الكبرى على حساب دماء اللبنانيين الذين يرغب غالبيتهم بالأمن والاستقرار, هادا هو الفرق مو متلما فهمت حضرتك.


بتعرف انا بتوقع قريبا وبعهد الحكومة اللبنانية اللي رح تتشكل قريبا , رح تلاقي جنبلاط و ممكن سعد الحريري رايحين على الشام ليرجعوا ايام زمان, ياترى وقتها رح يضلوا بنظرك رموز الحرية والاستقلال؟

من اللحظة الاولى لاغتيال رفيق الحريري,كان سعد الحريري ووليد جنبلاط ومازالوا يرددون انهم مع علاقات مميزة مع سورية على اساس الاحترام المتبادل لسيادة كل من الدولتين وترسيم الحدود وتبادل السفراء كأي دولتين مستقلتين بالعالم.
واذا سورية قبلت بمعاملة لبنان كدولة مستقلة واحترمت سيادتها فوين المشكلة اذا اجا جنبلاط او الحريري لهون في زيارات رسمية لملاقاة مسؤولي النظام السوري او العكس ,.


وبالنسبة لموضوع الحرب الاهلية , يعني اذا الخصوم اللبنانيين عملوا على نسيان تلك المرحلة وهلئ قاعدين مع بعض وما احلاهن فما عم بعرف شو الحكمة من نبش تاريخ تلك الحقبة؟
هل هو الطعن بشرعية الاشخاص الفائزين بالانتخابات اللبنانية

بصراحة ماملكت نفسي من الضحك على "زعيم مسيحيي الشرق " اللي كزب الكزبة و صدقا و ظن نفسو عن جد زعيم مسيحيي لبنان...


بس زعيم مسيحيي المشرق! ولك يا زلمة هادا العماد عون هاد, رئيس سائر مسيحيي الارض والفضاء الخارجي

Elephant And Castle
يف بتكون ضد شي و ممكن تساند طرف عم يسعى ليحقق الشي هاد يلي انتي بالأساس ضدو !! قصدي الواضح هون التدخل السوري قبل ال 2005 و محاولة حزب الله لأحياؤا من جديد ..كلامك كان صح لو انو محاولات التدخل من النظام السوري ما عادت موجودة
عفوا منك بس انت مفكر أنو المخابرات السورية أو السعودية أو اللبنانية او السي اي ايه او او او ناطرين حدا من المعارضة أو المولاة ليتدخلوا
بعدين أنا مع تكل المعارضة ككل ماني مع حزب لحالوا
وبعدين أانا ما شفت محاولات لاعادة سوريا أنا شفت محاولات لتكون العلاقات مع سورية جيدة وهوي الخيار الاستراتيجي للبنان اقتصاديا وسياسيا لانو برأي انو تكون سوريا بقلب لبنان متل ما كانت بالاول ماعاد من مصلحتها اما مخابراتيا سوريا متلها متل السعودية والاردن ومصر وامريكا كلون موجودين ع الارض بلبنان
الأعتصام الأول كان مشان يطلع اجهزة امنية اجنبية من لبنان ..بس االأعتصام التاني كان هدفو تعطيل الدولة ..و انا ما كان عندي شي ضد المعارضة وقت اعتصمو لوقت سبعة ايار ..هون انا ما بقى اعتبرتو اعتصام ,,,صار فلتان امني

و يلي بيقول انو سبعة ايار كان ضروري لأرجاع الأمور لنصابها الصحيحة ..الأنتخابات هي كذبت هالمقولة و بينت انو سبعة ايار كان يوم استعراض للعضلات ( و ليس يوم غضب شعبي لتصحيح الأمور )

هلق انت فينك تعتبر 7 ايار كيف ما بدك ومع أني ما شوفها شي منيح ولا ضرورة بس بشوفها رد فعل على نزع سلاح الاشارة للحزب وهاد مع عدم مشروعيتو كان الرد الوحيد اللي متاح بس كمان مافينك تنكر انو الكل بلبنان عندو سلاح وعلى رأسهون الكتائب و المستقبل وهاد كان جدا واضح
بس انا ما بأطّرها خارج اطارها الصحيح يلي هو اعتبار قتل العمال جرائم جنائية بيستاهل اصحابها عقوبات جنائية ...اما تأطّيرها بأطار سياسي فما بيتعدى كونو محاولة لأثارة نقمة الرأي العام ضد الأكترية
ماراح اعتبرك جدي بهالكلام
لانو كيف مافينك تأطرها ما فهمتها
بتقدر تقلي عن شو ناتجة هالقصص

ثانيا ..ما في قيادي بلبنان وطني و صاحب فكر...معارضة او اكترية
هاد الصح

ماراح اعتبرك جدي بهالكلام
لانو كيف مافينك تأطرها ما فهمتها
بتقدر تقلي عن شو ناتجة هالقصص






بزماناتو كان في لعبة بين حطين و الكرامة بالتسعينات ..بعد المباراة جمهور حطين تربص كالعادة لباص كان عم ينقل مشجعين حمصيين ..و النتيجة كانت انو سائق الباص تصوب و فقد السيطرة و عمل حادث ..و راح ضحايا من جمهور الكرامة ....النقطة يا عزيزي زين ,,هون مين منلوم ,,نادي حطين ..الأتحاد الرياضي ..الجمهور عمل شغب بسبب مباراة كرة قدم ....القصد ..مو كل شي بيصير بسبب حالات شغب انفعالية منجي منحط اللوم على جهات ما كانت مسؤولة عن متل هيك تصرفات .....

هذا في ما يتعلق بقضية العمال السوريين يلي انقتلوا بلبنان

إذا بتريد .. أنت لا معاشرني ولا شايف شكلي يعني ما عندك فكرة لا عن جمالي الخارجي ولا الداخلي بقى ما في داعي لهالكلام يرضالي عليك ..

حلو كتير, بما أنو ما بنعرف بعض ومو آخدين وش على بعض فياريت اسلوب المسخرة والمزح اللي كاتبتي بحقي تحت بلاها وقتما تردي على مشاركاتي يرضالي عليكي

ليك آخر سطرين حبيتون كتير :o ما عندك ياهون على شريط كاسيت :p

و مشان المكتوب بالأحمر .. بظن لازم تراجع دكتور عيون من كل بد و بأسرع وقت :lol:

عفوا منك بس انت مفكر أنو المخابرات السورية أو السعودية أو اللبنانية او السي اي ايه او او او ناطرين حدا من المعارضة أو المولاة ليتدخلوا

اي نعم سورية كانت ناطرة انو حزب الله وحلفائو ينتصروا بالانتخابات ويشكلوا الحكومة مشان تحقق اهدافها بشكل رسمي على اساس, يعني لو كانت الحكومة بايد حزب الله كان ممكن يوضع العراقيل بوجه المحكمة الدولية مثلا.
شغلة تانية مثلا قوات اليونيفل بالجنوب بس تخلص مدت وجودها ممكن تجدد بناء على طلب من الحكومة اللبنانية, واذا حزب الله وحلفاؤو هو المنتصر ممكن بكل بساطة ما يطلبوا التمديد لهذه القوات.
ويمكن يماطلوا ويتناسوا موضوع ترسيم الحدود مع سوريا , وكل هالشي رح يكون لمصلحة النظام السوري ولكن هذه المرة بطرق شرعية.


وبعدين أانا ما شفت محاولات لاعادة سوريا أنا شفت محاولات لتكون العلاقات مع سورية جيدة وهوي الخيار الاستراتيجي للبنان اقتصاديا وسياسيا لانو برأي انو تكون سوريا بقلب لبنان متل ما كانت بالاول ماعاد من مصلحتها اما مخابراتيا سوريا متلها متل السعودية والاردن ومصر وامريكا كلون موجودين ع الارض بلبنان

التعطيل الذي تم ممارسته خلال الاربع سنوات ماضية من استقالة الوزراء الشيعة احتجاجا على اقرار المحكمة الدولية واغلاق المجلس النيابي وتصريحات بعض رموز المعارضة متل سليمان فرنجية انو هو يفتخر بكونو جزء من المحور السوري الايراني والحروب الافتعالية مع اسرائيل كلها لخدمة مصالح النظام السوري وجعل اللبنانيين يترحمون على ايام الوصاية, اما موضوع العلاقات المميزة مع سورية فهو مطلب دائم تردده قوى 14 آذار

هلق انت فينك تعتبر 7 ايار كيف ما بدك ومع أني ما شوفها شي منيح ولا ضرورة بس بشوفها رد فعل على نزع سلاح الاشارة للحزب وهاد مع عدم مشروعيتو كان الرد الوحيد اللي متاح بس كمان مافينك تنكر انو الكل بلبنان عندو سلاح وعلى رأسهون الكتائب و المستقبل وهاد كان جدا واضح

أسلحة فردية بتفرق عن ترسانة من عشرات الاف الصواريخ , اللي عم يفتخر حزب الله بها دائما, اما الكتائب والمستقبل بحياتن ما قالوا بوجود اسلحة لديهم, بعدين ولنفرض انو عندن اسلحة طيب اذا عرضوا على حزب الله نزع سلاح جميع الاحزاب في لبنان, هل يقبل حزب الله؟



قعهعفهيالهلا
هي مشان يبعت الرد لانو النص المكتوب قليل جدا

مرحبا شباب . . اسمه النقاش حامي على ودانه حول الإتنخابات اللبنانسية . . يا ريت ترحبوا فيني ترحيب حار اسمي عضو جديد تازة :ss:

نتيجة الإنتخابات تعبر إلى حد كبير عن الشعب اللبناني بشكل عام، لكن لبنان بحياته ما رح يصير وتهدا أمورو.

كل فريق مربوط كرعوبه بشي دولة تانية واللي عم يصير أشبه ما يكون بمسرح العرائس.

مبارح كانوا نازلين ببعض مسبات وتخون واليوم رح يقعدوا من جديد ويبوسوا شوارب بعض :deal: وبعد فترة رح يرجعوا يسبوا بعض عن جديد . . الإنتخابات بحياتها ما كانت فيصل خصوصا في ظل وجود حزب الله وسلاحه الغير قابل للنقاش أصلا.

على اعتبار الانتخابات اللبنانية خلصت, و كمان كم يوم رح يبدا مسلسل جديد عن تشكيل الحكومة, فراح نغلق هالموضوع لأنو مواكبة الحدث أخدت حقها

و كل لبنان و أنتم بخير