انشالله تفوز المعارضة بس جد النتائج متضاربة وكل محطة بتحط النتائج لصالهحا ع حسب ال او تي في مقاعد 8\8 للتيار والوطني

كذبت استطلاعات الرأي والتوقعات والتحاليل السياسية وصدق فيفا سيريا العظيم :ss:



والله ياشباب كنت بدي اقتبس ردي يلي حطيت فيه التوقعات وحطلكون هون شو صار وورجيكون التطابق بس ماني حابب شوف حالي زيادة بيكفي هيك :lol:




عادت 14 أذار أغلبية وحسم اللبنانيون خيارهم... تحية للشعب اللبناني على هذه التجربة الديمقراطية ونأمل لهم الإستقرار وعودة السلم والحوار بعد هذه المعركة الإنتخابية...

إتفقنا مع 14 أذار أم اختلفنا لكنهم أثبتوا أنهم خيار الشعب اللبناني...

__________________________________________________ ___________________

رويترز: حزب الله يعترف بخسارة الإنتخابات ويعبر عن إحترامه لرأي المواطنين...

موقف مثالي من حزب الله ونتأمل من كافة الأطياف الإلتزام بفرار الناخب اللبناني...


هامش أخير: قوم يافيل جبلنا هالشرط من الشباب :gem:

كذبت استطلاعات الرأي والتوقعات والتحاليل السياسية وصدق فيفا سيريا العظيم :ss:



والله ياشباب كنت بدي اقتبس ردي يلي حطيت فيه التوقعات وحطلكون هون شو صار وورجيكون التطابق بس ماني حابب شوف حالي زيادة بيكفي هيك :lol:




عادت 14 أذار أغلبية وحسم اللبنانيون خيارهم... تحية للشعب اللبناني على هذه التجربة الديمقراطية ونأمل لهم الإستقرار وعودة السلم والحوار بعد هذه المعركة الإنتخابية...

إتفقنا مع 14 أذار أم اختلفنا لكنهم أثبتوا أنهم خيار الشعب اللبناني...

__________________________________________________ ___________________

رويترز: حزب الله يعترف بخسارة الإنتخابات ويعبر عن إحترامه لرأي المواطنين...

موقف مثالي من حزب الله ونتأمل من كافة الأطياف الإلتزام بفرار الناخب اللبناني...


هامش أخير: قوم يافيل جبلنا هالشرط من الشباب :gem:
اي الخبر صحيح.. 14 اذار اخدو 70 مقعد يعني اكتر من الدورة الماضية ومن اللي قبلها كمان..
الخبر حكتو رويترز
والمستقبل
والجزيرة

بيروت (رويترز) - قال سياسي بارز قريب من المعارضة اللبنانية التي تضم حزب الله وحلفاءه ان التحالف المؤيد لسوريا خسر الانتخابات البرلمانية يوم الاحد أمام التحالف المدعوم من الولايات المتحدة.
وقال المصدر الذي طلب عدم الافصاح عن اسمه لرويترز "خسرنا الانتخابات.. نحن نقبل بالنتيجة بوصفها ارادة الشعب."
وتوقع المصدر ان يفوز الائتلاف المناهض لسوريا بقيادة السياسي السني سعد الحريري على الاقل بسبعين مقعدا من اصل 128 مقعدا في البرلمان وقال "سنعود كما كنا"

رويترز (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

--------------
بس لسا ما بتوقع انو انحسم شي :pos:

النقطة الأولى هي اعتبار النظام السوري غير ممثل للشعب ..اسمحلي احكي عنها بمقاربة مع الشي يلي حصل بلبنان اربع سنيين ..

المعارضة اللبنانية اعتبرت الحكومة اللبنانية غير شرعية بعد ال بحجة انو الشيعة و العونيين غير ممثلين بالحكم بلبنان و النظام السوري مشي مع الطرح هاد ...خليني انا اسحب الشي هاد و حاول من خلالو اتكلم عن وضعنا بسوريا لأوصل بالنهاية معك انو الحكومة السورية غير شرعية و غير ممثلة للشعب حسب المبادئ نفسها يلي الحكومة لسورية اعتمدتها وقت انشأت موقفها من حكومة السنيورة ..بسوريا العائلة الواحدة صرلها عم تحكم اكتر من اربعين سنة ..اي تعيين بيصير بأي مؤسّسة لازم يصدر من العائلة الكريمة ,,اي قرارا بالسلم و الحرب بيصدر عنها ..يعني احتكار كامل للسياسة بسوريا مع احتكار كامل للأقتصاد ..طيب يا ترى ,,رأيك انت كام نسبة المهمشين بسوريا لكن ,,,مو اكتر بكتير من نسبة الشيعة و العونيين بلبنان يلي بيدعوا انو حكومة السنيورة مو شرعية بسبب تهميشون...بنفس المقاربة صديقي ..فينا نقول انو الحكومة السورية كمان غير شرعية بسبب تهميش نسبة كبيرة من السوريين ,,اذا مو السوريين كلون !!...

النقطة التانية مصلحة سوريا بلبنان وين !!

انا هون بعد ما ميزت بين النظام و الشعب ,,بدي قول انا برأيي وين النظام بشوف مصلحتو بلبنان ,,و ,,وين الشعب السوري يشوف مصلحتو بلبنان ,,,

وقت بتنجح الموالاة و بينجح مشروعها ببناء دولة لبنانية اعتمادا على جيش لبناني قوي بيضم بالأضافة لأفرادو كل الميليشات بلبنان و بيتسلح من المجتمع الدولي و العرب و ايران (اذا رغبت ايران بتسليح الجيش)...سوريا كشعب بتضمن انو خاصرتها الرخوة (لبنان) رح تحميها من اسرائيل ( حجة النظام السوري يلي شرعنت دخولو للبنان )

لكن نجاح المعارضة فهو مصلحة للنظام بسوريا (برأيي الشخصي) ..و شوف النظام كيف رح يبني سياساتو بالتعامل بلبنان بوقتها بس لخدمة موقفو بالتهرب من اي نتائج ممكن المحكمة توصلها ...عن طريق اثارة الهيجان بلبنان ..و لكن المرة هي بتحريض السلطة الحاكمة بلبنان و تحويل لبنان لقنبلة النظام السوري بيهدد انو يفجرها بوجه المجتمع الدولي اذا ما بيتم التغاضي عن نتائج المحكمة ....و انا هون ما بشوف اي فائدة للشعب السوري من ورا هيك سياسات ..

مشان هيك ...بتمنى الموالات تنتصر و على فكرى انتصارها هو فائدة لسوريا بما انو رح يخلي النظام يوقف (الى حد ما ) من التدخل بلبنان ..و بالتالي ارتكاب المزيد من الحماقات ,,,و بالتالي جر الشعب السوري لأزمات لا ناقة له بها و لا جمل ...

حبيب شو وكالات الانباء كيف بتنقل الخبر . مشان نكون واضحيين

بيروت - مراسلو العربية؛ وكالات
دعا حزب الله اللبناني الاحد 7-6-2009 إلى المشاركة في الحكم والقبول بمبدأ التوافق اثر صدور النتائج غير الرسمية للانتخابات البرلمانية والتي تشير الى فوز التحالف المناهض لسوريا.

يعني جماعة مع سوريا وجماعة ضد سوريا . وانا مالي شايف بالمستقبل المنظور أنو ممكن يكون في حكومة وطنية بلبنان . بدهم يضلو زعماء طوائف مستلمين الحكم . لما بيكون في شخص وطني بالسلطة بتهمو مصلحة لبنان فوق مصالحو . مابينخاف منو . لأنو حيلاقي أنو علاقات قوية طيبة مع سورية بتهمو . مو سيادتو وأستقلالو مابيتحققو غير اذا طعن بسورية . بتتخيل سعد الحريري ممكن يكون عم يوجه رسائل جيدة لسورية وهنن مابدهم ياه . طبعا لأ . يلي ماعم يفهموه أنو أذا بدهم لبنان لا يحكم من سوريا. لبنان لا يحكم ضد سوريا

بيروت (رويترز) - قال سياسي بارز قريب من المعارضة اللبنانية التي تضم حزب الله وحلفاءه ان التحالف المؤيد لسوريا خسر الانتخابات البرلمانية يوم الاحد أمام التحالف المدعوم من الولايات المتحدة.
وقال المصدر الذي طلب عدم الافصاح عن اسمه لرويترز "خسرنا الانتخابات.. نحن نقبل بالنتيجة بوصفها ارادة الشعب."
وتوقع المصدر ان يفوز الائتلاف المناهض لسوريا بقيادة السياسي السني سعد الحريري على الاقل بسبعين مقعدا من اصل 128 مقعدا في البرلمان وقال "سنعود كما كنا"

رويترز (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

--------------
بس لسا ما بتوقع انو انحسم شي :pos:
شريك VivaSyria ...بعمرو من كان الرهان على المستقبل رهان خاسر ..او الرهان على الكتايب و الأشتراكي اللبناني احفاد الناس يلي جابو النهضة للمشرق ..

و بدنا نشكر حزب الله على اعترافو بنتيجة الأنتخابات ...و عندي كلمة لحزب الله هون : لازم تشوفو وين اخطئتوا و تحاولو تصلحو الأخطاء هي مشان تقدروا تفووزو الأنتخابات الجايي,,يعني تعطيل الدولة و الهيجان واضح انو ما كان اسلوب خلى اللبنانين يعجبوا فيه

حبيب شو وكالات الانباء كيف بتنقل الخبر . مشان نكون واضحيين

بيروت - مراسلو العربية؛ وكالات
دعا حزب الله اللبناني الاحد 7-6-2009 إلى المشاركة في الحكم والقبول بمبدأ التوافق اثر صدور النتائج غير الرسمية للانتخابات البرلمانية والتي تشير الى فوز التحالف المناهض لسوريا.

يعني جماعة مع سوريا وجماعة ضد سوريا . وانا مالي شايف بالمستقبل المنظور أنو ممكن يكون في حكومة وطنية بلبنان . بدهم يضلو زعماء طوائف مستلمين الحكم . لما بيكون في شخص وطني بالسلطة بتهمو مصلحة لبنان فوق مصالحو . مابينخاف منو . لأنو حيلاقي أنو علاقات قوية طيبة مع سورية بتهمو . مو سيادتو وأستقلالو مابيتحققو غير اذا طعن بسورية . بتتخيل سعد الحريري ممكن يكون عم يوجه رسائل جيدة لسورية وهنن مابدهم ياه . طبعا لأ . يلي ماعم يفهموه أنو أذا بدهم لبنان لا يحكم من سوريا. لبنان لا يحكم ضد سوريا
بأكدلك يا عزيزي انو الأكترية ما عندها شي ضد السوريين ...عندون كام مشكلة مع النظام ,,,و انا سوري و بعرف انو نظامنا مانون ملائكة ,,و انصر أخاك ظالما او مظلوما ما كتير بحبها للعبارة هي...

حتى لاحظ انو جنبلاط و غيرو بالأكترية خففو كتير من حدة كلامون ضد النظام السوري ...بعد ما بلشت المحكمة ..

ما في شي ضد سوريا ....الأكترية اجت برأي اغلبية اللبنانين ,,اذا بتظن انو اغلبية اللبنانين صارو ضدنا !!! ...لازم تسأل حالك ...الغلط من وين ....حبيب ...اللبناني اقرب من الوريد بالنسبة للسوري ..على الأقل بالنسبة الي ..مرة تانية ...معلش ..دور الغلط وين كان

70 مقعد ل 14 اذار ..و 58 مقعد ل 8 اذار

يعني الأكترية اخدت مقعدين زيادة عن انتخابات ال 2005

70 مقعد ل 14 اذار ..و 58 مقعد ل 8 اذار

يعني الأكترية اخدت مقعدين زيادة عن انتخابات ال 2005

بصراحة ماملكت نفسي من الضحك على "زعيم مسيحيي الشرق " اللي كزب الكزبة و صدقا و ظن نفسو عن جد زعيم مسيحيي لبنان...
والتاني ...
اللي ظن بنفسو انو انصارو صارو بالملايين و ظن انو خطبو النارية و صوتو المبحوح رح يكسب فيو انصار جدد يخوض فيون الانتخابات الحالية و الفوز" الكاسح و الحاسم " حسب أحد قيادي حزب الله .....
رجاع يا "سيّد المقاومة" ....رجاع على ضاحيتك الجنوبية و خليك متمترس هنيك لبين ماتحين اللحظة ...للمعركة القادمة

VivaSyria

والله ياشباب كنت بدي اقتبس ردي يلي حطيت فيه التوقعات وحطلكون هون شو صار وورجيكون التطابق بس ماني حابب شوف حالي زيادة بيكفي هيك


معلش صديقي ,,,انا بدي اقتبس

ة بدي وصلك لغلطة كبيرة وقعو فيها جماعة 8 أذار صرلون شهر صارعين رب العالم انو هنن ربحانين الأغلبية وهالشي يلي روقوا عليه جماعة 14 أذار ليش يا حزرك؟؟ بعرف انك بتعرف بس حقلك

لأنو ياصاحبي القاعدة الشعبية لـ 8 أذار وتحديداً بالخارج بردت قلبها انو جماعتون ربحانين فمافي داعي يستنفرو ولا ينزلو ينتخبو... وبنفس الوقت 14 أذار روقو من هالقصر النظر تبع 8 أذار لأنو خلا قواعدون بالداخل والخارج يستنفروا إنو دخيلكون حنخسر ويحشدو طاقاتون الكاملة شعبياً...

8 أذار استأجروا مراكز احصاء مشان يعلنو انو هنن ربحانين "مفكرينا شطارة" أما 14 أذار استأجرت المراكز مشان تقول انو فريقون خسران بالانتخابات...

بالفعل كان افضل تحليل سمعتو بالحوار هاد ...لأنو كنت مستغرب جدا ليش جنبلاط و بقية أطراف الأكترية كانت عم تحكي من تواضع مبهم جدا و غير مبرر ,,,بينما يلي لازم يكون متواضع كان عم يقول انو بدو ينجح و ما نجح بعدين ,,,,,بس عندي تساؤل كمان بنفس النقطة و بخصوص مواقف جنبلاط من المحكمة الدولية ...جنبلاط قال انو الحريري لازم ينسى موضوع المحكمة اذا بدها تأثر عالأستقرار بالمجتمع اللبناني ...يا ترى قلتك معقول نفس الشي بينسحب على النقطة هي ....ما بعرف ..انا رحت لبعيد او جنبلاط و الأكترية عم تعطي رسائل تطمينية مزيفة لحزب الله و النظام السوري ....

ابو نجبو
رجاع يا "سيّد المقاومة" ....رجاع على ضاحيتك الجنوبية و خليك متمترس هنيك لبين ماتحين اللحظة ...للمعركة القادمة

ما من عوايدنا الشماتة :o

و انا بقلو للسيد حسن ...من بيتك من الضاحية الجنوبية ...رجاع فكر مرة تانية بخياراتك الوطنية

ما من عوايدنا الشماتة :o

لا أبداً....مو من عوايدنا....:lol:
خرج تكون المعارضة هي الربحانة.....شوف اش كان صار.....:lol:


و انا بقلو للسيد حسن ...من بيتك من الضاحية الجنوبية ...رجاع فكر مرة تانية بخياراتك الوطنية
ومابيضر لو يعملّو زيارة نقاهة لطهران و ياخد مشورة الولي الفقيه كمان.......:larg:

ما قلتلكون انو زي ما هيي
بس الواضح انو الطائفية للعظم هالمرة

التطور الطبيعي للحاجة الساقعة ..........



مبروك:clap: ... وخلي النظام السوري يتعلم ولو اني بشك ............

بعمرو من كان الرهان على المستقبل رهان خاسر ..او الرهان على الكتايب و الأشتراكي اللبناني احفاد الناس يلي جابو النهضة للمشرق ..
:?
نهضة
ولك يازلمة في زعيم لبناني جاب نهضة ما كلون عم يشدو لتحت
بعدين لو سمحت شو النهضة اللي اللي جابوها الكتائب
:?
حتى لاحظ انو جنبلاط و غيرو بالأكترية خففو كتير من حدة كلامون ضد النظام السوري ...بعد ما بلشت المحكمة ..

ما في شي ضد سوريا ....الأكترية اجت برأي اغلبية اللبنانين ,,اذا بتظن انو اغلبية اللبنانين صارو ضدنا !!!
ولووووو اذا سكت احد ما معناها سكتو الكل
بس بيجوز هلق يسكتوا لانو وصلوا للبرلمان
هني اعتمدو ع سياسة أكره سوريا أكثر تفوز بمقاعد برلمانية أكثر
طبعا لأنو بالغالب اللبنانيين ما بيحبو السوريين وهالشي مبرر
يعني مو قليل اللي عملو الوجود السوري بلبنان فيهون
:frown:
وسيدي الله يقدم اللي في الخير للبنان
وكمان انشالله يكونوا مناح ويخلوا العلاقات متوترة بينا وبينون

:?
نهضة
ولك يازلمة في زعيم لبناني جاب نهضة ما كلون عم يشدو لتحت
بعدين لو سمحت شو النهضة اللي اللي جابوها الكتائب
:?

هو قصدو أحفاد مسيحيي النهضة بالقرن التاسع عشر و البدايات القرن العشرين...
البعلبكي و البستاني و نعيمة و جبران ....الخ

هيك انا اللي فهمتو........:?

هو قصدو أحفاد مسيحيي النهضة بالقرن التاسع عشر و البدايات القرن العشرين...
البعلبكي و البستاني و نعيمة و جبران ....الخ

هيك انا اللي فهمتو........:?
فهمك بمكانو صديقي .

هو قصدو أحفاد مسيحيي النهضة بالقرن التاسع عشر و البدايات القرن العشرين...
البعلبكي و البستاني و نعيمة و جبران ....الخ

هيك انا اللي فهمتو........:?
و هي كرسي زيادة لعيونك ..النتائج بتقول انو الأكترية حصلت على 71 مقعد بالبرلمان ...مو 70 مقعد متل ما ذكرت من شوي

لو شاف البستاني ونعيمة وجبران (السوري) أنو هدول أحفادون كانو قطعوا نسلون وانتحرواا
ياحسرتي
انو تخيلو أسماء كبيري متل البستاني ونعيمة وجبران عم نحطون قدام جعجع والمر و عون و الجميل
يا حسر تي
:cry:

والله أنا هي فوتي عالخبر بس مقروق لتقولو بس

يعني أقسم بالله الشعب البناني محشش
المفروض حزب الله ترك إسرائيل تفوت فوتتها بركي بيتربى هالشعب شوي

والله أنا هي فوتي عالخبر بس مقروق لتقولو بس

يعني أقسم بالله الشعب البناني محشش
المفروض حزب الله ترك إسرائيل تفوت فوتتها بركي بيتربى هالشعب شوي

هالكلام كبير و خطير .
لا اسرائيل ولا سوريا الها الحق باعطاء دروس بالديمقراطية للبنانين
و ما حدا بيملك الحق يجبر شعب على اختياار ما لا يريد اختياره مهما كانت اسباب الرفض او القبول
حتى ولو كانت الطائفة في لبنان هي المحفز الرئيسي للتصويت فهذا بالتالي هو خيار الشعب الذي سيكون مسؤول عنه هو نفسه و بالتجريب سيثبت صوابيه او عدم صوابية اختيار الشعب ليتعلم من دروسه ويتفادى ما قد يوجد من اخطاء مستقبلاً .
و مبروك للمنتصرين بالانتخابات و تمنياتنا لهم بالتوفيق لخدمة لبنان .

zen

لو شاف البستاني ونعيمة وجبران (السوري) أنو هدول أحفادون كانو قطعوا نسلون وانتحرواا
ياحسرتي
انو تخيلو أسماء كبيري متل البستاني ونعيمة وجبران عم نحطون قدام جعجع والمر و عون و الجميل
يا حسر تي


ما فينا نقارن ادباء و مفكرين و علماء مع سياسيين ...انا لما قلت احفاد الناس يلي دخلت النهضة للمشرق كنت بقصد عامة الناس من مسيحيين و دروز يلي بكل مرحلة من مراحل الصراع اللبناني ..بتجي فئة و بتشكك بوطنيتون !!

wile

يعني أقسم بالله الشعب البناني محشش
المفروض حزب الله ترك إسرائيل تفوت فوتتها بركي بيتربى هالشعب شوي

الواضح انو كلامك مية بالمية عاطفي ...يعني ..بالسياسة الأمور مو هيك بتنحسب

.................................................. .................................................. ..............................

مافينا نقول انو احد الفئات عم تشكك بالتانية
ما الكل عم بيشكك بالكل
ما هي حرز ع 8 اذار
وبكل الحالات بكلمتك قصدت المديح ألهون
وهني بنظري من الطرفين ما بيستاهلوا الا انو ينرموا بالاحذية
:D

والله أنا هي فوتي عالخبر بس مقروق لتقولو بس

يعني أقسم بالله الشعب البناني محشش
المفروض حزب الله ترك إسرائيل تفوت فوتتها بركي بيتربى هالشعب شوي

يا خبو شو هالحكي, يعني حزب الله قاوم اسرائيل مشان الناس تنتخبوا, تشرشل على زمانو بعد كل اللي عملوا لبريطانيا بالحرب العالمية التانية خسر اول انتخابات صارت بعد الحرب.

يعني حزب الله بارع بالحرب وشغلتو هي المقاومة, اما السياسة الداخلية فاثبت لحد الان فشلو فيها والانتخابات هي اكبر دليل.

ومهما كانت النتيجة ما بيقدر الواحد الا يرفع القبعة على هيك انتخابات وهيك ديمقراطية , و نتأمل انو قريبا يصير عنا نفس الشي.

بأكدلك يا عزيزي انو الأكترية ما عندها شي ضد السوريين ...عندون كام مشكلة مع النظام ,,,و انا سوري و بعرف انو نظامنا مانون ملائكة ,,و انصر أخاك ظالما او مظلوما ما كتير بحبها للعبارة هي...

حتى لاحظ انو جنبلاط و غيرو بالأكترية خففو كتير من حدة كلامون ضد النظام السوري ...بعد ما بلشت المحكمة ..

ما في شي ضد سوريا ....الأكترية اجت برأي اغلبية اللبنانين ,,اذا بتظن انو اغلبية اللبنانين صارو ضدنا !!! ...لازم تسأل حالك ...الغلط من وين ....حبيب ...اللبناني اقرب من الوريد بالنسبة للسوري ..على الأقل بالنسبة الي ..مرة تانية ...معلش ..دور الغلط وين كان
حبيب تحميل مافعلته المخابرات السورية أيام وجودها بلبنان كل شيء . أمر مرفوض رغم أهميته . يعني غلطو صح . بس مو هاد كلشي . الشعب اللبناني تاريخيا ( ورجاع أقرا تاريخ ) بجزء كبير منو بيكره الشعب السوري وبيحسو أدنى منو . والمشاكل بين البلدين نشأتها من الاربعينات . أي منذ الأستقلال . والمخابرات كانت تتعامل مع نفس الشخصيات اللبنانية . الموجودة هلأ ويلي صارت فجأة وطنية . لك اخي اذا أعتبرنا أنو السنة هلأ مثلا كرهانين سورية مشان أغتيال الحريري رغم أنهم ماقدرو يثبتو هاد الشي . ممكن تقلي الدروز مثلا شو ساوالهم السوريين حتى أنقلبو ضدهم ؟ . في شي مبيت . بحاجة يخرج للعلن مو اكتر . برأيك اذا بيوم من الأيام صار في عداء بين حزب الله وسوريا . الشيعة رح يقدرو . وقفة سوريا معهم طول هالسنين ؟

يا خبو شو هالحكي, يعني حزب الله قاوم اسرائيل مشان الناس تنتخبوا, تشرشل على زمانو بعد كل اللي عملوا لبريطانيا بالحرب العالمية التانية خسر اول انتخابات صارت بعد الحرب.

يعني حزب الله بارع بالحرب وشغلتو هي المقاومة, اما السياسة الداخلية فاثبت لحد الان فشلو فيها والانتخابات هي اكبر دليل.

ومهما كانت النتيجة ما بيقدر الواحد الا يرفع القبعة على هيك انتخابات وهيك ديمقراطية , و نتأمل انو قريبا يصير عنا نفس الشي.

لاء يا حبيب بس الشعب اللبناني ناكر للجميل وبعدين شو غلطه بالسياسة الداخلية؟؟
بدك تقلي إنه الحريري هو الي خلا لبنان ينهض؟؟
ليش لبنان نهض أصلا؟؟ ما عليه ديون ليوم الدين وما عندهم دراسة مجانية وما عندهم مستشفيات مجانية وما عندهم شي
و:D

صحي حبيب فيل وقلعة
نسيت بدي منك تفصيل تاريخ كام شخص من 14 اذاؤ اللي انتصروا وانتصرت ارداة الحرية ع قولتك
سمير جعجع
وليد جنبلاط
رفيق الحريري وابنو سعدو
يعني هيك بدي شوف النهضة تبعيتون
اللي عملوها بلبنان
:?

لاء يا حبيب بس الشعب اللبناني ناكر للجميل وبعدين شو غلطه بالسياسة الداخلية؟؟
بدك تقلي إنه الحريري هو الي خلا لبنان ينهض؟؟
ليش لبنان نهض أصلا؟؟ ما عليه ديون ليوم الدين وما عندهم دراسة مجانية وما عندهم مستشفيات مجانية وما عندهم شي
و:D

شو يعني ناكر للجميل .
يعني حزب الله دافع عن لبنان عسكرياً فـ المفروض يحكم الدولة !
و على افتراض انو حزب الله و التحالف بالمعارضة هو تحالف صالح و وطني فـ التجربة الديمقراطية كفيلة باسقاط خيار الشعب الحالي بالانتخابات المقبلة و خلي كل واحد يثبت حالو وطنياً والشعب هو الحكم من خلال الديمقراطية .
و ليس نضال حزب الله العسكري هو الذي يجب أن يجبر الشعب على اختيارو قائد سياسي للبلد بل اثبات نفسو على الساحة الداخلية سياسياً وبالطرق الديمقراطية .

المفروض حزب الله ترك إسرائيل تفوت فوتتها بركي بيتربى هالشعب شوي

أنا مع هالحكي وبشدة... باعتبار ماحدا بيحقلو يقرر عن الشعب والشعب هو الوحيد يلي الو حق يقرر مصيرو شو ما كان ومافي فئة بتضم مواطنيين وفئة بتضم نص مواطنيين.

المحارب العتيق
حبيب تحميل مافعلته المخابرات السورية أيام وجودها بلبنان كل شيء . أمر مرفوض رغم أهميته . يعني غلطو صح . بس مو هاد كلشي . الشعب اللبناني تاريخيا ( ورجاع أقرا تاريخ ) بجزء كبير منو بيكره الشعب السوري وبيحسو أدنى منو . والمشاكل بين البلدين نشأتها من الاربعينات . أي منذ الأستقلال . والمخابرات كانت تتعامل مع نفس الشخصيات اللبنانية . الموجودة هلأ ويلي صارت فجأة وطنية . لك اخي اذا أعتبرنا أنو السنة هلأ مثلا كرهانين سورية مشان أغتيال الحريري رغم أنهم ماقدرو يثبتو هاد الشي . ممكن تقلي الدروز مثلا شو ساوالهم السوريين حتى أنقلبو ضدهم ؟ . في شي مبيت . بحاجة يخرج للعلن مو اكتر . برأيك اذا بيوم من الأيام صار في عداء بين حزب الله وسوريا . الشيعة رح يقدرو . وقفة سوريا معهم طول هالسنين ؟


اكيد الحق كلو مو عالمخابرات السورية ..بس يعني بقول انو تسعين بالمية ..لأنو المخابرات حبت تعامل اللبناني بنفس العقلية يلي بتعامل فيها السوري ....و الشي هاد ما مشي مع اللبنانيين و ما فينا نلومون اذا عندن تحفظ على مخابرات النظام السوري ...لأنو متل ما منشوف ..كل يومين في معتقل سوري عم يختفي من دون سبب ...و كل فترة منسمع تقارير المنظمات الأنسانية عم تقول انو في عالم عم تموت تحت التعذيب بالسجون السورية او ببساطة عم يتم قتلها من دون محاكمة متل صيدنايا مثلا و الأمثلة على فكرة ما بتخلص ...

هلئ اذا قسم من السوريين بيشوف الشي هاد طبيعي ..ما فينا نطلب من اللبناني انو يشوف فترة وجود المخابرات السورية بلبنان بنفس المظور !

ثانيا ...يا عزيزي ..لاحظ انو اللبناني صار يكرهنا ( حسب رأي كتير ناس محسوبين على الموالاة بسوريا ) و الأردني و المصري و السعودي ...طيب شو السبب برأيك !! شو هو السبب من ورا انعزال سوريا بالمنطقة !!



zen
صحي حبيب فيل وقلعة
نسيت بدي منك تفصيل تاريخ كام شخص من 14 اذاؤ اللي انتصروا وانتصرت ارداة الحرية ع قولتك
سمير جعجع
وليد جنبلاط
رفيق الحريري وابنو سعدو
يعني هيك بدي شوف النهضة تبعيتون
اللي عملوها بلبنان


عزيزي

بعرف انو كلنا منعرف تاريخ الصراع اللبناني ..و ماني بوارد ذكر كامل احداث الحرب ..لأنها معروفة للجميع ...انا بدي انسى موضوع النهضة يلي بلشو فيه اسلاف اللبنانين من قرنين ..

بدي احكي بموضوع اذار ...برأيي انو قدرو يحققوا شي مهم ..اخراج جيش النظام السوري و مخابراتو من لبنان من دون رصاصة وحدة !! و من دون قطرة دم ..بالطريقة السلمية ...هدا بعتبرو درس لكل اهل المشرق العربي للثورة على الظلم مجتمعين و من دون دم و مجازر ...يمكن تقول انو كيف بتحكي هيك و انت سوري ...انا قلتلك من قبل ..ليش لدافع عن جهة ما اخدت رأيي بأي تصرف عملتو و عدا عن هيك الجهة هي مستمرة بقمع صوتي و تهميشي ...انا كنت رح اختلف مع اللبنانين لو اعتمدو اسلوب العنف لأخراج السوري ...بس لأنو اعتمدو اسلوب التظاهر الحضاري ...فحلال على قلبون ..و هدا شي بينحسب بتاريخون


wile
ليش لبنان نهض أصلا؟؟ ما عليه ديون ليوم الدين وما عندهم دراسة مجانية وما عندهم مستشفيات مجانية وما عندهم شي
و

كل اربع سنين بصير بلبنان يا حرب طاحنة يا نزاع داخلي ...و عم تتسائل ليش لبنان مديون ..منيح منو لسا واقف على رجلو

عزيزي

بعرف انو كلنا منعرف تاريخ الصراع اللبناني ..و ماني بوارد ذكر كامل احداث الحرب ..لأنها معروفة للجميع ...انا بدي انسى موضوع النهضة يلي بلشو فيه اسلاف اللبنانين من قرنين ..

بدي احكي بموضوع اذار ...برأيي انو قدرو يحققوا شي مهم ..اخراج جيش النظام السوري و مخابراتو من لبنان من دون رصاصة وحدة !! و من دون قطرة دم ..بالطريقة السلمية ...هدا بعتبرو درس لكل اهل المشرق العربي للثورة على الظلم مجتمعين و من دون دم و مجازر ...يمكن تقول انو كيف بتحكي هيك و انت سوري ...انا قلتلك من قبل ..ليش لدافع عن جهة ما اخدت رأيي بأي تصرف عملتو و عدا عن هيك الجهة هي مستمرة بقمع صوتي و تهميشي ...انا كنت رح اختلف مع اللبنانين لو اعتمدو اسلوب العنف لأخراج السوري ...بس لأنو اعتمدو اسلوب التظاهر الحضاري ...فحلال على قلبون ..و هدا شي بينحسب بتاريخون

بدي منك تعرف انو انا ضد الاحتلال السوري للبنان وضد اللي صار
بس مو لاني ضد هالشي لازم كون ضد المعارضة بلبنان
لانو انا بالنسبة إلي تحالف المعارضة مع سوريا او ايران هوي متل اي تحالف بيحقق مصالح بجهة سياسية
يعني متل ماتقول كيف 14 اذار متحالفين مع أمريكا
بعدين مافينا نقول انو ما راح دم اللبنانين خسروا كتير بهالوقت
يعني لبنان عصبو السياحة فراحت السياحة والاقتصاد المنهار انهار اكتر واكتر
بعدين رفيق والحريري ورفقاتو مانو ضحايا هالقصة
يعني ان سوريا اغتالتون او مش هي هالشي ما بيغير شي
وبيضل انو هني راح بين الرجلين
بعدين ما بتشوف من المفارقة الكبيري كتير
انو اذا قال احمدي نجاد انو اذا اتصرت المعارضة بلبنان انتصار لخط المقاومة
وتقوم وتعقد الدنيا ع التدخلات الايرانية بلبنان
وانو ما حدا حكي من 14 اذار لما حكي ميتشل انو اذا بتفوز المعارضة راحنراجع حساباتنا بخصوص المساعدات وكل حلفائها راح يغيروا معاملتون مع لبنان
:?
انو مو شايف كلامو اكترادق رقبة من احمدي نجاد (صاحب الكلام الفاضي)
ومتل ما قلنا لبنان ما بينحكم جهة بلا تانية بوكرة بيتصالحو سورية والسعودية ع الاخر وبترجع الأمور متل ما كانت

بعدين انت برد سابق انتقدت اسلوب الاعتصامات والتظاهر لانو كان من جانب 8 اذار هلق عم تقلي كانو حضاريين
بعدين مين قلك انو كانو حضاريين
الناس السوريين وتحديدا العمال مين اعتدى عليهون
:?
العمال شو دخلهون بالنظام
جرائم الاعتداء ع العمال كتيرة
وعدد العمال السوريين اللي استشهدو ع ايد 8 اذار اكبر بكتير من رفيق الحريري ورفقاتو

zen
بدي منك تعرف انو انا ضد الاحتلال السوري للبنان وضد اللي صار
بس مو لاني ضد هالشي لازم كون ضد المعارضة بلبنان

كيف بتكون ضد شي و ممكن تساند طرف عم يسعى ليحقق الشي هاد يلي انتي بالأساس ضدو !! قصدي الواضح هون التدخل السوري قبل ال 2005 و محاولة حزب الله لأحياؤا من جديد ..كلامك كان صح لو انو محاولات التدخل من النظام السوري ما عادت موجودة ..

انا بالنسبة إلي تحالف المعارضة مع سوريا او ايران هوي متل اي تحالف بيحقق مصالح بجهة سياسية
يعني متل ماتقول كيف 14 اذار متحالفين مع أمريكا

سبعة ايار وضحت الفرق بين التحالفين

بعدين انت برد سابق انتقدت اسلوب الاعتصامات والتظاهر لانو كان من جانب 8 اذار هلق عم تقلي كانو حضاريين
بعدين مين قلك انو كانو حضاريين

الأعتصام الأول كان مشان يطلع اجهزة امنية اجنبية من لبنان ..بس االأعتصام التاني كان هدفو تعطيل الدولة ..و انا ما كان عندي شي ضد المعارضة وقت اعتصمو لوقت سبعة ايار ..هون انا ما بقى اعتبرتو اعتصام ,,,صار فلتان امني

و يلي بيقول انو سبعة ايار كان ضروري لأرجاع الأمور لنصابها الصحيحة ..الأنتخابات هي كذبت هالمقولة و بينت انو سبعة ايار كان يوم استعراض للعضلات ( و ليس يوم غضب شعبي لتصحيح الأمور )


الناس السوريين وتحديدا العمال مين اعتدى عليهون

العمال شو دخلهون بالنظام
جرائم الاعتداء ع العمال كتيرة

عم تتوقع مني مثلا اني مع قتل العمال السوريين بلبنان ...اذا هيك ..لكن يبدو انو في سؤ تفاهم كبير بينا

بس انا ما بأطّرها خارج اطارها الصحيح يلي هو اعتبار قتل العمال جرائم جنائية بيستاهل اصحابها عقوبات جنائية ...اما تأطّيرها بأطار سياسي فما بيتعدى كونو محاولة لأثارة نقمة الرأي العام ضد الأكترية


عزيزي زين ..اسمحلي لخص الكلام يلي فهمتو من ردودك

اولا ..الشعب اللبناني عدو دائم و مستمر لسوريا شعبا و قيادة و مهما تبدلت التحالفات بيبقو اصحاب باطنية معادية لسوريا

ثانيا ..ما في قيادي بلبنان وطني و صاحب فكر...معارضة او اكترية

انا ما عم حاول قولك كلام انت ما قلتو ..بس عم قلك شو انا فهمت من كلامك ,,,مشان تصححلي اذا غلطان ..

:gem::gem::gem:

ولك على راسي 14 آذار وجمهور 14 آذار,, بشرفي أنكن بيضتوها.
يعني بعد هالانتصار رح يفكر السيد بشار الأسد وغيرو ألف مرة قبلما يقولو عن الموالاة انها اكترية وهمية او انها منتج اسرائيلي, لأنو بالحالة رح يكونو عم يجكو عن غالبية الشعب اللبناني الحر.

مبروك للديمقراطية
مبروك للشعب اللبناني الحر
مبروك لكل نواب وقياديي 14 آذار : الشيخ سعد الحريري, الزعيم وليد بيك جنبلاط, الدكتور سمير جعجع , الشيخ أمين الجميل, الزهرة المتألقة نائلة تويني, الشاب الطموح سامي الجميل, وباقي شجعان السيادة والحرية و الاستقلال.

يا جماعة مشان ما نعقد الأمور كتير إنتو قولولي تتحالف مع سوريا وإيران أحسن ولا تتحالف مع السعودية وأمريكا(ورفيقتها إسرائيل)؟

:gem::gem::gem:

ولك على راسي 14 آذار وجمهور 14 آذار,, بشرفي أنكن بيضتوها.
يعني بعد هالانتصار رح يفكر السيد بشار الأسد وغيرو ألف مرة قبلما يقولو عن الموالاة انها اكترية وهمية او انها منتج اسرائيلي, لأنو بالحالة رح يكونو عم يجكو عن غالبية الشعب اللبناني الحر.

مبروك للديمقراطية
مبروك للشعب اللبناني الحر
مبروك لكل نواب وقياديي 14 آذار : الشيخ سعد الحريري, الزعيم وليد بيك جنبلاط, الدكتور سمير جعجع , الشيخ أمين الجميل, الزهرة المتألقة نائلة تويني, الشاب الطموح سامي الجميل, وباقي شجعان السيادة والحرية و الاستقلال.

شارب شي؟؟؟:sly:

في نقطة...

انو 14 آذار ربحت هاد خيار الشعب اللبناني و يصطفل فيه....


لكن كمان في شغلة... انو وليد بيك جنبلاط (المرتزق لحساب سوريا لأعوام طويلة) و سمير جعجع ( مجرم حرب و قاتل أذهل حتى الاسرائيليين بدمويتو) و ورثة الحريري (أكبر شريك للفساد و الفاسدين السوريين خلال أعوام طويلة جداً) و أمين جميّل (بليد العيلة) يصيرو رموز حرية و ديمقراطية... فهاي مسخرة لا يوجد أكبر منها...

ما عم قول انو نبيه برّي أو ميشيل عون أحسن منهون أبداً... كلهون نفس الطراز...

كل ما أقوله.. انو يلعن أبو الحرّية و الديمقراطية اذا القاتل المجرم سمير جعجع هو رمز الها.. فشر هو و كل شاكلتو


كمان شغلة


بس انا ما بأطّرها خارج اطارها الصحيح يلي هو اعتبار قتل العمال جرائم جنائية بيستاهل اصحابها عقوبات جنائية ...اما تأطّيرها بأطار سياسي فما بيتعدى كونو محاولة لأثارة نقمة الرأي العام ضد الأكترية


يا معلم ما فيك ما تأطرها... يعني شو مشان نأطّر شغلات و شغلات لأ؟

العمّال السوريين تهاجمو لأنو في مين حاقد ع سوريا ككل, و الحاقد على سوريا ككل في مين عبّاه لشبع حقد (و عينك عينك يعني..) فهاد تأطير متلو متل اللي أطّر ممارسات فساد الاستخبارات السورية (بشراكة نفس اللي هلأ بيحكو عن الديمقراطية.. ملاّ مسخرة) و عملها شي سياسي مصدرو سوريا دولة و شعباً و حكومة


و يلي بيقول انو سبعة ايار كان ضروري لأرجاع الأمور لنصابها الصحيحة ..الأنتخابات هي كذبت هالمقولة و بينت انو سبعة ايار كان يوم استعراض للعضلات ( و ليس يوم غضب شعبي لتصحيح الأمور )

سبعة أيار كان تكريس للفشل... للفشل السياسي و الفشل المنطقي و الفشل العقلي.. كل أركان الفشل..

لكن كمان ما كان ذنب حزب الله لوحده.... هو تغداهون قبل ما يحاولو يتعشوه.. و المسخرة انو لو مو متغدي فيهون و ناطر يتعشوه كان ما حدا قعد يندب ع شرعية الدولة وقتا

ما عم قول انو منيح اللي صار.. ما هو مخزي متلو متل الوضع بشكل عام.. لكن عم ناخد جزئيات و ننسى الإطار اللي هو لبنان و سياسة لبنان


أنا ما بدافع عن فريق ع حساب تاني, ما بيهمني... كل اللي عم قولو انو مافينا نحكي عن ملائكة و شياطين, ما كلو أوسخ من بعضو و كلو أفسد من بعضو.. كل ما يحز بنفسي انو صارو جنبلاط و جعجع رموز حرّية و ديمقراطية... هاد كل شي

يا جماعة مشان ما نعقد الأمور كتير إنتو قولولي تتحالف مع سوريا وإيران أحسن ولا تتحالف مع السعودية وأمريكا(ورفيقتها إسرائيل)؟

لا هاد ولا هاد , الشعب فقط هو الحكم وهو الذي يختار والديمقراطية هي رأي الأغلبية وقد نالت 14 آذار ثقة غالبية الشعب اللبناني وأثبتت أنها تمثل خياره.

نقطة انتهى

في نقطة...

انو 14 آذار ربحت هاد خيار الشعب اللبناني و يصطفل فيه....


لكن كمان في شغلة... انو وليد بيك جنبلاط (المرتزق لحساب سوريا لأعوام طويلة) و سمير جعجع ( مجرم حرب و قاتل أذهل حتى الاسرائيليين بدمويتو) و ورثة الحريري (أكبر شريك للفساد و الفاسدين السوريين خلال أعوام طويلة جداً) و أمين جميّل (بليد العيلة) يصيرو رموز حرية و ديمقراطية... فهاي مسخرة لا يوجد أكبر منها...

ما عم قول انو نبيه برّي أو ميشيل عون أحسن منهون أبداً... كلهون نفس الطراز...

كل ما أقوله.. انو يلعن أبو الحرّية و الديمقراطية اذا القاتل المجرم سمير جعجع هو رمز الها.. فشر هو و كل شاكلتو


كمان شغلة






يا سيدي كان هناك حربان اهليتان في لبنان اشترك فيها جميع الأطراف والكل كان متورط فيها من الفريقين
أما هلئ الكل بدو يفتح صفحة جديدة على مبدأ عفى الله عما مضى وبدنا ما ننسى انو الدكتور سمير جعجع أمضى 11 سنة في السجن, يعني هو دفع جزء من تمن أفعالو بالحرب في حين انو غيرو من االمتورطين من الطرف الآخر ضلوا أحرار طلقاء.
هلئ خطاب الدكتور سمير جعجع وباقي رفاقه في 14 آذار خطاب عقلاني وطني قائم على مبدأ لبنان أولا , أرض واحدة سلاح واحد وجيش قوي, لذلك هو حاليا نعم رمز من رموز الحرية والاستقلال .

هلئ خطاب الدكتور سمير جعجع وباقي رفاقه في 14 آذار خطاب عقلاني وطني قائم على مبدأ لبنان أولا , أرض واحدة سلاح واحد وجيش قوي, لذلك هو حاليا نعم رمز من رموز الحرية والاستقلال .


روح يابو الزلف! :lol:



أنا هالحكي هاد شايف فيو ازدواجية معيار رهيبة جداً... بس بقا كل واحد يقول شو ما يريد... بكيفو, و كل واحد عندو عيون تشوف و عقل يفكر, و يشغّل كلاهما على كيفو

يا سيدي كان هناك حربان اهليتان في لبنان اشترك فيها جميع الأطراف والكل كان متورط فيها من الفريقين
أما هلئ الكل بدو يفتح صفحة جديدة على مبدأ عفى الله عما مضى وبدنا ما ننسى انو الدكتور سمير جعجع أمضى 11 سنة في السجن, يعني هو دفع جزء من تمن أفعالو بالحرب في حين انو غيرو من االمتورطين من الطرف الآخر ضلوا أحرار طلقاء.
هلئ خطاب الدكتور سمير جعجع وباقي رفاقه في 14 آذار خطاب عقلاني وطني قائم على مبدأ لبنان أولا , أرض واحدة سلاح واحد وجيش قوي, لذلك هو حاليا نعم رمز من رموز الحرية والاستقلال .

لك حاجتنا نضحك على بعض
روحو أقرؤو عن أمين الجميل وعائلته وبعدين تعو قولولي شو بيستاهل

ولا جعجع السفاح الي صار بطل لأنه سجن كم سنة

ولا جنبلاط المنقلب على نفسه من أجل مصلحته

ولا سعد الحريري الفاسد هو وأبوه والي طبعا داعمته السعودية

لك أنا عايش بالسعودية بعرف لبنايين بيشتغلو بشركة سعودي أوجيه تبع الحريري دفعلهن حق التذكرة والإقامة بلبنان مشان يصوتولو

فعلا أثبتو اللبنانيين حرصهم عالمال أكثر من حرصهن على المصلحة الوطنية

وبنستغرب ليش في فساد؟؟

:gem::gem::gem:

ولك على راسي 14 آذار وجمهور 14 آذار,, بشرفي أنكن بيضتوها.
يعني بعد هالانتصار رح يفكر السيد بشار الأسد وغيرو ألف مرة قبلما يقولو عن الموالاة انها اكترية وهمية او انها منتج اسرائيلي, لأنو بالحالة رح يكونو عم يجكو عن غالبية الشعب اللبناني الحر.

مبروك للديمقراطية
مبروك للشعب اللبناني الحر
مبروك لكل نواب وقياديي 14 آذار : الشيخ سعد الحريري, الزعيم وليد بيك جنبلاط, الدكتور سمير جعجع , الشيخ أمين الجميل, الزهرة المتألقة نائلة تويني, الشاب الطموح سامي الجميل, وباقي شجعان السيادة والحرية و الاستقلال.

ليك آخر سطرين حبيتون كتير :o ما عندك ياهون على شريط كاسيت :p

و مشان المكتوب بالأحمر .. بظن لازم تراجع دكتور عيون من كل بد و بأسرع وقت :lol:

لك حاجتنا نضحك على بعض
روحو أقرؤو عن أمين الجميل وعائلته وبعدين تعو قولولي شو بيستاهل

ولا جعجع السفاح الي صار بطل لأنه سجن كم سنة

وروح أقرأ عن نبيه بري وحركة أمل وشوف الجرائم اللي ارتكبوها بالفلسطينين واللبنانيين

ولا جنبلاط المنقلب على نفسه من أجل مصلحته

ولا ميشيل عون المنقلب على نفسه من اجل كرسي الرئاسة

ولا سعد الحريري الفاسد هو وأبوه والي طبعا داعمته السعودية

ولا حزب الله اللي داعميتو سوريا و ايران

لك أنا عايش بالسعودية بعرف لبنايين بيشتغلو بشركة سعودي أوجيه تبع الحريري دفعلهن حق التذكرة والإقامة بلبنان مشان يصوتولو

علاك

فعلا أثبتو اللبنانيين حرصهم عالمال أكثر من حرصهن على المصلحة الوطنية

وبنستغرب ليش في فساد؟؟

كمان في عند الموالاة معطيات حول عمليات دفع اموال واستخدام بطاقات مزورة قامت بها المعارضة.
بعدين خيو ولنفرض انو الموالاة دفعت مصاري خيرات الله كرمال شراء الاصوات, طيب هي صاحبنا المهرج وئام وهاب قبل كم يوم حكى على قناة الدنيا انو دفع الاموال لن يستطيع تغيير سوى ما يقارب 4 الى 5 مقاعد لا أكثر ومع ذلك نحن سننتصر, طيب الاكترية ربحت الانتخابات بفارق 14 مقعد , بقى يا صاحبي تبرير خسارة المعارضة بسبب الاموال هو تبرير يائس لا قيمة له.

ليك آخر سطرين حبيتون كتير :o ما عندك ياهون على شريط كاسيت :p

و مشان المكتوب بالأحمر .. بظن لازم تراجع دكتور عيون من كل بد و بأسرع وقت :lol:

ما علينا , لا تزعلي , اذا بدنا نعتبر المظهر الخارجي و الجمال كمعيار فقط , خلص انتي احلى بكتير من نائلة تويني.

ما علينا , لا تزعلي , اذا بدنا نعتبر المظهر الخارجي و الجمال كمعيار فقط , خلص انتي احلى بكتير من نائلة تويني.

وكمان اذا اعتبرنا الجمال الروحي و الفكري بتبقي احلى من نائلة ...
ابو شريك ...خفف شوي عالجماعة ..يعني ما شايفون بحالة عزا !!

Yass

العمّال السوريين تهاجمو لأنو في مين حاقد ع سوريا ككل, و الحاقد على سوريا ككل في مين عبّاه لشبع حقد (و عينك عينك يعني..) فهاد تأطير متلو متل اللي أطّر ممارسات فساد الاستخبارات السورية (بشراكة نفس اللي هلأ بيحكو عن الديمقراطية.. ملاّ مسخرة) و عملها شي سياسي مصدرو سوريا دولة و شعباً و حكومة

. كل اللي عم قولو انو مافينا نحكي عن ملائكة و شياطين, ما كلو أوسخ من بعضو و كلو أفسد من بعضو.. كل ما يحز بنفسي انو صارو جنبلاط و جعجع رموز حرّية و ديمقراطية... هاد كل شي

حبب قلك عزيزي ياس ...انو بردك هاد ما كان في موضوعية ابدا ..يعني تماما متل ردودي :lol:...الموضوعية غايبة دايما ..

بس على اي حال ...مين ساواك بنفسوا ما ظلمك :D

انو بردك هاد ما كان في موضوعية ابدا

بصراحة شديدة أنا يكفيني يكون رأيي موضوعي لإلي... و وقت أرد على رأي حدا بحاول رد بأفكاري, أخذها أو لأ هاد أمر يرجعلو....

بصراحة شديدة أنا يكفيني يكون رأيي موضوعي لإلي... و وقت أرد على رأي حدا بحاول رد بأفكاري, أخذها أو لأ هاد أمر يرجعلو....


الواضح انو هي نبرة عصبية شوي .. ...عدم الموضوعية كان قصدي فيها ردك الماضي فقد ..ما كنت بقصد شي اشمل او اوسع ...ما فهمت كيف لازم قادة يتصرفو كملائكة بوقت كان في نزاع اهلي داخلي و الفلسطيني و السوري والأسرائلي و الأمريكي و الدنيا كلها كانت عم تصب الزيت على النار بلبنان ....الكل اشترك بالحرب الأهلية ..و ما حدا قال انو الأقلية بلبنان بتستاهل الخسارة لأنو تاريخها بالحرب اللبنانية غير مشرف ...لحتى ينقال انو الأكترية ما بتستاهل الفوز لأنو تاريخها غير مشرف هي التانية !!

ما علينا , لا تزعلي , اذا بدنا نعتبر المظهر الخارجي و الجمال كمعيار فقط , خلص انتي احلى بكتير من نائلة تويني.


إذا بتريد .. أنت لا معاشرني ولا شايف شكلي يعني ما عندك فكرة لا عن جمالي الخارجي ولا الداخلي بقى ما في داعي لهالكلام يرضالي عليك ..

هلئ خطاب الدكتور سمير جعجع وباقي رفاقه في 14 آذار خطاب عقلاني وطني قائم على مبدأ لبنان أولا , أرض واحدة سلاح واحد وجيش قوي, لذلك هو حاليا نعم رمز من رموز الحرية والاستقلال .
مابعرف شو بدي قلك بس ياعيب الشوم عن جد

الواضح انو هي نبرة عصبية شوي .. ...عدم الموضوعية كان قصدي فيها ردك الماضي فقد ..ما كنت بقصد شي اشمل او اوسع ...ما فهمت كيف لازم قادة يتصرفو كملائكة بوقت كان في نزاع اهلي داخلي و الفلسطيني و السوري والأسرائلي و الأمريكي و الدنيا كلها كانت عم تصب الزيت على النار بلبنان ....الكل اشترك بالحرب الأهلية ..و ما حدا قال انو الأقلية بلبنان بتستاهل الخسارة لأنو تاريخها بالحرب اللبنانية غير مشرف ...لحتى ينقال انو الأكترية ما بتستاهل الفوز لأنو تاريخها غير مشرف هي التانية !!

أوف! نبرة عصبية؟

هل لأنو رأيي ما عاجبك صارت نبرتي عصبية؟

شو بدك الواحد يرد عليك لما تقلو رأيك مو موضوعي لحتى يعجبك ردو؟ يتشكرك مثلاً؟

ظروف الحرب ما كانت مبرر... الحرب صارت و انتهت و 3 أرباع مذابح الحرب ما صارت بين الأطراف قد ما صارت بين الأطراف بعضهون البعض...

بشير جمّيل ضد شمعون

جعجع ضد حبيقة

جعجع ضد الجميّل

جعجع ضد ميشيل عون

أمل و حزب الله

جنبلاط و المرابطون..

الفلسطينينة بين بعض..

الخ الخ الخ

الحرب انتهت... و نفس أمراء الحرب هلأ شلحو البدلة العسكرية و لبسو كرافة... و صارو سياسيين... طيب ما بيقصرو, اذا في شعب بيريدهون ما بيقصرو جداً...

كل كل كل كل حكيي كان انو هدول الناس مانون رمز حريات و حقوق و ديمقراطيات لألنا لحتى نقعد نصفق لطلعتهون...

جنبلاط اللي صارع سما رب الدنيي بسيادة الدولة بيرضى يجي الجيش اللبناني يرجّع المسيحيين اللي هجّرهون من الشوف بالقوة؟

و خلينا عند جنبلاط: كيف واحد بيقول عن حالو تقدمي و اشتراكي و ديمقراطي متشبث بزعامة حزب من 30 سنة و ورثو عن أبوه؟ كيف واحد اشتراكي يكون زعيم طائفة و أحد أكبر اقطاعيي بلدو؟ هاد الديمقراطي اللي حاطينو رمز؟؟ أنا ما بفهم هالشي... واحد عندو تاريخ أسود من العمالة و الشراكة مع المخابرات السورية, واحد كانت ميليشيتو تخطف هالكم سوري اللي هربو من الملاحقة و قدرو يوصلو ع لبنان و يسلموهون للمخابرات السورية هلأ صار حبيب الشعب السوري لأنو حكالو كلمتين وسخين عن النظام؟


زعماء المسيحيين هدول اللي طالعين, كلياتهون بما فيهون عون طبعاً... صارعين سما ربنا بتهديد الوجود المسيحي و كل هالكلام, ما أغلب المسيحيين اللي تقتلو و تهجرو لما تدابحو بين بعض المسيحيين


السياسة مش دائماً نظيفة, بس الديمقراطية و الحرية و العدالة و الحق كلمات سامية ما بتنحط سمات لأي واحد... في سياسي اسباني قال بزماناتو انو الديمقراطية مكانها قبة البرلمان, بس السياسة ممكن تكون بقبة البرلمان و ممكن تكون بالكهاريز...

اذا اللبنانيين راضين عن هيك سياسة و هيك سياسيين فهم أحرار, هاد بلدهون و هاد خيارهون الحر و ما حدا الو عندون شي... بس انو والله يصيرو سياسيين لبنان بضاعة حرية و ديمقراطية و عدالة معدّة للتصدير.. فهاد أمر بنوب ما فايت مخي... ما بعرف المشكلة بالأمر مدري بمخي...

لحتى ينقال انو الأكترية ما بتستاهل الفوز لأنو تاريخها غير مشرف هي التانية !!

ملحق للرد السابق مشان إنهاء هالنقطة...


أستاذي بتمنى منك بالمرات القادمة تاخد الفكرة اللي عم يعطيك ياها محاورك بشكل أفضل, و خصوصاً إذا راح تحكم عليه بالموضوعية أو بعدمها

أنا ما قلت انو الأكثرية ما تستاهل الفوز, أنا حتى ما حكيت عن الأكثرية, شملت كل سياسيي لبنان الحاليين, و قلت مرتين على الأقل انو هاد قرارهون للبنانيين و يصطفلو فيه...

مجرد كانت ملاحظتي (المزعجة جداً على ما يبدو) انو بستغرب انو نحنا كمراقبين خارجيين نعتبر انو هدول السياسيين رمز ديمقراطية و حرية و كل هالأمور.... كلهون بلا استثناء ايديهون ملطخة و مش بس بالدم

هاي كانت كل فكرتي (اللاموضوعية)..

و سلام لاموضوعي عليكم