فعلا مظاهر
اي خيو بتنزل الشام القديمة مليانة مطاعم عاطريق المطار برضه والمولات عم تزيد والبنوك ولا اكتر ووحياتك صرت شوف كنزة حقا 25 الف اي اي وحياتك وفي مين يشتري
بس هيدول قديش من الشعب السوري او من الشباب السوري يعني بين ال15 لل35 ياسيدي؟
ما بيزيدوا عن 15%
صح صار في قطاع خاص ورواتب كبيرة كتييييير بس حبيبنا هي عم ياخدا بس 15% من الموظفين فيه والباقي بلا ولاشي وبفتكر انو هال85% هني اللي عم نحكي عنون وملتعن سلافون ببلدون

عمي ابو جعفر كيفك ..
والله منيح .. بس انو أكلنا مخالفة من ورا هالوجعة الراس .. :lol:

بما اننا " انا وانت يعني "
والله كنا انا وانت .. بس هلأ صفيت لحالك .. لأن بلشنا شغل ..وعقبالك :D
حاليا وضعنا مانه مزري متل أفريقيا .. اي مزبوط معك انا بس ليش حتى نقارن حالنا بأفريقيا بالأصل ؟
طيب هات لنشوف .. بمين بدنا نقارن .. بلبنان مثلا ... بما انو أقرب بلد لإلنا ..
بتعرف قديش نسبة الفقر بلبنان ..!! مابعرف قدي .. بس بعرف انو النسبة كبيرة كتير ...
بأن اللاحرب واللاسلم الوضع اللي العايشين من من 30 سنة عم ياخد أكتر من 75% من ميزانية الدولة لتسليح الجيش والمكنة العسكرية
هون السبب الرئيسي ... ولهيك اعتبرت انو نحنا وضعنا جيد بالنسبة للميزانية الكبيرة اللي عم تنصرف عالجيش ..
دولة تانية بوضعنا .. اكيد كانت رح تكون على شفير الهاوية والإنهيار الإقتصادي ..

روقنا ابو جعفر ما متعودين نشوفك معصب
لك مو قصة معصب .. قصة انو لوحدي عالجبهة ... :D

- هل حقاً نحن في وضع يرثى له ...
- ماتقييمك للوضع المعاشي في سورية بشكل عام ...
- ماتقييمك للوضع في مدينتك ..
- هل تجد في الخليج ملاذاً آمناً ...!؟
ياريت يبقى الموضوع ضمن هالمسار ... :D

- هل حقاً نحن في وضع يرثى له ...
- ماتقييمك للوضع المعاشي في سورية بشكل عام ...
- ماتقييمك للوضع في مدينتك ..
- هل تجد في الخليج ملاذاً آمناً ...!؟
.
THE,unforgiven ... "
أول شي المقدمة التوجيهية لأرائنا ( بأنو الوضع رائع ) حسسني للحظات انك ما عايش بسوريا

أي نحنا في وضع مزري
فكرت مثلا ً إذا مرض ؟ " هادا الهاجس المجتمعي بامتياز "
لك إذا رح ياخد دوا ضغط كل شهر 500 ل ، بتكسرو وبتكسر عيلتو
في فقر ، والاكل والشرب والمي ما بيكفي
في شباب بدا تأمن بيوت وبدا تتجوز ولا الجازة صارت حلم الغني ، بدو يصير اب .. بيحقلو ما فيك تمنعو لمجرد أنو الظروف المادية والله ضدو !
بدا تتعلم ، وتشوف دكاترة ، وتقرا ، وتعيش ( بكل متطلبات الحياة اليوم )

مدينتي ؟! ما فيها شباب .. كلما بطلع حواليي بلاقي الشباب يا مهاجرين يا عم يحلمو يهاجرو والأغلب لأنو ما فيهن يبدو بسوريا من الصفر ويصلو لمحل ..

:D

لك مو قصة معصب .. قصة انو لوحدي عالجبهة ...


غريب ليش لوحدك على الحبهة, اكيد كلون غلطانين والوضع بسوريا تمام وهني بطرانين ومو عاجبن :lol:

اول شي سلام..
-تاني شي شو رايك انو وقت جدي مرض بالسرطان كان عمي يدفع بالشهر اربعين الف ليرة دواء هادا الدوا غير الجرعات المجانية اللي بياخدها من مشفى الطب النووي "وما رح نحكي هلأ على هادا المشفى"
- خالتي الكبيرة غير متزوجة متقاعدة وراتبها 6000 ليرة عندا مرض سكري وضغط وكوليسترول ..الخ.. شو رأيك انو بدا ب4300 دوا والباقي بدا تعيش فيه..
- شو رأيك انو في عمليات بسورية بتكلف اكتر من 300 الف ليرة "عمليات القلب المفتوح وعملية الشبكات والبالون"
- وانو عملية الزايدة الدودية بتكلف 30 الف ليرة اذا مو حابب تنطر الدور بالمشفى الحكومي لتنفجر الزايدة.
هادا الحكي عى الناحية الصحية بس.. يعني كأنو عايشين على كف عفريت

تحية لكلشي شارك بالموضوع ...
في نقطة مهمة كتير ... انا ماقلت انو الوضع ممتاز بسوريا .... نزلت الإستفتاء لنشوف آرائكم .. بس قلت انو أحسن من ذي قبل ...
نقطة تانية ... ليش كل واحد عم يرد عالموضوع ويخاطبني بلجهة شخصية كاني وزير الأوقاف والمهجرين ...
نحنا هون لنحكي .. اوكي ... ياريت نحكي بشكل عام .. :D

اول شي سلام..
-تاني شي شو رايك انو وقت جدي مرض بالسرطان كان عمي يدفع بالشهر اربعين الف ليرة دواء هادا الدوا غير الجرعات المجانية اللي بياخدها من مشفى الطب النووي "وما رح نحكي هلأ على هادا المشفى"
- خالتي الكبيرة غير متزوجة متقاعدة وراتبها 6000 ليرة عندا مرض سكري وضغط وكوليسترول ..الخ.. شو رأيك انو بدا ب4300 دوا والباقي بدا تعيش فيه..
- شو رأيك انو في عمليات بسورية بتكلف اكتر من 300 الف ليرة "عمليات القلب المفتوح وعملية الشبكات والبالون"
- وانو عملية الزايدة الدودية بتكلف 30 الف ليرة اذا مو حابب تنطر الدور بالمشفى الحكومي لتنفجر الزايدة.
هادا الحكي عى الناحية الصحية بس.. يعني كأنو عايشين على كف عفريت


تحية إلك ..
هلأ أكيد العمليات غالية وين ماكان ... ونحنا ماعنا تأمين صحي عالمواطن .. وهيدا شي لازم ينعمل ..
بشكل عام الطب غالي كتير .. وبخاصة العمليات الجراحية ... ف مافينا نعتبرا مقياس .. :D

والتعليم غالي والكهربا والخلوي والخضرا واللحمة والفواكي واللبس
دخلك شو المقياس؟

تحية إلك ..
هلأ أكيد العمليات غالية وين ماكان ... ونحنا ماعنا تأمين صحي عالمواطن .. وهيدا شي لازم ينعمل ..
بشكل عام الطب غالي كتير .. وبخاصة العمليات الجراحية ... ف مافينا نعتبرا مقياس .. :D

بدي غنيلك غنية وانا عم ابكي..
انا مش كافر
بس الجوع كافر
انا مش كافر
بس المرض كافر
انا مش كافر
بس الفقر كافر
و الذل كافر
انـــــــــــــــــــــــ ــــا مش كافر
لكن شو بعملك
ازا اجتمعوا فيي
كل الاشيا الكافرين
.............
انا مش كافر
بس البلد كافر
انا مقبور ببيتي
و مش قادر هاجر
و عم تاكللي اللقمة بتمي
و اكلك قدامك يا عمي
و ازا بكفر
بتقلي كافر
معمم ع الدول الغربية
و مبلغ كل ... المخافر

كمان هي اهداء خاص مني الك.. ولرجل من ورق ولأيهم وبترفلاي ولكل الشبيبة
بتمنى تقروها غنااءا.. مع محبتي..

بدو ينقطع البنزين بها اليومين...
مش رح ينقطعو الاجرين..

بدو ينقطع البراد بها اليومين ..
منسقع بين النهرين..

رح ينقطع النفس الباقي بها اليومين..
منبقى منتنفس بعدين

يمكن رح ينقطع النيدو بها اليومين..
امك في عندا بزيييييييييننن

رح ينقطع الامل الباقي بها اليومين..
مننطر لسنة الالفين..
شي عجيب كيف ماشي مخشخش من دون خشخاشي
لشو اهبل
ولشو ماشي
شي عجيييب...

تحية إلك ..
هلأ أكيد العمليات غالية وين ماكان ... ونحنا ماعنا تأمين صحي عالمواطن .. وهيدا شي لازم ينعمل ..
بشكل عام الطب غالي كتير .. وبخاصة العمليات الجراحية ... ف مافينا نعتبرا مقياس .. :D

يا شباب الواحد منا لازم يحكي الجيد كمان
بعرف تماما انو الوضع سيء و الكل بيطمح للاحسن بس لازم نعترف انو عنا اشيا جيدة
العمليات غالية بس اذا بدنا نقيسها بالنسبة للدول المجاورة ما بتتجاوز ربع التكلفة
بعرف كتير عيادات بحمص بتلاقي اللبنانيين فيها واقفين عالدور حتى مخابر التحاليل و التصوير الشعاعي و هالشي شايفو شخصيا مو نقل
و المشافي العامة قايمة بمجهود كبير و ضخم يمكن منشوف فيها واسطات و تأجيل و تأخير بسبب ظاهرة الواسطة بس كمان في عليها ضغط ما ممكن ينحمل

والتعليم غالي والكهربا والخلوي والخضرا واللحمة والفواكي واللبس
دخلك شو المقياس؟
بتوقع التعليم عنا الارخص و الكهربا و الخضرا


كمان هي اهداء خاص مني الك.. ولرجل من ورق ولأيهم وبترفلاي ولكل الشبيبة
بتمنى تقروها غنااءا.. مع محبتي..

بدو ينقطع البنزين بها اليومين...
مش رح ينقطعو الاجرين..

بدو ينقطع البراد بها اليومين ..
منسقع بين النهرين..

رح ينقطع النفس الباقي بها اليومين..
منبقى منتنفس بعدين

يمكن رح ينقطع النيدو بها اليومين..
امك في عندا بزيييييييييننن

رح ينقطع الامل الباقي بها اليومين..
مننطر لسنة الالفين..
شي عجيب كيف ماشي مخشخش من دون خشخاشي
لشو اهبل
ولشو ماشي
شي عجيييب...

اي بيعين الله
بدها صبر و شي سفرة
:D

يا شباب الواحد منا لازم يحكي الجيد كمان
بعرف تماما انو الوضع سيء و الكل بيطمح للاحسن بس لازم نعترف انو عنا اشيا جيدة
العمليات غالية بس اذا بدنا نقيسها بالنسبة للدول المجاورة ما بتتجاوز ربع التكلفة
بعرف كتير عيادات بحمص بتلاقي اللبنانيين فيها واقفين عالدور حتى مخابر التحاليل و التصوير الشعاعي و هالشي شايفو شخصيا مو نقل
محسن بيوقفو بالدور لانو عنا ارخص اي.. بس ارخص بالنسبة الهون..
دخل الفرد عنا ما بيتقارن بأي دولة من دول الجوار..
الدوا عندون اغلى بس رواتبهون اكتر كمان من رواتبنا بكتير
كمان انا بعرف ناس عايشن بأمريكا بيجو بيعملو أسنانون هون لأنو ارخص بس المسألة فرق عملة مو رخص فعلي وحقيقي.. وهي مسالة مو لازم تخفى عليك محسن

و المشافي العامة قايمة بمجهود كبير و ضخم يمكن منشوف فيها واسطات و تأجيل و تأخير بسبب ظاهرة الواسطة بس كمان في عليها ضغط ما ممكن ينحمل
مجهود كبير؟؟!!
-بدك تبوس اجرين الممرضات ليلتكشو بالمريض اللي معك..
-مريض السرطان لما بدو ياخد جرعة كيميائية بمشفى اطب النووي بدو ينطر 5 ساعات على الاقل قبل ما يفوت لياخد الجرعة
- صيدليات المشافي الحكومية بيستفيد من ادويتها المواطن بكميات قليلة كتير والباقي بياخدوه موظفين الصيدلية نفسها براشيتات خلبية ونفس الموضوع بالمستوصفات
- بعمرك فتت على مشفى تشرين؟؟؟ مشفى تشرين.. الللي فايت عليها من باب الاسعاف بيفكر حالو فايت على مسلخ مو مشفى من كتر الوسخ
- في عرف عام عند السوريين اللي بيرغبو باجراء عملية بمشفى حكومي بينص على زيارة الطبي بعيادتو اولا و دفع الكشف بعدين ممكن يحدد موعد العملية
- اي طفل بتم ولادتو بمشفى تشرين بيرجع على البيت بدون حمام!!
بينفحص وبينعطى اول لقاح الو ولكن بيرجع على بيتو وبقايا الدم والاوساخ والدهون على جسمو وهادا حكي من ممرضة بتشتغل بالمشفى


بتوقع التعليم عنا الارخص و الكهربا و الخضرا

كيف ارخص..
بخصوص الكهربا نحا بلد منتج للكهربا ومصدر كمان على خلاف دول الجوار لبنان والاردن رغم هيك كل السوريين بيحطو ايدون على قلبون لما بيشعلو ما يسمى بالدفاية..
التعليم: المراقب البسيط بيعرف انو التعليم الحكومي بالسنوات الاخيرة تراجع كتير.. وصار الطلاب بحاجة لدعم دائم من دورات او اساتذة خصوصيين أو استنفار دائم وتفرغ من الاهل..
اسوأ مدرسة خاصة بتاخد مبلغ 30 الف ليرة بلسنة على طالب الابتدائي يعني 2500 ليرة بالشهرواذا عندك ولدين 5000 ليرة
اسوأ دورة بكالوريا صيفية بأسوأ معهد بأكثر المناطق شعبية بريف دمشق مثلا "دوما، السبينة" 16000 ليرة

اي بيعين الله
بدها صبر و شي سفرة
:D
والك محسن:D
وعذرا للاطالة

بما انو طالع عليي صيت اني بحب الاحصاءات:pos:
معدل دخل الفرد سنويا في الأردن بـ 2700 $
متوسط دخل الفرد سنويا فى لبنان:4980$
متوسط دخل الفرد بمصر 3200$
متوسط دخل الفرد سنويا قطر 63000$
متوسط دخل الفرد فى سوريا:1190 $

تقع سوريا ضمن الشريحة الأدنى من الدول المتوسطة الدخل في العالم التي تشمل بلداناً مثل إيران والسنغال والاكوادور وغيرها.. إلخ، وهو بهذا المستوى يعتبر أقل بنسبة النصف (بالقوة الشرائية) عما كان عليه قبل عشرين عاماً ، وهو دون معدله في الدول العربية غير النفطية ماعدا اليمن وموريتانيا ودون معدله في الدول متوسطة الدخل مثل السنغال .
المصدر: انفورمر سيريا
قناة العربية: السواق العربية

والك محسن:D
وعذرا للاطالة
اهلا ناي :D

محسن بيوقفو بالدور لانو عنا ارخص اي.. بس ارخص بالنسبة الهون..
دخل الفرد عنا ما بيتقارن بأي دولة من دول الجوار..
الدوا عندون اغلى بس رواتبهون اكتر كمان من رواتبنا بكتير
كمان انا بعرف ناس عايشن بأمريكا بيجو بيعملو أسنانون هون لأنو ارخص بس المسألة فرق عملة مو رخص فعلي وحقيقي.. وهي مسالة مو لازم تخفى عليك محسن

صح كلامك بس كمان في اشيا تانية غير الرواتب و هيي طبيعة واسلوب المعيشة بكل بلد
يعني راتب اللبناني و كونو اقرب الدول لالنا \طبعا للموظف اذا اخدناها كمقياس \ كمان راتبو ما بيكفيه متل عنا و يمكن اتعس
البناني مو قادر يعيش بالمستوى يلي متعودين نعيشو بسوريا
انا ما قلت ابدا انو الوضع ممتاز بس كمان مو سيء لدررجة لايمكن انو نتحملها

مجهود كبير؟؟!!
-بدك تبوس اجرين الممرضات ليلتكشو بالمريض اللي معك..
-مريض السرطان لما بدو ياخد جرعة كيميائية بمشفى اطب النووي بدو ينطر 5 ساعات على الاقل قبل ما يفوت لياخد الجرعة
- صيدليات المشافي الحكومية بيستفيد من ادويتها المواطن بكميات قليلة كتير والباقي بياخدوه موظفين الصيدلية نفسها براشيتات خلبية ونفس الموضوع بالمستوصفات
- بعمرك فتت على مشفى تشرين؟؟؟ مشفى تشرين.. الللي فايت عليها من باب الاسعاف بيفكر حالو فايت على مسلخ مو مشفى من كتر الوسخ
- في عرف عام عند السوريين اللي بيرغبو باجراء عملية بمشفى حكومي بينص على زيارة الطبي بعيادتو اولا و دفع الكشف بعدين ممكن يحدد موعد العملية
- اي طفل بتم ولادتو بمشفى تشرين بيرجع على البيت بدون حمام!!
بينفحص وبينعطى اول لقاح الو ولكن بيرجع على بيتو وبقايا الدم والاوساخ والدهون على جسمو وهادا حكي من ممرضة بتشتغل بالمشفى
انا حمصي و فتت عالمشفى الوطني و شفت الوضع يلي بيشبه كل اوضاع المشافي العامة بسوريا
بالعيادات الخارجية بتلاقي عيادة و واقف ع بابها اكتر من عشرين تلاتين مريض و مع كل مريض بيكون 5 ل 6 مرافقين!!!
صح انو الوضع سيء بس اذا بدنا نقارن بالمشافي الخاصة يلي العملية القيصرية فيها حاليا بتكلف بحدود ال20 الف فا اهل الولد يحمموه بالبيت بسيطة
بالنسبة للممرضات كلامك بينطبق على 95% منهن للاسف \ يلي مفروض يكونو ملائكة الرحمة:pos:\

كيف ارخص..
بخصوص الكهربا نحا بلد منتج للكهربا ومصدر كمان على خلاف دول الجوار لبنان والاردن رغم هيك كل السوريين بيحطو ايدون على قلبون لما بيشعلو ما يسمى بالدفاية..
التعليم: المراقب البسيط بيعرف انو التعليم الحكومي بالسنوات الاخيرة تراجع كتير.. وصار الطلاب بحاجة لدعم دائم من دورات او اساتذة خصوصيين أو استنفار دائم وتفرغ من الاهل..
اسوأ مدرسة خاصة بتاخد مبلغ 30 الف ليرة بلسنة على طالب الابتدائي يعني 2500 ليرة بالشهرواذا عندك ولدين 5000 ليرة
اسوأ دورة بكالوريا صيفية بأسوأ معهد بأكثر المناطق شعبية بريف دمشق مثلا "دوما، السبينة" 16000 ليرة
الكهربا كنا منتجين قبل 3 سنين اما هلأ الوضع مختلف و صارنا نستورد الكهربا من تركيا \ انا موظف بمحطة توليد كهربا و بعرف الوضع ع حقيقتو \
و مشان التعليم الخاص نحنا نلاقيه غالي بالنسبة لرواتبنا
بس في تعليم الحكومي مجاني و يلي بدو يستفيد منو ممكن يستفيد بس للاسف يمكن صارت موضة انو لازم الاهل يحطو اولادون بمدارس خاصة او معاهد حتى لو كان هالشي على حساب اشيا تانية مهمة لكل عيلة


برجع بقول انا ما عم دافع عن الوضع و ما عم قول انو جيد بس كمان لازم نحكي يلي النا و يلي علينا
:D

سؤال : لو صار راتب الموظف 50.000 ل.س ع اسعار اليوم بدون اي زياده على السلع الاساسيه والمعيشه
رح يبطل نق المواطن السوري ويئول الحمدالله ولا رح تتفتئ نقات جديده ؟؟؟؟؟

سؤال : لو صار راتب الموظف 50.000 ل.س ع اسعار اليوم بدون اي زياده على السلع الاساسيه والمعيشه
رح يبطل نق المواطن السوري ويئول الحمدالله ولا رح تتفتئ نقات جديده ؟؟؟؟؟
ولو . المواطن نقاق . ماشفت شو كاتبلك بأول الموضوع . كهربا وماء ومواصلات . وكل يلي حتى الحيوانات مافيها تعيش من دونو ( ولحنا ملاقينو أنجاز ) . ومع ذلك عم ينقو . شعب نقاق

انت عم تتهكم محارب عتيق وما جاوبت ع السؤال

الموضوع مابدو كتير نقاش....
لو الوضع بسورية متل العالم مابتلاقي هالملايين المهاجرة .....وبكل أنحاء العالم منتشرة

عدلنا المشاركات واخدنا شوية اجراءات ادارية بس لازم وضح هون كم شغلة:

حلال عليكون....


بس لاتنسو انو الدنيا دولاب ....



تحياتي لمعاليكم....

[B]بما انو طالع عليي صيت اني بحب الاحصاءات:pos:
معدل دخل الفرد سنويا في الأردن بـ 2700 $
متوسط دخل الفرد سنويا فى لبنان:4980$
متوسط دخل الفرد بمصر 3200$
متوسط دخل الفرد سنويا قطر 63000$
متوسط دخل الفرد فى سوريا:1190 $

لقللك شغلة ... عندي قرايبي بلبنان بيشتغل 3 شغلات .. وراتبو إذا بدك تحسبيه خلال السنة كلا بيعادل تقريب المليون ليرة سوري ... بس إذا بدك تجي ع شو بيكفيه .. بتلاقي انو بيحط
500 ألف تعليم
100 ألف مواصلات ومابعرف شو
100 ألف تدفئة وكهربا ... (كتير الكهربا والمحروقات غالية بلبنان .. )
والباقي أكل وشرب .. يعني بالكاد عايشين ..
هلأ إذا بتجي ع سوريا .. بتلاقي انو الموظف العادي .. بيقبض بالسنة صافي تقريبا .. (120 ألف .. ) بيحط منن :
5000 ليرة تعليم (وهوي مش تعليم .. هوي أجار غراض المدرسة كتب .. دفاتر وماإلا هنالك .. )
10000 ليرة بالكتير محروقات ..
والبقية مابعرف كيف .. بس بالمحصلة .. صحي الدخل بلبنان أغلى ... بس بالنسبة للمصروف .. منلاقي النتيجة نفسا .. ولكن بيختلف انو الواحد بيحس انو عم يقبض أكتر ..
...

تقع سوريا ضمن الشريحة الأدنى من الدول المتوسطة الدخل في العالم التي تشمل بلداناً مثل إيران والسنغال والاكوادور وغيرها.. إلخ
بشكل عام ... كل بلد بهالعالم عندو مشلكة معينة .. مش شرط اقتصادية .. ممكن تكون صحية .. سياسية .. بشرية ... عسكرية .. إلا ماهنالك .. مالازم نقول .. ليك هالبلد شو غني .. مافي حدا عراسو ريشة ...
خدو الأمثلة كتير ...
فرنسا مثلا .. صح غنية ومدري شو .. بتعرفو انو حق قرص البندورة قد حق كيلتين عنا ... وفيا مدن كتير فقيرة ..
أميركا .. كلا وكل غنايا .. وعأساس الدولة المسيطرة بالعالم .. فيا نسبة مشردين كتير كبيرة .. وبطالة .. وسرقات .. ونهب .. واغتصاب .. وشغلات ..منبكي احيان .. مع انها يمكن بتصلنا بشكل مصور .. بس بتخلينا نحس انو نشكر الله مية مرة ..
الصين .. كوريا .. مابعرف مين .. من فترة أكلو بانفلونزا الطيور .. اليوم عم يعانو من التوسع السكاني الهائل .. وعلقانين بمشاكل غير ربكن مابيعرف شو هيي ...
بالنسبة للأردن .. كلنا منعرف شو في عندو ثروات .. وشو هيي امكاناتو .. ف أكيد إذا فيه رفاهية .. مانا شغل أيدو ..
مصر .. مبارح كانت عم تشحد قمح .. قطر .. مافينا نقارنا بسوريا .. ف الكثافة السكانية فيا .. متوزعة ضمن مساحة كتير صغيرة مابتشكل مساحة مدينة سورية ..
الخ ...

لقللك شغلة ... عندي قرايبي بلبنان بيشتغل 3 شغلات .. وراتبو إذا بدك تحسبيه خلال السنة كلا بيعادل تقريب المليون ليرة سوري ... بس إذا بدك تجي ع شو بيكفيه .. بتلاقي انو بيحط
500 ألف تعليم
100 ألف مواصلات ومابعرف شو
100 ألف تدفئة وكهربا ... (كتير الكهربا والمحروقات غالية بلبنان .. )
والباقي أكل وشرب .. يعني بالكاد عايشين ..
هلأ إذا بتجي ع سوريا .. بتلاقي انو الموظف العادي .. بيقبض بالسنة صافي تقريبا .. (120 ألف .. ) بيحط منن :
5000 ليرة تعليم (وهوي مش تعليم .. هوي أجار غراض المدرسة كتب .. دفاتر وماإلا هنالك .. )
10000 ليرة بالكتير محروقات ..
والبقية مابعرف كيف .. بس بالمحصلة .. صحي الدخل بلبنان أغلى ... بس بالنسبة للمصروف .. منلاقي النتيجة نفسا .. ولكن بيختلف انو الواحد بيحس انو عم يقبض أكتر ..
...

ايوا مقبول انك تقول نفس الوضع.. بس أكيد مو عنا احسن..متل ما قال محسن..
يعني الاسعار عنا ارخص بس كمان مستوى دخل الفرد أقل..
أضف الى ذلك انو لبنان بلد كلياتنا منعرف وضعو الغير مستقر كليا من كل النواحي وحجم الديون ولحروب اللي مرفيهامن الظلم انو يتقارن بسوريا..
الاردن بلد عم يعيش على المساعدات.. مافي نفط مافي غاز ولا كهربا ولا حتى زراعة الا بمناطق محدودة ولك مي مافي بالاردن
اما عنا ..في نفط وغاز وفي امكانات سياحية متل لبنان واكتر كمان وفي مسطحات مائية كبيرة و اراضي زراعية لا تسأل..
يعني نحنا بلد مستقر وغني اكتر من اي بلد من اللي حوالينا.. فليش هيك الوضع؟؟

فليش هيك الوضع؟؟
لأن 90 % من دخلنا عم يروح كرمال نخلي شعب همجي اسمو اسرائيل .. قاعد متل الكلب ورا الحدود .. ناطر لقمة لحمة مغمسة بالدم .. وعارف انو مارح ياخدا لاهلأ ولا بعدين ... ليهك رح نضل هيك .. لحتى نضل نحسسو انو كلب ....
يعني الاسعار عنا ارخص بس كمان مستوى دخل الفرد أقل..
في عندك معادلة بالنص ... رواتب طلعت .. أسعار لحقيتا ... هي الوضع الإقتصادي بالعالم .. المواد الأولية عم تقل .. السكان عم يزيدو .. البيئة عم تنحرق .. منين بدو يجي الدخل .. اكيد مارح تمطر السما مصاري .. :D
.
.

على كل حال ... يمكن اللي عم يصير فينا (كعرب ..) .. من أيدنا .. أكيد إذا بدنا نضل فاعدين وناطرين المصاري والعيشة لتوصل لتمنا .. رح نضل هيك .. ومارح يمر بكرا واحد من جنبنا .. ويعطينا كم مليار يورو لنسد العجز ... (لك إذا البشري بيمر جنب شحاد .. عم يطلب عشر ورقات حق سندويشة .. بيطلع فيه وبيزورو .. ويمكن يسبو .. كيف بدكن عالم تعطينا ملايين عالمرتاحة .. وبدون عواقب وطلبات ..)
شعبنا .. تعود عالقعدة ... مافي ابتكار .. مافي اختراعات ..
شي مرة حاولنا نطور شي شغلة .. ونبيعا للغرب .. وللا ماشاطرين غير انو ناخد .. ونتعجب من التقنيات ..
اللي بعرفو انو عم تنصرف كتير مصاري ع شغلات تافهة .. (كل يوم موبايل شكل .. - السيارة إذا ضلت كم سنة .. لازم نغيرا صارت قديمة .. مابقاتا كوول .. بيروح الواحد عأغلى محل ليجيب لولادو قطة تياب .. كرمال تقول العالم .. ليك هادا شو معو مصاري .. (يمكن يحرم حالو من الأكل كرمال هالقطعة ..)
بس مو بإيدنا .. هي طبيعتنا .. وأكيد الحملة اللي عم يشنا الغرب عبر الفضائيات عم تعزز هالشي ..
أكيد كنت عم احكي عالشرق الأوسط بشكل عام ...
إذا بدنا نغير شي ... لازم نحنا نتغير اول ..

لأن 90 % من دخلنا عم يروح كرمال نخلي شعب همجي اسمو اسرائيل .. قاعد متل الكلب ورا الحدود .. ناطر لقمة لحمة مغمسة بالدم .. وعارف انو مارح ياخدا لاهلأ ولا بعدين ... ليهك رح نضل هيك .. لحتى نضل نحسسو انو كلب ....

هلق بدينك بربك , استحلفك باللي بتؤمن في, اسرائيل هي اللي قاعدة متل الكلب, اللي بيسمعك بقول نحني اللي كل يوم منغير عليها وهي بتهدد بالرد بالوقت المناسب

بعدين مين قلك انو 90 بالمية من دخلنا عم تروح على الجيش, شو نسيت المخابرات بتعرف كم فرع في وكم عنصر بكل فرع؟؟ اي هدول لحالن جيش

جيش من 35 سنة ما دخل حرب وحدة ولا رح يدخل اصلا حرب, وشافط كل موازنة الدولة وبالاخير ما عم نقدر نرد على اي اهانة منتعرضلا من اي عدو .

في عندك معادلة بالنص ... رواتب طلعت .. أسعار لحقيتا ... هي الوضع الإقتصادي بالعالم .. المواد الأولية عم تقل .. السكان عم يزيدو .. البيئة عم تنحرق .. منين بدو يجي الدخل .. اكيد مارح تمطر السما مصاري .. :D

طالما الوضع عالمي , ليش بس نحني هيك اللي عم نرجع لورا؟؟ وليش في شي اسمو حكومة وليش في شي اسمو لما بتفشل الحكومة بمعالجة الملف الاقتصادي بتنقلع و بتجي محلها حكومة جديدة.
.
.

على كل حال ... يمكن اللي عم يصير فينا (كعرب ..) .. من أيدنا .. أكيد إذا بدنا نضل فاعدين وناطرين المصاري والعيشة لتوصل لتمنا .. رح نضل هيك .. ومارح يمر بكرا واحد من جنبنا .. ويعطينا كم مليار يورو لنسد العجز ... (لك إذا البشري بيمر جنب شحاد .. عم يطلب عشر ورقات حق سندويشة .. بيطلع فيه وبيزورو .. ويمكن يسبو .. كيف بدكن عالم تعطينا ملايين عالمرتاحة .. وبدون عواقب وطلبات ..)

ما بدنا حدل يمر من جنبنا ويعطينا كم مليار, بدنا هالكم حرامي بالبلد اللي ثرواتن بالمليارات يرجعولنا شي كم مليار من اللي سرقون.

شعبنا .. تعود عالقعدة ... مافي ابتكار .. مافي اختراعات ..

شي مرة حاولنا نطور شي شغلة .. ونبيعا للغرب .. وللا ماشاطرين غير انو ناخد .. ونتعجب من التقنيات

اي فعلا لانو الحكومة موفرة كل شي والشعب قاعد بالقهاوي, ليش برا بتلاقي السوريين بتبتكر وبتحقق مستقبل مهني ممتاز, لانو في برا شي متوفر وعنا ما في شي متوفر غير الكهربا والمي وهدول بكفو على قولتك:lol:

بالمانيا في اكتر من 3 الاف طبيب و شي 5 الاف مهندس سوريين , الاطباء مثلا سمعتن المهنية احسن من الالمان نفسن

..
اللي بعرفو انو عم تنصرف كتير مصاري ع شغلات تافهة .. (كل يوم موبايل شكل .. - السيارة إذا ضلت كم سنة .. لازم نغيرا صارت قديمة .. مابقاتا كوول .. بيروح الواحد عأغلى محل ليجيب لولادو قطة تياب .. كرمال تقول العالم .. ليك هادا شو معو مصاري .. (يمكن يحرم حالو من الأكل كرمال هالقطعة ..)

لك مشان الله, مين معو ليش يصرف على هيك شي, انت عم تحكي عن نسبة ما بتطلع 10 بالمية والباقي عم يشتهي على اللحمة والفواكه وما معو يشتري
بس مو بإيدنا .. هي طبيعتنا .. وأكيد الحملة اللي عم يشنا الغرب عبر الفضائيات عم تعزز هالشي ..
أكيد كنت عم احكي عالشرق الأوسط بشكل عام ...
إذا بدنا نغير شي ... لازم نحنا نتغير اول ..



منرجع لثقافة الهزيمة ونحط الحق على الشعب الضحية اللي الله لايقيمو و بيستاهل :shock:

كمان هي اهداء خاص مني الك.. ولرجل من ورق ولأيهم وبترفلاي ولكل الشبيبة
بتمنى تقروها غنااءا.. مع محبتي..

بدو ينقطع البنزين بها اليومين...
مش رح ينقطعو الاجرين..

بدو ينقطع البراد بها اليومين ..
منسقع بين النهرين..

رح ينقطع النفس الباقي بها اليومين..
منبقى منتنفس بعدين

يمكن رح ينقطع النيدو بها اليومين..
امك في عندا بزيييييييييننن

رح ينقطع الامل الباقي بها اليومين..
مننطر لسنة الالفين..
شي عجيب كيف ماشي مخشخش من دون خشخاشي
لشو اهبل
ولشو ماشي
شي عجيييب...


حلوة كتير هي, سمعانها بزماني مو لزياد الرحباني

صاحبنا ما رح يقتنع, رغم انو الاغلبية صوتت انو الوضع سئ

يلا بكرا بس ينصدم بالواقع المر بيقتنع :lol:

لأن 90 % من دخلنا عم يروح كرمال نخلي شعب همجي اسمو اسرائيل .. قاعد متل الكلب ورا الحدود .. ناطر لقمة لحمة مغمسة بالدم .. وعارف انو مارح ياخدا لاهلأ ولا بعدين ... ليهك رح نضل هيك .. لحتى نضل نحسسو انو كلب ....

في عندك معادلة بالنص ... رواتب طلعت .. أسعار لحقيتا ... هي الوضع الإقتصادي بالعالم .. المواد الأولية عم تقل .. السكان عم يزيدو .. البيئة عم تنحرق .. منين بدو يجي الدخل .. اكيد مارح تمطر السما مصاري .. :D
.
.

على كل حال ... يمكن اللي عم يصير فينا (كعرب ..) .. من أيدنا .. أكيد إذا بدنا نضل فاعدين وناطرين المصاري والعيشة لتوصل لتمنا .. رح نضل هيك .. ومارح يمر بكرا واحد من جنبنا .. ويعطينا كم مليار يورو لنسد العجز ... (لك إذا البشري بيمر جنب شحاد .. عم يطلب عشر ورقات حق سندويشة .. بيطلع فيه وبيزورو .. ويمكن يسبو .. كيف بدكن عالم تعطينا ملايين عالمرتاحة .. وبدون عواقب وطلبات ..)
شعبنا .. تعود عالقعدة ... مافي ابتكار .. مافي اختراعات ..
شي مرة حاولنا نطور شي شغلة .. ونبيعا للغرب .. وللا ماشاطرين غير انو ناخد .. ونتعجب من التقنيات ..
اللي بعرفو انو عم تنصرف كتير مصاري ع شغلات تافهة .. (كل يوم موبايل شكل .. - السيارة إذا ضلت كم سنة .. لازم نغيرا صارت قديمة .. مابقاتا كوول .. بيروح الواحد عأغلى محل ليجيب لولادو قطة تياب .. كرمال تقول العالم .. ليك هادا شو معو مصاري .. (يمكن يحرم حالو من الأكل كرمال هالقطعة ..)
بس مو بإيدنا .. هي طبيعتنا .. وأكيد الحملة اللي عم يشنا الغرب عبر الفضائيات عم تعزز هالشي ..
أكيد كنت عم احكي عالشرق الأوسط بشكل عام ...
إذا بدنا نغير شي ... لازم نحنا نتغير اول ..


عم تحكي عن سوريا بامقطع الاخير؟
ليك عنا تعليم موفرته الدولة بس ..............................
طيب من الاخر خيو انو شو عم تقترح؟؟؟؟؟؟؟؟؟؟؟؟؟؟؟؟؟؟؟؟ ؟؟؟

انت عم تتهكم محارب عتيق وما جاوبت ع السؤال
بذمتك مو خجلان من سؤالك

هلأ إذا بتجي ع سوريا .. بتلاقي انو الموظف العادي .. بيقبض بالسنة صافي تقريبا .. (120 ألف .. ) بيحط منن :
5000 ليرة تعليم (وهوي مش تعليم .. هوي أجار غراض المدرسة كتب .. دفاتر وماإلا هنالك .. )
10000 ليرة بالكتير محروقات ..
والبقية مابعرف كيف .. بس بالمحصلة .. صحي الدخل بلبنان أغلى ... بس بالنسبة للمصروف .. منلاقي النتيجة نفسا .. ولكن بيختلف انو الواحد بيحس انو عم يقبض أكتر ..
...



5000 تعليم :shock: إتقي ألله يا رجل لك أنا طالب جامعة و نظامي يعني عا حساب دولتك , بحط كل سنة حق كتب 4000 و 1250 رسوم تسجيل صارو 5250 و بدي أقل شي بعشر تالاف محاضرات و أمليات صارو 15 ألف هاي بغض النظر عن كل شي جانبي ..

أخي الأصغر مني طالب بكالوريا للأسف أنو ما في أستاز بيعطي منهاج البكالوريا بضمير .. فا حاط دورات على سبيل المثال لا الحصر دورة الرياضيات 50 ألف ليرة طبعا ً هاي مع مجموعة لو الأستاز بدو يجي لعندو عشر أضعاف المبلغ ..

فا أينو 5000 بدا تكفي تعليم , أزا أقل روضة ما بتقبل برسوم 20 ألف سنوية و بتقلي 20 ألف ؟! :sick:

حاج وجعني ألبي بلا ما نحكي عالمحروقات لأني ال 10 تالاف ما بتكفي عيلة فيا عروس و عريس .. :pos:

ما هوي معتبر انو مدراسنا فايف ستارز واستاذتنا بيجننوا ودخلك لشو الدروس الخصوصية شو نسيت ابناؤنا في الجولان ؟؟؟؟؟؟

ما هوي معتبر انو مدراسنا فايف ستارز واستاذتنا بيجننوا ودخلك لشو الدروس الخصوصية شو نسيت ابناؤنا في الجولان ؟؟؟؟؟؟
ضحكتني يازلمة من القلب . شو الي ذكريات مع هالبرنامج :lol:

ما هوي معتبر انو مدراسنا فايف ستارز واستاذتنا بيجننوا ودخلك لشو الدروس الخصوصية شو نسيت ابناؤنا في الجولان ؟؟؟؟؟
مابقللك حكيك غلط ... بس الغلط برأيك منين ..!؟
5000 تعليم إتقي ألله يا رجل لك أنا طالب جامعة و نظامي يعني عا حساب دولتك
حبيب عم احكي عالمدرسة ... بس انو بالجامعة .. اي صح حكيك .. بس ماتنسى انو برا .. في عندك رسم تسجيل بيعادل عالسوري 500 الف .. وفيك ماتبعد كتير .. خود الجامعات السورية الخاصة ..
حاج وجعني ألبي بلا ما نحكي عالمحروقات لأني ال 10 تالاف ما بتكفي عيلة فيا عروس و عريس ..
كأنو في مبالغة شوي .. مو .. بتوقع سورية بعيدة شوي عن القطب الشمالي ..
طيب من الاخر خيو انو شو عم تقترح؟؟؟؟؟؟؟؟؟؟؟؟؟؟؟؟؟؟؟؟ ؟؟؟
بقترح شوية تغييرات بفكرنا .. وتفكيرنا .. وماننسى انو سوريا من الدول الشبه نامية ..

أنا بقترح انو نسكر هالسيرة باعتبار الكل وضح وجهات نظرو وصار الحكي مكرر



مغلق :D