بخصوص الحجاب .... [الأرشيـــــف]

saman

22/03/2009, 22:40

مرحبن :D
انو كل فترة والتانية بينطرح هالموضوع وبيبلش الخبيط ... وبينتهي بارشفة الموضوع وبكم مخالفة !:lol:

انو حبيت اطرح كم نقطة وعلّق عليهن ...

- بيجي حدا وبيضل بيحكي انو المحجبة لؤلؤة وقمر والمو محجبة كخة .. طيب من عطاك الحق انك تقيم المرأة او اي بنت من حجابها ... اخلاق البنت ما بتتقيم من وضعها للحجاب او لأ ... انو والله عجبة ....!:shock:
يعني هالتفاهة بهالامثلة يلي عم يحطها هالحدا .. بتقزز وبتخلي الواحد فعلاً يقرف الحجاب ... وبيروح وبيجي وبيقول الله يهديكي ! اي هداك خشت ...:pos:

- بيجي حدا بيرد انو الحجاب تفاهة وتخلف وهوي مجرد خرقة بالية ما لها طعمة ... طيب اوكيه انت ضد الحجاب .. هاد رأيك ... وتصتطفل منك الو ... يعني في كتير نساء محجبات .. بس هاد ما بيعني انو هني متخلفين ورجعيين ... ولا تنسى انت لما تحكي هيك بجوز عم تهين امرأة موجودة هون او اخت او ام شي حدا هون ....وبما انو انت يلي ضد الحجاب غالباً بتكون مع حقوق المرأة .. فا من حقوق المرأة على علمك انو تختار اللباس يلي بدها ياه .. ومن حقها تعتقد بالاعتقاد يلي بدها ياها ... ومالك حق تفرض عليها الحجاب او تفرض عليها نزعو !:?

بالنهاية انا مو ضد الحجاب ولا مع ... بس انو مع حرية البنت .. لك يا اخي تصطفل !:pos:
شو بيهمكن انتو .. مفكرين حالكن عم تهدوها مثلاً ؟؟ او عم تحرروها من القيود !!:?
حبيت اطرح هالنقط يلي عم نشوفها كتير ... و يفضّل ما يبلش الخبيط بين بعض .. لانو هون فايتين نتناقش مو قاعدين بساحة حرب ! :pos:

سوا ربينا

22/03/2009, 22:51

اي الحجاب ما بيقيم البنت ... لانو في عندك اشكال بتلبس الحجاب يمكن غصب عنها ...
وغير هيك في كتير محجبات الحجاب هوي وقلتو واحد يعني بتلبسلي حجاب والبنطلون ديق جدا جزيلا ... اي انا بقول لا اشلحي الحجاب احسن ... :? وغير انو في كتير محجبات اخلاق ما عندهن ...
وكتير مش محجبات احسن من محجبات بمليون مرة ... فبالنهاية الحجاب ما بيقيم البنت ... واللبس اجمالا ما بيقيم البنت ...انما اخلاقها وتصرفاتها وطريقة كلامها ...

باشق مجروح

22/03/2009, 22:59

متل ما اسلفت حضرتكم :p انو هالموضوع انلعى قلبنا من النقاش فيه .
بس يعني في نقطتين :
1 - الحرية الشخصية . تشمل حرية الشخص باللباس . وبما انو المرأة انسان فأكيد الها حق تقرر لباسها بحجاب أو بدون حجاب وهاد ما بينقص من قيمتها شي او بزيد .
2 - الارهاب الفكري . كتير من الفتيات بيتعرضو للضغوط حتى يوضعو الحجاب . وكتير منهون بيوضعو اجبارياً . كمان العادات بالمجتمع بشكل عام احياناً تمارس ضغوط نفسية على الفتاة لارتدائها الحجاب . فهي تربت على انو خلع الحجاب هو كارثة من الكوارث ومعصية كبرى وخروج عن الدين والمجتمع . فهي تضع الحجاب لا بقناعة عقلية راسخة . بل اما بضغط او غسيل دماغ .

بالنهاية الي الحق في حب أو كره الحجاب . وليس لي الحق في التحكم بوضع المرأة ام خلعها له.

a7la lolo

23/03/2009, 00:05

هو فعلا الحجاب ابدا ما بيدل عل سلوك البنت او المرأة .. يعني بصفي في بنت مو محجبة بس هادية وشاطرة لابعد الحدود وكلها اخلاق وزوق بس بنفس الصف في بنت محجبة بس أخلاقها عدم وكمان في العكس يلي انو المحجبة مهذبة والمو موحجبة مافيها لا اخلاق ولا زوف ,,
فيلي بيحكي عن البنت واخلاقها وشخصها من شكلها الخارجي .. فيك تحكي عنو .. أعمى
اما يلي بدو يحكي عن حرية المرأة او يهددها متل ماقلت .. فهاد يا ويلو من ربو .. غذاب عسير وبئس المصير :p
تسلم عطرحك الموضوع :D

personita

23/03/2009, 00:18

.. فا من حقوق المرأة على علمك انو تختار اللباس يلي بدها ياه .. ومن حقها تعتقد بالاعتقاد يلي بدها ياها ... ومالك حق تفرض عليها الحجاب او تفرض عليها نزعو !:?
بالنهاية انا مو ضد الحجاب ولا مع ... بس انو مع حرية البنت .. لك يا اخي تصطفل !:pos:
شو بيهمكن انتو .. مفكرين حالكن عم تهدوها مثلاً ؟؟ او عم تحرروها من القيود !!:?

يسلمو ميرو، معاك على طول الخط! ! :deal:

leonardo_dicabreo

23/03/2009, 00:31

أول اشي متل ما تفضلوا الشباب مثنى وباشق , انه الموضوع صار كتير محكي فيه !!:pos:

وأنا تماما جدا جزيلا بضم صوتي لرأي مثنى زي ما حكى انه البنات يلي بيلبسوا حجاب وبتلاقيهم لابسين تنوره :? !!!
IT DOESN'T MAKE ANY SENSE !!

ومتل ما حكى مثنى انه في بعض البنات بتلبس الحجاب غصب عنها (خاوه) لانه اخوانها بغصبوا عليها :cry:

! ! وانا براي الشخصي ومن الي لاحظته انه اغلب البنات المتحجبات هنه البنات الملعبات (المو مزبوطات)...:pos:

بالعكس نسبه كبيره من البنات الي مو متحجبات بكونوا اشرف من المحجبات!!:jakoush:
وبالنهايه بترجع الشغله شغلة حريه , أو شغلة خاوات !!;)

الحجاب لا يعني العفه والشرف الخ....

:Dتحياتي:D

أإأبو العبد

23/03/2009, 00:33

nour333

23/03/2009, 00:47

- بيجي حدا بيرد انو الحجاب تفاهة وتخلف وهوي مجرد خرقة بالية ما لها طعمة ... طيب اوكيه انت ضد الحجاب .. هاد رأيك ... وتصتطفل منك الو ... يعني في كتير نساء محجبات .. بس هاد ما بيعني انو هني متخلفين ورجعيين ... ولا تنسى انت لما تحكي هيك بجوز عم تهين امرأة موجودة هون او اخت او ام شي حدا هون ....وبما انو انت يلي ضد الحجاب غالباً بتكون مع حقوق المرأة .. فا من حقوق المرأة على علمك انو تختار اللباس يلي بدها ياه .. ومن حقها تعتقد بالاعتقاد يلي بدها ياها ... ومالك حق تفرض عليها الحجاب او تفرض عليها نزعو !:?

:pos:
بما اني محجبه فالموضوع بخصني وحبيت عقب شوي
اولا انا ضد تقييم المرأة محجبه ومو محجبه في تصنيف تاني حسب الانسانيه كل ما كان الواحد عندو اخلاق وبيتعامل مع الناس بأنسانيه بكون شخص يستحق الاحترام
طبعا مع تأكيدي انو لحجاب فرض لهيك انا برتديه مو لآنو ما معي مصاري اعمل سشوار لشعري ولا مشان خايف من اب او اخ
كلمه بقولها لكل محجبه اوعي تفكري حالك احسن من من البنت اللي مو محجبه لأنو وقت الانسان بحط ببالو هيك فكره معناتو وصل لأسفل الهرم الاخلاقي
بقيت نقطه اخيره انو لحجاب تخلف .........ازا كان هيك ليه بتلاقي كتير متعلمات طبيبات ومهندسات وفنانات (اكيد هالفنانه ما حد غصبها تتحجب) متحجبين؟؟؟؟
بكتاب تخرج صاحبتي دكتور صيدله من كل الدفعه كانت بنت وحده مو محجبه هاد مثال

! ! وانا براي الشخصي ومن الي لاحظته انه اغلب البنات المتحجبات هنه البنات الملعبات (المو مزبوطات)...:pos:

بالعكس نسبه كبيره من البنات الي مو متحجبات بكونوا اشرف من المحجبات!!:jakoush:
وبالنهايه بترجع الشغله شغلة حريه , أو شغلة خاوات !!;)

الحجاب لا يعني العفه والشرف الخ....

:Dتحياتي:D

اكيد في بنات محجبين مو مناح لأنن بشر فيهن الصالح والطالح والملابس متل ما بتخفي جمال بتخفي قبح كمان لحجاب متل ما بتلبسو بنت عندا اخلاق بتلبسو بنت ما عندا
بس يا ريت ما تعملها قاعده وتقيس عليها

fernanda bachchan kfoury

23/03/2009, 01:24

..Jimy

23/03/2009, 01:30

نسبه كبيره من البنات الي مو متحجبات بكونوا اشرف من بعض المحجبات!!////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

:D

شخصيا ما احتكت مع كتير محجبات ..بس يلي عرفتن كانوا كتير طيوبين :lol:..

mary belle

23/03/2009, 01:41

وأنا تماما جدا جزيلا بضم صوتي لرأي مثنى زي ما حكى انه البنات يلي بيلبسوا حجاب وبتلاقيهم لابسين تنوره :? !!!
IT DOESN'T MAKE ANY SENSE !!

! ! وانا براي الشخصي ومن الي لاحظته انه اغلب البنات المتحجبات هنه البنات الملعبات (المو مزبوطات)...:pos:

بالعكس نسبه كبيره من البنات الي مو متحجبات بكونوا اشرف من المحجبات!!:jakoush:

الحجاب لا يعني العفه والشرف الخ....

:Dتحياتي:D
هيدي وجهة نظرك انت و قليل لي بيقولو معك حق..و كل انسان ما بيعرف شو في جوات التاني من اخلاق و ما فينا نحكم علبنت من منظرا يعني لابسه حجاب او مش لابسه هيي حرة..بس الاخلاق يلي تربت عليها ما بتغيرلها طباعها,كيف ما كانت لابسه..

اكيد في بنات محجبين مو مناح لأنن بشر فيهن الصالح والطالح والملابس متل ما بتخفي جمال بتخفي قبح كمان لحجاب متل ما بتلبسو بنت عندا اخلاق بتلبسو بنت ما عندا
بس يا ريت ما تعملها قاعده وتقيس عليها

:D
:D

شخصيا ما احتكت مع كتير محجبات ..بس يلي عرفتن كانوا كتير طيوبين :lol:..

lol يا رب دايما اتضل مع لمناح:o

leonardo_dicabreo

23/03/2009, 02:17

اكيد في بنات محجبين مو مناح لأنن بشر فيهن الصالح والطالح والملابس متل ما بتخفي جمال بتخفي قبح كمان لحجاب متل ما بتلبسو بنت عندا اخلاق بتلبسو بنت ما عندا
بس يا ريت ما تعملها قاعده وتقيس عليها
أنتي فهمتيني غلط ! !

ازا دققتي بــ الي كتبته منيح , "انا حكيت البعض وما عممّت , يعني في

بنات بيلبسوا الحجاب عن قناعه بدون غصب من اي طرف من الاهل او من

ورا اي سبب تاني الخ... ! !

وزي ما حكيت اصابع ايديكي مو واحد !!

وكل واحد بيعرف ايش بنفسه واهم اشي النيه , واعتقد انه متفقين ! !

:Dتحياتي:D

leonardo_dicabreo

23/03/2009, 02:19

:D

للللللللللل

Abu ToNi

23/03/2009, 02:30

leonardo_dicabreo

23/03/2009, 02:45

:D

والله مش عارف ايش بدي احكيلك بالضبط , لانك ماخده الشغله
PERSONAL:shock:

وأمير نبّه من البدايه انه هاد حوار ونقاش .

المهم :

اكيد متل ما تفضلتي حضرتك التربايه بتلعب دور كبير بحياة البنت !!

والشغله بترجع شغلة حريه وووو ....الخ !!:larg:

اعتقد انه وجهة نظري صارت واضحه , وبرجع بأكد مره تانيه اني ما بعمم "البعض" ! :gem:

وانشالله انها تكون وصلت !!;)

:Dتحياتي:D

أإأبو العبد

23/03/2009, 02:47

بس انه ليش عما تعملن ؟

هلا متل ماقالو الشبيبة انو البعض بيتحجب خاوة بس البعض الاخر بيكون مقتنع انو الحجاب حشمة
طبعا هاد بغض النظر عن تعاليم الدين

leonardo_dicabreo

23/03/2009, 02:50

للللللللللل

عفوا عالخطأ المطبعي ! ! :?

stormsmaker

23/03/2009, 02:57

المهم هو :الحجاب غير قادر على زيادة البنت العفيفة عفة و غيابه غير قادر على انقاص البنت العفيفة عفة

mhsen77

23/03/2009, 02:59

بخصوص الحجاب و المحجبات

يلي بيحب المحجبات ياخد محجبة و بتعجبو اخلاقا

ويلي بيحب المو محجبات ياخد وحدة مو محجبة و بتعجبو اخلاقا

و انتهت القصة

يعني هيدا بدو يهدي والتاني بدو يحرر
و االه عجيبة شو بدكن بالناس

يا خيو يلي بتشكيلك همها ابقى اهديها او حررها حسب ما بدا و الباقي تركون بهمون

leonardo_dicabreo

23/03/2009, 03:06

المهم هو :الحجاب غير قادر على زيادة البنت العفيفة عفة و غيابه غير قادر على انقاص البنت العفيفة عفة

هاد بالضبط الي انا بقصده ! ! :larg:

تحياتي الحاره STORMSMAKER :D

personita

23/03/2009, 03:07

سؤال على الهامش : انه بعرف الحرية شي مقدس وبعرف انه الحرية فعل سامي وبعرف انه الحرية شي عظيم ...
بس انه سؤال بسيط ... شو الحرية اللي فيني عبر عنها بطريقة لبسي ؟
يعني شخصيا ماني ضد انه الشخص يلبس الشي اللي بحبه والشي اللي بريده ومستعد قاتل كل شخص عما يحرم التاني من هلحق بما فيه حق ارتداء الحجاب
بس انه ما كتير ركبت براسي فكرة التعبير عن الحرية عبر ارتداء الحجاب ... كأنك عما تقلي فيني امشي بالطريق وانا مغمض عيوني .. اي معك انا انت حر وفينك تعمل الشغلتين بس انه ليش عما تعملن ؟

عفوا أبو طوني، بس أنا بشوف مقارنتك هون مش في محلا، أقصد مقارنة الحجاب بانك تمشي مغمض عيونك. اللبس يدخل في إطار الحريات الشخصية (اللي هي طبعا مش مطلقة) لأنو اللي بيحددها بالنهاية هو المحيط الثقافي و الاجتماعي، و مشان هيك هي جد نسبية، بس ما فينا ننكر أنو سواء لبس الحجاب أو عدمو (الحالتين معا) هو حرية، هلا كيف حرية؟
بالنسبة للمسلمة اللي بتلبسو اقتناعا -مش قسرا أو تحت ضغط مجتمع- هو تعبير عن حريتها الدينية اللي حسب تصورها أو اعتقادها بيفرض عليها هيك لبس، مثل الراهبة اللي بتلبس لباسها عن اقتناع و مش تحت ضغط الكنيسة، فهاي الحالة أعتبر أنو حرمانها من ها الحق أو تهميشها فقط لأنها لابسة حجاب هو اعتداء على حريتها الشخصية بنفس الطريقة اللي رح يكون إجبار بنت على ارتداء شي هي مش طايقاه و لا شايفالو لازمة أصلا اعتداء على حريتها في اختيار لبسا.:D

همس الياسمين

23/03/2009, 04:24

يسلمون ميرو :D
موضوع ظريف :melody:
متابعة الاحداث انا :7asheesh: اي بدها حشيشة

leonardo_dicabreo

23/03/2009, 06:29

لانو هون فايتين نتناقش مو قاعدين بساحة حرب ! :pos:
ايش يا امير , وينك ما تقلي بتدرس ! !:frown:

انته حطيت الموضوع وبعدين فركتها !!!:p

ورينا همتك بالردود:D

inodessa

23/03/2009, 11:01

انا مع حشمة المرأة... بس لقدر ما تنتقص فيه من مستوى الرجل و تعتبره "أزعر" فتختبي منه وكأنه مخيف!
انا كرجل اشعر ان الحجاب انتقاص لي! و كأني أخيف المرأة برجولتي!!!!

Romance Queen

23/03/2009, 13:46

هلأ ما بيصير ننكر فرضية الحجاب وانو الافضل للبنت, طبعا بدون ضغط و غصب و انو تلبسه من نابع الايمان من نفسها هيي و تطبيقا لأوامر الله والالتزام فيه و بالتالي هوي بيحافظ عليها من عيون ناس مريضة و حتى لازم ينسأل سؤال او حتى تسأل البنت نفسها ( مين بيستاهل يشوف جسمي و جمالي الا زوجي و أهلي و محارمي ؟ ) متل ما الله أمر و بالتالي ما رح تلاقي حدا بيستاهل

بس بالنسبة انو اذا الحجاب بعبر عن شخصية و اخلاق البنت هادا مرفوض تماما .و متل ما انذكر انو في كتير اللي بيلبسوا و ما بيلتزموا و بيكونو اقطع من اللي مش لابسين و العكس صحيح .بالنهاية البني الادم سواء كان رجل او امرأة شخصيته و تعامله و اخلاقه و قناعاتو هيي اللي بتعبر عنو مش لبسو
و الله يهدي الجميع للي في مصلحتهم و صلاحهم

أإأبو العبد

23/03/2009, 14:06

انا مع حشمة المرأة... بس لقدر ما تنتقص فيه من مستوى الرجل و تعتبره "أزعر" فتختبي منه وكأنه مخيف!
انا كرجل اشعر ان الحجاب انتقاص لي! و كأني أخيف المرأة برجولتي!!!!

هلا ياشريك انت هون عمتناقد الاصوات الي بتنادي ضد الحجاب يعني كل الي واقفين ضدو حجتن انو الحجاب فرضو الرجل على المرأة وهو انتهاك من الرجل لحقوق المرأة
هلا في رد هون بيفسرلك معنى الحجاب
( مين بيستاهل يشوف جسمي و جمالي الا زوجي و أهلي و محارمي ؟ ) متل ما الله أمر و بالتالي ما رح تلاقي حدا بيستاهل فليش لحتى تشيل لحجاب قدامك او قدام غيرك طالما البنت او المرأة بتعتبر انو ماحد بيستاهل والمفروض مايعتبر هاد انتقاص الك واذا انت منيح في غيرك كتار ولادين حرام
وبالنهاية يامعلم بتمنى منك تعتبر لحجاب قناعة شخصية :D

inodessa

23/03/2009, 15:50

هلا ياشريك انت هون عمتناقد الاصوات الي بتنادي ضد الحجاب يعني كل الي واقفين ضدو حجتن انو الحجاب فرضو الرجل على المرأة وهو انتهاك من الرجل لحقوق المرأة
هلا في رد هون بيفسرلك معنى الحجاب
( مين بيستاهل يشوف جسمي و جمالي الا زوجي و أهلي و محارمي ؟ ) متل ما الله أمر و بالتالي ما رح تلاقي حدا بيستاهل فليش لحتى تشيل لحجاب قدامك او قدام غيرك طالما البنت او المرأة بتعتبر انو ماحد بيستاهل والمفروض مايعتبر هاد انتقاص الك واذا انت منيح في غيرك كتار ولادين حرام
وبالنهاية يامعلم بتمنى منك تعتبر لحجاب قناعة شخصية :D

كيفك اخي أبو العبد... شكرا لفهمك مشاركتي بشكل صحيح...
بالنسبة لموضوع فرض الرجل للحجاب على المرأة (وهذا وارد بمجتمعنا)... فالواجب ان تتخلص المرأة من فروض الرجل وتعيش بقناعاتها.. كفاها الله..
اما انو المرأة مو حابة تفرجي شعرها او شيء من جمالها لحدا فهذا بعود الها.. ولو انو النسوان غالبا بحبو يكونوا حلوات بنظر الكل.. وهالشي بيعطيهم ثقة بنفسهم!!!!!

المشكلة وقت المرأة بتهرب من ولاد الحرام بالحجاب او بطرق اخرى!! الى متى هذا الهرب؟؟ الن تستطيع مواجهتهم يوما؟؟ اذا لم تكن قادرة فلتعترف بضعفها اذا.
هذا غير انو ولاد الحرام ما بينهرب منهم ولا بشكل الا اذا اختبت المرأة بمنزلها.. يعني ولاد الحرام ما بيلطشو المحجبات او ما بيتحرشو فيهم؟؟

و مشان النهاية.... انا مقتنع تماما انو اللباس كلو حرية شخصية او بالاحرى قناعة شخصية كما حضرتك ذكرت. :D

cornholio

23/03/2009, 18:57

المهم هو :الحجاب غير قادر على زيادة البنت العفيفة عفة و غيابه غير قادر على انقاص البنت العفيفة عفة

و فكت يا عرب :D:larg:

saman

23/03/2009, 23:22

سؤال على الهامش : انه بعرف الحرية شي مقدس وبعرف انه الحرية فعل سامي وبعرف انه الحرية شي عظيم ...
بس انه سؤال بسيط ... شو الحرية اللي فيني عبر عنها بطريقة لبسي ؟
يعني شخصيا ماني ضد انه الشخص يلبس الشي اللي بحبه والشي اللي بريده ومستعد قاتل كل شخص عما يحرم التاني من هلحق بما فيه حق ارتداء الحجاب
بس انه ما كتير ركبت براسي فكرة التعبير عن الحرية عبر ارتداء الحجاب ... كأنك عما تقلي فيني امشي بالطريق وانا مغمض عيوني .. اي معك انا انت حر وفينك تعمل الشغلتين بس انه ليش عما تعملن ؟
أهلين ابو طوني ....:D
بس هون صارت الحرية حرية دينية ... ازا هيي حرة باعتقادها بانو الاسلام فرض عليها الحجاب ... وهيي مقتنعة بهالشي .. ساعتها تصطفل ... ما فيني افرض عليها قناعة اخرى وهيي نزع الحجاب ... متل مو صاير بفرنسا مثلاً ...
كتيييير منا بيعتبر الحجاب رمز ديني (عند الاسلام ) بس هوي مو هيك بنوب ... هوي مو رمز ... هوي (على حسب ما بيقول الديني الاسلامي ) واجب .. متلو متل الصلاة ومتل الصوم ...
ماني فايت لهون لاحكي بنقاش ديني او اقنع حدا بنزع الحجاب او بوضعو ... انا فكرتي يلي بدي اوصلها هيي هي ...
المهم هو :الحجاب غير قادر على زيادة البنت العفيفة عفة و غيابه غير قادر على انقاص البنت العفيفة عفة
وشكراً STORMSMAKER ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
وشكراً للكل :D

alter

24/03/2009, 03:42

انا عندي راي تاني بكل هل الشي يلي كتبتوا
اول شي الحجاب فريضة فرضها الله عز وجل
وامر بها الرسول صلى الله عليه وسلم
تاني شي الحجاب هو عفة للمراة هادا ازا كانت بتعرف شو هو الحجاب بالنسبة للدين
واخر شي لما المراة بتلبس الحجاب تحتسبوا لله عز وجل لتأجر عليه وليس للناس

satoman

24/03/2009, 04:31

ياجماعه الحريه شو خصها بالحجاب هي كلمه كبيره الحريه

مابينفع تحجبوها

كل واحد يعمل اللي بدو اياه اما يتحجب او لاء هالشي بيرجع للعقيده او الفكر او العاده وبس

سيجارة

24/03/2009, 09:43

يمل
تضربو انتو وهيك مواضيع شو بايخة

cornholio

24/03/2009, 09:49

يمل
تضربو انتو وهيك مواضيع شو بايخة
هلق هادا اللي طلع معك :jakoush:

Abu ToNi

24/03/2009, 12:00

عفوا أبو طوني، بس أنا بشوف مقارنتك هون مش في محلا، أقصد مقارنة الحجاب بانك تمشي مغمض عيونك. اللبس يدخل في إطار الحريات الشخصية (اللي هي طبعا مش مطلقة) لأنو اللي بيحددها بالنهاية هو المحيط الثقافي و الاجتماعي، و مشان هيك هي جد نسبية، بس ما فينا ننكر أنو سواء لبس الحجاب أو عدمو (الحالتين معا) هو حرية، هلا كيف حرية؟

بالنسبة للمسلمة اللي بتلبسو اقتناعا -مش قسرا أو تحت ضغط مجتمع- هو تعبير عن حريتها الدينية اللي حسب تصورها أو اعتقادها بيفرض عليها هيك لبس، مثل الراهبة اللي بتلبس لباسها عن اقتناع و مش تحت ضغط الكنيسة، فهاي الحالة أعتبر أنو حرمانها من ها الحق أو تهميشها فقط لأنها لابسة حجاب هو اعتداء على حريتها الشخصية بنفس الطريقة اللي رح يكون إجبار بنت على ارتداء شي هي مش طايقاه و لا شايفالو لازمة أصلا اعتداء على حريتها في اختيار لبسا.:D

أهلين ابو طوني ....:D
بس هون صارت الحرية حرية دينية ... ازا هيي حرة باعتقادها بانو الاسلام فرض عليها الحجاب ... وهيي مقتنعة بهالشي .. ساعتها تصطفل ... ما فيني افرض عليها قناعة اخرى وهيي نزع الحجاب ... متل مو صاير بفرنسا مثلاً ...
كتيييير منا بيعتبر الحجاب رمز ديني (عند الاسلام ) بس هوي مو هيك بنوب ... هوي مو رمز ... هوي (على حسب ما بيقول الديني الاسلامي ) واجب .. متلو متل الصلاة ومتل الصوم ...
ماني فايت لهون لاحكي بنقاش ديني او اقنع حدا بنزع الحجاب او بوضعو ... انا فكرتي يلي بدي اوصلها هيي هي ...

ما كان ردي بمعنى الرد كان مجرد تساؤل لحشته بسؤال على الهامش :lol:
الهلامية المتعلقة بالقصة كتير عما تخلق ابعاد
انه فساعة بكون حرية شخصية ساعة بيتحول لحرية دينية وبالنهاية بكون المعنى المراد به فرضية دينية بعيد عن الحريات وعن القناعات الشخصية

بالنسبة الي الاشخاص اللي بيعتبروه حرية شخصية متل ما قلت ما عندي مانع معن وحريتن الشخصية وهنن ادرى كيف يتصرفوا فيها ، بس من جهتي بشوف ان الحرية الممارسة بطريقة غير منطقية وغير مبررة " على الأقل بالنسبة إلي " ما بتختلف عن السير مغمض العينين او ان الشخص يبخش انفه ويحط بينسر فيه
بالاخير البنسر اللي بالأنف او الحجاب اللي على الراس ماني ضدن وبعتبرن حرية شخصية بس شو الفائدة منن وشو هوي الشي اللي عما يتم تحصيلوا من الحرية هي :?

هاموش : حزفت الجزء تبع ميرو المتعلق بستورم ماكر قاصدا وليس من باب السهو ، واللي بده يزعل خليه يزعل واعلى ما بخليله يركبوا :p

nour333

24/03/2009, 12:34

بالنسبة الي الاشخاص اللي بيعتبروه حرية شخصية متل ما قلت ما عندي مانع معن وحريتن الشخصية وهنن ادرى كيف يتصرفوا فيها ، بس من جهتي بشوف ان الحرية الممارسة بطريقة غير منطقية وغير مبررة " على الأقل بالنسبة إلي " ما بتختلف عن السير مغمض العينين او ان الشخص يبخش انفه ويحط بينسر فيه
بالاخير البنسر اللي بالأنف او الحجاب اللي على الراس ماني ضدن وبعتبرن حرية شخصية بس شو الفائدة منن وشو هوي الشي اللي عما يتم تحصيلوا من الحرية هي :?

ممكن انت تطلع على عادات وتقاليد ناس وتحس انو بنسبه الك ما الها معنا عارف ليش لأنك ببساطه ما بتعتقد فيها
وبعدين معتقدات الانسان الدينية والاجتماعيه ما الها علاقه بتطورو او تخلفو يعني اليابانيين عالم مطوريين بس كتير بحافظو على تراثهم ولباسهم حتى طريقة شرب الشاي ما فيك متلا تحكي لواحد ياباني بدل ما تقعد ع الارض بهاي الجلسة وتعد الشاي بطريقة الصعبه فيك تسخن المي بالكهربا وتحط اكياس الشاي الاخضر وتشربو وانت ع مكتبك طريقتك التقليديه ماالها معنى !!!
يعني ممكن تقول لراهبه غطاء رأسك ما الو معنى او انت بتعرف الراهبه من لباسها يعني لو تشيل غطى الراس بتم راهبه؟؟؟

nour333

24/03/2009, 12:38

! ! وانا براي الشخصي ومن الي لاحظته انه اغلب البنات المتحجبات هنه البنات الملعبات (المو مزبوطات)...:pos:

أنتي فهمتيني غلط ! !

ازا دققتي بــ الي كتبته منيح , "انا حكيت البعض وما عممّت , يعني في

بنات بيلبسوا الحجاب عن قناعه بدون غصب من اي طرف من الاهل او من

ورا اي سبب تاني الخ... ! !

وزي ما حكيت اصابع ايديكي مو واحد !!

وكل واحد بيعرف ايش بنفسه واهم اشي النيه , واعتقد انه متفقين ! !

:Dتحياتي:D

انا ما فهمتك غلط بس مشان تعرف كيف فهمت انظر للمكتوب باللون الاحمر

Abu ToNi

24/03/2009, 13:07

ممكن انت تطلع على عادات وتقاليد ناس وتحس انو بنسبه الك ما الها معنا عارف ليش لأنك ببساطه ما بتعتقد فيها
وبعدين معتقدات الانسان الدينية والاجتماعيه ما الها علاقه بتطورو او تخلفو يعني اليابانيين عالم مطوريين بس كتير بحافظو على تراثهم ولباسهم حتى طريقة شرب الشاي ما فيك متلا تحكي لواحد ياباني بدل ما تقعد ع الارض بهاي الجلسة وتعد الشاي بطريقة الصعبه فيك تسخن المي بالكهربا وتحط اكياس الشاي الاخضر وتشربو وانت ع مكتبك طريقتك التقليديه ماالها معنى !!! يعني ممكن تقول لراهبه غطاء رأسك ما الو معنى او انت بتعرف الراهبه من لباسها يعني لو تشيل غطى الراس بتم راهبه؟؟؟

ما قصة اني معتقد فيها او لا قصة اني ما شايفلا نفع وما شايفلها غاية بتستاهل كل هلمشاكل اللي عما تصير مشانها ، يعني الحديث عنها كونا حرية غير الحديث عن العادات فهلق نقلتينا لغير محل ترا ها :lol:

انا ما صنفت الحجاب لتطور وتخلق ما بعرف انتِ فين شفتي هلشي :shock:
انا اللي قلته رد على انه حرية شخصية ، وبرجع بكرر بأن الحرية الشخصية بالنسب إلي بتخسر كتير من قيمها اذا مورست بهدف ممارستا بعيد عن الغاية المراد منها كوسيلة تعبير عن الشخص .

لا خيتو لا قصة اليابان بعيدة كتير عن النقطة اللي عما نحكي فيها هون
الياباني بالنسبة إله العادات هي تراث بلده وجزء من هويته ، كأن تقولي للسعودي تخلى عن العقال او تخلى عن الGلابية .
نحن ما عما نحكي على تراث شعب او رابط قومي بيربطن بتاريخن - دققي على كلمة شعب وتاريخ -
الحجاب مو مفهوم قومي عربي والا لما طولب مسلمات اوروبا مثلا بارتداء الحجاب ، عما نحكي على شكل من اشكال العقائد الدينية اللي بيعنى بجنس دون الآخر بغض النظر على قومية وتراثه وثقافته وتاريخه وافكاره .
هاموش : حسيت اقحام فكرة الراهبة هدفها توجيه سؤال إلي كوني مسيحي او هيك اوحي الك من اسمي:lol: فانه مشان غير مرة بقلك اني شخص لاديني ( بعطي اوقات على افكار ملحد او فينك اختصارا للمفاهيم والوقت تسميني سعدوي ) فما بتنفع معي هلحركات بالمرة ;)

طوروس

24/03/2009, 13:30

المشكلة ياجماعة الخير مو مشكلة حجاب وحرية شخصية المشكلة مشكلة احتكار للاخلاق
والوقوف وراء متاريس وسواتر منها الحجاب
هل كانت كل النساء داعرات قبل فرض الحجاب ؟؟؟
هل الغى الحجاب الدعارة بعض فرضه ؟؟؟
الحجاب في سياقه التاريخي كان للتمييز بين المرأة المؤمنة وغير المؤمنة
وأمر الله – سبحانه- بالحجاب فقال: "يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلا يُؤْذَيْنَ وَكَانَ اللَّهُ غَفُوراً رَحِيماً" [الأحزاب:59]
هل كان الاذى شائعا واراد الله حماية نساء الرسول وبناته ونساء المؤمنين فقط من الاذى هل من اباحة لاذى غير المؤمنات
ثم هل المراة الغير محجبة مشروع داعرة ومعرضة لاغواء الشيطان فيما المحجبة منيعة امام هذا الشيطان العاجز عن اختراق هذا الحجاب الخارجي
3- حكم من يقول أن المرأْة الشريفة لا تحتاج حجاب؟
كثيرا ما نسمع دعوات موجهة للمرأةتدعوها لخلع الحجاب , وتقول لها : ( ان المرأة الشريفة تستطيع أن تعيش بين الرجالبشرفها في حصن حصين لا تمتد اليها الأعناق ) , وربما تخدع بعض النساء بهذا الكلامفما تعليقكم على هذا جزاكم الله خيرا ؟الجوابتعليقنا أن هذه دعوة باطلة مصادمة للكتاب والسنة والعقل والطبيعةالانسانية , فان كل امرأة تبدو كاشفة الوجه حاسرة على مفاتنها لابد أن يتعلق بهاالرجال مهما كانوا , ولابد أن تؤذى مهما كانت عفيفة , وربما يغويها الشيطان , ويجرها الى الفاحشة , اما لهوى في نفسها مع كثرة المحاولة من أهل الفسوق . واماللضغط عليها حتى تأتي ما يريدون , واذا كانت المرأة شريفه فان شرفها يزداد اذاتحجبت الحجاب الشرعي , الذي يتضمن أول ما يتضمن تغطية الوجه , وهذا أمر معلومبالعقل والفطرة , والطبيعة الانسانية , ان الرجال ميالون الى النساء , ولا أحد أشرفولا أعف من نساء الصحابة - ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////م - ومع ذلك أمرن بالحجاب .الفاظ ومفاهيم في ميزان الشريعة ص 70-71
سماحة الشيخ محمد صالح العثيمينيرحمه الله
هل يحتاج هذا القول الى تفسير(( فان كل امرأة تبدو كاشفة الوجه حاسرة على مفاتنها لابد أن يتعلق بهاالرجال مهما كانوا , ولابد أن تؤذى مهما كانت عفيفة , وربما يغويها الشيطان , ويجرها الى الفاحشة , اما لهوى في نفسها مع كثرة المحاولة من أهل الفسوق ))
واخيرا عندما غادرنا المفكر الاسلامي رفاعة الطهطاوي الى الغرب (اوروبا) وعاد ليخبرنا انه يوجد اسلام ولايوجد مسلمين وعندما سألوه عن شرح هذا الرأي اجاب وجد اخلاق الاسلام ولم يجد مسلمين والعفاف من اخلاق الاسلام وكان موجودا في الغرب من ضمن الاخلاق اذا الاخلاق عامة والعفاف خاصة لم تكن مرتبطة بالزي الاسلامي

لابأس ان يروج البعض بأن الحجاب حرية شخصية

لابأس ان يقترن الحجاب بالشرف

ولكن هناك بأس في ان تستعمل قلة قليلة من المحجبات حجابها لتنظيف عورتها بعد زنى وتخرج لتقول انظرو ((انا محجبة فأنا شريفة ))ومن هي غير محجبة فهي غير شريفة

ولكن هناك بأس ان يقترن عدم التحجب بالدعارة

الدعارة اقدم مهنة في التاريخ وليست حكرا على شعب ولاعلى ملّة

واخيرا سنعود يوما لموضوع خاص باحتكار الاخلاق

شكرا لسعة صدركم

personita

24/03/2009, 17:39

ما كان ردي بمعنى الرد كان مجرد تساؤل لحشته بسؤال على الهامش :lol:
الهلامية المتعلقة بالقصة كتير عما تخلق ابعاد
انه فساعة بكون حرية شخصية ساعة بيتحول لحرية دينية وبالنهاية بكون المعنى المراد به فرضية دينية بعيد عن الحريات وعن القناعات الشخصية

بالنسبة الي الاشخاص اللي بيعتبروه حرية شخصية متل ما قلت ما عندي مانع معن وحريتن الشخصية وهنن ادرى كيف يتصرفوا فيها ، بس من جهتي بشوف ان الحرية الممارسة بطريقة غير منطقية وغير مبررة " على الأقل بالنسبة إلي " ما بتختلف عن السير مغمض العينين او ان الشخص يبخش انفه ويحط بينسر فيه
بالاخير البنسر اللي بالأنف او الحجاب اللي على الراس ماني ضدن وبعتبرن حرية شخصية بس شو الفائدة منن وشو هوي الشي اللي عما يتم تحصيلوا من الحرية هي :?

هلا، أنت لو بتسألني بصفة شخصية، شو الهدف من الحجاب / حط البنصر في الأنف، بحكيلك، ما الو أي معنى، بس لو بتسأل اللي حاط البنصر في أنفو بيحكي لك هيك الله أمرني و أنا عم طيع الله بها الممارسة شو ما كانت غريبة بالنسبة للآخرين، و أنا و بنصري بـأنفي بحس براحة نفسية و إني ربي راضي عني،و إني رح أدخل الجنة من ورا ها البنصر، بعكس إذا شلتوـ بكون ما بأدي واجبي الديني و بالتالي بحس إني مقصر دينيا.
باختصار، ممارسة الطقوس أو "الفروض" الدينية (حتى لو ما لقينا لها معنى) بالنسبة للشخص المتدين الها معنى، و ما فينا إلا نحترمو، إلا إذا كان في إطار ها الممارسة بيتعدى على حقوق غيرو أو بيفرض عليهم نفس الممارسة، هون غير طبعا.

أإأبو العبد

24/03/2009, 17:50

باختصار، ممارسة الطقوس أو "الفروض" الدينية (حتى لو ما لقينا لها معنى) بالنسبة للشخص المتدين الها معنى، و ما فينا إلا نحترمو، إلا إذا كان في إطار ها الممارسة بيتعدى على حقوق غيرو أو بيفرض عليهم نفس الممارسة، هون غير طبعا.

حلو الحكي:deal:
طيب شو موقفك من الي بيمنع الحجاب بالدول العلمانية لانو على حسب قولو رمز ديني والدولة العلمانية لازم مايكون فيها اي رمز ديني

اهلين والله:larg:

..AHMAD

24/03/2009, 17:54

طيب شو موقفك من الي بيمنع الحجاب بالدول العلمانية عفواً .. بس مو كأنو كل شغلة بتتعارض مع الدين .. عمندحش عليها تسمية علمانية ؟

في مجال تذكرلي اسم هالدولة اللي منعت الحجاب وقالت انو علمانيتها ما بتسمح بهالشي ؟

إذا قصدك على فرنسا فـ بهيك تصرف آخر شي ممكن ينسمي عالعلمانية هوي هيك تصرف .. فـ رجاءً لا تقلي العلمانية هيك بتفرض.

أإأبو العبد

24/03/2009, 18:11

عفواً .. بس مو كأنو كل شغلة بتتعارض مع الدين .. عمندحش عليها تسمية علمانية ؟

في مجال تذكرلي اسم هالدولة اللي منعت الحجاب وقالت انو علمانيتها ما بتسمح بهالشي ؟

إذا قصدك على فرنسا فـ بهيك تصرف آخر شي ممكن ينسمي عالعلمانية هوي هيك تصرف .. فـ رجاءً لا تقلي العلمانية هيك بتفرض.

حبيب انا ماقصدت اني اهين العلمانية لانو انا علماني بس للاسف عمشوف انو العلمانية متلها متل الاديان عمتتفصل وعمتتحرف على مزاج البعض

بعدين حابب وضح شغلة بردي انا ماقلت دول علمانية تمنع الحجاب
انا قلتشو موقفك من الي بيمنع الحجاب بالدول العلمانية
يعني قصدي الاصوات الي بتنادي بمنعو بالدول العلمانية
غير فرنسا عندك تركيا وعندك تونس دول علمانية فيها اشخاص عمتنادي بمنع الحجاب لانه رمز ديني وهاد ابعد مايكون عن العلمانية بس اذا بتلاحظ تبريرهم للمنع بتلاقيه مبني على اسس علمانية وتم التلاعب فيها

personita

24/03/2009, 18:12

حلو الحكي:deal:
طيب شو موقفك من الي بيمنع الحجاب بالدول العلمانية لانو على حسب قولو رمز ديني والدولة العلمانية لازم مايكون فيها اي رمز ديني

اهلين والله:larg:

أعتقد أنا رأيي واضح، ليش تنفرض على حدا لبس معين و ليش تنفرض عليه يشلح؟ بالنهاية احنا شو دخلنا؟!
صعبة كتير هاي انو نتقبل الكل في نفس الوقت؟

رجل من ورق

25/03/2009, 07:51

عم تنادي بمنع الحجاب شي والدولة مطلعة قرار تمنع الحجاب شي تاني

همس الياسمين

25/03/2009, 07:57

انو ميرو :angel: يحرء حريشك شو حركة انت :p
بعدني متابعة :melody:

هبه الاردن

25/03/2009, 12:51

كل صبيه حره بلباسها :D

خير الكلام ما قل ودل ;)

صفر

25/03/2009, 13:30

الحجاب حرية شخصية ... لكن هل من حق الدول العلمانية ان تمنع الحجاب أو لنقل الرموز الدينية في الجامعات والمدارس ؟؟؟

برأي هذا شيء صحي وضروري ... من أجل إلغاء كافة أشكال التمييز ...

تحياتي :D

أإأبو العبد

25/03/2009, 13:45

برأي هذا شيء صحي وضروري ... من أجل إلغاء كافة أشكال التمييز ...

حاب اوضح نقطة مهمة هي انو الحجاب مش مجرد رمز ديني الحجاب فرض ديني لهيك مابظن انو شيء صحي وضروري الغاء الحجاب
لانو بهالحالة انت مش بس عمتلغي رمز انت عمتلغي شي اساسي عند المرأة المسلمة معناها اذا انت كدولة علمانية بدك تمنع الحجاب فلازم تغيير عقيدة المراة المسلمة

ووقت مايتم هالشي رح نستمتع جدا مع مسلسل ارهاب الجماعات المتطرفة وحلا ازا بتنحل
:D

nour333

25/03/2009, 14:12

برأي هذا شيء صحي وضروري ... من أجل إلغاء كافة أشكال التمييز ...

تحياتي :D
شو صحي وما صحي ليكون حد قايلك لحجاب بنقل انفلونزا الطيور
وبعدين التمييز شي الو علاقه باللي براس البني آدم مو باللي ع راسو !!!!!!!!!

صفر

25/03/2009, 14:39

حاب اوضح نقطة مهمة هي انو الحجاب مش مجرد رمز ديني الحجاب فرض ديني لهيك مابظن انو شيء صحي وضروري الغاء الحجاب
لانو بهالحالة انت مش بس عمتلغي رمز انت عمتلغي شي اساسي عند المرأة المسلمة معناها اذا انت كدولة علمانية بدك تمنع الحجاب فلازم تغيير عقيدة المراة المسلمة

ووقت مايتم هالشي رح نستمتع جدا مع مسلسل ارهاب الجماعات المتطرفة وحلا ازا بتنحل
:D

... لكن مش داخل مؤسسة تعليمية علمية ... او مؤسسة دولة ...

تتحجب برا وتعمل اللي بدها اياه ... لكن ضمن الجامعة المدرسة ,,,, إلخ ... هي مواطنة بهالدولة العلمانية لازم تلتزم بقوانينها ...

بالنهاية الحجاب رمز ديني أكتر من أنو فرض ... :D

وحتى بالاسلام كلو مافي حجاب ... وجبلي آية وحدة بتقلك انو لازم تتحجب المرأة ... الحجاب اجا فقط للتميز بين زوجات الرسول وغيرهن فقط ... وبين الأمة والحرة ... مو لتحجب كل بنات الله

تحياتي :D