مرحبا للجميع

ازا كنت مغترب او مغتربة.. اكتبلك شي رد حلو وتكون مجاوب فيو عـــ الأسئلة هي ::

1- ليش مغترب ؟؟
2- صرلك اديش مغترب ؟؟
3- وين مغترب ؟؟
4- بتتمنى ترجع عـــ سوريا ؟؟وشو اكتر شي اشتقتلو بسوريا
5- ليش حابب ترجه عــ سوريا ؟؟ اذا ماكنت حابب كمان ليش ؟؟
6- شو بتساوي اذا لئيت حدا عما يحكي عن بلدك بسووء ؟؟

اي .. شو ما شايفه ردود ...خلونا نفش خلقنا شوي من الغربة ومرارة الغربة:cry:

راما

شو يعني مافي ولا حدا مغترب هون ؟؟؟؟

:cry::cry::cry::cry::cry::cry:

شو بدي احكي انا بسوريا وحاسس حالي مغترب

شو بدي احكي انا بسوريا وحاسس حالي مغترب

أنا لسا مافيني سمي حالي مغترب, خلينا نقول على طريق الإغتراب, وسبب الرئيسي هالجملة هي, لك ياعمي, النظام المعيشي اللي بنلاقيه هون, مابنحلم فيه ولا بمية سنة بسوريا بالعقليات الجامدة اللي عنا, أنا ماني ناوي ارجع, ليكن وبلدي شي لما بحكي عنو, بحكي بفخر, مو وأنا مخبي راسي, مالازم نفخر ببلادنا بس لأنها بلادنا, لازم هي اتقدملنا اسباب فخرنا فيها, عن الحنين, بحن لكل مكان داستو رجلي ببلدي, بحن لكل طيب وابن حلال بيركض من الصبح للمسى ليأمن لقمة عيشو, بس حنين مع غصة, الله يكون بعون الناس يارب.
أما موضوع البلد وصورتو وماشابه, نحن صورة البلد بالخارج, وللأسف, خلال الفترات الماضية, سطر السوريين بالخارج أروع صور المشينة لدرجة إنو سمعة السوري صارت بالحضيض أحياناً وببعض الدول, للأسف الشديد طبعاُ, لأنو الإنسان بيحكم بناءاً على تجاربو, وببعض الدول, تجاربن مع السوريين سيئة جداً, المهم, لما بسمع حدا عم يتهجم ع بلدي, بحاول بشتى الطرق تصحيح رأيو, بس المشكلة إذا كان عم يحكي صح عن بلدي, شو بدي قلو؟؟؟؟؟

أنا لسا مافيني سمي حالي مغترب, خلينا نقول على طريق الإغتراب, وسبب الرئيسي هالجملة هي, لك ياعمي, النظام المعيشي اللي بنلاقيه هون, مابنحلم فيه ولا بمية سنة بسوريا بالعقليات الجامدة اللي عنا, أنا ماني ناوي ارجع, ليكن وبلدي شي لما بحكي عنو, بحكي بفخر, مو وأنا مخبي راسي, مالازم نفخر ببلادنا بس لأنها بلادنا, لازم هي اتقدملنا اسباب فخرنا فيها, عن الحنين, بحن لكل مكان داستو رجلي ببلدي, بحن لكل طيب وابن حلال بيركض من الصبح للمسى ليأمن لقمة عيشو, بس حنين مع غصة, الله يكون بعون الناس يارب.
أما موضوع البلد وصورتو وماشابه, نحن صورة البلد بالخارج, وللأسف, خلال الفترات الماضية, سطر السوريين بالخارج أروع صور المشينة لدرجة إنو سمعة السوري صارت بالحضيض أحياناً وببعض الدول, للأسف الشديد طبعاُ, لأنو الإنسان بيحكم بناءاً على تجاربو, وببعض الدول, تجاربن مع السوريين سيئة جداً, المهم, لما بسمع حدا عم يتهجم ع بلدي, بحاول بشتى الطرق تصحيح رأيو, بس المشكلة إذا كان عم يحكي صح عن بلدي, شو بدي قلو؟؟؟؟؟


يعني انا مابدي احكي بس انت جبرتني وماخليتلي حكي مشكور كتير وحكيك ماعليه حكي

شو بدي احكي انا بسوريا وحاسس حالي مغترب


هاي الجملة كتير سمعتها من رفقاتي يلي بسوريا والله شي بوجع القلب

هاي الجملة كتير سمعتها من رفقاتي يلي بسوريا والله شي بوجع القلب



سلامة قلبك بس شو بدنا نعمل البلد هيك لازراعه في ولا صناعه في ولا في مواد اوليه شوبدك تعملي

أنا لسا مافيني سمي حالي مغترب, خلينا نقول على طريق الإغتراب, وسبب الرئيسي هالجملة هي, لك ياعمي, النظام المعيشي اللي بنلاقيه هون, مابنحلم فيه ولا بمية سنة بسوريا بالعقليات الجامدة اللي عنا, أنا ماني ناوي ارجع, ليكن وبلدي شي لما بحكي عنو, بحكي بفخر, مو وأنا مخبي راسي, مالازم نفخر ببلادنا بس لأنها بلادنا, لازم هي اتقدملنا اسباب فخرنا فيها, عن الحنين, بحن لكل مكان داستو رجلي ببلدي, بحن لكل طيب وابن حلال بيركض من الصبح للمسى ليأمن لقمة عيشو, بس حنين مع غصة, الله يكون بعون الناس يارب.
أما موضوع البلد وصورتو وماشابه, نحن صورة البلد بالخارج, وللأسف, خلال الفترات الماضية, سطر السوريين بالخارج أروع صور المشينة لدرجة إنو سمعة السوري صارت بالحضيض أحياناً وببعض الدول, للأسف الشديد طبعاُ, لأنو الإنسان بيحكم بناءاً على تجاربو, وببعض الدول, تجاربن مع السوريين سيئة جداً, المهم, لما بسمع حدا عم يتهجم ع بلدي, بحاول بشتى الطرق تصحيح رأيو, بس المشكلة إذا كان عم يحكي صح عن بلدي, شو بدي قلو؟؟؟؟؟




اصعب انواع الغربة غربة الانسان وهوي بوطنو


كلامك بيحمل الم كبير والله مابعرف شو بدي احكي

طيب رح كون اول وحدة بتجاوب ع اسئلتك راما..

1- ليش مغترب ؟؟
مغتربة لحتى اقدر حقق حلمي اللي طول عمري بحلم فيه
2- صرلك اديش مغترب ؟؟
قريب الاربع سنين..
3- وين مغترب ؟؟
Australia
4- بتتمنى ترجع عـــ سوريا ؟؟وشو اكتر شي اشتقتلو بسوريا
انا لو بصحلي اليوم قبل بكرة ارجع ع سوريا ما رح قول لاء.. بتمنى هل الشي .. بتمنى
ارجع و امشي بشوارع الشام القديمة و شم هوا سوريا وووو ..الخ (كانو اخدني الحال ما هيك :p)
اما من جهة شو اكتر شي شتقتلو.. فهي باب توما.. المنطقة اللي ساكنة فيها :sosweet:
5- ليش حابب ترجه عــ سوريا ؟؟
لانو ما بحس حالي عايشة الا لما بكون بسوريا..
6- شو بتساوي اذا لئيت حدا عما يحكي عن بلدك بسووء ؟؟

يعني انو ما صدفت و مريت بهيك موقف.. بس اذا فرضا صارت.. فورا رح جيب الــ آلة الحاسبة..
منشان احسب الله ما خلقو :p

[quote=rama1985;1130762]مرحبا للجميع


ازا كنت مغترب او مغتربة.. اكتبلك شي رد حلو وتكون مجاوب فيو عـــ الأسئلة هي ::

1- ليش مغترب ؟؟
2- صرلك اديش مغترب ؟؟
3- وين مغترب ؟؟
4- بتتمنى ترجع عـــ سوريا ؟؟وشو اكتر شي اشتقتلو بسوريا
5- ليش حابب ترجه عــ سوريا ؟؟ اذا ماكنت حابب كمان ليش ؟؟
6- شو بتساوي اذا لئيت حدا عما يحكي عن بلدك بسووء ؟؟

اي .. شو ما شايفه ردود ...خلونا نفش خلقنا شوي من الغربة ومرارة الغربة:cry:

راما

راما
أهلا راما:
حبيت أرد على موضوعك، لأنو الأمر كتير بيمسني. ليش الاغتراب؟ أعتقد انو ما حدا بيغترب حبا في الاغتراب، هو قرار المغلوب على أمره و اللي بيدور على فرصة برة، ما دام بلدو ما اداتو هاي الفرصة! طبعا إلا و ما في استثناءات: واحد بيحب السفر و يكتشف ثقافات أخرى و أنماط أخرى في الحياة.. بس عادة بينطبق على المغترب مبدأ "مجبر أخوك لا بطل".. و بيضالو الوطن مع ذلك "الجرح المكابر" على قول درويش، و مهما حسينا بالظلم من بلدنا، بيضالو النا، و بنضال نحبو شو ما صار، و نغار عليه إذا ما حدا علق عليه بكلمة ممكن تكون في أكثر من حالة صح..
في حالتي أنا، طلعت برة بلدي للدراسة، و بعد ما خلصت، اجتني فرصة عمل، فقعدت على طول، خصوصا لما فكرت انو ممكن أرجع على بلدي و أقعد في طابور البطالة، بعد كل سنوات التعب!
تحياتي

لم اكن يوم الى لأحب الاغتراب

اركض من مدينة الى اخرى وانسا قطعة من معطفي في كل مدينة

ما اجمل الاغتراب عندما يرغمني على الوقوف

واتجول ليلا في الشوارع المملوئة بأوراق الخريف كل يوم . . . . ذلك هو اروع شعور

لا اعرف مدة اغترابي . . ولكني منذ كنت طفلا وانا مسافر وما ازال

للغربة طعم الصمود

لسوريا رائحة مميزة في الفجر وطبيعة ساحرة, عندما تكون الشوارع فارغة

لا اشتاق الا الى ذلك الفجر

طيب رح كون اول وحدة بتجاوب ع اسئلتك راما..


مغتربة لحتى اقدر حقق حلمي اللي طول عمري بحلم فيه

قريب الاربع سنين..

Australia

انا لو بصحلي اليوم قبل بكرة ارجع ع سوريا ما رح قول لاء.. بتمنى هل الشي .. بتمنى
ارجع و امشي بشوارع الشام القديمة و شم هوا سوريا وووو ..الخ (كانو اخدني الحال ما هيك :p)
اما من جهة شو اكتر شي شتقتلو.. فهي باب توما.. المنطقة اللي ساكنة فيها :sosweet:

لانو ما بحس حالي عايشة الا لما بكون بسوريا..

يعني انو ما صدفت و مريت بهيك موقف.. بس اذا فرضا صارت.. فورا رح جيب الــ آلة الحاسبة..
منشان احسب الله ما خلقو :p


شكرا كتير روعة انتي روعة عنجد عجبتني الالة الحاسبة نهفة بتجنن

[quote=rama1985;1130762]أهلا راما:
حبيت أرد على موضوعك، لأنو الأمر كتير بيمسني. ليش الاغتراب؟ أعتقد انو ما حدا بيغترب حبا في الاغتراب، هو قرار المغلوب على أمره و اللي بيدور على فرصة برة، ما دام بلدو ما اداتو هاي الفرصة! طبعا إلا و ما في استثناءات: واحد بيحب السفر و يكتشف ثقافات أخرى و أنماط أخرى في الحياة.. بس عادة بينطبق على المغترب مبدأ "مجبر أخوك لا بطل".. و بيضالو الوطن مع ذلك "الجرح المكابر" على قول درويش، و مهما حسينا بالظلم من بلدنا، بيضالو النا، و بنضال نحبو شو ما صار، و نغار عليه إذا ما حدا علق عليه بكلمة ممكن تكون في أكثر من حالة صح..
في حالتي أنا، طلعت برة بلدي للدراسة، و بعد ما خلصت، اجتني فرصة عمل، فقعدت على طول، خصوصا لما فكرت انو ممكن أرجع على بلدي و أقعد في طابور البطالة، بعد كل سنوات التعب!
تحياتي


فعلا سؤال محير .....
الفقر بالوطن والركض للبحث عن عمل
ام العمل بالخارج والحياة بلا حياة ؟؟

شكرا كتير يسلمووووووو:D

لم اكن يوم الى لأحب الاغتراب


اركض من مدينة الى اخرى وانسا قطعة من معطفي في كل مدينة

ما اجمل الاغتراب عندما يرغمني على الوقوف

واتجول ليلا في الشوارع المملوئة بأوراق الخريف كل يوم . . . . ذلك هو اروع شعور

لا اعرف مدة اغترابي . . ولكني منذ كنت طفلا وانا مسافر وما ازال

للغربة طعم الصمود

لسوريا رائحة مميزة في الفجر وطبيعة ساحرة, عندما تكون الشوارع فارغة


لا اشتاق الا الى ذلك الفجر




للغربة مذاق مر لا يدركه كنهه إلا من تجرع من كأسه

وذاق لوعا ته وغص بآهاته

هاي الحقيقة للاسف ولو اضحكنا على حالنا على الله

يسلمووووو والف شكر لكل يلي مرقو من هون وشاركونا :D

للغربة مذاق مر لا يدركه كنهه إلا من تجرع من كأسه

وذاق لوعا ته وغص بآهاته

هاي الحقيقة للاسف ولو اضحكنا على حالنا على الله

يسلمووووو والف شكر لكل يلي مرقو من هون وشاركونا :D

هذا يعتمد على شخصية كل منا

ومقدرته على التفاعل

ولكني ادرك ما تحاولين قوله . . .

1- ليش مغترب ؟؟
للدراسة عأساس انو يعني فرصة اجتني للدراسة احسن من الجامعة اللي كنت ادرس فيها بسوريا وانا لحقت مستقبلي
2- صرلك اديش مغترب ؟؟
هلأ بيكون صرلي شهرين تقريبا " جديد لسا"
3- وين مغترب ؟؟
الأردن
4- بتتمنى ترجع عـــ سوريا ؟؟وشو اكتر شي اشتقتلو بسوريا
اووووووووووف بتمنى بهيدي اللحظة ارجع
مشتاق للبحر للجماليات المفقودة لنسمة حرية مشتاق لصحابي كتير لجو عم افتقده هون لإنو متعودين بسوريا على جو فيه شوية حرية " إجتماعية ابدا مو سياسية " وهون عم افتقد شعبنا الحر كتير
5- ليش حابب ترجه عــ سوريا ؟؟ اذا ماكنت حابب كمان ليش ؟؟
حابب إرجع ع سوريا لإني مشتاق كتير لجو انا بنيته مو هو بناني يعني جو من اختياري بشكل تام ...
مشتاق كتير لمجموعة اصدقاء اخترتهن بعناية فائقةوكانوا مني وكنت منهن
6- شو بتساوي اذا لئيت حدا عما يحكي عن بلدك بسووء ؟؟

تحياتي الحارة
ظل جيفارا

هذا يعتمد على شخصية كل منا


ومقدرته على التفاعل


ولكني ادرك ما تحاولين قوله . . .


الحق معك بيعتمد على شخصية الانسان

انا صرلي من وقت يلي خلقت بالغربة ولهلأ حاسة حالي ما تأقلمت

سلامة قلبك بس شو بدنا نعمل البلد هيك لازراعه في ولا صناعه في ولا في مواد اوليه شوبدك تعملي
يحكي ويحكي يحكي ، وكل ما يجيب سيرة المواد الأولية يطلع فيّي

1- ليش مغترب ؟؟
للدراسة عأساس انو يعني فرصة اجتني للدراسة احسن من الجامعة اللي كنت ادرس فيها بسوريا وانا لحقت مستقبلي
2- صرلك اديش مغترب ؟؟
هلأ بيكون صرلي شهرين تقريبا " جديد لسا"
3- وين مغترب ؟؟
الأردن
4- بتتمنى ترجع عـــ سوريا ؟؟وشو اكتر شي اشتقتلو بسوريا
اووووووووووف بتمنى بهيدي اللحظة ارجع
مشتاق للبحر للجماليات المفقودة لنسمة حرية مشتاق لصحابي كتير لجو عم افتقده هون لإنو متعودين بسوريا على جو فيه شوية حرية " إجتماعية ابدا مو سياسية " وهون عم افتقد شعبنا الحر كتير
5- ليش حابب ترجه عــ سوريا ؟؟ اذا ماكنت حابب كمان ليش ؟؟
حابب إرجع ع سوريا لإني مشتاق كتير لجو انا بنيته مو هو بناني يعني جو من اختياري بشكل تام ...
مشتاق كتير لمجموعة اصدقاء اخترتهن بعناية فائقةوكانوا مني وكنت منهن
6- شو بتساوي اذا لئيت حدا عما يحكي عن بلدك بسووء ؟؟




تحياتي الحارة
ظل جيفارا





يكوينا الحنين ، والبعد عن الوطن يذبحنا من الوريد إلى الوريد

بلادي وان جارت علي عزيزة واهلي وان ضنو علي كرام

بتمنى لالك التوفيق بدراستك

أنا هنا في وطن تعودت على أن يعتقلني، فأحيانا يحب السجين سجانه، و أنا أحببت هذا الوطن اللاوطن!

يحكي ويحكي يحكي ، وكل ما يجيب سيرة المواد الأولية يطلع فيّي

والله مافهمت شي عمو بس اكيد انتو فهمانين على بعض :larg:

مرحبا للجميع


ازا كنت مغترب او مغتربة.. اكتبلك شي رد حلو وتكون مجاوب فيو عـــ الأسئلة هي ::

1- ليش مغترب ؟؟
2- صرلك اديش مغترب ؟؟
3- وين مغترب ؟؟
4- بتتمنى ترجع عـــ سوريا ؟؟وشو اكتر شي اشتقتلو بسوريا
5- ليش حابب ترجه عــ سوريا ؟؟ اذا ماكنت حابب كمان ليش ؟؟
6- شو بتساوي اذا لئيت حدا عما يحكي عن بلدك بسووء ؟؟

اي .. شو ما شايفه ردود ...خلونا نفش خلقنا شوي من الغربة ومرارة الغربة:cry:

راما




شكرا ع الموضوع الحلوو ...:D بس كان لازم انتي اول واحدة تجاوبي على الأسئلة...;)

1- ابي بيشتغل هون و جابنا معو...
2- 14 سنة
3- الكويت
4-لا ما بتمنى ارجع لانو بدي كمل دراستي هون...بروح لسوريا كل سنة ...
5-.............
6- بحاول افهمه انو غلطان...ما بحب حدا يحكي عن بلدي بسوووء...


و هلأ تفضلي انتي فشي خلقك...;)


:D

تكرم عيونك ليلى ولووووووووووووووووووووووو وووووو

ليش متغرب؟
الوالد تغرب وغربنا معو

2- صرلك اديش مغترب ؟؟

من وقت يلي خلقت وفتحت عيوني ع الدني وانا بالغربة

3- وين مغترب ؟؟

الرياض السعودية

4- بتتمنى ترجع عـــ سوريا ؟؟وشو اكتر شي اشتقتلو بسوريا

بتمنى اليوم قبل بكرة حاسة حالي بسجن كبير

واكتر شي اشتقتلو رفقاتي يلي سافرو نهائي من السعودية

- ليش حابب ترجه عــ سوريا ؟؟ اذا ماكنت حابب كمان ليش ؟؟

لانو بدي اعيش حياتي بس مابظن اهلي يتركوني بعد عنهم ماعندون غيري

ورح يضلو ماسكين فيني لحتى موت

6- شو بتساوي اذا لئيت حدا عما يحكي عن بلدك بسووء ؟؟


بعمل متل روعة بطالع الالة الحاسبة وبحسب الله ماخلقو

اي وكمان بشرب من دمو وبوزع ع الجيران

شكرا كتير لكل يلي فشو خلقون عنا

وين الباقين:cry::cry::cry:

شكرا كتير إلك لإنك فتحتيلي هالفسحة الصغيرة لإني احكي انا مغترب جديد وهلأ ما في شي ببالي غير الشوق ...
شكرا إلك
تحياتي الحارة
ظل جيفارا

وأنا في رحم أمي في حالة اغتراب

تغربت في كل البلدان .. ولم ولن أشعر بالإنتماء مهما تعددت

جنسيتي

إلا لغير ترابك يا وطني

مازلت أذكر عندما سمعت في أحد الأغنيات جملة تكررت لمرات

((أنا سوري ويانيالي ))

تأثرت وبكيت وزادني فخراً انتمائي

أحبكَ ياوطني بكل حالاتك وكيف ماتكون

يحكي ويحكي يحكي ، وكل ما يجيب سيرة المواد الأولية يطلع فيّي


ليك المواد الاوليه ملا قصه جديده000000 مابدي روح عالخليج مابدي اتغرب

انا مغترب بصراحة مشان سببين :
اول شي خدمة العلم
تاني شي مشان الشغل والخبرة
اديش صرلي: شهرين تقريبا فورا بعد التخرج طفشت
وين مغترب: بالدوحة
بتمنى ارجع على سوريا: لا ابدا بالعكس بتمنى جيب اهلي لهون يعيشوا معي لانه بشتقلون بس
ليش مالي حابب رجع على سوريا:
اي انا ماصدقت اليوم اللي سافرت فيه شو بدي ارجع اعمل اشحد واشتغل براتب قليل لا هون عالاقل عايش بشكل محترم وحققت بعض الاحلام المتواضعة اللي بسوريا مستحيل تحقق وبفترة قصيرة
فعلى شو بدي ارجع لا عمي لا زيارة للاهل كل سنة تمام وحاج
واذا شفت حدا عم يحكي بالسوء عن بلدي بكمل معه الحديث لانه معه حق والبلد الي ماحفظلي كرامتي وحقي بالحياة المريحة لشوا بدي دافع عنوا
سلام

واذا شفت حدا عم يحكي بالسوء عن بلدي بكمل معه الحديث لانه معه حق والبلد الي ماحفظلي كرامتي وحقي بالحياة المريحة لشوا بدي دافع عنوا

برافو جدا صراحة وبدون ايا نوع من انواع المجاملة .. .. بتستحق رفع القبعة ..

100 وردة حبيبنا .. وازا .. صحلك بطريقك ..خود الجنسية القطرية .. منشان ما تستحي باسم بلدك .. عالهوية ..

احتراماتي :D

برافو جدا صراحة وبدون ايا نوع من انواع المجاملة .. .. بتستحق رفع القبعة ..

100 وردة حبيبنا .. وازا .. صحلك بطريقك ..خود الجنسية القطرية .. منشان ما تستحي باسم بلدك .. عالهوية ..

احتراماتي :D

:D:D:D:D

شكرا كتير إلك لإنك فتحتيلي هالفسحة الصغيرة لإني احكي انا مغترب جديد وهلأ ما في شي ببالي غير الشوق ...
شكرا إلك
تحياتي الحارة
ظل جيفارا

الف شكر الك انت على اهتمامك وزوءك

نحنا عم نفش خلقنا مو اكتر وانشا الله بترجع بالسلامة

وأنا في رحم أمي في حالة اغتراب


تغربت في كل البلدان .. ولم ولن أشعر بالإنتماء مهما تعددت

جنسيتي

إلا لغير ترابك يا وطني

مازلت أذكر عندما سمعت في أحد الأغنيات جملة تكررت لمرات

((أنا سوري ويانيالي ))

تأثرت وبكيت وزادني فخراً انتمائي


أحبكَ ياوطني بكل حالاتك وكيف ماتكون




سوريا لاجلك نكتب ولاجلك نعمل لاجلك نصبر ولاجلك نصلي,ا

سوريا مغروسة فينا شئنا ام ابينا, سرها اننا نعشقها

كما يعشق المؤمنين الانبياء.

الف شكر على كلامك والله بيخلي الواحد يبكي فليحميكي الله ياسوريا على مدى الزمان

انا مغترب بصراحة مشان سببين :
اول شي خدمة العلم
تاني شي مشان الشغل والخبرة
اديش صرلي: شهرين تقريبا فورا بعد التخرج طفشت
وين مغترب: بالدوحة
بتمنى ارجع على سوريا: لا ابدا بالعكس بتمنى جيب اهلي لهون يعيشوا معي لانه بشتقلون بس
ليش مالي حابب رجع على سوريا:
اي انا ماصدقت اليوم اللي سافرت فيه شو بدي ارجع اعمل اشحد واشتغل براتب قليل لا هون عالاقل عايش بشكل محترم وحققت بعض الاحلام المتواضعة اللي بسوريا مستحيل تحقق وبفترة قصيرة
فعلى شو بدي ارجع لا عمي لا زيارة للاهل كل سنة تمام وحاج
واذا شفت حدا عم يحكي بالسوء عن بلدي بكمل معه الحديث لانه معه حق والبلد الي ماحفظلي كرامتي وحقي بالحياة المريحة لشوا بدي دافع عنوا
سلام


انت لساتك جديد تارك البلد لسا ماحسيت بمرارة الغربة

بكرة انا متأكدة انو رح يتغير حكيك تماما ..

الله حاميكي ياسوريا

الغربه الحقيقية مو بالوطن ..كتير في هالوطن اغراب....وكتير برة الوطن حاملين الوطن معهن بالغربة

[QUOTE=rama1985;1130762]مرحبا للجميع

ازا كنت مغترب او مغتربة.. اكتبلك شي رد حلو وتكون مجاوب فيو عـــ الأسئلة هي ::

1- ليش مغترب ؟؟
الوالد تغرب و غربنا معو...2- صرلك اديش مغترب ؟؟
16 سنة 3- وين مغترب ؟؟
بالكويت
4- بتتمنى ترجع عـــ سوريا ؟؟وشو اكتر شي اشتقتلو بسوريا
ارجع على طول ...لاء...بس بفضل زيارة كل سنة كم شهر " هيك احسن"
و اكتر شي اشتقتلو بسوريا الشوارع و الحارات القديمة
5- ليش حابب ترجه عــ سوريا ؟؟ اذا ماكنت حابب كمان ليش ؟؟
اذا كنت حابة ارجع"مع اني ما عم فكّر حالياً بهيك شي" فــ رح ارجع مشان تراث بلدي
اللي هو احلى شي فيها و بيميزها عن غيرها

6- شو بتساوي اذا لئيت حدا عما يحكي عن بلدك بسووء ؟؟
بساوي محشي...:p "عم بمزح" اكيد بدافع عنها اذا كان عم يحكي شي غلط بس اذا كان صح
بشد عأيدو...:?اي .. شو ما شايفه ردود ...خلونا نفش خلقنا شوي من الغربة ومرارة الغربة:cry:

[B]راما

[quote=rama1985;1130762]مرحبا للجميع

ازا كنت مغترب او مغتربة.. اكتبلك شي رد حلو وتكون مجاوب فيو عـــ الأسئلة هي ::



1- ليش مغترب ؟؟

يعني الاغتراب الحالي سبب الدراسة



2- صرلك اديش مغترب ؟؟
صارلي اكثر من ميتين سنة (سنة ونص)


3- وين مغترب ؟؟
المانيا


4- بتتمنى ترجع عـــ سوريا ؟؟وشو اكتر شي اشتقتلو بسوريا

اشتقت لكل شي
لما بتكوني بعيدة عن الشام بتصيري حواسك بتنشط الذاكرة لتسحب حتة الروايج الي كانت بالصور
بشتاق لروحي الي ضللت بالبلد والشوراع للرفاق والذكريات
مافي شي بيلخص هالوطن بقلب الانسان


5- ليش حابب ترجه عــ سوريا ؟؟ اذا ماكنت حابب كمان ليش ؟؟
بدي ارجع كفي الطريق وحاول قد مافيني ان ساعد هالبلد ان يكون فيها علم جديد وبحوث نظيفة يمكن بيوم من الايام بيضير بنسمع عن بحوث انتاج سوري


6- شو بتساوي اذا لئيت حدا عما يحكي عن بلدك بسووء ؟؟
ماحدا استرجا لحد هلق ....بيعرفوني حمش

الغربه الحقيقية مو بالوطن ..كتير في هالوطن اغراب....وكتير برة الوطن حاملين الوطن معهن بالغربة



يسلم تمك كلامك درر وجواهر والله

شكرا كتير على كل شي :D

مرحبا للجميع


ازا كنت مغترب او مغتربة.. اكتبلك شي رد حلو وتكون مجاوب فيو عـــ الأسئلة هي ::


انا مغترب بس مو من سوريا سامحونا عالمشاركة

1- ليش مغترب ؟؟
الله يسامح اللي كانو السبب

2- صرلك اديش مغترب ؟؟
من اول ما خلقت

3- وين مغترب ؟؟
بالاردن

4- بتتمنى ترجع عـــ فلسطين؟؟وشو اكتر شي اشتقتلو بفلسطين؟؟
يا ريت لو اقدر شوفا وارجع,ما شفت شي بس حاسس خحالي مشتاق لكل شي فيها

5- ليش حابب ترجه عــ فلسطين؟؟ اذا ماكنت حابب كمان ليش ؟؟
ريحة بلادي

6- شو بتساوي اذا لئيت حدا عما يحكي عن بلدك بسووء ؟؟
كل واحد الو رأيو وازا حكى شي ما رح يأثر على شي



راما
يسلمون حجة راما


بحييكي عالموضوع وشكراً

[quote=دلوعة سوريا;1131588][quote=rama1985;1130762]مرحبا للجميع



ازا كنت مغترب او مغتربة.. اكتبلك شي رد حلو وتكون مجاوب فيو عـــ الأسئلة هي ::

1- ليش مغترب ؟؟
الوالد تغرب و غربنا معو...2- صرلك اديش مغترب ؟؟
16 سنة 3- وين مغترب ؟؟
بالكويت
4- بتتمنى ترجع عـــ سوريا ؟؟وشو اكتر شي اشتقتلو بسوريا
ارجع على طول ...لاء...بس بفضل زيارة كل سنة كم شهر " هيك احسن"
و اكتر شي اشتقتلو بسوريا الشوارع و الحارات القديمة
5- ليش حابب ترجه عــ سوريا ؟؟ اذا ماكنت حابب كمان ليش ؟؟
اذا كنت حابة ارجع"مع اني ما عم فكّر حالياً بهيك شي" فــ رح ارجع مشان تراث بلدي
اللي هو احلى شي فيها و بيميزها عن غيرها

6- شو بتساوي اذا لئيت حدا عما يحكي عن بلدك بسووء ؟؟
بساوي محشي...:p "عم بمزح" اكيد بدافع عنها اذا كان عم يحكي شي غلط بس اذا كان صح
بشد عأيدو...:?اي .. شو ما شايفه ردود ...خلونا نفش خلقنا شوي من الغربة ومرارة الغربة:cry:



يسلمووووووووو دلوعة نورتي
بحبك ياسوريااااااااااااااااااا ااااااااااااااااااااااااا ااااااااااااااااااااااااا ااااااااااااااااااااا:D:D

5- ليش حابب ترجه عــ سوريا ؟؟ اذا ماكنت حابب كمان ليش ؟؟
بدي ارجع كفي الطريق وحاول قد مافيني ان ساعد هالبلد ان يكون فيها علم جديد وبحوث نظيفة يمكن بيوم من الايام بيضير بنسمع عن بحوث انتاج سوري





اي ها

هاد الحكي يلي بيبرد ع القلب

الله يكتر من امتالك يسلموووووووووووووووووو :D:D

x 52

له له ولووووووووووووووووو فلسطين والفلسطينيين بقلوبنا شرفتني بردك عنجد

نوووووووووووورت :D

موضوع كتيرررر عجبني
1 مغترب لآني أكيد مبسوط ببلدي ومش ناقصني شي
2 صرلي مغترب حوالي 10سنوات
3 أفريقيا
4 بتمنى بس بخاف أندم _ مشتاق لكل شي بسوريا
5 نفس الشي خايف أرجع وأندم

مرحبا للجميع


ازا كنت مغترب او مغتربة.. اكتبلك شي رد حلو وتكون مجاوب فيو عـــ الأسئلة هي ::

1- ليش مغترب ؟؟
2- صرلك اديش مغترب ؟؟
3- وين مغترب ؟؟
4- بتتمنى ترجع عـــ سوريا ؟؟وشو اكتر شي اشتقتلو بسوريا
5- ليش حابب ترجه عــ سوريا ؟؟ اذا ماكنت حابب كمان ليش ؟؟
6- شو بتساوي اذا لئيت حدا عما يحكي عن بلدك بسووء ؟؟

اي .. شو ما شايفه ردود ...خلونا نفش خلقنا شوي من الغربة ومرارة الغربة:cry:

راما


1 - مغترب مشان عيش احسن من العيشة اللي عايشا ببلدي اللي ماوفرلي الفرصة اللي وفرلي ياها غير بلد
2 - بس 4 شهور
3 - بدبي يعني الامارات
4 - ايه بتمنى ارجع بس للزيارة و اكتر شي اشتقت لمرتي و اهلي و المزة
5 - متل ما حكيت حابب ارح للزيارة و شوف اهلي و مو حابب ارجع على طول حتى ما ارجع للحياة الصعبة بسوريا
6 - و الله اذا كان عم يحكي بسوء و كلامو صح بدي اسكت او كمان يمكن ايدو بس اذا كان كلامو غلط لأ بوضحلو شو الصح و انو هوه غلطان


و شكرا على الموضوع :D

لما كنت غريب بسوريا كنت مرتاح أكتر وما كنت أحمل شي على اكتافي و ولما صرت مغترب رح بجن أصلا جنيت وخلص , وصرت شايل على كتافي هموم شخصية وهموم أسرة وضيعة وبلد , مشتاق لضحكة طفل عم تخترق جدران بيت قديم . او غنية من أغاني الأعراس , ولك حتى صرت أشتهي أسمع صوت مرا عم تولول بحادث وفاة , مشتهي شي طفل يخرمش وجهي بأصابعو حتي يشر الدم , وحابب ـأمشي تحت المطر حتى تتبللبل ثيابي وأرجع عالبيت حرارتي 40 بس شوف حدا يقللي شلاح تيابك لا تمرض .................................................. ...................................... حاج ما عاد في قدرة كفي

x 52

له له ولووووووووووووووووو فلسطين والفلسطينيين بقلوبنا شرفتني بردك عنجد

نوووووووووووورت :D
حبيبة قلبي شكراً

:larg:

يسلم تمك كلامك درر وجواهر والله

شكرا كتير على كل شي :D
لك اهلين بالاكارم.............وهي زيادة((الجوع في الوطن غربة........والسجن في الوطن غربة.........والظلم في الوطن غربة)

1- ليش مغترب ؟؟
من و انا عمري 10 سنين يعني وعيت على هل الدنيا و لقيت حالي مغترب
طبعاً مغترب مع اهلي كلهم
ولما وعيت اني مغترب عن بلدي سئلت والدي :-
قال : الوضع صعب هنيك في البلد و الكبير بياكل الصغير متل السمكة يا بابا
خخخخخ
و فعلا انا هيك شفت

2- صرلك اديش مغترب ؟؟
15سنة

3- وين مغترب ؟؟
دولة الكويت

4- بتتمنى ترجع عـــ سوريا ؟؟وشو اكتر شي اشتقتلو بسوريا
اكييد بتمنى اني ارجع على وطني و ارضي
اكتر شي اشتقت للهوا و التراب و الارض و الشاااااام مع اني رحت عليها مرتين
و كمان كتير اشتقت لحمص
ولاقاربي يلي نصهم ما بعرفهم:p
و الحارة يلي خلئت فيها و اصحاب الطفولة

5- ليش حابب ترجه عــ سوريا ؟؟ اذا ماكنت حابب كمان ليش ؟؟
حد ما بحب وطنه او يرجع لوطنه
ويلي ما الو وطن ما الو اصل
بمتنى من كل البي اني استقر ببلدي سورياااااا
بس
استقريت هنيك و الحمدلله عم اشتغل وكل علاقاتي و اهلي هون بالكويت
يعني لو بدي افكر ارجع على سورية رح احس حالي غريب في بلدي

6- شو بتساوي اذا لئيت حدا عما يحكي عن بلدك بسووء ؟؟
اكيد بنزعج

لسا مااغتربنا
كنا ناويين نغترب هالسنة بس الاخل الكرام مارضيو :jakoush:

يعني كتار من الأخوة حطو إيدون ع الجرح .. وكتار منهون حكوا كلام كتير حلو وموضوعي كتير ..
بالنسبة لي أنا متغرب أكيد حال معظم الشباب المتغرب عشان لقمة الخبز وتحسين حالتي المادية وتأمين مستقل شريف لي ولأسرتي .. خاصة إنو أبي ( الله يرحمو ) ماخلفلي ملعقة دهب ولا حتى فضة
صرلي 8 سنين متغرب عن بلدي سوريا ومدينتي حمص الحبيبة في السعودية - جدة
وصدقوني لليوم بعدون عيوني بتدمع لما بحاكي أهلي ع التلفون
ولو خيروني .. برجع اليوم قبل بكرا واللحظة قبل التانية
صدقوني ياجماعة .. والله العظيم والله العظيم والله العظيم
وجودك بين أهلك وأصحابك تسوى الدنيي ومافيها ... لمة أهلك حواليك بالعالم كلو .. بيكفي إنو لما تقول أخ فيه مية واحد بيرد عليك
بيكفي لما تمشي بشوارع وأزقة حمص ..بتشم ريحة ذكرياتك وطفولتك ..
بيكفي تمر بشارع وتلاقي صديق صدفة .. يعرفك وتعرفو .. مو متل هون كل الوجوه غريبة عنك
شو بدي احكي عن الغربة ومر الغربة .. صعبة صعبة عن جد .. وكتير من الأحيان بتكون مدمرة
وصدقوني كل مابتعطيك مركز ومال .... بتاخد منك أحلى سنين عمرك
مابقولك لا تسعى ولا تبحث عن الأفضل
إنما إياك ثم إياك أخي وأختي أن تضع في بالك إنك تستمر بالغربة مهما كان الثمن ومهما كانت المغريات
احساسك بكونك غريب ومنبوذ طيلة أيامك .. احساسك بتلك النظرة التي تراها بعين أبن البلد المقيم عنده بأنك جئت غريب وإنك بحاجة وبأنك جئت لسلب خيرات بلده ( وهذا أمر واقع جدا في السعوية ) تلك القيود التي تكبلك أينما ذهبت .. تلك الأحلام الوردية التي تحلم بها في غربتك ستجدها شوك وعلقم ينخر في صدرك وربي ..
لا تواخذوني طلعت شوي عن الموضوع .. بس عن جد موضوع مس قلبي من جوا
عيد التفكير ألف مرة وخليه أخر حل قبل ما تاخد قرارك وتفكر بالسفر والغربة ..
دخيل حمص ورب حمص وأهل حمص وسوريا بيت بيت وحارة حارة ..
مشتاء لكل شي فيكي ياحمص .. أهلك .. ناسك .. حتى الحيطان ...
شو بدي أوول أكتر ..
الله يسامحك أخت راما ع هالموضوع ..

عد بي إلى حمص ولو حشو الكفن
وأهتف أتيت بعاثر مردود
واجعل ضريحي من حجارة سود

يعني كتار من الأخوة حطو إيدون ع الجرح .. وكتار منهون حكوا كلام كتير حلو وموضوعي كتير ..
بالنسبة لي أنا متغرب أكيد حال معظم الشباب المتغرب عشان لقمة الخبز وتحسين حالتي المادية وتأمين مستقل شريف لي ولأسرتي .. خاصة إنو أبي ( الله يرحمو ) ماخلفلي ملعقة دهب ولا حتى فضة
صرلي 8 سنين متغرب عن بلدي سوريا ومدينتي حمص الحبيبة في السعودية - جدة
وصدقوني لليوم بعدون عيوني بتدمع لما بحاكي أهلي ع التلفون
ولو خيروني .. برجع اليوم قبل بكرا واللحظة قبل التانية
صدقوني ياجماعة .. والله العظيم والله العظيم والله العظيم
وجودك بين أهلك وأصحابك تسوى الدنيي ومافيها ... لمة أهلك حواليك بالعالم كلو .. بيكفي إنو لما تقول أخ فيه مية واحد بيرد عليك
بيكفي لما تمشي بشوارع وأزقة حمص ..بتشم ريحة ذكرياتك وطفولتك ..
بيكفي تمر بشارع وتلاقي صديق صدفة .. يعرفك وتعرفو .. مو متل هون كل الوجوه غريبة عنك
شو بدي احكي عن الغربة ومر الغربة .. صعبة صعبة عن جد .. وكتير من الأحيان بتكون مدمرة
وصدقوني كل مابتعطيك مركز ومال .... بتاخد منك أحلى سنين عمرك
مابقولك لا تسعى ولا تبحث عن الأفضل
إنما إياك ثم إياك أخي وأختي أن تضع في بالك إنك تستمر بالغربة مهما كان الثمن ومهما كانت المغريات
احساسك بكونك غريب ومنبوذ طيلة أيامك .. احساسك بتلك النظرة التي تراها بعين أبن البلد المقيم عنده بأنك جئت غريب وإنك بحاجة وبأنك جئت لسلب خيرات بلده ( وهذا أمر واقع جدا في السعوية ) تلك القيود التي تكبلك أينما ذهبت .. تلك الأحلام الوردية التي تحلم بها في غربتك ستجدها شوك وعلقم ينخر في صدرك وربي ..
لا تواخذوني طلعت شوي عن الموضوع .. بس عن جد موضوع مس قلبي من جوا
عيد التفكير ألف مرة وخليه أخر حل قبل ما تاخد قرارك وتفكر بالسفر والغربة ..
دخيل حمص ورب حمص وأهل حمص وسوريا بيت بيت وحارة حارة ..
مشتاء لكل شي فيكي ياحمص .. أهلك .. ناسك .. حتى الحيطان ...
شو بدي أوول أكتر ..
الله يسامحك أخت راما ع هالموضوع ..

عد بي إلى حمص ولو حشو الكفن
وأهتف أتيت بعاثر مردود
واجعل ضريحي من حجارة سود

ولله يا اخي الله يكون في عونك انا كمان مغترب بس على الاقل اهلي معي بالدولة يلي مغتربين فيها
اما انت الله يكون في عونك و يرجعك لاهلك وناسك سالم و غانم :D