1- ليش مغترب ؟؟
دراسة

2- صرلك اديش مغترب ؟؟
أكتر من سنتين

3- وين مغترب ؟؟
فرنسا

4- بتتمنى ترجع عـــ سوريا ؟؟وشو اكتر شي اشتقتلو بسوريا
طبعاً هالأمنية ببالي واليوم قبل بكرا
ما بعرف لشو اشتقت أكتر أكتر شي
المشكلة الشوق بقلبي بيجي دفعة وحدة لجملة من الأشيا
بيجي غزير لدرجة أنو قلبي بيضيق منو
بس حالياً وبهاللحظة مشتاقة اشرب فنجان قهوة مع أهلي عالبلكون:cry: بعد محاولات ماما المتكررة المزعجة مشان فيق :p

5- ليش حابب ترجه عــ سوريا ؟؟
لأن جسمي كما علمت بأرض وفؤادي ومالكيه بأرض

اذا ماكنت حابب كمان ليش ؟؟
مو قصة مش حابة لأن جاوبت عن هالشي سابقاً ... مافيني ما ارجع عالبلد وفكرة الاستقرار خارج البلد مش واردة لذهني
.... بس بخاف أوقات من التغييرات يلي صارت بغيابي
بخاف كون أنا تغييرت وأصحابي تغيرو والبلد تغيرت وارجع حس بالغربة ببلدي
هالإحساس البشع جداً

6- شو بتساوي اذا لئيت حدا عما يحكي عن بلدك بسووء ؟؟
ما بتحمل يجي واحد مش سوري ينزل نقد ببلدي
خاصة أغلبهم بينقدو بشكل كتير عنيف ومبالغ جداً فيه
ما انحطيت بهالموقف كتير .. بس برد يعني طبعاً :pos:

ربي يسمع منك خيي mr .7aboob
شكرا لزوقك ولمشاعرك
تحياتي

موضوع كتيرررر عجبني
1 مغترب لآني أكيد مبسوط ببلدي ومش ناقصني شي
2 صرلي مغترب حوالي 10سنوات
3 أفريقيا
4 بتمنى بس بخاف أندم _ مشتاق لكل شي بسوريا
5 نفس الشي خايف أرجع وأندم


كل مابسأل حدا بيحكي نفس الحكي الخوف من الرجوع الى الوطن وتفضيل الغربة على العودة

معنى هيك ويلي استنتجتو انو البلد مابعيش فيه ويكون مبسوط ومرتاح ومابفكر يتغرب إلا تنين :

إما أن تكون من طبقة المنعم عليهم المسؤوليين او من يدور في فلكهم.

أو أنو تكون غني بشكل كبير وكبير جدا .

ويعني بهاي الحالتين بس رح تعيش أفضل من أي دوله في العالم لسبب بسيط هو انك

رح تحصل على ما لا يمكن لأي مواطن عادي أن يحصل عليه وماتفكر تتغرب عن البلد

والله شي مؤسف وبوجع القلب :cry:

1 - مغترب مشان عيش احسن من العيشة اللي عايشا ببلدي اللي ماوفرلي الفرصة اللي وفرلي ياها غير بلد
2 - بس 4 شهور
3 - بدبي يعني الامارات
4 - ايه بتمنى ارجع بس للزيارة و اكتر شي اشتقت لمرتي و اهلي و المزة
5 - متل ما حكيت حابب ارح للزيارة و شوف اهلي و مو حابب ارجع على طول حتى ما ارجع للحياة الصعبة بسوريا
6 - و الله اذا كان عم يحكي بسوء و كلامو صح بدي اسكت او كمان يمكن ايدو بس اذا كان كلامو غلط لأ بوضحلو شو الصح و انو هوه غلطان


و شكرا على الموضوع :D

الحاجة ورُبما فقدان الامن الاقتصادي كفيل بإحساس الفرد بالاغتراب

وان كان الانسان في بيته وبين اهله ..

وتوفير حاجات الانسان الاقتصادية هي الكفيلة

بتعزيز وتقوية شعور المواطنة وفهمك كفاية...



بتمنى لالك العودة لبلدك واحباءك ولقاء قريب معهم

شكرا لالك على مرورك وكلماتك :D

لما كنت غريب بسوريا كنت مرتاح أكتر وما كنت أحمل شي على اكتافي و ولما صرت مغترب رح بجن أصلا جنيت وخلص , وصرت شايل على كتافي هموم شخصية وهموم أسرة وضيعة وبلد , مشتاق لضحكة طفل عم تخترق جدران بيت قديم . او غنية من أغاني الأعراس , ولك حتى صرت أشتهي أسمع صوت مرا عم تولول بحادث وفاة , مشتهي شي طفل يخرمش وجهي بأصابعو حتي يشر الدم , وحابب ـأمشي تحت المطر حتى تتبللبل ثيابي وأرجع عالبيت حرارتي 40 بس شوف حدا يقللي شلاح تيابك لا تمرض .................................................. ...................................... حاج ما عاد في قدرة كفي





قلوبنا دائما تتغذى على أمل مشرق ذات صباح....

اسفة اذا لامست جراح الغربة لديك.

ولكن ومن اجل احبتك عليك ان تجعل قلبك حيا .. بدفئهم وبذكراهم وبحلم لقاءهم ..

لك عظيم الاحترام :D

الغربة مرة كتير بس فيها شي حلو بيغطي على كل المرارة........انها بتعلمنا كيف نحب الوطن!

1- ليش مغترب ؟؟
من و انا عمري 10 سنين يعني وعيت على هل الدنيا و لقيت حالي مغترب
طبعاً مغترب مع اهلي كلهم
ولما وعيت اني مغترب عن بلدي سئلت والدي :-
قال : الوضع صعب هنيك في البلد و الكبير بياكل الصغير متل السمكة يا بابا
خخخخخ
و فعلا انا هيك شفت

2- صرلك اديش مغترب ؟؟
15سنة

3- وين مغترب ؟؟
دولة الكويت

4- بتتمنى ترجع عـــ سوريا ؟؟وشو اكتر شي اشتقتلو بسوريا
اكييد بتمنى اني ارجع على وطني و ارضي
اكتر شي اشتقت للهوا و التراب و الارض و الشاااااام مع اني رحت عليها مرتين
و كمان كتير اشتقت لحمص
ولاقاربي يلي نصهم ما بعرفهم:p
و الحارة يلي خلئت فيها و اصحاب الطفولة

5- ليش حابب ترجه عــ سوريا ؟؟ اذا ماكنت حابب كمان ليش ؟؟
حد ما بحب وطنه او يرجع لوطنه
ويلي ما الو وطن ما الو اصل
بمتنى من كل البي اني استقر ببلدي سورياااااا
بس
استقريت هنيك و الحمدلله عم اشتغل وكل علاقاتي و اهلي هون بالكويت
يعني لو بدي افكر ارجع على سورية رح احس حالي غريب في بلدي

6- شو بتساوي اذا لئيت حدا عما يحكي عن بلدك بسووء ؟؟
اكيد بنزعج





اهلين والله باهل حمص :D


كلَّ مرة أحنُّ بها لبلادي الحبيبة بفوت لهاد المنتدى, ...

و بحس كأنو عم بتمشى بحواري دمشق يلي مابتغيب عن مخيلتي .....


أشكر الله الذي يبلي ويعين ...

بلاني بغربتي و أعانني بكم أيها الأخوة ..

بحبكون كتييييييييييير:D

1- ليش مغترب ؟؟
من و انا عمري 10 سنين يعني وعيت على هل الدنيا و لقيت حالي مغترب
طبعاً مغترب مع اهلي كلهم
ولما وعيت اني مغترب عن بلدي سئلت والدي :-
قال : الوضع صعب هنيك في البلد و الكبير بياكل الصغير متل السمكة يا بابا
خخخخخ
و فعلا انا هيك شفت

2- صرلك اديش مغترب ؟؟
15سنة

3- وين مغترب ؟؟
دولة الكويت

4- بتتمنى ترجع عـــ سوريا ؟؟وشو اكتر شي اشتقتلو بسوريا
اكييد بتمنى اني ارجع على وطني و ارضي
اكتر شي اشتقت للهوا و التراب و الارض و الشاااااام مع اني رحت عليها مرتين
و كمان كتير اشتقت لحمص
ولاقاربي يلي نصهم ما بعرفهم:p
و الحارة يلي خلئت فيها و اصحاب الطفولة

5- ليش حابب ترجه عــ سوريا ؟؟ اذا ماكنت حابب كمان ليش ؟؟
حد ما بحب وطنه او يرجع لوطنه
ويلي ما الو وطن ما الو اصل
بمتنى من كل البي اني استقر ببلدي سورياااااا
بس
استقريت هنيك و الحمدلله عم اشتغل وكل علاقاتي و اهلي هون بالكويت
يعني لو بدي افكر ارجع على سورية رح احس حالي غريب في بلدي

6- شو بتساوي اذا لئيت حدا عما يحكي عن بلدك بسووء ؟؟
اكيد بنزعج




اهلين باهل حمص والله :D

أيا وطني: جعلوك مسلْسلَ رُعْبٍ
نتابع أحداثهُ في المساءْ.
فكيف نراك إذا قطعوا الكهْرُباءْ؟؟



شكرا كتير اسعدني مرورك المميز:D

لسا مااغتربنا
كنا ناويين نغترب هالسنة بس الاخل الكرام مارضيو :jakoush:


والله احسن شو بدك بوجع الراس وحتى لو تغربتي اوعك تروحي السعودية

بتموتي وانتي عايشة ومابتحسي بالحياة بنووووووب:cry:

يعني كتار من الأخوة حطو إيدون ع الجرح .. وكتار منهون حكوا كلام كتير حلو وموضوعي كتير ..
بالنسبة لي أنا متغرب أكيد حال معظم الشباب المتغرب عشان لقمة الخبز وتحسين حالتي المادية وتأمين مستقل شريف لي ولأسرتي .. خاصة إنو أبي ( الله يرحمو ) ماخلفلي ملعقة دهب ولا حتى فضة
صرلي 8 سنين متغرب عن بلدي سوريا ومدينتي حمص الحبيبة في السعودية - جدة
وصدقوني لليوم بعدون عيوني بتدمع لما بحاكي أهلي ع التلفون
ولو خيروني .. برجع اليوم قبل بكرا واللحظة قبل التانية
صدقوني ياجماعة .. والله العظيم والله العظيم والله العظيم
وجودك بين أهلك وأصحابك تسوى الدنيي ومافيها ... لمة أهلك حواليك بالعالم كلو .. بيكفي إنو لما تقول أخ فيه مية واحد بيرد عليك
بيكفي لما تمشي بشوارع وأزقة حمص ..بتشم ريحة ذكرياتك وطفولتك ..
بيكفي تمر بشارع وتلاقي صديق صدفة .. يعرفك وتعرفو .. مو متل هون كل الوجوه غريبة عنك
شو بدي احكي عن الغربة ومر الغربة .. صعبة صعبة عن جد .. وكتير من الأحيان بتكون مدمرة
وصدقوني كل مابتعطيك مركز ومال .... بتاخد منك أحلى سنين عمرك
مابقولك لا تسعى ولا تبحث عن الأفضل
إنما إياك ثم إياك أخي وأختي أن تضع في بالك إنك تستمر بالغربة مهما كان الثمن ومهما كانت المغريات
احساسك بكونك غريب ومنبوذ طيلة أيامك .. احساسك بتلك النظرة التي تراها بعين أبن البلد المقيم عنده بأنك جئت غريب وإنك بحاجة وبأنك جئت لسلب خيرات بلده ( وهذا أمر واقع جدا في السعوية ) تلك القيود التي تكبلك أينما ذهبت .. تلك الأحلام الوردية التي تحلم بها في غربتك ستجدها شوك وعلقم ينخر في صدرك وربي ..
لا تواخذوني طلعت شوي عن الموضوع .. بس عن جد موضوع مس قلبي من جوا
عيد التفكير ألف مرة وخليه أخر حل قبل ما تاخد قرارك وتفكر بالسفر والغربة ..
دخيل حمص ورب حمص وأهل حمص وسوريا بيت بيت وحارة حارة ..
مشتاء لكل شي فيكي ياحمص .. أهلك .. ناسك .. حتى الحيطان ...
شو بدي أوول أكتر ..
الله يسامحك أخت راما ع هالموضوع ..

عد بي إلى حمص ولو حشو الكفن
وأهتف أتيت بعاثر مردود
واجعل ضريحي من حجارة سود






عندما تبكينا زهرات غربتنا

نعتلي الظلمة رغم السكون

فيبقى في المحاجر..

الآف الانات..على امل العودة يوما..

فنحّن الى امسيات مضت من العمر...

و مرت كلمح البصر..

تؤلمنا..السنون..ويبقى عطرك

يا وطني...
كم هو جميل...

الابحار في كلمات الوطن

وكم هو جميل الاشتياق اليه

وكم هي مؤلمة الغربة









اهلين كمان مرة باهل حمص:p

ويسلموووو ايديك ياابو الطل على هاد الحكي يلي مافي منو

ويارب ترجع لاهلك وحبايبك عن قريب





للجميع مودتي وامتناني ولكل يلي شارك بهاد الموضوع تسلم ايديكون واحد واحد :D

راما

الغربة مرة كتير بس فيها شي حلو بيغطي على كل المرارة........انها بتعلمنا كيف نحب الوطن!
اي بحياة وطني معك حق .
تحياتي الحارة
ظل جيفارا

- ليش مغترب ؟؟
اتغربت بشان الدراسة
2- صرلك اديش مغترب ؟؟
صرلي شي خمس سنين ونص تقريبا
3- وين مغترب ؟؟
اربع سنين ونص في اوربا والباقي حاليا في امريكا
4- بتتمنى ترجع عـــ سوريا ؟؟
حاليا لا مو زابطة ما عم يقبلو المصدقات وحاطين اسمي عالعسكرية
وشو اكتر شي اشتقتلو بسوريا
5- ليش حابب ترجه عــ سوريا ؟؟ اذا ماكنت حابب كمان ليش ؟؟
لا تفتقيلنا الجروحات..بلاها هلا

6- شو بتساوي اذا لئيت حدا عما يحكي عن بلدك بسووء ؟؟
مين بيسترجي

:D

[quote=rama1985;1130762]مرحبا للجميع


ازا كنت مغترب او مغتربة.. اكتبلك شي رد حلو وتكون مجاوب فيو عـــ الأسئلة هي ::

1- ليش مغترب ؟؟
ما بعرف اسئلو اهلي انا انلدت هون
2- صرلك اديش مغترب ؟؟
من يو ما ولدت
3- وين مغترب ؟؟
بالكويت
4- بتتمنى ترجع عـــ سوريا ؟؟وشو اكتر شي اشتقتلو بسوريا
كتير متمنيو ارجع للشام وعيش فيها وضل فيها....واشتقت لأهلي وصحابي وحارتنا
5- ليش حابب ترجه عــ سوريا ؟؟ اذا ماكنت حابب كمان ليش ؟؟
مشان ارجع عيش بين اهلي وحباي
6- شو بتساوي اذا لئيت حدا عما يحكي عن بلدك بسووء ؟؟
ياويلوه بخليه يحسب الله ما خلقو وبشرشحوا وبهدلو وبخليه علكة بتم الناس
انا بادي ماحدا بيقرب عليها
:cry: