ما رأيك بالجنس قبل الزواج وما هي أبعاده ؟! [الأرشيـــــف]

عرض كامل الموضوع : ما رأيك بالجنس قبل الزواج وما هي أبعاده ؟!

صفحات : [1] 2 3 4

Syria Man

06/10/2008, 17:05

مرحبا ياجماعة الخير :D
في موضوع كتير خطير بالنسبة لشبابنا المراهقين.. وهوي موضوع الجنس قبل الزواج ...
يعني الشب عنا بيلحق البنت وبيوعدها بشي معين
متل الخطبة أو الزواج وبيعلقها وهييييييك لحتا ياخد الشي يلي بدو اياه
وبعدين بيلحشها لحشة الكلاب وتروح اتدبر راسها .
وبنفس الوقت في شباب أكابر كتير يعني مو كل أصابيعك متل بعضون .
أنا بدي أعرف رأيكون بموضوع الجنس والعلاقة قبل الزواج إذا هوي صح أو خطأ
وأنا أول واحد رح أعطي رأيي :

^
^
^
^
^

أنا برأيي موضوع الجنس قبل الزواج خطير كتير وخطأ 100% ...
من الناحية الأخلاقية والدينية ومن جميع النواحي .
يعني أول شي نحنا السيد المسيح بيقلنا أنو من نظر إلى امرأة ليشتهيها في قلبه فقد زنا
فكيف اذا عمل معها علاقة أو ماشابه قبل ما تتكلل العلاقة بسر الزواج المقدس أو ماشابه ...
وأكيد هاد الشي بظن نفسو بالنسبة للشريعة الاسلامية ...
وبعدين الواحد منا إذا عمل علاقة مع البنت اللي بيحبها قبل مايصير شي رسمي وبعدين تركها
بيكون قتلها وقتل حياتها كلها وهيي بربيع عمرها ..
ومن ناحية تانية .. يعني اذا عمل علاقة معها وخلينا نقول اتزوجها بعدين وهي النسبة القليلة
كمان بيكون قتل خصوصية الحب والزواج قبل وقتو بكتير وعاش مرحلة مبكرة من الحياة
وغالباً بهالحالة بتفشل الحياة الزوجية وبيتم الطلاق بين العروسين اللي فينا انقول عنون المراهقين ..
لأنو رح تكتر الخلافات ليتوصلو للحل الوحيد واللي هوي الطلاق ...
فيا شباب ويا صبايا لازم كل واحد فينا يحترم حالو ويحافظ على كرامتو وكرامة الطرف الآخر حتى الزواج
بعدين أنا شخصياً برأيي أنو اللي بيعمل هيك مع البنت بيكون ما بيحترمها
لأنو لازم يحافظ عليها ويخاف عليها حتى تتكلل العلاقة بالزواج المقدس
(ولازم البنت اتدير بالها من الزواج على ورق)...
ولازم ما نضعف أو يسيطر علينا الشيطان ومانتبع شهواتنا وملذات الحياة ونخلي الله قدامنا على طول :D

بنفسجة

06/10/2008, 17:14

انا برايي انو خطير وكتير كمان ونتائجه كتير غير مضمونة
اما انو خطا فهيدا شي نسبي
يعني احيانا الاتفاق بين الشريكين والحب الصادق بيناتون بيعطي ضمان للشريكين ببمارسة الجنس عن قناعة انو رح يتم الزاوج
اما هيك كيف ما كان اي علاقة حب بين شب وبنت يكون الجنس في صلبها فيهدا بيرتب كتير اخطار على الشخصين والمجتمع يلي عايشين فيه
يعني فرضا صارت العلاقة وبعدها تم الانفصال
البنت ليست عذراء بالمعنى الشرقي للكلمة وهاد شي مش مقبول بالجتمع على الاقل حاليا
هاد رح يوقعها بمازق كتير خطير
هاد اذا ما حملت وعلقنا
الوضع النفسي رح يتردى وممكن تنتحر
اذا ما نحروها اهلا
فليش المخاطرة لاحقين اصلا حلاوة ليلة الدخلة انو بتكون اول اتصال جسدي بين الحبيبين وبشكل امن فليش العجلة

SelavI

06/10/2008, 17:30

ما رأيك بالحب قبل الزواج
الجنس هو الحب
الجنس الذي تكلمت عنه انت ليس له صلة بالحب ابدا
انا اتزوج من عشيقتي كل يوم اراها فيه
اعلن ارتباط روحي بها في نفسي

وان كان الزواج لغرض المعاشرة الجنسية والشهوات المؤقتة فقط فاذا لن اتزوج ما حييت

انا سأتزوج عندما اعلن لحبيبتي اني احبها
وعندما تعلن هي لي نفس الشئ

حينها يتم زواجنا على الورق الروحي
وليس على ورق المجتمع

Marooshe

06/10/2008, 18:43

فيا شباب ويا صبايا لازم كل واحد فينا يحترم حالو ويحافظ على كرامتو وكرامة الطرف الآخر حتى الزواج

مع انو مصطلحات الموضوع صارخه وفظيعه
بس هي اكتر جمله لفتتلي نظري
انو شو يعني نحترم حالنا ونحافظ على كرامتنا؟
وشو يلي بيقرر هشي؟
اعمالنا؟ اشيا منقدمها لغيرنا؟ اشيا منعملها كرمال مجتمعنا؟
او شي مخفي ومحصور بفرج صبيه؟

ومين قال انو الجنس عهر وكفر واثم؟
يمكن ممارستو فيها خطوره اجتماعيه
بس
بدون اي شك
الجنس رباط مقدس
واسمى واطهر من اي ارتباط رسمي
لانو الحب... والحب ارقى من انو ينحصر بين كام سطر وشاهد

ربيع الأحزان

06/10/2008, 23:40

pivot

07/10/2008, 00:04

مساء الخي
الموضوع قيم جدا و مفيد بنفس الوقت
عزيزي سيريا مان الحب الذي تحدثت انت عنه
لا علاقة له بالجنس
هل نحن نتزوج فقط من اجل المعاشرة الجنسيه
و لاشباع غرائز فيزيولوجية يتطلبها جسدنا
سواء كنا ذكورا ام اناث
طبعا لا الزواج شي مقدس و فيه اشياء كثيرة اهم جدا من التقاء جسديي
الجنس في مجتمعاتنا اكيد شي مرفوض لانه حرم من قبل الدين و التقاليد و الاعراف ايضا و لكن لو افترضنا
ان الدين لم يحرمه ماذا كان ردة فعل المجتمع
نحن دائما نربط الزواج بالجنس و هذا هو خطانا القاتل

ِAbu Alzooz

07/10/2008, 02:11

هلق انو انا كلمة و كم قطعة دهب
و كم غنية و كم زمور

لح يخلي الجنس حلال

لا يا خيي الجنس من الاساس حلال
و يلي بحللو شي واحد هوي الحب

هلق اذا انتو مقتنعين انو الجنس هوي تلبية لغريزة متل الاكل

لا انتو غلطانين الجنس هوي اعلى درجات المحبة لما بيلتحموا الجسدين
مع الروحين

_________________
* الجنس : كلمة الجنس فوق هوي مو الجنس يلي بيصير ببيوت الدعارة

الكرواتي

07/10/2008, 02:39

أوف قديش الموضوع اللي فاتحو خطير وخاصة في المجتمع الشرقي....وطولو بالكون علي لأنو خمسطعش ألف فكرة عم تركض براسي
اولا حتى نتكلم عن الجنس يجب ان نعرف مفهوم الجنس ماهو؟؟ وماهي الثقافة الجنسية المتوفرة عند الأفراد؟؟ وماهي الصورة المرسومة عند كل فرد ذكرا او انثى تجاه الجنس الآخر
لأن هذه الكلمة تحمل كثير من المعاني والدلالات وبحسب موضوعك هنا فهمت اوتوماتيكيا الممارسة الجنسية العملية ....همممممممم
طيب باأخوتي كل واحد فاهم وراسم صورة للجنس بمخيلته ..... انا مع الممارسة الجنسية قبل الزواج!!!! طولوا بالكون ماتبلشو تضربوني لأنو انا مفهوم الجنس عندي لا ولن ينفصل عن مفهوم الحب لذلك الجنس عندي بمعناه الشامل(وهدا رأيي أنا ) يشمل امساك اليد والضمة والقبلة وتختم بالممارسة العملية للجنس طيب لهون منيح ..
يعني بالنسبة لألي لما بمسك ايد حبيبتي هدا جنس ولما اقبل يدها او خدها او حتى فمها هدا جنس .. لأنو بهالعملية عبرت عن حبي لها بطريقة حضارية وسلسة والحب والشهوة والجنس ثلاثة في واحد لايمكن الفصل بينهم ابدا
عرفتو ليش انا مع الجنس قبل الزواج؟؟؟:larg:

وكمان في شغلة لازم الكل يعرفها انو قمة الحب هو الممارسة الجنسية والتي تتجسد بالأولاد الذين هم نتاج هذا الشعور المقدس بين شخصين نذر أحدهما نفسه للآخر في هذا الرباط المقدس.

ومن هون انا بفهم القصة انو ممارسة فعلية قبل الزواج مرفوضة عندي لعدة اسباب:
اولا حفاظا على خصوصية الزواج
ثانيا حفاظا على مفهوم الحب في الحياة الزوجية
ثالثا الإبتعاد عن الخوف والقلق (أي احترام مشاعر الحبيبة) قبل الزواج
رابعا التمسك بمفهوم الأشتياق للّقاء الجسدي بالرباط المقدس
خامسا ازدياد الثقة بين الطرفين مهما كانت الشهوة كبيرة(بأنه لايستغلني)
سادسا اتحاد الشخصين معا ليصبحا جسدا واحدا يتألم الأول بتألم الثاني

وكتير أسباب الواحد مابيقدر يتذكرها فرددفعة

لأنو بصراحة ياجماعة وما عم بجيب شي من عندي هون بكرواتيا الجيل الطالع اكيد بيدور على رفيقة او صاحبة بس المشكلة عم يتفاجئوا من حالات الإنفصال والخيانة بعد الزواج لأنو صارت القصة تعويد وبعد الزواج بيصير عندون ملل من الطرفين وبيبلش يدور كل واحد على شخص جديد لأنو مل ولازم يجدد ويجرب مع طرف جديد
وبالمجتمع الشرقي الرجال عندنا بيبرروا بهالجملة (اي شو كل يوم الواحد بدو ياكل مجدرة)
وانا كنت اطق من هالحملة طيب وين حبك راح ياولدي والحبيبة اللي كان ريالك يشط عليها وقاتل حالك لتشوفها وعاندت اهلك كلياتون كرمالها صار اسمها مجدرة؟؟؟ عجبي
يعني مابتعرف انو الجنس هو اندماج ومنح جسدك للطرف الثاني!! فأنت تعطي شي من نفسك

بالمختصر المفيد ياأخوتي الممارسة قبل الزواج فكرة غريبة لأن الطرفين بيقدروا يفرغوا الشحن اللي عندون بمسكة ايد ببوسة اوحتى بمداعبة اذا فهمانين الجنس مظبوط

شكرا لك اخي سيريامان لأنو فعلا موضوع حلو بيخلي الواحد يرجع يعيد حساباتو انو شو بيعرف عن الحب والجنس :deal:

ناصرشكري

07/10/2008, 03:11

تخيل نفسك أنك تزوجت يوماً ما فلن تعجبك بالتأكيد فكرة أن زوجتك قد مارست الجنس مع شخص آخر قبلك أو أن شخصاً قد قام باستغلالها.ماذا عنك أنت هل تروق لك فكرة أن زوجتك قد كانت على علاقة جنسية مع رجل آخر قام باستغلالها. إذا كانت لديك صديقة الآن وتمارس معها الجنس فماذا سوف يكون شعورك لو كانت زوجتك في المستقبل هي صديقة لشخص آخر الآن.
من الممكن أن تفكر بذلك من وجهة نظر أخرى أن هذه الفتاة التي تقوم أنت باستغلالها هي بكل بساطة أبنة أحدهم ولكن بماذا كنت ستشعر إن قام أحد الشباب باستغلال إبنتك يوماً ما فكر في ذلك ماذا لو حدث ذلك لشقيقتك فهل سوف تسمح لأحدهم بإستغلالها فهؤلاء النساء هن بنات وأخوات وزوجات المستقبل .الجنس من أكبر النعم التي أنعمها الله علينا لكنه سبحانه و تعالى وضع لها قواعد و قوانين يجب التقيد بها.
:deal:

مايا *

07/10/2008, 03:23

هلا بعيدا شوي عن فكرة الموضوع ..

شخصاً قد قام باستغلالها.
رجل آخر قام باستغلالها.

تقوم أنت باستغلالها
الشباب باستغلال إبنتك
لأحدهم بإستغلالها

ليش دائماً منصوّر البنت إنها الحمل الوديعـ و أنو الشب شرحبيلـ الشرير الي بيستغلها .. !

البنت الي بتمارس الجنس مع الشب , بتمارسو برضاهــــــا , يعني خلونا نطلع شوي من فكرة أنو البنوتة كتير يا حرامـ

و إلا منسميه إغتصاب .. !

قمة الحب هو الممارسة الجنسية والتي تتجسد بالأولاد

:? هايـ جديرة بالصفن .. !

hanny dagher

07/10/2008, 09:05

همممممممممممممممممممممممم
فكرت كتير قبل ما اكتب بهالموضوع
وكان في براسي كم شغلة بدي اكتبهن ولما بلشت بدي اكتب نسيت شو كان براسي (قديش بكره هالشغلة :pos:)

تنبيه من اول الرد رح اسحب يا اخواتي ورح اشطح على مواضيع وقصص وقضايا

اولا : الموضوع ريحني كتير اليوم ورح قول ليش بهالكم سطر التانيات بس اول الشي عندي سؤال

كم واحد بيحب وحدة عنجد وما براسو او مانو مفكر انو يخدعا او يغشها او يلعب عليها عندو الجرأة انو يفتح معها موضوع الجنس ؟ ممكن يكون في عالم عندهن الجرأة وممكن عالم يكون لاء
انا واحد من الناس اللي ما عندي جرأة اني افتح هالموضوع مع حبيبتي مع انو من المواضيع الاساسية اللي بعتقد لازم ينحكى فيها بين الحبيبين وخصوصا اذا في مخطط انو يكفو حياتهن مع بعض
اليوم وبعد ما انطرح هالموضوع فتحت الموضوع مع حبيبتي وحكينا في وخصوصي انو متل ما قلت انا بعتبر هيك موضوع من الضروري انو ينحكى في ويتفق علي وصرلي فترة عم فكر كيف بدي افتح هالموضوع وما كنت لاقي طريقة اجا هالموضوع وساعدني فالموضوع اجا بوقتو

الاسباب اللي بتخليني ما احكي بهيك موضوع مع حبيبتي ( او بتخلي اي حدا ما يحكي مع حبيبتو )
هيي انو البنات عنا تربو على طريقة انو يا بنتي ما تخلي حدا يبوسك او يلمسلك ايدك لانو بتنتزع سمعتك ومعد حدا بيتزوجك (هلأ هيك كانت الحالة قديم بس كيف صارت عن جديد ما بعرف ) طبعا انا عم احكي بغض النظر انو المجتمع بيعارض حالات الحب اللي بتصير بين الشباب والبنات بكل انواعها حتى لو ما صار بين الشب والبنت اي شي جنسي ( بعرف ممكن عالم يعترضو انو ناقضت حالي بين هالجملة هاي وما سيتبع بس انا هون عم احكي مجتمعيا وليس شخصيا ) وبيعتقدو البنات انو اي شخص بدو يفتح معاهن هيك موضوع او انو يلمس ايدهن او يبوسهن مثلا انو هادا ناوي على نية غير صافية او عم يضحك عليهن لهيك بتلاقي الحبيب حتى لو ما بزهنو انو يغدر بحبيبتو بيلاقي صعوبة من طرح هيك موضوع لمجرد النقاش وبدون اهداف اخرى

ثانيا: سمعت كتير من بنات وشباب انو الحب بينتهي بعد اول ليلة بالزواج (ما بعرف قديش منكن بيتفق مع هالجملة بس بعرف انو اللي ما رح يتفقو رح يخنّقو ويعصبو من هالجملة )
انا كنت اول واحد بيخنّق وبيعصب من هالجملة
هالجملة بتعني انو تنين حبو بعضن شهر شهرين سنة سنتين تلاتة اللي هني وبعدها تزوجو و مارسو الجنس بليلة الدخلة وانتهى الحب صارت علاقتهن رسمية صار المرا الها مسؤوليات منزلية (تنضيف البيت والطبخ والجلي و و و ) طبعا اضافة اذا لشغلها اذا كانت بتشتغل والزلمي الو مسؤولياتو بتأمين حاجات البيت ومتطلباتو بس الحب انتهى مع نهاية اول عملية جنسية
بداية خلينا نعرف شو يعني حب ؟ شو يعني زواج ؟ وشو يعني جنس ؟
من هون رح بلّش احكي كوجهة نظر شخصية و كحالة شخصية عم عيشها
الحب : الحب مو دقة قلب ولا احمرار خدود وقت بتشوف الشخص التاني او تحكي معو
الحب هوي التفاهم الاتفاق الاندماج بكل شي مع الطرف الاخر انو تتقاتلو تتصالحو تتزاعلو تتراضو تبكو تضحكو تختلفو بالرأي تتعايطو الحب انو رغم كل المشاكل اللي بيناتكن بتتاكدو انو هالمشاكل رح تنحل ورح يكون الكن سند تقدرو توقفو علي الحب انو تتاكدو انو في شخص عم يدعمكن عم يوقف معكن الحب انو تفكرو كواحد ما تفكرو كتنين انا بعتقد حاليا انو عايش حالة حب كاملة (ممكن كتير عالم لو بتعرف كيف وضع علاقتي ما تتفق معي ) بس انا بعرف انو انا وحبيبتي متفقين على كل شي ومنفهم على بعض من دون ما نحكي
منتخانق؟ اي منتخانق منتزاعل؟ اي ممكن نتحسس من بعض بس كل مشاكلنا بتنحل قبل ما نقوم عالنوم
ليش؟ لانو انا بعرف مين هيي وشو بدها مني وهيي بتعرف مين انا وشو بدي منها

- الزواج : ورقة بتسمح للبنت انو تروح تسكن مع الشب اللي بتحبو بدون اعتراض من اهلها هههههههه
هل الزواج بيعني حب ؟ ممكن اي ممكن لاء هادا السؤال ما الو جواب معمم يعني كتير بتلاقي شخصين متزوجين بس ما في بيناتن حب وما بيطيقو بعضهن وكتير بتلاقي اشخاص بيحبو بعضهن بس مو متزوجين
هل الزواج بيعني الجنس؟ لاء ولاء ولاء ليش انا ما بقدر روح نام مع بنت ومارس الجنس معاها بدون ما كون متزوجها
طبعا بقدر
من جهة تانية ما في كتير عالم متزوجة وما عم تمارس الجنس ؟ طبعا اكيد في
قريت تعليقين من شوي رح انسخهن لهون

ومن ناحية تانية .. يعني اذا عمل علاقة معها وخلينا نقول اتزوجها بعدين وهي النسبة القليلة
كمان بيكون قتل خصوصية الحب والزواج قبل وقتو بكتير وعاش مرحلة مبكرة من الحياة
وغالباً بهالحالة بتفشل الحياة الزوجية وبيتم الطلاق بين العروسين اللي فينا انقول عنون المراهقين ..
لأنو رح تكتر الخلافات ليتوصلو للحل الوحيد واللي هوي الطلاق ...

نعم؟ :shock:
بممارسة الجنس بيكون قتل خاصية الحب والزواج ؟
معناتا انتي بحكيك هاد صرت من جماعة الحب بيموت بعد اول ليلة بالعرس
معناتا اذا مارست الجنس قبل الزواج او بعدو خاصية الحب عندي رح تموت بما انها مرتبطة بالجنس
بعدين كم حالة طلاق صارت لانو الزوجة او الزوج اكتشف العجز الجنسي تبع الطرف التاني بعد الزواج ومن هون بدي اسال سؤال يترك معلقا بدون اجابة هالحالات هاي ما كان الزوجين فيهن يحمو حالهن من الطلاق لو مارسو الجنس قبل الزواج ؟

لأنو بصراحة ياجماعة وما عم بجيب شي من عندي هون بكرواتيا الجيل الطالع اكيد بيدور على رفيقة او صاحبة بس المشكلة عم يتفاجئوا من حالات الإنفصال والخيانة بعد الزواج لأنو صارت القصة تعويد وبعد الزواج بيصير عندون ملل من الطرفين وبيبلش يدور كل واحد على شخص جديد لأنو مل ولازم يجدد ويجرب مع طرف جديد
وبالمجتمع الشرقي الرجال عندنا بيبرروا بهالجملة (اي شو كل يوم الواحد بدو ياكل مجدرة)

نعم ؟ :shock:
لنفترض انو ما مارست الجنس لحتى تزوجت
قديش ممكن تضل متزوج ؟
سنة تنتين عشرين سنة تلاتين سنة لو بدك تمل او لو انو براسك انو رح تمل تلاتين سنة زواج و "جنس" مع نفس الشخص ما رح يمللوك ؟
لو انا اكلت المجدرة قبل ما يطلعلي سنان وضليت عم اكلها بعد ما يطلعلي سنان لمدة تلاتين سنة
او لو ما بلشت اكلها لحتى طلعلي سنان وضليت عم اكلها لمدة تلاتين سنة
بالحالتين رح مل (انا ما عم برر حالة الملل الجنسي بهالمثال لاء بالعكس الملل الجنسي بيرجع للشخصين وقديش هني قادرين يتمتعو في )
الملل الجنسي بين الزوجين ما الو علاقة بايمت مارسو الجنس قبل الزواج او بعدو

- الجنس : تكملة للحب
الحب هو اتحاد روحي وعقلي ونفسي وبيكملو الاتحاد الجسدي
ايمت بيصير هالاتحاد ؟ وقت بيوصل الاتحاد الروحي والعقلي والنفسي لاعلى درجاتو وبتعرف انو مستحيل تفرق بين هالشخص وهالشخصاية
هل وصول هالاتحادات لاعلى درجاتها متعلق بالزواج ؟ لاء لانو الشي الوحيد اللي صار قبل الزواج وبعدو هوي شقفة ورقة بيني وبين مرتي وانو صارت بتقدر تجي تنام عندي بدون ما حدا يقلها وين رايحة غير هيك لاء ما تغير شي

انو كان في حكي كتير (بعد كل هالحكي واسا في حكي )
بس رح انطر بلكي شي حدا بيرد وبيرفرشلي زاكرتي

بس رح قول رأيي الشخصي
انا مع ممارسة الجنس قبل الزواج لانو ما رح تفرق عن بعد الزواج
بس لازم نكون واصلين لمرحلة محددة من الحب انا وحبيبتي ولازم تكون مع رضاها وموافقتها

رح اختمها بسؤال
شو اللي بيجبرني انا وحبيبتي على ممارسة الجنس بعد الزواج ؟ بمعنى تاني هل كلمة "انا تزوجت" بتعني انو اجباري عليي مارس الجنس مع حبيبتي ؟

قد اكون سرحت عن الموضوع كتير بس حبيت وضح مفاهيم اساسية انطرحت بهالموضوع من وجهة نظر شخصية بحتة

هاموش:

بقص ايدي اذا حدا بيقرا ردي :lol:

Reemi

07/10/2008, 11:32

بالزمانات انحكا جدا بهالموضوع هون ..

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

وشم الجمال

07/10/2008, 11:59

هاموش:

بقص ايدي اذا حدا بيقرا ردي :lol:
قصها لاني قريتو من اول كلمة لاخر كلمة,,,,

انا معك هاني بكل حرف وبدي عالماشي احكي رأيي لانو خمس دقايق وبتبلش المحاضرة ,,,
انا بشوف انو اي تنين بحبو بعض وصادقين في الحب الا انو يصير في جواتهن رغبة في الاتحاد الجسدي لانو همو متحدين روحيا ونحنا روح وجسد فكيف بدنا نفصل بين التنين لمجرد تقاليد او دين او غيرو؟؟؟
يعني الجنس شي اسمى بكتير من نظرة كتار الو هوي انعتاق للجسد من قيودو هوي الحب لما يكون تملك الانسان وفيني كفي بس بعد المحاضرة ما بدي انطرد منها لأنو,,,,

وعجبني تلات اراء وانا معهن
سياف وهاني وابو وليام وطبعا مع احترامي لباقي الردود

SelavI

07/10/2008, 12:56

الجنس لا كلمات لا تفسيرات لا قوانين ولا حدود

الجنس اغماض صمت وسفر

أبو حـلب

07/10/2008, 13:14

أنا رأيي ضد أنو الواحد يمارس الجنس قبل الزواج ..
أولاً: أنو إش بكون خليت لبعد ما أتجوز؟ كل شي بوقته حلو .. كل شي بوقته حلو
ثانياً: من الناحية الدينية .. كمان هالشي محرّم

و أعتقد البنت الشريفه و المحترمة ، ما بترضى ع حالها تعمل هالشي مع أي شب قبل الزواج
و أنـا شخصياً .. ما عندي إستعداد أفتح هالباب (إن كان بالكلام أو بالفعل) مع أي بنت ..
بضل عندي خوف أنو بمجرد ما أفتح هالباب .. ثقة البنت فيني رح تنهز .. وهاد شي ما برضاه ،

حلو موضوعك .. و أنـا رح ضل متابع حتى شوف بقية الردود و الآراء

Reemi

07/10/2008, 13:16

أنا رأيي ضد أنو الواحد يمارس الجنس قبل الزواج ..
أولاً: أنو إش بكون خليت لبعد ما أتجوز؟ كل شي بوقته حلو .. كل شي بوقته حلو
ثانياً: من الناحية الدينية .. كمان هالشي محرّم

طيب وتجوزو ومارسو الجنس وبعدين؟؟

انو الواحد ما بيتجوز غير ليشبع رغباتو الجنسيه!

أبو حـلب

07/10/2008, 13:25

طيب وتجوزو ومارسو الجنس وبعدين؟؟

انو الواحد ما بيتجوز غير ليشبع رغباتو الجنسيه!

لأ مو هاد القصد ، الواحد ما بيتجوز كرمال رغبة جنسية فقط ..
(ولو أنو الجنس هوه سبب كمان من أسباب الجواز وما حدا بينكر هالشي)
بس لـ هالموضوع بالذات إله خصوصية ، و خصوصيته بتجي بعد الزواج ;)
و صدقيني كل شي بوقته حلو .. هيك أحلى:D

HashtNasht

07/10/2008, 13:29

ما رأيك بالجنس قبل الزواج وما هي أبعاده ؟!

شو بدك برأيي !!..يعني إذا عطيتك رأيي شو بتستفيد ؟

اذا هو في تنين بدن يعملو جنس قبل الزواج بيعملوا برأيي و بونو و برأيك و بدونو ..و إذا ما كانو بدن يعملوا فما رح يعملوا ...ان أخدو رأيي أو أخدو رأيك !

شغلة بين تنين ..شخصين يعني ..هني بقرروا سوا شو بدهن يعملوا ..إي لا أنا و لا أنت و لا المنتدى كلو فارق معهن ..و ع الحالتين. يعني !

الصمت الناطق

07/10/2008, 13:38

لايوجد أسمى من الحب الروحي .. هذا النمط من الحب لا يصل بالنتيجة الحتمية

إلى ممارسة الجنس.

إنه شعور يبدأ بالعقل ويصل الى القلب , ليتحرك في خط الاحترام و الانفتاح العاطفي

على الاخر. فهو الحب الاسمى

أما الحب الحسي أو مايعرف بالحب الحيواني أو المتوحش , من الذين لا يفقهون

من الحب سوى الجنس , و هو الحب الذي يثير الغريزة و الصفات الجميلة اللأخر ,

فهذا الحب ينطلق غالباً من حالة غريزية قد لا تكون واعية , و لكنها تطلق هذا

الاحساس بشكل خفيف , قد لا يتحسسة الاثنان الا بعد أن ترتفع درجة الحميمية

العلاقة الجنسية قبل الزواج تؤدي إلى اتخاذ قرارات غير حكيمة..كما تولد عدم الثقة بين الطرفين .

لاأدري لربما هناك تعبير عن الحب بين اثنين أقوى من الجنس .. هو الرابط الروحي ..

لكن الذي يؤيد العلاقة الجنسية قبل الزواج أقول لهم ... اتمنى أن لا يكون مجرد

كلام وشعارات لأن أكثر شبابنا مازالوا متشبثين بعقليات تدق ناقوس الخطر.

VivaSyria

07/10/2008, 13:43

أنا مع...

مع أي شي بينتج عن طريق المشاعر والأحاسيس الصادقة...

مع أي شي بيحقق السعاده لتنين.. معو بغض النظر عن أي شي... معو لأنو ارتقاء انساني... مو لأنو غريزة حيوانية...

مع للصبح اذا بدكون :sly:

ظل جيفارا

07/10/2008, 14:28

احترام تام للموضوع ولطرحه :
طبعا موضوع كتير مهم وكتير فرحت اني لحقت شارك فيه بعجقة الحياة والمواضيع ومحاضرة طالعة محاضرة نازلة بس يعني عندي رأي بيقول
انو الحب سلم روحي بنرتقي فيه لحظة بلحظة في مرحلة بتصير كل حواسك مشدودة للحبيب او الحبيبة هيدي اللحظة بيصير الجنس فيها مو غاية بل هو وسيلة لإكتمال التعبير الصحيح والسليم عن مشاعر الحب .
هلأ انا هيدا رأيي عن الجنس والحب بشكل عام أما علاقة هالموضوع بالزواج فمو انا بقررها بقررها الشريكين حسب اوضاعهن الإجتماعية والدينية والفكرية وال..... لهيك لما يقرروا انو لازم يكون في ورقة تثبت إنتماء هالزوجين الديني او الشرعي لبعضهم فهيدا قرارهن وكمان اذا قرروا انو ما في داعي كمان قرارهن ...

بالجهة التانية موضوع انو شباب بيضحكوا على بنات او ما بعرف شو فهيدا بعتبره مشين للأنثى قبل ما يكون مشين للشب فهيدا معناه انو هي عبارة عن كتلة او كائنة بشرية غبية تسقط امام اغراءات الرجل دون ان يكون لها اي دافع ذاتي للفعل ... وهيدا منافي للعقل ...
ولنفترض في مؤامرة فلا يقع بها إلا الغبي ...
يعني الموضوع مو مؤامرات شباب اكتر ما هو رغبة انثوية ..
تحياتي الحارة
ظل جيفارا

was616im

07/10/2008, 14:52

مرحبا خيو...خلينا نكون واقعيين شوية :

هلق بالاول اذا انت عم تناقش هالموضوع من وجهة نظر مجتمعنا و عاداتنا و ديننا اللي بيقلك انو شرف البنت بين رجليها ف بقلك انو ممارسة الجنس قبل الزواج غلط

اما اذا بدك تناقشها عقليا و بعيد عن الدين و الاخلاق الحميدة الدينية ف هو شي مو غلط ابدا ... لقلك ليش :

الجنس يا صاحبي هو حاجة لكل المخلوقات الحية مو بس للتكاثر ... لا وانما هو تلبية لرغبات الجسم و حاجاتو و للتفريغ احيان كتيرة عن شي جواتك ... و طبعا الحكي العلمي و النفسي بيقلك يا عيني الجنس شي مفيد و كتير صحي ... اذا نحنا وقت عم نمنع الجنس عن حالنا ( انا برايي الشخصي ) عم نضر حالنا بطريقة او باخرى...

هالشي هو اللي بيخلي الشباب بشكل عام و فيني قلك تقريبا بدون استثناء بيتجهوا للعادة السرية و كل مانو عم يصير تفكيرن محصور اكتر بهالنوع من الملذات و الرغبات اللمنوعة و متل ما بتعرف الممنوع مرغوب ف كيف اذا كان الجنس....
هون عاد بتجيك عوامل تانية اللي هي المجتمع و الاهل اللي بيسببوا باحيان كتيرة ضغط كبير عالولد و من هون يا عيني عم تنتج حالات الاغتصاب اذا مو كلها ف اغلبها
للحديث بقية :D

SelavI

07/10/2008, 15:33

شو بدك برأيي !!..يعني إذا عطيتك رأيي شو بتستفيد ؟

اذا هو في تنين بدن يعملو جنس قبل الزواج بيعملوا برأيي و بونو و برأيك و بدونو ..و إذا ما كانو بدن يعملوا فما رح يعملوا ...ان أخدو رأيي أو أخدو رأيك !

شغلة بين تنين ..شخصين يعني ..هني بقرروا سوا شو بدهن يعملوا ..إي لا أنا و لا أنت و لا المنتدى كلو فارق معهن ..و ع الحالتين. يعني !

عزيزي ما رأيك هنا تأتي في صيغة الكلام بطريقة غير مباشرة في محاولة للنقاش لا اكثر

طبعا, كلنا لديه قناعاته لا يغيرها من مجرد وجهات نظر الاخرين
___
بالنسبة لي الزواج هو اتفاق الطرفين
يكفيني ان اتزوج في غرفة خالية ليس فيها سوى انا وهي

ولا يهمني الزواج العلني فذلك يأتي مؤخرا

اذا الجنس يأتي بعد الزواج, ولكن ليس الزواج التقليدي بالنسبة الي
الزواج الروحي من كلا الطرفين
لست بحاجة الى كنيسة
لست بحاجة الى مأذون
لست بحاجة الى شاهد

كل ما احتاجه هو خاتمين وغرفة صغيرة وحب
هي تعلن ارتباطها الروحي بي
وانا اعلن ارتباطي الروحي بها

الحب الحقيقي هو الشاهد
الحب يزوجنا

تلك وجهة نظري

الصمت الناطق

07/10/2008, 17:02

كل ما احتاجه هو خاتمين وغرفة صغيرة وحب
هي تعلن ارتباطها الروحي بي
وانا اعلن ارتباطي الروحي بها

وبيكون أرقى وأحلى ارتباط

حلو :D

Abu ToNi

07/10/2008, 17:02

شو بدك برأيي !!..يعني إذا عطيتك رأيي شو بتستفيد ؟

اذا هو في تنين بدن يعملو جنس قبل الزواج بيعملوا برأيي و بونو و برأيك و بدونو ..و إذا ما كانو بدن يعملوا فما رح يعملوا ...ان أخدو رأيي أو أخدو رأيك !

شغلة بين تنين ..شخصين يعني ..هني بقرروا سوا شو بدهن يعملوا ..إي لا أنا و لا أنت و لا المنتدى كلو فارق معهن ..و ع الحالتين. يعني !
صدقا
دبحتنا ايجابية ردك
انه على هال حسية ليش في اخوية
وليش في منتديات (( مع تحفظ على تسمية الاخوية منتدى ))
ليش حاطين شي اسمه استفتاء بالخيارت تبع الموضوع .. وليش بتخلوا العالم تكتب رأيها وتسمع راي البقية

دبحتنا يا رجل بالايجابية تبعك ...
__________________________________________
بس حابب شوف شو هوي معنى كلمة (( جنس )) بالنسبة الكم حتى تعتبروه .. خطيئة .. كفرية .. اهانة للشرف .. فقدان كرامة
ما بدي تعاريف خلبية فلسفية :frown:

SelavI

07/10/2008, 19:44

وبيكون أرقى وأحلى ارتباط

حلو :D

ربما حلو . .

هناك من هي احلى منه . . .
لمجرد تفهمها لشئ جميل

hanny dagher

08/10/2008, 10:05

أعتقد البنت الشريفه و المحترمة ، ما بترضى ع حالها تعمل هالشي مع أي شب قبل الزواج

عرّف البنت الشريفة المحترمة بما لا يقل عن خمسمية سطر

أنـا شخصياً .. ما عندي إستعداد أفتح هالباب (إن كان بالكلام أو بالفعل) مع أي بنت ..
بضل عندي خوف أنو بمجرد ما أفتح هالباب .. ثقة البنت فيني رح تنهز .. وهاد شي ما برضاه ،

هادا الموضوع اساسي بين الشب والبنت
انا بخالفك الرأي تماما بهالنقطة
انا مع ومع ومع انو ينفتح هيك موضوع بين الشب والبنت وقبل الزواج

محمد ابراهيم

08/10/2008, 10:36

هادا الموضوع اساسي بين الشب والبنت
انا بخالفك الرأي تماما بهالنقطة
انا مع ومع ومع انو ينفتح هيك موضوع بين الشب والبنت وقبل الزواج
انا مع فتح الموضوع كمجال للحديث لانو موضوع هام جدا جدا ، بس مع مراعاة انو يكون الحوار جاد ومش بهدف اثارة الغرائز وانما بهدف انو موضوع رح يأثر على مستقبل التنين بعد الزواج فلابد من انو يتناقشو بخصوصو متل موضوع الانجاب متل اي موضوع رح يأثر على مستقبلهم.
طبعا انا هنا مع الحكي ومش مع الفعل "للتوضيح"

اما عن الجنس قبل الزواج فانا وضحت من قبل بموضوع اخر اني ما مع الجنس قبل الزواج للشاب او الفتاة على حد السواء .

hanny dagher

08/10/2008, 10:39

انا مع فتح الموضوع كمجال للحديث لانو موضوع هام جدا جدا ، بس مع مراعاة انو يكون الحوار جاد ومش بهدف اثارة الغرائز وانما بهدف انو موضوع رح يأثر على مستقبل التنين بعد الزواج فلابد من انو يتناقشو بخصوصو متل موضوع الانجاب متل اي موضوع رح يأثر على مستقبلهم.

طبعا انا عم احكي عن الحوار الجاد اللي ما بيتعلق باثارة الغرائز

محمد ابراهيم

08/10/2008, 11:13

طبعا انا عم احكي عن الحوار الجاد اللي ما بيتعلق باثارة الغرائز
انا بعرف بس لانو في عالم رح تفهم تأييدنا للفكرة انو كل غرضها هو اقناع الطرف الاخر بممارسة الجنس وهاد تهميش لفكرة الحوار ، مع انو الموضوع اصلا
هو فتح نقاش حول موضوع رح يأثر على مستقبل كل طرف وتجنب الحكي فيه تحت اي مبرر عالاغلب رح يأثر سلبا عليون ، اكيد الموضوع مش سهل نقاشو كوننا اتعودنا على عدم الحكي بهالامور وبالاخص مع الجنس الاخر ولكن عدم الحديث فيه رح يعمل فجوة بين الطرفين واعتقد انو حديث متل هاد بدو وصول لمرحلة متقدمة بين الشريكين في التقارب والتفاهم حتى يكون الشريك متاكد من اهمية وحرص اشريك حياتو عليه ويقدر يفهم هدفو من طرح موضوع متل هاد .

HashtNasht

08/10/2008, 14:47

صدقا
دبحتنا ايجابية ردك
انه على هال حسية ليش في اخوية
وليش في منتديات (( مع تحفظ على تسمية الاخوية منتدى ))
ليش حاطين شي اسمه استفتاء بالخيارت تبع الموضوع .. وليش بتخلوا العالم تكتب رأيها وتسمع راي البقية

دبحتنا يا رجل بالايجابية تبعك ...

عفواً ابو الشباب ..دبحتك بالغلط :lol:

خيو هلأ بالنسبة لموضوع انو ليش في منتديات ..و الله ما بعرف ..انت أدرى الظاهر بتعرف منتديات كتير ...

هلأ ليش في استفتاءات بالخيارات و ليش العالم بتكتب , أكيد في سبب يعني ..ما جنان و لا هبل ...بس أنو و الله قال شو عم يسألني شو رأيك بالجنس قبل الزواج !!!

يعني هلأ أنت اذا عملت استفتاء يالمنتدى ع هاد الموضوع و طلع أغلبية المصوتين مع ..شو بدك تعمل ..بتعمم الموضوع يعني !!!

و اذا طلعوا لاء !! بالله فهمني شو بتستفيد ؟؟ انت باينتك شب فهمان ..اشرحلي يا أخي شو بفيدك هالموضوع بالتحديد بحياتك العملية ؟..أنو أنت هلأ بعد ما قريت هالموضوع شو فرقت معك ؟...بحياة الله حكيلي .

Purple Rose

08/10/2008, 14:57

انا برأيي الشخص لما بيحب بيكون اهم شي عندو انو يصون حبيبتو يلي هي عندو أغلى من روحو و حياتو
هو اكيد رح يفكر فيها بهالطريقة
لانو كل انسان بتمنى انو يمارس هالغريزة مع الشخص يلي بحبو و الشخص يلي اقرب الو من حالو
بس بطبيعة مجتمعنا الشرقي و دينا انو هاد الشي .. ما منعملو الا لما منتزوج
طيب .. هلأ الشخص لما بيحب انسان
و بيتمنى يقضي معو العمر كلو
بيحط ببالو اي بدي اعمل معو هالشي هيك هيك انا ما رح اتركو بنوب
يعني رد الاخ هاني .. كلام حلو و منطقي
بس بما انك بتحبا لحبيبتك هالاد
و بدك تقضي معها العمر كلو
طيب تزوجو.. هيك او هيك رح تقضو العمر سوا صح
وما في احلى من الزواج ليربط بين الزوجين
و انا برأيي انو مش الجنس هو اعلى مراتب لحب
لا بالعكس لزواج يلي عم يربطنا رباط مقدس منحترمو طول لعمر و بيضل برقبتنا بيزكرنا اديشنا منحب هالطرف التاني
يعني لو انا شب وبحب بنت .. ما رح ساوي معها شي قبل العرس
لاني بخاف عليها اكتر من روحي
بخاف على سمعتها لو فرضا لا سمح الله صار بيناتنا خلاف وتركنا
يعني ما حدا بضمن المستقبل بنوب
ولا بضمن ازا رح يكفي مع هالشخص او لا
فبعد الزواج احلى ..

ويحد سوري

08/10/2008, 20:27

الجنس بدون حب بيعبي الراس و قبل الزواج و بعدووو يعني الجنس بمصاري كتير حلوو ( وجهه نظر ) الجنس من ورا الحب كتير حلوو(وجهه نظر) قبل الحب (ع الخفيف ) اثناء الحب(معدوم) بعد الحب (ياريت) .......................... وجهات نظر يعني هدول لي طلعوا معي ما بعرف غيرهن .......................... هامش اول سطرين من صديق

Abu ToNi

09/10/2008, 02:00

عفواً ابو الشباب ..دبحتك بالغلط :lol:

خيو هلأ بالنسبة لموضوع انو ليش في منتديات ..و الله ما بعرف ..انت أدرى الظاهر بتعرف منتديات كتير ...

هلأ ليش في استفتاءات بالخيارات و ليش العالم بتكتب , أكيد في سبب يعني ..ما جنان و لا هبل ...بس أنو و الله قال شو عم يسألني شو رأيك بالجنس قبل الزواج !!!

يعني هلأ أنت اذا عملت استفتاء يالمنتدى ع هاد الموضوع و طلع أغلبية المصوتين مع ..شو بدك تعمل ..بتعمم الموضوع يعني !!!

و اذا طلعوا لاء !! بالله فهمني شو بتستفيد ؟؟ انت باينتك شب فهمان ..اشرحلي يا أخي شو بفيدك هالموضوع بالتحديد بحياتك العملية ؟..أنو أنت هلأ بعد ما قريت هالموضوع شو فرقت معك ؟...بحياة الله حكيلي .

من ناحية المنتديات بخبرك اني مش مشارك باي منتدى غير الاخوية (( ومشان الحلال والحرام عندي عضوية بمنتدى تاني بس نسيان شو كان المنتدى ))
بس فكرة الاحصائية او الموضوع هوي الاطلاع على راي العالم
بوجهة نظري الشي اللي بخليني حب الاخوية بشكل كبير انها بتوفر لي وسيلة اتصال مباشرة مع فئات مختلفة بقدر فيها اطلع على تفكيرها واعرف منهجيتها بدون ما احتك معها بشكل مباشر
وبالتالي شي كتير عظيم من وجهة نظري اني اقدر اتواصل مع العالم واعرف راين
هلق اذا طلع الاحصائية كلها مع الجنس (( مع تحفظات لان الكلمة السابقة مطاطة كتير )) قبل الزواج هاد ما بيعني اني بدي اطلع بوجي واعمل سيكس على مبدا اسعد بضيعة ضايعة (( عادي عادي )) بس على الاقل بصير عندي فكرة على طريقة تفكير الناس بهي القصة

:D
هاموش مفعلل :
ضحتني كتير باول جملة :lol:

butterfly

09/10/2008, 12:13

لايوجد أسمى من الحب الروحي .. هذا النمط من الحب لا يصل بالنتيجة الحتمية

إلى ممارسة الجنس.

إنه شعور يبدأ بالعقل ويصل الى القلب , ليتحرك في خط الاحترام و الانفتاح العاطفي

و أعتقد البنت الشريفه و المحترمة ، ما بترضى ع حالها تعمل هالشي مع أي شب قبل الزواج

هلق بدي عقب هالنقطتين قبل ما قول رأيي
ما بعتقد انو الحب الروحي العذري المدري شو اسمو .. اسمى
اصلا ما اعتقد إذا تنين بيحبو بعض عم يمارسو جنس بيكونوا عم يعملو شيء مادي :?
لك إذا تنين بيحبو بعض يمكن يصير الجنس صلاة
شيء مقدس جدا ً .. بيجمع هالشخصين ..
فيه ثقة وتواصل واحترام وانفتاح
ليش الجنس رزيلة ؟ ليش برأينا انو الجنس رزيلة
علما اعتقد وشبه واثقة الله وكيلكن .. انو كلياتنا جينا بهالطريقة
اي اي مارسو جنس لجابونا ..
هلق هل ممكن يكون الجنس ممارسة بس .. غريزة بس .. متعة بس
أي ممكن .. وهادا خيار شخصي .. يندرج تماما ضمن الحرية الشخصية
اللي حابب يعملو يصطفل .. قرارو ما خصني ولا خصك ولا حدا خصو

بخصوص الفتاة الشريفة
لك اخي ليش خصصت بنت اول شي ؟ يعني الشب شو ؟
وتاني شي الشرف هو العذرية ؟!
لك في مليون عذراء .. لأنها عم تستخدم طرق أخرى
ومليون عذراء لأنها .. عم تخاف تعنس
ومليون عذراء لأنو يمكن ما عم يصحلا ..
او لأنو ببساطة هيك قالولا .. يعني ما مفكرة بحياتا تاخد قرار ومبدأ لحالا
معلي الشرف ما مرتبط بين رجلين البنت
الشرف متعلق بالمبادئ والاخلاق والقناعات ..
ما حدا يطلق احكام تعميمية ..

موقفي الشخصي من الموضوع " يعني الشي اللي بيعيشو بحياتي وما حدا تاني مضطر يعيشو - لأنو قناعتي "
أنا إذا احببت شخص ما يكفي لأمارس معو الحب بفضل أني اتجوزو .. والتزم اعيش معو حياتي كلها
الزواج بيعنيلي .. بيعنيلي اعلن امام الله اني رح عيش مع هلشخص حياتي
الكنيسة بتعنيلي ..
وبيعنيلي ان عيش هالخبرة مع شخص واحد وعيشى بكليتي بذكرياتي وحاضري وماضيي
وبس
:akh:

هبه الاردن

09/10/2008, 12:34

الله يعطيك 100 الف عافيه ع هالموضوع الكتير مهم

بالنسبه لالي ما بسمح لاي شب انو يلمسني وهاد لاسباب

اولا واهم شي هاد الشي حرام

وتانيا انا بقول انو الشب البحب عن جد ما بيرضى على نفسه

انو يأذي حبيبته ... وبالتاكيد بكون ما بحترمها لو رضي عليها هالشي

واخيرا انا بعتبرها خيانه لزوجها المستقبلي ( اذا وقف القدر ضد ارتباط الحبيبين المستقبلي )

واحلى حب هوه الحب الطاهر الشريف

هاد هوه رأيي وبحترم جميع الأراء البتخالفني

MadMax

09/10/2008, 13:16

Abu ToNi

09/10/2008, 14:22

رب الزواج ع رب الجنس ع رب كل القوانين و التشريعات

يعني هلأ هالشقفة الورقة يللي بيعطيكو ياها رجل دين سادي و فق تشريعات سادية هي يللي رح تفرز الشرفاء من غير الشرفاء

الحب أسمى و أشرف من أي دين
و كلمة حب صادقة ...اطهر من كل الكتب السماوية

طول ما نحنا معتبرين حالنا قصّر و متبعين القوانين اتباع أعمى و مقدس ... رح نضل مقيدين و عاجزين
انا بتفق معك ابو سمرا على انه شقفة الورقة اللي رجل الدين بطج اسمه فوقها بحد ذاتها كورقة ما الها اي قيمة كورقة
بس اذا نظرت الها كنوع من الارتباط او توثيق الارتباط او الاعتراف فيه بتفرق معك القصة

اذا كان شخصين واعيين ومسؤولين عن نفسن (( مناخد المثال الاوروبي او الاميركي كنموذج )) ما بدها تقدم او تأخر الورقة الا بنظر الطبقة الدينية ، اما بمجتمعنا فنحن بحاجة لدليل او لاثبات ما بعرف شو الكلمة المناسبة بس الورقة (( بوجهة نظر شخصية بعيدة كتير عن الدين )) تعني جدية الارتباط .

MadMax

09/10/2008, 14:33

انا بتفق معك ابو سمرا على انه شقفة الورقة اللي رجل الدين بطج اسمه فوقها بحد ذاتها كورقة ما الها اي قيمة كورقة
بس اذا نظرت الها كنوع من الارتباط او توثيق الارتباط او الاعتراف فيه بتفرق معك القصة

اذا كان شخصين واعيين ومسؤولين عن نفسن (( مناخد المثال الاوروبي او الاميركي كنموذج )) ما بدها تقدم او تأخر الورقة الا بنظر الطبقة الدينية ، اما بمجتمعنا فنحن بحاجة لدليل او لاثبات ما بعرف شو الكلمة المناسبة بس الورقة (( بوجهة نظر شخصية بعيدة كتير عن الدين )) تعني جدية الارتباط .

جدية الارتباط .... مو مرهونة لا بورقة ..و لا مباركة هالمخلوقات يللي بسموهون رجال دين
يعني مثلاً .... قارن بين الارتباط عن طريق زواج المسيار ( يمكن هيك اسمو ) .. و بين الارتباط الابدي بمجرد كلمة بحبك

Abu ToNi

09/10/2008, 15:00

جدية الارتباط .... مو مرهونة لا بورقة ..و لا مباركة هالمخلوقات يللي بسموهون رجال دين
يعني مثلاً .... قارن بين الارتباط عن طريق زواج المسيار ( يمكن هيك اسمو ) .. و بين الارتباط الابدي بمجرد كلمة بحبك

[/B]
لو كانت كلمة بحبك صادرة من انسان واعي ومكتمل التفكير ومقدر كلمة مشاعره ومقدرة كلمة بحبك
فهي اهم واصدق من دوواوين كاملة مش بس من شقفة ورقة (( الحكي عن تحربة ))

لكن بمجتمع بيمنع الفتاة انها تخرج مع شاب او تلتقي فيه لا بل بيسمح بهدر دمها ودم الشاب تحت باب الدفاع عن شرف .. ما بعتقد بتكفي كلمة (( بحبك )) على الاقل من وجهة نظر اجتماعية

بالاخير الجنس الغير مسوغ والغير مدرج تحت اي شكل بشرعنة هو اقرب لحياة الغاب .. فاذا بتتفق معي على هي النقطة حيكون عندك شكلين لوضع صياغة للجنس بحيث ياخد قدسيته :
اما بكلمة عميقة جدا (( بحبك )) لكن المجتمع بيرفضها خصوصا انه مفهوم الحب متدني للحضيض (( بوجهة نظري التقديرية انطلاقا من نماذج اللي بصادفها بحياتي ))
يا اما بدك وثيقة رسمية بتربط بين الشخصين السابقين على الاقل ممكن تقدر تحسسهم باهمية ارتباطهم وقدسيته

MadMax

09/10/2008, 15:30

لو كانت كلمة بحبك صادرة من انسان واعي ومكتمل التفكير ومقدر كلمة مشاعره ومقدرة كلمة بحبك
فهي اهم واصدق من دوواوين كاملة مش بس من شقفة ورقة (( الحكي عن تحربة ))

و نحنا هدول يللي قصدناهون ... أكيد ما عم نحكي عن الجنس كمجرد غريزة أو رغبة فقط

لكن بمجتمع بيمنع الفتاة انها تخرج مع شاب او تلتقي فيه لا بل بيسمح بهدر دمها ودم الشاب تحت باب الدفاع عن شرف .. ما بعتقد بتكفي كلمة (( بحبك )) على الاقل من وجهة نظر اجتماعية

و هادا يللي عم نحاول نكون ضدو

اما بكلمة عميقة جدا (( بحبك )) لكن المجتمع بيرفضها خصوصا انه مفهوم الحب متدني للحضيض (( بوجهة نظري التقديرية انطلاقا من نماذج اللي بصادفها بحياتي ))
يا اما بدك وثيقة رسمية بتربط بين الشخصين السابقين على الاقل ممكن تقدر تحسسهم باهمية ارتباطهم وقدسيته

أنا بشوف أنو الحب هو الرابط المقدس الوحيد
لأنو الحب بلا هالوثيقة ... بضل كتير عظيم
أما الوثيقة بلا حب فهيي عهر شرعي

حسام لطفى

09/10/2008, 16:56

رب الزواج ع رب الجنس ع رب كل القوانين و التشريعات

يعني هلأ هالشقفة الورقة يللي بيعطيكو ياها رجل دين سادي و فق تشريعات سادية هي يللي رح تفرز الشرفاء من غير الشرفاء

الحب أسمى و أشرف من أي دين
و كلمة حب صادقة ...اطهر من كل الكتب السماوية

طول ما نحنا معتبرين حالنا قصّر و متبعين القوانين اتباع أعمى و مقدس ... رح نضل مقيدين و عاجزين

غريب هذا الرأى

كيف الحب اسمى واشرف من اى دين وكلمة الحب الصادقه اطهر من الكتب السماويه 0

صعقنى هذا الرأى جدا

لا الحب اسمى واشرف من الدين ولا صدقه اطهر من الكتب السماويه 0

استغربت من اراء اناس كثيرون هنا 000

ولكنى احترمهم جدا 000

ارى ان ممارسة الجنس قبل الزواج عهر 000

والحبيب الذى يطلب الجنس قبل الزواج 000يكون الجنس مقصده فقط 0

لا اعتقد ان هناك اروع من الجنس بحب 000ولا امقت من الحب للجنس 000

ودى

حسام لطفى

Marooshe

09/10/2008, 21:57

أما الحب الحسي أو مايعرف بالحب الحيواني أو المتوحش , من الذين لا يفقهون

من الحب سوى الجنس , و هو الحب الذي يثير الغريزة و الصفات الجميلة اللأخر ,

فهذا الحب ينطلق غالباً من حالة غريزية قد لا تكون واعية

هلأ ممارسه الجنس بين حبيبين صارت غريزه حيوانيه؟
لكان طقوس الجنس داخل اطار الزواج واعتبارو بكتير حالات مجرد واجب للزوجه وامتاع للزوج شو بيتسمى؟
الشهوه الحيوانيه يلي بتطغي على اي اعتبار اخر ويلي منشوفها غالبا داخل الاطر الاسريه القانونيه والدينيه انو نعت منحطلها مثلا؟

لايوجد أسمى من الحب الروحي .. هذا النمط من الحب لا يصل بالنتيجة الحتمية

إلى ممارسة الجنس.

إنه شعور يبدأ بالعقل ويصل الى القلب , ليتحرك في خط الاحترام و الانفتاح العاطفي

على الاخر. فهو الحب الاسمى
لايوجد اسمى من ممارسه الحب بين اي حبيبين... وفعل الحب شي مختلف ومتفاوت ونسبي وكل شخص بيشوفو بالطريقه لي بتناسبو وبترضيه واكيد اكيد مش هيك بيتم تعريفها...
وازا بدنا نحكي عن السمو
فالجنس هو اسمى وارقى درجات الحب
بلحظات ممارستو بيتجرد الشخص من كل الاقنعه ومن كل الاغطيه وبيظهر طبيعي، حقيقي وشفاف
وهشي ابدا مالو علاقه بالزواج... انو ما بيتعارض معو بس منو مرتبط فيه
الحب العذري شي راقي وحلو بس منو ملموس مافينا نتذوقو ونعيشو ونحسو... بينما عند لقاء الروحين في جسد واحد ، بس بوقتها بيبلغ الحب ذروتو واسمى درجاتو...

MadMax

09/10/2008, 22:20

هلأ ممارسه الجنس بين حبيبين صارت غريزه حيوانيه؟
لكان طقوس الجنس داخل اطار الزواج واعتبارو بكتير حالات مجرد واجب للزوجه وامتاع للزوج شو بيتسمى؟
الشهوه الحيوانيه يلي بتطغي على اي اعتبار اخر ويلي منشوفها غالبا داخل الاطر الاسريه القانونيه والدينيه انو نعت منحطلها مثلا؟

لايوجد اسمى من ممارسه الحب بين اي حبيبين... وفعل الحب شي مختلف ومتفاوت ونسبي وكل شخص بيشوفو بالطريقه لي بتناسبو وبترضيه واكيد اكيد مش هيك بيتم تعريفها...
وازا بدنا نحكي عن السمو
فالجنس هو اسمى وارقى درجات الحب
بلحظات ممارستو بيتجرد الشخص من كل الاقنعه ومن كل الاغطيه وبيظهر طبيعي، حقيقي وشفاف
وهشي ابدا مالو علاقه بالزواج... انو ما بيتعارض معو بس منو مرتبط فيه
الحب العذري شي راقي وحلو بس منو ملموس مافينا نتذوقو ونعيشو ونحسو... بينما عند لقاء الروحين في جسد واحد ، بس بوقتها بيبلغ الحب ذروتو واسمى درجاتو...

ما منقدر ما نرفع القبعة لشجاعتك ...وسط مجتمع متخبي ورا اصبعو :D

THE_unforgiven

10/10/2008, 00:10

روقو يا جماعة .. خدونا بحلمكن ... عطونا دور .. يلعما بالمخبز ماصار هيك عجقة ... لك حتى بمطعم الجيش ماصارت معي ..
.
.
.
خلونا نبلش من الأول ونتفق ع كم شغلة ... ماحدا يعيط ويبعبع ..
متل ماكلنا منعرف ... وقت الله نزل آدم وحوا عالأرض .. قللن .. " انموا واكثروا واملؤوا الأرض .. "
=> الله حلل الجنس ... بس بعد الزواج ... وبدون الجنس .. ماكنا هلأ نحنا عيشين ...
يعني لو كان آدم وحوا عيشين بمجتمعنا الشرقي .. وكانو بدن يضلو قاعدين بعاد عن بعضهن متر ... وماحدا يلق التاني .. ماكانو جابو ولد بحياتن ... (متل مابتعرفو بهديك الأيام كان في تخلف بهيك امور .. وماكان حدا بيعرف شي من شي .. )
يعني منتفق أول شي على انو الجنس حاجة ضرورية لكل انسان .. وهوي شغلة غريزية .. واجبارية ... واللي مابيفكر بالجنس بيكون في خلل أكيد ... الجنس هوي حاجة ضرورية للشب .. وحاجة ضرورية أكتر بألف مرة للبنت .. لان البنت عبارة عن بحر واسع ومترامي الأطراف .. ومليء بالمشاعر الهائجة .. واللي إذا ماتفرغت بالعلاقة الجنسية الصحيحة ممكن تخرب الدني ..
لك يعني إذا مافرغ البنت أو الشب طاقتن الجنسية وين بدها تروح ...
متل قنبلة نووبة وبدها تنفجر .. هلأ او بعدين .. المهم بدها تنفجر .. بس نفجرها لتوليد طاقة .. أحسن من تفجيرها لتوليد دمار ..
مافي انسان إلا وعندو حاجات جنسية ..
إذا مامارس (بنت أو شب .. ) بدو يوصل لرغبتو الجنسية بطرق تانية .. وأكيد ماحتكون أشرف من العلاقة الجنسية ..
لك نحنا خلقنا من ورا الجنس .. بس شو .. الموجه .. يعني مو من ورا علاقة عابرة .. بين شخصين بحياتن ماعرفو بعض ..

طيب .. منجي عالحب ...
الحب ... إلو كتير معاني وأنواع ...
في عنا .. حب الأهل .. حب الأصدقاء .. حب الذات .. حب شغلات معينة .. الحب .. اللي كلنا منعرفو وما فينا نستغني عنو .. وهوي .. الحب ..
الحب .. هوي الرابطة الروحية بين شخصين من جنسين مختلفين .. (صار عنا بهالأيام حب بين نفس الجنس للأسف .. ) .. بيقوم عالصدق والإحترام المتبادل ... عالثقة .. عالبراءة .. وبيتجسد بالعلاقة الجنسية ...
العلاقة الجنسية (بغض النظر قبل أو بعد الزواج ) هيي أروع مايجسد الحب الحقيقي ... وخاصة إذا كان حب بمعنى الحب .. مو شهوة وبس .. (انو واحد يتعرف ع وحدة ... وتاني يوم يقللا أنا حبيتك جايي نام عندك .. )
الحب هوي علاقة دائمة ومتجددة .. بتمنحنا القوة لنعيش حياتنا ونكملا .. بتعطينا القوة لنحس بذاتنا ..
بتخلينا نحس انو عيشين .. انو في شخص عم نعيش كرمالو .. نتعب كرمالو ...
والعلاقة الجنسية مع الشخص المحبوب هيي اللي بتقوي علاقة الحب وبتمنحا الديمومة ..
أنا برفض وبشكل قاطع أي علاقة جنسية مع بنت غير البنت اللي بحبها .. أو ممارسة الجنس مع فتيات الشارع ..
أروع علاقة هيي بين شخصين بيحبو بعض .. ومتفقين على انو يكملو حياتن مع بعض .. حتى ولو وقف بوجهن العالم كلو ...

يعني إذا كان الشخصين ماقادرين يتجوزو لا بسنة ولا بعشر سنين .. مابيحبو بعض .. لأ مو صحي ..
صحي العلاقة بعد الزواج بتكون صحيحة وآمنة أكتر .. بس يمكن لو ضلو يحبو بعض بدون علاقة جنسية لمدة سنة مابدي قللكن أكتر ... اكيد حيملو .. (بحبك .. وانا كمان بحبك .. باي .. ) كل يوم نفس الشي .. مافي شي بيعبر عن هالحب .. بيجي واحد بيقللك .. اي بجبلها وردة .. بكون عبرت عن حبي .. لا مو صحي ..
العلاقة هيي اللي بتجسد الحب .. أصلا لولا الجنس ... كان الإنسان بينفجر ..
بس الغلط انو نخلط بين الحب والجنس ..
انو كل يوم الواحد بينام مع بنت شكل .. كل يوم بيحب وحدة شكل .. هادا لااسمو حب .. ولا اسمو علاقة جنسية .. هادا اسمو دعارة .. و****** ... واسمو
هلأ شو صاير بمجتمعنا ... انو .. الشب .. بينظر للبنت للأسف على انها وسيلة لتلبية شهواتو ورغباتو ..
يعني ممكن يطفي شهوتو على أي بنت .. بدون لاحب ولا بطيخ ... المهم حلوة ... هون المصيبة العظمى ..

وهون الغلط بمجتمعنا ... بهالطريقة بيكون عم يلغي كل معاني الحب ... وعم يحول الجنس لوسيلة أنانية ولا انسانية لتفريغ طاقته ومشاعره الجنسية ... يمكن بعد الزواج .. يضل ع نفس المنوال .. مابقا بتكفيه زوجتو .. ولا بقا بتلبيلو حاجاتو... بيمل منها . .. كل يوم بدو بنت جديدة .. وهادا سبب فشل الزواج .. وخاصة إذا كان مبني ع شهوة .. متل ماعم بيصير بمجتمعنا .. انو كتير بيتزوجو شهر شهرين .. وبيطلقو .. قال شو مللو ..
هلأ بيجي واحد بيقللك لشو لكن خلق الزواج .. بقللو أنا انخلق الزواج لاستمرار النسل .. ولتطبيق العلاقة المزبوطة بين الرجل والمرأة .. بس إذا اللإنسان ما بيمارس الجنس إلا بعد الزواج .. معناتو هوي اتزوج ليمارس الجنس وبس .. ومعناتا .. وقت بيمل .. بيفسخ الزواج ..

لك حتى مافينا نتزوج إلا إذا عنجد منحب الشخص الآخر ..
حدا بيتزوج بدون حب ..
حدا بيقول .. يللا بكرا بحبا بعد الزواج ..
اي أنا وحظي ..
بكرا يا مننبسط سوا .. يا بطلقا ..
هادا الحكي .. اللي بيحكيه بيكون معاق ..
الزواج هوي تعبير حقيقي عن الرغبة باستمرار العلاقة الحبية بين الشريكين وتحويل العلاقة إلى علاقة أكثر توسعا .. بتشمل أنجاب الأطفال .. وتكوين عائلة ..
هلأ منجي ع تحديد العلاقة قبل الزواج ..
برأيي الشخصي ...
فينا نحب .. قد مابدنا .. وفينا نعبر عن هالحب ... بعلاقة .. تكون واقعية إلى حدا ما .. وتكون قريبة لما يطلبه الدين ..
يعني .. فينا نعبر عن الحب .. ببوسة .. بالإحتضان .. بالمعانقة .. لك حتى فيهن الشخصين ينامو سوا .. بدون الدخول في المحرمات ...
ماحدا يقول هادا حرام .. لا مو حرام .. نحنا معاقين بمجتمعنا الشرقي .... وبيقلولك شو بدن يحكو العالم ..
جعل خ*** عالعالم ... يحكو قد مابدن .. طالما ما في شي غلط ... يعني شو الفرق إذا نمت معها قبل أو بعد الزواج .. هل هوي الورقة اللي بالمحكمة .. حقها نص فرنك .. بأي لحظة ممكن تنخزق هالورقة وتنكب بالزبالة ..
إذا الزواج ورقة .. معناتا .. صار الحب معاملة .. بدها توقيع أهل العروس .. وختم المسؤول الديني .. وخالصين .. ووقتها بتشتغل الواسطات ... والرشاوي .. حاج تخلف ..
حاج مسخرة ..
ماحدا بيتصور قديش حلاوة العلاقة البريئة بين الحبيبين .. وقت بيكونو سوا .. وبيكونو مش سوا .. يعني .. بيكونو بمتل حلم ... بيعيشو أحساس رائع .. يمكن لو بدن ينتظروا لبعد الزواج ... كان نقص نص عمرن ..
نحنا حياتنا حلوة .. ومابتحلا إلا بوجود الشريك ..
الزواج ... وسيلة وليس غاية ..
يعني الظروف إذا مابتسمح هل يعني انو لازم كل اتنين بيحبو بعض ومابيقدرو يتجوزو يتركو بعض ..
او انهن يمتنعو عن شوفة بعض لبعد الزواج ...
لأ .. اكيد ..
.
.
.
بالنهاية ..
الحب ... هوي اساس وجود الإنسان .. واللي بعرفو انو الحب الحقيقي قل بهالأيام ...
الجب .. مانو خطيئة ولا كفر ... الحب هوي أسمى شي بحياتنا .. وإذا ماعرفنا الحب الحقيقي .. حياتنا فاضية وفاشلة ..
ياجماعة .. اللي بيطلع بأيدو يعيش حياتو مع حبيبو وبنبسط بس ضمن الحدود .. ما يقصر ..
يمكن اليوم تكونو مع الشخص اللي بتحبو .. يمكن اللي بكرا واحد منكن يفيق ما يلاقي التاني ..
حبو بعض .. والله يديم المحبة ... وانشالله كل واحد يلاقي نصفه الآ’خر .. وبشس يلاقيه .. بنصحو يتشريلو روبي (لإلك ولنصك الحلو ... هيك بيكون عبرلو عن حبو .. :lol: ) ...
ماتواخذوني إذا طولت عليكن ..
تحياتي ..
.
.
THE,unforgiven ,,, " :D

fofo besset syria

10/10/2008, 17:54

تسجيل متابعة وشوية تعليقات ;)

وتانيا انا بقول انو الشب البحب عن جد ما بيرضى على نفسه

انو يأذي حبيبته ... وبالتاكيد بكون ما بحترمها لو رضي عليها هالشي

ما فهمت شو الشي الي ما راح برضاه عنفسه!!!
اذى من اي نوع؟!!!

رب الزواج ع رب الجنس ع رب كل القوانين و التشريعات
يعني هلأ هالشقفة الورقة يللي بيعطيكو ياها رجل دين سادي و فق تشريعات سادية هي يللي رح تفرز الشرفاء من غير الشرفاء
الحب أسمى و أشرف من أي دين
و كلمة حب صادقة ...اطهر من كل الكتب السماوية

معك للعضم ابو سمرا..الله حيو :gem:

اما بمجتمعنا فنحن بحاجة لدليل او لاثبات ما بعرف شو الكلمة المناسبة بس الورقة (( بوجهة نظر شخصية بعيدة كتير عن الدين )) تعني جدية الارتباط .

ما بعتئد انو فيه رابط بين جدية الارتباط وهالورقة...هالورقة كتير احيان ما الا قيمة والارتباط بكون فاشل...خاصة مع وجود وراق كتير جديدة..مسيار وعرفي ومتعة وغيرو :D

ومتابعة :D

ظل جيفارا

12/10/2008, 12:02

وبعدين في ربنا بدنا نضل نعيد بنفس الحكي ليش هالناس بتشوف بورقة من زلمة مرمي كخرقة يابسة على جدار الزمن ومهترأة كمان بتشوف فيه المشرع والباسط والقابض في العلاقات يا اخي مشان كمشة انبياء شوية وعي بس ل لحظة وحدة الكل يفكر يا سيدي وخلينا نقول " الرب " والحكي هيدا
معقول الرب اذا اتنين بيحبوا بعضهن بدو اياهن يروحوا يباركوا هالحب بورقة ولو عظمت
الله اكبر من هيك
والإنسان بإنسانيته اكبر من هيك
بس بركي هيدا نوع من المركزية اللي ما قدرنا نتخلى عنا بحياتنا لسا
تحياتي الحارة
ظل جيفارا

أبو حـلب

12/10/2008, 12:56

عرّف البنت الشريفة المحترمة بما لا يقل عن خمسمية سطر

كل واحد إله معيار ومقياس بـ هالموضوع بشكل عام ،
لكن أنـا بحسن قلك أنو بنظري وطالما عم نحكي عن موضوع معيّن وهوه "الجنــس"
فـ البنت المحترمة ما بيكون هدفها من أي علاقة هوه الجنس و الجنس والجنس!
(هون أكيد بتعرف إش ممكن نسمي هالبنت مو هيك؟)

هادا الموضوع اساسي بين الشب والبنت
انا بخالفك الرأي تماما بهالنقطة
انا مع ومع ومع انو ينفتح هيك موضوع بين الشب والبنت وقبل الزواج

ممم يبدو إنك ما فهمت علي مزبوط ..
أنــا بقصد أنو ما يكون الهدف من الحوار هوه إشعال أو تحريك الغريزة ..
ممكن يكون في حوّار ، إي شي طبييعي ..

شكراً إلك. :D

أبو حـلب

12/10/2008, 13:06

بخصوص الفتاة الشريفة
لك اخي ليش خصصت بنت اول شي ؟ يعني الشب شو ؟

مممم معك حق .. ما كان لازم خصص ، هيه ما كانت مقصودة مني

بس هلأ أنـا عندي سؤال يا جماعة ، لكي يلي أيدوا فكرة أنو ممارسة الجنس قبل الزواج هوه أمر جائز
طيب لكن إش بقي ع الزواج ؟ يعني إنتوا لما بتقولوا أنا إتجوزت .. إش بتكون بتقصد فيها ؟
ورقة و خاتم يعني ؟
طالما صرت حاكي معها (وأكيد لفترة طويلة) و مارست الجنس معها و .. و .. و ..
و أنـا متأكد أنو بتغار عليها و بتصرف عليها و .. يعني مسؤولية ..

هاد إش بيفرق عن المتزوج ؟
أنـا ما عم حاول قول أنو الزواج = جنس ، لأ ما حدا يفهمها هيك
بس أنو صار بدي أعرف أنو لـ يلي عملوا كل شي قبل الزواج .. إش منتظرين بعد الزواج؟

:D

ظل جيفارا

13/10/2008, 09:12

طيب لكن إش بقي ع الزواج ؟:D
بتسمحلي عددلك وعد معي ...::D
أول شي بقي إرتباط مصيري ...على طول العمر وبشكل إلتزام ما الكل قادر إنو يحافظ عليه ...
تاني شي انا لحتى قول هالبنت حبيبتي بكون عم احكي عن حالة عاطفية وجدانية مو ضروري أبدا تكون بتحكي عن حالة عقلانية واعية
لهيك الحب والإستجابة للحب شيء فطري غريزي إنفعالي عاطفي " بما يتضمن الجنس "
أما الزواج فهو شيء عقلاني ما الكل بيقدر يتحمله او يتحمل تبعاته وما الكل بيحس عنده القدرة الكافية على الإلتزام " الزواج"
فهمت قصدي ؟:D
تحياتي الحارة
ظل جيفارا