ملاحظة قبل مانبلش ...
اي تشابه بين الي راح يكون مكتوب هون مع اي اختراع او شي او شخص او فكرة او مادة بتعرفوها فهوه من محض الصدفة ولاتمت لعالم الواقع بشي وانشالله الله يحفظ البلدية ومدير هيئة الطرقات عالتسهيلات الضريبية الي عم يوفروها النا والي شخصيا والي صرح قبل فترة من امام البسطة تبعي(بعد مااخذ الي فيه النصيب)ان تركهن النا عم نشتغل بهالشارع هاد من باب الدعم والتاخي لاخواننا الاشقاء في الشعب الصيني العظيم
الشخصيات الواردة بمذكراتي معظمها واقعية والخيالي هاد ناتج عن خيالي

ملاحظة منشان تعرفوا
1-وضعي العائلي ,انا اعذب بشكل اختياري (منشان الصبايا الي معنا)
2-الموهلات :معي شي متل الي عندكنياه بس يمكن اقدم
3-الهوايات :التشفيط والتدخين من علي التنكة ومن امام البسطة ومرات بكتب خواطر

ومن هلق شو ماحكيتوا ماراح ازعل لاني اوبن مايند
اهلا وسهلا فيكن

هلق اعذروني عن ذكر اسماء العيل منشان الخصوصية
المميزات الفنية والتعبوية :وسام يملك معمل كحول بدم يعني ارجيه القنينة بيدوخ افتح القنينة بيختفي :shock:
عند قلب كتير طيب :hart:
يعني رغم اني دائما كنت انصح ان يعمل اختصاص بمهنة وحدة (يعني اعتمادا علي الاسلوب الاكاديمي الي اتبعنا بالجامعة:larg:) بس هالزلمة متل القرد من مطرح للتاني وكل مرة بيطلع بفنة
صحيح وسام طالب مفتوح ..اسف تعليم مفتوح بس يعني حسب ماقلي ان هالكلمة هيه الحقيقة الوحيدة بهالنوع من التعليم والي راح تظل معك للمستقبل والي الكل راح يعترفلك عليها بعد مابتتخرج ...باذن الله

يعني كل يوم خميس وبعتبار ان انا والرفيق تنيناتنا منا متزوجين وبالتالي ماعنا شي نعمل يوم الخميس فبنجيب الارغلية ونعمرها قدام البسطا وللصبح ويعني هاد بيكون شي شبيه للاسلوب العمل الاشتراكي والي بيكون العامل عم يمارس هوايات وعم يستمتع خلال فترة العمل تبع
كان ابو نيسان جاي من لبنان
سالت لك شو عم تعمل هونيك
قلي ان عم يتابع قضية التحقيق باغتيال الشهيد رفيق الحريري وبهالمناسبة هونيك الاخوة اللبنانين داعمينوا بكيس كزبرة :clap:

-اسحاب رفيق :hashish:
-ياسيدي مرات بزعل علي هالاوروبين
-ليش:shock:
-كل يوم بيطورولك شي لهالارغيلة :shisha:,يعني شي بيطلعولك نوع جديد معسل وشي بيعمل نبريش مابيعدي وشي بتكبس زر بتطلع الدخنة لحالها لتمك ,بس بيناتنا, بيظلو غشمة !!
-لعما ليش يعني والله انا بشوف ان حالهم ماشي واراغيلهن بتظوي :shisha:
-لك اجدب ماالاوروبين نسيانين يطورو اهم قطعة بالارغيلة؟
-قصدك القصبة ؟
-لا
-طيب الطاسة يعني من جوا بيحطولها كوندشن :o
-هاي عملوها بس لسا ماحزرت
-شو يعني الفحمة؟
-قربت ياسيدي ,بس القطعة الاهم ما الفحمة بل اليه التحكم بالفحمة:larg:
-التحكم بالفحمة ؟
-يعني حط الفحمة بالنص او تحط 3 فحمات بيحترق الراس معك عالحارك وبيصير بدك نفخ بالراس وساعتها مافيك لا تستلذ ولاتسلطن فيها عالمضبوط
يعني فيك تقول بدك تخلي الفحمة مابتلدع كتير وبنفس الوقت مابتطفي بنوب ,لانها اذا ولعت كتير حرقت واذا طفت ....بطل فينا نكفي ارغلة:pos:
-شو رايك ان انا لسا فيني طورلك فكرتك
-يالله شو ارجيني والله طوريامعلم
-نقيم الفحمة ....ونشغل الارغيلة عالزورة
-والله بيصير وساعتها بيصير اسم الاليه التحكم بالراس عن بعد :deal:
-قال اوروبين قال ...لك نحنا رب الارغيلة لسا جايين يتشاطرو;)

داك اليوم المورد جابلي بضاعة غير شكل
ارانب عالبطارية ...يعني قلت جاي عيد الفلنطاين عالطريق وفيهن يمشوا برياحة:clap:
المشكلة ان بعد ماراح اجيت بدي جرب البضاعة
الارنب بعد مابتحطلو البطارية بيضوي شو بيمشي وبعدين بيصير يخبص يعني شي بينط شي بيحط وشي بيرفس من ورا:pos:,دخلكن هالق انا شو بدي اعمل يعني بخليه ببطاريتو عم يخبص ولا قييمن وبتاجر فيه علي ان اخرس ؟؟
معكن للفلنطاين لتردو علي :deal:

وللـ الصبح مو ..

انا وعفكرة يعني .. عجبوني . ليش مابعرف .

:D

وللـ الصبح مو ..

انا وعفكرة يعني .. عجبوني . ليش مابعرف .

:D

ابو ريتا (المثقف) هاد بيسلم عليك وبيقلك بلالك تكفي قرايت هالمذكرات لان باخرتن راح يجيبوا اخرتك :pos:
من ناحيتي بقلك وقبل مالم البسطة ...يجبر الله بخاطرك:D

ملاحظة:الاحداث الواردة اعلاه وادناه منها تحشيش بس بدها صفنة ...يعني مضبوط ان ماحدا فاضي بس انت وقاعد عالتنكة بتجيك افكار ولا ارسطو ....هلق لو اتفشكلت بكتاب لافلاطون مقيومة من الصفحة الاولي(اسم الكاتب يعني) بتكفي فيه اكثر من سطرين قبل ماتكب بالحاوية؟؟
هلق المشكلة بتطلع بافلاطون ساعتها ولا فيك ....بعتقد ان العطل من المنشا

سلامات مبجلات مبجلات إلى المخضرم والمفدا .. أبو ريتا .. ومن ناحية الآخرة .. لك الله مابيطلع بـ إيدو . فا عمتحكي بـ أبو ريتا .

ولاتلم . كأنو حرك الشغل . تسبب خيي تسبب . وكــــفي .

:o:o
بتخلوني بسط معكون

كمل كمل كمل

:o:o
بتخلوني بسط معكون


بس يا بنت ... ما عنا تقعد هيك قعدات نحنا ..:pos:...

.عم نسمع ..:D

بعد فترة من لما بتبلش بتبحلق بالعالم الي رايحة والي جاية قدامك بالشارع راح تنتبه ان معظمن الهن شي كتير مشترك ,يعني ملامحن ,ممارسات الحياتية احاسيسن وكتير شغلات تانية
كلن بيفيقوا وبينامو وبياكلوا بيسمعوا وبيحكوا وبيروحو للتواليت :oops:
الشب ناطر شي بنت لينام ;)معها والصبايا ناطرين عريس الغفلة:pos: حتى الفلومة الي بتصير معنا تقريبا ذاتها
هلق صحيح ان كل واحد عند اسلوب بس المعدن واحد ,شي بيشبه هاللعب الي علي كيس الخيش الي قدامي والفرق بين اللعبة والتانية شي فرق صغير بالتصنيع بيعطيها شكلها المميز
مابعرف بس مرات بفكر ان كلنا عايشين نفس الحياة مع مراعات الفوارق الزمنية لنكباتنا ونجاحاتنا وان كلنا ماشين بنفس الدويرة الي عم تدور من لما خلق هالكون لدرجة ان صار عندي ثقة ان اذا جمعت 10 اشخاص وقاطعت بين ذواكرهن واحلامهن فيك تلاقي شبه بنسبة 90%
ومن هالاستنتاج الخطير يمكن انا وبو سومر عايشين نفس الشي
بو سومر:ر(مدير عام كان جارنا لماكان موضف وحاليا بيملك نص احدا المحافظات عنا من خلال راتب الي بيساوي 15 الف ليرة ):frown:
طيب اذا كانت كل اللعب فيه الطفل بينبسط فيها وكلها بالنهاية رايحة للكسر فليش لتنباع لعبة ب5 ليرات علي بسطا والتانية ب5000 ليرة بواجهة محل بابو رمانة:?....بتعرفوا يعني رغم اني برفض قانون القناعة بس عندي ركبة السرفيس عالواقف فيها بتحسسني بانسانيتي اكتر بكتير من طلعتي بشبوحة الرفيق بوسومر...ولو روحت علي حالي شرف ان يكون بوسومر شوفيري

لما كنت بالجامعة كان في شب بيلبس صيفا وشتائا طائية مع دقن طويلة وكوفية هالشب ماكان بيدخن غير حمرة طويلة وكلما دق الكوز بالجرة بينتقد كل السياسات العالمية والمحلية وكان كلما قعد معنا فاول كلمة بحكيها ان عنا بالحزب وتاني كلمة هدول منشقين وخونة اما الكلمات المتلاحقة التالية فيه برجوازية,دياليكتيك,نضال شعوب ,مرورا بالتحرر الجنسي ووصولا الي زوال اميركا القريب :larg:
مرة مسكت وحشرت بالزاوية وطلبت من ان يفسر شو اهداف حزب او شو عم يعمل هالحزب اليوم منشان الوطن او انت فيك تلخصلي هالفكرة تبعك باي شي يمكن افهم ...الزلمة قلب ارنب وصار يتئتئ وماعاد عرف شو بدو يحكي وقلي هاي بدها قعدة طويلة ;)
بعد فترة ولاجل الصدفة اتعرفت عشبيبة شيوعية بالفعل فهمانة وسالتن عن الرفيق ابو خالد...
طلع هالابو خالد مابيحمل من الحزب الشيوعي غير كلمة رفيق وشوية اكسيسوارات تلزم كل شاب اليوم من شان يكون مثقف بمجتمع شبه الارغيلة من فوق بيضوي ومن تحت بيبقبق:frown:

ملاحظة:ابو خالد اليوم حولك في كل مكان فوعكن انت وعم تفتح علبة الببيبسي لان يمكن بينطلكن من قلبها ابو خالد ولو كان المنتج اميركي بس التعليب بيظل وطني

ااااااااااااااخ منو ....:sick:
كرنوب ...اي كرنوب لاتستغربوا لان منها غلط مطبعي ;)
هاد ياسيدي مصطلع اطلقت علي لعبة عندي عالبسطة ماعم تهدي,ويعني يوميا بتشوف العالم عم تتهافت عليها
كوصف لشكلها هيه عبارة عن مزيج من ارنب وكلب ودب بهيئة لعبة :shock:
الي اخترعها كان عندوا فكرة ان يعمل لعبة متل الجوكر وين ماشلفتها بتمشي
يعني اذا حطيتها مع الاراانيب بياكل جزر
ومع الكلاب بيعويي اعلي شي
ومع الدببة بتلاقي دب بخمس نجوم:pos:

هلق اذا اليوم انبعث دارون للحياة عن جديد دخلكن مع مين راح يصنف هالكرنوب ؟ان ينسب لوحدة من السلاسل الماضية يعني ؟مابعتقد
هلق يمكن كان بيصنف علي ان قفزة طبيعية في عالم الحيونة بس الي انا متاكد من ان ايام دارون ماكان في هيك نوع من الحيوانات او اذا بدنا نكون اكثر دقة وين ماكان عايش داروين كانت الكرانيب قليلة كتير ....ما الكرنوب هوه فخر الانتاج الوطني وهوه المنتج البلدي الوحيد الي مصرحلي بيعو عالبسطة:deal:

اسف ان مارديت مباشرة بس يعني في عجقة بالشغل ماعم نلحق:clap:

:o:o
بتخلوني بسط معكون

كل الي هون مبسطين علي نفس البسطة ...خديلك شي ارنب للتسلاية;)

كمل كمل كمل[/
quote]


مكمل يارفيق في كم وحدة جايين عالطريق من الي بيحبن قلبك ... :larg:
[quote=marioma alghzayala;1047710]بس يا بنت ... ما عنا تقعد هيك قعدات نحنا ..:pos:...

.عم نسمع ..:D

هون السمع ماكتير عم يهم ....بس نورت البسطة:deal:

ااااااااااااااخ منو ....:sick:
كرنوب ...اي كرنوب لاتستغربوا لان منها غلط مطبعي ;)
هاد ياسيدي مصطلع اطلقت علي لعبة عندي عالبسطة ماعم تهدي,ويعني يوميا بتشوف العالم عم تتهافت عليها
كوصف لشكلها هيه عبارة عن مزيج من ارنب وكلب ودب بهيئة لعبة :shock:
الي اخترعها كان عندوا فكرة ان يعمل لعبة متل الجوكر وين ماشلفتها بتمشي
يعني اذا حطيتها مع الاراانيب بياكل جزر
ومع الكلاب بيعويي اعلي شي
ومع الدببة بتلاقي دب بخمس نجوم:pos:

هلق اذا اليوم انبعث دارون للحياة عن جديد دخلكن مع مين راح يصنف هالكرنوب ؟ان ينسب لوحدة من السلاسل الماضية يعني ؟مابعتقد
هلق يمكن كان بيصنف علي ان قفزة طبيعية في عالم الحيونة بس الي انا متاكد من ان ايام دارون ماكان في هيك نوع من الحيوانات او اذا بدنا نكون اكثر دقة وين ماكان عايش داروين كانت الكرانيب قليلة كتير ....ما الكرنوب هوه فخر الانتاج الوطني وهوه المنتج البلدي الوحيد الي مصرحلي بيعو عالبسطة:deal:

عطينا شي تلاتة من هادا الكرنوب

:sick:

عطينا شي تلاتة من هادا الكرنوب

:sick:

يارفيق من كتر ما الكرانيب معباية البلد ففيك بشكل عشوائي تسحب 5 عينات من الشارع ليطلعلك منن طلبك :sick:

في شب هلق بعتلي برايفت ان ليش هالمذكرات بالسقيفة ؟يعني مكانهن يفترض يكون بارز اكثر منشان هالشعب يشوفها ويعتبر ...
بس اذا كانت هالمذكرات لواحد عايش بالسقيفة من لما الله خلقنا واذا كان القراء (اذا وجدو)معظمهن من نفس الطبقة فليش لنحط بمطرح تاني خصوصا ان البلدية هاليومين عم تمر علي كل البسطات الي عم تحاول تطلع برات هالسقيفة لتعفطهن ...فلشو هالوجعة الراس خلي هالمشاركة مابتنعد يعني متلها متل كل مشاركة بهالحياة بلاعداد....ماهالسقيفة هوه المطرح الوحيد الحيقيقي عنا بالحارة.
كاسكن :deal:

كمان كمان من زمان ما شفنا هيك شي

مكفي بهالبسطة حتي لو ما عادت هالناس بتشري غير من الدكانة بيكفي هالكم ادمي الي عم يسلموا هنن ومارين :D
خدلك شي جلدة حنفية

كل اخر الليل وقبل مالم البضاعة من عالارض بتنزل بضاعة تانية هلكانة من التعب من تكسي سكانيا مكتوب عليها من ورا ابو علاء ومحطوط عليها رقم موبايل للمعجبات:adal:
هلق بالمصطلع الشعبي بيسمو هالبضاعة شراميط او عاهرات او بائعات هواه او قحبات ....
رغم اني متعلم ورغم اني اجيد 3 لغات غير العربية بس مالقيت باي قاموس لاعربي ولا الماني ولا انكليزي ولا لاتيني تسمية للمتعاطين بهالبضاعة:pos: ...
يعني اذا كانت الشرموطة هيه هالبنت عم تاخد مصاري منشان تبيع حالها فشو فيني سميك انت الي عم تدفع مصاري منشان شرموطة ترضا تعطيك ني...كة؟؟؟
لك والالعن ان تان يوم بتجمع رفقاتك وبتحكيلهن عن بطولات العنترية وبين كل كلمة وكلمة مابتنسى تصفن هيك وتقلن....اوليييييي شو شرموطة عالاخير ها

حركلي هالسكانيا وادعملي الاقتصاد الوطني ما الحالة تعبانة وشعب مابيسوى صرماية اجلكن الله:deal:

والله البسطة تبعك مدعومة وفيا شغلات حلوة وباينتك بتحب مهنتك
بس بدك صوت يصدح صدح لحتى يودي لانو اذا ما ودا بموت من الجوع لهيك كول سكر نبات واذا ما عندك تعا على بسطتي ببعيك شوي.......:larg:

شكرا للتنكة...والبسطة..
التي ألهمتك كتابة هذي المذكرات..اللي راح يجي يوم من الايام..تكون فيه تراث فكري;)

-بتعرف ان امبارح ماما قالت لريما طز فيكي:pos:
-لاه عنجد وليش بقا
-هيك يعني ماالبابا اليوم الصبح قبل مايقول صباح قال لامي طز فيكي :frown:
-لك هيه بتصير بين الازواج
-لك مو هونة العلة,العلة ان مدير بابا بالشغل طزو هوه التاني امبارح قبل نهاية الدوام:adal:
-قال لان المدير كاين عند سيادة الوزير وهداك باينت مجرح فيه بالكلام:shock:
-ليكون قايل طز ;)
-والله مابعرف بس في هيك اشاعة ان سيادة الوزير انطز من الي اكبر من :abo3aen:
-اولي ليش شو صاير
-انت بتعرف ياسيدي ان المنطقة هاليومين عم تغلي وباين ان الانظمة الغربية عم تتحرك لتطزنا :-(
-وليش بقا ؟
-هاد ياسيدي في بالعالم هيك عصابة من الرسمالين فيها تبتز الانظمة الغربية ويمكن حتا طز اكبر كرسي عندن:blow:
-اولي ..اومين فيه يطز هدول بقا ؟؟
-هلق الي فيه يطز هدول وهدوليك هوه نفس الي انا وانت بكل لعبة شدة بنطزو هوه وام واخت وبنمسح فيه الارض
-ليكون قصدك هداك :shock:
-اي هوه
-طيب هيك انا وانت شو بيكون محلنا من الاعراب؟
-لك ااااااااااخ ...نحنا من جماعة يجوز معه كلا الوجهين:cry:

حبيت
كمل كمل كمل

كل اخر الليل وقبل مالم البضاعة من عالارض بتنزل بضاعة تانية هلكانة من التعب من تكسي سكانيا مكتوب عليها من ورا ابو علاء ومحطوط عليها رقم موبايل للمعجبات:adal:
هلق بالمصطلع الشعبي بيسمو هالبضاعة شراميط او عاهرات او بائعات هواه او قحبات ....
رغم اني متعلم ورغم اني اجيد 3 لغات غير العربية بس مالقيت باي قاموس لاعربي ولا الماني ولا انكليزي ولا لاتيني تسمية للمتعاطين بهالبضاعة:pos: ...
يعني اذا كانت الشرموطة هيه هالبنت عم تاخد مصاري منشان تبيع حالها فشو فيني سميك انت الي عم تدفع مصاري منشان شرموطة ترضا تعطيك ني...كة؟؟؟
لك والالعن ان تان يوم بتجمع رفقاتك وبتحكيلهن عن بطولات العنترية وبين كل كلمة وكلمة مابتنسى تصفن هيك وتقلن....اوليييييي شو شرموطة عالاخير ها

حركلي هالسكانيا وادعملي الاقتصاد الوطني ما الحالة تعبانة وشعب مابيسوى صرماية اجلكن الله:deal:



رفيق تتذكر الفنانة اللي شافتنا لما كنا سوا مع الرفاق؟

كانت عم تحاول دعم الاقتصاد الوطني

يحرق خريشك يا اممي شو هالبسطة هي
متابعين كمل

رفيق تتذكر الفنانة اللي شافتنا لما كنا سوا مع الرفاق؟

كانت عم تحاول دعم الاقتصاد الوطني

قصدك الفنانة تمارى ...ايه يارفيق هاي فيها تدعم الاقتصادي الوطني موبس لسوريا بل لدول المنطقة كلها
بتعرف ان الكرت تبعها لسات موجود معي بالمحفظة...يعني للبركة فيك تقول :p

يحرق خريشك يا اممي شو هالبسطة هي
متابعين كمل

لك اهلا وسهلا فيكي وهاي لمبة عالبيعة :deal:

وبالوقت الي كل رفقاتي كانوا بيسحبوا يانصيب انا الوحيد الي ماكنت بسحب يعني ومافي داعي لتتمسخروا بس لاني واثق مية بالمية اني اذا سحبت يانصيب راح اربح :ss:
مرات بيجو الشباب ويحاولو يقنعو فيني ان اشتري ورقة يااخي ماراح تخسر والكل واثق انك راح تربح
انا برد بكل برودة اعصاب :pos:ان بعرف راح اربج بس انا انسان عصامي بيحب يجمع ثروت من كد وعرق :pos:
وبيناتنا انا كل يوم بحلم بهالورقة الي راح اسحبها ذات يوم :massari:وصراحة يعني من كم سنة عم تكون هالورقة مصدر فرح منو صغير بعالمي وعم يحسسني بسعادة مابتنوصف وانا بين اكوام هالمصاري عاليمين وعالشمال هاد غير الحور العين :clap:

بس بيناتنا مرات بسال حالي عالواطي ان طيب اذا سحبت وما ربحت (رغم ان هالاحتمال بقناعتي كتير ضئيل) شو راح تربح؟;)
بتعرفوا ....بلاها هالمرة وخلونا نكفي حلم احسن

على فكرة كتير حلوين عم فكر ساويين سكيتشات مسرحية شو رأيك؟ خصوصي تبعيت الطزة جد بتطلع خيلة
كترلنا منن دخيل عينك ويسلمو كتير

متابعين ..
وجملة يسلمو ايديك قليله كتير :D

على فكرة كتير حلوين عم فكر ساويين سكيتشات مسرحية شو رأيك؟ خصوصي تبعيت الطزة جد بتطلع خيلة
كترلنا منن دخيل عينك ويسلمو كتير

حميع حقوق النشر والطبع محفوظة باسم البسطة :lol:
وياسيدي اعمل فيها الي بدكياه بس المهم ابعتلي نسخة عنن

متابعين ..
وجملة يسلمو ايديك قليله كتير :D

الله يسلمك رفيقة ولسا البضاعة معبية البسطة

الرفيق خالد:مافي داعي للتعريف يعني اسم بيكفي ليدل علي تاريخ

-هاد ياسيدي ما انت قبل ما تنولد انت عملت انا ولفيف من الرفاق معمل بياخد العقل////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
-وشو كان بينتج هالمعمل عم؟
-البضاعة الي كنا بننتجها كانت العالم تتكالب عليها لتقتنيها وبتحط الغالي والرخيص منشان تمتلكها
-شي حلو
-وطبعا تحت هالطلب كنا نحنا بنزيد الانتاج يوم بعد يوم ...بس يعني بعد فترة العالم ماعادت كتير رغبتها يعني شي كان بيعطل شي كان بينكسر ...بس نحنا ظلينا عم ننتج
-اي هوه هيك شغلات بتصير
-ومابخفيك بعد فترة ماعاد حدا اشتراها ولاقامها من ارضها////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// واكثر منهيك صرنا نحنا بنعطي للعالم مصاري ان ياعالم تعو خدوا هالبضاعة ببلاش ومعها حبة مسك ويعني هالاسلوب حرك الشغل شوي وماوقفنا الانتاج
-اسلوب ذكي ودماغ نظيفة ...بهنيك عم ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
-بس بعد فترة حتى مع مصاري ماعاد حدا قرب وصرنا بنشوف بضاعتنا بين الرف والحاوية او حتة صارت تستخدم للتنكيت والتقفبل////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ...بس وينك ها نحنا ابينا الا ان يظل المعمل مفتوح وان نظل عم ننتج
-وبلا صغرة ايمتاه وقفت الانتاج عم ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////؟
-وقفناه مين وقفناه////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// لك شو عم تخبص انت////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ...تظرب انت والي بيقعد معك ويحاول يثقفك...قال نوقف قال مفكرهه لعبة////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

هلق اي حدا بيالف شي كتاب كم مرة بيرجع بيقراه؟طيب هلق انا اذا قريت هالكتاب اكثر من الي كتب مابكون فهمت فكرت اكثر منو ؟
هالسوال منو عبثي;)
لاني بعرف عالم من سنين طويلة عم تقرا بنفس الكتاب وبس عم يخلص عم تعيدوا من جديد ,
هلق اذا كان الرد علي السوال الي انسال بالبداية هوه اي فليش مابيكتب واحد علي اسمن اما اذا كان الرد ب لا فخلي يحلوا عن رب لهالكتاب ....وبالمعية يحلو عن ربنا نحنا كمان:frown:

-معك فراطة عم؟:)
-ماعاد بدها فراطة لك عمو!!
-كيف !!!:?
-ما الي معك ماعاد الو فراطة ...تصلا شو بدك تفرط فيه لسا ؟
نصيحة حط بعبك ومشي ولاتتلفت احسن مابيفرطوك معو:pos:

وبالوقت الي كل رفقاتي كانوا بيسحبوا يانصيب انا الوحيد الي ماكنت بسحب يعني ومافي داعي لتتمسخروا بس لاني واثق مية بالمية اني اذا سحبت يانصيب راح اربح :ss:
مرات بيجو الشباب ويحاولو يقنعو فيني ان اشتري ورقة يااخي ماراح تخسر والكل واثق انك راح تربح
انا برد بكل برودة اعصاب :pos:ان بعرف راح اربج بس انا انسان عصامي بيحب يجمع ثروت من كد وعرق :pos:
وبيناتنا انا كل يوم بحلم بهالورقة الي راح اسحبها ذات يوم :massari:وصراحة يعني من كم سنة عم تكون هالورقة مصدر فرح منو صغير بعالمي وعم يحسسني بسعادة مابتنوصف وانا بين اكوام هالمصاري عاليمين وعالشمال هاد غير الحور العين :clap:

بس بيناتنا مرات بسال حالي عالواطي ان طيب اذا سحبت وما ربحت (رغم ان هالاحتمال بقناعتي كتير ضئيل) شو راح تربح؟;)
بتعرفوا ....بلاها هالمرة وخلونا نكفي حلم احسن

والله مزبوط هالحكي وأنا من الناس اللي حاولو يقنعوك بس أنت متنح :sly:
وباينتك لساتك ويمكن على أتنح..
شوبدي أعمل معك والله شليتني

والله مزبوط هالحكي وأنا من الناس اللي حاولو يقنعوك بس أنت متنح :sly:
وباينتك لساتك ويمكن على أتنح..
شوبدي أعمل معك والله شليتني


طيب رفيقي ماانت بتعرفني وبتعرف اني بحسبها علي بعيد
وهلق عنجد يعني اذا سمعت بنصيحتكم وسحبت وياسيدي ربحت :shock:...مفكر ان راح تنحل كل المشاكل يعني وان راح افتح محل كبير بابو رمانة محل هالبسطة المشرشحة !!!:?
لك انت بتعرف اني مابحب الاماكن المغلقة:larg: ...
خليني هيك عم اتعب وانا عم اقدر احلم ...اصلا احلا شي بالاحلام ان بتعطيك فرصة لتسيح بخيالك واذا اتحققت بعد عمر طويل راح تتحول لواقع والواقع شي مادي والمادي انا بكرههههه خصوصا لما بيكون الحلم مادي بيكون ساعتها متل سندويش من المنار الو طعمة صحن بطاطا من فووور يوو...
احلامنا رفيقي مابتخلص ووحياتك حتة لو اتحولت لمادة ذات يوم راح نخلق احلام اكبر وابعد من كل هالبسطات ...:D

عم تجيني رسايل كتيرة ان العالم ماعم تفهم شي من هالبسطة وان الناس عم تقرا عالساكت لان موحابين يعطو اي تعليق يبين ان هنن ماعم يفهموا ....هلق مابعرف ليش انا مني شاييفها كتير معقدة يمكن لان هاي مذكراتي الي انا عم عيشها ...بس انت متاكدين من حالكن ؟
يمكن بدها القصة مراجعة طبيب :?

طيب رفيقي ماانت بتعرفني وبتعرف اني بحسبها علي بعيد
وهلق عنجد يعني اذا سمعت بنصيحتكم وسحبت وياسيدي ربحت :shock:...مفكر ان راح تنحل كل المشاكل يعني وان راح افتح محل كبير بابو رمانة محل هالبسطة المشرشحة !!!:?
لك انت بتعرف اني مابحب الاماكن المغلقة:larg: ...
خليني هيك عم اتعب وانا عم اقدر احلم ...اصلا احلا شي بالاحلام ان بتعطيك فرصة لتسيح بخيالك واذا اتحققت بعد عمر طويل راح تتحول لواقع والواقع شي مادي والمادي انا بكرههههه خصوصا لما بيكون الحلم مادي بيكون ساعتها متل سندويش من المنار الو طعمة صحن بطاطا من فووور يوو...
احلامنا رفيقي مابتخلص ووحياتك حتة لو اتحولت لمادة ذات يوم راح نخلق احلام اكبر وابعد من كل هالبسطات ...:D

أنا بعرفك أنك منك مادي بس يا صديقي شي منو ولا كلو أنا ماني عم قلك مشي نروح على الفيو بس كمان ما تبقى طول عمرك مع على بسطة
يعني واذا مصر على البسطة يا أخي منفتح فيو ومنحطلك بسطا مرتبة, شلوني معك :lol:

-معك فراطة عم؟:)
-ماعاد بدها فراطة لك عمو!!
-كيف !!!:?
-ما الي معك ماعاد الو فراطة ...تصلا شو بدك تفرط فيه لسا ؟
نصيحة حط بعبك ومشي ولاتتلفت احسن مابيفرطوك معو:pos:

والله انو عناوين المذكرات تحفة وفلتة وشغلة كبيرة
طبعا غير المذكرات نفسها وبصراحة لو فعلا شلت اول صفحة من كتاب لأفلاطون وقريت اول سطرين ما بكمل الكتاب بس لما قريت اول سطرين من كتابك الحالي فكرت انو لازم شوف آخرتها بهالبسطة
موفق عمو واحسنت وثابر يا سنفور شجاع :p

أأأأأأأأأأأأأأأأأخ عالمنار يارفيق

أنا بعرفك أنك منك مادي بس يا صديقي شي منو ولا كلو أنا ماني عم قلك مشي نروح على الفيو بس كمان ما تبقى طول عمرك مع على بسطة
يعني واذا مصر على البسطة يا أخي منفتح فيو ومنحطلك بسطا مرتبة, شلوني معك :lol:



بيقلك عصفور بالايد احسن من عشرة عالشجرة :larg:....طيب اذا ماكان بالايد شي شو بيكون الوضع :shock:؟؟
خلص راحت عليك... فرصة ضيعتا ;)

/خليني هيك عم اتعب وانا عم اقدر احلم ...اصلا احلا شي بالاحلام ان بتعطيك فرصة لتسيح بخيالك ..واذا اتحققت بعد عمر طويل راح تتحول لواقع
والواقع شي مادي
والمادي **/

/احلامنا رفيقي مابتخلص ووحياتك حتى لو اتحولت لمادة ذات يوم راح نخلق احلام اكبر وابعد /


بتــزكــرنــي بــ فــيروز ...


بــزكــركـ بــ الــعفـويــه ابــداع ...


:D

ما بلاقي عندك شي لعبة وطنية أو ديمقراطية لعمري :cry:

ما بلاقي عندك شي لعبة وطنية أو ديمقراطية لعمري :cry:



روح اللعاب بعيد عمو ;)
شفت بحياتك لعبة بيجيبولها لعبة؟ :?
ما اناوانت تنيناتنا معروضين على نفس البسطة

هلق اي حدا بيالف شي كتاب كم مرة بيرجع بيقراه؟طيب هلق انا اذا قريت هالكتاب اكثر من الي كتب مابكون فهمت فكرت اكثر منو ؟
هالسوال منو عبثي;)
لاني بعرف عالم من سنين طويلة عم تقرا بنفس الكتاب وبس عم يخلص عم تعيدوا من جديد ,
هلق اذا كان الرد علي السوال الي انسال بالبداية هوه اي فليش مابيكتب واحد علي اسمن اما اذا كان الرد ب لا فخلي يحلوا عن رب لهالكتاب ....وبالمعية يحلو عن ربنا نحنا كمان:frown:

اللي عم تحكي عنهم ما عم يقروا الكتاب ليفهموا...عم يقروا (اسقاط فرض)...ولهيك ريّح بالك..ماراح يحلوا عن هلكتاب;)..

سمعت امبارح بالاخبار ان في متحف بفرنسا بيجيب مصاري كتير يعني اكثر من الي عم يطلعي من البسطة بشي 3 لاربع مرات
وبعد صفنةطلع معي ان شو بيكون شغلة كبيرة اذا قدرنا نعمل متحف للجحاش,اي الجحاش وبنجمع فيه كل الجحاش الي عنا حاليا بالمجتمع والي صوتن معبي الدنية ولاباس ان بنكبر المتحف شوي لنحط صور الجحاش الي مرو كمان عتاريخنا ونرفد انجازاتهن بمسيرتنا الانسانية المكللة
بس في مشكلة وحدة راح نعانيها ....ان هالصرح راح يصفي حدا تيزورو؟!!

بس في مشكلة وحدة راح نعانيها ....ان هالصرح راح يصفي حدا تيزورو؟!!

طبعاً ..... الجحاش ! :pos:

في 5 مليار بني ادم بالارض :?
معدل وسطي عمر الانسان 68 سنة:adal:
اليوم 1440 دقيقة:shock:
السنة 524160 دقيقة:shock:
لو كل واحد من هالساكنين علي هالارض حط 5 دقايق من عمرو للانسانية ...كان كلشي اطور بمقدار 47 الف سنة ... بس ياضيعانن :pos:

كان زمان في برنامج باراديو بيقدم اغاني وبعد كل كم غنية بيطلع صوت طفل صغير بيقول اسم الشخص المنقي هالاغاني وكانت هالعبارة كتير بتكرر (انا لما بسمع هالاغاني بعرف ان جورج عالهندسة-يعني التحكم);)
عفكرة هلق ورغم ان هالايام وين ماعم نفتح وين ماعم نسمع ماعم نسمع غير الاغاني الي حاطن جورج ....بس باينت ماعاد عالهندسة او بالاحري يمكن لساتو عليها بس هيه طلعت من برات ايديه ...وماعاد حدا فيه يهديها يعني
باينتن صار بدن نظام صوت جديد ومن النوع الي مابينشز ...:deal: