عالتنكة...صفحات من مذكرات صاحب بسطة [الأرشيـــــف] - صفحة 4

بروليتاري

15/12/2008, 10:56

هلق بوضعنا وباعتبارنا حالة خاصة بتواجه احتمال ثالث الي هوه X+1 وهاد الي فينا نطلق عليه مصطلح اقتصاد الاخرة

يا ترى هادا الاحتمال ممكن يتفرع عنو احتمالات

يعني مثلا شي متسلسلة او متتالية اومعادلة من الدرجةالتانية

اممي

29/12/2008, 23:52

لما بحرك عالتنكة بتطلع صوت
ولما بيكون الجو برد كتير بتصير بتصر وبتكز لتعبر عن بردا
ولما حدا بيحط اجرو عليها بتصير بتزقز ومابتسكت ليبعد عنا
بس لو اعرف شو معدن كراسيكن ...بس ياحيف

اممي

03/01/2009, 02:01

بتصير بتحاول تتكيف معو ...بتحاول تضحك علي حالك ان هوه حقيقي
بتعمل كلشي منشان تعملو اصلي وتعطي كل الابعاد الافتراضية ليصير
بس بيضل فالصو ..
يا اما توقف ضحك علي حالك وترضي بالي انت فيه او تمحي هالشي المثالي من مخيلتك وتعيش متل هالناس
لان مابحياتو المقارن علي سعر المقرون فياتلغي المقرون او تنسى المقارن

أبو السييم العظيم

06/01/2009, 18:26

على فكرة يا رفيق ، أنا مبارح لحتى انتبهت لموضوعك هاد ، و صرلي هاليومين عم بقرا فيه ، ما خليت تعليق بهالموضوع ما قريتو ..
هوو ما بدها الشغلة يومين ، بس لأني بالشغل ، و آآآآآآآخ من أشغالنا ....... شغل الفلاحة تبع التوار بالحقول أحسن من شغلنا ... :sick:

يا ريت لو بستقلّ بذاتي و الله يفتحها عليي إفتح بسطتي الخاصة بدل ما ضل عم إشتغل عند بسطات أصحاب رؤووس الأموال.. :jakoush:

أبو الفوووود العظيم مليون وردة ياسمين إلك :D

تابع تابع ................عم نستناك

اممي

06/01/2009, 20:18

على فكرة يا رفيق ، أنا مبارح لحتى انتبهت لموضوعك هاد ، و صرلي هاليومين عم بقرا فيه ، ما خليت تعليق بهالموضوع ما قريتو ..
هوو ما بدها الشغلة يومين ، بس لأني بالشغل ، و آآآآآآآخ من أشغالنا ....... شغل الفلاحة تبع التوار بالحقول أحسن من شغلنا ... :sick:

يا ريت لو بستقلّ بذاتي و الله يفتحها عليي إفتح بسطتي الخاصة بدل ما ضل عم إشتغل عند بسطات أصحاب رؤووس الأموال.. :jakoush:

أبو الفوووود العظيم مليون وردة ياسمين إلك :D

تابع تابع ................عم نستناك

لك ياسيدي نورت البسطة ...وعلي الله تكون بضاعتنا رغم ردائتها عجبتك
بس رغم نقصها واعطالها بتظل انتاج سوري بحت...اشتقنالك رفيق:D

..AHMAD

06/01/2009, 21:00

بتصير بتحاول تتكيف معو ...بتحاول تضحك علي حالك ان هوه حقيقي
بتعمل كلشي منشان تعملو اصلي وتعطي كل الابعاد الافتراضية ليصير
بس بيضل فالصو ..
يا اما توقف ضحك علي حالك وترضي بالي انت فيه او تمحي هالشي المثالي من مخيلتك وتعيش متل هالناس
لان مابحياتو المقارن علي سعر المقرون فياتلغي المقرون او تنسى المقارن

ابو الفود فيك تخلي المقارن والمقرون.... لتنجبلك شي : مقــــورن :gem:

اممي

06/01/2009, 23:39

ابو الفود فيك تخلي المقارن والمقرون.... لتنجبلك شي : مقــــورن :gem:

ياووويل ....كانك هون

شتاء

07/01/2009, 02:58

يعني مدري ليش هيك وأنا مارق من صوب بسطتك يعني مدري شو لفت نظري
شفت شي غريب شي كنت اسمع عنو من زمان ومن زمان ما شفتو
متل هدول اللعبات التنك على شكل ضفدع وما بعرفو شو هدول كانو بس تكبس عليهم بيطقطقوا (بيطلعهم صوت )
بس من زمان ما عاد في منهن هدوك اللعبات كانو متل الحقيقي
والحقيقي هو اللي شفتوا على بسطتك
بس كتر منو يمكن تلاقي زباين كتير بدهون شي حقيقي
وأحمر يادراق من غير ما تشلحوا بيشلح ........

اممي

08/01/2009, 04:19

بس تقطع الكهربا بتصير كل الشغلات بهالدنية متل بعضها
التلفزيون الابيض والاسود والعايف التنكة تبع بيصير متل احدث موديل بتحلم فيه
وبيصير هالبيت الي مافيه شغلة ضابطة متلو متل بيت بابو رمانة
وجسد زوجتك الي مالو تعريف مابيعود بيفرق كتير عن برج التوتر العالي الي بتملك هيفا وهبة
هاد غير ان يقدمك خدمة باخفاء كل الشغلات الي مدايقتك والي دايما بوجهك...
فيني اعرف ليش قاتلين حالكن عالكهرباء لكن؟؟
خليهن يقطعوها بلكي الله يسجلن حسنة ....اصلا هاي الشغلة الوحيدة الي بتشتغل لما بتقطع الكهربا ...رحمــــــة الله

بنفسجة

09/01/2009, 17:20

اهاااااااااااااااااااا
وانا قول لحالي ليش الناس عم تركب مولدات كهربا
اتاري ما بدون يتساوى تلفزيونون الملون بالابيض والاسود ولا بدون بيتون الفخم يصير متلو متل اي كوخ فقير
بس انو هيك كيف بدها تشتفل رحمة الله!!!!

Reemi

11/01/2009, 00:58

زمان عنك يا صاحب البسطه ... شخصياً انا بحب وقت تقطع الكهربا

اممي

11/01/2009, 02:32

جربت كلشي لاتحرر من سلطة هالوقت ..
سهرت بالليل ونمت الصبح كسرت كلشي في ساعات عندي استعملت روزنامات لسنين ماضية او حتة للسنين الجاية...ضل الزمن متل ماهوه لا بيرجع وساحب لقدام.

بتذكري يوم ما اخذتلك ديك الصورة ...فجاء انحصر الزمن فيك, اتغيرت التواريخ ,الدقايق صارت اطول والساعات صارت اقصر..
ضعت فيكي ومارجعت ...
ولما ما عدت بالصورة ,وقف الزمن متل ماكان بدي يوم الي اخدتها ,وصار بيذبل والصورة معو فقدت الوانها للاصفر
فكرت احرقها فكرت حطها علي جنب واخد غيرها ....بس خيالك بكل الصور...

اسف استاذ ...بس الفلم احترق المرة الجاية انت وعم تطلع من الكامرة انتبه ماتعرض للضو

saman

11/01/2009, 14:03

بس تقطع الكهربا بتصير كل الشغلات بهالدنية متل بعضها
التلفزيون الابيض والاسود والعايف التنكة تبع بيصير متل احدث موديل بتحلم فيه
وبيصير هالبيت الي مافيه شغلة ضابطة متلو متل بيت بابو رمانة
وجسد زوجتك الي مالو تعريف مابيعود بيفرق كتير عن برج التوتر العالي الي بتملك هيفا وهبة
هاد غير ان يقدمك خدمة باخفاء كل الشغلات الي مدايقتك والي دايما بوجهك...
فيني اعرف ليش قاتلين حالكن عالكهرباء لكن؟؟
خليهن يقطعوها بلكي الله يسجلن حسنة ....اصلا هاي الشغلة الوحيدة الي بتشتغل لما بتقطع الكهربا ...رحمــــــة الله

ليش عندهن بتنقطع الكهربا (يعني بابو رمانة ) :? :lol:
حلوة حلوة .. ابو الفود :D
والله انا بحب وقت تنقطع الكهربا واقعد عالشمع .. او امشي تحت ضو القمر ... محسوبك رومانسيي :sosweet::yahoo:

راديا

11/01/2009, 14:22

والله انا بحب وقت تنقطع الكهربا واقعد عالشمع .. او امشي تحت ضو القمر ... محسوبك رومانسيي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
تقول شي بطل هربان من فيلم كرتون :p

بنفسجة

11/01/2009, 16:11

جربت كلشي لاتحرر من سلطة هالوقت ..
سهرت بالليل ونمت الصبح كسرت كلشي في ساعات عندي استعملت روزنامات لسنين ماضية او حتة للسنين الجاية...ضل الزمن متل ماهوه لا بيرجع وساحب لقدام.

بتذكري يوم ما اخذتلك ديك الصورة ...فجاء انحصر الزمن فيك, اتغيرت التواريخ ,الدقايق صارت اطول والساعات صارت اقصر..
ضعت فيكي ومارجعت ...
ولما ما عدت بالصورة ,وقف الزمن متل ماكان بدي يوم الي اخدتها ,وصار بيذبل والصورة معو فقدت الوانها للاصفر
فكرت احرقها فكرت حطها علي جنب واخد غيرها ....بس خيالك بكل الصور...

اسف استاذ ...بس الفلم احترق المرة الجاية انت وعم تطلع من الكامرة انتبه ماتعرض للضو

هلق بكرا رح يصير اليوم ماضي ويمكن يطلع حلو وتتذكرو بشي من الحنان
وبعد بكرا رح يصير بشع بالنسبة لبكرا
فليش عم ترجع رجوع
رح يجي يوم ويكون يومك ماضي

بنفسجة

15/02/2009, 18:57

عندك شي سطل كبير فضي هالكمية الغدر يلي فيي فيه؟

اممي

15/02/2009, 19:10

عندك شي سطل كبير فضي هالكمية الغدر يلي فيي فيه؟

غدر ؟؟ ماليكون عندك عمو :lol:
بكل الاحوال السطولة مابتنغدر الي بينغدرو هنن الي بيعبوها بالعادة ,وبعد مابيخلصو بيطلع هالسطل الي اتعبا ....سطل

بنفسجة

16/02/2009, 16:41

كانو ما فهمت طلبي
انا عم قلك عندي كميات زائدة من الغدر وبدي فضيون مشان يرجع يعبا محلون
وبدي سطل يكون كبير شوي مشان حط هالغدرات فيون بلكي توفقنا بشي بيعة مرتبة؟

اممي

16/02/2009, 19:04

كانو ما فهمت طلبي
انا عم قلك عندي كميات زائدة من الغدر وبدي فضيون مشان يرجع يعبا محلون
وبدي سطل يكون كبير شوي مشان حط هالغدرات فيون بلكي توفقنا بشي بيعة مرتبة؟

في سطولة شغل بيروت... ولا قلك هدول اتعبو كلن ماعاد فيهن مطرح
راح وصيلك من مصر بيجي كبير وبيعمر معك

بنفسجة

16/02/2009, 19:14

في سطولة شغل بيروت... ولا قلك هدول اتعبو كلن ماعاد فيهن مطرح
راح وصيلك من مصر بيجي كبير وبيعمر معك
طيب لاتطول.......

Sun Shine Art

21/02/2009, 22:04

حابه ااعمول اب ..عم دور بهل البسطه ...بركي بلاقي شي ....

:D

اممي

21/02/2009, 23:14

بس تظهر الكامرا وبتبين المذيعة بتلاقي البشر عم يتجمعو حواليهن
شي مي يبتسم وشي مي ياشر بايدو وكلن بيكونو فرحانين بشكل مالو علاقة بالخبر المنقول
وفي لسا منن مين بيطلع صوت او بيحكيلو شي كلمة وبيصير بعدا مفخرة بين رفقاتو..
بتكفي المذيعة نقل الحدث وبيكفي المصور التسجيل وبيكفو هالواقفين بظهورن الشاذ بالصورة...
وانت ؟كيف الصورة ؟
واضحة ومو ناقصة غير ابتسامتك ...
خليك هيك فرحان حتة لو كان الخبر مابيفرح ,وهوه عنك ها ...بس انت كل همك انك تظل بالصورة
بس لو بتتوصل لهاليقين ان وجودك فيها او عدم ماراح يغير هالخبر..وتفيق ولو مرة لتصنع غير صورة وتكون حدث..مو حيالله

بنفسجة

22/02/2009, 18:00

اصنع غير صورة؟؟؟!!!!
اصنع
اصنع
لك شبك ضربو فيوزاتك شي
شو اصنع ما اصنع
انا مستهلك ياعيني مستهلك
والمستهلك ما بيصنع
المستهلك بيضل يستهلك يستهلك حتى يصير مستهلك وبعدين تتم اعادة تصنيعو
قال اصنع قال
هففففففففففففففففففففف

Sun Shine Art

23/02/2009, 07:01

طالعه معك روعك (الصوره)
بدك اول شي مين يحس انه هو بالصوره ..ماعاد حدا عم حس بشي يا صديقي ..

متابعه لك بشوق ...:D

اممي

25/02/2009, 02:38

كلما بفيق الصبح ..بسبك:frown:
ولما بتكبس المطر عالبسطة برفع راسي للسما ...وبسبك:frown:
وانا صافف لادفع فاتورة الكهرباء ولييييي شو بمسح فيك الارض
لك تتصور اني وانا عم العب شده بنصير اربعتنا بنتلاسن عيلتك ..
الغريبة انك ومن مطرحك بتعرف اني بتعتيري وبطيبتي وبقلبي الاقرب الك:cry:..

حابب قلك لاتزعل ..انا ورغم كل الشتايم اليومية بحبك :cry:
بس من كثر الاسى والشقا لك اااااه ...ماعم يطلع بايدي غير استفزك!!
بلكي تحس شوي وتتذكر اني موجود وتتحرك ..
لان الي وصلنا الو يارفيقي ماعاد بيحلو غيرك ..وشايفلك اذا اتاخرت اكثر, حتة انت بتصير عاجز عحلو...
اتحرك,بشرفك اتحرك, حلك تتحرك
وحاجتك استواء علي العرش ....
ومنشان توصلك ....يلعن ربك:jakoush:

رجل من ورق

25/02/2009, 07:59

فوف
انو
مابعرف بس خيو يا ريتك عنا هلأ اشتهيناك على كاسة متي

بنفسجة

26/02/2009, 00:16

ومنشان توصلك ....يلعن ربك
يلعن ربك!!!
هلق للرب في رب؟

اممي

26/02/2009, 02:47

يلعن ربك!!!
هلق للرب في رب؟

ان اذا استفزتك ...يلعن ربو كيف مابتستفزو :jakoush:

بنفسجة

26/02/2009, 23:50

ان اذا استفزتك ...يلعن ربو كيف مابتستفزو :jakoush:
:shock::?
يلعني اذا فهمت شي
صايرة بلا مخ
هفففففففففففففف

رجل من ورق

27/02/2009, 13:23

:shock::?
يلعني اذا فهمت شي
صايرة بلا مخ
هفففففففففففففف
انتي وضعك مو عاجبني بنوب بنوب

Sun Shine Art

27/02/2009, 22:54

ياترى ...عم يشوف ...؟؟؟؟ عم يحس ...؟؟؟؟ ولا قاعد يختبر بربنا طول الوقت ....

قلتلو كتير انه انا ماعاد فيني طاقه لا اختبار ولا غيرو ولا اتحمل .....بس ما بيسمع ...يا خوفي يكون اطرش ..او يا خوفي ما يكون بالمره .....
يلعن رب هل الحاله ع ربو ....

اممي

27/02/2009, 23:10

ياترى ...عم يشوف ...؟؟؟؟ عم يحس ...؟؟؟؟ ولا قاعد يختبر بربنا طول الوقت ....

قلتلو كتير انه انا ماعاد فيني طاقه لا اختبار ولا غيرو ولا اتحمل .....بس ما بيسمع ...يا خوفي يكون اطرش ..او يا خوفي ما يكون بالمره .....
يلعن رب هل الحاله ع ربو ....

ياخوفي يكون ....وهيك هو علي حقيقتو :frown:
يعني شرط يكون متل مابدنا ؟ ما هوه كمان متل مابدو ....بس اااااه لو نعرف شو بدو:jakoush:

Sun Shine Art

27/02/2009, 23:14

ياخوفي يكون ....وهيك هو علي حقيقتو :frown:
يعني شرط يكون متل مابدنا ؟ ما هوه كمان متل مابدو ....بس اااااه لو نعرف شو بدو:jakoush:

صعب كتير ..لان ع حساب اخر الاحصاءات في تشويش بالرادارات ...المخيه والعقليه ....والاحساسيه ...يمكن تبعو هو او نحنا ..

انه اليوم ...كنت منيحه تمام ...قلتلو شكرا ...بعد خمس دقايق ...انتزع ربو ليومي ...يمكن ما كان لازم ؟؟؟؟
وانت ادرى:pos:

اممي

02/03/2009, 03:33

كان بيمرق ايمتاه ماكان ...
بيشلني وبيخليني ارجف ...مابذكر مرة استرجيت ارفع راسي بوشو..
وكل مرة نفس الشي
كنت بحط راسي بين اجريي وبسمعو عم يتضحك ,وكلما بتقترب صوت خطواتو بيصير بعرق,بعرق بعرف لاتبلل ..
لحد ما مسكت وحطيتو بقنينة صغيرة ومن يوما كلما مريت من قدامو ..
بيحط راسو بين اجريه وبيصير يرجف, بيعرق,بيعرق بيعرق ليتبلل ومابيسترجي يرفع راسو .... بصير بضحك

همس الياسمين

02/03/2009, 03:53

شو الحشيش ضارب أطنابو هون :shock: يحرق حشيشكم

بنفسجة

02/03/2009, 17:59

عقبالي...........

اممي

03/03/2009, 17:52

قد ماتسكرت بوشك ,قد ما اتخوزقت وقدما لعنت سلافك المصايب ...
اتذكر !!
في, وقطعا في ...امكانية ان يكون وضعك اسوء ...

وكيفك هاليومين؟
ماشي الحال
ماشي وماحدا عرفان لوين,بس خليك متفاؤل...
لان... الله ينجينا من الات

اممي

03/03/2009, 17:53

عقبالي...........

خيييييييييييي.... برافو عليكي هالمرة :deal:

بنفسجة

03/03/2009, 18:00

تفاؤل
مبارح وبالصدفة شفت بروليتاري
فتفاءلت:lol:
بس انو اهم شي لاحدا يسالني كيفك
بتعرف كيفك بتذكرني بكتير اشيا عن كيفني وبدي افتح تراجيديا حياتي
وانا اليوم بدي افتح علبة تفاؤل

Sun Shine Art

03/03/2009, 20:05

قد ماتسكرت بوشك ,قد ما اتخوزقت وقدما لعنت سلافك المصايب ...
اتذكر !!
في, وقطعا في ...امكانية ان يكون وضعك اسوء ...

وكيفك هاليومين؟
ماشي الحال
ماشي وماحدا عرفان لوين,بس خليك متفاؤل...
لان... الله ينجينا من الات

بس بدي اعرف من وين بدي جيبو ؟؟؟:?

انه بتكتب كل شغله ...مو بس بمحلها ....وبتجيبها بالصمصوم كمان

:D:D ما تحرمنا من هل البسطه الله يخليك ...

بروليتاري

05/03/2009, 02:10

كلما بفيق الصبح ..بسبك:frown:
ولما بتكبس المطر عالبسطة برفع راسي للسما ...وبسبك:frown:
وانا صافف لادفع فاتورة الكهرباء ولييييي شو بمسح فيك الارض
لك تتصور اني وانا عم العب شده بنصير اربعتنا بنتلاسن عيلتك ..
الغريبة انك ومن مطرحك بتعرف اني بتعتيري وبطيبتي وبقلبي الاقرب الك:cry:..

حابب قلك لاتزعل ..انا ورغم كل الشتايم اليومية بحبك :cry:
بس من كثر الاسى والشقا لك اااااه ...ماعم يطلع بايدي غير استفزك!!
بلكي تحس شوي وتتذكر اني موجود وتتحرك ..
لان الي وصلنا الو يارفيقي ماعاد بيحلو غيرك ..وشايفلك اذا اتاخرت اكثر, حتة انت بتصير عاجز عحلو...
اتحرك,بشرفك اتحرك, حلك تتحرك
وحاجتك استواء علي العرش ....
ومنشان توصلك ....يلعن ربك:jakoush:

شامم ريحة حكي على الرٌب لهيك فتت وبعد زمان أخ يا أخوية

المهم تحياتي لليلي ذكرني بعد ما شافني بالصدفة

وتحياتي لكل سكان أخوية عنجد أشتقتلكون

بعرف انو هي الكلمات ما خرج تنكتب على البسطة هيدي بدا اكتب راسالة لليلي

بتحبو

المهم بلكي منلحق كم كفرانية قبل ما الله .............

فؤاد شبك كامشة معك على

الزلمة يعني الزلمة كويس بس نطورررررررررررررررررررررر ررررررررررر

اممي

05/03/2009, 11:54

شامم ريحة حكي على الرٌب لهيك فتت وبعد زمان أخ يا أخوية

المهم تحياتي لليلي ذكرني بعد ما شافني بالصدفة

وتحياتي لكل سكان أخوية عنجد أشتقتلكون

بعرف انو هي الكلمات ما خرج تنكتب على البسطة هيدي بدا اكتب راسالة لليلي

بتحبو

المهم بلكي منلحق كم كفرانية قبل ما الله .............

فؤاد شبك كامشة معك على

الزلمة يعني الزلمة كويس بس نطورررررررررررررررررررررر ررررررررررر

مفكر راح ازعل اذا مطرت؟
بس نصيحة من رفيق لرفيق ...بلاها النطرة لان راح تعملك بلاهة ..ومستفحلة كمان
وليكك انت وانا ما احلانا ,علي نطرة ونطرة وكرمالنا لورا...وياريتنا عم نطولو علي الاقل الواحد كان روح عن نفسو

بهالمناسبة حبيت هنيك بالذكري الثامنة لكسرت اجرك الكريمة ....
بتعرف اني صارلي 9 سنين بعرفك,9 سنين علي فنجان القهوة بالكافتريا المشرشحة جدا ولي طاقق لاقعد فيها مرة تانية رغم ان ماصفا من الي كنا بنقعد معو حدا ,وبتقلي انطر؟
ليك هالايام كيف عم تركض وبلا وعي ,ماتنطر هيه التانية ؟!!

بروليتاري

05/03/2009, 12:29

مفكر راح ازعل اذا مطرت؟
بس نصيحة من رفيق لرفيق ...بلاها النطرة لان راح تعملك بلاهة ..ومستفحلة كمان
وليكك انت وانا ما احلانا ,علي نطرة ونطرة وكرمالنا لورا...وياريتنا عم نطولو علي الاقل الواحد كان روح عن نفسو

بهالمناسبة حبيت هنيك بالذكري الثامنة لكسرت اجرك الكريمة ....
بتعرف اني صارلي 9 سنين بعرفك,9 سنين علي فنجان القهوة بالكافتريا المشرشحة جدا ولي طاقق لاقعد فيها مرة تانية رغم ان ماصفا من الي كنا بنقعد معو حدا ,وبتقلي انطر؟
ليك هالايام كيف عم تركض وبلا وعي ,ماتنطر هيه التانية ؟!!

فؤاد خلص خلص خلص :cry:

أناعم قلك أنطورررر وانت عم تحكيلي عن قهوتنا لك ما أنا ناطر ما أنا شو ناطر ما انت

سبب كفراني وسبب صلبي

غنيت في سهري حتى بكى

الوتر يا صاحب العمر ولى بنا العمر

ها صادح صدح أرضى الهوى ومحى

وهي فيروز ناطرة معنا

بالمناسبة كمان الله ناطر معك حتى هو راح معك على المانيا منشان يدعمك وبعتلك

معو اركيلة

اممي

05/03/2009, 14:36

فؤاد خلص خلص خلص :cry:

أناعم قلك أنطورررر وانت عم تحكيلي عن قهوتنا لك ما أنا ناطر ما أنا شو ناطر ما انت

سبب كفراني وسبب صلبي

غنيت في سهري حتى بكى

الوتر يا صاحب العمر ولى بنا العمر

ها صادح صدح أرضى الهوى ومحى

وهي فيروز ناطرة معنا

بالمناسبة كمان الله ناطر معك حتى هو راح معك على المانيا منشان يدعمك وبعتلك

معو اركيلة

بتعرف لولا هالارغيلة ماكنت راح اقدر كفي..
بعبي راسها كل ليلة بالذكريات وبصير اسحب واسحب...ولو ان حتة الذاكرة صار بدها فلترة ,
بس هيك طبيعة النفس مرات بتنبسط فيه ومرات بيحترق عالنص ...
وبتطلع الدخنة بالجو بتحمل كل همومك وبتعبي هالغرفة بريحة الشام وترجع الالوان الي بتفقد هويتها بعد مابتقطع حدود الوطن ...اه ياوطن
بتذكر قديش كنا نضيع قبل مابيضبط لالي وطن
وقديش كان بيشبه البسطة الي بيحملها الخوف من شارع لشارع
مشي الحال رفيقي ... الحقايق الساطعة كتير مافيك تشوفها عن قريب ...بدك تبعد لتستوعبها
شايف الصورة كيف صارت واضحة؟ طفي الكامرة لسا ما اجا وقتا

اممي

06/03/2009, 04:24

ليش بتصرع ربي كل مرة وتخبرني ان الشغلة بتضل قدامك لحد ما تحتاجها بتضيع؟
ان مفكر جبت شي جديد يعني ؟;)
ماانت مابتنتبه ان الشغلة الي عم تدور عليها ضايعة ...الا لما بتحتاجها
فياريت تدور وعالساكت ...
وبالمعية شوفها تحت الكنبة بتكون سالتة وانت موحاسس

بنفسجة

06/03/2009, 23:44

ليش بتصرع ربي كل مرة وتخبرني ان الشغلة بتضل قدامك لحد ما تحتاجها بتضيع؟
ان مفكر جبت شي جديد يعني ؟;)
ماانت مابتنتبه ان الشغلة الي عم تدور عليها ضايعة ...الا لما بتحتاجها
فياريت تدور وعالساكت ...
وبالمعية شوفها تحت الكنبة بتكون سالتة وانت موحاسس

اي وانت لاتعصب كتير لانك ما بتلاقيها بتكون الجنية استعارتها شوي
وبس تخلص حاجتها بترجعها لمحلها

بنفسجة

06/03/2009, 23:46

ليش بتصرع ربي كل مرة وتخبرني ان الشغلة بتضل قدامك لحد ما تحتاجها بتضيع؟
ان مفكر جبت شي جديد يعني ؟;)
ماانت مابتنتبه ان الشغلة الي عم تدور عليها ضايعة ...الا لما بتحتاجها
فياريت تدور وعالساكت ...
وبالمعية شوفها تحت الكنبة بتكون سالتة وانت موحاسس

اي وانت لاتعصب كتير لانك ما بتلاقيها بتكون الجنية استعارتها شوي
وبس تخلص حاجتها بترجعها لمحلها

اممي

08/03/2009, 05:23

كلو بيتبرر وكلو بيطلع بكرا شي عبقري ليكشف سرو...
الا ان يكون للجواريب الرجالية الوان ,ان لوكك كتير راح يفرق مع لون هالجواريب؟؟!
ومين هالفاضية المهتمة بلون جواريب اجرك ؟؟!!
الفائدة الوحيدة من هالاختراع انك
بعد كل غسلة ثياب بتختفي فردة !! وبشكل اني بتصير نازم تكب التانية وتروح جيب وحدة جديدة
وعالاغلب راح تجيبها بلون جديد غير الي ضاع....بهنيك لانك مابتوب ولا بتكل ....فضيع انت
ولحق علي تغير جواريبات وياريتك تعرف انن كلن متل بعض ...ومابيفرقو غير بس
بالالوان وبالريحة

همس الياسمين

08/03/2009, 05:32

بسطة رهيبة وحديث وازن:larg:

sweetbaby

08/03/2009, 05:43

كلو بيتبرر وكلو بيطلع بكرا شي عبقري ليكشف سرو...
الا ان يكون للجواريب الرجالية الوان ,ان لوكك كتير راح يفرق مع لون هالجواريب؟؟!
ومين هالفاضية المهتمة بلون جواريب اجرك ؟؟!!
الفائدة الوحيدة من هالاختراع انك
بعد كل غسلة ثياب بتختفي فردة !! وبشكل اني بتصير نازم تكب التانية وتروح جيب وحدة جديدة
وعالاغلب راح تجيبها بلون جديد غير الي ضاع....بهنيك لانك مابتوب ولا بتكل ....فضيع انت
ولحق علي تغير جواريبات وياريتك تعرف انن كلن متل بعض ...ومابيفرقو غير بس
بالالوان وبالريحة

ابو ريحة حلو حلو...
تابع تابع:D