مسا الحب.
كل واحد منا ازا غاب عن بلدو بيحب يرجعلو يلاقيه متغير للأحسن ومنطقياً التغير للأفضل بتفرضو ظروف الخط البياني لتطور المجتمعات والحضارات .
بهالموضوع ما رح احكي عن الغلا غير المبرر ولا رح احكي عن التماطل والوعود الحكومية و الفساد المستشري ولا بدي احكي عن البطالة ولا عن ازمة المي والكهربا.
بل بدي احكي عن سوريا بلدي الي تاريخو بيشيد باعتدال شعبو وتسامحو .. هالبلد يا شباب شفت انو عم بيتعرض لغزو تيارات دينية والقصد (المد الديني) والافكار الدينية بوسط الشباب .. افكار غريبة عن مجتمعنا كتير منها متشدد وغير وطني ومستورد.. انتشار النقاب بنسبة اكبر ولباس ديني للرجال ولحى طويلة كمان.
هل الوضع الاقتصادي للبلد هو السبب بلجوء الناس للدين .. هل الظاهرة عرضية وستزول وتتلاشى سريعاً ؟؟؟؟
ما رح كون متفائل للأسف .. هالمد الديني نتائجو برأيي غير محمودة و ظاهرة تستحق الوقوف والتأمل .. انا مو قصدي هون الا التشدد الديني المسئ للوطن والتسامح والوحدة والوطنية.

شو رأيكون شباب ؟
باكول هم البلد ؟ ولا باكول هوا وبتفرج على نور وسنوات الضياع متل بقية هالناس :cry:

الحمدلله على سلامتك صافو ومعك معك بتكتشف أشيا كتيرة
أحسن شي تعملو "أوم فوت نام وصير حلام إنّو بلدنا صارت بلد".

ياصديقي اللجوء للتشدد الديني سببه الرئيسي هو قمع الحريات و الديكتاتورية.. لأنو الإنسان يلي ماعندو أي مجال يعبر فيه عن حالو مضطر يلجأ لنوع من أنواع التشدد و هاد الدليل على انو كل الحركات الارهابية بتنشأ بالدول الديكتاتورية..
النظام بسوريا ياصديقي ماعندو مشكلة انو المجتمع يتدمر مقابل الاستمرار بالحكم.. يعني تستشري الحركات الأصولية و الناس تلجأ للتعصب الديني بالنسبة الو أحسن بألف مرة من انو المجتمع يكون مجتمع مدني و حضاري و راقي..
بوعدك اذا بدو يبقى النظام عم يحكم بهي الطريقة رح يستمر هاد التيار بالانتشار و خلال كم سنة رح نصير متل السعودية أو مصر بمستوى التخلف و التشدد..

المد الديني منتشر بكل العالم مو بس بسوريا والمصيبة وقمة المصائب انو بتلاقي عالم عباقرة وتفكيرهم لامحدود مع هالشي بينجذبو للتيار الديني المتشدد انو اوكى كل واحد حر بتفكيرو بس بالنسبة للمتشددين دينيا مافي شي اسمو حرية التفكير بالنسبة للدين يعني ومن الأخير اذا انت اعترضت عليهن اعتبر نفسك كافر ويجب اقامة حد الله عليك لذلك ياعيني لاتاكول هم حدا كول مناقيش وتذكرني وادعيلي اني ارجع كمان

يازلمة .. هلأ ازا طلع شوية تشدد صارت ظاهرة خطيرة هي .. :shock:
ولو لك اب صطيف طول بالك .. مو هيك الشغلة
اخي الشغلة حرية شخصية .. ان الزلمة طول دقنو .. وصار متدين هي حريتو
ولا ازا لبست النقاب .. كام صارت ظاهرة غلط ع حد تعبيرك .. ولو يازلمة خلين يلبسو ويعملو شو مابدن ويدينو متل مابدن .. هي حرية شخصية بتخص الفرد .. بتوقع ماحدا الو دخل بطريقة عيش حدا .. يعني انو الشغلة عادية ولو

طبعا ازا كان هالتدين نابع من القلب ومو منظرة .. واكبد هي اولا واخيرا حرية شخصية .. اكيد مو متل ماصنفتا انت ظاهرة .. وكل واحد عليه من حالو اللي بتلبس نقاب عليها من حالا .. واللي بتلبس التنورة لفوق الركبة كمان هي حرية شخصية وعليها من حالا بس ..

وهادا من وجهة نظري ..
وبعدين الظاهرة اللي حكيت عنا (ع حد قولك انت صنفتا ظاهرة التدين) يعني هي موجودة من زمان .. حسستني من حكيك انو طالعة موضة وماصلا سنة .. ولا كم شهر .. يازلمة هي صلا يعني من الاصل .. مو شي جديد ابدا


وتحياتي صافو والحمدلله ع سلامتك اخوي

مسا الحب.
كل واحد منا ازا غاب عن بلدو بيحب يرجعلو يلاقيه متغير للأحسن ومنطقياً التغير للأفضل بتفرضو ظروف الخط البياني لتطور المجتمعات والحضارات .
بهالموضوع ما رح احكي عن الغلا غير المبرر ولا رح احكي عن التماطل والوعود الحكومية و الفساد المستشري ولا بدي احكي عن البطالة ولا عن ازمة المي والكهربا.
بل بدي احكي عن سوريا بلدي الي تاريخو بيشيد باعتدال شعبو وتسامحو .. هالبلد يا شباب شفت انو عم بيتعرض لغزو تيارات دينية والقصد (المد الديني) والافكار الدينية بوسط الشباب .. افكار غريبة عن مجتمعنا كتير منها متشدد وغير وطني ومستورد.. انتشار النقاب بنسبة اكبر ولباس ديني للرجال ولحى طويلة كمان.
هل الوضع الاقتصادي للبلد هو السبب بلجوء الناس للدين .. هل الظاهرة عرضية وستزول وتتلاشى سريعاً ؟؟؟؟
ما رح كون متفائل للأسف .. هالمد الديني نتائجو برأيي غير محمودة و ظاهرة تستحق الوقوف والتأمل .. انا مو قصدي هون الا التشدد الديني المسئ للوطن والتسامح والوحدة والوطنية.

شو رأيكون شباب ؟

باكول هم البلد ؟ ولا باكول هوا وبتفرج على نور وسنوات الضياع متل بقية هالناس :cry:


كل حق يراد به باطل
بما انو لمست هالشي ياريت تحكيلنا عن الحركات والمد وسياسة تغيير المذهب يلي عم تصير بسوريا وخاصة بالمنطقة الشرقية

والله موضوع الدين هاد حرية شخصية ولا كمان ممنوعة بسوريا وما بيصير المرة تلبس نقاب والرجال يطول دقنو لازم كلو يكون متفرع أنا برأيي فصل بلد على كيفك بددون نقاب ودقون أحسنلك

الموضوع مو عل نقاب و الدقن بقد ماهوي عل الاستيراد المبالغ ..
يعني يلي لابس اللباس الأفغاني و ماشي بالشارع مع دقن طويلة و كزا هاد عندي متلو متل يلي لابس طقم جلد و جنزير و حلق بالمنخير ... كلو مستورد بشكل غير منطقي..
فراغ ما و كبت بجانب آخر يؤدي لمثل هذه الظاواهر .. كتير من الشباب العاطل عن العمل بيتجه للدين .. و كتير من الشباب يلي مصروفو مؤمن بيتجه للأشياء الأخرى .. في غير هل حالتين بكون التوجه واعي أكتر .. و بكون في قضية بالنص ..
هلأ ماهو المستورد و ما هو المحلي و ما هو المنطقي نستوردو و ما هو غير المنطقي هاد برأي نقاش شبه عقيم لأنو القناعات و المجالات واسعة جدا

النظام بسوريا ياصديقي ماعندو مشكلة انو المجتمع يتدمر مقابل الاستمرار بالحكم.. يعني تستشري الحركات الأصولية و الناس تلجأ للتعصب الديني بالنسبة الو أحسن بألف مرة من انو المجتمع يكون مجتمع مدني و حضاري و راقي..
بوعدك اذا بدو يبقى النظام عم يحكم بهي الطريقة رح يستمر هاد التيار بالانتشار و خلال كم سنة رح نصير متل السعودية أو مصر بمستوى التخلف و التشدد..
يا زلمة بكتير مواضيع بلاقي كلامك ولا أروع من هيك .. حكي منطقي و واقعي
و ببعض المواضيع ( و ردك هاد منهم ) بلاقي ردوك تهجمية و ما ألها علاقة بالمنطق



بالنسبة للموضوع أنا برأيي متل ما قالو الشباب و الصبايا موجة الدين منتشرة بالعالم كلو
و الأمور المستوردة الي حكا عنها سيزر شغلة عالمية يعني بكل مكان الشباب حابة تجرب و تغير و تتميز
أنا ما شايفها قضية كبيرة لأنو مصيرها للزوال

بما انو لمست هالشي ياريت تحكيلنا عن الحركات والمد وسياسة تغيير المذهب يلي عم تصير بسوريا وخاصة بالمنطقة الشرقية

يا ريت بالله تحكيلنا عنها حضرتك

ما تعتل هم صافو هي الظاهرة مش بس بسوريا
بكل البلدان العربية وبعتئد ظاهرة النقاب واللبس الافغاني وهيك شي وسيلة بس لعدم توافر الخدمات ووظائف العمل وهيك اشيا



نورت صافوو

بالحالات الصعبة الانسان دائما يسعى نحو الشعور بالأمان... لما يشوف حالو ضعيف و لما يشوف ما في شي بيحميه بيحتاج نفسيا لشي يخلّيه يشعر انو في شيء ما نفسي يشعرو بالقوة... لذلك أمر طبيعي جدا انو الناس تنحو باتجاه الدين بهالفترة ببلادنا.. لأنو الايمان يعطي شعور بالأمان..مو بس الايمان بالله.. قصدي لما عندك فكر معين و ايمان بشيء ما يملئ الفراغ الفكري. و الفكر الجاهز و الشامل و المتوفر ببلادنا هو الدين. و هاد السبب الرئيسي.. عدا عن اسباب ثانية أهمها ازمة الانتماء الموجود عنا.. الانتماء الوطني انقضى عليه و الانتماء القومي انتهت صلاحيتو لذلك غير الانتماء الديني ما بقيان..

طبعا هالأمر غالبا مرحلي طالما هو وليد ظروف معينة و بنهاية هالظروف تنتهي الظاهرة.. لكن الأمر لا يخلو من خطر استغلال هذه النزعة (اللي مبدئيا ما مفروض تكون مشكلة... كل واحد على دينو الله يعينو) و ممكن استخدام النزعة الدينية من قبل بعض النفوس المريضة و استغلال الحمية و الحماس الديني من أجل تمرير مصالح معينة

يا ريت بالله تحكيلنا عنها حضرتك
والله ياعيوني مو انا يلي طرحت الموضوع بالاصل انا كان سؤالي موجه لصاحب الموضوع فخليه هو مزال حس وشعر وشاف هداك التيار خليه يحكلينا عن الاستفسار يلي انا طرحتو ,وبظن الشغلة مو مخباية بنوب يعني اصلا صارت بكل سوريا وخاصة بالمنطقة الشرقية لأنو بلشت هنيك ,على كل حال اذا الك حدا من معارفك او اصدقاء من تلك المنطقة فينن يحطوك بالصورة ويفيدوك اكتر مني .
على كل حال انا عندي معلومات عن الموضوع بس مارح جاوبك لأني لمست من خلال ردك في نوع التعالي والسخرية .والاهم من هاد مابحب ادخل باحاديث طائفية وخاصة انا من الاشخاص يلي بيكرهو الطائفية .
فبعتذر من سيادتك . وعلى قولة حكومتنا : انا بحتفظ بحق الرد في المكان المناسب والوقت المناسب

والله ياعيوني مو انا يلي طرحت الموضوع بالاصل انا كان سؤالي موجه لصاحب الموضوع فخليه هو مزال حس وشعر وشاف هداك التيار خليه يحكلينا عن الاستفسار يلي انا طرحتو ,وبظن الشغلة مو مخباية بنوب يعني اصلا صارت بكل سوريا وخاصة بالمنطقة الشرقية لأنو بلشت هنيك ,على كل حال اذا الك حدا من معارفك او اصدقاء من تلك المنطقة فينن يحطوك بالصورة ويفيدوك اكتر مني .
على كل حال انا عندي معلومات عن الموضوع بس مارح جاوبك لأني لمست من خلال ردك في نوع التعالي والسخرية .والاهم من هاد مابحب ادخل باحاديث طائفية وخاصة انا من الاشخاص يلي بيكرهو الطائفية .
فبعتذر من سيادتك . وعلى قولة حكومتنا : انا بحتفظ بحق الرد في المكان المناسب والوقت المناسب

هلأ صار عندي أنا تعالي و سخرية؟ عم تقولي عن شي صاير بالمنطقة الشرقية و رديت عليكي بجملة وحدة فقط انو اشرحيلنا حضرتك شو صاير هنيك, و لا تزتيها ع صاحب الموضوع لأنو مو هو اللي جاب سيرة المنطقة الشرقية انما حضرتك.. وين التعالي والسخرية بجملة "ياريت بالله تحكيلنا عنها حضرتك"؟

أما انو تحتفظي بحق الرد... منطق نقاشي برأيك الواحد يحط فكرة و ما يثبتها انما يطالب من لم يضعها باثباتها؟


بالنسبة للحكي اللي بالأزرق... ماني محتاج حدا يشرحلي.. أنا ابن المنطقة الشرقية.. ومن اكل الهوا اللي عم ينتشر بمواقع عديدة... فما بدو واحد يكون ابن المنطقة الشرقية انما بس يكون عندو شوية معرفة بهالمنطقة لحتى يكتشف انو كل الحكي كذب و افتراء من الدرجة الأولى..

يازلمة .. هلأ ازا طلع شوية تشدد صارت ظاهرة خطيرة هي .. :shock:



اي .. و شو مشان اللافتات بـ الطرقات كلا ..مكتوب عليا .. لا الله ألا الله .. لا تنسى ذكر الله ..

و الحمد لله .. و ما بعرف شو ..

أنو لافتة طويلة عريضة .. بنص الطريق .. أول على الشجر بـ الحديقة .. مكتوب عليا لا تنسى ذكر الله ..


طيب لو كاتبين عليها مثلاً ( شو مشان المازوت صار بـ 25 ليرة )

ما كانت بتفيد اكتر ؟

وخاصة بالمنطقة الشرقية لأنو بلشت هنيك ,


بلشت هنيك و انتهت هنيك من زمان .. و حالياً بـ الغربية أكتر بـ كتير من الشرقية

ولو انو الرد اجا متأخر بس حبيت اكتب رايي بالموضوع . صراحة الظاهرة كتير منتشرة وبشكل مزعج خاصى اني لما نزلت اخر مرة ع سورية وع مدينتي اللاذقية كتير تفاجأت بانتشار الحجاب والمظاهر الدينية. برايي في عدة اسباب منها يلي صار بحرب تموز 2006 بدل الناس ما تتعلم من حزب الله طريقة المقاومة تعلمت قشور دينية وانو صارت الناس تتشيع من شان تفكر انها شاركت بالحرب:shock: وبسبب المشكلة الطائفية كمان صارو السنة عم يبروز نفسون كسنة كرد ع المد الشيعي ( يلي صراحة مبلش من قبل حرب تموز بفضل اموال بعض افراد العائلة الكريمة الحاكمة ) المهم بدك تعرف اذا لازم تقلق؟؟من ناحيتي انا قلقت وخلصت:cry:

اي .. و شو مشان اللافتات بـ الطرقات كلا ..مكتوب عليا .. لا الله ألا الله .. لا تنسى ذكر الله ..

و الحمد لله .. و ما بعرف شو ..

أنو لافتة طويلة عريضة .. بنص الطريق .. أول على الشجر بـ الحديقة .. مكتوب عليا لا تنسى ذكر الله ..


طيب لو كاتبين عليها مثلاً ( شو مشان المازوت صار بـ 25 ليرة )

ما كانت بتفيد اكتر ؟
بالمنطقة الشرقية هالحكي؟

awal chi hamdelah 3asalama
tani chi walah ya sadikna halmechekla ma bihis fiha ghir yali tgharab
bisir ma3ou sadma leanou bibasata byakhoud ma3ou sora labaladou ou bes yerja3 bilaki chi tani ou ya3ni riheltine wahda bizaman ou etanya bilmakan
ou masalat edin hey ba3d inticharha elmahoul bi douwal gharbya fala tet3ajab menha bibouldan 3arabya
bes elmechekla enou byakhdou lekchour ou loub edyana byeterkouh
ama 3an elkafza enaw3ya ektisadyan fa hey ma estafad menha echa3b ktir inama elhoukoumat hya yali 3am techba3 ou tkaber elfajwa in elfakir ou elghani leanou tabaket el3oumal talachat
tahyati

ذكرتني بغنية " عالهوارة "
خصوصا بالمقطع اللي بقول :
" ناس بتمشي لقدام وناس بترجع لورا "

وهور يا بو الهوارة :D

بالمنطقة الشرقية هالحكي؟
على طريق حلب و انت جاي من المنبج .. و بحلب كمان .. ملياان

على طريق حلب و انت جاي من المنبج .. و بحلب كمان .. ملياان
المنطقة الشرقية : الحسكة الرقة دير الزور

هلأ صار عندي أنا تعالي و سخرية؟ عم تقولي عن شي صاير بالمنطقة الشرقية و رديت عليكي بجملة وحدة فقط انو اشرحيلنا حضرتك شو صاير هنيك, و لا تزتيها ع صاحب الموضوع لأنو مو هو اللي جاب سيرة المنطقة الشرقية انما حضرتك.. وين التعالي والسخرية بجملة "ياريت بالله تحكيلنا عنها حضرتك"؟

أما انو تحتفظي بحق الرد... منطق نقاشي برأيك الواحد يحط فكرة و ما يثبتها انما يطالب من لم يضعها باثباتها؟


بالنسبة للحكي اللي بالأزرق... ماني محتاج حدا يشرحلي.. أنا ابن المنطقة الشرقية.. ومن اكل الهوا اللي عم ينتشر بمواقع عديدة... فما بدو واحد يكون ابن المنطقة الشرقية انما بس يكون عندو شوية معرفة بهالمنطقة لحتى يكتشف انو كل الحكي كذب و افتراء من الدرجة الأولى..

شوف ياعيوني انت وقت استخدمت كلمة "حضرتك" عرفت فورا انا انو الحديث دايئك وبغض النظر اذا كنت سمعان فيه انت او مو سمعان.
يعني صحيح انا مو دارسة لغة عربية بس يعني مو لهلدرجة حتى ما اعرف شو مضمون ردك بعبارتك , كان فيك تسأل بطريقة تانية مثلا: فيكي تخبريني عن الموضوع , ياريت تعطينا تفاصيل اكتر , شو مدى صدق هالمعلومة والخ........
على كل حال انا مافيني قول شو بدك تحكي او ماتحكي انت او غيرك بس انا من حقي اني رد عليك بطريقتي وقت بشوف رد فيه قلة احترام ولاتنسى كلمة "بالله" وخاصة حرب الباء وموقع الكلمة في الجملة .
وبرجع بذكرك انا لو مو مفتوح هيك موضوع انا ماكنت كتبت ولا حطيت هالتساؤل بس وقت شفت هالموضوع وهالظاهرة يلي حكا عنها صاحب الموضوع طلبت منو يحكلينا عن الظاهرة التانية يلي بسوريا منتشرة وخاصة انو صاحب الموضوع على ما اظن له خلفيات من فتح هيك موضوع .
وبما انك ابن المنطقة الشرقية ففعلا مومحتاج حدا يقلك شو عم يصير وانا بكلامي قلت انو هي الظاهرة بكل سوريا وخاصة المنطقة الشرقيةو وبلشت هنيك وانا بكلامي ما عم ذم لا اهل المنطقة الشرقية ولا الجنوبية ولا اي منطقة نحنا كلنا اهل .
فوقت عم تقول اكل هوا يا عزيزي هالشي انا مو جايبتو من بيت ابي وبغض النظر حتى "لو" انا عم افتري عليكن انت ببساطة بحكم اولا عندك معلومات عن الموضوع وثانيا ابن المنطقة الشرقية ان اولى من غيرك ترد على هالشي بكل وضوح وشفافية وتبيلنا الصح من الخطأ , فما كان بدا هالضوجان كلو وتطلعني وكأني انا شي وحدة عم تفتري على الناس , فروق وطول بالك وهدي اعصابك لأنو نحنا بحاجتك

الموضوع مو عل نقاب و الدقن بقد ماهوي عل الاستيراد المبالغ ..
يعني يلي لابس اللباس الأفغاني و ماشي بالشارع مع دقن طويلة و كزا هاد عندي متلو متل يلي لابس طقم جلد و جنزير و حلق بالمنخير ... كلو مستورد بشكل غير منطقي..
فراغ ما و كبت بجانب آخر يؤدي لمثل هذه الظاواهر .. كتير من الشباب العاطل عن العمل بيتجه للدين .. و كتير من الشباب يلي مصروفو مؤمن بيتجه للأشياء الأخرى .. في غير هل حالتين بكون التوجه واعي أكتر .. و بكون في قضية بالنص ..
هلأ ماهو المستورد و ما هو المحلي و ما هو المنطقي نستوردو و ما هو غير المنطقي هاد برأي نقاش شبه عقيم لأنو القناعات و المجالات واسعة جدا

بتخيل هاد الكلام يلي اقرب للصح مع شوية خطوط صغيرة على كام جملة

المنطقة الشرقية : الحسكة الرقة دير الزور

بس هدول؟؟

شوف ياعيوني انت وقت استخدمت كلمة "حضرتك" عرفت فورا انا انو الحديث دايئك وبغض النظر اذا كنت سمعان فيه انت او مو سمعان.1) يا ريت هاي "يا عيوني" توفريها لأنو لا في موانة بيني و بينك لحتى تحكي معي بهالطريقة, اذا عاطية حالك الحق بالتقرير اذا عم احكي باستخفاف أو لأ فكمان معناتا الي الحق اعتبر انك عم تحكي معي باستخفاف

2) كلمة "حضرتك" بستخدمها و بكثرة عند حديثي مع ناس ما بعرفهون, صيغة احترام يعني... لذلك التكهنات هاي اللي من عندك بلاها لأنو مانك براسي لحتى تعرفيها و لا يحقلك تتهميني بشي ما عملتو الا بمخيلتك



يعني صحيح انا مو دارسة لغة عربية بس يعني مو لهلدرجة حتى ما اعرف شو مضمون ردك بعبارتك , كان فيك تسأل بطريقة تانية مثلا: فيكي تخبريني عن الموضوع , ياريت تعطينا تفاصيل اكتر , شو مدى صدق هالمعلومة والخ........طيب سؤال هلأ بدك تصيغي سؤالي انتي؟ تعي ردي عني فرد مرة و خلص اكتبي براحتك


على كل حال انا مافيني قول شو بدك تحكي او ماتحكي انت او غيرك بس انا من حقي اني رد عليك بطريقتي وقت بشوف رد فيه قلة احترام ولاتنسى كلمة "بالله" وخاصة حرب الباء وموقع الكلمة في الجملة .بلهجتي.. بلغتي.. بطريقة حكي أهل منطقتي.. بنقول "بالله" بشكل اوتوماتيكي لما نطلب شي من حدا... بمثابة لوسمحت... طبعا حكيي ما يجدي طالما في سبق افتراض بسوء النية


وبرجع بذكرك انا لو مو مفتوح هيك موضوع انا ماكنت كتبت ولا حطيت هالتساؤل بس وقت شفت هالموضوع وهالظاهرة يلي حكا عنها صاحب الموضوع طلبت منو يحكلينا عن الظاهرة التانية يلي بسوريا منتشرة وخاصة انو صاحب الموضوع على ما اظن له خلفيات من فتح هيك موضوع .صاحب الموضوع فاتح موضوع عن أمر معين و انتي (كون ما خرج نستعمل حضرتك) جبتي سيرة شي تاني تماما.. و قلنا نستفسر...



وبما انك ابن المنطقة الشرقية ففعلا مومحتاج حدا يقلك شو عم يصير وانا بكلامي قلت انو هي الظاهرة بكل سوريا وخاصة المنطقة الشرقيةو وبلشت هنيك وانا بكلامي ما عم ذم لا اهل المنطقة الشرقية ولا الجنوبية ولا اي منطقة نحنا كلنا اهل .
فوقت عم تقول اكل هوا يا عزيزي هالشي انا مو جايبتو من بيت ابي وبغض النظر حتى "لو" انا عم افتري عليكن انت ببساطة بحكم اولا عندك معلومات عن الموضوع وثانيا ابن المنطقة الشرقية ان اولى من غيرك ترد على هالشي بكل وضوح وشفافية وتبيلنا الصح من الخطأ 1) لما قلت أكل هوا عم اعني الحكي اللي عم ينحكى بمواقع انترنيتية (و فيكي ترجعي تقري ردي)و ما قصدت كلامك بأي لحظة.

في الي موضوع عن هالشي بالذات.. و هاد رابطو:

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


و في موقع آخر ... تحديدا منتدى مصري لقيتو من فترة .. حاطين فيه موضوع طويل عريض بذم رؤوس التشيّع بمنطقة الجزيرة السورية ( واللي حاط الموضوع يفهم من سياق كلامو انو منتمي للاخوان المسلمين) و من ضمن الاسماء اللي حاطها حاط اسم عمي أخو أبوي.. و السبب بسيط.. عمي خريج تاريخ و عامل دكتوراه بالتاريخ الفارسي و زاير ايران بسبب دراستو و تعاونو مع جامعة طهران بهالمجال من قبل الثورة حتى... عملوه متشيع رغم انو من أقدم أعضاء الحزب الشيوعي السوري بالمحافظة و مازال (يبدو في التباس عند الأخ صاحب الموضوع بين شيعي و شيوعي).

2) يكفي, متل ما قلت سابقا, معرفة نذر يسير من التوزيع الديمغرافي لمنطقة الجزيرة لمعرفة انو أغلب المقالات عبارة عن هراء ... و المضحك انو ماسكينها عالجزيرة بسبب المسجد اللي عملوه الايرانيين بالرقة عند قبر اويس القرني و عمار بن ياسر , هالمسجد بلشو عمل فيه بالاشتراك مع الاسكان العسكري بالـ 85 و مشانو دمرو مقبرة الرقة القديمة و ما حدا ضاج.. أهل البلد قلنا بالكي بكرا يجو سياح و يحركلنا البلد, و هلأ من كتر التخويف و التهويل من حملة التشييع صار الواحد ما يسترجي يمر من قدامو أو يدخلو اذا خايف ع سمعتو يقولو عنو متشيع... مزبوط عملوه الايرانيين بس هالشي لا يعني انو عاملين حملة تشيع.. و المضحك انو عبد الحليم خدام صارع ربنا بقصة حملة التشيع لما كل المشاريع بلشو فيها لما كان هو نائب رئيس سوريا.. وين كان صوتو؟ بعدين بس الايرانيين عم يفتو مصاري ع دور عبادة؟؟؟ هو هالجامع بالرقة عاملينو الايرانيين مقابل فوق العشر جوامع مولوهون ناس من السعودية و جابو عليهون شيوخ سوريين مهاجرين بالسعودية و حطوهون يعلمو الناس المذهب الوهابي و عينك عينك .. ليش الاخوان ما يحكو عن هالشي؟


سمعنا من المقالات و سمعنا حكي عالم ... أنا ما شفت شي.. ما شفت هالايرانيين بالشوارع عم يوزعو مصاري عالرايح و الجاي متل ما العالم تحكي.. ذاتا 80% من زوار الأضرحة السابقة الذكر لبنانيين .. و ما بنكر انو بمنطقتنا في ظل النزعة الدينية الوهابية المستوردة من كثرة المهاجرين بالسعودية صار اذا بدك تقضي ع سمعة واحد تقول عنو متشيع و خلصنا.. ما بيهمني ازا عاملين حملة أو ما عاملين حملة.. اللي شايفها حملة بشكل واضح هيي حملة الاخوان ضد حملة التشيع الافتراضية اللي عم تكرّه الناس ببعضها و عم تزرع طائفية شوي شوي... كل يوم نقرا مقالات قال انصرو اخوانكم السنة في ديار الشام و حاربو الرافضة الصفويين و من هالحكي... شو من وراها رح يجي؟ تفجيرات بالست زينب؟ يصير اللي ما فيو يفجر حالو بالعراق يجي ع سوريا؟ الله يستر...

انو مافي شيوخ يدعوون لعقيدتهون؟ بالتلفزيون و عالراديو و بالكتب و محاضرات و كل شي؟؟ يعني حتى لو في شيوخ شيعة شو المشكلة؟ كل واحد يعتقد اللي بدو ياه و كل واحد ع دينو الله يعينو



, فما كان بدا هالضوجان كلو وتطلعني وكأني انا شي وحدة عم تفتري على الناس , فروق وطول بالك وهدي اعصابك لأنو نحنا بحاجتو الله انا ما ضجت.. حضرتك يبدو حللتي نفسيتي و قررتي من عندك كيف احكي و كيف لازم احكي ...



و شكرا

قال انصرو اخوانكم السنة في ديار الشام

يموووووووووووو ع النبي .. كل هادا ؟؟

بس هدول؟؟
اي بس هدول
وبضيف عل اللي قاله ياس انو طق الحنك او اكل ................ وصل لجيران الرقة يعني الحسكة ودير الزور
طلعت اشاعات كتير انو في قرية اسما الحسينية على طريق الرقة قلبت معاهد شيعية وانو شعب الدير عم يقبل عليها بقوة كونه عم يعطو مصاري كتير

يموووووووووووو ع النبي .. كل هادا ؟؟


خود مثلا هالرابـــــــط (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)


و هاد الرابـــــط (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) تسالي جدا كمان (قال بسوريا يجيبو الشب من الجامعة و بيعطوه مال و جاه و نساء ليصير "شيعي خميني" )...

و رابط هالمدونة (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// D8%AB%D8%A9_%D9%85%D9%86_%D8%A3%D9%87%D9%84_%D8%A7 %D9%84%D8%B3%D9%86%D8%A9_%D9%81%D9%8A_%D8%B3%D9%88 %D8%B1%D9%8A%D8%A7_%D9%85%D9%86_%D8%AD%D8%B1%D9%83 %D8%A9_%D8%A7%D9%84%D8%AA%D8%B4%D9%8A%D8%B9_%D8%A7 %D9%84%D9%83%D8%A8%D9%8A%D8%B1%D8%A9_%D9%88%D8%A7% D9%84%D8%B3%D8%B1%D9%8A%D8%B9%D8%A9_%D8%A7%D9%84%D 8%AA%D9%8A_%D8%AA%D8%AC%D8%B1%D9%8A_%D9%81%D9%8A_% D8%B3%D9%88%D8%B1%D9%8A%D8%A9)كمان

المنطقة الشرقية : الحسكة الرقة دير الزور

اي بعرف .. أنا قلتلك انو انتقلت للغربية قصدي عـ حلب و اللادقية ..


أما عن المعاهد الشيعية ..

ما بظن أنو اهل البلد هي يلي فتحوها .. بس أنفتحت بهل منطقة لأنو ظاهرياً المنطقة مبينة أكتر تقبلاً لهيك أمور من المنطقة الغربية و الجنوبية

عم قلك اشاعات هي المعاهد

نتيجة لظروف استثنائية انا ما قدرت كون كتير اون لاين لتابع سير هالموضوع او بأخوية على كل ممكن انفهم الموضوع غلط.
انا مع حرية الاعتقاد وحرية الفرد بالاعتقاد بل بسعى لحماية هالحق ولكن كل شي بحدودو.
يعني الظاهرة الي انا حكيت عنها تيارات متطرفة تهدد الاحساس الوطني تتحدث عن حكم اسلامي بطريقة رد فعل قمعية لكل ما يسمونه (( فساد )) وعلى (( جند ابليس )) ويقصدرون بهم الفنانين والمطربين و مقيمي الحفلات وكل من اراد الحياة باسلوب عصري اختاره هو.
هنا اصبحت تهديد لا مجال معه للمجاملة والقول انه حرية شخصية وظاهرة لا تتعدى كونها ردة فعل طبيعية على شئ محدد وليست زهد ولا ما شابه.
خطورتها تكمن في فصل نسيج الشعب الواحد وتقسيم المجتمع الى مؤمن وكافر .. و فاسق و صالح . وهذه الافكار تنتشر وهذا الانتشار الغريب عن طبيعة الشعب السوري المعتدلة هو ما يدعو للتساؤل . ففي سرافيس المدينة تسمع محاضرات دينية تدعو الى كره وبغض اصحاب الديانات الاخرى وعدم اتخاذهم اخلاء واصدقاء وفي المطاعم تجد رجال الدين واللحى هم اصحاب الكلمة وفي كل المجالس تصبح افكار السلفيين هي محور كل نقاش ومحط كل اهتمام.


يازلمة .. هلأ ازا طلع شوية تشدد صارت ظاهرة خطيرة هي .. :shock:
ولو لك اب صطيف طول بالك .. مو هيك الشغلة
اخي الشغلة حرية شخصية .. ان الزلمة طول دقنو .. وصار متدين هي حريتو
ولا ازا لبست النقاب .. كام صارت ظاهرة غلط ع حد تعبيرك .. ولو يازلمة خلين يلبسو ويعملو شو مابدن ويدينو متل مابدن .. هي حرية شخصية بتخص الفرد .. بتوقع ماحدا الو دخل بطريقة عيش حدا .. يعني انو الشغلة عادية ولو

طبعا ازا كان هالتدين نابع من القلب ومو منظرة .. واكبد هي اولا واخيرا حرية شخصية .. اكيد مو متل ماصنفتا انت ظاهرة .. وكل واحد عليه من حالو اللي بتلبس نقاب عليها من حالا .. واللي بتلبس التنورة لفوق الركبة كمان هي حرية شخصية وعليها من حالا بس ..

وهادا من وجهة نظري ..
وبعدين الظاهرة اللي حكيت عنا (ع حد قولك انت صنفتا ظاهرة التدين) يعني هي موجودة من زمان .. حسستني من حكيك انو طالعة موضة وماصلا سنة .. ولا كم شهر .. يازلمة هي صلا يعني من الاصل .. مو شي جديد ابدا


وتحياتي صافو والحمدلله ع سلامتك اخوي

بتمنى كون جاوبتك والمسألة بتتعدى كونها حرية شخصية ومانها نقاب ولبس افغاني بس.

كل حق يراد به باطل
بما انو لمست هالشي ياريت تحكيلنا عن الحركات والمد وسياسة تغيير المذهب يلي عم تصير بسوريا وخاصة بالمنطقة الشرقية

كل استفساراتك ردو عليها الشباب بشكل ارضاني.
بس كيف كل حق يراد به باطل ما فهمتها هي ؟!!
وعن هالتيارات الي حكيت عنها بيكفي تغيبي عن البلد فترة وترجعي لتلاحظي المد السرطاني للأفكار السلفية ببلدنا.


واسف ع التأخير.
:D

خود مثلا هالرابـــــــط (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)


و هاد الرابـــــط (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) تسالي جدا كمان (قال بسوريا يجيبو الشب من الجامعة و بيعطوه مال و جاه و نساء ليصير "شيعي خميني" )...

و رابط هالمدونة (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// D8%AB%D8%A9_%D9%85%D9%86_%D8%A3%D9%87%D9%84_%D8%A7 %D9%84%D8%B3%D9%86%D8%A9_%D9%81%D9%8A_%D8%B3%D9%88 %D8%B1%D9%8A%D8%A7_%D9%85%D9%86_%D8%AD%D8%B1%D9%83 %D8%A9_%D8%A7%D9%84%D8%AA%D8%B4%D9%8A%D8%B9_%D8%A7 %D9%84%D9%83%D8%A8%D9%8A%D8%B1%D8%A9_%D9%88%D8%A7% D9%84%D8%B3%D8%B1%D9%8A%D8%B9%D8%A9_%D8%A7%D9%84%D 8%AA%D9%8A_%D8%AA%D8%AC%D8%B1%D9%8A_%D9%81%D9%8A_% D8%B3%D9%88%D8%B1%D9%8A%D8%A9)كمان
عم تمزح ولا جد

نتيجة لظروف استثنائية انا ما قدرت كون كتير اون لاين لتابع سير هالموضوع او بأخوية على كل ممكن انفهم الموضوع غلط.
انا مع حرية الاعتقاد وحرية الفرد بالاعتقاد بل بسعى لحماية هالحق ولكن كل شي بحدودو.
يعني الظاهرة الي انا حكيت عنها تيارات متطرفة تهدد الاحساس الوطني تتحدث عن حكم اسلامي بطريقة رد فعل قمعية لكل ما يسمونه (( فساد )) وعلى (( جند ابليس )) ويقصدرون بهم الفنانين والمطربين و مقيمي الحفلات وكل من اراد الحياة باسلوب عصري اختاره هو.
هنا اصبحت تهديد لا مجال معه للمجاملة والقول انه حرية شخصية وظاهرة لا تتعدى كونها ردة فعل طبيعية على شئ محدد وليست زهد ولا ما شابه.
خطورتها تكمن في فصل نسيج الشعب الواحد وتقسيم المجتمع الى مؤمن وكافر .. و فاسق و صالح . وهذه الافكار تنتشر وهذا الانتشار الغريب عن طبيعة الشعب السوري المعتدلة هو ما يدعو للتساؤل . ففي سرافيس المدينة تسمع محاضرات دينية تدعو الى كره وبغض اصحاب الديانات الاخرى وعدم اتخاذهم اخلاء واصدقاء وفي المطاعم تجد رجال الدين واللحى هم اصحاب الكلمة وفي كل المجالس تصبح افكار السلفيين هي محور كل نقاش ومحط كل اهتمام.








:D

كل هاد؟؟
هيك قالولك وهنن ماشيين بالطريق ؟؟؟؟
شو البلد أو الشام يلي عايش فيها غير الشام يلي لحنا عايشين فيها :shock:

1) يا ريت هاي "يا عيوني" توفريها لأنو لا في موانة بيني و بينك لحتى تحكي معي بهالطريقة, اذا عاطية حالك الحق بالتقرير اذا عم احكي باستخفاف أو لأ فكمان معناتا الي الحق اعتبر انك عم تحكي معي باستخفاف





اسفة على التأخير اولا
مين يلي قلك انو انا معتبرة او بدي يصير في موانة معك او مع غيرك ؟ انا جديدة هون هي اولا وتانيا انا بعامل الناس يلي مابعرفهم على الرسمي والرسمي كتير كمان

) كلمة "حضرتك" بستخدمها و بكثرة عند حديثي مع ناس ما بعرفهون, صيغة احترام يعني... لذلك التكهنات هاي اللي من عندك بلاها لأنو مانك براسي لحتى تعرفيها و لا يحقلك تتهميني بشي ما عملتو الا بمخيلتك

اوكي كلامك صح انت فيك تقول يلي بدك ياه بس مافيك تحاسبني ,فيك تبرر انو ماكان اصدك هيك, بس يا "ياس" (هي من اي كلمة سبقتا عم ناديلك باسمك حاف ) رح اعطيك مثال صغير كلنا منستخدمو ببيلنا شو معنات حضرتك بهيك ظرف , وقت اي شخص قريب او غريب بيعمل معنا فصل ناقص ومثلا بدنا نشوفو وهو تأخر عن موعدو شو منقول وقتا ؟ منقول : ما اجى حضرتو , ما وصل سيادتو , ماوصل جنابو , يعني حضرتو وسيادتو وجنابو هن فاعل شي سلبي(يعني منظووووم ) , وانت وقت قلتلي حضرتك كنت متدايق من الموضوع وهالشي ظهر بالمشاركات يلي تبعت ردي .
طيب سؤال هلأ بدك تصيغي سؤالي انتي؟ تعي ردي عني فرد مرة و خلص اكتبي براحتك


خود راحتك وكتر وبرجع بقلك وجاوبتك انا لا بعلم حدا كيف بدو يحكي ولا حدا بعلمني كيف احكي بس بذكرك انا وقت بلمس انو في سخرية بلاها هي سخرية خلينا على على كلمة امتعاض , امتعاض بجوابك فمن حقي اني مارد وجاوبك انت او غيرك بيلي جاوبتو .
بلهجتي.. بلغتي.. بطريقة حكي أهل منطقتي.. بنقول "بالله" بشكل اوتوماتيكي لما نطلب شي من حدا... بمثابة لوسمحت... طبعا حكيي ما يجدي طالما في سبق افتراض بسوء النية

والنعم منك ومن منطقتك ولهجتك

صاحب الموضوع فاتح موضوع عن أمر معين و انتي (كون ما خرج نستعمل حضرتك) جبتي سيرة شي تاني تماما.. و قلنا نستفسر...
هادا الحكي صحيح وقت بكون الشخص عم يسأل بشكل عادي بس مو متل ماكنت محتد وانت بتعرف بالموضوع سلفا وانت على اطلاع كامل عليه .وحقك تستفسر وانا استفسر وغيرنا مشان اذا كان في كذب بالموضوع نعرف الحقيقة .

) لما قلت أكل هوا عم اعني الحكي اللي عم ينحكى بمواقع انترنيتية (و فيكي ترجعي تقري ردي)و ما قصدت كلامك بأي لحظة.

في الي موضوع عن هالشي بالذات.. و هاد رابطو:

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)


و في موقع آخر ... تحديدا منتدى مصري لقيتو من فترة .. حاطين فيه موضوع طويل عريض بذم رؤوس التشيّع بمنطقة الجزيرة السورية ( واللي حاط الموضوع يفهم من سياق كلامو انو منتمي للاخوان المسلمين) و من ضمن الاسماء اللي حاطها حاط اسم عمي أخو أبوي.. و السبب بسيط.. عمي خريج تاريخ و عامل دكتوراه بالتاريخ الفارسي و زاير ايران بسبب دراستو و تعاونو مع جامعة طهران بهالمجال من قبل الثورة حتى... عملوه متشيع رغم انو من أقدم أعضاء الحزب الشيوعي السوري بالمحافظة و مازال (يبدو في التباس عند الأخ صاحب الموضوع بين شيعي و شيوعي).

2) يكفي, متل ما قلت سابقا, معرفة نذر يسير من التوزيع الديمغرافي لمنطقة الجزيرة لمعرفة انو أغلب المقالات عبارة عن هراء ... و المضحك انو ماسكينها عالجزيرة بسبب المسجد اللي عملوه الايرانيين بالرقة عند قبر اويس القرني و عمار بن ياسر , هالمسجد بلشو عمل فيه بالاشتراك مع الاسكان العسكري بالـ 85 و مشانو دمرو مقبرة الرقة القديمة و ما حدا ضاج.. أهل البلد قلنا بالكي بكرا يجو سياح و يحركلنا البلد, و هلأ من كتر التخويف و التهويل من حملة التشييع صار الواحد ما يسترجي يمر من قدامو أو يدخلو اذا خايف ع سمعتو يقولو عنو متشيع... مزبوط عملوه الايرانيين بس هالشي لا يعني انو عاملين حملة تشيع.. و المضحك انو عبد الحليم خدام صارع ربنا بقصة حملة التشيع لما كل المشاريع بلشو فيها لما كان هو نائب رئيس سوريا.. وين كان صوتو؟ بعدين بس الايرانيين عم يفتو مصاري ع دور عبادة؟؟؟ هو هالجامع بالرقة عاملينو الايرانيين مقابل فوق العشر جوامع مولوهون ناس من السعودية و جابو عليهون شيوخ سوريين مهاجرين بالسعودية و حطوهون يعلمو الناس المذهب الوهابي و عينك عينك .. ليش الاخوان ما يحكو عن هالشي؟


سمعنا من المقالات و سمعنا حكي عالم ... أنا ما شفت شي.. ما شفت هالايرانيين بالشوارع عم يوزعو مصاري عالرايح و الجاي متل ما العالم تحكي.. ذاتا 80% من زوار الأضرحة السابقة الذكر لبنانيين .. و ما بنكر انو بمنطقتنا في ظل النزعة الدينية الوهابية المستوردة من كثرة المهاجرين بالسعودية صار اذا بدك تقضي ع سمعة واحد تقول عنو متشيع و خلصنا.. ما بيهمني ازا عاملين حملة أو ما عاملين حملة.. اللي شايفها حملة بشكل واضح هيي حملة الاخوان ضد حملة التشيع الافتراضية اللي عم تكرّه الناس ببعضها و عم تزرع طائفية شوي شوي... كل يوم نقرا مقالات قال انصرو اخوانكم السنة في ديار الشام و حاربو الرافضة الصفويين و من هالحكي... شو من وراها رح يجي؟ تفجيرات بالست زينب؟ يصير اللي ما فيو يفجر حالو بالعراق يجي ع سوريا؟ الله يستر...

انو مافي شيوخ يدعوون لعقيدتهون؟ بالتلفزيون و عالراديو و بالكتب و محاضرات و كل شي؟؟ يعني حتى لو في شيوخ شيعة شو المشكلة؟ كل واحد يعتقد اللي بدو ياه و كل واحد ع دينو الله يعينو


بالنسبة للينك رح شوفو بس اخلص من الموضوع
اما بالنسبة لكلامك الباقي فيعني كلام منطقي بدل على شخص عايش الوضوع تمام وشرحتو بشكل مببسط جدا ومشكور عليه وخاصة انو احد اعمامك على صلة بالموضوع انو اتهموه بهالشي يعني انت بداخل المعمعة .

هلئ انا صار لازم برر ليش سألت سؤالي لصاحب الموضوع
بطريق الصدفة عرفت عن الاخ صاحب الموضوع انو يتبع المذهب الفلاني وهو كان قد صرح بهالشي علانية باحد المواضيع وفعلا كان شجاع على جرأته وانا بهنيه عليها , بس وكلمة بس بحط تحتا خطين حمر انو يجي صاحب الموضوع وينتقد المذهب الاخر فهالشي انا مابسمح فيه ابدا (اهل مكة ادرى بشعابها ) وان كان لابد من انو ينتقد او يحط ملاحظة فكان من الافضل انو يحكي عن كل الظواهر يلي عم تمر فيها البلد .
للتوضيح مثال بسيط لكل الاعضاء
اذا انا كنت منتسبة لحزب يساري وشخص أخر منتسب لحزب ليبرالي بقوم بيجي اللليبرالي بنتقد حزبي فهالشي مرفوض الا في حال جلسنا وحطينا كلشي سلبي عن الحزب اليساري وحزب الليبرالي وقتها ممكن نسعى للتطور

علما انا مابخفي الظاهرة يلي حكى عنها صاحب الموضوع

و الله انا ما ضجت.. حضرتك يبدو حللتي نفسيتي و قررتي من عندك كيف احكي و كيف لازم احكي ...
كنت بتمنى ادرس علم نفس بس مازبطت معي

و شكرا
عفوا
وشكرا الك كمان

على الهامش
انا احترم كل المذاهب والطوائف والاديان وردودي بهذا الموضوع ليست طائفية بل هي من اجل الحرية وحرية التعبير والنقد الذاتي
علما ربما اكون لست من ذلك المذهب او ذاك وربما اكون من دين آخر

كل استفساراتك ردو عليها الشباب بشكل ارضاني.
بس كيف كل حق يراد به باطل ما فهمتها هي ؟!!
وعن هالتيارات الي حكيت عنها بيكفي تغيبي عن البلد فترة وترجعي لتلاحظي المد السرطاني للأفكار السلفية ببلدنا.


واسف ع التأخير.
:D



عفوا بس للتوضيح الجملة كانت ( كلام حق يراد به ............)
يا باشق انت كنت صريح وانا كنت صريحة كمان بالمشاركة يلي قبل هي بتمنى تفهم كلامي بشكل كامل وانا مافي شي لا ضدك ولا ضد غيرك
بس صدقني ماشفت من يلي شفتو انت
:D

كل هاد؟؟
هيك قالولك وهنن ماشيين بالطريق ؟؟؟؟
شو البلد أو الشام يلي عايش فيها غير الشام يلي لحنا عايشين فيها ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

هيك كأنو
اهلين بالمحارب العتيق والشامي الاصيل :D

اسفة على التأخير اولا
مين يلي قلك انو انا معتبرة او بدي يصير في موانة معك او مع غيرك ؟ انا جديدة هون هي اولا وتانيا انا بعامل الناس يلي مابعرفهم على الرسمي والرسمي كتير كمان و صيغة رسمية هاي تقوليلي "يا عيوني" ؟؟


اوكي كلامك صح انت فيك تقول يلي بدك ياه بس مافيك تحاسبني ,فيك تبرر انو ماكان اصدك هيك, بس يا "ياس" (هي من اي كلمة سبقتا عم ناديلك باسمك حاف ) رح اعطيك مثال صغير كلنا منستخدمو ببيلنا شو معنات حضرتك بهيك ظرف , وقت اي شخص قريب او غريب بيعمل معنا فصل ناقص ومثلا بدنا نشوفو وهو تأخر عن موعدو شو منقول وقتا ؟ منقول : ما اجى حضرتو , ما وصل سيادتو , ماوصل جنابو , يعني حضرتو وسيادتو وجنابو هن فاعل شي سلبي(يعني منظووووم ) , وانت وقت قلتلي حضرتك كنت متدايق من الموضوع وهالشي ظهر بالمشاركات يلي تبعت ردي .
أحاسبك؟ مين حاسبك هون؟

و ما لازمني أبرر... ليش لحتى أبرر؟ ما مشكلتي أنا سوء ظنك فيني

خود راحتك وكتر وبرجع بقلك وجاوبتك انا لا بعلم حدا كيف بدو يحكي ولا حدا بعلمني كيف احكي بس بذكرك انا وقت بلمس انو في سخرية بلاها هي سخرية خلينا على على كلمة امتعاض , امتعاض بجوابك فمن حقي اني مارد وجاوبك انت او غيرك بيلي جاوبتو .لأ هون اسمحيلي... أول شي استفهمي ازا عم يرد عليكي بسخرية أو امتعاض.. مو انتي تقرري انو عم يرد بسخرية و بالتالي تتعاملي معو ع هالمجال لأنو هون في احتمال انو عم تتهمي بالباطل.. متل هالحالة

هادا الحكي صحيح وقت بكون الشخص عم يسأل بشكل عادي بس مو متل ماكنت محتد وانت بتعرف بالموضوع سلفا وانت على اطلاع كامل عليه .وحقك تستفسر وانا استفسر وغيرنا مشان اذا كان في كذب بالموضوع نعرف الحقيقة .برجع بقلك ماني محتد.. و مانك براسي لتعرفي محتد... لأنو من سألتي هالسؤال أنا بعرف ليش سألتيه (باقرارك اللي اجا بعدين تأكدت)... و لذلك فكرتيني امتعضت... لأنو انتي سائلة السؤال بدافع غير السؤال انما للغمز بطريقة ما


اما بالنسبة لكلامك الباقي فيعني كلام منطقي بدل على شخص عايش الوضوع تمام وشرحتو بشكل مببسط جدا ومشكور عليه وخاصة انو احد اعمامك على صلة بالموضوع انو اتهموه بهالشي يعني انت بداخل المعمعة .


طبعا عايشو و بعرف البير و غطاه.. بلدي و مدينتي و منطقتي.. ع كل ما عندي عادة احكي بشي ما بعرفو... بظل ساكت


هلئ انا صار لازم برر ليش سألت سؤالي لصاحب الموضوع
بطريق الصدفة عرفت عن الاخ صاحب الموضوع انو يتبع المذهب الفلاني وهو كان قد صرح بهالشي علانية باحد المواضيع وفعلا كان شجاع على جرأته وانا بهنيه عليها , بس وكلمة بس بحط تحتا خطين حمر انو يجي صاحب الموضوع وينتقد المذهب الاخر فهالشي انا مابسمح فيه ابدا (اهل مكة ادرى بشعابها ) وان كان لابد من انو ينتقد او يحط ملاحظة فكان من الافضل انو يحكي عن كل الظواهر يلي عم تمر فيها البلد .
للتوضيح مثال بسيط لكل الاعضاء
اذا انا كنت منتسبة لحزب يساري وشخص أخر منتسب لحزب ليبرالي بقوم بيجي اللليبرالي بنتقد حزبي فهالشي مرفوض الا في حال جلسنا وحطينا كلشي سلبي عن الحزب اليساري وحزب الليبرالي وقتها ممكن نسعى للتطورهون بدي أوصل....


ببساطة و عفوية و قمة بالصراحة كلامك أنا شايفو طائفي (عم قول كلامك ما عم احكي بشخصك... و عم اوصف كلام مكتوب بوضوح)... يعني حضرتك شفتي انو صاحب الموضوع شيعي... و بالتالي رديتي عليه بطريقة طائفية لأنو أخدتي بعين الاعتبار طائفتو قبل أي شي تاني.. بدل ما تردي عالموضوع رديتي ع صاحبو (رديتي بسؤال ذو نية ثانية).

بعدين نظرية انو ما بيصير واحد ينتقد فكر (بفرض انو صاحب الموضوع انتقد فكر.. هو انتقد ظاهرة ..فقط لا غير) الا اذا منتميلو... يعني ما بعرف... بتذكرني بالنقد الذاتي تبع الشيوعيين.. هاي نظرية أصحاب الفكر الشمولي .. اصحاب فكر نحن نعرف و نحن نفهم و غيرنا ما ينتقدنا الا لأنو يكرهنا و ما عندو سبب موضوعي للنقد انما ينتقد من قبل حقد الاختلاف ...

أما مثالك تبع الحزب الليبرالي و الحزب اليساري فما بشوفو هيك... انا يساري... ماشي؟ ما فيني (أو بالاحرى مو مافيني... انما مضيعة وقت) أروح ع حزب يميني انتقد كيف يدير نفسو... لكن لما الحزب اليميني عندو طموح يقود مجتمعي و يوجهو بطريقة فكرية ما تأثر فيني فطبعا مو بس يحقلي انما من واجبي أوقف بوجهو فكريا و أبيّن وين الغلط بنظري... عدا انو المناظرة الفكرية ضرورية... مافي يمين بلا يسار و لا في أبيض بدون أسود... اللي مزبوط هو انو ما يصير تنأخذ وجهة نظر جهة وحدة و تنفرض كمقياس أو كموديل أو كأساس و نجي بعدين نقيّم على اساسها.. لكن انو شخص ما فينو ينتقد أو يحكي عن طريقة تفكير غيرو هاد اسمو قمع.. ببساطة


انا احترم كل المذاهب والطوائف والاديان وردودي بهذا الموضوع ليست طائفية بل هي من اجل الحرية وحرية التعبير والنقد الذاتي
علما ربما اكون لست من ذلك المذهب او ذاك وربما اكون من دين آخر





لا شك لدي بهالشي و لو انو اعتقد انو ما كان موفق من قبلك الرد أخذا بعين الاعتبار انو صاحب الموضوع شيعي... لأنو عم يحكي عن ظاهرة تصير ببلدو.. مثل ما لو .. بالعودة للمزار اللي انبنى بالرقة.. كنت أنا ضدو ( وأنا فعلا ضدو).. و ما حدا فينو يقول عني انو مافيني كون ضدو لأنو ماني شيعي.. انا ضدو ببساطة لأنو دمرولنا مقبرة جدادنا ليعمرو مكانها المزار.. و ضدو كجمالية شكل... معمرينو على الطراز الفارسي بمدينة كل آثارها عباسية... و صاير جنب سور الرقة المبني من اللبن و على الطراز العباسي.. و المزار من طراز لا علاقة له بالمحيط الهندسي (على كل الحيونة المعمارية شغالة ببلدنا ... في مبنى بيمارستان رائع شكلو و كمان مبنى باللبن و طرازو عباسي راحت البلدية عملت حواليه سور حجر سوري و حديد لونو أسود..) ... لكن برجع بقول انو لما تعمر الناس كلها فرحت لأنو قلنا هلأ يصير في سياحة متل الست زينب و يشتغل البلد و تجي حركة (و هالشي ما صار لأنو العدوانية اللي صارت تجاهو نتيجة الحملة الوهابية -أي وهابية.. لأنو بجوامع السعوديين و من قبل شيوخهم- تجاه الشيعة خلتهون يخافو و هلأ يجو عالرقة و ما بيتجولو بالمدينة و لا يزوروها انما عالمزار بوجههون و بيرجعو... رغم انو ما صار أي شي عدواني تجاههون من قبل أهل البلد).


و بخصوص الظاهرة اللي حكى عنها صاحب الموضوع بدي عقّب ع شغلة.. حكيت رأيي بظاهرة التدين برد سابق بهالموضوع و قلت انو بشكل عام ما تخيفني كتير و لا تقلقني انما هي رد فعل طبيعي على مجموعة من العوامل المحددة... لكن هو ساكن برا و أنا كمان و لذلك متفهم انو لما تغيب فترة طويلة و ترجع فعلا يلفت النظر النزعة الدينية عند الناس بشكل عام و الشباب بشكل خاص . بزيارتي الأخيرة صدفت شهر رمضان... في شب صديقي كنا سوا بالمدرسة و كان لا يصوم و لا شي و سيكارتو بتمو من الصف الثامن و أزعر يعني... كنت بزيارتي ما فيني واعدو لبعد الـ 12 بالليل لأنو قبل الافطار هو يشتغل.. و بعد الافطار كان يروح عالتراويح و يظل بالجامع بعد صلاة العشاء يقرا قرآن و يحضر دروس دينية و ما يغيب يوم واحد لو تنقلب الدنيا.. هاي حالة متطرفة جدا بس بشكل عام مزبوط لاحظت نزعة دينية عن أقرباء الي ما كانت موجودة و حتى احياء ليلة القدر مختلف عن ما تعودنا عليه.. قصدي من هالحكي انو الغياب فترة يخلي التغيير يبدو أكبر و أكثر اثارة للملاحظة...

عم تمزح ولا جد


ما فهمت :?

ما فهمت :?
هي وايت روز من كتر ما اندهشت من الكلام و الخبر الي كتبتو ما صدقت الكلام و عم تستفسر ( من باب زيادة التعجب ) اذا عم تحكي جد ولا عم تمزح ؟

كيفني معك ماني محلل فيزلوجي بالله :p

هي وايت روز من كتر ما اندهشت من الكلام و الخبر الي كتبتو ما صدقت الكلام و عم تستفسر ( من باب زيادة التعجب ) اذا عم تحكي جد ولا عم تمزح ؟

كيفني معك ماني محلل فيزلوجي بالله :p

ها أوكي... الله يديملنا التحليل خيو :lol:

لسى في كومة مواقع هدول وقت بكون ملاّن ببحبش فيهون... يطلعلك واحد سعودي ما عرفان سوريا وينها يحلل بتركيبتنا و يتفهمن علينا... غوغل كتير بتشوف كتير

بالزمانات تخانقت مع واحد اردني هون بالمهجر... قاعدين عم نتغدى ببيت صديق مشترك و هو ماسكها تطرف اسلامي شي مو طبيعي.. عن جد يعني حتى أصدقاء متدينين بعرفهون ينفرو منو .. فأنا ما كنت أيامها بعرفو كتير و صار يحكي طالع نازل عن الجهاد و حكم الشريعة و مدري شو و ما بعرف كيف رديت عليه على شغلة بتخص سوريا لما بلش يخبص عن انو كيف العلوية بيخلو الطلاب يسبو عمر بن الخطاب بالاصطفاف بالمدارس و من هالحكي هاد و قلتلو عمو ما بتعرف الله وين حاطك.. و فلت علي.. أول ماسألني انت شو ملتك (كون عرفوه علي انو أنا سوري) قلتلو ما شغلتك ملتي و هاي خصوصية لألي ما بيحقلك تسألها, فصاحب البيت مشان يلطف الجو اجا يقلو الأخ علماني و شوية حباشات من مثقف و متنور و يعني قعد يعطيني اطراءات هيك مشان يلطف جو.. اجا الأخ طلع معو: أيواااا علماني... علماني يعني شيوعي .. شيوعي يعني بعثي.. و بعثي يعني علوي.. اي ما بستغرب خجلان و مستحي تقول ملتك (يا شباب ريتها تنكسر ايدي اليسار اللي بكتب فيها ازا عم زل عليكون بحرف).. طبعا نهاية الخناقة ما كتير مهمة بس ما وصلنا للضرب بمعجزة..

قصدي من رواية هالقصة انو بوجود هيك عقليات ( وهاد محسوب علينا مثقف لأنو طالب جامعة و عندو شهادتين و شغلة كبيرة معتبر حالو) فتخيل شو فيك تلاقي حكي طالع نازل بهالانترنت...


أنا كتير بخاف من الغمز الطائفي و فعلا اعتبرو استهداف للبلد و خط أحمر.. احمر جدا.. اغلبكون يعرف اني معارض و اني ضد التخويف و التهويل الأمني... لكن من هالناحية بخاف..ما بخاف ع أهل البلد بين بعض.. ما رح توصل لشي هالشغلة.. خوفي من ورا الحملة هاي تبعيت انصرو اخوانكم السنة في سوريا انو المصروع السعودي او اليمني أو السوداني أو أو ... بدل ما يروح يفجر حالو بالعراق يجي يفجر حالو بالشام و معتبر حالو عم يجاهد.. هاد الخوف

:lol: في كتير من شكال صاحبك هاد
و أحياناً بتحاور واحد و ما بتصدق أنو معقول في بشر بهالعقلية هي !!

أي تطرف بالدين رح يكون مزعج للآخرين شو ما كان دينو أو ملتو


و أبشع شي لما بيعاملك شي واحد بحسب دينك ...

عالهامش .. كنت مفكرك مرتاح من هالنوعيات عندك ;)
شو أخبار التلفزيون :p

عالهامش .. كنت مفكرك مرتاح من هالنوعيات عندك ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
شو أخبار التلفزيون ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

هالنوعيات ماركة عالمية... صحيح قليلين بس متواجدين (يعني عندي هون الجالية العربية صغير و فيها المتدين و فيها غير المتدين.. عادي.. بس عندك هاد و كمان عيلتين وحدة مصرية و التانية من الضفة الغربية هدول خرج ينحطو بمتحف لحالهون)


التلفزيون شغال آخر حلاوة و بيسلم عليك :lol:

انا عايشه فى مصر و مصريه و عمرى ماروحت سوريا خاااااااااالص
بس بجد انا بتكلم من منظور عام هو انتم عايزين ان الدين يبعد عن السياسه ولا ايه
لو كنتم عايزين كده
ازاى يعنى
ده الدين هو الدنيا و لو شلنا الدين من الدنيا هتبقى غايه و هتبقى العن من كده
يعنى انتم عايزين الدين بس يبقى صلاه و صوم و لبس محترم و بس و يتشال من السياسه و الاقتصاد يعنى
ولا ايه ؟
ولا انا فهمت غلط :)

انا عايشه فى مصر و مصريه و عمرى ماروحت سوريا خاااااااااالص
بس بجد انا بتكلم من منظور عام هو انتم عايزين ان الدين يبعد عن السياسه ولا ايه
لو كنتم عايزين كده
ازاى يعنى
ده الدين هو الدنيا و لو شلنا الدين من الدنيا هتبقى غايه و هتبقى العن من كده
يعنى انتم عايزين الدين بس يبقى صلاه و صوم و لبس محترم و بس و يتشال من السياسه و الاقتصاد يعنى
ولا ايه ؟
ولا انا فهمت غلط :)


أي دين يلي عم تحكي عنو؟؟ دينك هو الدنيا بالنسبة إلك انتي حرة.. أما بالنسبة إلنا حياتنا شغلنا و علاقاتنا و أخلاقنا و أفكارنا و قضايانا.. و لو انتي شايفة ان الدنيا بتصير غابة بلا الدين بتكوني كتير غلطانة.. الأخلاق الإنسانية و منظومة العلاقات الإجتماعية و الإحترام و لحرية هدول قيم من قبل ما يكون في شي اسمو دين.. هدول الفطرة البشرية و مالهون علاقة بالصوم و الصلاة و الحجاب يلي انتي مختصرة الدنيا فيهون..
ولعلمك مو كل واحد مانو من دينك بيكون بلا أخلاق و شخص سيئ.. بس يمكن صعب توصلك هي الفكرة..

عالهامش: بإعتبارك مصرية و مو جاية بحياتك على سوريا خليكي برات هيك مواضيع داخلية بتتعلق فينا و بتركيبة مجتمعنا يلي صعب شوي انك تستوعبيها..
وياهلا

مسا الحب.
كل واحد منا ازا غاب عن بلدو بيحب يرجعلو يلاقيه متغير للأحسن ومنطقياً التغير للأفضل بتفرضو ظروف الخط البياني لتطور المجتمعات والحضارات .
بهالموضوع ما رح احكي عن الغلا غير المبرر ولا رح احكي عن التماطل والوعود الحكومية و الفساد المستشري ولا بدي احكي عن البطالة ولا عن ازمة المي والكهربا.
بل بدي احكي عن سوريا بلدي الي تاريخو بيشيد باعتدال شعبو وتسامحو .. هالبلد يا شباب شفت انو عم بيتعرض لغزو تيارات دينية والقصد (المد الديني) والافكار الدينية بوسط الشباب .. افكار غريبة عن مجتمعنا كتير منها متشدد وغير وطني ومستورد.. انتشار النقاب بنسبة اكبر ولباس ديني للرجال ولحى طويلة كمان.
هل الوضع الاقتصادي للبلد هو السبب بلجوء الناس للدين .. هل الظاهرة عرضية وستزول وتتلاشى سريعاً ؟؟؟؟
ما رح كون متفائل للأسف .. هالمد الديني نتائجو برأيي غير محمودة و ظاهرة تستحق الوقوف والتأمل .. انا مو قصدي هون الا التشدد الديني المسئ للوطن والتسامح والوحدة والوطنية.

شو رأيكون شباب ؟

باكول هم البلد ؟ ولا باكول هوا وبتفرج على نور وسنوات الضياع متل بقية هالناس :cry:

هاالتشدد يلي عم تشوفوا سببه ردة فعل قوية على انتشار العولمة أو كما يسميها ماد تفتيح المخ على مظاهر لم نعتد عليها خلاف لكل قيمنا التي اعتدنا عليها

كل هاد؟؟
هيك قالولك وهنن ماشيين بالطريق ؟؟؟؟
شو البلد أو الشام يلي عايش فيها غير الشام يلي لحنا عايشين فيها :shock:

الناس اعتادت أن تسمي كل جغرافية سوريا الشام لذلك لاتستغرب بيجوز يكون عم يحكي على شي محافظة تانية أو شي ضيعة ويقلك شام الله يعين هالشام :D

انا مع حرية الاعتقاد وحرية الفرد بالاعتقاد

له يستر عرضك شو حرية اعتقاد ما حرية اعتقاد:shock:.... والله منروح بشربة مي:lol:... أنا ضد.... ضد أنا:frown:..

كون بهالإيام دارجي موضة جديدي لحرية الاعتقاد... حرية اعتقاد بتتعدى عحريتي ..أو ليش بتتعدى .. بتنفي حريتي:jakoush:...حرية اعتقاد بتقيمني وبتحكم عليي وبتتصرف معي حسب حريتها بالاعتقاد..

يعني هلئ في جماعات متعصبي إذا لسّا زادت حريتها بالإعتقاد... بيجوا لعندو وبيئتلوني لأني بنظرهن كافر مثلاً (كون هني وكلاء الله)... أو بيجوز بيكسروا المدرسي فوء روسنا لأنو مختلطة مثلا...أو... أو...(في كتير)...

يعني عإيام الحرب بالعراق لقطوا واحد إدام عيوني (كان بدو ينفذ حريتو بالاعتقاد) كان رايح يفجر حالو بمشى الحصن البطرياركي.. وقبل الساعة ستي حصرا... لك حزور ليش:lol:!!... ميشان يلحق يتعشى مع الرسول:shock:.....

إي عنّا في هيك حرية إعتقاد:shock:...(يا أخي هوي حر).

خيو أنا ضد حرية الاعتقاد:cry:...


اجا الأخ طلع معو: أيواااا علماني... علماني يعني شيوعي .. شيوعي يعني بعثي.. و بعثي يعني علوي.. اي ما بستغرب خجلان و مستحي تقول ملتك

هلئ عندك كمان في هيك نماذج:shock:

يعني حسب استنتاج صاحبك الخطير هاد:

علماني = علوي :shock:
يعني صاحبك هلئ عمل كل الأحزاب العلمانية أحزاب طائفية علوية:shock::shock::shock:(إد ما حط سميلات ما فيني عبّر)

عفكرة كان في دكتور إلماني ميدور عواحد من هالنوعيات بدو يعمل عنو حلقة بحث:o... إذا صاحبك عندو مصلحة.. لرد عالدكتور خبر.:lol:..

وشغلي كمان
و كتير من الشباب يلي مصروفو مؤمن بيتجه للأشياء الأخرى ..
إي sezar وكمان في كتير من الشباب يلي مصروفو مأمن;) ...بس عند وعي..و وعي كبير...
بس للأسف كلهن ناطرين ياخدو الشهادي من هون ويسافورا من هون إما عـ إلمانيا..أو اليونان..أو السويد ... وأنا منهن (مو من الواعيين...من المسافرين:lol:)

كل هاد؟؟
هيك قالولك وهنن ماشيين بالطريق ؟؟؟؟
شو البلد أو الشام يلي عايش فيها غير الشام يلي لحنا عايشين فيها :shock:



الله وكيلك لو كانت غير شام ما كنت اهتميت بس والله مشكلتها بلدنا الغالية وكل يوم زيادة عم قضيه هون عم شوف قديش الظاهرة قوية.
مبارحة كنت قاعد مع واحد وحكينا بهالقصة قلي هالتشدد الكبير ما رح يدوم وهوي فترة عابرة.
حسيت انو الزلمة متفائل شوي زيادة.
انا بتمنى يكون كلامو مزبوط قبل ما نكرر نموذج سعودي - ايراني او ما شابه.

يمكن اللي عايش بالبلد ما رح يلاحظ زيادة التشدد متل اللي بيغيب فترة وبيرجع
من هالشي الناس مستغربة شوي من كلامك