معرف. ............ سؤال بسيط ...

انت جاي تناقش من صدق ؟؟؟؟؟؟؟؟ او بس تريد تحط مقالات من هنا و هناك ... و ما ترد على الانتقادات الها و تحط مقالات جديدة !!


سألتك سؤال واضح ,,,

جيبلنا مصدر الدراسة االلي تقول انه طبيعة الرجل تحب تعدد الشركاء في الجنس !!!

حتى تنتاقش بهذا الموضوع من باب علم النفس مو باب الجدال الفارغ ... !





و بالمناسبة ... هذا اللينك الاخير ما يعني شي لان ما يعطي اسم الباحث اساسا ............ !
ليش خيو داخل علينا هيك
وباي طريقه يكون النقاش انو اوافقك على كلشي

وشي هي بلا صغره هذه اللينك الاخير

يا سيدي فعلا انت ومعروف عبتتنافسوا مين بده يضحكني اكتر

اولا يا صديقي ماني سمعان عن الطائفة المسيحية وبالاصل بدي اسئلك عبتعمل لي اختبار ثقافي انت ؟! لأن ببساطة سؤالك ما بمد للموضوع بصلة واذا كنت مفكرني مسيحي وعبتحاول ترد على الشي اللي كتبته بانك تهاجم المسيحية ما بدي اعرف شو بدي اجاوبك بس انت مانك موفق بهي النقطة لأني اول مين بينتقد المسيحية وما عندي مشكلة انتقد حتى الذات اللهية لكن شو هاد المنطق اللي انت جاي اتدافع عن نفسك ؟! وشو هاد المنطق حتى تبرر تصرف متخلف عبتمارسوا ؟1 بدل ما تعمل لي اختبار ثقافي روح ارجاع على الأنترنت اللي بين ايدك نزل كتب واقرا وتعلم وتثقف واعرف اكتر عن الشي اللي عبتدافع عنه اقرا عن تاريخ الفكرة وانتشارها والعالم اللي نددوا فيها من ايام القرن السابع حتى اللحظة وكيف تم التعامل معهم وباي لغة بس بتمنى ما تتعامل معي متلهم لأن ما بحب اموت بالسيق بفضل اني موت موت طبيعية .

مقدر موقفك لأن الغرفان بيتعلق بقشة صدقا مقدر موقفك بس بدي من كل هاد الحكي انك تفكر هل في بالقصة مساواة ؟! ها فيها عدل ؟! لا اكتر ولا اقل .

------------------------------------------------------
الآميش ماني سمعان فيهم لأني ماني فاضي بالتدوير عنهم عامل همي خلال الفترة الاخيرة البحث في الهرطقة النصرانية المنسوبة للمسيحية ببقى بس بخلص بحول لهدول الآميش تبعك . :D

الإحصائية بتقول أنو 49% نساء و51%

116 رجل لكل 100 امرأة و المصدر منظمة الصحة العالمية عام 2006


كطائفة المورمون والتي ينتسب إليها جون ماكين


مو جون ماكين المورموني انما مايك هاكابي (اللي انسحب)


و بالنهاية شو صار؟ متل العادة اشتغل الارهاب الفكري تبع اللي يحكي هو ضد الاسلام و كمان بلشنا نجيب طوائف مسيحية تسمح بالتعدد و نخترع علم النفس من أول و جديد؟

ليش حضرتكم جبتولنا المصدر لما قلتوا أنو نسبة الرجال 51% والنساء 49%

أنا في إحصائية صدرت بعام 1990 وإذا بهمكم الأمر فيني دوّر عليها وانكشها كانت بتقول بوضوح أنو لو كل الرجال بالولايات المتحدة تزوجوا فسيبقى هناك 9 ملايين امرأة عازبة بدون زواج

يعني هدول الـ 9 ملايين امرأة (بنات كلب) حسب القانون ما في رجال بيقدر يتزوج منهن

هيك يعني الله قدر عليهم
بعدين وقت بتطلب مني أعطي رأيي بعيداً عن رأي الله ورأي الدين كأنني أفهم وأعقل واحد بهالبشرية ولا شي محلل سياسي عم احكي بشغلة ما حدا بيعرفها غيري ولا شي في فيلسوف وعالم نفس واجتماع كلامي بيوزن جواهر ودرر ولا شي عالم ذرة :yahoo::adal::ss:

يا لطيف شوفني قديش انتفخت وطولت رقبتي

روح انقلع من وجهي بلا ما ارميك بشي بروتونين يعملو عندك انفجار عضوي
:sick::sick::sly: :larg:


اولا ..... اما تحترم الحوار ...... او لا تشارك احسن


احترام الحوار لما حضرتك تقرا كل الردود السابقة في ال 12 صفحة ....


قلنا زواج العطل ........ من تضطر شابة بداية المستقبل خوفا من العنوسة تقبل بشخص متزوج اثنين رح يقعدها بالبيت بس للشغل ..........

تبقى بدون زواج احسن ....... لانها قد ترمى بالشارع ... و طبعا ما ننسى كثير حالات زواج ثانية يكون الشرطك الاساسي ... بدون اولاد

و في هكذا حالة ....... زواج للجنس 100% فقط !



لو قريت بشكل ادق شوي ... يعني مجرد تركيز بسيط

احد المحاورين قال العنوسة ..... رح تولد امراض نفسية .......و ما رد علينا من سألناه ما هي هذه الامراض النفسية

بلكي انت بدربك و بعلمك الواسع ....... تخبرنا بهذا السر العظيم .... نكون لك من الشاكرين


و الافضل ...
تقارن بين وضع شابة ... تتزوج رجل متزوج ... يتزوجها حتى يرجع النشوة اللي فقدها من زوجته الاولى .......

و بين شابة في ريعان العمر ....... و المستقبل مفتوح بمصراعيه امامها .... و مو الا تتزوج هكذا زواج معطل !



اما بخصوص رأي الدين ... احنا من البداية حددنا ان الموضوع يناقش الوضع الاجتماعي


الرجاء الالتزام :D

تعدد الزوجات ممنوع ولكن تعدد الصديقات والعشيفات والخيانة الزوجية مسموحة

تعدد الزوجات مشروع قانونا اما تعدد العيشقات بحسب تعبيرك المدري من فين جايبه وماني سمعان ب ( تعدد ) العشيقات بحياتي مع اني قريت كتب بعدد شعر راسي ( لا تاكل هم شعر راسي قليل كوني عبصلّع حاليا )
بس حتى لو كان موجود مصطلحك الرهيب ما بتشوف واحد عبداقع عنه وعبقول انه صح حتى ببلاد الغرب اللي على الطالعة والنازلة بتضربوها بوجهم عبحاولوا بكافة الاشكال القضاء على الظاهر اللي انت سميتها ( تعدد ) العشيقات .

فهون متل حضرتك بدافعوا عن الشي اللي عرفانين انه غلط بينما هنيك بيعترفوا بالغلط وهاد هوي الفرق يا حبيب .

-------------------------------------
في جملة حلوة بتقول لك
" اخرج الخشبة من عينك قبل ان تحاول اخراج القشّة من عين قريبك "

التهرب من الموضوع .......... دليل على انتهاء القدرة على مواصلة الحوار !!

و احدى هذه الوسائل .. قلب الموضوع الى الزنا ...

بس سؤال على الهامش ... هل البلاد العربية خالية من العلاقات غير الشرعية او من بيوت **** ؟؟؟

أنا ما قلبت الموضوع عالزنا بس هادا الحكي يلي الأخ معرف كان عم يحكيه وعم ناقشكون فيه

أنتو باختصار بتفضلوا العلاقات الجنسية خارج الزواج على الزواج بثانية
يعني الزوجة معليش تشعر بأنها مخدوعة ومغدورة وزوجها عم يلعب بذيله بس إذا أراد أن يقيم علاقة شرعية ضمن إطار الزواج من زوجة الثانية فيا للويل والثبور

رد على هذه النقطة فقط إذا سمحت

شو يا مع مين عم احكي انا ....؟؟؟ ممنوع الحكي بالدين والطوائف والله ومنو وجررررررررررررررر

سادساً : أعتقد أن المرض النفسي الذي يصيب المرأة كونها مخدوعة وزوجها يخونها أكبر من المرض النفسي الذي تزعمه عندما تعرف أنه عند زوجته الثانية فعلى الأقل علاقته بزوجته الثانية حلال وليست زنا


كل كلامك السابق ما رح أوقف عندو... وتيرة الكلام ما بتناسبني و تهرّبك نحو نقد الغرب ردا على نقد مجتمعنا يكفيني و لن ازيد عليك المتاعب..

في هذا السطر... لماذا تقرر أن البديل عن تعدد الزوجات هو حكما الزنا؟ هل يا ترى الرجل الذي يكتفي بمرأة واحدة هو أقل رجولة من الفحل الذي يجمّع النساء؟ أليس الزواج عقد شراكة حياة بين شخصين؟ المشكلة تكمن في انغراس فكرة سلطة الرجل في مجتمع ذكوري و مقدرته على أخذ المزيد و المزيد... هذه هي المشكلة... المرأة ليست ند الرجل في عقلنا الشرقي بل هي تابع له

و بالنهاية... حلال برأيك و حلال بفكرك...

أنتو باختصار بتفضلوا العلاقات الجنسية خارج الزواج على الزواج بثانية

خود عالمسخرة... يعني حجتك ضعيفة بشكل تخترع شو بيفضلو العالم؟؟ كون واحد قال انو ضد تعدد الزوجات يعني انو مع الزنا؟؟ شلون تفبركت معك القصة هاي هيك؟

لماذا يتزوج الرجل بأخرى ؟
نوعين : - الابتعاد عن العلاقات الغير شرعية
إن الله عز وجل خلق الذكر وخلق الأنثى من ضلع الرجل
وإن الله عز وجل عليم بخلقه وسأتكلم عن الذكر
هناك شريحة معينة من الذكور لا يكتفون بامرأة واحدة أي طبيعة تركيبهم النفسي والجسدي يحتاجون إلى امرأة ثانية أو ثالثة أو رابعة ، والخالق شرع بكتابه السماح بتعدد الزوجات على أن يعدل بينهم بالمأكل والملبس وكل احتياجاتهم
وذكر الله عز وجل ( ولن تعدلوا ) والله أعلم يقصد أنه ربما يحب زوجة من أزواجه أكثر من أخرى بقرارة نفسه
ولا يعلم قرار النفس إلا الخالق عز وجل
ولكن الأحرى أن لا يظهر ما يخفيه من قرارة نفسه إلى زوجاته أو لأولاده لئلا يشعرهم بضيق أو ما شابه ....
- قوة الرجل وضعف المرأة وبالعكس : هناك رجال لهم قوة عدد من الرجال وبالمقابل تأتيه امرأة لا تستطيع أن تلبى احتياجاته الطبيعية فنرى بعض النساء هم من يخطبوا لأزواجهم لأنهن يعلمن متطلبات هذا الزوج ...
أما المرأة فيحق لها الطلاق إذا رأت الزوج بارد جنسيا مثلا والأمثلة كثيرة ، ويمكنها أن تتزوج برجل أخر لأن أساس العلاقة الزوجية هي ( الصدق والأمانة والصراحة والتضحية.....الخ ) والعلاقة الجنسية تزيد من وهج هذه الكلمات الماضية...
- مشاكل صحية : ربما تتعرض المرأة أو رجل إلى مشاكل صحية أو عاهات مستديمة فلهم الخيار بإكمال الحياة مع بعضهم أو الطلاق مثلا ( شلل أو حروق أو مشاكل جسدية كعقم للطرفين .....الخ )...
- المشاكل الاجتماعية بين الزوجين : هنا بيت القصيد
وهذا البند هو سبب المشاكل الكبيرة بين الرجل والمرأة ويمكن أن يحدث طلاق أو الزواج بأخرى
بهذا البند سأتكلم على حسب هواي وفكري البسيط ، أنصح :
على كلا الزوجين قبل الزواج أن يحللا الزمر إن كانتا الزمر متوافقة وإن كان هناك مشاكل صحية فالأولى الاعتراف لبعضهما قبل أتمام الزواج
أنصح الذكور عند الزواج أن يدفع المقدم ومؤخر الصداق والذهب إلى زوجته كاملا ، حتى لو عارضوا أهل الزوجة فعليه أن يدفعهما ولا يتردد إن كان باستطاعته وهذا أمر بغاية الأهمية بالنسبة لهم ...
أنصح الذكور عند الزواج أن لا يكتبوا لزوجاتهم أو أولادهم أي أملاك معينة - هناك بعض النساء يوافقونني بهذا الأمر لأنهم مروا بالطلاق أو زواج رجلهم بامرأة أخرى - إلى أن يتوفاه الله عز وجل ويأخذ الأمانة ...
وهناك الإرث يقسم كإرث شرعي أو أرث مدني على حسب الدين الذي يعتنقه ...
مكانة المرأة كبيرة بمجتمعنا ولا أعتقد أي زوج سليم العقل لا يعلم مكانة المرأة في هذه الحياة القصيرة ...
فهي أمك وأختك وعمتك وخالتك وزوجتك وأبنتك وهي عالمك وهي حبيبتك وجسدك وهي راحة نفسك وحلمك ويقظتك ورؤاك ..
المرأة أنثى والأنثى أجمل خليقة خلقها الله على وجه الأرض وهذا التعريف لكل الذكور ...
المشاكل :
الضغط الذي يمارس على الذكر بالعمل لا يمكن أن تتحمله أي أنثى وعلما أن أي أنثى غير مطالبة بالعمل غير ببيت زوجها أما عن الكيان فكيانها محفوظ ولها مكانتها العليا
فهي وزوجها سيعينون بعضهم لتربية هذا الجيل ولكن عليها الحمل الأكبر بسن معينة
ولا يمكن أن نرى رجلا يعمل ويربى أولاده إلا بحالات خاصة وهذه قضية أخرى
إذا واجبات الزوج تأمين الدخل والمتطلبات الكاملة لزوجته
وأول طلب أن يحترمها ولا يتكلم إلا بالحسنى والكلمة الطيبة ويعاملها بكل رقة وحنان
أما سدة الرئاسة فهي إلى الرجل أي القرار يعود له بالأول بالأخير
لكن لا ضرر ولا ضرار من سماع الرأي الأخر وشاوروهم على أن تحفظ زوجتك سرك وإن لم تحفظه أستعين بكتمان الأسرار ولا تفشيه لأي كان .
عند بداية الزواج هناك جملة يجب أن تقال من الزوج إلى الزوجة : الله وأنبيائه وأمي وأبي وأمك وأباك ثم أنت وكذلك هي يجب أن تقول له كذلك على أن يطيعوهم بالأمر ويحتوهم ويقدروا تصرفات عمرهم وخريفه ...
ولا يسمح لأي شخص من الأهل التدخل بخصوصيات العائلة وأن لا ينشر أحد الزوجين أسرارهم العائلية حتى إلى الأخت أو الأم أو الجارة فلا يعرف ما يدور بالمنزل إلا كلا المتزوجين والله عز وجل ...
بعد الزواج نسمع من الأقرباء والأصدقاء كلام مثلا :
- يجب عليك أن تسيطر على الزوجة بأول ليلة ( أقطع رأس القط من أول ليلة )
- يجب عليك أن تري بيت حماكي العين الحمراء ويعلموا من أنتي ؟ ، أي شخصية قوية ولا تسمح بأي غلط
أو أنت أبدأي لكي يعلموا ما هو عيارك وقوتك وحربك !!!
- عليك أن لا تظهر كل أمتنانك من الطعام أو نظافة البيت ، كن دائما أرضائك مستحيل ليعرفوا عيارك وحجمك
- هذه الحياة فيها غالب ومغلوب فعليك أن تكوني الغالب واجعليه صباحا زبال ومساء حمال + عبسة وجه
- أطلبي عاملة أجنبية بالبيت ابنة عمتك ليست أحسن منك يا أبنتي
- أطلبي سيارة كل النساء تركب السيارات وبيعملوا سيرانات وجمعات نسوية – أطلبي منه سيارة وليسجلها بأسمك ويجب عليه تسجيل البيت بأسمك لا تعلمين ما تحمل الدنيا لك ربما أخوته طماعين وأمه أيضا !!
أنا موجودة !!!
يجب أن أذكره بالمصروف القليل ، مشاكل الأولاد ، مشاكل الأهل ، وبيت الأحمى ، المصروف الزائد والناقص ،
قتاله بسبب أنه يضع بارفان أو يشتري ألبسة جديدة أو نظارات وكل هذه المشاكل يجب أن تأتي بعد 18 ساعة عمل وأثناء بدأ راحة الرجل عليك به أقضي عليه....!!!

الثرثرة ما عليها جمارك من النساء لبعضهم
تتكلم النساء ساعات على الهاتف ويذبحون ويشرحون أزواجهم وبيت حماهم وكذلك بيت الأحمى أيضا ولا يقع الفأس إلا على الزوج والزوجة أخرا فهي أحدى أسباب الطلاق وتزوج الرجل بأخرى
وهذا ولم أتكلم على الإسقاطات من وسائل إعلامية يمكنها التأثير على الزوجين والبدء بتشكيل عالم خيالي يصل إلى مشاكل لا حدود لها .....
الزوجة بالبيت ووظيفتها :
برأيي أهم رسالة للمتزوجين حفظهم لدينهم ولبعضهم ولأولادهم وحسن تربيتهم وبدخول جسم غريب إلى العائلة فسيهدم العائلة وأقصد على العاملات الأجنبية والقصص كثيرة ....
الزوج قلنا عليه الاهتمام بالعائلة وتأمين طلباتهم
والزوجة عليها أن تثقف نفسها وتستمر بتثقيف وتهذيب نفسها ويأتي هذا بالتقادم مع العلم والثقافة لأنه يعود لها وعلى أولادها وتنتهي من الثرثرة التي ليس لها نهاية
يخرج الرجل إلى عمله ويعلم علم اليقين أن هناك من يحفظ بيته وعرضه وأولاده وعليه أن يحافظ على وعده لها وأن لا يدنس نفسه بالخطايا أو الذنوب أو أشياء تغضب الخالق منه ...
والأولاد هم الرسالة الذي سنسأل عليها بعد سكوننا باللحد
فلنحسن تربيتهم أولا وهذه أهم نقطة
حل المشاكل تأتي بنوعين :
زوج يحاول أن يكون على رأس بيته بالنسبة للمشاكل كل يوم ويلاحقها ويساعد زوجته وكذلك المرأة تساعد زوجها بحلها يوميا أو أسبوعيا كأقصى حد
وزوج يترك مشاكل بيته إلى أن تتضخم وتصبح كرة كبيرة ويصعب حلها إلا بالطلاق وهو أبغض الحلال عند الله
أو يتزوج بأخرى ...
الزواج بامرأة أخرى ليست قضية القضايا لكن حل وضعه الله عز وجل لتفادي الخطأ والابتعاد عن الزنا
فأنصح كل الزوجات أن يراعوا أزواجهم وكذلك الأزواج أن يراعوا زوجاتهم
فالكلمة الطيبة والموقف الحسن هما اللون الجميل الذي يزيد جمال على هذا اللوح البلوري الشفاف
تقبلوا تحياتي :D

بتوقع تحليلي كان سليم للوضع
فيكن ترجعوا تقرئوه وإذا في ثغرة قلولي

عراسي حارتك خيو مالك

الحقيقة بعد كلامك مالي حكي

ومع احترامي لقلك حضرة المشرف ياس أنا لا أتهرب من النقاش بنقد الغرب مو بس الغرب يلي منصاب بهالبلوة وإنما كل المجتمعات يلي بتحرم تعدد الزوجات متل النظام العلماني بتونس
وما راح دخل العلمانية بالموضوع

تعدد الزوجات ليس فريضة وإنما هو سماح للرجل إن شعر بالحاجة بالتزوج بثانية فبدلاً من أن تكون علاقة الرجل بأخرى علاقة محرمة خارج النطاق الزوجي يسمح له ببناء علاقته تلك ضمن المنظومة الشرعية الأسرية وبرباط مقدس من قبل كل الديانات

ولا علاقة لذكورية المجتمع أو خلافه ومشكلة كهذه من المعيب جداً أن يتم نقاشها بأنني سأسمح للرجل بالتعدد مقابل السماح للمرأة بالتعدد

هذا يعني بوضوح كامل السماح بالزنا والخيانة الزوجي

يا ابني أحياناً الزواج من ثانية يكون لأسباب اجتماعية أو بدافع إنساني شيل الجنس والفحولة على جنب وما رح احكي بالدين ولا كنت استعرضت الكثير من الأمثلة على هذه النقطة بس منشان ما تطعمينا ريم مخالفة

يعني الزوجة معليش تشعر بأنها مخدوعة ومغدورة وزوجها عم يلعب بذيله بس إذا أراد أن يقيم علاقة شرعية ضمن إطار الزواج من زوجة الثانية فيا للويل والثبور

عزيزي ....

هو السؤال ليش يريد علاقة جديدة اساسا ؟؟؟؟

ليش ما يحاول يصلح المكسور في علاقته بالزوجة الاولى اللي قضت معه عمرها

و الهروب ليس حلا .. و لا يمكن ان يكون حلا !


في رجال ... نسائهم مريضات عشرات السنين و مع ذلك ظلوا الى جانبهم
و رجال مرضى عشرات السنين و زوجاتهم ما تخلوا عنهم

هذا هو الزواج الحقيقي ..... و هذه هي العلاقة السليمة


على الهامش ...
ما رايكم بالزواج الثاني ... المشروط مسبقا ... بعدم انجاب الاطفال ؟؟

انا بقلك ليش
ببساطه

لانو عينو فاضيه:pos:

ما رايكم بالزواج الثاني ... المشروط مسبقا ... بعدم انجاب الاطفال ؟؟
قصدك زواج المتعة يعني؟؟؟
متلو متل اي علاقة جنسية تانية...

في رجال ... نسائهم مريضات عشرات السنين و مع ذلك ظلوا الى جانبهم
و رجال مرضى عشرات السنين و زوجاتهم ما تخلوا عنهم

هذا هو الزواج الحقيقي ..... و هذه هي العلاقة السليمة

اكيد...
وانت هون عم تعطي مثال لعلاقة زوجية سليمة...
فيها الزوج بيطون زوج اي شريك... ومش بعل ومقتني...

اسمحلي قلك أول شي انو كلمة يا ابني هاي توفّرها لصحابك لو سمحت لأنو ما بقبلها لا منك و لا من حد.. و صار مكررها أكتر من مرة فبلكي تنتبه على قلة الاحترام هاي للمرات القادمة


ثانيا

هذا يعني بوضوح كامل السماح بالزنا والخيانة الزوجي


انت عم تسأل و تجاوب لحالك ... عم تقرر بشو عم اسمح و بشو أمنع و من حالك عم تقرر شو براسي.. خليك هيك ازا بريحك ما عندي مشكلة... لكن لا تعتبر حالك عم تناقش معناتا انما عم تعمل مونولوج لوحدك.


الزواج من ثانية يكون لأسباب اجتماعية أو بدافع إنساني

أي طبعا بدو يحط حجج لكن بدو يقول انو رح يتزوج لأنو عينو زايغة و ما بيقدر ع حالو و طرقها جوازة مشان تكون بالحلال و فوقها يحمّل المجتمع منيّة بهالجوازة؟؟

و طبعا الو علاقة برجولية المجتمع... لأنو عقد الزواج بحد ذاتو عم يكون رجولي بحت.. الزواج صاير تبعية للرجل و غير ملزم للرجل من حيث انو امتى ما بدو يرجع يتزوج و خلص..

أما ليش الزوجة الأولى تقبل... فشو بدها تعمل؟ المرأة بدون زوجها ما بتسوى شي بمجتمع شرقي و الطلاق وصمة عار لألها فبدها تقعد و تسكت و تتحمل.. و ليش التانية تقبل؟ فبتكون هاي فرصتها للزواج و الضغط الأسري و الاجتماعي اللي يفرض عليها الزواج يخليها تقبل... ما بعتقد في امرأة يروق لها تكون "الثانية"

هاد الرأي ببساطة و شمول... ما بعتقد في داعي ينحكى كمان لأنو الموضوع رح يمتد الى ما لا نهاية

ابن عمي صلوا متزوج 10 سنين
وزوجته ما بتجيب أولاد
وحاول يعالجها بس لسا الله عز وجل ما أمر
ولحد الان صابرين
وكان بيحقلوا أني يتزوج غيرها أو يطلقها
بس رفض وضل معها
وهذا قرارهم
وبحترم قرارهم
--------------------------------
في بعض النساء لا يستحملون أضعاف فحولة الرجل وبيطلقوهم وهذا شئ عادي
--------------------------------
أنبوبة غاز أنفجرت بأمرأة وزوجها طلقها
وتزوج غيرها لكنه لم يحرمها من حقها أبدا
وأعطاها ما تريده
وله الحرية بقراره
----------------------------------
كل أنسان يمر بتجربة ويمر بفتنة وله العقل والقرار كيف يعالجها
لكنها فتنة
---------------------------------
بس أهم شي الوضوح قبل الزواج
والصراحة
وأنا شرحت بردي كل المشاكل
وما حدا بريد يتزوج على زوجته مرة ثانية
لكن هناك ظروف معينة يحق للزوج بالزواج وشرحت الظروف وشرحة أينا مشاكل ألي بتؤول لهذه الظروف
ما حدا بيريد يكون عنده أمرأة أب
لكن إذا الأب وافق
كل أنسان حر بأختياره
هذا رأي والله أعلم

قصدك زواج المتعة يعني؟؟؟
متلو متل اي علاقة جنسية تانية...



انا قصدي زواج رسمي و اصولي بالمحكمة ....... بس يشترط الزوج على الزوجة الثانية ان ما ينجبوا الاولاد من البداية ...

على قولة المثل المصري .. اللي اوله شرط آخرو نور !


و هذه الحالات كثير موجودة !

عادي الرجل ينزوج لاخرى يا لأنو مرتو الاولانية بتنق كتييير
يا بتشتكي كتييييير
يا مريضة نفسيا يا...يا.....
بس مابيحقلو يتزوج عليا
يا بيطلقا يا بيضل معها وحدة من التنين


في عندي ملاحظة عن اللي بيقولو الشرع محلل اربعة ازا محلل اربعة والنبي تزوج 12 يعني لازم الكل يطبق الشرع والسنة :o

انا قصدي زواج رسمي و اصولي بالمحكمة ....... بس يشترط الزوج على الزوجة الثانية ان ما ينجبوا الاولاد من البداية ...

على قولة المثل المصري .. اللي اوله شرط آخرو نور !


و هذه الحالات كثير موجودة !

اي فهمت عليك بس برضو هاد ازا كان زواج تاني انا بسمية زواج متعة...
مش عيب ازا تنين تزوجو وما بدهن يجيبو اولاد... بس ازا كان زواج تاني فشي اكيد انو الهدف هون المتعة الجنسية...
وبرايي اي تنين بيقدرو يقيمو هيك علاقة بدون ما يتزوجو...

الهيئة الشباب خلصت جعبتهم ونادوا لبعضهون لشبعوا وبالتالي حوفر عليكم وانهي المناقشة العقيمة التي لا أراها لديكم تحترم الرأي الآخر وصفيت سياسة استبعاد وتطفيش

نحن نؤمن بتعدد الزوجات وليس رأياً شخصياً فحسب وسندافع عن هذا مهما كلف الأمر ومهما جربتم التخفي وراء كلمات وآراء وسياسات فلن يخدعنا ذلك

نحترم عدم اقتناعكم بما نؤمن به وعدم قبولكم به ولكننا لن نسمح لكم أبداً أن تستهزئوا أو تحقروا أو تستخفوا به ( وهذا واضح من ردودكم ) ولكم مطلق الحرية في اختيار ما يناسبكم في مجتمعاتكم وجماعاتكم الخاصة فلا القانون ولا المجتمع يفرض عليكم ذلك

نصيحة قلت عدة مرات حاولوا أن تجدوا شيئاً يجمعكم مع الآخر ويجعلكم تتعايشون معه لا أن تبحثوا وتنكشوا عن الفتنة

أما أنت يا حضرة المشرف ياس فأعتقد أنني اخاطبك باحترام عندما أخاطبك بلقبك وإنت كنت تظن نفسك مقصوداً بكلمة ابني فلماذا لم تجد نفسك مقصوداً بغيرها من الكلام
واستخدامي لهذه الكلمة نابع من كوني رجل كبير في السن عندي أبناء ولا أستخدمها للتحقير او التقليل من شأن أحد
فلا تتشنج وتجعل الخصومة شخصية بدلاً من خلاف بالرأي فحسب

أحييكم وتصبحو على خير

الهيئة الشباب خلصت جعبتهم ونادوا لبعضهون لشبعوا وبالتالي حوفر عليكم وانهي المناقشة العقيمة التي لا أراها لديكم تحترم الرأي الآخر وصفيت سياسة استبعاد وتطفيش

نحن نؤمن بتعدد الزوجات وليس رأياً شخصياً فحسب وسندافع عن هذا مهما كلف الأمر ومهما جربتم التخفي وراء كلمات وآراء وسياسات فلن يخدعنا ذلك

نحترم عدم اقتناعكم بما نؤمن به وعدم قبولكم به ولكننا لن نسمح لكم أبداً أن تستهزئوا أو تحقروا أو تستخفوا به ( وهذا واضح من ردودكم ) ولكم مطلق الحرية في اختيار ما يناسبكم في مجتمعاتكم وجماعاتكم الخاصة فلا القانون ولا المجتمع يفرض عليكم ذلك

نصيحة قلت عدة مرات حاولوا أن تجدوا شيئاً يجمعكم مع الآخر ويجعلكم تتعايشون معه لا أن تبحثوا وتنكشوا عن الفتنة

أما أنت يا حضرة المشرف ياس فأعتقد أنني اخاطبك باحترام عندما أخاطبك بلقبك وإنت كنت تظن نفسك مقصوداً بكلمة ابني فلماذا لم تجد نفسك مقصوداً بغيرها من الكلام
واستخدامي لهذه الكلمة نابع من كوني رجل كبير في السن عندي أبناء ولا أستخدمها للتحقير او التقليل من شأن أحد
فلا تتشنج وتجعل الخصومة شخصية بدلاً من خلاف بالرأي فحسب

أحييكم وتصبحو على خير
اية... اللة يسعدك ويبعدك...
واوعى تنخدع فينا ها... لا ترد علينا ابداً ابداً...
وروح تزوج 7 بس على شرط انك تعدل... اوعى ما تعدل...
وخليك على ايمانك هاد... لانو غير هيك ما بتعود تلاقي مبررات لشهواتك..
وتصبح على عقل...

نحن نؤمن بتعدد الزوجات وليس رأياً شخصياً فحسب وسندافع عن هذا مهما كلف الأمر ومهما جربتم التخفي وراء كلمات وآراء وسياسات فلن يخدعنا ذلك


بظاهر ياصاحبي حكيك ماعجبهم
بحيك على هذا الرد

عراسي حارتك خيو مالك

الحقيقة بعد كلامك مالي حكي

مشكور أخي عمرو الحسيني
أسعدني حضورك وفكرك
:D

لهيئة الشباب خلصت جعبتهم ونادوا لبعضهون لشبعوا وبالتالي حوفر عليكم وانهي المناقشة العقيمة التي لا أراها لديكم تحترم الرأي الآخر وصفيت سياسة استبعاد وتطفيش احترام رأي آخر قلتلي حضرتك؟


يا لطيف شوفني قديش انتفخت وطولت رقبتي

روح انقلع من وجهي بلا ما ارميك بشي بروتونين يعملو عندك انفجار عضويهاد جزء من رد لألك... واضح فيه قديه الاحترام عندك شغّال... طبعا هاي حجة من انتهت حججه... يخترع نظرية مؤامرة ثم يتحجج بالاحترام الذي لم يعطه لغيره


أما أنت يا حضرة المشرف ياس فأعتقد أنني اخاطبك باحترام عندما أخاطبك بلقبك وإنت كنت تظن نفسك مقصوداً بكلمة ابني فلماذا لم تجد نفسك مقصوداً بغيرها من الكلام
واستخدامي لهذه الكلمة نابع من كوني رجل كبير في السن عندي أبناء ولا أستخدمها للتحقير او التقليل من شأن أحد
فلا تتشنج وتجعل الخصومة شخصية بدلاً من خلاف بالرأي فحسب

سبق و قلت أنني لا أقبل هذه الصيغة بالتعامل و لا مبرر لي لقبول أمر لا أقبله.. و أعتقد ان حضرتك هو المتشنج كونك ترسل الاهانات و النعوت و الاتهامات يمنة و شمالا... أيزعجك ألا يكون رأيك هو السائد... هذه مشكلتك يا سيدي....


و على عكسك... تقبّل احترامي

نحن نؤمن بتعدد الزوجات وليس رأياً شخصياً فحسب وسندافع عن هذا مهما كلف الأمر ومهما جربتم التخفي وراء كلمات وآراء وسياسات فلن يخدعنا ذلك

مع اني متاسف ليش انحذف الردود اللي انا كنت كاتبها بس بحترم رغبة المشرفة كون الموضوع صار عبدور حول غير شي .

بس سؤال جوابه كلمة واحدة فقط لا اكتر ولا اقل انت الشي اللي بتآمن في بتآمن عن قناعة ولا فقط لأن هيك لازم يكون جاوبني اي ولا لا ولا السؤال ملغوم ولا بدي اوصل معك لنتيجة لأن اذا صار لنا 13 صفحة ما وصلنا لنتيجة فاكيد ما بدي اوصل معك لنتيجة من خلال سطر بس هيك رغبة في نفسي كوني بحب التاريخ وبحب اعرف كيف العالم بفكروا قبل 1500 سنة وكونك مماثل لتفكيرهم حابب آخد رايك بالنقطة هي .

هل تتكلم عن تعدد الزوجات

أم تتكلم عَن الزواج بـِ ثانية في حال موت أو طلاق الأولى !.

و هل أنتَ مع مبدأ " الخيانة الزوجية " في حال عدم اتفاق الزوجين

وَ عدم تلبية الزوجة حاجات الرجل وَ بالعكس ؟!.

13 صفحة ماعرفت شو الداعي الها وما قريت اي شي منن غير اخر صفحة والموضوع ذاتو
بس حابة اطرح وجهة نظري ويمكن تكون مذكورة باحد الردود...

انا اذا بدي حط حالي بالموقف يمكن اكرهو واكره اليوم يللي اجا فيه بس فيني قول انو القلوب متقلبة وانو ممكن يكون حبني بيوم من الايام بس مع مرور الزمن قابل شي وحدة واكتشف انو هيي فارسة احلامو:lol:يعني هون ممكن نحكي انو الموضوع موضوع قلب بس فيكو تقولولي ليش مو مبرر انو اذا المرأة بعد الزواج تلاقي الشخص المناسب مضطرة تكبح جماح عواطفها لانو لحظتها بكون اسما خيانة زوجية؟؟؟

يعني اذا زواج الجل كان بسبب شي عيب او علة خلقية فمن الاصل ليش تزوجها؟؟؟ولو كانت القصة انو ما بتجيب اولاد فهون ما بحقلنا نمنعو بس انا بشوف انو الزوجة مخيرة انو تقبل تضل على ذمتو او انو تطلب الطلاق..ولو كانت القصة انو حضرة الباشا حابب فهون انا بعتبرها خيانة لانو خلص متل ما صارت الو فهو الها وملكها ...وبرضو هون بحكي انو متل ما انك بتطلب من الزوجة الاخلاص فمطلوب منك نفس الشي....
واخر شي انو اذا بدك تعدد فهاد مقبول ضمن اطار العدل والعدل شي شبه مستحيل خاصة بزماننا...

مجرد رأي:D

مفارقة و احجية و قصّة و بنات أفكار لم يتسنّى لها حتى التعرّف على وضع المرأة في المجتمعات عبر العصور .
طيب ليش .. المرأة لم تنادي و تطالب بتعدد الازواج .. يعني من باب المساواة .. و باعتبارها قطعت شوط بالمساواة و هيك امور بالغرب أو بالعالم العربي او بأي مكان!

يعني جنسيّاً المرأة مش اهون من الرجل .. لأ عكساً تماماً .. و البشر في إلهن فطرة و رح يكون كلامك مغلوط إذا قلت المرأة و مفاتنها ما بتهزّك اذا كنت متزوّج .. باختصار .. جرّب هيك شغلة و شفلك بنت ماشية عم تميد بخصرها و هيك خصرها سمبتيك و أردافها مدري شو و صدرها هيك عم يحكي قصص و حكايا مع انّو ما بيحكي .. بس انت عم تحسو هيك .. انو انت هيك ما رح تتأثر؟ اذا صار في فرصة للتعارف ما رح تبادر؟
و اذا صار في فرصة للرومانس ما رح يشتغل عندك أي مؤشر؟
طيب شو هي العبرة من اسقاط كلامي هاد على متزوّج او غير متزوج .. هن التنين عم يحسو نفس الاحساس بالمرأة .. بس مشكلة الأول وجود رادع ألا و هو الزوجةأو احترام الحياة الزوجية او الحرام .. هون دخلنا بالديانات و خلينا بعاد .. خلينها نفلسفها بغير منهج .
برأيكن المراة ما في عندها ميول للرجال؟ و حتى اذا كانت متزوجة .. إذا هيك بتظن فأنت غافل .
هون بقى بدنا نعرف شو هوي الشي يللي حط المراة بهيك وضع .. يعني ليش الرجال اي و المرأة لأ؟
مع تكون البشرية و الحضارات و تأسيس أنماط الحياة بيجوز هون المنطلق الصح للبحث عن أسباب صلاحية الرجل بالزواج و لماذا .. يعني القصة في إلها أكتر من بعد .. و الجنس بُعد من عدّة أبعاد .

بدي فتّح عيون البعض على جانب بيدّعم الموضوع علمياً .. يعني باعتبار في ناس هون لا و لن ترضى إلا بالعلم كشاهد و برهان ..
حبيت شي حدى يخطر على بالو النواحي التشريحية لدماغ الرجل و المرأة .. يعني باعتبار الجنس إلو مركز بالدماغ .. فشو رأيكن هيك تتأملو شوي و تاخدو للموضوع بجديّة علمية أكتر .. يعني باعتبار وجهات نظر التشريع و العقائد مرفوضة من بعض المشاركين و أغلب المشاركات مع انّو تعدد الزوجات وارد عند أغلب الشعوب و كان موجود باوربا كمان و في جذر للكامة بالانكليزي كمان .. بيسموها polygamy بس بطّلوها لهالموضة .
طيب فبكون تطّلعو على الإختلاف التشريحي الدماغي بين الرجل و المراة تحديداً الـ hypotalamus يللي بيلعب دور بتحديد الرغبات الجنسية! شوفو اذا كان أكبر عن الرجال من النساء او بالعكس ..
وجهه نظر لوضع الدراسة أو الموضوع بمنحى صحيح .. طبعاً مع عدم نفي نقاش الموضوع من نواحي أخرى.

تعديل اداري : ممنوع سيرة الدين

بيفكر انو التانية رح تكون ملاك من السمااا بس بعدها بيندم وبيرجع لعقلووو

:lol::lol::lol:

باختصار مابيتزوج الرجال مرة تانيه إلا ازا لعبت المصاري بأيديه

مفارقة و احجية و قصّة و بنات أفكار لم يتسنّى لها حتى التعرّف على وضع المرأة في المجتمعات عبر العصور .
طيب ليش .. المرأة لم تنادي و تطالب بتعدد الازواج .. يعني من باب المساواة .. و باعتبارها قطعت شوط بالمساواة و هيك امور بالغرب أو بالعالم العربي او بأي مكان!


فعلا ضحكتني
انه متوقع المراة العربية بدها تنادي وبدها تلاقي دعم عالمي ؟! ما العالم كلّه ضد فكرة التعدد شو ما كان والمراة العربية ببعض الدول ما عبتقدر تعمل شي على مستوى ابسط الحقوق متل حرية التحرك بالبلاد وقيادة السيارة فاي تأييد بدك ياه ، بعدين مين قال لك انه لازم اتطالب بالحقوق ما حدا قال هاد الحكي كل اللي قلناه انه اذا كان الرجل حقوقه مشروعة بالمطالبة بالتعدد لازم يتم تشريع حق مماثل للمرأة هاد هوي مفهوم المساواة ومفهوم العدالة ما عمنبيع خيار وجزر نحن اللي بيطلب منعطيه فكرة المساواة لازم تتحقق بشكل افتراضي ما بدنا نستنى العالم اتطالب فيها حتى نتكرم عليهم ونمنحهم حق المساواة .



يعني جنسيّاً المرأة مش اهون من الرجل .. لأ عكساً تماماً .. و البشر في إلهن فطرة و رح يكون كلامك مغلوط إذا قلت المرأة و مفاتنها ما بتهزّك اذا كنت متزوّج
بيرجع بحسب مفهوم الزواج عندك انا محل ما نشات هو رابط مقدس قدسيته مستمدة من الله نفسه اذا بدك يعني بمقدارا قدسية الله الزواج بيحمل نفس المقدار اللي بيحمله الله ، لكن سؤالي الك اذا كان رجل واعي كامل القدرات العقلية ما عبيقدر يضبط شهواته شو الفائدة منه ؟! ما عبقول لك تمرق بنت جنبه يطمر راسه بالتراب بس ما يتسثار جنسيا ويطالب فورا باقامة علاقة معها وفي حال القانون بيسمح له يطلب ايدها للزواح !!!
سؤالي كتيييييير واضح لي حتى اسمح لشهوات الرجل بالظهور واعطيها الطابع الرسمي بينما امنع المرأة من نفس الحق تماما كمان المراة على هي الحالة في حال اعجبت باحد الرجال من حقها انها تقيم علاقة معه على نفس المبدا .


.. باختصار .. جرّب هيك شغلة و شفلك بنت ماشية عم تميد بخصرها و هيك خصرها سمبتيك و أردافها مدري شو و صدرها هيك عم يحكي قصص و حكايا مع انّو ما بيحكي .. بس انت عم تحسو هيك .. انو انت هيك ما رح تتأثر؟ اذا صار في فرصة للتعارف ما رح تبادر؟
و اذا صار في فرصة للرومانس ما رح يشتغل عندك أي مؤشر؟

هلق اذا انت هاد هوي مفهوم المراة عندك مجرد خصر وارداف وصدر فمعناها في عندك مشكلة ، بس انا قلت لك انا ما عبقول لك الرجل ما يتطلع على المرأة بكل حياته بس بمجرد ما انه صار مرتبط بكائن واحد لازم يكون مخلص اله والا شو هوي مفهوم الزواج بنظرك اب وام وعلاقات ليلية وهموم صباحية وشوية ولاد وصاريف واكل ؟! هاد هوي مفهوم الزواج اذا كان هيك ، لا ، من الأفضل ما حدا يتزوج ابدا وبيقى مجتمع عام كل واحد بتعجبه بنت بيعمل علاقة معها وخلصنا احسن ما تنهان قدسية الزواج وقدسية العلاقة الزوحية بالمفاهيم البدوية هي .


طيب شو هي العبرة من اسقاط كلامي هاد على متزوّج او غير متزوج .. هن التنين عم يحسو نفس الاحساس بالمرأة .. بس مشكلة الأول وجود رادع ألا و هو الزوجة أو احترام الحياة الزوجية او الحرام .. هون دخلنا بالديانات و خلينا بعاد .. خلينها نفلسفها بغير منهج .

انت هون غلطت كتير بالتعبير في فرق بين احترام الحياة الزوحية والحرام لأن ما بيجتمعوا هاد المفهومين بحياتهم الاحترام بينتح من شخصين واعيين مخلصين لبعض مقدرين قدسية العلاقة اللي بيناتهم فاحترام العلاقة بتم بين شخصين كاملين فكريا وعقليا وناضجين اما مفهوم الحلال والحرام فما اله اي علاقة بالاحترام الل يبده يطلع على الحلال والحرام ما بيسال على غير شي وما بيسال على مشاعر غيره بمجرد ما صارت القصة بالحلال يا الله ابوي كبسها جازة وبالتالي الحلال والحرام مفهوم ضعيف لشحص خانع لمفاهيم الدين عنده شهوات ما عبيقدر يضبطها وعبيستغل التشاريع لتلبية شهواته اما الاحترام فهو مفهوم بين شخصين ناضجين وواعيين وصل فيهم مستوى الوعي ان قرر خلص انا هاد الشخص بحبه ومستعد كمل معه حياتي كلها في الصعوبات والمشاكل فانا بحترم محبتي اله وبحترم محبته إلي باني ما خونه او اقيم علاقات مع اشخاص غيره .




برأيكن المراة ما في عندها ميول للرجال؟ و حتى اذا كانت متزوجة .. إذا هيك بتظن فأنت غافل .
هون بقى بدنا نعرف شو هوي الشي يللي حط المراة بهيك وضع .. يعني ليش الرجال اي و المرأة لأ؟
مع تكون البشرية و الحضارات و تأسيس أنماط الحياة بيجوز هون المنطلق الصح للبحث عن أسباب صلاحية الرجل بالزواج و لماذا .. يعني القصة في إلها أكتر من بعد .. و الجنس بُعد من عدّة أبعاد .
انا حكيت باحد الردود عن انواع الزواج واسبابه وفي مفاهيم الحضارة بشكل عام في العصر الجاهلي خصوصا وقلت فيه انه من احد اسباب التعدد بالنسبة للأزواج بأن القبائل الصغيرة كانت بحاجة لعدد كبير حتى تأثبت وجودها وبالتال بحاجة لمقاتلين بأكبر عدد ممكن ونتيجة كون الرجال يموتون في الحرب والغزوات بينما النساء تبقى في القبيلة صار في فرق عددي بين الرجال والنساء فبيطلب اقامة علاقة متعددة الأطراق من قبل الرجل بنفس الوقت كان في قبائل تقتل البنات عند الولادة كونهم كانوا ينظروا للبنت انها حمل تقيل على القبيلة ومافيها تقاتل فكان القتل نصيبها باستثناء بنات وجهاء القبيلة اللي كانوا فيما بعد بتتزوج من اكتر من رجل لضمان استمرار القبيلة .

بالتالي حالات التعدد كانت حالات قبيلة بدوية بحتة ناتجة من واقعهم اللي بيفرض عليهم هاد الشي وقد بلحظة من الحظات اني اتقبل الفكرة في ظل ظروفهم واسبابهم برجع بقول قد اتقبلها ، اما في ظل الظروف الحالية فمافي اي دافع او سبب مقتنع لاستمرارية الطقوس القبيلة المتخلقة اللي كان لازم تندفن من اكتر من 1000 سنة والمطلوب دفنها اليوم قبل بكرا على امل يبدا الانسان يتحول لكائن عصري لأن طالما عايش وفق قانون البادية والقبائل فهو منتمي لمجتمع البادية والقبائل .

بدي فتّح عيون البعض على جانب بيدّعم الموضوع علمياً .. يعني باعتبار في ناس هون لا و لن ترضى إلا بالعلم كشاهد و برهان ..
حبيت شي حدى يخطر على بالو النواحي التشريحية لدماغ الرجل و المرأة .. يعني باعتبار الجنس إلو مركز بالدماغ .. فشو رأيكن هيك تتأملو شوي و تاخدو للموضوع بجديّة علمية أكتر .. يعني باعتبار وجهات نظر التشريع و العقائد مرفوضة من بعض المشاركين و أغلب المشاركات مع انّو تعدد الزوجات وارد عند أغلب الشعوب و كان موجود باوربا كمان و في جذر للكامة بالانكليزي كمان .. بيسموها polygamy بس بطّلوها لهالموضة .
طيب فبكون تطّلعو على الإختلاف التشريحي الدماغي بين الرجل و المراة تحديداً الـ hypotalamus يللي بيلعب دور بتحديد الرغبات الجنسية! شوفو اذا كان أكبر عن الرجال من النساء او بالعكس ..
وجهه نظر لوضع الدراسة أو الموضوع بمنحى صحيح .. طبعاً مع عدم نفي نقاش الموضوع من نواحي أخرى.

ما بعرف شو هوي مراجعك وشو هية مصادرك لكن الغريب انك عبتناقض نفسك فيك ترجع تقرا الرد اللي انت كتبته مباشرة قبل هاد وبتشوف مكتوب فيه
يعني جنسيّاً المرأة مش اهون من الرجل .. لأ عكساً تماماً

فحيرتني اخوي شي بيطلع معك الرجل ذو شهوة اكبر من المرأة شي المرأة اكتر من الرجل اختار احد الخيارين وارسى على بر مشان نعرف كيف نحكي معك .

___________
بتمنى الخيار يكون شوي علمي ومدعوم شوي بالمراجع

ما بعرف شو هوي مراجعك وشو هية مصادرك لكن الغريب انك عبتناقض نفسك فيك ترجع تقرا الرد اللي انت كتبته مباشرة قبل هاد وبتشوف مكتوب فيه


فحيرتني اخوي شي بيطلع معك الرجل ذو شهوة اكبر من المرأة شي المرأة اكتر من الرجل اختار احد الخيارين وارسى على بر مشان نعرف كيف نحكي معك .

___________
بتمنى الخيار يكون شوي علمي ومدعوم شوي بالمراجع

و حياتك هون عجبتني كتير انت .. حبيب ألبي .. تاريك مركز على طول .
اي قلت هيك و كانت العبارة مقولة عامية متداولة .. يعني المراة أكتر و بيقللك بالانكليزي They dont get enough يعني مش بس عنّا .. بس علمياً متل ما ذكرت بانو الهايبوتلموس عند الرجال اكبر من عند النساء و هاد هوي يللي بيحدد رغبة الجنس بس ما بعرف إذا كان الحجم بس يعني القصة في الها تداعيات أكتر من هيك ..نسبة الهرمونات و هيك شي .
زبطت معك هلأ حبيبي انت غابي؟

أما عن المرجع فهي كتاب علوم لتشريح الدماغ و إذا بدك دورلك على مقال بيحكي هيك لأنو شكلك ما بدك تقتنع إلا اذا شفت صفحه انترنت فأهلا و سهلا

و حياتك هون عجبتني كتير انت .. حبيب ألبي .. تاريك مركز على طول .
اي قلت هيك و كانت العبارة مقولة عامية متداولة .. يعني المراة أكتر و بيقللك بالانكليزي They dont get enough يعني مش بس عنّا .. بس علمياً متل ما ذكرت بانو الهايبوتلموس عند الرجال اكبر من عند النساء و هاد هوي يللي بيحدد رغبة الجنس بس ما بعرف إذا كان الحجم بس يعني القصة في الها تداعيات أكتر من هيك ..نسبة الهرمونات و هيك شي .
زبطت معك هلأ حبيبي انت غابي؟

أما عن المرجع فهي كتاب علوم لتشريح الدماغ و إذا بدك دورلك على مقال بيحكي هيك لأنو شكلك ما بدك تقتنع إلا اذا شفت صفحه انترنت فأهلا و سهلا
طيب مع انه ما بعرف شو بده ينفعني الحكي بالتشريح لعمل الدماغ كانسان عبناقش قيمة اخلاقية او ظاهرة اجتماعية بس ما عندي مشكلة اني اطلع شوي على الهايبوتلموس باعتبار انه معلوماتي الطبية شبه معدومة وكل اللي بعرفه انه بيشرع على عمل الغدة الدرقية اذا ما كنت غلطان .

عبنتظر مرجعك مع اني لهلق ما عرفت شو الفكرة اللي انت حابب توصلها

طيب مع انه ما بعرف شو بده ينفعني الحكي بالتشريح لعمل الدماغ كانسان عبناقش قيمة اخلاقية بس ما عندي مشكلة اني اطلع شوي على الهايبوتلموس باعتبار انه معلوماتي الطبية شبه معدومة وكل اللي بعرفه انه بيشرع على عمل الغدة الدرقية اذا ما كنت غلطان .

عبنتظر مرجعك مع اني لهلق ما عرفت شو الفكرة اللي انت حابب توصلها

أخي هي كيميا نووية يعني .. هات لنشوف كيف معلوماتك الطبية ضعيفة و كيف بدك تطلع عالموضوع الطبي العلمي و يعني كيف ما بينفعك التشريح العلمي و نسبة الهرمونات بالجسم .. اذا أصلاً الممارسه بتزيد من هرمون معين و بدورو يعمل شي بشخصية البشر " قصدي الهرمون " أثناء العلاقة الحميمية .. بظن هي منهج تفكيرك العلم و اسناد المواضيع للعلم ..
يعني مره بدك علم و مره بدك اجتماعيات .
و حياتك بالي مش رايق هلأ

أخي هي كيميا نووية يعني .. هات لنشوف كيف معلوماتك الطبية ضعيفة و كيف بدك تطلع عالموضوع الطبي العلمي و يعني كيف ما بينفعك التشريع العلمي و نسبة الهرمونات بالجسم .. اذا أصلاً الممارسه بتزيد من هرمون معين أثناء العلاقة الحميمية .. بظن هي منهج تفكيرك العلم و اسناد المواضيع للعلم ..
يعني مره بدك علم و مره بدك اجتماعيات .
و حياتك بالي مش رايق هلأ
اولا نحن حاليا عمنحكي بالصالون عن ظاهرة اجتماعية متمثلة بتعدد الزواجات او الزواج من اكثر من امرأة وبالتالي نحن ماننا بقسم العلوم والتكنولوجيا حتى تعاتبني اني ما كتير مطلع على تشريح الدماغ ولا تواخذني طبعا لأن بعدني بالعقد الثاني من عمري وما لحقت خلال الفترة السابقة غير اني اطلع على الفيزياء والرياضيات والتاريخ والأدب فلا تواخذني اني ما كتير متعمق بالطب اللي ما بمد بصلة لمجال دراستي وما بيستهويني حتى لكن متل ما قلت لك ماننا بقسم التكنولوجيا والعلوم او الصحة حتى نحكي على الهرمون اللي يفرز اثناء العلاقة او اثناء الممارسة وبكل الأحوال ما حيفيد الموضوع لأن الانسان المتحضر هو مين بيتحكم بنفسه وغير هيك فهو انسان غريزي بيعمل متل ما عرائزه بتقوده .

ومشان فكرة البال الرايق لا تحسبني مروق ومبسوط الحرارة عندي 40 والكهربا كل شيوي بتنقطع والفحص هالك لك دمي والأنترنت بكفر الانبياء من بطئه يعني اكيد وضعك افضل مني .
:D