اخي السوري : هل تعتبر نفسك (سوري) ام( عربي سوري) [الأرشيـــــف]

kosayka2

22/05/2008, 09:19

اولا

يا شباب في البداية لنعرف العرب
العرب هم مجموعة من القبائل التي كانت ترعى الغنم و تركب الجمل و تتكلم بالغة العربية التي سكنت في شبه الجزيرة ثم تفرقت و هاجرت الى اماكن مختلفة
أما اذا درسنا التاريخ السوري فنجد انه عندما كان العرب الأصليين في شبه الجزيرة كان الكنعانين هم الذين يسكنون في سوريا (جنوبها)
اي أن اصول السوريين ليست عربية بحتة ......

ثانيا
ان الاصول العرقية و المذهبية للعرب الأصليين تختلف كثيراً عن السوريين
حتى في الشكل فالعرب الأصلييين لا يقاربون و لو بشكل بسيط من السوريين سواء من البنية البدبية أو من لون البشرة
فإذا وضعت عربي أصلي بجانب سوري امام شخص لا بعرفهم فاكيد انه سيقول ان هذا من قطب و ذاك من قطب أخر

ثالثا
العرب الأصليين هم عبارة عن مجموعة من القبائل العشائرية التي اهتمت بالرعي و الانتقال من مكان لاخر
اما السوريين فلم تكن لهم هذه الصفة العربية البحتة بل على العكس هم كانوا اول من اكتشف الزراعة و سعوا الى الإستقرار

رابعا
بكل بساطة لا يوجد ما يجمعنا نحن السوريين و العرب الأصليين

و لكن السؤال ما الذي بجمعنا؟؟؟؟؟؟؟؟؟؟؟؟؟؟؟؟؟
تعلمنا في مادة القومية
1.الألام و الامال
بالنسبة لي لا أعتقد ان ألامي هي نفسها ألام اخي في
السعودية
2.وحدة المصير العربي
السؤال هو هل مصير العربي في السودان او موريتانيا هو نفسه مصير السوري ؟؟؟؟؟؟؟؟؟؟
3.........
4.........
الخ الخ الخ الخ الخ الخ الخ الخ ...........................
لكن الشيء الوحيد الذي يجمعنا هو اللغة العربية
انا أسالك ايها السوري هل تفهم على اخوك في المغرب أو في تونس عندما تتكلم معه ؟؟؟؟؟؟؟؟؟؟
فبالتالي لا تجمعنا الا اللغة العربية الفصحة و التي لا نتحدث بها فيؤدي ان لا شيء يجمعنا

الا في المظاهر و اللقاءات التي تكون على مستوى علي

اي في النهاية أنا سوري فقط و لست عربي سوري

اما انت فماذا تقول؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هدوء البحر

22/05/2008, 10:13

ولك يازلمة شو عم تئول طبعا عربي سوري

بعدين حسب مو كاتب انت عن العرب انو ورا الغنم ومدري شو

طيب فيك تشوف العرب شو عملوا فتواحات و وين وصلوا بفتوحاتون

كان الانسان يفتخر انو عربي

بعرف هلئ تغير الوضع كتير عن الاول بس بضل اصولنا عربية وما لازم ننكر هاد الشي

بعدين اذا نحنا مو عرب كانو الناس بسوريا يحكو عربي

واذا ماكنا عربيين وين اصولنا لمين يعني؟؟؟

W.E.G.A

22/05/2008, 10:50

انا سوري بس

لان هي قصة عربي وهم كبيررررررررررررررررررر

:D

fine

22/05/2008, 10:52

انظرو كيف وصف العرب

العرب كانو يشتغلون بلتجارة والزراعة وبالحرف الاخرى اما رعي الاغنام كان مقتصر على البدو مثل مافي سوريا والعالم رعي البقر مقتصر على الفلاحين

وكان العرب الحضر مستقرين مدنيون في مدن مثل مكة والطائف ومدينة المنورة ومدن اليمن والفاو وفيد في وسط الجزيرة وهجر وهي مدن قبل الاسلام

الم تكن قريش تشتغل بلتجارة ويذهب قوافلها الى بلاد الشام والعراق واليمن وغيرها من البلاد ونزلت فيهم سورة قريش لو كنت مسلم

الم يكن الصحابي ابو هريرة فلاح يشتغل بلزراعة

وكمان معظم السوريين اصولهم فلاحيين ( رعاة البقر ) واذهب الى سيرة الرئيس الاسد ستجده من اصول فلاحية كان جده فلاح

زوربا

22/05/2008, 10:54

عربي سوري.....

sandra

22/05/2008, 11:51

عفواً بس لو كنت كاتب للاختيار التاني "سوري عربي" بدل "عربي سوري" كنت يمكن فكرت شوي بالاختيار واحترت صراحة
لأن نحن سوريين قبل ما نكون عرب
والشعور بأني سورية غالب أكتر بكتير على الشعور بالعروبة
على أي حال صوتت للاختيار الأول
تحياتي

sweetbaby

22/05/2008, 11:55

طبعا سورية..
مابقدر شوف انتمائي ع كوني عربية.. يمكن درست ورددت هالشي لما كنت بالمدرسة.. بس ماحسيتو ولا مرة... بعدين التاريخ بيفرجي انو السوريين مو عرب.. فانو في دليل انو نحنامو عرب..

was616im

22/05/2008, 12:01

سوري عربي بتطلع افضل بس ما في هيك خيار فلذلك نو تصويت

حلبي

22/05/2008, 13:35

على فكرة الموضوع مكرر

فقط لكي لا يساء فهمي

نحن السوريين من البديهي لنسنا عرب و هذا الموضوع ليس بجديد أصلا كلمة سوريا ليست عربية و السكان الأصليين لسوريا هم السريان و الأشور

أما الأن أنا بلنسبة لي فأنا مسلم عربي سوري

و هكذا أتفق في الأخوية مع المسيحي السرياني السوري و المسيحي الأشوري السوري

و المسلم الكردي السوري و المسلم التركماني السوري و المسيحي العربي السوري الخ ....

أما عن العرب كيف كانو قبل الأسلام أعتقد لا يوجد أسفه و أدنى من كلمة و صفها الله لهم أنهم كانو يعيشون في الجاهلية و كلمة الجاهلية شاملة لكل شيئ مقزز للبدن و لو ذكرنا الأشياء التي كانو عليها العرب قبل الأسلام لوجدنا أنهم كانو في أسفل السافلين

و راعي غنم كلمة عظيمة ولا تعني الأهانة لقوم ما

أما عن الرابط بين المغرب و الجزيرة العربية أقول الجزيرة العربية و السوري و الموريتاني

نعم يوجد رابط مشتركة بيننا و لا يعني الجهل في اللغة العريبة يمكن أن يباعد بيننا وهذه فترة مؤقتة لن تدوم

و نحن في الغربة نتعارف على بعضنا البعض و هناك روابط مشتركة و لا يمكن شرحها في كلمات

المهم أنا أخ للجميع ولا يمكن أن أتنازل عن أي أخ لي في هذه المعمورة و كمغترب نحن نعيش الترابط الأخوي من كل جانب

طبعا هناك سلبيات كثيرة و لا تعتقدو أننا في الجنة و كل شيئ على ما يرام

عفوا على الإطالة و تقبلو تحيات أخوكم

حلبي :D

zerocold hacker

22/05/2008, 14:05

والله يسلم تمك يا أخ حلبي
هاد هو الصح بعينو:clap:

Government

22/05/2008, 15:18

اخي شلون طلعت معك انو السوري مو عربي !!
على اي اساس بنيت هالنظرية والشغلات اللي كاتبة فوق !!
يعني مابتدخل بالعقل بالمرة ..

بس ع كلن انا بعتبر نفسي ســـوري فقط .. وطبعا الي كامل الفخر
مو للشغلات اللي كتبتا فوق حضرتك ابدا
لانو سوري وبس ..
ولانو ببساطة العــرب بهالزمن صار مابشرف الواحد بنتمي الن (مو الكل طبعا)
مو بسبب كلامك بس لهالسبب

ماغنوم56

22/05/2008, 15:40

شو ما عتبرتو حالكم هي مشكلتكم
لما الوحد منكم بدو يعمل اي معاملة
حينط بوجهو الجمهوريه العربية السورية
بدويسافر نفس الشي بدو ياكل نفس الشي
بدو يشرب نفس الشي
المصيبة مو هون المصيبة برات بلدكم
بس تئول لحدا سوري ح يرد اها عربي
شغلة لازقه فيكم متل جلدكم ع لحمك
يعني ان التو سوري أو التو اشوري او التو يهودي
انتو عرب لا محالة هيك حكم عليكم الزمن

:D

sezar

22/05/2008, 16:04

الجواب لا يعمم على كل سوريا ..
ليس كل سوري عربي
كما ليس كل من نطق بالعربية عربي ..
فالسؤال شبه شخصي لذلك لا يعمم
فعندما اجاوب اني سوري .
هذا ليس لأني فرضا أخجل أو أهرب من واقع لا بل لأن هذا الواقع لست عربي ولا أحد من أجدادي عربي
رغم اني اتكلم و أكتب العربية طبعا

الخلاصة :
لا نتيجة من السؤال
السوري تعم على جميع السوريين فمنهم العرب و منهم غير عرب على اختلاف القوميات و الأقليات

عطر سوريا

22/05/2008, 16:49

يا اخي الكريم هااااااااااااااااااد الموضوع رجااااااااء ثم الرجاء عدم الدخول فيه لانو السوريون عرب
بس انا بعتبر حالي سوري ئبل ما كون عربي يعني انا لازم تهمني مصلحة سوريا قبل ما تهمني مصلحة العرررررررررررب

oooOOOO سوريا عطر العروبة OOOooo

sezar

22/05/2008, 16:53

شو غنينا بالطاحون قبل شوي ما بصير تعميم صفة العرب على جميع السوريين ...

الكردي ليس عربي لكنه سوري
التركماني ليس عربي لكنه سوري
الشركسي ليس عربي لكنه سوري
العربي عربي و سوري

TheLover-_-

22/05/2008, 16:55

سوري
تحياتي:D

The morning

22/05/2008, 17:17

شو ما عتبرتو حالكم هي مشكلتكم
برات بلدكم
بس تئول لحدا سوري ح يرد اها عربي
شغلة لازقه فيكم متل جلدكم ع لحمك

:D

مش بالضروره .. يقلك اها عربي :? ..
من تجربه شخصيه بأكدلك انو حوالي 60% بيسألوني وين هي سوريا :lol: .. و 25% بيفكروها دوله اوربيه .. و في ناس حوالي 5% بفكروها دوله اسيويه
حوالي 10% بس بيقلولي اها عربيه ;)

ماغنوم56

22/05/2008, 17:21

مش بالضروره .. يقلك اها عربي :? ..
من تجربه شخصيه بأكدلك انو حوالي 60% بيسألوني وين هي سوريا :lol: .. و 30% بيفكروها دوله اوربيه ..
حوالي 10% بس بيقلولي اها عربيه ;)

منمشي معك
كم عدد الناس الي كانو من ضمن تجربتك الشخصية
وبكم بلد اروبي او اسيوي او امريكي
مشان رد عليكي بالأعداد والأماكن والأرقام
كمان حسب تجرتي الشخصيه

حلبي

22/05/2008, 17:31

مش بالضروره .. يقلك اها عربي :? ..
من تجربه شخصيه بأكدلك انو حوالي 60% بيسألوني وين هي سوريا :lol: .. و 25% بيفكروها دوله اوربيه .. و في ناس حوالي 5% بفكروها دوله اسيويه
حوالي 10% بس بيقلولي اها عربيه ;)

سمحيلي أختلف معك أختي الكريمة

أنا كمغترب أعرف شعور الناس تجاه بلدنا أكثر من الذي يعيش في سوريا أو في البلاد العربية

و من المعرفة العامة هنا

المدارس الأبتدائية تدرس التاريخ على أن دمشق أقدم مدينة مأهولة و هذا يحفر في ذهن التلميذ و يدعوه للسؤال من هذه سوريا و يتبع كل سؤال جواب و كل جواب يتصل بسؤال أخر ما أريد أن أقول أن سوريا معروفة عند الغرب و الشرق أكثر مما نعرف نحن عن بلدنا و لها قيمة عظيمة

المثل الذي طرحتيه لا يمثل إلا شريحة قليلة جدا من المثقفين في العالم

الحال الذي نعيشه نتيجة السياسة الحالية مؤقت و لن يدوم

أرجو المعذرة أذا كنت قد خرجت عن الموضوع

تحيات حلبي :D

The morning

22/05/2008, 17:58

منمشي معك
كم عدد الناس الي كانو من ضمن تجربتك الشخصية
وبكم بلد اروبي او اسيوي او امريكي
مشان رد عليكي بالأعداد والأماكن والأرقام
كمان حسب تجرتي الشخصيه

انا ما بدي ياك ترد عليّ بالاعداد و الاماكن و الارقام لانو هاد مش الهدف من اللي قـلتو .. انما الفـكره الـعامه اللي انت طغيتها بقولك انو كل ما بتقول لواحد سوري حيقلك اها عربي , مش صـحيحه و لا حتـى بنـسبه ضئيله ..

سمحيلي أختلف معك أختي الكريمة

أنا كمغترب أعرف شعور الناس تجاه بلدنا أكثر من الذي يعيش في سوريا أو في البلاد العربية
و من المعرفة العامة هنا
المدارس الأبتدائية تدرس التاريخ على أن دمشق أقدم مدينة مأهولة و هذا يحفر في ذهن التلميذ و يدعوه للسؤال من هذه سوريا و يتبع كل سؤال جواب و كل جواب يتصل بسؤال أخر ما أريد أن أقول أن سوريا معروفة عند الغرب و الشرق أكثر مما نعرف نحن عن بلدنا و لها قيمة عظيمة
تحيات حلبي :D

بدايه تـوضيح بس انو انا عم احكـي عن امـيركا كرمال ما نـفوت بمـتاهات ,
المـدارس الابـتدائيه تدرس تـاريخ سـوريا على انه تاريخ آشوري متل ما حـضرتك سـبق و قـلت ..

المحارب العتيق

22/05/2008, 18:14

مو مهم . المهم بعثي . هاد لازم يكون أنتمائنا كلنا ;)

yass

22/05/2008, 18:15

بعتقد حكينا عن الموضوع من فترة..

أوكي خلينا نفرّق شي عن شي...

في عرب سوريين؟ أي في

في سوريين مانهون عرب؟ طبعا في

سوريا هي دولة.. و دولة فيك تقول متعددة القوميات (فيها الكردي و الآشوري و السرياني و و و ... العربي) . فكلمة انو سوريا دولة عربية هي اهانة للحقيقة.. انو بسوريا في عرب بس كمان في غير عرب لذلك ما بيطلع لأبو أبو عبد الناصر يجي يقولهون مانكون سوريين..

لكن اللي صار انو حكامنا من بداية القرن العشرين ركبو موجة الحركة القومية لأنو شافو انو الفكر القومي دارج بأوربا و جابوه لهون و اخترعو شي اسمو قومية عربية, و هالاختراع هو اختراع لبناني بامتياز... ظلو الأدباء الموارنة متل حنا عبود و غيرو يحكو بالقومية (لأنو سمعو فيها من أوربا) طيلة سنين و ما حدا راد عليهون..

بالحرب العالمية التانية اجا الشريف حسين (الله يرحمو... لأنو ما بيجوز عالمهابيل الا الرحمة) و قال عمل مفاوضات مع الانكليز و الانكليز ضحكو عليه قالولو تعا ثور عالعثمانيين و نحنا نساعدك و تصير ملك ع دولة كبيرة.. اجا الفهمان صدّق انو الانكليز راح يساعدوه بتحرير أكثر من 3 مليون كيلومتر مكعب كرمال عيونو الحلوين .. لكن ظل عندو مشكلة ايديولوجية.. كيف بدو يتحالف مع "كفار" مشان يحارب مسلمين مثلو.. و مو بس مسلمين انما دولة الخلافة كمان... فاجو حكولو انو بلبنان من شي 40 سنة كان في شلة موارنة بيقولو قومية عربية و ما بعرف شو.. قام اجا الشريف حسين لقاها حجة و فتاها انو خيو بدنا نثور لأننا عرب .. و عمل علم و صدّق ع حالو هو ولادو (كمان الله يرحمهم.. ما بيجوز عالطرمبات الا الرحمة) و ثارو.. الانكليز ساعدوهون أولا فخوزقوهون ثانيا... و صار اللي كلنا بنعرفو

ظلت قصة العروبة طافية على السطح لبين ما التقطها عبد الناصر و عمل منها ايديولوجيا ركيكة جدا و تم لأجلها تزوير تاريخ و ثقافة و تراث جميع الشعوب العربية لأجلها

أي و بالنسبة الي لامعنى لكون هلأ حاطين اسم البلد "الجمهورية العربية السورية" .. طبيعي لأنو محكومين من قبل نظام قومي عربي (اسميا و ايديولوجيا) و هاي من الشغلات اللي لازم تتغير لأنو عم تعمل اقصاء كبير.. عم تفرض انو مشان تكون سوري لازم تكون عربي.. ومو صحيح هالكلام... جزء كبير من تراثنا و ثقافتنا جاية من العربي (أمر طبيعي) لكن في شي اسمو طابع سوري.. و بالمقابل ما في شي عربي هيك تقول انو القومية قائمة من خلالو..

اللغة؟؟ ليكها أكتر من نص افريقيا بتحكي فرنسي و مانهون فرنسيين

التاريخ؟؟؟ أنو تاريخ منهون؟ الحقيقي لما المزوّر؟ الحقيقي انو في تاريخ اسلامي مافي شي اسمو تاريخ عربي و دولة عربية.. مافي..

التكامل الاقتصادي؟ (هاد اختراع رهيب:lol:) .. أي كمان فينا نعمل تكامل اقتصادي مع ايران و تركيا و جزر الفوكلاند و مانهون عرب

وحدة المشاعر و التطلعات و المصير؟ .. اي شفناه. مافي داعي نحكي عن هالنقطة..

أكيد مافينان ننفي وجود اطار ثقافي لغوي عربي.. لكن فقط اطار... مالازم نعطيه ثقل أكبر لأنو نكون عم نضحك ع حالنا و ع غيرنا.. و عم نقصي كمية كبيرة من الناس

آسفين للاطالة

حلبي

22/05/2008, 18:18

بدايه تـوضيح بس انو انا عم احكـي عن امـيركا كرمال ما نـفوت بمـتاهات ,
المـدارس الابـتدائيه تدرس تـاريخ سـوريا على انه تاريخ آشوري متل ما حـضرتك سـبق و قـلت ..

صحيح و هذا من البديهي أن يدرس على أنها كانت أشورية

و للتأكيد على كلامك أذكر أحد الأشخاص في أتينا تحديدا فتحنا نقاش طويل عريض على أننا نحن في سوريا فينيقيين و هذا بأعتقادي لا يختلف عليه إلا من لا يعلم شيئ عن التاريخ

ما أريد أن أقوله لا يوجد اليوم دولة في العالم مازال شعوبها القديمة صافي العرق لأن الشعوب تداخلت مع بعضها البعض

المهم أن نجد الروابط المشتركة كي نتابع السير في هذه الحياة و كل منا يكمل الأخر

و من أجمل ما تتميز به سوريا أن فيها أعراق مختلفة منذو الأزل و يكفينا فخر بهذا التنوع الحضاري الأزلي

تقبلو تحيات حلبي :D

ماغنوم56

22/05/2008, 18:29

انا ما بدي ياك ترد عليّ بالاعداد و الاماكن و الارقام لانو هاد مش الهدف من اللي قـلتو .. انما الفـكره الـعامه اللي انت طغيتها بقولك انو كل ما بتقول لواحد سوري حيقلك اها عربي , مش صـحيحه و لا حتـى بنـسبه ضئيله
وانا ما رديت هيك الا من واقع تجربتي الشخصية
واحتكاكي بالناس اثناء سفري المتكرر لأوربا الغربيه
والصين وسنغافورا وهونغ كونغ واليابان وكندا
يعني ما ندر ان حدا ما يلصق فيني صفت العربي
لما عّرفهم عن حالي اني سوري
:D

عطر سوريا

22/05/2008, 18:44

مو مهم . المهم بعثي . هاد لازم يكون أنتمائنا كلنا ;)

طب ليش ما يكون ناصري
او قومي سوري
او قومي عربي
او شيوعي
للللللللللللللللللللليش هالحكم الظالم هاد

yass

22/05/2008, 18:46

طب ليش ما يكون ناصري
او قومي سوري
او قومي عربي
او شيوعي
للللللللللللللللللللليش هالحكم الظالم هاد

يا شيخ السمايلي أبو غمزة... ما يعطيك فكرة اذا قصدو جد و للا عم يتهكم؟ ;)

سلامات

مالك الحلبي

22/05/2008, 19:38

هلق الموضوع بتقدر تاخده من قصة جحا
قلوا الترتيب صار بحارتك
قله ألي ببينايتي
قله الترتيب صار ببينايتك
قله ألي بطابقي
قله الترتيب صار بطابقك
قله ألي ببيتي
قله الترتيب صار ببيتك
قله ألي فيني

بقى منشان هيك صوتنا عربي سوري

saarri

22/05/2008, 21:00

:xيازلمه وشو دخل الشكل ورعي الغنم في العروبه .. انت لو تشوف سكان منطقة بعدان في اليمن مابتقول عرب لبياضهم وشقرة شعورهم او قل لون بني فاتح وشوف سكان ابها في السعوديه او مكه وجده بتلاقي نفس السحمه والدم العربي زي الي بسوريا .... وبعدين لا تنسى اختلاط العرب بغيرهم ايام الاستعمار وما قبله الفتوحات العربيه الاسلامية الي وصلت في عهد بني امية ومن دمشق بالذات انطلقت تلك الفتوحات شرقا حتى الصين ودخلوها ثم توقفوا عندما سارع امبراطور الصين بدفع الجزيه ... ومن بعد انطلقت جيوش العرب الى اسبانيا حتى جبال البرانس على حدود فرنسا .... بعد كل هذا ولا يحدث اختلاط بين عرب سوريا الي انطلقت جيوشهم الى تلك المناطق وبين سكانها ... يا رجل اقرأ التاريخ جيدا ولا تحشر نفسك في متاهات ماانت قدها .... هل تعرف ان حكام بني امية جاؤ من مكة وبني العباس من مكة وان سوريا كان فيها عرب الغساسنه قبل الاسلام واقاموا دولتهم الشهيره حتى ظهور الاسلام ...... عجبي

simsima57

22/05/2008, 21:22

حلبي

22/05/2008, 21:31

انا بحس انو كلمة سورية بتسبئ ...
وماني ضد عروبتي بس المشكلة اني بحس هاي الكلمة بتتطبئ عنا بمفهومنا الخاص ...
نحنا منفهما بطريئة غير المصرية والخليجية ...
يعني المصريين بحس انو انتماؤن للفراعنة ...

انا عند ملاحظة للاخ الحلبي ,كل رفئاتي الشراكس والاكراد ما بيعتبرو نفسن سوريين ...
الكل هيك ولا بس رفئاتي:?

أختي الكريمة هؤلاء المساكين متأثرين بسياسة تجزيئ المجزء و تقسيم المقسم و لو كل واحد منهم أخذ حقه لما فكر هكذا عندنا في سوريا حضم لحقوق الناس و من صمنها حقهم في اللغة التي ينتمي أليها أفراد الشعب

مثلا أنا كعربي لو يأتي حاكم الى سوريا و يحكمني بأني كردي أو تركي أو سرياني هنا سأشعر بأنتقاص حقي و أبحث عن أنتمائي و هذه المشكل بيد الدولة ليس المذنب المواطن

أرجو المعذرة لخروجنا عن الموضوع

تحيات حلبي :D

Nihal Atsiz

22/05/2008, 21:42

شو غنينا بالطاحون قبل شوي ما بصير تعميم صفة العرب على جميع السوريين ...

الكردي ليس عربي لكنه سوري
التركماني ليس عربي لكنه سوري
الشركسي ليس عربي لكنه سوري
العربي عربي و سوري

:deal::deal:

cornholio

22/05/2008, 22:43

انا سوري سوري سوري
و شغلة انو عربي سوري هاي شغلة بطلت الموضة تبعتها

التقرير الجوال

22/05/2008, 23:52

قديش الموضوع بياخد بعد ظريف و صميدعي لما بيكون الحكي عن الإنتماء و هيك اشيا ..
في هيك سؤال بدو بعمل pop up بوش كل متشدّق!
أميركا و بريطانيا و استراليا و ايطاليانا:lol:و اسبانيولا و غيرو و غيراتو لما احتلو العراق و راحو ليحاربو بأفغانستان .. تحت أي رابط و انتماء و شعور؟ هيك خبط لزق جمعوا حالهن .. منشان المصاري مثلا أو البترول .. اي عزيزي مافي بترول بأفغانستان .. ليش متجمعين يا حزركن؟ شو هوي الرابط ؟
بألف ميلادي و حتى قبلها كمان كان الاسبانيول كل ما العرب توسعو بالفتح باسبانيا يقومو ملوكهن بطلب النجده من فرانسا و الانكليز و حتى بابا الفاتيكان ... ليش يا حزركن؟

يعدين القوميه العربيه وحّدت و ربطت بين الاعراق و الاديان و خلافو .. هاد واقع!

yass

23/05/2008, 00:02

طبعا مو هاد موضوع حديثنا بس ردا على الـ pop up

أفغانستان ذات موقع مهم جدا في طريق الخط البترولي تبع نفط بحر قزوين عبر أفغانستان و الباكستان... و لهالسبب كان الدعم الأمريكي ضد الاجتياح السوفييتي بالتمانينات و اهتمامها الحالي بالمنطقة... كل الحروب عبارة عن مصالح ...

و بالنسبة لموضوع غزو اسبانيا (اللي ما بعرف شو علاقتو بحكينا) فطبعا كانو يستنجدو بمن يماثلهم بالدين مثلما استنجد مسلمو الأندلس بالمرابطين بعدها... مثلا

saman

23/05/2008, 00:19

أي و بالنسبة الي لامعنى لكون هلأ حاطين اسم البلد "الجمهورية العربية السورية" .. طبيعي لأنو محكومين من قبل نظام قومي عربي (اسميا و ايديولوجيا) و هاي من الشغلات اللي لازم تتغير لأنو عم تعمل اقصاء كبير.. عم تفرض انو مشان تكون سوري لازم تكون عربي.. ومو صحيح هالكلام... جزء كبير من تراثنا و ثقافتنا جاية من العربي (أمر طبيعي) لكن في شي اسمو طابع سوري.. و بالمقابل ما في شي عربي هيك تقول انو القومية قائمة من خلالو..

اللغة؟؟ ليكها أكتر من نص افريقيا بتحكي فرنسي و مانهون فرنسيين

التاريخ؟؟؟ أنو تاريخ منهون؟ الحقيقي لما المزوّر؟ الحقيقي انو في تاريخ اسلامي مافي شي اسمو تاريخ عربي و دولة عربية.. مافي..

التكامل الاقتصادي؟ (هاد اختراع رهيب////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) .. أي كمان فينا نعمل تكامل اقتصادي مع ايران و تركيا و جزر الفوكلاند و مانهون عرب

وحدة المشاعر و التطلعات و المصير؟ .. اي شفناه. مافي داعي نحكي عن هالنقطة..

:lol:معك 100%:D
الكردي ليس عربي لكنه سوري
التركماني ليس عربي لكنه سوري
الشركسي ليس عربي لكنه سوري
العربي عربي و سوري
اي الكردي عايش بسوريا بس هو بيعتبر حالو منتمي للاكراد (لدولة كردستان المزعومة ) يعني هو بيعتبر حالو مجرد شخص مغترب بسوريا ....
ونفس الشي التركماني ...بيعتبر حالو منتمي لـ " تركمانستان " وهي دولة موجودة والكل بيعرف وبيعتبر حالو كمان مغترب بسورية ....
اما الشركسي يا روحي كيف معتبرهون سوريين وهنن لهلأ ما سمعت انو واحد شركسي تجوز وحدة مو شركسية يعني شامية ...كل الشراكس بيتجوزوا من بعضهن ومعيشين حالهن بدائرة صغير ...كأنهن جالية مغتربة بسورية ....يعني هنن مالهن معتبرين حالهن سوريين .....
اما العربي فهو معتبر حالو عايش بوطن كبير من المحيط للخليج وعتبر حالو منتمي لضيعة صغيرة اسمها سورية ...مع العلم انو مافيه يتنقل بحرية ما باقي الضيع العربية يلي بقلب وطنو العربي ....

هادا رأيي وبس ....:D

التقرير الجوال

23/05/2008, 00:20

ليك عمي!!!
انت مانك مضطر تنظر على كلامي و اذا بدك فبدّو يكون موضوعي و من دون حركات صُميدعيّة
لأ إلو علاقه و نص
هدول يللي حكيت عنهن امازيغ متل طارق بن زياد و ربطهن رابط و عد لقلك " الموحدون " بنو مرين " المرابطون "
و كلهن تقريبا مو عرب بس انصهروا ببوتقه فيك تسميها عروبه .. اسلام و الا أي شي حابب تسمي .. صارو يحكو عربي و تطبعوا بطباع العرب .
ضرب الامثله وارد و خصوصاً اذا كان من صلب الموضوع ... يعني لتخديم الموضوع .. الانكليز مارح يجازفو بارواحهم بس منشان الدين .. ماشي .. القصه و ما فيها بأنو هالمصطلع -الروابط بين الشعوب- أي القوميات حصلت على أرض الواقع و فعلاً وحّدت شعوب و أعراق .
سميها للعربيه رابط حبيبي .. و غيرك رح يحييك
سميها بوتقه صهرت شعوب و أعراق و غيرك Will take his hat off to you
سميها حضاره تعلمنا منها و كمان غيرك رح يكون ممنون من كلامك .

بـحــر

23/05/2008, 00:29

مع اني متل أي شخص بهالدنيا تربى بسوريا على أنو في قومية عربية ...و على انو نحنا عرب ...مع أنو لو كل شخص بيرجع لجذور عائلتو بيكتشف الأسرار و الخبايا ...بس ماحدا فاضي... و اقتنعنا بفكرة العروبة ...بغض النظر اذا كان اصلي عربية أو لأ ... و مابعرف على شو ممكن أبني حالي اني عربية أو لأ ... على الأصل الي بيرجع لجذور التاريخ تبع كل عيلة ولا لأنو انا بحكي عربي وبفهم عربي ... ولا على شو بالظبط ...!!
هي اذا حكينا بعيد عن الدين وبعيد عن الإسلام الي نزل بلغة عربية و على الأمة العربية الي كانت عايشة بشبه الجزيرة ...

أما عن تاريخ العرب قبل الإسلام متل ما حكى أحد الاخوة مابعتقد أنو كان كان في شيئ يذكر أو مشرّف ...
أو معروف ... باستثناء الشعر الجاهلي و الشعر فقط ...

عربية مو عربية مو مهم الي بهم عنجد انو مسلمة سورية او باكستانية كمان مو مهم الي بهم اني انسانة ...

تحية

yass

23/05/2008, 00:30

ليك عمي!!!
انت مانك مضطر تنظر على كلامي و اذا بدك فبدّو يكون موضوعي و من دون حركات صُميدعيّةعفوا؟؟ حركات صميدعية؟؟
حكيك كلو السابق -رأيي هاد و اذا ما عاجبك لا تقراه- مالو علاقة بالموضوع اللي عم نناقشو.. من أول ردك فايت تتمسخر و زتيتلك تساؤلين مالهون علاقة بصلب الموضوع أبدا ( و برجع بقلك.. اذا كتير زاعجك حكيي لا تقراه و لا ترد عليه)

لأ إلو علاقه و نصو أنا رأيي انو مالو علاقة

هدول يللي حكيت عنهن امازيغ متل طارق بن زياد و ربطهن رابط و عد لقلك " الموحدون " بنو مرين " المرابطون "
و كلهن تقريبا مو عرب بس انصهروا ببوتقه فيك تسميها عروبه .. اسلام و الا أي شي حابب تسمي .. صارو يحكو عربي و تطبعوا بطباع العرب .على ما اعتقد أنا قلت:

يستنجدو بمن يماثلهم بالدين مثلما استنجد مسلمو الأندلس بالمرابطين بعدها... مثلا

يعني ما قلت هدول عرب.. فليش عم تقاتلني و كأنو حكيت انو عرب؟ و للا بس القضية قضية مقاتلة لأنو ما مشيت ع كيفك؟

ضرب الامثله وارد و خصوصاً اذا كان من صلب الموضوع ... يعني لتخديم الموضوع .. الانكليز مارح يجازفو بارواحهم بس منشان الدين .. ماشي .. القصه و ما فيها بأنو هالمصطلع -الروابط بين الشعوب- أي القوميات حصلت على أرض الواقع و فعلاً وحّدت شعوب و أعراق .
سميها للعربيه رابط حبيبي .. و غيرك رح يحييك
سميها بوتقه صهرت شعوب و أعراق و غيرك Will take his hat off to you
سميها حضاره تعلمنا منها و كمان غيرك رح يكون ممنون من كلامك .أنا لما بحكي رأيي ما بحكيه لحتى حدا يشكرني أو ما يشكرني.. هاد رأيي.. و حر أحكيه.. ما عاجبك.. لا تقراه و انهينا.. بلا اللف و الدوران و الروحة و الرجعة.. أوفرلي و أوفرلك.. انت سألت سؤال و أنا رديت.. اذا زاعجك انو أرد و الله يا أخي هاي مانها مشكلتي صفّت

بـحــر

23/05/2008, 00:33

بعتقد حكينا عن الموضوع من فترة..

أوكي خلينا نفرّق شي عن شي...

في عرب سوريين؟ أي في

في سوريين مانهون عرب؟ طبعا في

سوريا هي دولة.. و دولة فيك تقول متعددة القوميات (فيها الكردي و الآشوري و السرياني و و و ... العربي) . فكلمة انو سوريا دولة عربية هي اهانة للحقيقة.. انو بسوريا في عرب بس كمان في غير عرب لذلك ما بيطلع لأبو أبو عبد الناصر يجي يقولهون مانكون سوريين..

لكن اللي صار انو حكامنا من بداية القرن العشرين ركبو موجة الحركة القومية لأنو شافو انو الفكر القومي دارج بأوربا و جابوه لهون و اخترعو شي اسمو قومية عربية, و هالاختراع هو اختراع لبناني بامتياز... ظلو الأدباء الموارنة متل حنا عبود و غيرو يحكو بالقومية (لأنو سمعو فيها من أوربا) طيلة سنين و ما حدا راد عليهون..

بالحرب العالمية التانية اجا الشريف حسين (الله يرحمو... لأنو ما بيجوز عالمهابيل الا الرحمة) و قال عمل مفاوضات مع الانكليز و الانكليز ضحكو عليه قالولو تعا ثور عالعثمانيين و نحنا نساعدك و تصير ملك ع دولة كبيرة.. اجا الفهمان صدّق انو الانكليز راح يساعدوه بتحرير أكثر من 3 مليون كيلومتر مكعب كرمال عيونو الحلوين .. لكن ظل عندو مشكلة ايديولوجية.. كيف بدو يتحالف مع "كفار" مشان يحارب مسلمين مثلو.. و مو بس مسلمين انما دولة الخلافة كمان... فاجو حكولو انو بلبنان من شي 40 سنة كان في شلة موارنة بيقولو قومية عربية و ما بعرف شو.. قام اجا الشريف حسين لقاها حجة و فتاها انو خيو بدنا نثور لأننا عرب .. و عمل علم و صدّق ع حالو هو ولادو (كمان الله يرحمهم.. ما بيجوز عالطرمبات الا الرحمة) و ثارو.. الانكليز ساعدوهون أولا فخوزقوهون ثانيا... و صار اللي كلنا بنعرفو

ظلت قصة العروبة طافية على السطح لبين ما التقطها عبد الناصر و عمل منها ايديولوجيا ركيكة جدا و تم لأجلها تزوير تاريخ و ثقافة و تراث جميع الشعوب العربية لأجلها

أي و بالنسبة الي لامعنى لكون هلأ حاطين اسم البلد "الجمهورية العربية السورية" .. طبيعي لأنو محكومين من قبل نظام قومي عربي (اسميا و ايديولوجيا) و هاي من الشغلات اللي لازم تتغير لأنو عم تعمل اقصاء كبير.. عم تفرض انو مشان تكون سوري لازم تكون عربي.. ومو صحيح هالكلام... جزء كبير من تراثنا و ثقافتنا جاية من العربي (أمر طبيعي) لكن في شي اسمو طابع سوري.. و بالمقابل ما في شي عربي هيك تقول انو القومية قائمة من خلالو..

اللغة؟؟ ليكها أكتر من نص افريقيا بتحكي فرنسي و مانهون فرنسيين

التاريخ؟؟؟ أنو تاريخ منهون؟ الحقيقي لما المزوّر؟ الحقيقي انو في تاريخ اسلامي مافي شي اسمو تاريخ عربي و دولة عربية.. مافي..

التكامل الاقتصادي؟ (هاد اختراع رهيب////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) .. أي كمان فينا نعمل تكامل اقتصادي مع ايران و تركيا و جزر الفوكلاند و مانهون عرب

وحدة المشاعر و التطلعات و المصير؟ .. اي شفناه. مافي داعي نحكي عن هالنقطة..

أكيد مافينان ننفي وجود اطار ثقافي لغوي عربي.. لكن فقط اطار... مالازم نعطيه ثقل أكبر لأنو نكون عم نضحك ع حالنا و ع غيرنا.. و عم نقصي كمية كبيرة من الناس

حكيك مقنع و منطقي جداً ...

Donald Duck

23/05/2008, 00:50

يعني بس خطرلي سؤال ..

مع انو ما بحقلي اتدخل بهالموضوع ..

يعني لما السعودية والدول الي معها واقفة ضد سوريا ..

ليش كل هالزعل عليها !!!!

يعني لازم السعودية واسرائيل يكونوا في خانة وحدة .. بالنسبة لسوريا ..

لانو سوريا والسعودية وباقي الدول العربية .. ما بتجمعهن ولا صفة او اشي مشترك ..

حسب بعض الاعضاء ..

لا الدين ولا القومية ... ما بتجمع بين سوريا والسعودية ..

التقرير الجوال

23/05/2008, 00:51

بـحــر

23/05/2008, 00:54

لا الدين ولا القومية ... ما بتجمع بين سوريا والسعودية ..

يعني عفوأ ... على حسب كلامك أنو سوريا وفلسطين ما بيجمعهم شي وسوريا ولبنان لا شيئ و اي دولة بدولة أخرى كمان لاشيئ ...

الإنسانية ... بالدرجة الأولى .. والدين بالدرجة التانية ...هدول بنشيلون عاطرف ....!!!!

...........!!!!!!؟؟؟؟؟!!!!!

يعني لازم السعودية واسرائيل يكونوا في خانة وحدة .. بالنسبة لسوريا ..

على انو اساس بدون يكونو بخانة وحدة بالنسبة لسوريا ...!!

Donald Duck

23/05/2008, 01:01

يعني عفوأ ... على حسب كلامك أنو سوريا وفلسطين ما بيجمعهم شي وسوريا ولبنان لا شيئ و اي دولة بدولة أخرى كمان لاشيئ ...

الإنسانية ... بالدرجة الأولى .. والدين بالدرجة التانية ...هدول بنشيلون عاطرف ....!!!!

...........!!!!!!؟؟؟؟؟!!!!!

صحيح ..

بس .. ما تنسي في اعضاء ما بأمنوا في شي اسمه دين .. ولا بتواصل على اساس ديني ..

وبعدين شو الانسانية .. الانسانية لكل الناس الي على الكرة الارضية .. بتجمعني فيهم ..

يعني الانسانية ما بتكون بين الفلسطيني واللبناني والسوري وبس .. كمان باقي الشعوب بتجمعهم ..

sezar

23/05/2008, 01:02

:lol:معك 100%:D

اي الكردي عايش بسوريا بس هو بيعتبر حالو منتمي للاكراد (لدولة كردستان المزعومة ) يعني هو بيعتبر حالو مجرد شخص مغترب بسوريا ....
ونفس الشي التركماني ...بيعتبر حالو منتمي لـ " تركمانستان " وهي دولة موجودة والكل بيعرف وبيعتبر حالو كمان مغترب بسورية ....
اما الشركسي يا روحي كيف معتبرهون سوريين وهنن لهلأ ما سمعت انو واحد شركسي تجوز وحدة مو شركسية يعني شامية ...كل الشراكس بيتجوزوا من بعضهن ومعيشين حالهن بدائرة صغير ...كأنهن جالية مغتربة بسورية ....يعني هنن مالهن معتبرين حالهن سوريين .....
اما العربي فهو معتبر حالو عايش بوطن كبير من المحيط للخليج وعتبر حالو منتمي لضيعة صغيرة اسمها سورية ...مع العلم انو مافيه يتنقل بحرية ما باقي الضيع العربية يلي بقلب وطنو العربي ....

هادا رأيي وبس ....:D
خيو مع احترامي في غلط كبير بكلامك ..
لا يحق لأحد التشكيك بوطنية أحد حامل للجواز السوري فهو مواطن سوري التعميم يظلم الكثير

منجي للشركس
خيو عدد كبير متزوج من غير شركس رجال و نساء (هي قابلة للتوثيق ازا بتحب :lol: )
فيك تخبرني عن التزاوج بين قبائل العرب ؟؟ الأردن كمثال!
دليل على عدم انغلاق الشركس " بالنسبة لغير أقليات " انو الشباب الشركسي نسبة كبير منه يجهل لغته الأم* او ضعيف فيها ... *أقول هنا الأم لأنها لغة أجداده

الانتماء للوطن العربي الكبير هي نظرية اكل الدهر عليها و شرب
نظرية حالمة فالجزائري و المغربي اذا تكلم العربية فيتكلمها بصعوية الصومالي يجهل العربية

بالنهاية كل له انتمائه يراه بطريقة معينة
العربية قومية
السريانية قومية
الآشورية قومية
.. الخ الخ

Donald Duck

23/05/2008, 01:03

على انو اساس بدون يكونو بخانة وحدة بالنسبة لسوريا ...!!

ليش .. ما بتعتبره السعودية عدو الكم !!!!

هيك انا بشوف بالمنتدى ..

بعدين ما تنسي العداء الي صاير بين سوريا والسعودية ..

خصوصا الي بتعلق في لبنان ..

sandra

23/05/2008, 01:05

بـحــر

23/05/2008, 01:06

لأ انا ماني معتبرة حدا عدو إلي مافي غير اسرائيل و بغير هيك مابعترف ... ولو كل امة الله بدها تجي تقنعني بغير هالحكي ماني مستعدة اقتنع ...
بدك تقلي أنو الشعب مع الحكومة بتكون غلطان ... نحنا عم نحكي عن الشعوب الي عايشة الناس الي متلي متلهون ... حتى لبنان حتى السعودية قطر مصر البحرين اي بلد
الشعب غير الحكومة ...الحكومة عدوة لكل الي بيعارض مصالحها المادية اما انا وانت و الي متلنا كتار مافينا نكون اعداء ...

صياد الطيور

23/05/2008, 01:07

الزمن ما عم يسمح ألا للتجمعات الكبيرة و الاتحادات و القوى العظمى بالبقاء
أما البقية فهم إلى زوال أو ألا استملاك أو استغلال

شوفو شو عملت دول مجلس التعاون الخليجي ... صارت قوة كبيرة بالمنطقة و طلعت من التوب العربي لتنادي بشكل دائم بالخليج .. سوريا بالوقت الحالي ما ألها غير العرب على الرغم من انو العرب مو معها بس لازم تبقى مع العرب شو ما كانت النتائج سلبية

Donald Duck

23/05/2008, 01:09

yass

23/05/2008, 01:09

برجع ناقش كلامك بعدين عن الانتماء لسوريا أو العروبة .
في شغله صار اكتر من مرّه تحكيها انت .. ما بعرف عم تقيّم أسلوبي عالملأ و إلا شو .. يعني مره داخل تتتمسخر و مره كلامك بأحسن أحوالو مدري شو .. يا أخي من وين لوين لحتى تخوّل نفسك بتقييم آراء و كلام و أفكار الآخرين .. حسبها مزبوط .

بدّي منك المره الجايه اذا بدّك تقيم كلامي و إلا أسلوبي ما تكتبو منشان الناس تقرأوه .. يعني أنا ما بدّي قللك انت غلط او عم تفتري على أسلوبي .. بدي قللك انت ما فيك تقيم الناس و كل شوي تكتب انطباعك عنهن و ببساطه تلطشلك كم كلمه و تاخدها نبراس كل شوي و التانيه تحطها منشان الجمهور يقراها .. في أماكن خاصه لهيك حوارات و انطباعات .. بتمنى كلامي واضح لحضرتك .
على حد علمي انت من دعاة حريه الفكر و الراي و التعبير .. يللي عم تساوي ما بيناسب توجهاتك:D

أوكي بس في عندي كلمتين رد ع هالحكي خليه يكون هامش مشان تتوضّح الصورة... ضروري تتوضح

أنا ما قيّمت لا كلامك و لا اسلوبك.. بهالحالة بالذات فقط و فقط قلت أنو ما بعرف شو علاقة هالحكي بموضوعك و رديت على سؤالينك اجيت رديت علي بعصبية.. ليش هالعصبية ما بعرف..

أنا ما لطشت كم كلمة و لا أخدت شي نبراس.. أنا رديت عليك و اجيت حضرتك رديت بعصبية و عملت كلامي -حركات صميدعية- لما ما حكيت شي غلط... بس حضرتك يبدو يزعجك انو أرد عليك.. و الله هاد الواقع..

أما بخصوص اني أقيّم أو ما أقيّم.. أنا ما بيطلعلي أقيّم حدا.. و أنا ما قيّمتك و لا اقتربت من هالشي... على عكسك يا أخي ... على عكسك.. الكلمة الوحيدة اللي ممكن تعتبرها تقييم هي حكيي على انو حكيك كان مسخرة لما حكيت:

قديش الموضوع بياخد بعد ظريف و صميدعي لما بيكون الحكي عن الإنتماء و هيك اشيا ..
في هيك سؤال بدو بعمل pop up بوش كل متشدّق!يعني ما بعرف كيف ممكن تكتب هالحكي ردا على آراء ناس و بالمقابل تنزعج من ردي...

و ما زلت أفكر انو هالحكي مو بس مسخرة انما استخفافي...و هاد رأي بكلام مكتوب من قبلك بهالموضوع فلذلك عم احكي عن حكي و ما عم احكي عن شخصك اللي ما اعرفو و بالتالي ما بيطلعلي أقيمو..

على كل مابعتقد يهم الناس انو هالموضوع يتحوّل الى سجال حول اسلوبك و اسلوبي ... ما بيناسبني تفكيرك و تعاملك و ما بيناسبك تفكيري و لا طريقتي و خلص... مافي داعي نستمر بالحكي و نطلع عن الموضوع أكتر من هيك

آسف للخروج الهامشي و ياريت نرجع بشكل نهائي للموضوع