|
| س و ج | قائمة الأعضاء | الروزناما | العاب و تسالي | بحبشة و نكوشة | مواضيع اليوم | أشرلي عالشغلات يلي قريانينها |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
11/02/2008
|
#1 | ||||
|
عضو
-- مستشــــــــــار --
|
تقمص شخصية الآخر..ما مصدرهـ وما تداعياته؟!
مرحبا للكل
اودُّ التطرق الى موضوع "تقمص شخصية الآخر" ، التقمص هنا لا يقتصر فقط على تقمص شخصيات المفكرين والعلماء واصحاب العقل والحكمة .. بل يشمل ايضاً تقمص شخصيات قد يكون تواجدها في المجتمع يـُـشكِّل خللاً ما في وسط المجتمع.. مثلاً : تقمص (شخصية ما) في (مسلسل ما ) قام بتأديته ممثل (لا على التعيين) .. تتصف هذه الشخصية بتصرفاتها العنيفة وغير المُحبّذة اجتماعياً كـ قيامها بـ ضرب الآخرين ، اهانتهم ، تجريحم او حتى قتلهم في بعض الحالات .. قد يكون سبب هذا التقليد لذوي هذه الشخصية نتيجة الصورة البطولية التي صُوِّرَتْ في مسلسل او فيلم او برنامج لكن غالباً ما تكون في مسلسلات وافلام... المهم : قبيل مدة من الزمن (ليست بالكثيرة ) .. سمعتُ من احد الاشخاص ان احد الفتيان يقلد " معتز-ابو العز" في مسلسل باب الحارة .. انا حقيقة لم اتابع هذا المسلسل.. نظراً الى ان هذا النمط من المسلسلات لا يستهويني .. لكن استوحيتُ فكرة المسلسل واخذتُ لمحة كافية عنه .. منها ان من صفات الرجال فيه : حفظ الامانة،الدفاع عن الشرف ، حماية العَرض وقول الصدق و و و ... كل هذه الصفات الرجولية حقيقةً .. لم يتقصمها ذلك الفتى بل تقمص جانباً اخر هو تصرف ربما تميّز به معتز وهو ان يحمل عصا والمشي بـ اسلوب "المخترة" او "مش فارقة معي" او " انا فلان " ان صح التعبير.. مُصطحباً مبدأ ضرب الآخرين عند الغضب بدون اعطاء انذار مُسبق.. طبعاً في حال استطاع الضرب.. مع الذِكر انّ هنالك ايضاً تقمص آخر لشخصية اُخرى (وهاي الضمّة كرمال عابد-BL@CK)  المهم ان الشخصية الاُخرى التي اتكلّم عنها هي شخصية مطر في مسلسل ذكريات الزمن القادم الذي قام بتأدية هذا الدور الممثل "جمال سليمان".لا يخفى على احد ان هنالك حالات تقمص كثيرة لشخصيات عدّة تختلف فيما بينها ولكن يلفت نظري ان تقمص الشخصيات المُتّصِفَة بـ العنف والضرب عند الغضب بدون انذار مُسبَق هو اكثر من تقمص الشخصيات المُتّصِفَة بالتريُّث والهدوء الخ... حتى أنّ من نفس الشخصية يأخذون الجانب العنيف ويتركون ما هو حَسن.. ربما لأن الحَسن في هذا الزمن غير مناسب...لا يتلاءم مع هذا الزمن...او كما قلت انه "ربما نتيجة الصورة البطولية المأخوذة من مسلسل ما ".. وبعض حالات من التقمص تمتد الى تقمص الشخصية الخارجية ايضاً ( كـ شكل ) كـ اسلوب كلام.. كـ اسلوب نقاش الخ... عموماً بـ رأيكم : ما اسباب هذا التقمص..ما مصدره ومنبعه؟ وهل هو نابع من عدم اقتناع ذاتي (اي عدم اقتناع المُتقمِّص بما هو عليه ) ام غير ذلك؟ ولمَ غالباً يكون التقمص من الناحية الشكلية والظاهرية او السلبية من حيث التصرفات بدلاً من الايجابية ؟ وهل لهذا التصرف تداعيات؟ ان كان الجواب ايجابياً "نعم" فما هي تلك التداعيات؟! وطوّلت عليكم ما؟ 
دائمًا في امل .
|
||||
|
|
11/02/2008
|
#2 | ||||||
|
عضو
-- زعيـــــــم --
|
حكيك مزبوط
وانا بشوف للتقمص اشياء كتييرة مثلا انو الواحد مش عاجبوا حالو او اللي بيقلد الغير برجوليته وهيك هاد ما بيعتبر رجال اصلا يعني ناقصو هالشي وبده يمكله يقوم يقلد الغير ومو بس الشباب كمان البنات هيك صاروا بيقلدو كل شي بتعمله باقي الفنانات على شو ما بعرف ال حلوة وعاجبني هاد فيها وبدي كون ومتلها ومن هالحكي اللي ما له طعمة وهيك يعني شكلي طولت عليكي تقبلي مروري بما اني هلأ مستعجلة بشوف بعدين يمكن غير راي  يسلمو ماتيا  واول رد إلك كمااان هااا
كنت بالأمس كلمة صامته في خاطر الليالي
فأصبحت أغنية مفرحة على ألسن الأيام وقد تم هذا كله في دقيقة واحدة مؤلفة من نظرة وكلمةو تنهدة وقبلة (الرائع جبران خليل جبران) |
||||||
|
|
|
11/02/2008
|
#3 | ||||||
|
مشرف
|
رح احكي شوي و باختصار !
الانسان بطبعه يحاول يكون مع الحدث بشكل او بآخر ...... يعني بعد سنتين هذول ما رح يقلدوا ابو العز و لا ام العز! رح يقلدوا شخصيات المسلسلات الاحدث! المسئلة تبدي من تعلق الشخص بشخصية معينة (حقيقية أو خيالية) و شوي وشوي يبدي يقلد التصرفات الظاهرية حتى يبين للناس انه يحب هذه الشخصية و يعشقها الى ان تصل مرحلة التقمص ........ طبعا في وجه آخر للتقمص ....... من خلال قصو الشعر و اللبس و حتى التدخين و احد الاسباب ..... هذا الشخص ما يفرق بين الاعجاب و بين التبعية ! و يمكن هذا التقمص هو حنين للطفولة لان الطفل يقلد كل شي يحبو و خصوصا ابطال الكرتون ! اكيد دختوا معي !! و لهذا ........... رح اكتفي بهي الجملة للحديث بقية!
أدعى الناس الى الشفقة ذلك الي يحول أحلامه الى الفضىة و الذهب.. جبران خليل جبران
اذا كان العالم اشتراكيا بالفطرة و رأسماليا بالفطرة و ربما قوميا بالفطرة ... فهل يا ترى كان رجعيا بالفطرة ؟ لن نبق اسرى الماضي ... |
||||||
|
|
|
11/02/2008
|
#4 | |||||
|
عضو
-- مستشــــــــــار --
|
اقتباس:
هلأ لقلك شي انو انا طرحت اسئلة لكن ما جيوبت عليها... يعني اجابتي على احدى الاسئلة انو مش دايماً الانسان بيكون عم يقلّد لعدم اقتناع بنفسو او لانو مش معيجبو حالو..انو برايي احيان ممكن يقلد لا ارادياً يعني يتأثر بتصرفات شخص ما ، فـ بيقلده واحيان التقليد بيكون نقطة انتقال لمستوى اعلى و احلى ولمكانة احلى بمجتمعو.. يعني التقليد ببعض حالات ما بيكون سئ واهلا |
|||||
|
|
|
11/02/2008
|
#5 | ||||||
|
عضو
-- قبضاي --
|
تقمص الشخصية تأتي من الشخصية ذاتها
يعني مثال انا شخصيتي 50% سخرية30% جدية 20% هي مساحة تقمصي للشخصيات وشفت شخصية جدية كتير وأنا كنت بمود الطبيعي ألي كتبت النسب فوق مو معقول تأثر فيني هالشخصية وتعدلي تركيبتي النفسية إلا إذا كنت وقعت بمشكلة كبيرة جدا عدلت لي مسيرة حياتي مثل : أعاقة مثلا أو موت شخص عزيز علي هي الأمور خلينا نستثنيها منرجع للوضع الطبيعي لتركيبة الشخص هلق ألي متوقعه أني وقت طلع مسلسل باب الحارة زادة نسبة المشاكل بالبيوت كتير ورجعت البيوت إلى رتمها الطبيعي والله أعلم أما أذا كان سؤالك عن تقمص الشخصية لألشخص عند البلوغ فهذا حديث تاني تقبلي تحياتي 
(إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالآَخِرَةِ وَاللهُ يَعْلَمُ وَأَنْتُمْ لاَ تَعْلَمُونَ) [النور:19]
|
||||||
|
|
|
12/02/2008
|
#6 | ||||||
|
عضو
-- مستشــــــــــار --
|
suryoyo
صحيح كلامك بس قصة انو المتقمص بيكون شخص ما بيفرق بين الاعجاب والتبعية.. انو برايي ممكن الشخص يـُـعجب بـ شخص آخر ويصير يقلده لكن هذا لا يعني شمولية او تبعية بتضرو.. احيان التقمص متل ما سبق وحكيت بيكون لصالح الشخص..يعني انت هلأ ممكن تقلد اسلوب نقاش انسان عاقل..ممكن تقلدو باسلوبو بالنقاش..اسلوبو مميز ومقنع وصحيح..هون انت اتبعت اسلوبو وخليت منّو اسلوبك وهيدا منيح الك وبيفيدك وعم ينقلك لمستوى اعلى بالمجال اللي انت تقمصت فيو شي من هالشخص.. اقتباس:
اقتباس:
|
||||||
|
|
|
12/02/2008
|
#7 | ||||||
|
عضو
-- زعيـــــــم --
  |
الموضوع صعب بتوقع كتير صعب انو لحنا بمعرفتنا السطحية بعلم النفس نقدر نحلل ..
بس انا بكم دورة عاملهن وبكم كتاب قاريهن بقدر احكي .. اولا المجتمع الرجل الشرقي بشكل عام بعد هذا الإنفتاح العظيم اللي صار اخر فترة بلشت شخصيته تميل إكتر إلى الهدوء وما يمكن ان نعبر عنه بحذر شديد بكلمة انوثة ... ! بينما نساء الشرق بنسبة كبيرة اذا تغاضينا عن الحذر شوي .. بنقول نساء الشرق لسى كتير منهن بيحبوا هيدي الشخصية المتهورة التي كانت تسمى بمفهوم ممسوخ عن الرجولة " رجلا بمعنى الكلمة" . لهيك تقمص شخصيات " بطولية " بينتج من شعور الرجل الشرقي إنو ما عادت " رجوليته " متل ما كانت رجولية الجيل اللي قبله .. ومن احساس الفتاة برغبتها الشديدة بإيجاد رجل حسب التعريف السابق لإنه يملأ الكثير مما تعانيه المرأة العربية من ضغوطات اصبحت معها المازوخية بالنسبة للمرأة اكثر من مجرد مصطلح جنسي بل اصبحت نظام حياة كامل .. هذه ارائي تحياتي الحارة ظل جيفارا
فإقتلوني ..وأحرقوني ..بعظامي الفانيات ..ثم مروا برفاتي ..في القبور الدارسات
....................................................إلى روح الحلاج شهيد الحرية "تمركز رأس المال هو المشكلة ولا حل إلا الإشتراكية ." |
||||||
|
|
|
12/02/2008
|
#9 | |||||
|
عضو
-- مستشــــــــــار --
|
اقتباس:
انو حقيقة بنحني لـ دِقّتك وعمقك بالرد...وتميّزك وتفرّدك بهيك اسلوب مميز اللي بينم عن عقلانيتك بوافقك الراي وبهنيك على هالقدرة اللي عندك لاستيعاب الامور بشكل كتير واعي وعميق ودقيق اهلا فيك صديقي وعنجد نورت الموضوع |
|||||
|
|
|
12/02/2008
|
#10 | ||||||
|
عضو
-- قبضاي --
|
بتعرفي ماتيا
ذكرتيني بجمله كتير احنا بمجتمعنا بنستخدمها وهي ... مسكين عايش الدور يعني بنحكيها للانسان الي متقمص شخصيه مو لاله وعم يحاول بشتى الطرق يطبقها على حاله ان كان شكليا او نفسيا بس برئي من الاسباب هو اكيد الاعجاب الشديد بصحاب الشخصية الاصليه والي منه انطلق فكرت تقمصه لاله او يمكن بشوف فيه اشياء مو موجوده بشخصيته وبيكون يتمنى لو انه متله فبروح يعمل متله بس بالنهاية بكون خسر شخصيته الذاتيه الي كونها لنفسه و خسر شخصيه تقمصها لانها مو راكبه عليه ومشكورة يا قمر على الموضوع
انا بتعلم منك علم البي كمان كيف ابعد عنك و أقدر على النسيان
::::::::::::::::.............. عصابة ما تعمم- شو مشان .............. :::::::::::::::: |
||||||
|
|
|
12/02/2008
|
#11 | |||||||
|
مشرف
|
اقتباس:
التأثر بشخصية معينة شي حلو و ممكن يطور شخصية الفرد يعني ممكن كثير منا متأثرين بشخصيات مو الا تكون معروفة (لاعب مشهور او ممثل معروف ... الخ) ممكن يكون متأثر بشخصية الجد او الخالة او حتى الجار ! و هذا الشي حلو ...... لان رح يقوي الشخصية و يخليه يتفاعل مع المجتمع بشكل احلى لكن من يتحول الامر الى تقليد بادق التفاصيل او التركيز على طريقة الكلام و طريقة المشي او حتى يقلده بنوعية الكتب او البرنامج التلفزيونية ........ يتحول الى تقمص برأيي اذا الشخص حاول يتقمص شخصية احد الاهل او الاجداد ...... رح تضعف شخصيته لكن اذا تأثر بالشكل الصحيح .... و قدر ياخذ بعض الافكار و التصرفات و يقولبها ضمن كيانه الشخصي ..... رح تتقوى شخصية الفرد و يكون عضو فعال اكثر بالمجتمع انا جبت مثال الاب او الجد ...... حتى احكي عن نقطة مهمة ...... تقليد الاهل ما لازم يخلي الابن يتصرف اكبر من عمره ... يعني يحاول التصرف مثل الشياب و هو عمره 18سنة ......... حرااااااااااام! يسلموا على موضوعك الاجتماعي الحلو  |
|||||||
|
|
|
12/02/2008
|
#12 | |||||||
|
عضو
-- قبضاي --
|
اقتباس:
بس في شي أسمه تقمص وفي شي أسمه أعجاب بس شو هو الضغط الي بيصير للأنسان ليتحول من معجب إلى متمص ؟؟ هنا السؤال |
|||||||
|
|
|
14/02/2008
|
#13 | |||||||
|
عضو
-- مستشــــــــــار --
|
اقتباس:
اقتباس:
بس متل ما انت قلت انو التقليد بحذافيرو بيصير نسخة للشخصية الاصلية.. يعني ما بيعود هالمـُـتقمـِّـص عندو استقلالية شخصية..وهيدا مش منيح الو ..يعني متفقين.. ومية اهلين.. اقتباس:
بس انو المشكلة يصير في هوس لحتى يتقمص الشخصية بحذافيرها حتى بالشكل الخارجي وهالشي بيضرو مية اهلين.. |
|||||||
|
|
|
14/02/2008
|
#14 | |||||||
|
عضو
-- قبضاي --
|
اقتباس:
بعطيكي مثال فرضا فرضا قلنا ابوي ضغط علي وضل يضغط علي قمت انحطيت بين خيارين أما أني أقنعه بنظريتي أو يقنعني طيب بيجوز يقنعني أني أكون فوتو كوبي منه فرضا وأنا أقتنعت من ضغطه علي ومن رتم الحياة ألي عيشني ياها بكون تقمصت شخصيته وحطت قناع بنفس قناعه هذا المثال عن الأب ونفس الشي بتلاقي أمهات فرضا ربو أبنائهم فرضا تربية أنثوية يعني صارت ميوله الشب أنثوية وطلع سقط بأخر العمر بيكون من الضغط فأنا من تحليلي لهالموضوع بتبقى التلبس أو التقمص بالشخصية إما أن يكون نفسية الشخص أهتزازية أي كل يوم بشخصية .....أو أكل شي صدمة ضغطية من شي كتاب أو محيط معين بتلاقي صار اللمبي ..... أو شخص معجب بالكرتيرات بحالة معينة بس بيرجع لحالته الطبيعية وهي وردة |
|||||||
|
|
|
15/02/2008
|
#15 | ||||||
|
عضو
-- قبضاي --
 |
سلامات
ليكي ماتيا احيانا الواحد بحب شخصيه ما و بحب يقلدا و احيانا بكون التقليد غير ارادي يعني انا مره شفت برنامج عن هل الشي هاد جابو شخص كتير لبق بلكلام و حباب و جابو وحده بنت قعدوا مقابيلو هي البنت اول مره بتشوفو يعني ما في معرفه شخصيه او اي شي بس حكي معها و هيك كان حباب كتير و هنه عم يصورو القعده كلها و كانو طالبين بس تدخل معها بلحيث حك دانك مثلا و فعلا البنت بحركه غير اراديه حكت دانا متلو طيب اذا انا اتأثرت بشخص ما على الاغلب انو يكون تأثري شي كام يوم بس اذا طالت اكتر من هل الكام يوم هيك صار طبع و في عندك عامل مهم بحطم هل الشغلات غالبا مثلا انا اتأثرت برونالدو ..اي ما راح اعرف شوط الطابه بلأول فبظن ما بتطول كتير هل العاده |
||||||
|
|
|
15/02/2008
|
#16 | |||||||
|
عضو
-- زعيـــــــم --
|
اقتباس:
تحياتي الكاملة لذوقك بعدين انتي ما عندك مشكلة فيكي تقولي إسم اي شي بدك اياه انا من جهتي بقول سعدو بحديثي معك انتي غير ملزمة بأنك تقولي شي .. تحياتي الحارة ظل جيفارا |
|||||||
|
|
|
15/02/2008
|
#17 | |||||
|
عضو
-- مستشــــــــــار --
|
اقتباس:
 بس بما انّو عم نحكي عن التقمّص والتقليد و و و... قلّدتك .. وها وانا ماني عم احكيها من منطلق اني بدّي احكي حسب تفكيرك انت يا عميمة قصدي يا صديقي ...يعني انّو ماني من النوع اللي للمسلم بيحلف باللي بيؤمن فيه وللمسيحي بيحلف باللي بيؤمن فيه وللي متلك بيحلف باللي بيؤمن فيه..هادا اكيد مش من طبعي ولا تصرفي..انا بحلف باللي بدّي ياه وايمتى ما بدّي وحسب رغبتي ... بس اللي صار بواقع الامر هو مجرد تقليد لحكيك لانّو قلتلك انّي ما بعرف ليش بحس بدّي اضحك لمّا انت تقول "سعدو" واهلين  ولي عودة للتعقيب على البقية |
|||||
|
|
|
15/02/2008
|
#18 | |||||||
|
عضو
-- زعيـــــــم --
|
اقتباس:
طبعا بيحقلك تعلقي بالطريقة التي تريها مناسبة عميمة احلفي بالرب بالعامود بالليمون الحامض في يافا انا ما خصني المهم سمايلي معصب ما شوف وبرجع بقلك سعدو يرحم هلأ صار سعدو يضحك ..... يا ويلك من عذابه . تحياتي الحارة ظل جيفارا |
|||||||
|
|
|
|
«
الموضوع السابق
|
الموضوع التالي
»
| أدوات الموضوع | |
|
|
الساعة بإيدك هلق يا سيدي 15:20 (بحسب عمك غرينتش الكبير +3)