مخيرون أم مسيرون؟ ..

[Nirvana]

نحن مسيرون ولسنا مخيرون .. أليس كذلك؟

إلى أي مدى نستطيع أن نختار لأنفسنا؟
إلى أي مدى قرارنا ينبع من تفكيرنا ورغباتنا؟
إلى أي مدى نخضع لمن يتدخل في حياتنا؟ وما أكثرهم ..

الأهل
المدرسة
الجامعة
المجتمع
المعتقدات

كيف نستطيع أن نساير كل ما سبق ونفعل ما نريد؟

أين إرادتنا من كل هذا؟

نحن شباب في مقتبل العمر ورغباتنا كثيرة الدراسية منها والعاطفية والمادية والعملية ..


مسقبلنا وطموحنا إلى أين؟



هل هذا موضوع يستحق الحوار والنقاش والمتابعة؟

[yass]

سؤال فلسفي جميل!!! على رأي جان بول سارتر نحن أحرار, لكن أعتقد أن هذا كلام طوباوي... نحن مسيّرون بل و مسيّرون جدا و خصوصا في محتمعنا حيث الثقل الاجتماعي طاغ و مهلك جدا على عكس دول و مجتمعات أخرى

[بنفسجة]

انا مخيرة في ان اكون مسيرة برضايي او غصب عني

يعني الموضوع جدا معقد لكن اعتقد انو في غالبية الامور انا مسيرة فانا لا اختار اهلي ولا مدرستي ولا محيطي
لكن بالمقابل انا مخيرة بمجال عملي وانتقاء اصدقائي وكمان انتقاء شريك حياتي

[Nirvana]

كاتب النص الأصلي : yass

سؤال فلسفي جميل!!! على رأي جان بول سارتر نحن أحرار, لكن أعتقد أن هذا كلام طوباوي... نحن مسيّرون بل و مسيّرون جدا و خصوصا في محتمعنا حيث الثقل الاجتماعي طاغ و مهلك جدا على عكس دول و مجتمعات أخرى

شكرا ..
يمكن يبعدنا عن أجواء الحرب الاهلية .. تبع أخوية!!


بالضبط .. والانسان بهالدول والمجتمعات كان بمرحلة من المراحل متلنا هيك مسير وجداً .. لكن مع الوقت ومع حركات تحررية على عدة مستويات قدر ينتقل من هالأسر الاجتماعي ليحقق استقلاليتو ...

ليش نحنا لأ .. ؟ هل ممكن نتحرر ونحقق استقاليتنا في المستقبل القريب .. أو ربما البعيد؟ وماذا يجب ان نفعل حتى نحقق هالشي ؟

طبعا السؤال للجميع كمان ..

[Reemi]

مسيرين وبشده كمان .... دائما كنت قول ورح ضل قول "مو كل شي بدنا ايه فينا نعملو" يا ترى ليش .. لانو لما بدي اعمل شي اي شي بدي راعي اي حدى كل حدى ...!

[Nirvana]

كاتب النص الأصلي : بنفسجة

انا مخيرة في ان اكون مسيرة برضايي او غصب عني

يعني الموضوع جدا معقد لكن اعتقد انو في غالبية الامور انا مسيرة فانا لا اختار اهلي ولا مدرستي ولا محيطي
لكن بالمقابل انا مخيرة بمجال عملي وانتقاء اصدقائي وكمان انتقاء شريك حياتي

مجال العمل ممكن .. بس ضمن الظروف الصعبة في البلد والبطالة وما الى ذلك .. ممكن يضطر الواحد فينا ليشتغل شي ما بلبي رغبتو أو طموحو ..
انتقاء الاصدقاء ممكن .. بس وعن تجربة بحكي أحيانا قد لا تجدي أصدقاء ضمن المعايير المطلوبة لتصادقيهم .. فيضطر الواحد ينزّل من معاييرو شوي ليحصل على الصداقة ..

انتقاء شريك حياتك .. يمكن هالشي بتفق معك فيو .. ممكن أنا وانتي يكون عنا حرية بهالمجال..

بس ملاحظة على هالشي: مو كل الناس بتتمتع بالحرية بهذا الخصوص .. بل كتير من الناس بتزوجو رغما عنهم بفرض من أهلهم أو ظروف اجتماعية أو مادية .. الخ ..
طبعا هاد غير فكرة انو البنت لازم تتزوج حتى لو ما بدها ..

[Nirvana]

كاتب النص الأصلي : Reemi

مسيرين وبشده كمان .... دائما كنت قول ورح ضل قول "مو كل شي بدنا ايه فينا نعملو" يا ترى ليش .. لانو لما بدي اعمل شي اي شي بدي راعي اي حدى كل حدى ...!

تقريبا عم بكون كل شي بحياتنا هيك .. !

[black_iris]

بعتقد ببساطه إنا مخيرين بالامور يلي الخيار فيها لا بقدم ولا بأخر .. كلو متل بعضو
بس الامور المهمه والمصيريه ما بكون إلنا فيها أي خيار وبنكون مسيرين من قبل مجتمعنا أو عاداتنا

بس بشكل العام فعلا الموضوع معقد .. لأنو في أحيان بنتخذ قرار معين ومعتقدين إنو هاد خيارنا .. بس بالحقيقه بنكون متأثرين بأمور خارجيه متل يلي ذكرتيها من أهل ومجتمع وعادات ..
يمكن حتى خياراتنا مسيرين فيها ..
فشو أبسط الخيارت يلي ممكن نتخذها .. شو نلبس مثلا .. حسب ما بتتوقع الناس منا نلبس . . مو متل ما بدنا نلبس

على الهامش : فوتيني بالحيط

[بنفسجة]

كاتب النص الأصلي : Nirvana

مجال العمل ممكن .. بس ضمن الظروف الصعبة في البلد والبطالة وما الى ذلك .. ممكن يضطر الواحد فينا ليشتغل شي ما بلبي رغبتو أو طموحو ..
انتقاء الاصدقاء ممكن .. بس وعن تجربة بحكي أحيانا قد لا تجدي أصدقاء ضمن المعايير المطلوبة لتصادقيهم .. فيضطر الواحد ينزّل من معاييرو شوي ليحصل على الصداقة ..

انتقاء شريك حياتك .. يمكن هالشي بتفق معك فيو .. ممكن أنا وانتي يكون عنا حرية بهالمجال..

بس ملاحظة على هالشي: مو كل الناس بتتمتع بالحرية بهذا الخصوص .. بل كتير من الناس بتزوجو رغما عنهم بفرض من أهلهم أو ظروف اجتماعية أو مادية .. الخ ..
طبعا هاد غير فكرة انو البنت لازم تتزوج حتى لو ما بدها ..

معك انا صحيح كلامك مية مية
لكن بالنسبة لي قد اتنازل واعمل عمل لايرضي طموحي لكن هذا ايضا اختياري
الموضوع الذي لا اتساهل به ابدا الاصدقاء
الزواج معك كامل الحق لكن بالنهاية اتكلم عن نفسي واذا بدنا نجي عالمجتمع وشو عم يصير مشكلة

[Nirvana]

كاتب النص الأصلي : black_iris

بعتقد ببساطه إنا مخيرين بالامور يلي الخيار فيها لا بقدم ولا بأخر .. كلو متل بعضو
بس الامور المهمه والمصيريه ما بكون إلنا فيها أي خيار وبنكون مسيرين من قبل مجتمعنا أو عاداتنا

بس بشكل العام فعلا الموضوع معقد .. لأنو في أحيان بنتخذ قرار معين ومعتقدين إنو هاد خيارنا .. بس بالحقيقه بنكون متأثرين بأمور خارجيه متل يلي ذكرتيها من أهل ومجتمع وعادات ..
يمكن حتى خياراتنا مسيرين فيها ..
فشو أبسط الخيارت يلي ممكن نتخذها .. شو نلبس مثلا .. حسب ما بتتوقع الناس منا نلبس . . مو متل ما بدنا نلبس

على الهامش : فوتيني بالحيط

هالجملة اللي بالأحمر ضحكتني كتير .. شر البلية ما يضحك .. فعلا كتر خيرهم تركولنا شي نختارو ..

والحلو بالموضوع أنو ابسط المواضيع متل شو بدي البس، بدي اطلع غير جو .. بدي احكي متل ما بدي .. حتى هاي مضطرين انو نساير فيها وما نكون متل ما بدنا عطبيعتنا ..

يعني حتى الحرية الشخصية ما عم نقدر نحصل عليها ... !!

عالهامش: كلنا فايتين بالحيط ..

[Nirvana]

كاتب النص الأصلي : بنفسجة

معك انا صحيح كلامك مية مية
لكن بالنسبة لي قد اتنازل واعمل عمل لايرضي طموحي لكن هذا ايضا اختياري
الموضوع الذي لا اتساهل به ابدا الاصدقاء
الزواج معك كامل الحق لكن بالنهاية اتكلم عن نفسي واذا بدنا نجي عالمجتمع وشو عم يصير مشكلة

حلو كتير .. احيانا قد يكون التنازل ضروري .. بس ما بظن انو خيار .. بظن أنو نوع من القناعة .. انو اقنع بيلي قادرة احصل عليه ..
احيانا هالقناعة ضرورية واحيانا بتخلي الواحد يوقف محلو وما يقدر يتقدم ...

وانا كمان بأيدك .. بالنسبة للاصدقاء في امور ابدا ما لازم الواحد بتنازل فيها .. خصوصا اذا بدك تحصلي على صداقة حقيقية ..

أما الزواج .. فانا حبيت بس وضح هالشي كنوع من المشاكل والخيارات الصعبة اللي ممكن تواجه أي شخص .. يعني لدعم الموضوع ..

[Abu Guzef]

الي رجعة

شنو لانو بدي قوم اتحمم واتعشى واللذي منو لزوم الشيء

هامش*
نيرفانا ما رح تقتنعي بس انا بقلك يلي عندي بس ارجع

[ASH]

امممممممممممممم

مخيرون : مخيرون وفي اختيار مستقبلنا اي الطريق الاصل لمستقبلنا
مخيرون في الدين اي الاديان اصلح لنا
مخيرون في حياتنا و مبدانا و معتقدتنا

ولكنا
مسيرون : حال اختيرنا لاي طريق لبناء المستقبل نصبح مسيرون في هذا الطريق
مسيرون : حال اختيرنا للدين بان نكمل به للنهايه
مسيرون في المعتقدات و المجتمع و كل هذا ، حال اختيرنا لما يناسبنا ...

النهايه بالنسبه ليش

نحن مخيرون اولا
و مسيرون ثانيا

[phoenixbird]

نحنا مسيرون ومسيرون ثم مسيرون

ولدت ما الي حق اختار اسمي ولا ديني ومن الصغر بيقلولي اعمل هيك ما تعمل هيك

كل شي بيقولي عليه مش على كيفك

بحكم الاهل الرفقة المجتمع الدين العادات وكل شي

يسلموا نيرفانا

[KILLER011]

نحن مسيرون ولسنا مخيرون .. أليس كذلك؟

نحن مخيرون في أمور ومسيرون في أمور أخرى .....

إلى أي مدى نستطيع أن نختار لأنفسنا؟

هناك امور تسمى مسلمات ( يعني بديهيات يجيب التسليم بها ) لايمكننا اختيارنا لأنفسنا
مثل الأب الأم الجنسية ... وهناك أمور نستطيع تغيرها مع أنها كانت قبل ان نولد كالدين وغيره من المعتقدات

إلى أي مدى قرارنا ينبع من تفكيرنا ورغباتنا؟

يعتمد ذلك على عدة عوامل ... وقوى ... 1 الارادة وقوة الادراك والتفكير 2 العامل المادي الذي يتم من خلاله تحقيق العديد من الرغبات 3 وعامل التفاؤل ومحبة للحياة وكيفية التعامل معها

إلى أي مدى نخضع لمن يتدخل في حياتنا؟ وما أكثرهم ..

الأهل: لا يسمى خضوعا بل يسمى ارضاء لهم ... لأن إرضائهم سبب لرضى الله وسبب في العيش بسعادة في الدنيا والآخرة

المدرسة: هي اللبنة الاساسية في تطوير الانسان علميا وعقليا وفكريا وفنيا وادبيا من بعد الاهل ... فهي التي تطور مواهبنا ... فكيف نخضع لشئ يكون فيه فائدة لنا (انه التزام)

الجامعة:... مرحلة تكملية للمدرسة لا تعتبر خضوع ... بالعكس فهي اختيار وكل الاختيار فيها

المجتمع:قد نخضع للمجتمع ونرضخ له ... ان كنا نحتاج لذلك المجتمع ... لكن أن أمكن أن نختار مجتمعا آخر يتناغم مع لحن حياتنا ... فلا بئس في ذلك
وهو أمر يسهل تغيره بقليل من الارادة مع التخلي عن امور قد تكون بسيطة
المعتقدات

كيف نستطيع أن نساير كل ما سبق ونفعل ما نريد؟

تم التفصيل .... فيما سبق

أين إرادتنا من كل هذا؟

إرادتنا محكومة بدوافع وعوامل يجب عدم تعديها ...

نحن شباب في مقتبل العمر ورغباتنا كثيرة الدراسية منها والعاطفية والمادية والعملية ..


مستقبلنا وطموحنا إلى أين؟

إلى ... مكان عالي للذي اجتهد وتعب وكد ... أو إلى مكان دنيي للذي أصر على أن يتقوقع في مكانه ... ولكل مجتهد نصيب ... فقد توكل على الله وأعمل قدر استطاعتك

هل هذا موضوع يستحق الحوار والنقاش والمتابعة؟

ماذا تعتقدين بعد كل هذا الكلام والرد الذي ناقشته وتابعته معك

[COSTA]

مرحبا ...
اشتقنا لهيك مواضيع .....
الشغلة مانها نسبية .....
الشغلة شغلة ارادة ......
كتير من الناس رفضوا يكونوا مسيرين وحتى انو صنعوا المعجزات ودخلوا التاريخ لانو رفضوا التسيير كلو واختاروا حريتون ......
وحتى دفعوا ثمن غالي كتير ومنها حياتون ورفضوا التسيير من قبل الاخرين لانو كان عندون ايمان كبير بالحرية وطبعا انطلقوا من ذاتون .....
هلأ في بعض الامور انطرحت بالموضوع متل وجودنا واهلنا وديننا ......الخ ...
هي لسنا مسييرن فيها او مخيرن .....لانو هي واقع حياة ووجود ..... يعني اجباري الانسان بدو يخلق من اب وام .....( الا من جديد صار في استنساخ )وكمان اذا ما خلق بالصين بدو يخلق بموزابيق او بالقطب الجنوبي او بافغانستان .......
بالنهاية مافي نسبية بهي الامور بالذات لانو الارادة هي يللي بتخلق حرية الاختيار بين المسير او المخير ...
وفي ناس بتقول المجتمع .... وناس بتقول الاهل .... وناس بتقول الظروف ..... وناس وناس ... وما بيخلص الحكي....
برجع بكرر انو الارادة عند الانسان ...... وقت يتمرد على حبس حريتو..... بخلق الاختيار ......
ويللي بيتراجع عن ابسط مطلب من حقوقو.......... بصير مخير .......

[phoenixbird]

خليني ادمج حكيك مع اللي انقال فوق

كل انسان ولد مسير ولكن قادر على ان يكون مخير لان الناجح هو من يصنع الظروف وليست الظروف من تصنعه
والكلام لا استثني منه ولا ظرف

[abosleman]

يعني بالنتيجة احنا مسيرين باختيارنا
حتى لو اخترنا الحرية والتحرر
رح تكون الحرية من يسيرنا
وبرغم هالشي كمان مارح نتحرر
نحن شعب محكوم بعواطفه