عطونا/3/ إيجابيات و /3/ سلبيات خلال حكم بشار الأسد

[fady juventus]

بمناسبة الإستفتاء المحسومة نتيجته لصالح الرئيس بشار الأسد ...
شو رأيكون نتشاور بالإنجازات و الإخفاقات التي شهدها حكم بشار الأسد خلال سبع سنوات ؟
أنا بقترح كل شخص يحطلنا 3 إيجابيات و 3 سلبيات
فيك تحط سليبات فقط أو إيجابيات فقط
فيك تزود أو تنقص عن 3
بس المهم نكون موضوعيين و نوصل لمستوى حواري راقي بعيد عن الشتائم و اللامنطقية
انشالله تعجبكن الفكرة

[fady juventus]

رح إبدا بملاحظاتي...
الإيجابيات:
1- إمكانية أكبر للتعبير عن الرأي بعد ماكان من المحرمات.
2- تحسن بالحالة المعيشية تدل عليها زيادات نتتالية في دخل الفرد و إنتعاش إقتصادي وعمراني جيد.
3- المحافظة على السياسة الخارجية المميزة و الموقع المميز لسوريا عالمياً وخاصة بعد زلزال الحريري الذي تلاه هزيمة لإسرائيل على يد حزب الله .

السلبيات :
1- بطء في العديد من نواحي الإصلاح و خاصة محاربة الفساد.
2- استمرار فروع الأمن بكل أشكالها بالتسلط و مصادرة راحة و حرية المواطن المسكين.
3- وجود إعلام غبي و متخلف و قمة في الإنحطاط و السخف ...في عصر أصبح دور الإعلام فيه أساسي وعلى درجة عالية من الأهمية.

هي عموميات أو خطوط عريضة و بالنتيجة أنا مع بشار الأسد لأنو الوحيد والأفضل عالساحة بدون شك.

[MadMax]

أنا برأيي خلينا على هالايجابيات و السلبيات يللي حطيتها انت ...و نناقشها بكون أفضل

[fady juventus]

يعني خلص
ما بقى في غير هدول
نشفت البحر يا madmax

[brave heart2]

ايجابيات

؟؟؟؟؟؟؟؟؟؟؟؟؟!!!!!!!!!!!!!!!!!

سلبيات
1
2
3
4
5
6
7
8
9
الخ ..

[Darck Jack]

اوعة تجيك شي رصاصة من الشباك

[علاء.]

كاتب النص الأصلي : Darck Jack

اوعة تجيك شي رصاصة من الشباك

مو لهل الدرجة ليش خايف عبر




في ايجابيات بس طموحنا أكبر كشعب

[Government]

ياسيدي تعا لقلك ..


الاجابيات

1- صار في موبايلات وشركات للموبايل

2_ صار في انترنت متوفر للكل يعني بالعربي (الشغلات التقنية اللي ماكنا نحلم فيا من قبل متل الكمبيوتر والموبايل اللي كنا نفكرن حلم هلأ صارو متوفؤرين بكل بيت ولكل شخص وهي نقطة منيحة )

3_ وكمان هالنقطة انذكرت بس هي واضحة كتير وبتستحق انو نعيدا وهي الارتفاع بمستوى دخل الفرد ونحسن احوال هالبشر يعني الموظف اللي كان راتيو 4 5 تالاف هلأ صار شي 12 13 الف ( الله يباركلو فين )



والسلبيات ..

اولا انو صارت ماتلاقي عيلة بالبلد الا شي 4 5 من ولادا برات البلد ?
ليش هيك الله واعلم

[الأندلسي]

حابب أحكي عن وحدة من السلبيات اللي ذكرتها صاحبي العزيز... الخاص بالإعلام...

بالنسبة لإلي ممكن أعتبرها أهم نقطة لازم نحكي فيها.. وهي نقطة (من المنتدى وإليها) مهوي وسيلة إعلان.. كمان، وكل ما كان الإعلام حاضر باي مكان من هذا الوطن (أو أي وطن) بنفس القوة المطلوب منه أن يعبر عن آراء واهتمامات ومصالح الناس... ستجد الناس يتجهون باندفاع نحوه...

وهي وسيلة مكشوفة سوف تنقل الصورة كما هي وعلى حقيقتها بدون تعرية أو إضافات لمعرفة بدايات ونهايات المشاكل التي تواجه المواطن ... الذي يقوم بدوره بتقوية صلته بالإعلام بمختلف الطرق ... ليصبح الإعلام صاحب ثقة ووثوقية ... أمام الجميع؟! دون استثناء..
ما نراه من إعلامنا وصحافتنا في وقتنا الحاضر يتطلب منا قدرة أكبر لاستيعابهم... بعكس الصورة بدل أن يستوعبنا..؟!


وللحديث تتمة...

[abosleman]

وانا كمان رائيي من رأي مادماكس
انو خلينا اناقش هدول الشغلات لانو يمكن ماصار غيرن
رغم انو في تناقض بالموضوع بالنسبة للحرية وخاصة بالنسبة للاعلام
وبالنسبة كمان لارتفاع الدخل الله يزيد ويبارك
بس اذا هالشي بدو يترافق بزيادة بالاسعار اي لاء خلينا متل ماكنا
خليني احكيلك شغلة بصراحه اكتر
كل ايجابية سجلت سجل مقابيلا سلبية ناتجة عن الايجابية نفسها

[مسطول على طول]

الأعلام : الاعلام الحر وينو . لبنان لصغير متفوق علينا ليش يا سيادة الرئيس ؟ دوله قويه بحاجه لأعلام قوي .

حقوق الأنسان : حسب منظمة العفو الدوليه ومنظمات أخرى كل عام في 6 الاف معتقل من سجناء الرأي . أغلبهم عذبو . والأغلبيه الساحقه من الأحكام لم تكن قاسيه والحمدلله .

القضاء : لساتو بهوي

أما عن الأيجابيات

الجنوح نحو الخصخصه

ارتفاع دخل الفرد لـــ 145 دولار بالشهر

الأمن والاستقرار التي تنعم بها البلد

=========================

نشالله العهد القادم بيكون في أزدهار اكبر وفي رفع للرواتب واصلاحات بمجال التشريع لانو في عنا قوانين من أيام عصملي ولفرنساوي وننشد أصلاح حقيقي في مجال الحريات والقضاء وحقوق الأنسان

وكل عام وسوريا بألف خير .. ويا خوفي من محكمه الدوليه

[MadMax]

بحب ضيف شغة
أنو بهالسبع سنين الماضية مرت سوريا بظروف (كلكون بتعرفوها )
كانت لفترة كبيرة منها عم تواجه العالم كلو ( بما فيها الدول العربية )
و رغم هيك .... صارت هالأيجابيات يللي عم تحكوا عنها
و بدي ضيف ايجابية كمان
أنو رغم كل شي ... ما انكسرنا ولا وطينا راسنا
بالعكس ..... كلنا عم نفتخر بانتماءنا لسوريا
*
*
ما بظنها شغلة قليلة بالنسبة لدولة بحجم سوريا

[blade]

أنو بهالسبع سنين الماضية مرت سوريا بظروف (كلكون بتعرفوها )

عم تقول سبع سنين مو سبع اسابيعاو سبع شهور

كانت لفترة كبيرة منها عم تواجه العالم كلو ( بما فيها الدول العربية )

لانه مابقي بالميدان غير حميدان

و رغم هيك .... صارت هالأيجابيات يللي عم تحكوا عنها

اقصدك ايجابيات ذات مضمون سلبي

و بدي ضيف ايجابية كمان
أنو رغم كل شي ... ما انكسرنا ولا وطينا راسنا
بالعكس .....

دخيل ربك شو راسنا عالى اللهم غير بالاغاني الوطنية
لو كلامك مظبوط ماكان فيه سوريين اكتر من سكان سوريا مهاجرين
دخيلك فيك تعدد اسباب الهجرة

كلنا عم نفتخر بانتماءنا لسوريا

لا تعليق

[MadMax]

كاتب النص الأصلي : blade

دخيل ربك شو راسنا عالى اللهم غير بالاغاني الوطنية
لو كلامك مظبوط ماكان فيه سوريين اكتر من سكان سوريا مهاجرين
دخيلك فيك تعدد اسباب الهجرة

مبارح كان حقدك عالفنانات ....و اليوم حقدك عالوطن
بنصحك تراجع طبيب نفسي .... بتختصر كتير وقت عم تضيعو حاليا

[blade]

مبارح كان حقدك عالفنانات ....و اليوم حقدك عالوطن

صحح معلوماتك

[•• LEO ••]

[MadMax]

كاتب النص الأصلي : نـــســـيـــم

بعد ناقصنا ...
تفاهات أبو محجوب

[fady juventus]

يعني هالمسيرات "العفوية" المنظمة كل يوم بمحافظة مع دمج المحافظات الصغيرة عأبو مسيرتين بيوم واحد,و حرمان الموظفين المدنيين و العسكريين من الإجازات و حشد الجميع في أماكن عملهم مع إرغامهم على المشاركة بالدبكة و النطوطة تحت أنظار "ذوي الخطوط الناعمة ولاد الحلال " اللي ناطرين يشوفوا واحد ما عم يهبع عالأول متل الأجدب لينسفوه تقرير من كعب الدست ...
بالله مو شي بيخجل ؟
أنا ما بعتقد صارت هالمظاهر من دون علم الرئيس , فكيف بيقبل بهالمظاهر اللي كلفت بين تعطيل عمل وخسارة جهد و مصاريف إحتفالات.. ملايين الليرات !!!
مو كان الأولى تنحط لخدمة الشعب؟