اصلاح لكن .. اجتماعي

[Nirvana]

في وحدة من السرحات تبعي .. شوفلك هالفكرة ..

الواحد فينا بحاول يحط حالو في خانة معينة ضمن فكر معين ودور محدد ..
لكن اتضح يا جماعة انو الانسان هو البداية والنهاية والغاية في كل تغيير ..

يعني في منا ضد وفي منا مع وفي منا نص نص ..

برأيي كلو ما بينفع .. غير أبو حشيشة طبعاً

لا بس جد ... نكوشت وبحبشت براسي .. وكانت النتيجة كالتالي :

بقلك كل شي بصير بالعالم بسبب الانسان ولهدف هو الانسان ..

الحروب والنزاعات والانظمة والسياسات والمال والنفط والخدمات ... الخ ..
بس يا جماعة .. بعد الصفنة المعتادة .. الانسان مو زابط .. يعني مو سليم .. مو سوي .. مو مو ..

الانسان لساتو ناقص وما بيحمل التفكير لا بسياسة ولا باقتصاد ولا شي ..

وهون وصلت لفكرة .. الاصلاح الاجتماعي .. نصلح هالانسان كجزء بالأول والمجتمع ككل .. وبعدين بنبقى نفكر شو بناسبو نظام ودولة واقتصاد .. وكلو ..

الانسان طاقة هائلة اذا قدرنا نأسسها صح .. بس لانو بدونو هالعالم ولا شي ..

اذا فهمتو شي مني بكون منيح لانو بتعرفو أبو حشيشة .. ما بيضرب الا المخ ..






بقى شو رأيكم انتو ؟؟؟

[abosleman]

ايه انو شو عليه

[Government]

يحرم علي اذا فهمت كلمة وحدة من اللي حكيتا


فيوزات مخي ضربت من الكلام

[Nirvana]

شو يا جماعة .. ركزولي شوي ... واقراو ما بين السطور .. الي بالحبر السري يعني ..

[Government]

كاتب النص الأصلي : Nirvana

شو يا جماعة .. ركزولي شوي ... واقراو ما بين السطور .. الي بالحبر السري يعني ..

شووووو هادا اللي بين السطور
انا من السطور فتت بالحيط

[COSTA]

هاد يللي عم تحكي عنو مو الانسان

لانو الانسان يوجد الانسانية

اما هاد يللي حكيتي عنو يمكن يكون شي كائن او مخلوق عجيب ما عندو الفكر الانساني بس عندو الفكر الاجرامي والسلطة بدمو

وفي شغلة حشيش على الاخر هي المدينة الفاضلة تبع افلاطون

بس بضل افلاطونية لانو كان اخد حشيشة وقت كتب عنها

هلأ كتبت بس ما بعرف اذا كتابتي عن تحشيش ولا عن وعي

ما بعرف واذا فهمتو شي خبروني

[Nirvana]

كاتب النص الأصلي : كوستا

هاد يللي عم تحكي عنو مو الانسان

لانو الانسان يوجد الانسانية

اما هاد يللي حكيتي عنو يمكن يكون شي كائن او مخلوق عجيب ما عندو الفكر الانساني بس عندو الفكر الاجرامي والسلطة بدمو

وفي شغلة حشيش على الاخر هي المدينة الفاضلة تبع افلاطون

بس بضل افلاطونية لانو كان اخد حشيشة وقت كتب عنها

هلأ كتبت بس ما بعرف اذا كتابتي عن تحشيش ولا عن وعي

ما بعرف واذا فهمتو شي خبروني

ايه فهمتك .. بس يا أخي اذا انا ما آمنت بالانسان ما بقدر آمن بشي..

الانسان هو اساس كل شي .. أساس كل فكر وفن وحضارة وثقافة ..

اذا ما بتقدر تآمن فيو وتطورو .. ما رح تقدر تحقق شي ..

والتغيير بكافة انواعو بدو انسان ..

[COSTA]

كاتب النص الأصلي : Nirvana

ايه فهمتك .. بس يا أخي اذا انا ما آمنت بالانسان ما بقدر آمن بشي..

الانسان هو اساس كل شي .. أساس كل فكر وفن وحضارة وثقافة ..

اذا ما بتقدر تآمن فيو وتطورو .. ما رح تقدر تحقق شي ..

والتغيير بكافة انواعو بدو انسان ..

انا يللي شايفو انو هاد مو انسان يللي عايش بعصرنا

عم فكر اعمل شي عقد مع علماء الاستنساخ بركي بيستنسخو شي انسان قديم من يللي عمل الحضارات القديمة
لانو انا هاد بحسو انو انسان فعلي

[Nirvana]

كاتب النص الأصلي : كوستا

انا يللي شايفو انو هاد مو انسان يللي عايش بعصرنا

عم فكر اعمل شي عقد مع علماء الاستنساخ بركي بيستنسخو شي انسان قديم من يللي عمل الحضارات القديمة
لانو انا هاد بحسو انو انسان فعلي

ايه ولا يهمك .. بنوصي عليه ..

فينا نصنعو نحنا ..

[butterfly]

تمام تمام .؟... بداية علينتا أنو نقبل أنو الأنسان مقدس بالمطلق يعني كل أنسان حتى اللي عم نطلق عليو مجرم ........ إلخ

ما في شي بيجرد الأنسان من أنسانيتو ... لهيك المجرم بينعملو أعادة تأهيل وهوي جزء من المجتمع ... اللي بتمارس الدعارة بيعادتأهيلا وهي مهمة للمجتمع وهيك .....

أنا أومن أن التغيير يبدأ على صعيد الأنسان ... كفرد ... قبل الانتقال إلى مرحلة الجماعة ...
وبعتقد أنو نبدا بالأساسيات
الخبز ... مثلاً ... ما فيني أجي أحكيلو لواحد جوعان عن الديمقراطية هوي ما بدو ديمقراطية ولا بيهمو أن كان الحكم بالأسم شيوعي أو اشتراكي أو ديكتاتوري
بيهمو ياكل ... بدي حقق الأساسيات لحياتو ... بعدين بسعى لأنميو وأثقفو

[chefadi]

الموضوع عنجد كتير حلو و انا مع مرسيل بالحكي اللي حكتو
بس في شغلة اخواتي
نحنا دايما عم نطالب بالانسانية طيب ,,, مالانسانية بتحمل الخير و الشر يعني الانسان المجرد عن اي مذهب او عقيدة او فكر هو مانو انسان خيير بالفطرة
لهيك الشغل على الانسان برأيي لازم يبلش من الاصلاح الفكري و السياسي

[امرأة من ورق]

والله يانيرفانا بعد صفنة بحكيك وقعدة مع حبيب القلب ابو حشيشة طلع معي هالجواب

انو اهم شي نغير الانسان هاد كلام حلو..... بس لحتى نغير الانسان بدنا منظومة اجتماعية ترعى هالتغير..... وبدنا منظومة دينية تتفهم هالتغير..... وبدنا منظومة حكومية تدعم هالتغير

يعني بنرجع لقصة انو بالاول الجاجة باضت البيضة؟؟؟ او البيضة جابت الجاجة؟؟؟

يعني حاسة اني فوتكن وفتت معكن بدوامة لامخرج منها

بس شغلة الاصلاح الاجتماعي مافينا نعملها بمعزل عن الاشياء التانية

مابعرف اذا حكيي مفهوم اولأ؟؟ بس كلو من حبيب القلب ابو حشيشة

[امرأة من ورق]

كاتب النص الأصلي : chefadi

الموضوع عنجد كتير حلو و انا مع مرسيل بالحكي اللي حكتو
بس في شغلة اخواتي
نحنا دايما عم نطالب بالانسانية طيب ,,, مالانسانية بتحمل الخير و الشر يعني الانسان المجرد عن اي مذهب او عقيدة او فكر هو مانو انسان خيير بالفطرة
لهيك الشغل على الانسان برأيي لازم يبلش من الاصلاح الفكري و السياسي

اسفة فادي حكيت نفس فكرتك
بس لما عملت اضافة رد جديد انت لسه ماكنت حاكي فكرتك
اعذرني

[butterfly]

كاتب النص الأصلي : امرأة من ورق

اسفة فادي حكيت نفس فكرتك
بس لما عملت اضافة رد جديد انت لسه ماكنت حاكي فكرتك
اعذرني

ولا يهمك ... منك طلعت احلى

[chefadi]

كاتب النص الأصلي : امرأة من ورق

اسفة فادي حكيت نفس فكرتك
بس لما عملت اضافة رد جديد انت لسه ماكنت حاكي فكرتك
اعذرني

ولا يهمك ,,, احلى توافق
م انتي عبرتي عن الفكرة بطريقة احسن

[chefadi]

كاتب النص الأصلي : butterfly

ولا يهمك ... منك طلعت احلى

:jako ush:

[امرأة من ورق]

كاتب النص الأصلي : chefadi

ولا يهمك ,,, احلى توافق
م انتي عبرتي عن الفكرة بطريقة احسن

هاد بتأثير ابو حشيشة

طاوعني خدلك شفطة


شكرا كتير عالتفهم

[امرأة من ورق]

كاتب النص الأصلي : butterfly

ولا يهمك ... منك طلعت احلى

عيب ليش هالحكي

بس حلوة