الشذوذ الجنسي مشكلة أم حرية

أبو النسيم · 27/12/2005

للأسف نعاني من مشكلة في مجتمعنا ولا يستطيع أحد الكلام عنها وهي مشكلة الشواذ جنسيا
هل هذه المشكلة نفسية أم فيزيولوجية

هذا المقال عجبني لأنو في دراسة عن الحالة بس ما لقيت في دراسة عن نظرة المجتمع لهل الناس هي يعني لا زم نطهدهون ولا لازم نقبلهون متل المجتمع الغربي ولازم نعالجهون شو رئيكون

وهي الدراسة

الشذوذات الجنسية ( انحرافات السلوك الجنسي)

Paraphilia or Sexual Deviations
بقلم د. محمد مصطفى البدوي ـ استشاري الأمراض النفسية والعصبية
يتميز هذا الاضطراب بتكرار الإثارة الجنسية الشديدة وإثارة الخيالات المثيرة جنسياً كاستجابة لموضوعات جنسية أو مواقف ليست جزءاً من الأنماط المثيرة المعتادة والتي قد تتداخل بدرجات مختلفة مع الوظيفة الجنسية. وتشمل ما يلي :
1 - معاناة النفس أو الشريك.
2 - تفضيل استخدام الأشياء غير الآدمية.
3 - الأطفال أو الأشخاص غير الموافقة.
وقد تكون المثيرات الشاذة (أو الخيالات) دائماً هامة للإثارة ودائماً موجودة ضمن النشاط الجنسي. وقد يفضل وجودها في نوبات، كفترات التوتر، وخلال أوقات أخرى يكون الشخص قادراً على أداء الوظيفة الجنسية دون مثيرات شاذة أو خيالات.
تشمل الشذوذات الجنسية الآتي :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

وعادة يكون لدى الشخص شذوذات من ثلاثة إلى أربعة من الشذوذات المختلفة، كما تكون لديهم اضطرابات عقلية أخرى مثل الإدمان، الاضطرابات الشخصية المختلفة.
من الأعراض المصاحبة أن يختار الشخص وظيفة تجعله في احتكاك بالمثير المرغوب، مثل العمل مع الأطفال، بيع الأحذية، قيادة سيارة الإسعاف في حالة السادية. وقد يجمع صوراً أو أفلاماً لها علاقة بالموضوع الخاص به (المثير الشاذ). وبعضهم يلجأ للداعرات للحصول على إثارة شاذة أو ينفذون خيالاتهم مع ضحايا بالرغم عنهم.
الإعاقة والمضاعفات:
الكثير من الشاذين جنسياً (المصابين بهذه الاضطرابات) لا يعانون، ولكن المشكلة تكمن في تفاعل الآخرين تجاه سلوكهم. وبعضهم يشعر بالخجل والذنب والاكتئاب عند الاندماج في نشاط جنسي غير معتاد (أو غير مقبول اجتماعياً). وتزداد معاناة الشخص عندما يصبح شريكه واعياً أن سلوكه الجنسي غير معتاد. أو إذا رفض شريكه الاندماج معه في السلوك الجنسي، عندئذ قد تثبط الإثارة الجنسية، وفي بعض الشذوذات الجنسية قد يصاب الشخص جسمانياً كما في حالة المازوكسية، وقد يقبض عليه بواسطة الشرطة كما في حالة الاعتداء على الأطفال أو الاستعرائية أو التبصص والتحلل والسادية الجنسية.
انتشار الشذوذات الجنسية:
تعد الشذوذات الجنسية شائعة الانتشار، ولكن نادراً ما يمثلون للتشخيص والعلاج. وتكثر بين الذكور عنها بين الإناث بنسية 20 : 1 ويصل السلوك الجنسي الشاذ إلى قمته بين 15 – 25 سنة من العمر.
الأسباب :
1- عوامل بيولوجية :
لوحظ وجود مشاهدات تشير إلى وجود اضطرابات عضوية لدى ذوي السلوك الجنسي الشاذ، وذلك نمن خلال فحص حالات الذين حولوا إلى المراكز الطبية؛ حيث وجد أن معدل الهرمونات غير طبيعي لدى 75% ووجود علامات اختلال عصبي دقيق لدى 27% وشذوذ الجينات الوراثية 24%. ولكن يظل السؤال قائماً، هل هي السبب أن هي مجرد شذوذات مصاحبة وجدت بالصدفة؟ وهذا السؤال مازال قيد الأبحاث المكثفة.
2- عوامل نفسية واجتماعية :
المدرسة التحليلية ترى أن السلوك الجنسي الشاذ هو فشل في اكتمال النمو النفسي الطبيعي في الانتقال إلى الغيرية الجنسية (أي الجنس الآخر). إن الفشل في حل الصراع الأوديبي بالتوحد مع الأب من نفس الجنس، يُنتج إما توحداً مع جنس الأب من الجنس المقابل، أو اختيار موضوع لإفراغ الطاقة الجنسية فيه. فالجنسية المثلية واضطراب تحول الزي تعتبر توحدات مع الجنس المقابل. أما الاستعرائية والتبصص فإنها تعد تعبيرات عن التوحد الأنثوي، حيث أن الشاذ يحب دائماً تفحص أعضاءه وأعضاء غيره ليهدىء من قلقه المرتبط بالحضاء.
هناك مدارس أخرى تعزي الشذوذ الجنسي إلى الخبرات المبكرة، إلى تعود الطفل مزاولة هذا السلوك الشاذ جنسياً مثل محاكاته آخر أو ممارسته مع آخر خلال طفولته.

أبو النسيم · 27/12/2005

ويمكن التصنيف، تبعاً لشدة السلوك الجنسي الشاذ، كالآتي :

1 - الخفيف : حيث يكون الشخص مكروب من تكرار النزعات الشاذة دون أن يمارسها.
2 - المتوسط : وهو الذي يمارس أحياناً نزعاته الشاذة.
3 - الشديد : حيث تتكرر النزعات كثيراً وتصاحبها الممارسة للسلوك الشاذ.
مآل الشذوذ الجنسي :
سوء المآل يرتبط في حالات الشذوذ الجنسي بالبداية في سن مبكرة، وكثرة ممارسة الفعل الشاذ وعدم الشعور بالذنب أو الخجل في ممارسة هذا الشذوذ والإدمان المصاحب.
يكون المآل حسناً في حالات وجود تاريخ لجماع جنسي طبيعي بالإضافة للشذوذ،وجود دافع قوي للتغيير وعندما يشعر الشخص بالمشكلة ويحضر بنفسه للعلاج وليس بإكراه من سلطة.
علاج الشذوذ الجنسي :
1 - العلاج النفسي التبصيري :
حيث يفهم دينامياته النفسية والأحداث التي تسبب عنها الشذوذ وخاصة أحداثه اليومية التي تحرك حفزاته الجنسية الشاذة (مثل: بعد رفض واقعي أو متخيل). ويعيد العلاج النفسي للمريض ثقته بنفسه ويساعده على تحسين مهارته الاجتماعية وأن يجد الطرق المثلى للإشباع الجنسي.
2 - العلاج السلوكي :
لإزالة النمط الشاذ المتعلم من السلوك (مثل الصدمات الكهربائية أو الروائح الكريهة) يتم دمجها مع الحفزة التي سوف تتناقص.
3 - العلاج الدوائي:
يقتصر على الحالات التي يشخص فيها مرض الفصام أو الاكتئاب، فيعطي العلاج المناسب.
يستخدم Medrozyprogesterone لبعض حالات زيادة الرغبة الجنسية التي لا يمكن للشخص السيطرة عليها (كما في حالات إسراف العادة السرية أو الميول الاغتصابية الشديدة).

المصدر: موقع تشافي الألكتروني

الدراسة للدكتور:
محمد مصطفى البدوي ـ استشاري الأمراض النفسية والعصبية

أبو النسيم · 27/12/2005

أتمنا الإفادة

تحياتي ومحبتي

**krimbow** · 28/12/2005

موضوع هام جدا جدا جدا

مشكور خيو

هوي قبل بمرة من شي 8 شهور نزل نفس الموضوع تقريبا ... و ما بيمنع ابدا انو نسمع آراء الاعضاء الجداد بهالموضوع المهم

لي عودة اكيدة

مدق · 28/12/2005

إذا كان السؤال هو الوارد بعنوان الموضوع انو إزا كان مشكلة أو حرية ...

بتصور انو الشذوذ الجنسي مشكلة وعويصة كمان, إذا قلنا انو هدول الشباب مساكين ولازم نتعاطف معهن ونعطيهن حريتهن بتصور انو ( ممكن ) بهالحالة نكون عم نقيد حرية فئة تانية هيي فئة ضحايا الشذوذ الجنسي الي رح تتمارس عليهن أشكال هالشذوذ

وبنفس الوقت إذا اضطهدناهن ( بأي شكل من اشكال الإضطهاد ان كان نفسي أو جسدي ) بتصور انو كمان رح نزيد المشكلة بدال ما نحلها

وبكلا الحالتين آكلين هوا, لأنو متل ماقلنا انو الموضوع مشكلة بحاجة لمعالجة والاحتمالين الي ذكرناهن كمان مافينا نقول عنهن حلول لأنو بيزيدو الطينة بلّة بكلا الحالتين والاثنين ( غلط )

بس بتصور انو إذا اتكلمنا عن الدولة وشو لازم يكون موقفها وشو لازم تعمل, بتصور انو فكرة منيحة إذا بيتم انشاء ( مصحّات ) خاصة لهالموضوع لأنو حسب الكلام الي بالمقالة بتصور انو المشكلة ( غالباً ) بتكون نفسية مطلقة بدون أي خلل جسدي, وأحياناً بتكون خلل جسدي ( مسبب ) للمشكلة النفسية ( مستقبلاً )

وحسب تقديري انو هالحالات ممكن علاجها بتصور بنسبة قريبة من 75%

خلاصة الكلام: الموضوع مشكلة ولا يمكن انو يكون حرية لأنو وقت نتكلم عن حرية ممارسة الشواذ صار يمكن نكون عم نفتي لصالح الإغتصاب لأنو غالباً ممارسة اي شكل من اشكال الشذوذ صعبة نقتنع انو رح يصير بموافقة الطرف التاني ( الممارس عليه ) بهالحالة مارح يتم تنفيذ ( حرية الشاذ ) إلا عن طريق الإغتصاب وهون منكون وصلنا لطريق مسدود ومرفوض نهائياً والنتيجة انو تقريباً مستحيل نقبل بحرية الشواذ.
ولكن بنفس الوقت التعامل معهم بالطريقة الصحيحة ونساعدهن ( بدون ما يفشو خلقهن فينا )

وبانتظار آراء الأخرين.

LEONARDO · 28/12/2005

اقتباس:

كاتب النص الأصلي : مدق

خلاصة الكلام: الموضوع مشكلة ولا يمكن انو يكون حرية لأنو وقت نتكلم عن حرية ممارسة الشواذ صار يمكن نكون عم نفتي لصالح الإغتصاب لأنو غالباً ممارسة اي شكل من اشكال الشذوذ صعبة نقتنع انو رح يصير بموافقة الطرف التاني ( الممارس عليه ) بهالحالة مارح يتم تنفيذ ( حرية الشاذ ) إلا عن طريق الإغتصاب وهون منكون وصلنا لطريق مسدود ومرفوض نهائياً والنتيجة انو تقريباً مستحيل نقبل بحرية الشواذ.
ولكن بنفس الوقت التعامل معهم بالطريقة الصحيحة ونساعدهن ( بدون ما يفشو خلقهن فينا )

وبانتظار آراء الأخرين.

خلاصة الكلام تبعيتك خرطت مشطي عالصاجة علاخر وبضم صوتي لصوتك.
لانو لايمكن نعطي حرية لشخص على حساب شخص تاني

**krimbow** · 28/12/2005

بس في نقطة كتير مهمة حابب وضحها ...

الشاذ جنسيا غير المثلي الجنس

الشاذ جنسيا وضح تماما المقال المربوط بالموضوع شو هوي

اما المثلي الجنس هوي يللي بيمارس الجنس (مع او بدون شذوذ) مع شريك من نفس الجنس
يعني "شب و صبي" او "بنت و صبية"

فيا ريت ما تخلطوا بين التنين

fady juventus · 28/12/2005

بالنسبة للعرب
رح يحتلوا الصدارة انشالله قريبا على جميع دول العالم بعدد الشواذ
فنحن أمة من الشوااااااااااااااااااااا ااااااااااااااااااااااااا ااااااااااااااااااااااااا ااااااااااااااااااذ عقليا
أوكي

أبو النسيم · 28/12/2005

اقتباس:

كاتب النص الأصلي : krimbow

بس في نقطة كتير مهمة حابب وضحها ...

الشاذ جنسيا غير المثلي الجنس

الشاذ جنسيا وضح تماما المقال المربوط بالموضوع شو هوي

اما المثلي الجنس هوي يللي بيمارس الجنس (مع او بدون شذوذ) مع شريك من نفس الجنس
يعني "شب و صبي" او "بنت و صبية"

فيا ريت ما تخلطوا بين التنين

100% كلام سليم

المثلين جنسيا غير الشواذ يلي نذكروا بلدراسة أنا حباب أعرف رئيكون عن هل الحالة ( المثلين جنسيا)

بنسبة للكلام يلي ورد بدراسة كلو عن تفريغ الطاقة الجنسية بس بوضع غير سليم

طيب في ناس ما بتمارس الجنس غير مع شريك من نفس الجنس

هدول الناس شو هي نظرتكون إلهون شو لازم نعمل معهون

على فكرة

هي معلومة على الهامش

دول الخليج العربي من أكثر دول العلم يلي فيها مثلية جنسية

ولنا عودة

sezar · 09/01/2006

اقتباس:

دول الخليج العربي من أكثر دول العلم يلي فيها مثلية جنسية

نعم هذا كلام صحيح 100 % شوف عيني محدش قلي

المهم هلأ انا شخصيا بعتبر المثليين شو سبب انحرافن عن الطبيعة انا بصنفون لقسمين :
قسم انحرف للمثلية لأسباب نفسية معينة
القسم التاني بسبب الحرمان من ممارسة الجنس الطبيعي ( ذكر و انثى ) و هي الحالة بتصيب الشباب بالزات
ما بعرف و نظرتي الون ممكن تختلف من سبب الى آخر بس بضل متحفظ بعلاقتي معهن ان وجدت

بدوي الجبل · 09/01/2006

فعلا مشكلة

SABE · 09/01/2006

أنا كتبت رد بالموضوع تبع الصالون .. وهلأ بجيبو مرة تاني لهون ..

SABE · 09/01/2006

هلأ هاد الموضوع بيشغل إهتمام كتير عالم .. و لحد هلأ (( على حسب معرفتي مو مبين إذا شغلة هرمونات أو مجتمع أو مساكل نفسية أو شو مانكان ))
بالصدفة أنا صارت معي قصة من جمعتين عن هالموضوع وحابب إحكيلكون ياها ...
مرة رحنا أنا و أربع أشخاص على بار بعد ما خلصصنا شغل إنو منشان نرتاح شوي و نروق بعد الشغل .. أنا ما كنت عرفان شو هاد البار وبعد ماوصلنا قلي واحد من اللي رايحين معو إنو هاد البار لكلشي ممنوع بالعلن .. أنا ما فهمت علي أول شي .. بعدين طلع هاد البار للشواذ جنسياً من الجنسين (( مع العلم أنه لم يكن ولا شخص مننا نحن الأربعة شاذ جنسياً ))
وقتها أنا سألتو .. إنو ليش جبتنا لهون ؟ فكان جوابو إنو هون المكان الوحيد اللي مكن يحس فيه الشخص براحة كبيرة ... إنو ما في حدا ممكن يكذب على حدا .. إنو إذا في شب شاذ جنسيا بيقول بكل صراحة انا هيك .. وباصبايا كمان بيقولو ..
هلأ أنا اللي صار معي أول ما دخلت إني كنت كتير مستغرب من الوضع وفي خوف بسيط جواتي لأنو متعودين من حكي المجتمع و حكي الكل بسوريا إنو الشاذين جنسياً هني أشخاص بيخوفو .. بقا كان معنا كمان وحدة رفيقتنا (( وهي كمان قالتلي كان شعورها نفس الشي )) بقا أنا و هي مسكنا إيدين بعض و قلنا لبعض إنو نحنا هلأ رفقات .. مشان العالم ما تفكر إنو نحنا مثلاً شواذ ..
هلأ المهم مع الوقت بلشنا نتعود شوي عالوقت وخصوصي إنو العالم اللي بيجو بيحكو معنا كتير كتير لطيفين .. سألتون كمان كتير أسئلة أنا ما كنت متخيل إنو إقدر إسألها لشخص ما ..

المهم .. إجا صاحب البار سلم علينا وبلشنا نحكي سوا ... وهيك من حديث لحديث سألني إذا أنا شاذ جنسياً .. جاوبته بالنفي .. بعدين سألني : أنت لاحظت الجو هون شلون ما حدا بيكذب .. ولا حدا بيستحي من حالو .. بقا عنجد انت هيك ؟ جاوبت عنجد لا ... و ما في داعي كذب عليك .. وبعدها قلي إنو بس هيك سأل بإلحاح مشان نحس حالنا كتير مرتاحين هونيك .. و كمان سأل صديقتي كمان نفس السؤال ..
وبعدها بلش يخبرنا عن حالو .. إنو صرلو 18 سنة مع رفيقو ومانو عمبيفكر يخونو بحياتو .. بعدين أنا سألتو (( بعرف أنا آخر شي ديقتلو خلاقو بالأسئلة .. بس هو لاحظ إنو أنا كانت أول مرة بحياتي بتحدث مع هيك شخص )) إنو هو ممكن يكون besexual ؟؟ قال بكل صدق و نفي لا .. أنا بعرف شو أنا ..
وبعدين سألت .. هالشغلة كيف بلشت معك .. و إنو برأيك هرومونات أو من البيئة اللي ساكن فيها ..
كان جوابو إنو من أول ما وعي عالحياة وهو هيك .. مع إنو ما حكا ولا كلمة عن الموضوع لحتى صار عمرو 13 سنة .. (( برأيي إنو 13 سنة عمر كمان صغير لحتى الواحد يكتشف هيك شغلات .. إنو برأيي بيكون عقل طفل إسا ))

على فكرة .. أنا كتير إنبسطت بالتجربة اللي عشتها و بالصدق عند هدول الأشخاص وضلينا أنا ورفقاتي نحكي فترة طويلة عن هالروحة هاي ..

هلأ إذا إكتشفت إنو شخص بيعنيلي (( شاذ جنسيا )) أكيد ما رح تتغير نظرتي إلو .. لأنو هاي الشغلة هو بيقررها و هو أدرى بحالو أكتر مني .. و أنا بكون كويس مع هالشخص و أكتر كل ما هو كويس معي و مع حالو ..

أما بشأن الأديان فبرأيي إنو إذا كان الشخص متعلق لحد اليوم بديانة ما وعمبيطبق تعاليمها بحرفيتها بيكون ما في حاجة يفكر بالشذوذ الجنسي ... لأنو بيكون ملتهي بهالديانة هاي و كتير كتير شغلات منحرم منها كرمال ديانتو (( رأي شخصي )) و بهالحالة بيكون مستحيل يفكر بالأمور الجنسية العادية بقا كمان الغير عادية بيكون غير قادر يفكر فيها ..

Geeny · 10/01/2006

هلأ نحنا بالعلوم درسونا شي اسمو هجرة خاطئة للمورثات (ماني متأكدة من صحتو )
بس أنو وقت الجنين عم يتكون بكون الدماغ أخد معلومة أنو المولود هو صبي بس الأعضاء يلي تكونت هي لبنت و بعد الولادة بضل هالولد يشعر أنو كان لازم يكون من الجنس التاني
بغض النظر عن هي القصة أنا برأي أنو لما يكون الانسان من الاول حاسس انجذابو لنفس جنسو بكون مرضي يعني هي حالة مو بايدو بس في بعض الناس يلي بكونو طبيعين ولموقف ما بيتغيرو او بالأحرى هني بغيرو حالون كردة فعل وهادا انا يلي بكرهو وقت يكون الانسان طبيعي وبس كردة فعل بغير حالو لأنو هادا دليل انعدام الإرادة و الخ هادا غير موضوع
المهم انا متل سعيد اذا عرفت انو حدا من رفقاتي الشباب او البنات شاذ ما رح غير معاملتي معو بالعكس رح صير احسن كونو نحنا ببلدنا هيدا الشي محرم وممنوع ( أصلا ببلدنا من كتر ما في قيود أنا بتخيل أنو الغالبية بمارسوا الجنس مع الجهتين ) ونحنا عنا الكبت عم يخلي أغلبية البنات يمارسوا السحاق ( وأنا انصدمت أكتر من مرة بالقصة وحتى شفتها بعيني ) ومرة حكتلي رفيقة أنو أنستها المتزوجة وعندها ولاد استدرجتها اول شي عاساس هي كرفيقة وبعدين حاولت تلاطفها وخلتها تمارس السحاق معها مع أنو الأنسة هي مانها شاذة على حد علم الجميع
بقا أنا ما عندي مشكلة اذا كان الانسان الشاذ هو طبيعتو هيك يعني مو بايدو انجذابو لجنسو بتخيل انو رح وقف حدو وما عندي مشكلة بأنو اتنين شاذين اتزوجوا بس أنا ضد مليون بالمية انو هدول الاتنين يلي تزوجوا يتبنوا طفل لأنو حرام يدخلوا طفل بهي الحياة لانو مو حياة سهلة حياة الشاذين
وهلا حكيت كتير ويمكن شطيت عن الموضوع مدري كام مرة بس هيك رأي أنا
وبالنهاية هو لا مشكلة ولا حرية هو نمط حياة وما في شي بالدني بلا شواذ

disto · 21/01/2006

بمنظور الشاذين

دي حريه شخصيه ونرجو ان تتركونا وحالنا
هذه الكلمه تأتي كرد على اي عتاب للشاذين جنسيا وانا استطيع فهم من يغتصب او يزني ولكني لا استطيع فهم من يكون شاذا هل هو الجوع الشنيع للشهوه ام هو مجرد عناد للقيم الاخلاقيه ؟؟؟؟؟؟؟؟؟؟

Geeny · 21/01/2006

اقتباس:

كاتب النص الأصلي : disto

بمنظور الشاذين

دي حريه شخصيه ونرجو ان تتركونا وحالنا
هذه الكلمه تأتي كرد على اي عتاب للشاذين جنسيا وانا استطيع فهم من يغتصب او يزني ولكني لا استطيع فهم من يكون شاذا هل هو الجوع الشنيع للشهوه ام هو مجرد عناد للقيم الاخلاقيه ؟؟؟؟؟؟؟؟؟؟

بس فيك تشرحلي كيف بتقدر تفهم يلي بيغتصب اذا الاغتصاب هو تعدي على حرية بينما الشذوذ انت عم تشتغل بحالك
وكمان الاغتصاب بيأذي الضحية (وما في غير هالكلمة لانو ابشع شي بالدنيا هو الاغتصاب يلي حضرتك بتقدر تفهمو) بينما الشذوذ ما بيأذوا حدا
بس توضحلي هالفكر بليز

أبو النسيم · 21/01/2006

اقتباس:

وانا استطيع فهم من يغتصب او يزني ولكني لا استطيع فهم من يكون شاذا

معليش توضح هل النقطة هي

يمكن ما عم أفهم قصدك منيح

أبو النسيم · 21/01/2006

اقتباس:

كاتب النص الأصلي : Geeny

هلأ نحنا بالعلوم درسونا شي اسمو هجرة خاطئة للمورثات (ماني متأكدة من صحتو )
بس أنو وقت الجنين عم يتكون بكون الدماغ أخد معلومة أنو المولود هو صبي بس الأعضاء يلي تكونت هي لبنت و بعد الولادة بضل هالولد يشعر أنو كان لازم يكون من الجنس التاني
بغض النظر عن هي القصة أنا برأي أنو لما يكون الانسان من الاول حاسس انجذابو لنفس جنسو بكون مرضي يعني هي حالة مو بايدو بس في بعض الناس يلي بكونو طبيعين ولموقف ما بيتغيرو او بالأحرى هني بغيرو حالون كردة فعل وهادا انا يلي بكرهو وقت يكون الانسان طبيعي وبس كردة فعل بغير حالو لأنو هادا دليل انعدام الإرادة و الخ هادا غير موضوع
المهم انا متل سعيد اذا عرفت انو حدا من رفقاتي الشباب او البنات شاذ ما رح غير معاملتي معو بالعكس رح صير احسن كونو نحنا ببلدنا هيدا الشي محرم وممنوع ( أصلا ببلدنا من كتر ما في قيود أنا بتخيل أنو الغالبية بمارسوا الجنس مع الجهتين ) ونحنا عنا الكبت عم يخلي أغلبية البنات يمارسوا السحاق ( وأنا انصدمت أكتر من مرة بالقصة وحتى شفتها بعيني ) ومرة حكتلي رفيقة أنو أنستها المتزوجة وعندها ولاد استدرجتها اول شي عاساس هي كرفيقة وبعدين حاولت تلاطفها وخلتها تمارس السحاق معها مع أنو الأنسة هي مانها شاذة على حد علم الجميع
بقا أنا ما عندي مشكلة اذا كان الانسان الشاذ هو طبيعتو هيك يعني مو بايدو انجذابو لجنسو بتخيل انو رح وقف حدو وما عندي مشكلة بأنو اتنين شاذين اتزوجوا بس أنا ضد مليون بالمية انو هدول الاتنين يلي تزوجوا يتبنوا طفل لأنو حرام يدخلوا طفل بهي الحياة لانو مو حياة سهلة حياة الشاذين
وهلا حكيت كتير ويمكن شطيت عن الموضوع مدري كام مرة بس هيك رأي أنا
وبالنهاية هو لا مشكلة ولا حرية هو نمط حياة وما في شي بالدني بلا شواذ

من كل قلبي

شكرا على الرد الجميل

أدوات الموضوع
عرض صفحة الطباعة إرسال هذه الصفحة إلى صديق