صراع داخلي

Geeny · 27/10/2004

أيعقل أن أعشق من ليس في قاموسي !!!
هل العشق كلمة أم ماذا؟
تعودت الصّمت في كلماتي الكثيرة و الألم في ضحكي و لكني لم أتعود إنسان يحترم الأنثى المخبأة في داخلي و أنت كسرت قوانيني و لكن.... أحميك بابتعادي عنك لانك لا تحتاج إلى معصيتي ...
أنا الآه في فم الناس المسكينة
اعذر توتر كلماتي و رجفان قلبي و لكن جسدي يقيدني و العالم يحجزني و أخاف التحرر و أخاف عليك لذا أمنحك حناني لكن أحذرك أن تغفو على يدي لأني متقلبة ضائعة لا أحب الاستقرار و أطلب القليل الكثير فاحذر أرجوك من بطشي و أعطيني حبّأً طاهراً بمعنى آخر غير الحبّ الارضي ..ليكن حبنا سماوي طاهر فأنا أريد و لا أريد و أرجوك أرجوك سيدي تمهل و احذر ...لأني لا أعرف من أنا و ما هويتي ...
geeny

NEDAL-S · 27/10/2004

عنجد كتير كتير كتير رائعة

yass · 27/10/2004

شوي سوداوية بس كتير حلوة عن جد

Anmar · 27/10/2004

اقتباس:

لكني لم أتعود إنسان يحترم الأنثى المخبأة في داخلي

ما هون المشكلة الأكبر أنو البنات تعودو عالوضع انو ما في شب ممكن يحترم أنثى

nana · 27/10/2004

اقتباس:

كاتب النص الأصلي : Geeny

لكن أحذرك أن تغفو على يدي لأني متقلبة ضائعة لا أحب الاستقرار و أطلب القليل الكثير فاحذر أرجوك من بطشي و أعطيني حبّأً طاهراً بمعنى آخر غير الحبّ الارضي ..ليكن حبنا سماوي طاهر فأنا أريد و لا أريد و أرجوك أرجوك سيدي تمهل و احذر ...لأني لا أعرف من أنا و ما هويتي ...
geeny

شي كتير حلو جيني و معبر

**Hus** · 28/10/2004

اقتباس:

كاتب النص الأصلي : Anmar

اقتباس:

لكني لم أتعود إنسان يحترم الأنثى المخبأة في داخلي

ما هون المشكلة الأكبر أنو البنات تعودو عالوضع انو ما في شب ممكن يحترم أنثى

يووووووه .. لسا ورانا ورانا حقوق المراة واحترام المرأة والنثى و و و و
طب ليش ما حدى عم يحكي عن احترام الذكر !!

الي بيحترم حالو كل الناس بتحترمو .. سهلة مو

**Hus** · 28/10/2004

اقتباس:

كاتب النص الأصلي : nana

اقتباس:

كاتب النص الأصلي : Geeny

لكن أحذرك أن تغفو على يدي لأني متقلبة ضائعة لا أحب الاستقرار و أطلب القليل الكثير فاحذر أرجوك من بطشي و أعطيني حبّأً طاهراً بمعنى آخر غير الحبّ الارضي ..ليكن حبنا سماوي طاهر فأنا أريد و لا أريد و أرجوك أرجوك سيدي تمهل و احذر ...لأني لا أعرف من أنا و ما هويتي ...
geeny

شي كتير حلو جيني و معبر

اي واحد بيسند والتاني بيشوط :P :P :P

**Hus** · 28/10/2004

اقتباس:

كاتب النص الأصلي : Geeny

أيعقل أن أعشق من ليس في قاموسي !!!

ضيفي للقاموس

لا عم اتخوت بس ..
خربوشة ظريفة وعفوية

Geeny · 28/10/2004

شكراً يا أشقر :P

**Hus** · 28/10/2004

اقتباس:

كاتب النص الأصلي : Geeny

شكراً يا أشقر :P

انو كل ما اتقليلي يا اشقر بحسك عم بتسبيني

Anmar · 28/10/2004

اقتباس:

يووووووه .. لسا ورانا ورانا حقوق المراة واحترام المرأة والنثى و و و و
طب ليش ما حدى عم يحكي عن احترام الذكر !!
الي بيحترم حالو كل الناس بتحترمو .. سهلة مو

يا زلمة وانت ليش مزعوج ... انت بتاخد حقك بإيدك وما بدك حدا يدافع عنك ..

بعدين يا حكيم منجكيهن هلأ كام كلمة حلوة لأنو بكرا نحنا بدنا نصير المغلوبين على أمرنا

فعلى أمل أنو يردولنا هالكلام بهداك الوقت ...

dimozi · 29/10/2004

Geenyyyyyyyyyyyyyyyyyyyyyyyy من ورايا يا Geeny ????????????????????
رائعة يا بنت

................ شو ها الحلا كلو ؟

عموما لا تخليه ينطر كتير ............ جد ............ والله حرام الشباب

.......... يعني بيفوت بالحيط اذا هيك بدك تفوتيه بها المتاهات ............. هاي حجة انا ما بعرف حالي ما بحبا :P

طالما الشب راقي متل ما عم تقولي بالتعامل ........ و أكيد حليوة لانو بعرفك مزوقة

........... و عم يحترمك و يقدرك ........... شو بدك اكتر من هيك ...... يلا ولوه ........... جبري بخاطرو ......... الله لا يكسر خاطر حدا

Geeny · 30/10/2004

ايه بس أنا ما بوثق أني كون إلو طول الوقت يعني أنا ما بعرف شو ساوي ....كتير شباب تعلقوا فيني بس أنا ..................ما بعرف شو أنا ..يمكن ........... غير
كنت قول دايماً أنو أمنيتي الوحيدة اللّه يبعتلي شبّ يحبني متل ما أنا يقدرني و يعشق أخطائي و كون بالنسبة إلو عشتار و بلقيس و اللّه بعتلي أكتر من واحد و كلهم حبوني بصدق و كلهم مستعدين يتركوا الدنيا مشاني بس أنا ما عم أقبل لأنو ....ما بعرف
يا أما بقول هيدا مسلم و هيدا نحيف و هيدا طويل و هيدا غبي ((وكأني أذكى العالم )) و هيدا ذكي كتير و هيدا و هيدا و مقضيتها هيك
و أنا بعرف أني صغيرة و الحياة قدامي بس هيدا الإنسان فوتني بالحيط يلي جوا ((بداخلي )) و حسسني أني أنا الحياة و هيدا شي كتبلي ياه بعد يومين من تعارفنا بس
تحملين الصّمت في عينيك وترحلين
تخبئين المعنى الطفولي فوق صفحات سحرك
تكسرين وحدك جدار الحزن
تخلقين الشمس من ضحكة ترسمينها فوق دموعي
فأصيرالاسم والمعنى وتصيرين الشعر السماوي المبارك بالدموع وبالحنين

إليك ... كنت أنقش روحي فوق البياض
كنت أحتسي الصمت فوق شوق حالم
من أجلك أعلنت الثورة على قلبي المقيد في حنانك

تخبئين الحقيقة بين خصلات شعرك
فتصبحين عشتار في تضاعيف القصيدة وأصير أنا تموز الصاعد من أرضي العقيمة إلى خصب عينيك

**Akhawia** · 31/10/2004

اقتباس:

كاتب النص الأصلي : Geeny

ايه بس أنا ما بوثق أني كون إلو طول الوقت يعني أنا ما بعرف شو ساوي ....كتير شباب تعلقوا فيني بس أنا ..................ما بعرف شو أنا ..يمكن ........... غير
كنت قول دايماً أنو أمنيتي الوحيدة اللّه يبعتلي شبّ يحبني متل ما أنا يقدرني و يعشق أخطائي و كون بالنسبة إلو عشتار و بلقيس و اللّه بعتلي أكتر من واحد و كلهم حبوني بصدق و كلهم مستعدين يتركوا الدنيا مشاني بس أنا ما عم أقبل لأنو ....ما بعرف
يا أما بقول هيدا مسلم و هيدا نحيف و هيدا طويل و هيدا غبي ((وكأني أذكى العالم )) و هيدا ذكي كتير و هيدا و هيدا و مقضيتها هيك
و أنا بعرف أني صغيرة و الحياة قدامي بس هيدا الإنسان فوتني بالحيط يلي جوا ((بداخلي )) و حسسني أني أنا الحياة و هيدا شي كتبلي ياه بعد يومين من تعارفنا بس
تحملين الصّمت في عينيك وترحلين
تخبئين المعنى الطفولي فوق صفحات سحرك
تكسرين وحدك جدار الحزن
تخلقين الشمس من ضحكة ترسمينها فوق دموعي
فأصيرالاسم والمعنى وتصيرين الشعر السماوي المبارك بالدموع وبالحنين

إليك ... كنت أنقش روحي فوق البياض
كنت أحتسي الصمت فوق شوق حالم
من أجلك أعلنت الثورة على قلبي المقيد في حنانك

تخبئين الحقيقة بين خصلات شعرك
فتصبحين عشتار في تضاعيف القصيدة وأصير أنا تموز الصاعد من أرضي العقيمة إلى خصب عينيك

شامم ريحة قلم ستيلو بعرفو

Geeny · 31/10/2004

ليش مين حضرتك زعيم

Abo rafik · 05/11/2004

اقتباس:

شامم ريحة قلم ستيلو بعرفو

نزار موووووووووووووووووو

Geeny · 05/11/2004

Geeny · 16/12/2004

أكيد مو نزار

أدوات الموضوع
عرض صفحة الطباعة إرسال هذه الصفحة إلى صديق