نــقــاش ..

[صياد الطيور]

تحت رغبة الأخ الغالي كريم أود طرح موضوع أتمنى أن يكون موضوع حوار ... وحوار فقط ..
دون تهجهم أو تهكم أو سخرية أو كلمات نابية ..

ما أود التكلم عنه هو وجود عدد لا بأس به من المعارضين داخل الأخوية ...سواء معارضين للحكومة أو للسيد الرئيس أو لحزب البعث ..

فما رأيكم أن نتحدث عن الحلول المنطقية..... والإحتمالات الواردة ..

وبالبداية ...أتمنى من كل معارض وضع الشخص الذي يراه مناسباً ليكون بديلاً
عن( الدكتور بشار الأسد )
ووضع أسم الحزب الدي يراه هو الأنسب بقيادة سوريا ... وطبعاً مع تقديم الأسباب ..
ومن لا يملك أجوبة فأتمنى ألا يكون معارضاً فقط ...من باب المشاكسة ... ومن باب ..أنا معارض ..وفقط...
لأننا جميعاً نهدف لبناء سوريا الحديثة الرائعة العظيمة بكل شيء ...وهمنا واحد ومصيرنا واحد ..
ولا نريد من يضع العصي بالدواليب ..
نريد النقد البناء ...وليس الهدام ..
نريد ان نطرح المشكلة وان نوجد لها الحل ...وليس فقط ..الإعتراض ..

مع التحية والشكر للجميع ... وخاصة للحوار الهادف

[krimbow]

ع راسي صياد ع دوعتك الكريمة .. و شكرا لتلبيتك طلبي و لو انو بتمنى انو يسود هالجو بكل الاخوية

بوكرا اكيد رح يكون الي مداخلة مطولة ... بس هلأ بدي استأذن منك لأنو تأخر الوقت و انعست كتير

اعتبر هالرد متل تسجيل متابعة

و دمتم

[غاندي]

يا أخي والله انت عظيم يا صياد....وهاد اللي حكيت فيه أنا قبل...
يعني اللي مو عاجبو الوضع يجيب البديل ...وإلا يسكت...
ولكن بتمنى أنو ما تكون الردود هزيلة من قبيل ، أي حزب غير حزب البعث ،وأي رئيس غير بشار الأسد...
وأتمنى على كل من يبدي رأيه أن يجيب على الأسئلة التالية من خلال حديثه بعد إذن الصياد طبعاً :

*أين المشكلة.؟
*هل (الرئيس ، حزب البعث . "أحدهما أو كليهما" ) هو المسؤول.؟
1-(لا)...من إذاً ، مع ذكر الأسباب والحلول .

2-(نعم) ..هل هناك حلول لهذه المشاكل مع وجود المسبِّب(برأيك).؟
ا- إن وجدت، ما هي.؟
ب- إن لم توجد، من البديل .؟ ولماذا هو دون غيره .؟ وكيف سيصبح بديلاً.؟وما الذي
يضمن مستقبل عمله .؟

مع الشكر الكبير لصياد الطيور ..
وطبعاً رأيي سيكون حاضراً..
وأتمنى أن يضيف كل شخص ما يراه مناسباً على هذه الأسئلة...

[Willi]

مراحب

الموضوع مهم
انا متل ما سبق وقلت ماني معارض بس ماني موالي

المهم بلا طول سيرة

وبالبداية ...أتمنى من كل معارض وضع الشخص الذي يراه مناسباً ليكون بديلاً
عن( الدكتور بشار الأسد )

اي مواطن سوري بيتم انتخابو بارادة الشعب السوري
ما يوصل للحكم بواسطة الوراثة
لان بلدنا اسمها الجمهورية العربية السورية ومو المملكة العربية السورية

ووضع أسم الحزب الدي يراه هو الأنسب بقيادة سوريا ... وطبعاً مع تقديم الأسباب ..

ما عندي اعتراض على (لعمى نسيت الكلمة) مبادئ وقيم الحزب
بس مافيها شي عم يتنفز
بالعكس بدال ما يكون حزب عم يعمل شي لصالح الدولة
عم يدمر الدولة
بعدين لازم يكون في على القليلة حرية الواحد يختار اذا هوي مع او ضد الحزب

[Willi]

*أين المشكلة.؟
*هل (الرئيس ، حزب البعث . "أحدهما أو كليهما" ) هو المسؤول.؟
1-(لا)...من إذاً ، مع ذكر الأسباب والحلول

هلق الرئيس عم يعمل ما رح قول ما عم يعمل
بس بجوز دولتنا هيي الوحيدة بالعالم اللي بتسمح لواحد عمرو 34 (او هيك شي) سنة يحكم الدولة
يعني برأيي الاكبر منو مو قادر يحكم دولة حتى هوي يقدر يحكمها

رح قلك انا اعتراضي الكبير هوي حرية الرأي يعني اذا الواحد ما بيحقلو ينتخب رئيسيو !
شو بيقدر يعمل؟
والتاني والاهم كل هالحرامية اللي حوالين الرئيس
والواسطات اللي بتعين الشخص الغير مناسب بالمكان الغير مناسب

وبالنسبة لحزب البعث كمان اعتراضي على حرية الرأي انو هوي ومافي غيرو
وبس هوي اللي مفروض المواطن السوري يتبعو

[غاندي]

انا شايف أنو بعض الشباب شاطرين بس بالانتقاد والمسخرة وغير هيك....
وهاد الموضوع هوي أكبر دليل على إفلاسن ... وهنن لا بيهمن لا حلول ولا غيرو ... عندن كلمتين حافظينن ويالله...

وحرام نضيع وقتنا معن....

[صياد الطيور]

يا سيد يا غاندي عمرك أطول من عمري ..
كنت ناوي أكتب عن نفس الفكرة من شوي ..
بس شو بدك تحكي ..

شباب المعارضة ما عندهم أي حجة تقوي كلامهم ...شاطرين بالتهجم والسب والشتم بس ..
وبما أنو اتفقنا من أول الموضوع أنو ما نغلط بالكلام ..
فبرجع بعيد دعوتي لنقاش سياسي خالص ...ومناقشة الأفكار الي عندكم ..

مع أنو بشك بوجود أفكار غير أفكار الــ ؟؟؟؟

[صياد الطيور]

يبدو فعلاً أقطاب المارضة بمنتدانا لا يملكون أي أجوبة لما طرحناه ..
ويبدو أنهم يجيدون النقض بلا فائدة

[سهرت الليل]

حلوة الفكرة كتير يا صياد انك تتكلم بهالشي

وبدك تعرف

الاستاذ بشار الأسد على راسنا وعيننا جميعا ولا يحق لأي احد ان يقول غير ذلك

[Majood]

بعني هلأ نحنا يلي حافظين كم كلمة و يالله...
بدكون نقاش .. بس النقاش معكن عقيم.. و الموضوع متل العادة رح يفقد اهميته و المقصد منو ... ليكك انت بلشت بالتهكم غاندي افندي..
هاد شخص واحد بس يلي حاوركن.. و الشب قلكن اننو مو معارض بس مو موالي ...
كيف ازا دخل الباقي . و الحوار اشتد ...

[صياد الطيور]

يا مجود ..غاندي ما حكى شي ..
ويلي قال رأيو وراح ..
بس العتب على البقية ...يعني وين أجوبة البقية ؟؟؟

[سهرت الليل]

اذا انا زاعجكن ما عاد فوت خلص التوبة

انا اسف لأني ... فت غصب عني ... شوفتو نقاش بيدوب ... قمت فت بين الدروب

[Majood]

بدكون نقاش .. معناها اسلوب التهكم مرفوض ...

[صياد الطيور]

ومين عم يتهكم ؟؟
ما حكينا ببداية الموضوع انو مافي تهكم ولا اعتراض على رأي التاني
بدنا نقاش ...وكل واحد حر برأيه

[سهرت الليل]

كلامك مزبوط يا صياد ولا نقاش فيه حبيب قلبي بس بدكن اياني شارككن ولا ارحل بين الدروب

[Majood]

انا شايف أنو بعض الشباب شاطرين بس بالانتقاد والمسخرة وغير هيك....
وهاد الموضوع هوي أكبر دليل على إفلاسن ... وهنن لا بيهمن لا حلول ولا غيرو ... عندن كلمتين حافظينن ويالله...

وحرام نضيع وقتنا معن....هاد الكلام شو بتعتبرو .. ما في اسفزازية و تهكم..
انت كلامك على عيني ..

[صياد الطيور]

طيب فينا نبلش الموضوع من جديد وتجاهل الردود الي ما بتعجبك ..
وخليه نقاش ...نقاش مجدي

[سهرت الليل]

كاتب النص الأصلي : majood76

انا شايف أنو بعض الشباب شاطرين بس بالانتقاد والمسخرة وغير هيك....
وهاد الموضوع هوي أكبر دليل على إفلاسن ... وهنن لا بيهمن لا حلول ولا غيرو ... عندن كلمتين حافظينن ويالله...

وحرام نضيع وقتنا معن....هاد الكلام شو بتعتبرو .. ما في اسفزازية و تهكم..
انت كلامك على عيني ..

ياعمي ليش معصب هيك شربلك فنجان قوة وبل ريئك ونفس اركيلة المهم روقها شو
كبرها بتكبر صغرها بتصغر... بعرفا مطاطة هاهاها...