أماني الحكيم تجلد خادمتها الأندونيسية بالخرطوم!!!!!!

[Huzun]

وصلت إلى مشفى ابن النفيس بدمشق الخادمة الأندونيسية آمنة إثر تعرضها لضرب شديد ومبرح على يد الممثلة السورية أماني الحكيم، الخادمة التي أدخلت لغرفة العناية الفائقة كانت قد تعرضت للضرب بقضيب من الحديد إضافة إلى حجزها في غرفة معزولة قبل أن تستطيع الهرب إلى منزل الجيران بحسب قولها.

الخادمة آمنة وهي تبلغ 18 سنة من العمر تحدثت عن ماتعرضت له من تعذيب مشيرة إلى: "أنها ليست المرة الأولى التي تتعرض لها للضرب لكنها وبحسب وصفها المرة الأكثر بشاعة، حيث استخدمت الممثلة أماني القضيب الحديدي والخرطوم لشفي غليلها كونها شديدة العصبية والتوتر وتستخدم العنف كأسلوب لمعالجة مشاكلها المنزلية". كما تقول آمنة.
الدكتورة بيان الفرطوسي رئيسة قسم الأطباء المقيمين في مشفى ابن النفيس تحدثت لـ"دي برس" عن وضع آمنة بالقول: "وصلتنا المريضة وهي تعاني كسور شديدة سببت لها ريح صدرية ولديها ورم دموي في أذنها اليمنى، ويتبين أنها تعرضت لضرب شديد متكرر لازالت أثاره واضحة حتى الآن".
الجدير بالذكر أن أماني الحكيم هي أبنة المخرج السوري مظهر الحكيم ولها الكثير من الأعمال على الساحة الفنية السورية.








إنو المخلوقة شكلها لطيف وهادي بقى كيف طلع معها كل هالإجرام !!!!!!!!!



إيه نسيت رابط الخبر

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[أإأبو العبد]

عادي حتى القطة شكلها لطيف وهادية بس وقت بتعصب بتخرمش وانا بموت بالقطط وبخرمشت القطط عووووو

[Huzun]

طيب منيح ,, كانت تخرمشها للخادمة! ضروري الضرب بالنباريج والخراطيم!!!!!!!

بس ياحرام عليها إذا هالحكي مزبوط
قولتك انحلت ( المشكلة المنزلية ) اللي عصبت مشانها؟؟؟؟؟

[marochka]

أنا بتذكر إني شفت مظهر الحكيم مرة شخصي وقرفت المخرجين من وراه (لوقت اللي شفت باسل الخطيب رجعت غيرت رأيي)، يعني إذا بنتو طالعا لأبوها فَ مو غريب أنها تعمل هيك وأكتر.

[Huzun]

كاتب النص الأصلي : marochka

أنا بتذكر إني شفت مظهر الحكيم مرة شخصي وقرفت المخرجين من وراه (لوقت اللي شفت باسل الخطيب رجعت غيرت رأيي)، يعني إذا بنتو طالعا لأبوها فَ مو غريب أنها تعمل هيك وأكتر.

له يابنت الحلال نسيتي مأمون البني
أنا بس شوف هالأسامي بمرض ,, كيف لو شوفهم شخصي
الله يعينك

بس أنا شو قلت لحالي ,, مو بالضرورة إذا الوالد الكريم بيمرّض تطلع البنت كمان نفس الشي



طلعت بتمرّض وبتدخّل العالم عالمستشفى

[Huzun]

بس اسمحيلي فيّا ,, باسل الخطيب كمان بيمرّض

[Black Orchid]

قال وليش الخادمات عم يرموا حالهن من البلاكين وينتحروا!

[marochka]

كاتب النص الأصلي : Huzun

بس اسمحيلي فيّا ,, باسل الخطيب كمان بيمرّض

هو بيمرض من كتر الغرور اللي عندو مظبوط، بس الأولاني بيقرف من كتر ماهو سوقي ومتل البالون المنفوخ عالفاضي

[Huzun]

كاتب النص الأصلي : marochka

هو بيمرض من كتر الغرور اللي عندو مظبوط، بس الأولاني بيقرف من كتر ماهو سوقي ومتل البالون المنفوخ عالفاضي

أنا عليي بالإخراج

لاخلوني إتهنى بالفرجة عـ مرايا ولا رسائل الحب والحرب والآتي أعظم
بس هداك مظهر أفندي لهلق ماظهرتلو ولا مسلسل والحمدلله ,,
شفتلو كام مشهد ومشي الحال ,, وصلني الإبداع

[rama1985]

شو قانون الغاب يلي عايشين فيه هاد

[بنفسجة]

الممثلة اماني الحكيم نفت الخبر وقالت انو هيي انسانيتا ما بتسمحلا تقدم على هيك عمل
طيب اذا مو اماني يلي ضربت الخادمة
مين يلي ضربها؟
بنت الجيران؟!!!!!!!!!!!!!

[marochka]

قال هي وقعت عن البلكون وقت كانت عم تجرب تهرب لأنو كانو بدو يرجعوها على بلدا لأنو طلع معا التهاب مدري شو..
بس أنو لوين بدا تهرب مثلاً إذا هني بدون يرجعوها على بلدا؟؟
يعني هي حبت القعدة بسوريا وما عاد بدا ترجع على بلدا!!!

[Constant]

ما بعتقد اماني ضربتها

شو ما عندا شوفير ولا طباخ

[Genifer]

طيب ليش ما حاطين بنفس المقابلة أقوال أماني..يعني لازم نسمع للطرفين انه ليش أماني ضربتها؟؟؟

[I_Love_Syria]

غريبة إنو دايماً بيطلع الحق عالأندونيسية أو الفلبينية أو أي جنسية تانية المهم إنو نحنا دايماً الملايكة وهنن طبقة 15 ومالن بشر
ومو أول مرة بيصير هيك يعني دايماً لما بتموت الأندونيسية أو بتنضرب بيكون الحق لابسها لبس
على الله يريحونا من هالمرض ويمنعوهن

[mary belle]

عبالي هلممثله عندا اخلاق!!يعني هيك ببين بالتمثيل.
!!او يمكن معقول كتير انو الاخلاق صارت نوع من التمثيل ليتخبو ورا !!
يا حرام!

[saman]

هلأ اكيد ما بقدر انفي او أكد هالخبر ... اصلاً الموقع المأخود منو الخبر ما بعرفو
بس اكيد كمان .. ازا شفت هيك حادثة ما رح اتأثر ... بما اني ضد وجود الخادمات .. وخصيصاً ازا كانوا من جنسيات اخرى ... اناضد وجود الخادمة بالمطلق ...
واكيد ما فيني اتحمل وجود (( خادمة )) بين قوسين .. عم تنهان وتنضرب ....

بس انو اماني الحكيم ... فنانة معروفة اديشها هادية واخلاقية ... معقولة تأقدم على هيك عمل .. هي اولاً .. تانياً ... كأنو لازم نسمع هيي شو قالت ... او بالاحرى .. ليش ما تكون هي اشاعة ... او كمان ممكن ازا كانت هي خادمتها وبالفعل انضربت .. ليش ما يكون جوزها يلي ضربها مو هيي ..
انا ما عم انفي انو هيي يلي ضربتها ... بس انا بحترمها كتير لهالفنانة ... وبتمنى تكون هالقصة اشاعة .. او في لغط بالخبر

[يمان Rooooonaldo]

بزمانا طلعت معي بالمكرو .. وكانو منخيرا .. بالسما .. بالسما .. بس فجأة ... لقت منخارا .. دق بسقف المكرو ... واتزكرت تحاسب .. وقت زورها الشوفير ..