آتشوووو ، انفلونزا الحنازيــر ، آتشووو آتشوووو

[أبو شريك]

آتشووووووو

عم اعطس كتيير



آآآآتشووووووو

لا يكون معي انفلونزا الخنازيــر !!!!




>>> فعلا هاليومين عم اعطس كتير ها ، ديروا بالكم اعديكم واقضي على المنتدى



من تداعيات انفلونزا الخنازير ، انو امس باول يوم بالجامعه ، و انا عم سلم عالشباب ، بعض الشباب ما رضوا ينباسوا .... ، تخيلوا !!! ... تخيلوا سلام عالناشف !!


وبالمدارس صار في دكاترة ، واي واحد بدو يطلع من الحصة ، بس يقول للاستاذ : ( عندي حرارة ) ، و اذا الاستاذ ابن ابوه يقلوا مافي تطلع



بنرجع لحالتي ، يعني بصراحه صرت خاف اعطس بين الناس ، بخاف عليهم يرتعبوا بسببي ، خطي

<< ولللك شو هالقلب الحنون ، يقبرني



في شباب لما انفتح الموضوع ، من شي 4 اشهر ، من قبل ما يطلع المرض يعني ، صاروا يقولوا : مؤامرة صهيونية !!


بس فعلا في ناس بتقلك مشان شركات الادوية تشتغل ، و ناس تانيه بتقلك لهلق ما لقولو لقاح والله يستر نروح ضحية الخنازير



الواحد يحتاط احسن شي ، ويلتزم بتعليمات الوقاية من هالمرض ، ولا شو رأيكم ؟

هي بوستر عن هالوقاية ( بس حجمو XXXXXL ، مشان الاعمى يشوف ، والاخرس يحكي ..... روسي وطلياني وتركي ..... يمكن يحكي ويمكن يسب ) : http://www.bupa.com.sa/En/Press/Pres...9%8A%D8%B1.jpg


هي الاجواء من عنا بالكويت ، كيف البلد عندكم ؟ حدا خايف من الفيروس ؟؟


>>> مع انو ما بظن يكون دخل الفيروس البلد ، اي والله بيلقطوه وهو بالجو ، و عالفرع

واذا طلع من الفرع ، بيطلع انفلونزا أرانب ، فما بضر حدا

[Nasserm]

كاتب النص الأصلي : أبو شريك

كيف البلد عندكم ؟ حدا خايف من الفيروس ؟؟


>>> مع انو ما بظن يكون دخل الفيروس البلد ، اي والله بيلقطوه وهو بالجو ، و عالفرع

واذا طلع من الفرع ، بيطلع انفلونزا أرانب ، فما بضر حدا

إذا طلع إنفلوزنزا أرانب.. ممكن يضر بعض الأشـGـاء السوّاح بسوريا

[suzaan]

هلا المرض بكل مكان حتى بدول الخليج أجلوا المدارس أسبوع

على حساب يمكن يوصل المصل والدوا ولو ماوصل رح تتأجل المدارس هي السنة

يعني بالعقل الواحد لمن بيطلع من بيتو بيخاف يروح على شي تجمع ومايطلع منو

بأة كيف بالمدارس والجامعات والكليات المفروض هي السنة تتأجل الدراسة كلها من اصلو

والله يصلحك شو هالارشادات لازم روح بالصورة يمين وشمال لحتى شوف الكلمة

مو بس الاعمى حتى الاطرش والاخرس

شكرا على طرحك الموضوع لانو لازم النقاش بهيك موضوع هون عنا بالمنتدى

[I_Love_Syria]

لك خيو إذا بدو يصير معك إنفلونزا خنازير حيصير وإنت قاعد ببيتك
يعني مو معقول نضل قاعدين بالبيت كرمال ما ننعدى أكيد أخد الإحتياطات واجب بس شو بدك تاخد لتاخد
بس هالأمراض إلي بتاخد ضجة كبيرة ما كتير بقتنع فيها بحسها كرمال يلهو العالم عن أشياء أهم

أما بالنسبة لموضوع الوفيات بإنفلونزا الخنازير فمالو رقم كبير كتير بالنسبة للأشخاص يلي انصابوا بالمرض والإنفلونزا العادية بيموت فيها عالم بس لأنو مالن مراقبينهن مابنسمع عنهن, إحتمال يكون في إنفلونزا خنازير بس مو بالشكل المرعب يلي عم يصورولنا ياه

[suzaan]

طيب في هون موضوع تقرير عن الالفنونزا فياريت تقرأو

ولو حابب بدور عليه وبجبلك الرابط

[يمان Rooooonaldo]

أما بالنسبة لموضوع الوفيات بإنفلونزا الخنازير فمالو رقم كبير كتير بالنسبة للأشخاص يلي انصابوا بالمرض والإنفلونزا العادية بيموت فيها عالم بس لأنو مالن مراقبينهن مابنسمع عنهن, إحتمال يكون في إنفلونزا خنازير بس مو بالشكل المرعب يلي عم يصورولنا ياه

الفهيم .. بيربح ..

[هشام ابو شرار]

اي الواحد كره الطلعة برات البيت من كتر ما سمع عن هالمرض وصار ممكن يقتل ازا حدن عطس بوجهه وتعودت على كاسات البلاستك يللي القهوة فيها بتقرف....لك حتى القهوة ماعاد فينا ندخلها من جو الاراجيل المعبق والدخنة يلليممكن يكون فيها شي فايروس!!!حلونا بقى

[suzaan]

انو هلا كلامك صحيح الواحد صار يخاف يطلع من البيت او بالاحرى

صار يفرق يطلع من الملوثات الي صارت بالجو

انت بتعرف انو بدول الخليج صاروا يحطوا معقمات ايدين

وبعدين الكاسات الأزاز احسن بكتير من البلاستك

يااخي خلي كاستك لوحدك وبلا حدا يشرب منها وبس تخلص شرب غسلها ورفعها

[هشام ابو شرار]

كاتب النص الأصلي : suzaan

انو هلا كلامك صحيح الواحد صار يخاف يطلع من البيت او بالاحرى

صار يفرق يطلع من الملوثات الي صارت بالجو

انت بتعرف انو بدول الخليج صاروا يحطوا معقمات ايدين

وبعدين الكاسات الأزاز احسن بكتير من البلاستك

يااخي خلي كاستك لوحدك وبلا حدا يشرب منها وبس تخلص شرب غسلها ورفعها

وجهة نظر بس يعني مو معقول احمل الكاسة وين ما اروح....خاصة بالزيارات الاجتماعية وبعدين ماوقفت على الكاسة الخطير بالمرض انه بينتقل مع نسمة الهوى يعني ازا شي حدن عطس على بعد 2م ممكن ينوبنا من الحب جانب!!

[rama1985]

شو مشان انو قرأت بالجريدة
انو في عام 1968 تفشى فايروس
انفلونزا هونغ كونغ
وادى لوفاة مليون شخص في مختلف انحاء العالم

وفي عام 1918 تفشى فايروس الانفلونزا الاسبانيه
وادى الى وفاة مليون انسان

فعلا الشغلة بدها كل هل الإحتراز بالنسبة الي والله انا خيفانة ليش الكزب
اليوم مثلا شفت وحدة نازلة عم تسعل وسعلتها بتخوف خفت وبعدت عنها
وكمان دول كتير اجلوا المدارس مشان هل مرض
اكيد طالما في وفيات بهاد العدد
ف بيكون مرض بخوف وخاصة عم يجي على الناس
يلي ما عندها مناعة متل الاطفال
ويلي عندن مشاكل صحيه يعني مرض قاتل ما نو لعبة
على كل الله يبعد عنا المرض بأنواعو
اي اسما لحالو بيكشش البدن

وهاد الرابط لمتابعة اعداد المصابين والوفيات

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

الوفيات هيي fatal cases
أما الاصابات الكلية فهيي confirmed cases

[ابو نجبو]

من كم سنة لمّا طلعت انفلونزا الطيور وصار البلد مليان اشاعة انو انفلونزا الطيور معشعشة بيناتنا بس الحكومة ماعمتحكي ....
وبطّل حدا يشتري جاج...وصار كيلو الجاج ب35 ورقة ....





هديك الفترة ملّيت من أكل الجاج ...صار أرخص من البطاطا..بينما وصّل سعر كيلو اللحمة لل750 ليرة...صرنا نشتري عشرات الكيلوات ..وصارت الكبّة والصفيحة و كل الطبخات اللي بدها لحم غنم نستعبض عنها بلحم الجاج...


العمر واحد و الرب واحد ...واللي الو عمر مابتقتلو شدّة

[memo dark death]

الله يسترنا من شي اعظم اذا على انفلونزا الخنازير بسيطة الله يستر لانو المخفي اعظم

[جلنارالغالية]

ايه والله صاروا الكل يتزاوروا من الواحد لما يعطس حتى صرت انا ورفقاتي نموت ولا نعطس أو نكحكح حتى كحكة بسيطة ئدام حدا
الله يجيرنا

[whiterose]

((قل ما يصيبنا الا ماكتب الله لنا))

((وياتيكم الموت لو كنتم في بروج مشيدة))

[I_Love_Syria]

كاتب النص الأصلي : whiterose

((قل ما يصيبنا الا ماكتب الله لنا))

لن مو ما

[الأندلسية]

كاتب النص الأصلي : whiterose

((وياتيكم الموت لو كنتم في بروج مشيدة))

(( أَيْنَمَا تَكُونُواْ يُدْرِككُّمُ الْمَوْتُ وَلَوْ كُنتُم في بروج مشيدة ))

[LiOnHeArT.3LA2]

لك انو مدري شلون على فكرة
..
ذكر سابقا .. وفي حديث سابق .
انو اخي . انا ما بسدّق .. لحتى امرض ..
غير هيك .. مالي مصلحة بنوب فكر بالموضوع ..
وعلى قولة الدعاية ..
شغيل راسك بكل شي .. الا بالقشرة .. وانفلونزا الخنازير

[marochka]

بس ما عم أفهم ليش الناس بتخاف من العطس مع أنو حاطين من الأعراض الأساسية تبع أنفلونزا الخنازير أنو ما بيعطّس ولا بيمشي الأنف..