دعوه لايقاف الاستسخاف بارائنا

[اممي]

** اشراف : تم حذف المشاركة المقتبسة لمخالفتها ضوابط الكتابة باخوية

[اممي]

http://akhawia.net/showthread.php?t=127117

حبيت بلش الموضوع بالرد تبع صوفي لان يستحق ان نوقف عندو وعند كتير اراء
في موضوع اتسكر لجرم التعرض الي جلاله المشرفين (صلي الله عليهم ) او جل جلالهم متل مابدن
اغلاق هيك نوع من المواضيع مابيدل الا غلي افلاس فكري ونفسي عند المشرفين ونوع من الفوقيه بالتعامل مع الاعضاء
هاد صار اسمو قرف وشي فوق اللزوم وماعاد ينسكت عليه
ان بدكن تخلونا نترك اخويه وننقحط ....مانا مقحطين وبدكن تحترمو ارائنا كمشتركين بهالمنتدى وتعتذرو علي الاسلوب الغير مسوول الي عم تتصرفو فيه
للاسف حولتو اخويه الي شي مجوف مابينطاق نتيجة التصرفات الرعنه الي عم تتصرفو فيها
علما ان لم يتم توجيه اي مخالفه الي ولا الموضوع شخصي ولا هم يحزنون بس مصلحة اخويه فوق كراسيكن الافتراضيه
من هون بدعو كل الاعضاء الي توقيع اسمهن للدعوه لتغير المشرفين واجراء انتخابات ليجي فيها مشرفين بيحترمو الطرف المقابل او علي الاقل تكميم صلاحيات المشرفين :
ريمي و ياسين (اشراف اداري)

اممي ..عضو باخويه من 2006

[I_Love_Syria]

إعتصام إلا أن يصبح الوضع أفضل

[اممي]

ماعاد في داعي حدا يفتح موضوع بريدي ليعترض علي المشرفين لان فجا بيتحاصر ب 4 مشرفين عاملين شله بيبلفو فيها واخر شي بيروح متل ماعم ترح اكثر من 10 اعتراضات بالاسبوع او اكثر
خلص القصة ماعاد بدها نسكت ...متل ما بنرفض القمع بالواقع بنرفضو باخويه ...وتظل اخويه متنفس لكل الشباب برغبتكن اولا بلاها

[Sun Shine Art]

انا معك اممي ...وبايدك ...بس كتيير متفاجئه ليش اتسكر الموضوع ..وكنا حابين يكون في نقاش ..وانا ذكرت اسماء كان لازم اترد ع تسألتي عليها ..وموضوع ابو طوني والتصرفات معه والي صار

والي ما عبجو ردي فيه يعمول طباعه ع ورقه ويشقو بركي بيرتاح

واذا عم طالب بتغير الاداره انا بطالب معك بتغير الطاقم كامل من الكل ....او تغير اسلوبون ويكون في حدود بالتعامل ...ومتل ما قال قرصان ومتل ما قلت انت محدا لح يترك اخويه ...وعم نطالب برجعه ناس كتير واولن ابو طوني ....وعم نطالب بالنقاش ....وعدم الدكتاترويه ...ويكون في احترام للاعضاء ..متل مافي احترام للمشرفين والمنسقين ...بشكل متبادل ..وبلاها المحسوبيات ...

[jano.]

موضوع "

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

" ماكان لازم يتسكر أبداً، صار لازم ضروري كتير يصير حوار بين المشرفين والأعضاء، وحجة أنو كم واحد شخصن بهداك الموضوع مانا كافية لتسكيرو ومانا كافية لتجاهل القضية الأساسية والي هيي وبكل صراحة القمع الي عم يتم من قبل بعض المشرفين!

أنا شخصياً مالي أي مشكلة مع أي مشرف أو منسق، وماني عم شارك قد ربع هالأعضاء الي انظلمو واتخالفو على غير حق بالفترة الأخيرة. بس لما أتواجد بموقع بيدافع عن قضايا خاصة فينا كسوريين، متل حرية الرأي ورفض القمع والمطالبة بالتغيير، لازم هالمبادئ تتطبق أولاً ضمن الموقع نفسو، غير هيك مارح يكون في مصداقية أبداً. وأخوية ماكانت هيك لما سجلت فيها قبل سنة، في أشياء كتير اتغيّرت ولازم يتم توضيحا.

ما رح اطلب معكن تغيير أو توقيف صلاحية فلان وفلان من المشرفين، القصّة ما بتنحل بهالشكل، بس بطلب من القائمين الفعليين بالموقع أنو ماعاد يتجاهلو المشكلة.

[رجل من ورق]

كاتب النص الأصلي : jano.

موضوع "

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

" ماكان لازم يتسكر أبداً، صار لازم ضروري كتير يصير حوار بين المشرفين والأعضاء، وحجة أنو كم واحد شخصن بهداك الموضوع مانا كافية لتسكيرو ومانا كافية لتجاهل القضية الأساسية والي هيي وبكل صراحة القمع الي عم يتم من قبل بعض المشرفين!

أنا شخصياً مالي أي مشكلة مع أي مشرف أو منسق، وماني عم شارك قد ربع هالأعضاء الي انظلمو واتخالفو على غير حق بالفترة الأخيرة. بس لما أتواجد بموقع بيدافع عن قضايا خاصة فينا كسوريين، متل حرية الرأي ورفض القمع والمطالبة بالتغيير، لازم هالمبادئ تتطبق أولاً ضمن الموقع نفسو، غير هيك مارح يكون في مصداقية أبداً. وأخوية ماكانت هيك لما سجلت فيها قبل سنة، في أشياء كتير اتغيّرت ولازم يتم توضيحا.

ما رح اطلب معكن تغيير أو توقيف صلاحية فلان وفلان من المشرفين، القصّة ما بتنحل بهالشكل، بس بطلب من القائمين الفعليين بالموقع أنو ماعاد يتجاهلو المشكلة.

وانا معك

[Reemi]

وأنا معكون ناقشو للصبح بدون اهانات شخصية وتجريح.. في امور بتحبو نتناقش فيها انا ماعندي اي مانع

اما يستخدم البعض الموضوع لاهانة اشخاص بحجة انو هو موضوع عن استبداد المشرفين ومارح تقدرو تخالفونا والا بتكونو عم تثبتو انكون مستبدين فهالحكي ما ممكن نقبلو

[khaliiiil]

لسا ما تسكر الموضوع

[..AHMAD]

وانا معك

انا مع الاستبداد والقمع والدكتاتورية

ريمي و ياسين (اشراف اداري)

وينو اسمي ؟




يا زلمي ما بعرف ليش كتير عمتحجمو الأمور
اخوية ... هربانين من الواقع .. نتنفس فيها
بالمقابل ... نتنفس بكمية معينة ....
كلمة هالـ نتنفس بكمية معينة
ممكن تنفهم على انها حدّ من الحرية ( حد مش حد ولازم نوقف عندو ... ولا حد اللي بينحط مع الصندويش ... حد يعني التخفيف وايقاف وهيك )
بينما انا بقصدها .... كرمال ما يدايقني نفسك ... ولا انت تتعب
بالأخير ... قد ما كانت بتعني اخوية لكل واحد منا ... هية عبارة عن مجتمع افتراضي .... بكبسة زر .. وبيطير .. وبطير معها .. كل هالقيم الي حطيناها .. كل هالمبادئ .. كل هالاخلاق اللي وزعناها .. كل هالعلاقات اللي بنيناها
فـ انو ... حاولو من هون لينكبس هالزر ... وتطير كل القصص ...
نحاول نجمع اكبر علاقات ودية ... وهالقيم والمبادئ والاخلاق الي عمنحطها هون .. نطبقها عالواقع
انا ماني بصدد الدفاع عن الادارة ... ولا الهجوم عالاعضاء
ولا العكس حتى
بالنهاية ... الادارة فيها غلط ... والاعضاء فيهن غلط ... وانا فيني غلط ... ولك الله الله ... بحد زاتو .. فيه غلط
فـ حاج تحجمو الامور ... وكما يقول مخول قاصوف في احدى اغانيه :
شبعنا بقا يا ناس ... ما عاد في احساس
وفي روايةٍ اخرى ..
بدنا ولاد .... بدنا ولاد ... ما منعرف لاااااااااااشو يا روحي ...
بدنا نزبط .. صورتنا ... لي كل عمرها فلو .. يا روحي

فيكن تسمعو الغنية من هون ( للمهتمين يعني بتوثيق سماعي )

http://files.syrtofolio.com/file.php...Badna_Wlad.mp3

فـ كل شي بدي ياه يصير هون .... انو ( حاج ولـــــــــدنة )

[رجل من ورق]

رح احكي شي
اذا بتتطلعوا عالمواضيع شوي اللي عم تتسكر فهي غالبا بلا طعمة او مش مناسبة انو تكون عنا
من ميلة تانية انو في فكرة تقدير الاخر وهي احيانا عم تكون مفقودة وقسم التاريخ خير شاهد
طيب لنرجع لريم وياسين
بعرف انو الون موقفون بس يعني بتشوفوا المواضيع هلأ بالصالون كتير صاروا على سوية راقية والمجتمع برده
يعني في جهد ولو القصة هيك كانت اتسكرت غالب المواضيع
بخصوص ابو طوني وقرصان والباقي
يعني اكيد قدموا كتير لاخوية وما في شك وبخص الاول منون بس يعني احيانا فينا لما نعلق مع اداري نتحاكى شوي معه ونفهم بالضبط شو صاير واللي اله حق بياخده مش دغري موقع منافق ومابعرف شو
هيدا رايي

[رجل من ورق]

الادارة فيها غلط ... والاعضاء فيهن غلط ... وانا فيني غلط ... ولك الله الله ... بحد زاتو .. فيه غلط

[اممي]

كاتب النص الأصلي : Reemi

وأنا معكون ناقشو للصبح بدون اهانات شخصية وتجريح.. في امور بتحبو نتناقش فيها انا ماعندي اي مانع

اما يستخدم البعض الموضوع لاهانة اشخاص بحجة انو هو موضوع عن استبداد المشرفين ومارح تقدرو تخالفونا والا بتكونو عم تثبتو انكون مستبدين فهالحكي ما ممكن نقبلو

بعتقد ان مجموعة القيم الي الكل بيوقف عندها والي بتتعلق بعدم التطرق للاخر بالسب والشتيمة هيه من الامور الي الكل بيحترمها ومابعتقد ان حدا راح يتطرق لهالشي
بس الاهانه مابتكون بس عن طريق كلمة لفظ او شتيمه ...لغي موضوع بيكون صاحبو طارح فكرة او التصرف بفكرة او حط حاجز بين العضو وبين المشرف(لكونو كيان مقدس غير قابل للغلط ) هاد بيندرج بالادبيات العامه تحت بند الاهانه تحديدا الاهانه الفكريه ....
وللاسف ان الامور وصلت لدرجة ان الواحد صار بيسمي بالاسم المشرفين الي عم يتجاوزو حدودن وعم يوجهو اهانات -فكريه- للاعضاء
بتعتقدي ان ماني مزعوج لان عامل موضوع كامل لحط حد للقمعيه الي عم تمارسيها او الي عم يمارسها ياس؟لك انتو رفقاتي وانتي تحديدا بنت بحترمها وصارلنا سنين بنفس االموقع ويامات مشاركين بمواضيع بعض
بس لما بتصيرو بتسيؤو لاخويه فساعتها نازم حدا يقوللكن حاجة
انا بنفسي بعتلك رساله قبل 3 اسابيع بان رفيقة هدي الوضع ماعاد طبيبيعي ...بس ما اتغير شي
العالم بلشت تطفش ريمي ولاتقليلي الي موعاجبو الله معو ...انتي وياس وبلاك عم تطفشو الشباب الي عم يكتب هون وهلق ماعاد عم احكي عن الي صارلن سبوعين ولا شهر انا عم احكي عن الي عندن اكثر من 2000 مشاركه ...اي هدول الن للاخويه مابيخلي ان بيستحقو ان نفكر شو صاير؟وهون ماعم احكي بس عن اخر 3شباب تركو
طيب ليش ماعاد في مواضيع وكل صفيان معايدات وليش متراجعه عدد الزيارات للموقع ...بعتقد هاد كمان من مسوولياتكن
برجع بقول ان انتو عم تتعبو والتنسيق بدو ساعات وهاد كلو جهد...بس ان بيكون المقابل للي عم تعملو ان تتسلطو علي الاعضاء هاد ماعاد مقبول
عم بكتب بحرقة لان هالموقع بيعنيلي سوريا بالوقت الي انا فيه خارج هالبلد وبعرف ان جزء منكن كمشرفين ماعاد فرقت مع اجرو كل الي عم ينكتب ...بنصحك ريمي ان تراجعي حالك لان مو من الطبيعي ان الكل بيشير الك عالفاضي ....هاد الحكي من حدا لا وجهتيلو مخالفة ولا الو مشكلة معك
دمتم ودامت اخويه

[بنفسجة]

اخ00000000000
ياكبير انت ياكبير
طبعا المشرفين عليون المسؤلية الاكبر بيلي عم يصير
وطبعا الاعضاء عليون مشكل كمان
بس القصة انو نحنا كاعضاء ما عم نعرف انو النا حقوق وعلينا واجبات
حقنا نحكي يلي بدنا ياه وننتقد يلي بدنا ياه باطر سليمة وعقلانية
وواجبنا مانحط هالمشرف كعدو او كشخص بدنا نعارضو لمجرد انو نعارض وجودو كمشرف
كمان المشرف عم يتعب
بس للاسف بالفترة الاخيرة المشاكل صايرة بين المشرفين وعم تصير اسطفافات
ناس مع هاد المشرف وناس مع المشرف التاني وبتبلش الاعضاء ضرب ببعضا كرمال مين كرمال تصفاية حسابات بين المشرفين وهيدا يلي صار مع ابو طوني وقرصان وغيرو وغيرو
ياناس يا اعضاء يامشرفين والله الاخوية شي رائع جدا ومجتمع بياخد العقل
ما بقدر اتخيل حياتي بلا اخوية
واليوم يلي بتكون اخوية فيه واقفة بحس انو في شي غلط بيومي
في مشكلة بين المشرفين والاعضاء بتنحل وهالاصطفافات حلها الوحيد هو التغيير كل فترة
يعني المشرف يلي الو فترة مشرف المفروض يتقاعد ويجي مشرف بدالو والمنسق هيك
على الاقل مشان هالاستطفافات والصراعات ما تزيد ولا تتشكل
للادارة حلو مشاكلكون مع بعض ولاتدخلو فيا الاعضاء حرام والله حرام ينضرب منتدى متل اخوية كرمال كلمة خلافية بين مشرف ومشرف اخر

[Reemi]

ياجماعة يلي عندو حكي عن احداث معينة واشخاص معينين يتفضل يحكي ويوجه الحكي للاشخاص اما نصائح عامة عن حياتي بصراحة مو مستحب ينفتح عنها موضوع بالصالون


بالنسبة للشباب يلي طفشو على قولتكون فمابعرف شي عن الموضوع ولاخالفت حدا منون ولاالي علاقة

[أإأبو العبد]

يارجال سكر هالموضوع لاتوجع قلبك اكتر من هيك

دق المي وهيي مي

[لامار رمز الدمار]

انا لهلئ ما عندي مشكلة مع مشرف او منسق او عضو والحمد لله

انا شايفة كل اسبوع اكتر من موضوع من الاعضاء هو عبارة عن طلب تفسير سبب سياسة القمع يلي عم تصير بس لهلئ ولا موضوع من قِبل المشرفين وضح الجواب
كان الجواب نحنا هيك .... الله معك

هلئ عرفنا في ضوابط للاعضاء بالاقسام ووووووووووو الخ مافي ضوابط للمشرفين

ياجماعة الناس يلي باخوية ناس فهمانة كتير ان كانوا مشرفين او اعضاء او منسقين مو معقول بدل ما نكتب مواضيع حلوة نروح نكتب نفس المشكلة

معقول باخوية ما في شخص يكون واسطة خير لهل الاصة
انا مابعرف ابو طوني وزين ......... الخ
بس حسيت انون ناس مهمة واذا حدا من المشرفين بيهموا جد اخوية يكون هو واسطة خير
والي عودة

[اممي]

كاتب النص الأصلي : Reemi

ياجماعة يلي عندو حكي عن احداث معينة واشخاص معينين يتفضل يحكي ويوجه الحكي للاشخاص اما نصائح عامة عن حياتي بصراحة مو مستحب ينفتح عنها موضوع بالصالون


بالنسبة للشباب يلي طفشو على قولتكون فمابعرف شي عن الموضوع ولاخالفت حدا منون ولاالي علاقة

المشكلة اذا انطرح اي موضوع ضدكن بتجيرو لامور شخصية
راح اعطيكي ابسط مثال صار قبل كم ساعة( وهاد مو الاول ولا راح يكون الاخير بس فيض من غيض) ...
رد سامر علي صوفي بحد ذاتو كان خرج ان ياكل عليه مخالفة (رغم ان ابو سمره ررفيق) بس ماخص هاد بهاد
ورد سامر مانو لب القضية القضيه الي حسستني بالاهانه تسكيره الموضوع كلو
ان لهالدرجة وصلت ولو ريمي مافيكن توقفو وتردو ؟؟!! ان سكرو تمكن انت وياه واذا ماعجكن بنسكر الموضوع؟؟
هاد اسلوب برايك؟؟

كاتب النص الأصلي : أإأبو العبد

يارجال سكر هالموضوع لاتوجع قلبك اكتر من هيك

دق المي وهيي مي

لا ياسيدي ااخويه بتعنينا كلنا ومافي داعي لندير ظهورنا ونصير بنحكي علي هاد وهداك بالتشات لان ساعتها ماراح يتغير شي واذا الوضع مو عاجبك مو الله معك لا تعي حاول تغير ...