طالبة ماجستير سورية تخترع سيارة كهروشمسية للتخفيف من التلوث البيئي

[I_Love_Syria]

دراسة وتنفيذ سيارة كهرو شمسية كان هو عنوان رسالة لنيل درجة الماجستير التي قدمتها المهندسة زينة بيطار في كلية الهندسة الميكانيكية والكهربائية ، وعن هذه السيارة قالت المهندسة زينة بيطار في حديث لـ شام برس : " إن هذا العمل الأول من نوعه في سورية في مجال الطاقات المتجددة وذلك للتخفيف من التلوث البيئي ، وأشارت إلى أنها لجأت إلى الكثير من الدراسات حول الطاقات المتجددة والطاقة الشمسية ، وبعد عام من الدراسة توصلت هي وفريق عملها إلى السيارة العاملة على الكهرباء المولدة بالطاقة الشمسية ،
وأوضحت بيطار أن السيارة تتغذى بما تنتجه خلايا الطاقة الشمسية المثبتة على سطحها، ويجرها محرك كهربائي قدرته 10 كيلو واط مربوطاً بموزع الحركة الخلفي عبر علبة سرعة إلكترونية ، وبينت أن السيارة تسير بفضل محرك كهربائي وبسرعة ستين كيلو متراً في الساعة تقريباً ، وتشحن المدخرات بشكل كامل بعد وضعها ست ساعات في الكازية الكهربائية الشمسية التي أنشئت في الكلية لهذا الغرض
ومن جهته قال الدكتور سميح الجابي المشرف العلمي على الرسالة: " سنشهد مؤخراً اهتماماً واسعاً باستخدام الطاقات المتجددة لحماية البيئة وللتخفيف من استهلاك الوقود التقليدي خاصة إن الأعوام القادمة ستشهد ثورة في استخدام هذه السيارات في أنحاء العالم .
وبدوره قال هاشم ورقوزق عميد كلية الهندسة الكهربائية والميكانيكية " ما وصلت إليه دراسات وبحوث شعبة الطاقات المتجددة هو بداية لمشاريع أخرى أكبر سنعمل عليها في السنوات التالية بهدف بناء كامل جسم السيارة الكهربائية من المواد والخبرات المحلية ، مشيراً إلى أن مثل هذه المشاريع تحتاج الكثير من الدعم كإعفاء هذه التكنولوجيا من الرسوم الجمركية ، كما نوه على العمل لتطوير البنية التحتية بالخبرة المحلية وصناعة كل ما نحتاج ميكانيكياً وكهربائياً في معاملنا ومختبراتنا دون اللجوء إلى الاستيراد من الخارج فاليوم هذه الخلايا الشمسية متوفرة ولكن مع الوقت قد تصبح محتكرة فلماذا لا نعمل على تصنيعها بدلاً من تجميعها.

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[ayhamm26]

كاتب النص الأصلي : I_Love_Syria

دراسة وتنفيذ سيارة كهرو شمسية كان هو عنوان رسالة لنيل درجة الماجستير التي قدمتها المهندسة زينة بيطار في كلية الهندسة الميكانيكية والكهربائية ، وعن هذه السيارة قالت المهندسة زينة بيطار في حديث لـ شام برس : " إن هذا العمل الأول من نوعه في سورية في مجال الطاقات المتجددة وذلك للتخفيف من التلوث البيئي ، وأشارت إلى أنها لجأت إلى الكثير من الدراسات حول الطاقات المتجددة والطاقة الشمسية ، وبعد عام من الدراسة توصلت هي وفريق عملها إلى السيارة العاملة على الكهرباء المولدة بالطاقة الشمسية ،

هلق واحد من اتنين , يا اما انو فكرة هالمشروع قديمة من شي عشرين سنة , يا اما انو هي المهندسة مبتكرة شي جديد بفكرة تحويل الطاقة الشمسية لكهربائية ثم لميكانيكية بس مو مذكور بالخبر.

يعني لو بدولة اوربية او باميركا بيرسبوا الطالب اللي بيعمل من هيك فكرة رسالة ماجستير لانها صارت كتيييير قديمة و مطبقة من زمااااان

[Huzun]

ظريفة الصورة
هلق الفكرة إيه قديمة كتير ومغبرة .. بس يالله , شغلة وطنية وأيدي سورية والله يقويكم

[kosayka2]

و هاي من عنا
هاي من عنا

الشام تعلن انتصارها

و كليتنا تعلن أنتصارها أيضا

يعني أنو انا بالكلية نفسها

ما لقيتلها أي نوع من الضجة بس انو شفناها لمرة واحدة و بالصدفة كمان

لان بعتقد كونوا هاد فينا نقول عنا انو اول مرة بسوريا أنا بعتقد انو لازم تنطبل الدنيا فيه

يعني حتي عنا بالكلية ما خبرنا حدا عنو و لا شي

فعنجد الأشخاص الرائعين عنا بالبلد مهضوم حقهم

[I_Love_Syria]

كاتب النص الأصلي : ayhamm26

هلق واحد من اتنين , يا اما انو فكرة هالمشروع قديمة من شي عشرين سنة , يا اما انو هي المهندسة مبتكرة شي جديد بفكرة تحويل الطاقة الشمسية لكهربائية ثم لميكانيكية بس مو مذكور بالخبر.

يعني لو بدولة اوربية او باميركا بيرسبوا الطالب اللي بيعمل من هيك فكرة رسالة ماجستير لانها صارت كتيييير قديمة و مطبقة من زمااااان

تحياتي أيهم

هلأ صحيح انو مطبقة بدول كتير ومن زمان بس هي الها نكهة خاصة لأنو شغل الوطن وفي حال بالمستقبل حبو يعملو سيارة صديقة للبيئة صناعة سورية فبهالحالة مالنا بحاجة للخبرات الأجنبية

يعني أنو انا بالكلية نفسها

ما لقيتلها أي نوع من الضجة بس انو شفناها لمرة واحدة و بالصدفة كمان

لان بعتقد كونوا هاد فينا نقول عنا انو اول مرة بسوريا أنا بعتقد انو لازم تنطبل الدنيا فيه

يعني حتي عنا بالكلية ما خبرنا حدا عنو و لا شي

فعنجد الأشخاص الرائعين عنا بالبلد مهضوم حقهم

ياريت تجبلنا تفاصيل عنها وهل متبعة نفس الأسلوب المتبع بأوروبا وأميركا واليابان ولا عاملة عليها لمسة سورية خاصة

[kosayka2]

كاتب النص الأصلي : I_Love_Syria

ياريت تجبلنا تفاصيل عنها وهل متبعة نفس الأسلوب المتبع بأوروبا وأميركا واليابان ولا عاملة عليها لمسة سورية خاصة

[/center]

يا معلم
متل ما قلتلك ما عنا أي تفاصيل عن السيارة و عن حكرتها و عن تصميمها

و لا عن أي شي

لان الكلية بلاساس ما سوت عنها أي شي

[Genifer]

بس ليش هيك موديل السيارة كأنها سوزوكي

[kosayka2]

كاتب النص الأصلي : Genifer

بس ليش هيك موديل السيارة كأنها سوزوكي

هي فعلا قالب سوزوكي

من شان ال خفة و التركيب السهل

[DARKNESS]

اخ بس لو في شوية اهتمام بس بلد عاطل