نحن .. انبل من في الدنيا .. واشرف بني البشر

[LiOnHeArT.3LA2]

باختصار ..

ليش هالنزعة ..

ليش كل واحد بيشوف حالو .. او جماعتو ..

انبل من في الدنيا .. واشرف بني البشر ..

ليش انا كتير منيح .. بس الانسان اللي ما بحبو ..

بيقرّف ..

مع انو ما ضروري كون ما بحبو .. بيجوز ما بحب سياسيات بلدو ..

او ما بحب اي شي فيه ..

المشكلة انو .. كل واحد مننا ما بيشوف اغلاطو ..
او بيشوفا وبيطنشا ..
او ما بعرف
طبعا هادا الحكي منّي وجر ..
ليش ؟!

حدا بيعرف ..

حدا بيعرف ليش السورية بيحكو عالاردنية والسعودية ..
والسعودية بيحكو عالسورية واللبنانية ..

لك حتى الحماصنة بيحكو عالحموية ..
والحموية بيحكو عالحماصنة ..
واهل الدير بيحكو على اهل الرقة ..

وكل العالم بتحكي على بعضا ..

انو ليش ؟!!

[mary belle]

la2ano l ensan 5ele2 la ye7ke o l nas ma bta3ref te23od mn doun ma te7ke 3ala 7ada mn l nas l tanyeen..

kel wa7ed befaker 7alo houwe l kel bl kel w houwe aslan doun mostawa sakafe 3l a2al!!!!!!

heye heik 7ayat l nas halla2 bhayda l zaman....
fa ma lazem nesta8reb bs nshouf l nas 3m te7ke 3a 7alha kaman..
msh b3id eno wa7ed yshouf 7alo 3l mraye o y2oul "yey meen had alla y5alena b mostawana "
ka2ano houwe yaba malek zamano
hahahaha

[اللامنتمي]

لا أحد يرى نفسهُ قبيحاً

تـُرى هل يوجدُ مرآة للأرواح ؟

أرواحُنا عَفِنة ,.

[بنفسجة]

هي العبارة مو الك هي العبارة للشهيد
وبعدين حلو تلاقي حالك منيح عن حق وحقيق لان لو لقيت حالك منيح جديا رح تلاقي الكل مناح
اما اذا بدك تنافق على حالك وتعتبر حالك احسن من غيرك فهاد ما بينفي حقيقة انك مانك احسن من حدا

[عطر الايام]

هلا انو ليش العالم بتحكي على بعضها هي شي مو بالايد
انت تخيل يمر نهار وما تحكي فيه على حدا هادا شي بطبيعة الانسان
وانو الواحد ما بيعترف باغلاطو لانو ما حدا بقول عن زيتو عكر
بس حلو الواحد يشوف حالو منيح بس ما ينفش بحالو كتير لانو ازا ما شاف حالو منيح حيتحطم وتكون نفسيتو زفت وحيشوف حالو انو ما بيسوى شي

[Abu ToNi]

يعني هي النقطة الوحيدة اللي فينا نبسط عليا
واللي هية انه النقطة السودا اللي كاتبا فوق ليست اختراع عربي او ليست حكر على العرب

خيو التجمعات اللي حكيت عليا بمجرد ما انها تكون مؤلفة من بشر بدك تشوف عندا هلنقطة

يعني الاختراع تبع نحن الافضل نحن الاصح نحن الاعدل نحن الاشرف والانبل هاد بيمشي على كافة التجمعات

مشي معي .. من الدينية للطائفية للاحزاب السياسية للعلاقات الدولية للنوادي الرياضية للمدارس والكوادر التدريسية للفرن والخباز للحام للسمكري

لأن بالاخير النزعة هي مانها نزعة بعاني منها تجمع بقد ما هية نزعة فردية ظهرت بكل تجمع .

[أإأبو العبد]

باختصار شديد ماحد بيقول عن زيتو عكر وهاي الشغلة موجودة بالفطرة هيك الله خلقنا لحتى كل واحد يشوف حالو انو احسن من عليها

[LiOnHeArT.3LA2]

انا ما عندي .. مشكلة ..

.. ما حدا يقول عن زيتو عكر ..

بس ليش الكل بيقول عن زيت غيرو انو عكر مثلا؟

[توم و جيري]

القرد بعين امو غزال ....
ونحنا مو شاطرين غير نشوف النص الفاضي من الكاسة وبس ......
بيقولو الله خلق العرب وندم ليش خلقون بس احيانا الواحد بيتاكد من هالشي ......

[أم الجود]

بيقولو الله خلق العرب وندم ليش خلقون بس احيانا الواحد بيتاكد من هالشي ......[/quote]



بس هي الخصلة مرتبطة بالنفس البشرية شو ما كان بلدا أو جنسيتها و أبداً مانا حكر عالعرب ..
بس نحنا العرب هيك مستصغرين حالنا لدرجة انو منعتبر كل الناس خلق و عالم و نحنا لأ .. و يمكن مشان هيك ما عم نتقدم ...

شكراً عالموضوع

[السيد المكاوي]

يا خي نحنا العرب عم ننظر لموروثنا من العادات والتقاليد حتى لو كنا ماعمبنطبقها المهم ان انا جدي فلان وابي فلان وعمي فلان وما بننظر لحالنا ان نحنا اظرط البشر لأن نحنا ببساطة ما عم نتجدد مع العصر وما بننظر حولنا لنلمس وندرك ونجرب ونفهم ولا نقراء افكار العدو الا لإنتقادها ورأينا دائما هو الأمثل والأخرين دائما رأيهم خاطئ أو في افضل الأحوار رأي ناقص ، نمارس السيطرة على مشاعر الأخرين نريدهم أن يكونوا مثلنا

ولذلك فأنا أفضل البشر لأني دائما اعبر عن افكار غيري

[suryoyo]

اول شي ... الطبيعة البشرية تحب التميز و التفرد و اللي يقلك ما يحب هذا الشي قلو انت ملك !

و كل واحد يسعى على هذا الدرب ...


كثير أحيان يتوجه البشر الى طريقة تصغير الاخرين حتى يبقوا بالمقدمة ...


و التفاخر المفرط بالانساب .. و تحميل الناس أخطاء أجدادهم .. من هذه الطرق

و هذه موجودة عند العرب من زمن القبائل و داحس و الغبراء او حتى أقدم بكثير .... و رح تظل جزء كبير من ثقافة العرب .....

(بس على درجات)

[sandra]

هيك الطبيعة البشرية
دايماً ابناء كل حضارة أو بلد بيضل عندهم حب للتميز والانفرادية
بعتقد شي طبيعي ومو غلط .... بس الغلط أنو ما نشوف عيوب مجتماتنا كمان ونعرف غيرنا بشو بيتميزوا عنا

[عربي عربي]

مشكلتو الانسان انو بشوف الي قبالو وبصير يعلق عليه وبنسا انو لازم يشوف حالو الاول ويشوف شو اغلاطو

جد ناس

[marochka]

أيا أسهل نشتغل ونتعب لنكون أحسن من غيرنا ولا نقنع حالنا أنو نحنا أحسن منن ونحنا قاعدين محلنا؟
وغالباً الحلول السهلة لهون بتوصلنا: أنبل من في الدنيا وأشرف بني البشر، وما حدى رح يتعب حالو ويقلنا غلطانين لأنو ما حدا شايفنا أصلاً
(طبعاً التعميم ما نو مظبوط بس المشكلة أنو الأكترية بتجر وراها الأقلية)

[الباشا الاحمر]

هالشي طبيعي جدا عند كل البشر وما في حدا بيعلق على حالو حتى الواحد لما بطفر شي يوم وبسب بلدو او العرب كانو ما بيعتبر نفسه منهم وبصراحة الغرب ما هو احسن منا بالمطلق في عندهم مصايب العن من اللي عند العرب باضعاف مضاعفة

[عمر الفاروق]

الحمد لله والصلاة والسلام على عيسى أبن مريم وإمام المتقين محمد وعلى آله وصحبه الغر الميامين, وبعد:

فإن هذه العصبية الجاهلية,كانت موجودة في الجاهلية,وبعد أن جاء الإسلام أختلفت المقاييس,فلو نظرنا إلى نظرة الإسلام للناس لوجدنا أن التفاضل لايكون بالحسب والنسب,فـــ(كلكم لآدم وآدم من تراب وإن أكرمكم عند الله اتقاكم..).كما قال الحبيب صلى الله عليه وسلم.ولافرق بين أبيض وأسود أوعربي وأعجمي,كما قال الحبيب صلى الله عليه وسلم(لافرق بين عربي أو أعجمي إلا بالتقوى).وقوله تعالى(إن أكرمكم عند الله أتقاكم).
فميزان التفاضل بين الناس (التقوى).

أسأل الله أن أكون وفقة في بيان وجهة نظري,فإن أصبت فمن الله عز وجل وإن أخطأت فمن نفسي والشيطان.

[باشق مجروح]

كاتب النص الأصلي : عمر الفاروق

فإن هذه العصبية الجاهلية,كانت موجودة في الجاهلية,وبعد أن جاء الإسلام أختلفت المقاييس,فلو نظرنا إلى نظرة الإسلام للناس لوجدنا أن التفاضل لايكون بالحسب والنسب,فـــ(كلكم لآدم وآدم من تراب وإن أكرمكم عند الله اتقاكم..).كما قال الحبيب صلى الله عليه وسلم.ولافرق بين أبيض وأسود أوعربي وأعجمي,كما قال الحبيب صلى الله عليه وسلم(لافرق بين عربي أو أعجمي إلا بالتقوى).وقوله تعالى(إن أكرمكم عند الله أتقاكم).
فميزان التفاضل بين الناس (التقوى).

كل الاديان تدعو لهالمثاليات
بس هالظواهر موجودة بكل مكان
ليش ؟
أنا بقلك ليش
لأنها مثاليات بعيدة عن الواقع و تخيلية متل مدينة أفلاطون
فأنا بضل عم بصرع راسك بمثاليات وفزلكات ما بيطبق منها شي
و آخر شي بكل برود بقلك :
الخطأ بالتطبيق مو بالنظرية

هاموش :

شو هالخط الظريف هاد . حسبت حالي عم بقرا شي موشح أندلسي .