الوقت يمر بسرعة

[Najm]

الوقت يمر بسرعة..
أصبحنا لا نحس بمرور الوقت
الشهور أصبحت كالسنوات..
إلى ما إلى ذلك من جمل في هذا السياق ـ مرور الوقت بسرعة ـ والتي كانت وستظل تردد كل وقت وزمان وهذا الإحساس بمرور الوقت سريعا له علاقة مع إدراك الإنسان ووعيه لكل ما هو موجود ومحيط به فكما هو معلوم, الإدراك ينمو مع الإنسان وينضج بسرعة تفوق نمو الأجساد وتزداد كل فترة بمفهوم يختلف عن سابقه، ليساهم في تشكيل الوعي وبالتالي اتساع مساحته بالأشياء المحيطة به
فهل نحن من يتغير؟! أم وعاء إدراكنا يمتلئ شيئا فشيئا ويزدحم نظرا للكم الهائل وخصوصا في عصر التقدم والتكنولوجيا ؟! أم أن الوقت تغير وأصبح يمر بسرعة؟!
في انتظار وقتكم

[sandra]

الوقت ما بيتغير بتضل الساعة من 60 دقيقة .... والدقيقة بتتكون من 60 ثانية
إدراكنا للوقت هو يلي عم يتغير بس كيف ما بعرف

لما كنت صغيرة ما كنت حس بالوقت كيف عم يمضي أما هلا فكيف بيمضى النهار ما بعرف
حتى الأسبوع .... الشهر ...
كلو عم يمضي بسرعة بدرجة مخيفة
بالأول كنت أربط هالأمر بقصة انشغال الوقت وأن الإنسان لما بيكون عندو نشاطات متنوعة ما بيحس عالوقت
أما لما ما بيعمل شي فالملل بيخلي الوقت يكون طويل كتير لأن مافي تنوع نشاطات
بس ما حسيتو تبرير مقنع
في أمر تاني .. لما منفكر بحدث صار من سنة على سبيل المثال.. منشعر بأنو مر بسرعة فائقة أما إذا فكرنا بحدث عم نترقبو لبعد سنة .. منشعر بأنو بعيد جداً

موضوع شيق

[Najm]

أستطرد في التساؤل عن طبيعة الوقت وهل هو حقا يمضي بسرعة أو هو فقط إدراكنا المتراكم والكم الكبيرمن المعلومات والأحداث وخصوصا الوعي بما يحيط بنا هو سبب ذلك؟!
وهذا التساؤل بدوره أحالني لتساؤل أكبر منه، وهو ماهية الزمن؟ وطبيعة الوقت؟ وهل وجودهما مرتبط بقياسهما؟ أو هما حدث مادي مشترك أم إحساس فردي خاص ؟

[Nay]

حلو كتير نجم.. اسئلة وجودية غاية في الجمال..
كيف أوجد الانسان التاريخ.. الساعة.. قواعد مرور الزمن .. وارتباطاتها بحركة الارض ودورانها حول نفسها وحول الشمس.. شئ يدعو للتأمل عن جد..
وبرأيي الشخصي منفقد احساسنا بالزمن لما بتكون السنوات والشهور متشابهة وقليلة الانجازات على الصعيد الشخصي ..اما لما بيكون في تطور ملحوظ منحس بكل شهر لانو بيكون مليء بالذكريات..

[قرصان الأدرياتيك]

يا نجم السّما وين كنت غايب؟! الوقت كان كتير طويل!!! ليش ما كفيت حوارنا عن التصوّف؟! الوقت أو الزمن هنّ مجرّد دورة والإنسان بهالدورة بيتغيّر لأنّها مانا دورة أفقيّة بل عموديّة متل الزنبرك!!! بتطلع لفوق وكل ما بتطلع الإنسان بيلتقى بنفس اللحظة السابقة بس بشكل جديد بسبب الأحداث اللي مرّت خلال الفترة الفاصلة بين السابقة والحاليّة بالإضافة للنظرة نحو المستقبليّة... الإنسان مانو مادّة جامدة ولهالسبب، يعني كونو مادة متغيرة: متأثرة ومأثرة وانفعالية ومنفعلة، فبالضرورة الشعور رح يختلف بمرور الزمن!!! شكراً ألك ولهالموضوع...

[اللامنتمي]

كُلُ شَـيءٍ شاحب وَ مُمل كأنهُ لا وقت في الوقت وَ لا مكانَ في المكان

وَ كأنَ كُلَ هذا الوجود وهم

كُلُ شَيءٍ يتكدس في الذكريات

الأيامُ تصبحُ أمسَـاً حتى الغدُ يصيرُ أمسـاً

كُلَ شَـيءٍ يمشي وَ يتحرك , وَ لن يوقفَ حركتهُ سِوى الموت

ترى هل يموتُ الوقت ؟

وَ قد يكون المَوتُ مَحطة َ ترانزيت لـِ تحول الإنسان إلى كائن ٍ مُختلف

وَ حركةٍ جَديدة وَ كذلك الوقت فمَن يدري؟

" لا تسأل عن الحِكمة مِن أي شيء وَ لا تحاول أن تصدع نفسكَ باحِثاً عن تفسير ٍ للكون

حَتى الأرضُ تلفظني , أنا مُتعبٌ مني "

هكذا تكلمت لحظة َ شَك ,.

" الوقت كـَ النهر يَمشي بـِ سرعة وَ يَتمهل وَ يَتلوى شاقاً طريقهُ في الكَون "


" انشتاين "

[Najm]

كاتب النص الأصلي : sandra

الوقت ما بيتغير بتضل الساعة من 60 دقيقة .... والدقيقة بتتكون من 60 ثانية
إدراكنا للوقت هو يلي عم يتغير بس كيف ما بعرف

لما كنت صغيرة ما كنت حس بالوقت كيف عم يمضي أما هلا فكيف بيمضى النهار ما بعرف
حتى الأسبوع .... الشهر ...
كلو عم يمضي بسرعة بدرجة مخيفة
بالأول كنت أربط هالأمر بقصة انشغال الوقت وأن الإنسان لما بيكون عندو نشاطات متنوعة ما بيحس عالوقت
أما لما ما بيعمل شي فالملل بيخلي الوقت يكون طويل كتير لأن مافي تنوع نشاطات
بس ما حسيتو تبرير مقنع
في أمر تاني .. لما منفكر بحدث صار من سنة على سبيل المثال.. منشعر بأنو مر بسرعة فائقة أما إذا فكرنا بحدث عم نترقبو لبعد سنة .. منشعر بأنو بعيد جداً

موضوع شيق

أتظنين أننا عندما نتقدم في السن، يكبر فينا الوقت
هل إدركنا للوقت أم إدراكنا للزمان هو يلي عم يتغير!!
حضورك جميل

[Najm]

كاتب النص الأصلي : Nay

حلو كتير نجم.. اسئلة وجودية غاية في الجمال..
كيف أوجد الانسان التاريخ.. الساعة.. قواعد مرور الزمن .. وارتباطاتها بحركة الارض ودورانها حول نفسها وحول الشمس.. شئ يدعو للتأمل عن جد..
وبرأيي الشخصي منفقد احساسنا بالزمن لما بتكون السنوات والشهور متشابهة وقليلة الانجازات على الصعيد الشخصي ..اما لما بيكون في تطور ملحوظ منحس بكل شهر لانو بيكون مليء بالذكريات..

جميل هو طرحك يا ناي
ولكن في نظري الزمن وجد قبل الإنسان ووجوده مرتبط بالكون بعد ذلك جاء الإنسان ودل على هذا الزمن بدليل حينما نتحدث عنه أول ما نعطيه من معنى من خلال كلماتنا هو : شهور وسنوات..
تحية لعمرك الذي يختزل جزء.. من حقيقة الزمن

[Najm]

كاتب النص الأصلي : قرصان الأدرياتيك

يا نجم السّما وين كنت غايب؟! الوقت كان كتير طويل!!! ليش ما كفيت حوارنا عن التصوّف؟! الوقت أو الزمن هنّ مجرّد دورة والإنسان بهالدورة بيتغيّر لأنّها مانا دورة أفقيّة بل عموديّة متل الزنبرك!!! بتطلع لفوق وكل ما بتطلع الإنسان بيلتقى بنفس اللحظة السابقة بس بشكل جديد بسبب الأحداث اللي مرّت خلال الفترة الفاصلة بين السابقة والحاليّة بالإضافة للنظرة نحو المستقبليّة... الإنسان مانو مادّة جامدة ولهالسبب، يعني كونو مادة متغيرة: متأثرة ومأثرة وانفعالية ومنفعلة، فبالضرورة الشعور رح يختلف بمرور الزمن!!! شكراً ألك ولهالموضوع...

تحية غرقى في بحرك اللجي يا قرصان وأهلا بك من جديد (أقصد بي) فأنت أيضا حاضر غائب ولحديث التصوف بقية فأنت تعلم أن الأهم من الحديث هو التأمل فالحقائق لا جسد لها فأنى تكون لها الكلمات!
حسب استنتاجي البسيط فصديقي القرصان يبحر في الزمن معتقدا عدم وجود زمن حقيقي ومادي بل مجرد شعور شخصي بوجود أحداث متتالية تترجم كزمن ينطلق للأمام ـ بدورته العمودية طبعا ـ حتى أنه ليس هناك زمن ماضي حقيقي، بل مجرد وقائع منفصلة تحفظها الذاكرة وتجسدها كتب التاريخ، في حين لا يوجد قادم أو مستقبل كون الأحداث لم تتشكل أصلاً!!
هل يا ترى هذا الزمن يحافظ على ماهيته أم أنها متعلقة بالأرض فقط!!
سعدت بتدخلك يا قرصان ومتمنياتي لك أن تقذف الرياح سفينتك إلى جزيرة كتلك التي زارها (أوليس) هناك حيث اللاوقت..

[Najm]

كاتب النص الأصلي : اللامنتمي

كُلُ شَـيءٍ شاحب وَ مُمل كأنهُ لا وقت في الوقت وَ لا مكانَ في المكان

وَ كأنَ كُلَ هذا الوجود وهم

كُلُ شَيءٍ يتكدس في الذكريات

الأيامُ تصبحُ أمسَـاً حتى الغدُ يصيرُ أمسـاً

كُلَ شَـيءٍ يمشي وَ يتحرك , وَ لن يوقفَ حركتهُ سِوى الموت

ترى هل يموتُ الوقت ؟

وَ قد يكون المَوتُ مَحطة َ ترانزيت لـِ تحول الإنسان إلى كائن ٍ مُختلف

وَ حركةٍ جَديدة وَ كذلك الوقت فمَن يدري؟

" لا تسأل عن الحِكمة مِن أي شيء وَ لا تحاول أن تصدع نفسكَ باحِثاً عن تفسير ٍ للكون

حَتى الأرضُ تلفظني , أنا مُتعبٌ مني "

هكذا تكلمت لحظة َ شَك ,.

" الوقت كـَ النهر يَمشي بـِ سرعة وَ يَتمهل وَ يَتلوى شاقاً طريقهُ في الكَون "

" انشتاين "

تعبنا يا صديق الليل تعب مؤقت، وهذا ما يزيدنا موتا في كل حياة يحياها الوقت
إذا نظرت جيدا...سترى أن كل شيء في هذا الوجود مؤقت
وستبتسم حينها..ولكن,,, مؤقتا
حظورك رائع

[قمح]

كاتب النص الأصلي : Najm

الشهور أصبحت كالسنوات..

استوقفتني هذه الجملة الضخمة ....
هنا "أصبحت" تعني التساوي ....
يعني الشهر = سنة
طيب ...
الشهر صار سنة ..... يعني الشهر صار أكبر .... يعني بطول ليخلص .... حاسو صار سنة !!!
السنة صارت شهر ..... يعني السنة صارت أصغر .... بتخلص بسرعة ؟؟؟؟!!!

المعنيين بدلو على "عجقة" بالوقت .....

أنا بعتقد أنو الوقت ما تغير .... من وقت الانسان الأول الى الآن .... هو نفسه
بس أحنا تغيرنا .... والحياة تغيرت ...
لحد صرنا فيه غير قادرين على معرفة التغير اللي عنا .... يعني احنا غير قادرين على ملاحطة التغيرات
بسبب كثافتها وتنوعها .....
فــــــ ما بنقدر نحكم .... لأنو هون ما في مطلق ... بعتقد

[Nay]

كاتب النص الأصلي : قمح

أنا بعتقد أنو الوقت ما تغير .... من وقت الانسان الأول الى الآن .... هو نفسه
بس أحنا تغيرنا .... والحياة تغيرت ...
لحد صرنا فيه غير قادرين على معرفة التغير اللي عنا .... يعني احنا غير قادرين على ملاحطة التغيرات
بسبب كثافتها وتنوعها .....
فــــــ ما بنقدر نحكم .... لأنو هون ما في مطلق ... بعتقد

صحيح قمح بوافقك الرأي وبعتقد انو الكل متفق على رايك .. لكن اللي عم نطرحو بعتقد هون هوي احساسنا بمرور الوقت.. ورغم الوحدات الثابتة لتنظيم مرور الوقت الا انو احساسنا فيه هوي اللي بيشعرنا بمرورو ببطء او بسرعة..
الوضوع ذاتي متعلق بكل فرد لوحدو

[قمح]

كاتب النص الأصلي : Nay

صحيح قمح بوافقك الرأي وبعتقد انو الكل متفق على رايك .. لكن اللي عم نطرحو بعتقد هون هوي احساسنا بمرور الوقت.. ورغم الوحدات الثابتة لتنظيم مرور الوقت الا انو احساسنا فيه هوي اللي بيشعرنا بمرورو ببطء او بسرعة..
الوضوع ذاتي متعلق بكل فرد لوحدو

اهلا nay >>>

طيب السؤال .... أنو لو كان في انسان عايش وحيد على جزيرة (روبنسون كروزو ) يعني ... بالوقت الحالي شو بكون احساسو بالوقت ؟؟؟!!!!

يمكن الملل بخلي الوقت بطيء .... وبعتقد أنو مفهوم الملل ما كان كتير موجود زماااان متلا هلأ .... يعني كان اليوم يكون مليان تماما ً بالاعمال الحياتية الواجبة بهداك الوقت ...
أما هلأ في ملل وفي كسل .... وفي بطأ بالوقت
وفي شغلات على العكس .... متل ما بعرف يمكن عالم افتراضي !!!
يعني متل الكمببوتر أو النت لما الواحد بندمج فيه تماما ً بلاقي الوقت بمرق بسرعة

[داليا22]

هههههههههه

والله عم يمضي الوقت بسرعه