أسوأ عادات

[personita]

لكل منَّا "عاداته السيئة" و أنماطه و طقوسه الخاصة في النوم أو الدراسة، أو العمل… هناك من لا ينام دون مخدته الخاصة، و لا يستغني عنها حتى في أسفاره…كما لا يستغني الطفل عن مصاصته... هناك من لا يعرف النوم إذا ما ظل ضوء طفيف للتلفاز أو أي جهاز يصدر صوتا رتيبا، كدقات ساعة على الحائط أو صوت ثلاجة أو أي آلة تقض مضجعه بينما يحاول هو أن يخلد للراحة…هناك من لا يستطيع النوم بجوارب، و هناك من لا يستطيع أن ينام إلا إذا ترك رجليه دون غطاء، و هناك من لا ينام إلا إذا تغطى من رأسه إلى أخمص قدميه…

هناك من لا يستطيع الدراسة أو العمل إذا ما كان هناك ضجيج، أو حتى أي صوت مهما كان بسيطا… و هناك من هو على العكس، لا يستطيع أن يدرس إلا على صوت الموسيقى… و قد يشترط أيضا تكوت صاخبة بما فيه الكفاية، لكي يستطيع التركيز…

ما هي أسوأ عاداتك أو طقوسك التي قد تؤثر على حياتك اليومية إذا ما لم تستطع ممارستها؟

[حنين.]

اول شيء كيفكوالله مشتقتلك بس المسنجر عطلان
تانيا مرسي عالموضوع
كانت عندي عادة انو ما انام غير على صوت الموسيقى وراحت لحالها بقي عادة ما قدرت اخلص منها انو لازم لما نام عجنبي اليمين بلاقي الحيط بوجهي وايام الجامعة لما كنت بعزم صحباتي عالغرفة ونام سوا اكتشفت انو مستحيل نام بالوسط ااضووء مو مشكلة ادا كان موجود وما بقدر اطفيه او حدا محتاجو اكتشفت استراتيجية كمان بايام الجامعة ومستعملتها لهلا
لسا بدي استراتيجية لاقدر نام وحدا بيعيط عطول صوتو جنبي ادا حدا مكتشفها يا ريت يفيدني واجره على الله
نجي لعادات الدراسة انا من اللي مستحيل يركزو فجو ساكت لازم موسيقى صاخبة تكنو الكترو ولو مع سماعات وباعلى صوت الافكار النيرة بتصير تجي لحالها وبقدر حل اصعب تمرين بهيك وضع
وهلا بالبيت ادا ما في موسيقى والبيت مو فاضي ما بقدر اعمل شيء ةان عنتو باجد ضعف الوقت
بس تعي لهون مو لانك صاخبة الموضوع ما تحكيلنا عن عاداتك؟؟؟؟

[حموده ابو حميد]

مشكورة للموضوع كتير

انا ما عندي غير عادة وحدة وما فيني عيش بدونها ولمل ما بتكون موجودة ما بفيق ببقى نايم وهيي لاذم اشرب سيكارة أول فيقتي وفنجان قهوةمعهاا

[personita]

كاتب النص الأصلي : h13free

اول شيء كيفكوالله مشتقتلك بس المسنجر عطلان
تانيا مرسي عالموضوع
كانت عندي عادة انو ما انام غير على صوت الموسيقى وراحت لحالها بقي عادة ما قدرت اخلص منها انو لازم لما نام عجنبي اليمين بلاقي الحيط بوجهي وايام الجامعة لما كنت بعزم صحباتي عالغرفة ونام سوا اكتشفت انو مستحيل نام بالوسط ااضووء مو مشكلة ادا كان موجود وما بقدر اطفيه او حدا محتاجو اكتشفت استراتيجية كمان بايام الجامعة ومستعملتها لهلا
لسا بدي استراتيجية لاقدر نام وحدا بيعيط عطول صوتو جنبي ادا حدا مكتشفها يا ريت يفيدني واجره على الله
نجي لعادات الدراسة انا من اللي مستحيل يركزو فجو ساكت لازم موسيقى صاخبة تكنو الكترو ولو مع سماعات وباعلى صوت الافكار النيرة بتصير تجي لحالها وبقدر حل اصعب تمرين بهيك وضع
وهلا بالبيت ادا ما في موسيقى والبيت مو فاضي ما بقدر اعمل شيء ةان عنتو باجد ضعف الوقت
بس تعي لهون مو لانك صاخبة الموضوع ما تحكيلنا عن عاداتك؟؟؟؟

و لك وين غاطسة أنتي؟ اشتقتلك يا بت! يعني هيك أنتي؟ لازم زيطة حواليك لما تعرفي تدرسي؟
قفشتيني! و الله أنا من النوع اللي لازم يكون في عتمة تماما مشان أقدر أنام، و إذا في نور أي جهاز، خصوصا إذا كان بيغمز (كمبيوتر، تلفويون، موبايل...) لازم أطفيه، أو أغطيه باشي مشان أعرف أنام، بس لما بنام، مدفع ما بيصحيني..
بالنسبة للدراسة (لما كنت بدرس) كنت بدرس بالليل (بالنهار كان مستحيل أعمل اشي)، و على موسيقى هادية إذا بكتب، إذا بقرا، لازم صمت مشان أعرف أركز..
و هاي يا ستي عاداتي السيئة! و كتير ممنونالك على المرور و على الاعترافات...

[personita]

كاتب النص الأصلي : حموده ابو حميد

مشكورة للموضوع كتير

انا ما عندي غير عادة وحدة وما فيني عيش بدونها ولمل ما بتكون موجودة ما بفيق ببقى نايم وهيي لاذم اشرب سيكارة أول فيقتي وفنجان قهوةمعهاا

مممممم! هاي عن جد عادة سيئة، و أكثر من عادة، إدمان، الله يعينك بقا

[Sarita]

بالنسبة للنوم عدوي الضو
مثلا انا هلأ قاعدة عم اكتب ع الظلمة بحس انها بتهدي البال وماني محتاجة بين تعابير وشي كيفما كانت
وبالنسبة للدراسة لما بكون زهقانة منا بحب اسمع موسيقى الMON amour او اي ميوزيك هادية
هاد من شان روق وبعدين بدرس يعني ما بتفرء معي ان كان بالصبح او باليل بس بفضل بالصبح لانو سمعت انو المواد العلمية ما بتصير مفهومة ع العقل بعد الساعة 8 ليلا
وكمان بحب نام طب يعني ع وشي ومرات ع جنبي اليمين وحتى لو صار شي زلزال او اي شي ما بفيق يعني ازا نمت خلص ما بعود اعرف حالي مين انا
اني واي في كمان عادة اكتسبتها ه اليومين ني صير دور بالغرفة ازا في حدن معي لاني صايرة عم وسوس كتيير وهاد الشي اللي خلاني بطل شوف افلام رعب
وبس ..!!

[personita]

كاتب النص الأصلي : Sarita

بالنسبة للنوم عدوي الضو
لانو سمعت انو المواد العلمية ما بتصير مفهومة ع العقل بعد الساعة 8 ليلا

إشاعة مغرضة و الله! أنا بالليل طاقتي الاستعابية بتكون في أعلى مستوايتها!

اني واي في كمان عادة اكتسبتها ه اليومين ني صير دور بالغرفة ازا في حدن معي لاني صايرة عم وسوس كتيير وهاد الشي اللي خلاني بطل شوف افلام رعب
وبس ..!!

أنا مرة صايرة معي شغلة: كنا بنحضر فيلم رعب، و فجأة، قطعت الكهربا!! من يومها حرَّمت أتفرج أفلام رعب!

[عطر الايام]

هلا بالنسبة الي
لازم وقت نام ما يكون في ضو بنووووب يعني نام بغرفة متل القبر وخصوصا بنومة العصر لازم لا صوت ولا ضو ولا شي بنوب
وفيني كمان عادة بتمنى اني اتخلص منها انو لازم كل يوم اكل شوكولا ما بقدر عيش بدونها هلا يللي بيسمعني بفكرني سمينة بس بالعكس بالرغم من كل اكلي للشوكولا ما بسمن

وفيني عادة ازا كنت معصبة ياويلو يللي بيتبارد عليي او بيحكي معي شي كلمة

[personita]

كاتب النص الأصلي : بنت الشام

هلا بالنسبة الي
وفيني كمان عادة بتمنى اني اتخلص منها انو لازم كل يوم اكل شوكولا ما بقدر عيش بدونها هلا يللي بيسمعني بفكرني سمينة بس بالعكس بالرغم من كل اكلي للشوكولا ما بسمن

أنتِ مثلي بالضبط!! أنا بموت في الشوكولا و الحلو بشكل عام،و كمان ما بتخن!
مشان هيك، ما بتمنى أتخلص منها، بالعكس، سعيدة بها العادة!

[Sarita]

في كمان عادة سئيلة
اني بحب شم ريحة المبيدات الحشرية والGlu يعني الغراء
يااااااااي ما اطيب هالريحة

[personita]

كاتب النص الأصلي : Sarita

في كمان عادة سئيلة
اني بحب شم ريحة المبيدات الحشرية والGlu يعني الغراء
يااااااااي ما اطيب هالريحة

مو معقول!!

[..AHMAD]

السيجارة عالريئ

ما بنام ليكون خالص الباكيت .. ما بحب اترك شي بذمتي

وكتير شغلات متعلقة بالدخان أولاً ...

ومنتذكرلكن الباقي عالطريئ

[saman]

انا وين ما بيصحلي نام بنام ..يعني بضو .. بلا ضو .. بالنهار بالليل .. على تختي مو على تختي ... في ضو تلفزيون او اصوات حواليي ما بتفرق ... بس انو عدوي يكون في حدا عم يحكي بصوت واطي او وشوشة وانا نايم .. هيك بتنهكرز ودغري بفيق ... يعني عالاغلب .. بس احياناً بتكون الجناب متل الطناب ما بيصرليشي ...
مرة الله وكيلك كنا بمخيم مع المدرسة .. من كتير مو نومي تقيل .. اجا ضفدع قد الكف .. ومشي عليي .. ورفقاتي حطو على راسي .. وصوروني شي عشر صور وانا ضليت نايم بعدها شي نص ساعة .. وبس لفقت شفت الصور قرفت حالي ... يمكن صرفت شي كيلو صابون على راسي من ورا هالضفدع المقرف
بس انو بالنوم .. يا اما بب انو كون باواعي جداً جداً خفيفة .. حتى لو بالشتي ... او بحب نام وانا لابس اواعي الطريق يعني جينز وكنزة قطن او صوف .. حتى لو بالصيف !
بحب ريحة الجلد الجديد وريحة الدهان والغراء
وطبعاً شي اكيد وقت الفيقة من النوم بحب فوراً قوم عالمطبخ حط الدولة (الركوة ) عالنار منشان اشرب قهوة عالريق
وفي كمان عادة مو يومية .. بس انو فيني سميها عادة الا وهي بعد ما صب فنجان القهوة الصبحيات .. لازم كون فاتح الانترنت .. يعني اخوية والمسنجر .. لانو ازا ما كنت اون لاين فانا غير موجود
عادة تانية عندي .. اني بحب اسمع الميوزك والاغاني عالعالي ... يعني الا حد ما اسمع في حدا حواليي .. يعني ازا كنت حاطط السبيكرز
وكان عندي عادة قبل ما يختفي موبايلي انو لما نام .. لازم يكون موبايلي تحت مخدتي او جواتها .. ما بقدر نام متل العالم ازا ما كان تحت المخدة او جواتها .. او ازا ما كان في مخدة عالقليلة يكون بجيبتي
كانت موجودة عندي عادة الاكل بشراهة .... بس هلأ عم تختفي تدريجياً لانو لما كنت آكل كتييير كنت نحيف ولهلأ نحيف .. يعني ما استفدت شي !
وعندي عادة كمان .. اني بكره العناكب .. جداً .. ما بعرف يمكن فوبيا او شي بس بكرههن هني وابو بريص والجرذ (الجردون ) .. يعني ازا شفت ابو بريص .. عنا بالبيت .. بدور على اطول نشافة عنا بالبيت .. وببعد عني شي 5 متار .. بعدين بقتلو فيها ...اما العناكب والجرادين .. اعوز بالله .. ما بقرب عليهن بنوب ... ازا شفت حدا منهن بصرخ بالولييييييييييييي .. وبهرب خمسين متر لورا !

حاجة لهون ... نتابع .. ما تبقى بعد نشرة اخبار الثامنة

[مايا *]

كاتب النص الأصلي : Sarita

يااااااااي ما اطيب هالريحة

كاتب النص الأصلي : saman

بحب ريحة الجلد الجديد وريحة الدهان والغراء

يفضح حريشكون , شلّة حشاشة


.

[saman]

يفضح حريشكون , شلّة حشاشة

اي نسيت كمان ... بحب ريحة الدفاتر الجديدة والمجلات الجديدة .. شغلة
طبعاً من ضمن ريحة الجلد بحب ريحة الصبابيط ..طبعاً الجداد
يعني اول ما اشتري الصبات بضل عم شم فيه سنة قبل ما البسو

[AHMED SHAMS]

أولاً يسعد مساكون يا حلوين ويا حلوات أنا لما آجي أنام ممنوع لا ضو ولا صوت ولا حتى حدا يكح جنبي لأن نومي خفيف كتير وبنزعج من أي شي وكمان فيني عاده عنجد مسببالي مشاكل الله وما قادر أتخلص منها أنو بعصب بسرعة سهل جداً حدا يعصبني ولما بعصب ما بحب أشوف حدا قدامي نهائياً لأني بتصرف بغباء حبتين وكمان عندي عاده خطيرة ولازم أبطلها بس بتحصل كل يوم غصب عني أنو لما بسوق ما بشوف حدا خالص يعني السيارة بتكون متل الصاروخ ما بقف خالص لا عند مطب ولا عند أي شي إلا أذا كان فيه أشارة وشرطي واقف عندها بضطر أوقف شوي بس بكون منزعج جداً وأنا واقف بالسيارة .

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[saman]

احمد شمس ...

نسيت تقول عن عادتك السيئة الا وهي نسخ السمايليات .. يلي بتنتسخ مع الاعلانات وبتعبي الصفحة !

[Reemi]

كنت مفكره حالي لحالي مهوووي ومجنونه

هاد انا ما بعرف نام وفي بصيص ضو صغير صغير صغير .... يعني لازم يكون عتمممممممم تماما تماما تماما ..
ومستحيل اقدر اغفى وفي صوت .. ولا حتى ساعة الايد .. بطالعها من الغرفه كلها .. لانو حتى ولو كانت بعيدة عن التخت بسمعها ... يعني بالمختصر لازم يكون هدوء بمقدار العتم ... انا بغرفتي بس بدي نام ما عاد بشوف شي من الغرفه .. لانو بنزل الابجور عالاخير وبسكر الباب وبطفي ضو الكريدور الي برا الغرفه مشان ما يفوت ضو من شق الباب التحتاني والموبايل بقلبو عجنبو التاني (لانو موبايلي غبي بيضل يضوي وما بعرف كيف شيل هالضو الاهبل) ..

اي شو كمان وما بعرف نام بجراباتي لازم اشلحهون .. وبحب ريحة الديتول والدهان يم يم يم شي بيشهي ..

هاد الي متزكرتو هلا