هل تتحلى المرأه بالصفات القيادية؟

[VivaSyria]

يكثر الحديث عن قدرات المرأه... المرأه بشكل عام... ولا نتحدث عن حالات خاصه هنا...

هل تستطيع شغل كل الوظائف؟؟ هل تستطيع قيادة الدول؟؟؟ هل تستطيع التحكم بمصائر الشعوب؟؟

كيف لي أن أثق أن المرأة التي تذرف دموعاً إذا ارتفعت حرارة إبنها تستطيع أن تأخذ قرار الحرب والسلم بغير انجرار وراء عواطفها؟؟

أم أن هذه المرأه باعتبارها نبعاً للعطاء والحنان تستطيع قيادة شعب بأكمله بمايضمن حقوقه وواجباته؟؟

إليسارر.. زنوبيا... بنازير بوتو... مارغريت تاتشر... وغيرهم الكثير الكثير مروا في التاريخ... ها نستطيع القول أنهم نجحوا في القيادة أم أن حكمهم دائماً انتهى بالكوارث؟؟

هل نستطيع القول أن المرأة لا تستطيع الحكم؟؟ أم أن في هذا انتقاص من حقوقها؟؟؟

هل تؤمن حقاً بالقدرات القيادية للمرأه؟؟

[VivaSyria]

ليس إنتقاصاً من حقوق المرأه... ولا من باب التحيز الذكوري لكنني لا أؤمن بمقدرات المرأه على قيادة الدول...

أؤمن فيها بكل الأمكنة لكنني لأتخيلها متحكمة بمصائر شعوب... لا أتخيلها قادرة على إتخاذ قرارات الحرب والسلم.. لا أتخيلها قادرة على إتخاذ القرار الصائب في اللحظات التاريخية...

كيف لي أن أؤمن أن ساره بيلين التي كلفها تصفيف شعرها هذا العام 200 ألف دولار تتحكم بمصير دول... تعطي الأمر بإستعمال السلاح النووي... تجناح دول وتنسحب من أخرى...

أجدها أماً وإختاً وحبيبةً وسيدةً... أجدها طبيبةً ومديرةً وصيدلانية..

إنما قائدة لدول.. أعتذر لكنني لم أستطع تقبل الفكرة

[قرصان الأدرياتيك]

قبل ما وضح كل اللي عندي وأكيد رح يصير تشعبات كتيرة بحكم أنو كل واحد ينظر للأمر من منظور بيئي أو ثقافي أو اجتماعي أو حتى ديني، بدي قول أنو الإنسان كإنسان هو رجل ومرأة معاً.

بالطبع في اختلافات إن كان جسدية أو نفسية... إلخ، بس هالشي ما بيتعلق بأدوار كل واحد منن بقلب المجتمع.

وانطلاقاً من هالشي أنا بشوف أنو المرأة لو يعطى لها ما أعطي للرجل في عالم اليوم هي قادرة لتلعب أي دور قيادي أو عملي. باختصار لو يولد الإنسان (رجل أو مرأة) في مجتمع معافى متحرر من كل قيد أو رابط يشد الإنسان لكانت المرأة مساوية للرجل في الحقوق والواجبات والفكر والعمل...

طبعاً بركز بوضوح أنو لكل واحد أسلوب وقدرة معينة... إلخ.

هاد الحكي اللي عندي مبدئياً لأن في بالتأكيد كمالات أخرى.

مع التحيّة .

[saman]

هل تستطيع شغل كل الوظائف؟؟ هل تستطيع قيادة الدول؟؟؟ هل تستطيع التحكم بمصائر الشعوب؟؟

وَ لِمَ لا ؟؟؟

[zen]

اي ممكن جدا للمرآة تقود بلد واذا كان عندها حنان وعاطفة زيادة ما بظن انو سبب لتحمل بيعطيها نقطة بالناقص بالعكس بيعطيها نقطة زيادة
وبالذات هون في قطة الكل بيغفلها او الاغلب انو المرآة ما عندها حنان زيادة او نقص
المرآة عندها عاطفة زايدة وممكن تكون هالعاطفة قسوة او حنية
انت زكرت كتير أمثلة زنوبيا صح راحت أسيرة بس هي عظيمة بكل المقاييس وعندك سبأ كمان
بس قصة هل تستطيع شغل كل الوظائف ما بعرف بالضبط انا بظن بتقدر تشتغل شو ما كان بس نحنا كشرقيين ما منقدر نشوفها شوفير تسكي ولا مكنسيان ولا كومجي مع وجود حالات قيلة ولا حتى منحب نشوف المرآة عسكرية مدري لانو منحس انو بتفقد انوثتها !!!

[pleasurable]

كاتب النص الأصلي : VivaSyria

يكثر الحديث عن قدرات المرأه... المرأه بشكل عام... ولا نتحدث عن حالات خاصه هنا...

هل تستطيع شغل كل الوظائف؟؟ هل تستطيع قيادة الدول؟؟؟ هل تستطيع التحكم بمصائر الشعوب؟؟

كيف لي أن أثق أن المرأة التي تذرف دموعاً إذا ارتفعت حرارة إبنها تستطيع أن تأخذ قرار الحرب والسلم بغير انجرار وراء عواطفها؟؟

أم أن هذه المرأه باعتبارها نبعاً للعطاء والحنان تستطيع قيادة شعب بأكمله بمايضمن حقوقه وواجباته؟؟


هل تؤمن حقاً بالقدرات القيادية للمرأه؟؟

ليست العاطفة هي من تعوق المرأة بل الإفراط في العاطفة وتغليبها على العقل , كما أن الإفراط في العقل وتغليبه على العاطفة لا يؤهل الرجل للحكم . هناك منطقة وسطة بين العقل والعاطفة تسمى الحكمة صاحبها مؤهل للحكم بغض النظر عن جنسه .

[فسحة أمل]

كل تعميم خاطئ
ما بظن أن المرأة عاجزة عن القيادة ولعب الدور القيادي باي مجال حتى بقيادة الدول.
والشخصية القيادية ما بس حكر على الرجل , عبر التاريخ كان في نساء قادو امبرطوريات أو ممالك وبرعو بالقيادة وبالسياسة وبممارسة السلطة ومثال صغير على هالشي كاترين الكبرى قيصرة روسيا, كمان على الجانب الآخر فيه عدد لايحصى من الملوك والأباطرة من الرجال أو خلينا نقول من الذكور أدت تصرفاتن لخراب البلدان الي بيحكموها وكانو فاشلين سياسيا وقيادياً.
يعني الشخصية القيادية أو القدرة على القيادة مانها حكر على الرجال فقط., هي ملكة عند الانسان ذكر كان أم أنثى.

[Abu ToNi]

بدك جواب عربي ولا دولي ؟

[suryoyo]

اول شي .. خلي نبتعد عن الحكي اللي نسمعو من كنا زغار و نكون واقعيين

المراة مو عاطفية اكثر ... في كثير نساء بلا رحمة ... مثل ما في رجال سفاحين



انا برأيي .. انو ممكن تجي مرأة افضل من الرجل اللي يسبقها ... و تقةود بلد معين الى احسن وضع ... او وزارة معينة ...


انا مع التكامل ... مو مع الشمولية و التعميم

[whiterose]

بتخيل ها الكلام هو اقرب للصح وهو مو انتقاص من حقوقها
بس فيزيولوجية جسم المرأة ككائن بشري عواطفها بتتحكم بمشاعرها وتصرفاتها وبشدة

انا مع ان الرجل اكثر عقلانية من المراة وبيقدر يسيطر على عواطفه

لكن الزمان اتغير وهالقاعدة اخدت منحنى تاني

يعني كونداليزا رايز مثلا مابتخيلا بتبكي ابدا مدري ليش

يعني بالمختصر هالشي ممكن يمشي بالدول الغربية
اما الشرقية لاء
حتى لو حصلت على شهادات عالية اكتر من وزيرة مابتقدر تصل
وماحدا بيعرف شو في بعدين

يعني متل ما انصعق الشعب السوري المحضرم لما احتليت نجاح العطار منصب رئيس جمهورية تاني

بكل الاحوال مافي شيء مستحيل
الزمن تغير كتير وبالامكان الأمراة تتغير وتقود دول

فينا ناخد مثال مثلا ماري انطوانيت نجحت شي بحكمها للفرنسييين؟
ولكل قاعدة شواذ

[whiterose]

كاتب النص الأصلي : suryoyo

انا مع التكامل ... مو مع الشمولية و التعميم

التكامل مابيجي بالهين
صحيح لغة التعميم ماحلوة وغير مستحبة عند الاعلبية

بس التكامل شي صعب كتير والوصول اله بيطلب مننا التنازل عن اشياء كتيرة

[حنين.]

الشخصي القيادية لابد ان تكون استثنائية قوي ومميزة بجميع المقاييس
المميزات :
أولا : الثقة بالنفس
ثانيا : مرجعية علمية ثابته
ثالثا : الجرأة من غير تردد
رابعا : قدرة على استيعاب وتفهم من حوله
خامسا : بعد النظر بشكل عام وغيرها من الصفات
يعني لازم تكون حالة خاصة وسؤالي ليكهل كل الرجال يمتلكون شخصيات قيادية وقادرين على الحكم السديد والرشيد؟
برايي يمكن ان توجد نساء قادرات على تسير الدول بطريقة افضل من الرجال وان كنتم تعيبون علينا الحنان فعل ذاك الحنان يخفف من وطئة الرسمالية على الفقراء
اما بالنسبة لاتخاذ قرارات الحروب فادا استطاعت فاطمة نسومر الفتاة الجبلية الامازيغية غير المتعلمة والتي تعيش في مجتمع ذكوري قبل اكتر من قرن ، ان تقود ثورة بلا اسلحة ارهبت بها فرنسا بجيشها وعدتها
افلا تستطيع امراه من عصرنا قيادة حرب وهي على راس دولة ؟

[فسحة أمل]

كاتب النص الأصلي : whiterose

التكامل مابيجي بالهين
صحيح لغة التعميم ماحلوة وغير مستحبة عند الاعلبية

بس التكامل شي صعب كتير والوصول اله بيطلب مننا التنازل عن اشياء كتيرة

تماماً وخصوصي أنو المجتمع الي عايشين فيه هوي مجتمع ذكوري , بس بظن أنو المرأة قادرة تثبت جدارتها حتى بمنصب الرئاسة إذا منحت الفرصة المناسبة, والمرأة قدرت تحصل كتير من حقوق كانت تعتبر مجرد التفكير فيها حلم

[قرصان الأدرياتيك]

كاتب النص الأصلي : h13free

اما بالنسبة لاتخاذ قرارات الحروب فادا استطاعت فاطمة نسومر الفتاة الجبلية الامازيغية غير المتعلمة والتي تعيش في مجتمع ذكوري قبل اكتر من قرن ، ان تقود ثورة بلا اسلحة ارهبت بها فرنسا بجيشها وعدتها
افلا تستطيع امراه من عصرنا قيادة حرب وهي على راس دولة ؟

الله حيّك هدى .

[suryoyo]

كاتب النص الأصلي : whiterose

التكامل مابيجي بالهين
صحيح لغة التعميم ماحلوة وغير مستحبة عند الاعلبية

بس التكامل شي صعب كتير والوصول اله بيطلب مننا التنازل عن اشياء كتيرة

اي لو اردنا شي .. ننحققو رغك كل الصعوبات ..


التكامل شي اساسي لمجتمع سليم و علاقات سليمة


يعني اذا تكاملت مع زوجتي و اختي و امي و عمتي ..... اكون حققت شي كبير على المستوى الشخصي ..


و التغيير بالمجتمع يبدي من الافراد

[sweetbaby]

هلا القدرة الفكرية اكيد المرأة عندها نفس الكفاءة لتقدر تقود دولة بس المرأة كائن عاطفي فهي لما بتحكم عقلا بتحكم عواطفا معو وهيدا بيرجع لطبيعتا العاطفية اللي مابتقدر تغير شي فيا مع وجود بعض الاستثناءات متل كل قاعدة.. بينما الرجل بيحك عقلو بعيدا عن عاطفتو وهيدا هوي الشي اللي بيلعب الدور الاساسي باحتلال المراكز القيادية
هلا من وجهة نظري بانو بماانو المرأة مخلوق عاطفي وماانعطاها فرصتا للوصل للحكم والمراكز القيادية(باغلب الدول) فلما عم توصل ممكن هالشي ينعكس ليصير قرارت تعسفية واحيانا حازمة بحيث مابتقبل اي تغيير بسيط... التاريخ والمجتمعات اللي عشنا فيا (بدي قول هيك مجازيا) هي اللي بتمنع المرأة من انو تكون قادرة على القيام بالمهام القيادية...
مثال ع حكيي انو مثلا ازا رحنا ع المحكمة وكان القاضي انثى... فقراراتا بشكل عام حازمة بجوز مو منصفة(او بالاحرى ممم متل مابيقولو قاسية) هيدا بيعود للي كنت عم قولو انو المرأة لما ماانعطت فرصتا الحقيقية فلما عم توصل عم (تنتقم لبنات جنسا)

[The morning]

بدايه خليني استعير جمله من ثلاثائيات ياس في بداياتها بتمنى ينفهم قصدي منها بشكل واضح :

هل يا ترى سيتقدم العلم يوما إلى الحد الذي سنستطيع أن نطفئ فيه ضوء القمر بكبسة زر؟ أتمنى ألا يحدث هذا مطلقا.. و إن حصل فأتمنى أن يكون هذا الزر تحت يد امرأة...

ثانيا .. فأنّو أنا مش مع تسـليم المرأه كـمرأه ادوار قـياديه و لكنّي مع تسـليم تدمر لزنوبيا .. يعني في نـساء قـادرين على القـياده بذات قدرتهم على أرضـاع طفـل يـبكي ..
اللي بيقرّب من ولاد أيّ أم بالدني ليأذيهم .. بيـشوف وجه تاني للمرأه و بنـاء عليه فأنّو المرأه مش بس عاطفه و بطاطا ..

[Sun Shine Art]

مالح اكتب كتير بس حابه اعطي مثل ...
زنوبيا .........اليست مثلا كافيا ....ولم تفشل في قيادتها