زجل لبناني

[3ajeeb]

كاتب النص الأصلي : khaled kazhour

شكراً إلك ... و رح إهديك ردّة شروقي لموسى زغيب

[/color][/size][/font][/font][/b][/center]

إذا الاهداء إلي بتشكرك كتير ,شروقي موسى مافي منو.

وفي كلا الاحوال رح اهديك كم بيت عتابا.

[3ajeeb]

اووووووف اوووووووف ....

ميجنا ويا ميجنا ويااا ميجنا


يا عين إبكي عا فراق حبابنا ...


يا غايب عود لاتِطلَع مِن اهلَك ..... إذا بقينا عا هالحالي منِهْلَك
جبـلنا اشتقلَك و نشّف مَنْهَـلَك ..... بعد مـا كـان مورِد للحبـاب
زغلول الدامور

حبيب القلـب عــا قـلبي لـو انضاف ..... على ألوان أفراحي لون ضاف
وجيابي مِن جنى عمري لو نضاف ..... كفانـي من الغِنى كتر الحبـــاب
فؤاد المستحي

يـا مهاجِر القضّيت أيّامَك وَعِيد ..... أوفي الوعود و رجِّع الماضي وَ عيد
منعيِّدَك في عيدنا الطالِع و عيد ..... منعيِّدو فـــي رجِـعْــتَــك ع بـــلادِنـــا
زغلول الدامور

[3ajeeb]

كمان ردة شروقي لموسى زغيب (من المفضلات عندي) :

وصلت ببدلة متل بدلة شجر ايلول .... اللي من كم ورقة على الداير معرّاية
وتفلت زرار الصدر من عروة المريول .... وكل زر يحكي إلي عن تلجها حكاية

وينزاح خيط الرجا ويلمع ذهب مشغول .... ويزرع بعيني العطش نظرة بألف غاية
وتصرخ طيور التلج من خوفها وتقول .... دخلك اتركني بريئة متل ما جاية

وإتكي بكذبي النعس عا وردها المخجول .... إحلم بشمّة من الوردة المنداية
وما تقول كنو الطلب مرفوض او مقبول .... تيذل نفسو الطلب ويصير ترجاية

قالت بتسكر قلت ليل الدني المجهول .... ما كان عتق جرار الخمر لولايي
قالت بتعشق قلت جنيتي عاطول .... وين ما بتدعس كأنو رن ذهباية

قالت عطيني شي صورة لجفنها المكحول .... تاشوف وجه الحبيبة الشاغلك كفاية
اطّلعت فيها بنظرة عاشق ومقتول .... وخبيت كل الصّور واعطيتها مراية

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[khaled kazhour]

ما زال رح تبقي ع حبّي مكبّره
وما زال ما في عفو عند المقدره
انشالله تموتي وما حدا لدفنك يجي
وقيمكْ لوحدي ووصّلك عالمقبره
وصدفِه ان إجا إنسان تا يحملْ معي
بقلّلو تْركْني وبالوصيِّه بدّعي
من ميل تحت النعش بخفي مدمعي
ومن ميل وحدي بكون حامل جوهره
وكل فشخه كنتْ بقعد بستريح
بْزيحْ الغطا وبِتأمّل بوجهك منيح
وبسقي شفافك من عطش قلبي الجريح
وبطلب من عيونك شفاعه ومغفره
وكل ما ارتحت ورجعت قيمك من جديد
بصير صلّي ت القبِرْ يبقى بعيد
منشان إشبع والنعش يشبع نهيد
شبعِةْ أبد حامل بنعش الآخره
وغنّي فراقيات وسنيني الكتار
يدوبو عاداير نعشك الأبيض غبار
ونوقع أنا والنعش آخِرةْ النهار
وقعِةْ إبن مريم عا درب الناصره
وبرجع بقيم النعش عن أرض الهموم
وبشحد شوية عمر من عمر الغيوم
وبعود إمشي هون أوقع هون قوم
وضيّع نهاري بالمشي وعند الغياب
نوصل أنا وإنتي سوا ع المقبره

خليل روكز