الشام بدون ماكدونالز وكنتاكي !!
 

هاي :?
خطر عبالي سؤال مدري ليش :?
برايكون سوريا بدون مطاعم ماكدونالز وبيتزاهت وكنتاكي متخلفه ؟؟
لانو في كتير ناس عايشين برات الشام
وبس يجو عالشام بدورو على هالمطاعم وبيكتشفو انها مو موجوده
بقومو بقولو شو هالتخلف :?
باعتبارها مطاعم امريكيه والها فروع بكل الاقطار تقريبا :?
يعني السوريين يلي عايشيين برات الشام يمكن اكتر ناس ممكن يتفهمو الموضوع لانو بيعرفو قدي هالمطاعم شي ضروري بالبلد :lol:

لأ.......

انا لح قلك .. ليش ..

بجوز ما حدا يعجبو الحكي .. بجوز تضحكو ..

الاكل بالشام ... لا يقارن بايا اكل تاني .. وين ما بتروحي ..

المطاعم اللي بالشام مكفية وموفية .. وشعبك .. الله بيعينو يا دوب عم يعيش ..

اول شي ازا بدها تفتح هي المطاعم .. حتكون ارخص وجبة ب 250 او 300 ليرة برياحة ..

مطاعم الشام الموجودة .. والمحلات اللي مانا الها هالاسم اكلها اطيب .. وحياة عيونك انو اكلها اطيب ..

وارخص .. وبتخلي الواحد ما يفكر انو يروح لهنيك ابدا اصلا ..

عفكرة اصلا في فرع لكنتاكي بالشام .. بس قليل جدا .. العالم اللي بتروح عليه .. انو ما الو هالسمعة الكبيرة او ايا شي ....

جربي .. ولح تشوفي :D

عفكرة ببلد متل اللي انا عايش فيا وهية الاردن ... هيك مطاعم الها رواج متل كنتاكي .. وماك .. واللزي منو .. وهاردييز .. وبالخليج ..

لانو بصراحة الاكل هون سيئ جدا .. وما في مقارنة ابدا .. لزلك بكون الهم رواج وشادد ..

لا طبعا مش عشان المطاعم دى مش موجوده يبقى فى تخلف

بس وحياتك مش بس اللى عايشين برا الدوله هما الى بيهتمو فيها
كمان اللى عايشين جوا
يعنى عندنا مثلا بس ننزل على مدينه عاديه ومانلاقى هالمطاعم بس بنعرف انها على قد حالها فبقى خلاص هذه المطاعم هى سمة الرقى من عدمه مش بس فى الشام على فكره وف مصر كمان
يعنى رئيس المدينه اول شى بيفكر يطوره فى المدينه لما بيمسكها انه يفتح فرع الهن بدل مايفكر فى شى اهم من ذلك
لدرجة انها غزت كل المدن المصريه دا نحنا بنفكر نعمل فرع فى شقتنا ليش لا

الى الاخ يمان
فعلا الاكل السورى حلو
فى هنا عندنا فى اسكندريه مطعم سورى اسمه طربوش وحتى كل اللى بيشتغلو بالمطعم سوريين
ومابيقدم هالمطعم الا الاكل السورى وانا دايما بروحه وباكل فيه فعلا الاكل هناك لذيذ

بلا ماكدونالدز بلا كنتاكي







فلافل على كيفك .....و مسبحة بوز الجدي ............و بس :gem:

هلئ شو عرفك بهدول شيت الشام :?

بعدين انو مين قلكن مثلا كنتاكي مافي بالشام .؟ او مكدونالدز؟ :pos: بس يا أخي ما حبيت اكلهن بالمرة

تعقيب تالت هلئ انو الشام مشهورة باكلها ........ بدنا نروح ندور عهيك اكلات نص مكوناتها مو معروف وين قرعة ابوها؟

اخي شو يدكن بالحكي عنجد ..
شقد دقت فروج بروستد بحلب .. ومحلات فاتحة جديد وعمستوى ومحلات معروفة وشي ديلوكس
بس اخي متل بروستد تبع كنتاكي مافي .. الو طعمة خاصة ينعن ديبو
يعني بصراحة مابتوقع بمطاعم الشام يعملو بروستد بنفس الطريقة وبنفس السعر اللي بيعملو
هون يعني كنتاكي رخيص نوعا ما .. وعنجد كتير كتير طيب يعني بصراحة شقد ماطلعو ونزلو عنا مابيعرفو يعملو بنفس الطريقة تبع كنتاكي .. والفرع اللي فاتح بالشام على ماسمعت اول الشي غالي كتير تاني شي مو بمستوى الفروع بالخليج او ببلاد تانية ..
وماكدونالدز نفس الشي .. كمان اكلو طيب بس انو ممكن تلاقي عنو بديل بسوريا مع انو صعب بس بيلتقى
بس كنتاكي صعبة .. اكبر محل بسوريا ماخرجوا يعملو متل الطريقة اللي بعملا وخاصة لما بطلع الفروج سخن ومع ابطاطا هيك
ياويلييييييييييييييي

لازم تكون هيك مطاعم موجودة..
عدم وجودها مو دليل تخلف أكيد بس وجودها برأيي ضروري..
أنا كتير بحب أكلهون والفاست فود والسيلف سيرفس مرغوب وعملي واسهل.
:gem:

اي انا سمعت عن كنتاكي يلي بالشام
ما حدا عجبو
لانو اصلا بيشبه كل شي الا الكنتاكي يلي منعرفو :pos:
انا عم بحكي عني انا بقطر :lol:
بس والله انا بشوف لو بيفتحو هيك مطاعم
بتفيد وقت السياحه
بس هاد مو معناتو انو هو بعوض عن الاكل السوري :o
الاكل السوري ما بيتعوض :oops:

والله يا يمان المفروض بايا محل يكون الها رواج
لانو عنجد غير شكل :lol:
بس الفرع يلي بالشام ما زبط وضعو :pos:

:lol::lol::lol: اي والله فكره حلوه :p
يعني انتي معي انو وجودها ضروري :larg:

:lol::lol:
طيب انت جربت هالمطاعم ؟ :lol:

:?:? اي هو معك حق الفرع يلي عندكون بالشام منو طيب بنوب :?
يا زلمه اكل الشام ما النا غنا عنو
بس كمان يحطو هالمطاعم بعين الاعتبار
والله بجي شهرين عالشام بشوف اعلان كنتاني شي بوجع القلب :cry:
:lol:

بالاول خلينا نتفق انو اختي مو اخي :lol:
اي والله معك حق
يلي داق بروستد كنتاكي ما بعود يعجبو غيرو :pos:
والله شهيتني :lol:
الفرع يلي بالشام سمعت انو سيئ
يعني التويستر عندو بتشبه كل شي الا التويستر :?