|
هل العودة للقومية هو الحل؟
تشهد المنطقة العربية محاولات لتقسيمها طبقا لفوارق طائفية أو دينية أو كليهما معا
وكما شاهدنا في لبنان دولة الفرقاء نشاهد الآن عملية تقسيم العراق الي دويلات سنية وشيعية وكردية بعد أن كانت دولة موحدة تحت نظام قومي واحد هو نظام البعث صاحب القبضة الحديدية فلم نسمع أثناء ذلك الحكم القومي أي دعاوي للفرقة أو التقسيم لدويلات صغيرة ولعل المثل الواضح علي نجاح الفكر القومي في الحكم هي سوريا التي يتولي فيها الحكم حزب البعث دون الفكرة في تقسيم أو غيره رغم وجود عدد من الطوائف الكثيرة في سوريا فلا نسمع فيها عن دولة الفرقاء أو هناك وزير معتكف أو أي من الأشياء الكوميدية التي نسمعها عن لبنان الطائفي التي توضح أنها ليست دولة بقدر ماهي تجمع لعدة طوائف ويبق السؤال هو هل النظم القومية هي الحل لمشكلة الطائفية؟ |
ليك هوي القومية حلوة ... لانو بضل احسن من الاحزاب الدينية .. وع الاخص بدول متل سوريا و العراق ولبنان ,,,
بس المشكلة بالشعب يللي ما بيفهم ويللي دائما بيدور دائما ع شي يفرقو و يقسمو .. اقتباس:
لهيك ما حدا احسن من حدا .. ومتل ما قلتلك لما منخلص من العقلية المتخلفة .. تبع الانقسام .. ومنحترم الاخر .. ممكن يشكل هاد انطلاقة نحو مجتمع أفضل.... |
بذلك تكون القومية هي الحل
|
اقتباس:
فكرك ليش ما سمعت بمحاولة إقامة دويلات ... لأنو صدام نفسو ما بيلحق يسمع .. أول ما يكبر شي راس بيقطفو صدام عل حارك .. لا بيقطفو و بيدهن مكانو زفت مشان ماعاد ينبت مرة تانية .. ;-) القومية .. ماذا تقصد بالقومية .. عربية ..؟ أو ماذا ... طيب ماذا يفعل غير العربي ... على أي أساس شخص بالأول سوري و ثانيا قد يكون .. كردي .. أرمني .. شركسي .. آشوري .. الخ على أي أساس بدك تبلعن العربية تبليع .. بس اذا الحل الحل هو الوطني .. فَ نعم الوطنية هي مفتاح حب الوطن مهما كانت الطائفة .. لأن الجميع بهل حالة لازم يسعى لصلاح الوطن |
القومية تحددها اللغة التي يتحدث بها الشعب
وبالطبع في البلاد العربية يصبح العامل المشترك اللغة العربية لذلك من البديهي أن تكون القومية عربية حتي لو كان الشخص ذو اصول شركسية كردية..............الخ المهم أنه الآن يعيش في بلد عربي ويتحدث العربية بغض النظر عن ديانته وبذلك تكون القومية عربية |
اقتباس:
كان العمل السياسي يمتلك هامش من الحرية ( مو كبير ) و كان الانتشار الاهم للاحزاب العلمانية ... رأيي ,,, القومية مو ممكن تكون حل لأنو اغلب الحركات القومية تقوم على الطائفية ولاتعتمد على ايدلوجيا سياسية معينة (اشتراكية - ليبرالية - رأسمالية .... ) تحياتي ,,, :D |
الحل الوحيد في اناس لهم مبادئ حقيقية على اختلاف افكارهم و معتقادتهم
المهم في قادة الاحزاب الكفاءة و الاخلاص و كره المصالح الشخصية او على الاقل التقليل منها الى درجة كبيرة يعني يفيد الحاشية لكن لا يتعدى على حقوق الاخرين الاحزاب العلمانية افضل من غيرها في العالم العربي لان الاحزاب الدينية عند خطاها تسيئ الى القادة الدينيين اكثر من غيرها |
اقتباس:
عم تخلط بين الديانات و القوميات و متحدثي اللغات اللغة بحياتو ما كان رابط .. أبدا دليل أوربا مليون لغة فيها بس مع ذلك وصلوا لحل مع بعض و أوجدوا أساليب التعامل مع بعض " الاتحاد الأوروبي " و سوريا بحياتا ما كانت عربية صرف .. متل ما ذُكِر سوريا منذ قدم التاريخ و هيَ خليط من شعوب و حضارات و أُمم |
ولكن اللغةتبقي اللغة العربية بلهجة سورية
قد تختلف الأصول والطوائف والعرق ولكن ما يوحد هه الاختلافات هو اللغة الواحدة وهي العربية والا لما قامت دولة من الأساس |
اقتباس:
كمان هاد الدليل يللي حاطو عن اوروبا .. دليل على أنو اللغة ليست عامل معيق اذا توفرت الارادة للتقارب "مو"دليل على انو اللغة مو رابط أبدا ... اتخيل اوروبا عم تحكي لغة وحدة ... ما كانت هلا أقوى من اوروبا يللي منعرفها ... |
الوحدة الأوروبية ليست وحدة بالمعني المعروف بل هو تجمع لدول
نريد وحدة شبيهة بالولايات المتحدة طبعا سيقول الجميع ذلك مستحيل لأن العرب ساعتها حيتخانقوا من يكون رئيس هذه الوحدة هذه هي المشكلة |
اقتباس:
انا برايي ولانو الموضوع شدني الحل الوحيد النا كعرب هو الدكتاتورية و الحكم بالعنف و الاجرام |
اقتباس:
يعني مو معقول نحنا ولاد لهل درجة والله مو معقول يعني ولا شو رايك انت |
اقتباس:
طبعا ذلك قبل اجتياح العراق التي حولت جامعة الدول العربية الي جامعة هزلية وصارت القمم العربية كمطلي به القار أجرب يخشي الجميع استضافتها وأخرها تونس ثم السعودية التي رأت انعقادها في دولة المقر القاهرة مع الغياب التام للزعماء العرب عن حضور القمة وفشل عقد قمة عربية طارئة وقت اندلاع الحرب السادسة ألسنا بحق خير أمة أخرجت للناس؟ |
اقتباس:
|
علي شرط نأتي بحكام أجانب لضمان حيادية التحكيم في اللعبة
ولكي لا تتكرر مآسي الأهلي والزمالك والشكوي من سوء التحكيم |
اقتباس:
لك انا رح ابكي على حاللنا لك عفن قلبنا من الحكي و القتراح او اعطاء الاراء الهادفة والنقد البناء و على حطة ايدك |
اقتباس:
عفوا مع احترامي لرأيك , الديكتاتورية و العنف بعمرا ما كانت نظام مبني على صحة , و أي نظام مانو مبني على صحة مهما طال إلا ما ينتهي شي يوم و لما ينتهي بدا تصير حالة ما طبيعية من الفوضى لأنو الشعب ما رح يعرف يحكم نفسو بنفسو لأنو مانو متعود ينحط بموقف المتحكم , نحنا منعطي الشعب الحرية و بعد فترة بيصير عندو القدرة لإنشاء نظام ديمقراطي عقلاني , و هادا اللي عم يصير كلو من الطائفية و دعوات الإنقسام كلو جاي نتيجة تعرض بلادنا لأنظمة حكم ديكتاتورية و خلاصنا منا بطريقة مفاجئة فمشان هيك صار الشعب يتخبط لأنو ما بدو يرجع للحالة يللي كان عايش فيا و نتج عن هالشي قرارات بعيدة عن الحكمة و العقلانية و هادا شي طبيعي و متوقع ... |
| الساعة بإيدك هلق يا سيدي 17:14 (بحسب عمك غرينتش الكبير +3) |
Powered by vBulletin® Copyright ©2000 - 2015, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون