|
حملة الأخوية من أجل إيقاف جرائم "الشرف"
يا شباب لازم نعمل حملة كرمال هاد الموضوع...
موقع نساء سوريا عندو حملة نشيطة و بالتعاون مع رابطة النساء السوريات... يا ريت نبلش قريباً و أنا ناطر إقتراحاتكن... واللي ما عندو فكرة عن الموضوع يحكي مشان نشرح... ورجعنا و رجع المنبرررر ;-) |
شو رح نقدر نعمل من هون .. وخصوصا انو كتير اعضاء غير متواجدين بسوريا .. ؟ بتمنى أسمع شوية افكار .. يمكن اقدر اشوف شو الامكانيات اللي عنا ..
|
أول شي والاهم اننا وضح مفهوم الشرف شو بالنسبة للانسان اللي عايش بمجتمعنا
ونفهمه انه الشرف اذا ربط بالجسد أصبح شرف ناقص لعدم مساواة بين جسد الرجل وجسد المرأة والتخلص من نقطة النقص اللي موجودة عند المجتمع الذكوري باعتبار المرأة عورة وبوابة للعار وتاني شي عدم اختزال انسانية المرأة بجسدها لأن الجسد فاني اما الانسانية باقية ممكن فينا ننطلق من هيك مبدأ شو رأيكن تحياتي |
اقتباس:
بالاول خلينا نعمل حملة ضد النظام الابوي الموجود بالمجتمع العربي ككل واللي من اساساتو انو الرجل هو المسوؤل عن كل شي وبالتالي بيهيمن الرجل عالمراة سواء كان اب ولا اخ ولا زوج لك حتى عم وخال مو مخلصين منن وبس نخلص من الحملة الاولى منعمل حملة منشان الشرف وللاسف الشرف عنا بيرتبط بس بانو تحافظ المراة على جسدا وعذريتها وما الى ذلك اما عند الرجل مفهوم الشرف هو كمان بس انو يحافظ على زوجته واخته وبنتو وعلى سلوكن بعدين اذا القانون يا دوب يعاقب الشخص المجرم - بحجة دفاعا عن الشرف - لسى كل هاد وبدنا بس حملة لك بدنا كتير :pos: |
اولا : لو ممكن كهربجي تحط معلومات اكتر حول الموضوع :D
اقتباس:
مشان كام مليون واحد بيسئوا التعامل مع المرأه بنشوف كل هالنكران للجميل اقتباس:
عن نفسي عندي الشرف غير قابل للتجزئه ولا يفقد من مره واحده على مفهوم العذريه لا يمكن للمرأه بعد اول مره ان تعيش حياه شريفه (وهذا غير عادل ومجحف) وعلى نفس المفهوم يصبح انه اذا المرأه المتزوجه حدث لها بارادتها او بغيرها اي شيئ يصبح الامر غير مرتبط بالشرف وهذا ايضا خاطئ , لا يجب ان نتأثر بالمفهوم السطحي للشرف فالمفهوم اعمق من ذلك بكثير اقتباس:
لا ادري متى وكيف كرم الرجل المرأه وجعل شرفه هو شرفها فقط!!!!!!!! , لقد تنازل عن حقه ,ربما , ولكن يجي ان يكون له شرفه المستقل بالاضافه الى الشرف المرتبط |
الله لو بشوف شو عم تعملو يا بشر رح يكفر بالأديان كلها ...
كل دين فيو جدل ... سواء الاسلامي .. المسيحي ... أو اليهودي ... بس الانسان هو اللي بخرب الدين .. لانو الدين بأبسط أحوالو اذا ما رح نعتبرو سماوي مثلا .. هو اصلاح اجتماعي .. وبلا ما نطلع عن موضوع كهربجي أكتر من هيك .. |
يا ستي
يا أختي يلي بدو يناقش مشكلة بدو يناقش سببها الأساسي و كل تفرعاتها و ما يوقف و يحط رجلو بالفايش و يقول بس منحكي لهون و بس .. يلي بدو يحل مشكلة بيحلها من شروشها و بيحكي الصراحة و أنا كتبت هيك بموقع نساء سوريا كمان .. |
ولله يا كهربجي وقعت وما حدا سمى عليك
|
اقتباس:
انا موافق تماما على كلام سامو بضرورة التوعية و توضيح مفهوم الشرف و عدم ربطو بجسد المرأة ,,, انا بعرف انو رابطة النساء السوريات عم يشتغلو كتير على هاد الموضوع بس المشكلة انو ماعندون دعم كافي هاد غير انون ماكتير عندون هامش حرية (اكيد بتعرف ليش) ,,, المهم ,,, برأيي نحنا غينا نعمل كتير على الصعيد الاجتماعي و فقط الاجتماعي ,,, تحياتي الك كهربجي :D |
الموضوع مهم جدا .......... و مشان ما يصير اي تخفيف من قيمة الموضوع ...... اي رد خارج عن نطاق الموضوع و يحتوي على سبام رح ينحذف......
أرجو التقيّد |
انه لحد هلأ خطة عمل واضحة ماتناقشت
|
اقتباس:
|
اقتباس:
|
إذا في شي حدا من إدارة الأخوية عندو معارف بموقع نساء سورية ممكن يحكي معهن لأنو أنا ما عندي سلطة احكي بهيك قصة
على كل الأحوال إذا ما في أنا بكون مبسوط أنو اشتغل ع الموضوع... يعني الفكرة هي أساس لأنو نعمل شوية نشاط اجتماعي حقوقي كل مين بمحلّوا يعني ع الإنترنت و غيرها... ففهمتوا عليي؟؟؟ و شكراً كتير لتجاوبكن مع الموضوع |
اقتباس:
بعدين ممكن نعمل استطلاع رأي عن الموضوع بين الناس... ممكن نقارن مع دول متقدمة عنّا متل تركيا و تونس (ماني عم قول السويد)... إلخ شو رأيكن نبدأ بالعريضة؟؟؟ المطلوب من الكل يوقع وينشرها لأكبر عدد ممكن من السوريين بالعالم كلو |
اقتباس:
ممكن نحاول نخصص هالموضوع هون وننشر بعض المقالات اللي بتخص هالموضوع . |
اقتباس:
|
أنا رح اطرح الموضوع عالأدارة و شوف ازا عندون علاقات .. ازا لأ مشان نفوض حدا يحكي بأسمنا....
اليوم بنقل الفكرة و صبرو علي لبكرا .... او اكتر حسب ما يردّو ......... لوقتها رح نضيف المقترحات و كلشي بيخطر عالبال بهالمجال........... موافقين؟ |
| الساعة بإيدك هلق يا سيدي 17:18 (بحسب عمك غرينتش الكبير +3) |
Powered by vBulletin® Copyright ©2000 - 2015, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون