![]() |
هل تؤيدون حزباً لله في سوريا
انه استفتاء عام
هل يؤيد الشعب السوري نمط مقاومة حزب الله وهل تؤيدون بالتالي حزباً مثله في الجولان من أجل تحرير أرضنا |
انا من ناحيتي بأيد
بس انا بحكي عن حالي مو عن كل الشعب السوري |
أنا أتحفظ على حزب الله كونه ممثل طائفي.. ولأنو حزب ديني
يعني أنا مع مقاومة يسارية أو مقاومة علمانية سورية مو ممثلة لجزء واحد فقك من الشعب بس إذا ما في غير حزب الله طبعاً معو |
هوي لحد هلأ ما اجا عل عالم حركة مقاومة -فينا نقول شعبية نابعة من الشعب - ما اجت المقاومة يلي تحقق أهدافا .. لكن الوضع عند حزب الله اختلف جدا اذ تم كسر أحد جوانب الشعبية صار في عندو دعم مادي و عسكري و من هل حكي من دول أخرى .. لذلك حقق ما حقق طبعا بالاضافة الى الجانب العقائدي عند الشباب الطيبة .. كل هدول شكلو قوة عملت معجزة عسكرية بوجه الزحف البري الاسرائيلي ..
هلأ طبعا ما عندي مانع شخصيا تقوم هيك حركة بسوريا .. بس و للأسف حكوميا ما رح يسمحو يوصل البل لدقنن .. يعني .. ازا صار ولا بد هيك حركة فا مارح تكون شعبية بالمعنى الصحيح او بمعنى تحت رعاية الحكومة 100% بدون أي قرار مستقل يعني مو متل استقلال قرار حزب الله عن الحكومة .. لذلك ازا بدا تكون المقاومة عبارة عن ميليشيا حكومية .. لا خيو هق بلاها أحسن لأنو ماح يجيبو غير وجع الراس و رح يكونو عبارة عن لهاية ( اي هي تبع الولاد الصغار ) للشعب و لفت نظرو عن سياسة التجويع و البوصطار .. حاصلو لا مو مع اي مقاومة تحت قيادة حكومية |
انا مع حزب الله قلباً وقالباً
|
سوريا
أنا بأيد أي مقاومة ضد أي احتلال تحت اي اسم طائفي عرقي وطني بنهاية اسمها مقاومة
شلون إذا كان قطعة من وطني محتل أكيد بأيد أي مقاومة فيها حتى لو ما كانت مسلحة لانو الصمود والبقاء مقاومة أيضاً...:hart: :hart: وطني:hart: :hart: |
الشغلة ما بدها حزب الله في سوريا او اي حزب تاني
بدنا تحرير الجبهة الداخلية من الفساد حتى نقدر نحرر الجولان بس شغلة التحرير من اسرائيل بالسلاح ما بتزبط بسوريا لانو في اتفاق وقف اطلاق نار |
انا ماني مع اي حزب بيقوم على اساس طائفي و عنا بسوريا المشكلة انو مافي اي تنظيم عندو قاعدة شعبية واسعة باستثناء تنظيم الاخوان المسلمين المحظور و هدول ماممكن الاعتماد على صدق نواياهم تجاه اي قضية وطنية بالاضافة لكلام كوستا اللي انا بوافقو تماما
|
اقتباس:
وأحلى توافقات عم تصير بالأخوية.. يا ترى ممكن تصير برا؟؟ |
خمسين سنة عم نحاول بطرق حربية نحرر و نسترد و .. و ..
شو النتائج كانت ؟؟ اي طبعا سكوت مافي نتائج .. ما صار وقت الثورة السلمية .. ثورات شبابية ..ضد الاحتلال أينما كان .. لو الحكومة ترعى تنظيمات شبابية ( سلمية ) و تدعمها اعلاميا و لوجستيا ما بتتخيلو أديش الأثر بكون أكبر من اي انتفاضة .. هذا الكلام أبدا مو انهزامي لكن القوة و السلاح أخدو وقتن كتير .. صار لازم يتجرب طريقة .. التحرير السياسي .. هيك بظن |
هلأ انا بعتقد شغلة انو الشعب بسوريا لما بكون عندو الحرية السياسية الكاملة الممثلة بأحزاب داخل البرلمان وعم تشتغل لمصلحة البلد ومن دون مصالح شخصية اكيد بتنجح الفكرة
وبدي نوه على شغلة انو الاحزاب ما كتير بهمها الحاكم او الرئيس لانو ما عندها مشكلة معو اذا كانت تتمتلك الحرية وما بعرف اذا وقت الحديث والاقناع انتهى او لم ينتهي بعد انتو شو رايكن؟؟ و انا بشكر الشباب كلها على المواضيع الراقية يلي عم تنكتب |
ماحدا بيدافع عن سوريا ويحرر ارضها المحتلة الا الاحرار
|
اقتباس:
انا من ناحيتي بعارض فكرة وجود حزب متل حزب الله بالجولان لانو رح يفشل ..لان طبيعة الارض بتختلف 180 درجة عن طبيعة الجتوب اللبناني ..بس هااد هوي اعتراضي على فكرة وجود مقاومة بالجولان. |
اقتباس:
|
اقتباس:
مع احترامي لرأيك و انا اكيد مع الحرية السياسية المطلقة بس برجع بقول القاعدة الاقوى للأحزاب الدينية اللي بتعتمد مبدا الاقناع و الوعد بالجنة و اللي اكيد اكيد بتستثمر الدين لمصالحها الشخصية هلئ اذا شلنا الاحزاب الدينية ع جنب و تطلعنا ع الاحزاب العلمانية بسوريا و بغض النظر عن القاعدة الشعبية تبعا ,,, مين الو مصلحة يقاتل اساسا مين الو مصلحة يحرر الجولان و اذا بدنا نحكي ع مستوى القواعد اديش نسبة الشباب اللي مستعد يقاتل و يحرر ... نحنا بحاجة لتنظيمات مدنية علمانية تعيد انتاج علاقتنا بارضنا و بوطنا بغض النظر كوننا معارضة ام موالاة و تعيد انتاج مواطن سوري انساني بعيد عن الطائفية و بعد كل هاد منفكر بالتحرير ,, مية وردة :D و بعتذر من كاتب الموضوع اذا طلعت عن المضمون |
اقتباس:
هلأ شغلة الاحزاب الدينية دايما بتنجح وقت الصراع ...... بس وقت يخلص الصراع بتصير بتتنازع مع بعضها ومع نفسها اما الاحزاب العلمانية فهي على طول عندها صراع لانها دايما عم تواكب العصر والتطورات السياسية بعكس الدينية هلأ حزب الله فينا نقول انو حالة شاذة بلبنان بس يا ترى لو ما في دعم ايراني وسوري ..... كان نجح؟؟ تحية الك :D |
بصراحة
انا ما عندي ثقة ولا بحزب سوري كان عندي ثقة بحزب بس لما دخل عالجبهة طارت ثقتي فيه |
وهيك دايما احزابنا بيهمها مين الحاكم لانو حريتا منتقصة متل ما قال كوستا
وبهيك احزاب ما فينا نساوي شي واي حركة جديدة عم تلاقي المصير القمعي الاسود |
الساعة بإيدك هلق يا سيدي 17:11 (بحسب عمك غرينتش الكبير +3) |
Powered by vBulletin® Copyright ©2000 - 2015, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون