|
سورية الأكثر تعددآ لأنواع المعارضة
د.ثائر ونوس كما تشتهر سورية بتعدد في الثروات من زراعة وصناعة ونفط وطبيعة وغيرها وكذلك من طوائف وديانات ...فهي تتميز بأنواع كثيرة من المعارضة للحكومة والنظام وسأذكرها حسب ما لها وماعليها: 1-أحزاب الجبهة الوطنية التقدمية الذين يمارسون عملهم السياسي بحرية كاملة ولهم مناصب في الادارات والحكومة ويشاركون بالحكم ويؤخذ عليهم أن رؤساء أحزابهم غالبآ ما يوزعون مناصب الحزب لعائلاتهم. 2-أحزاب لم تدخل للجبهة بعد. ويؤخذ عليها قلة التمثيل الشعبي. 3-بعض التجار الصغار الذين يعتبرون أن التجار الكبار هم الحيتان الذين يأكلونهم بفك مسؤولين كبار .ويؤخذ عليهم تخليهم عن المعارضة عندما يتحولوا لحيتان. 4-بعض الموظفين المهمشين الذين يعتبرون أن حقهم ضائع وهم يستطيعون الابداع اذا مارسوا حقهم.ويؤخذعليهم تخليهم عن هذا الابداع اذا أدخلوهم من الهامش للعمل الجدي. 5-بعض المتقاعدين الذين لم يستطيعوا التمديد فيعتبرون أن فرصتهم للتطوير لم تأتي بعد. ويؤخذعليهم أنهم لم يطوروا شيئآ خلال أكثر من ثلاثين عامآ بالوظيفة. 6-بعض المسؤولين السابقين فهم يعتبرون أنفسهم أفضل من خدم الوطن وشالوا الزير من البير عندما كانوا في مناصبهم... فساعدوا الفقراء وحققوا الارباح للدولة ومنعوا الهدر وعاشوا على رواتبهم لسنوات طويلة.... وكافأتهم الدولة بأن أقالتهم فأصبحوا يهاجمون الحكومة ويكيلون الانتقادات القاسية لكل شيء ولا يعجبهم العجب وكأن عجلة التطوير توقفت بذهابهم .يؤخذ عليهم أنهم من أكثر المستفيدين من النظام. 7-بعض المثقفين الذين يريدون المشاركة في تطوير البلاد من حيث حرية الرأي والبحث العلمي .يؤخذعليهم عدم وجود برنامج واضح مقنع للدولة والمواطن. 8-بعض التيارات السلفية التي تريد تغيير الحكم العلماني .يؤخذعليها أسلوب العنف . 9-بعض المعارضة الخارجية التي تريد أولآ تغيير النظام قبل كل شيء.يؤخذعليها استقواؤها بالدبابات الأمريكية. 10-بعض الأشخاص الذين يعتبرون أن بمجرد معارضتهم فهم أثبتوا وجودهم ويظنون أن الدولة سترضيهم بتسليمهم منصب ما.يؤخذ عليهم غياب البرنامج الاصلاحي. 11-أما ما تبقى فهم غير مهتمون بالسياسة ويريدون السترة لهم ولأعمالهم ولأولادهم.يؤخذ عليهم السلبية الشديدة في التعامل مع المتغيرات العصرية |
خيوه ما بعرف ايش بدي احكيلك
شوف سوريه فيها معارضه متعدده ما اختلفنا بس كلامك هادا ما الو دخل بتعدد المعارضه في سوريه يعيني سوريه البلد الوحيده الي ما فيها معارضه حقيقيه داخليه فشو دخل الموظفين القدامى وما بعرف شو بالمعارضه شو جاب ط***** لمرحبا ؟؟؟:? |
اقتباس:
|
اقتباس:
و انما مع البلد و مع اصلاح البلد بالنّية و العمل |
اقتباس:
|
اقتباس:
كيفك انشالله مروق كرمال الله روق خيو مو معقول، صحتك، اعصابك يا زلمة كل شوي بشوفك منرفز و معصب و متنكرز و منطعج اشتهيت شفلك شي رد مو معصب فيو اخي ازا هالاخوية عم توجعلك راصك، بلاها، بلاها حدا البلي، المهم انت صحتك يا اما ... خدلك شي حبتين فاليوم، او شيكارة كيف قبل ما تتصفحها خايف ع صحتك انا |
اقتباس:
|
اقتباس:
و بالمعية سألي ياه .. بنظرو شو هو تعريف المعارضة لو سمحت ... |
اقتباس:
ما بعرف بحسو لهلزلمة بينزل حفر و تنزيل على نموذج معين من الشباب أولاد نعمة النظام و حامل لواء الدفاع عن الخطيئة ، هلق هو حر برأيه بس أنا برأيي الخطورة بأنه هو عم يساهم بقوة بإعطاء الصورة الخطأ عن شباب من خلفيات معينة و هو بالأخير ما بيمثل إلا حاله وليد حالة قمع يمجد العنف و العنصرية و القمع لا يفهم معنى الديمقراطية و يرى في البلد مزرعة شخصية له و لبعض ابناء طيقته (المستفيدين) والله قلبي وجعني على هالوطن شو بدو يتحمل ليتحمل؟ مني و جر |
اقتباس:
ما بظن أنو انتو عم تحاورو الفكرة ... بغض النظر عن رأيي بالفكرة .. أو بصاحب الموضوع ... :pos: بس الحوار انتقل من الفكرة لنقد الشخص .. أو التهكم عليو ... برأيي ...تنقلو الموضوع للسقيفة ... لأنو هادا أكيد مو حوار ... هادا جدال ... ومن النوع ... اللي فيو أطلاق أحكام ... وانفعالات وتعصيب ... |
اقتباس:
شو المانع تكون فيه معارضه حقيقيه في البلد لمصلحة البلد يعني ليش ازا زكر معارضه بروح فكرنا دائما ضد مصلحة الوطن حبيبي سماع وجود معارضه حقيقيه وركز على حقيقيه في البلد دليل الديمقراظيه والحريه وبما انو البلد بتتكون من عدة شرائح وديانات فمن المستحيل تنحصر مصلحة البلد بيد طائفه محدده بس مشان هيك وجود المعارضه ضروري جدا لكن بما انو لا يوجد في سوريا معارضه حقيقيه فبالتالي لا يوجد حريه وديمقراظيه حقيقيه وهادا مختصر الكلام . |
اقتباس:
هلق أنا كان قصدي حلل الفكرة و شذيت عن الموضوع بتوجيه الحكي ألو الموضوع الاساسي هو تصوير المعارضة على أنها فعل المستحيل .. يعني هي برأي الكاتب تخبطات و طفل ولد ميت بس كان الأفضل بدل ما يتحفنا (أي د. ثائر) بمقالة ما ألها لا أساس علمي او موضوعي أنو على القليلة يحط مقدمة نظرية عن مفهوم المعارضة ، يعني شي بيبين أنو هو فمهان شو يعني معارضة قبل ما يختزلها بأربع خمس تعدادات بكم سطر.. و من جهة تانية و على طريقة الرد الدائم الجاهز لأي انتقاد يوجه إلى السلطة و ممارساتها الخاطئة: أين الحل المقترح ؟ يعني شو شكل المعارضة اللي بيقترحه؟ أم برأيه ما في داعي للمعارضة من أساسه؟ على كل حال ما بطالب بمعارضة من مبدأ لازم وجود معارضة .. أصلا المعارضة كلمة فاقدة لمعناها بالأدب السياسي السوري المعاصر و استخدامها على طريقة "سكودا" يعني كلما واحد من أي اتجاه حكيلو كلمتين بيستخدمها ، يمكن هادا نصر للناس اللي بتحب و بتدافع عن القمع لأنو انتصار للمصطلح على حساب المفهوم .. يعني صار في معارضة عالورق و الإنترنت و بحديث الشارع بس ما في محاسبة و رقابة و تعدد رأي و لا مجلس شعب و لكن مجلس دومى (على اساس عمنقلد الروس) |
اقتباس:
ها ها كوميديا :yahoo: :lol: :o |
اقتباس:
ياحبيبي انتبه شو عم تعمل انت هاد اسمو الدكتور ثائر ونوس زكاتك ما بدنا هيك اخطاء مرة تانية لاتنسى الدال |
| الساعة بإيدك هلق يا سيدي 15:31 (بحسب عمك غرينتش الكبير +3) |
Powered by vBulletin® Copyright ©2000 - 2015, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون