|
فتات من مات
تحت رأفة كل من في يديه سلطة، من الداخل أو الخارج، أصحاب السلطة السياسية، الاقتصادية والمصلحة الفردية، يترنح المواطن العربي بين النكران والخوف، بين التملق والنميمة، يلتصق بجدران بيته حتى يصبح جزءاً منها، يترقب بعين غافلة شاشة التلفاز ليصنع جدران أخرى في داخله تحجزه عن العالم، فماله وذاك الذي كان يوماً شقيقاً وشريكاً وممولاً من أقرانه العرب، وما همه من ملامح جديدة مشوهة تُرسم للشخصية العربية، ممن يجرده من كرامته وماله وحتى قميصه. يرصد غلاء الأسعار والضرائب المفتعلة، يراقب ذل مواطن شقيق ونعش آخر بدقة ليشبع نفسه حسرة وتحسفاً على ما آلت إليه الأحوال، ويثرثرفي اليوم التالي مع أصدقائه وجيرانه وزملائه. ربما ينتظر معجزة كعادته، فكل الأمور لديه قدرية، ولم َ لا؟ فهذا أسهل وأقل ألماً وجهداً، أن يوصد الأبواب على عقله وقلبه وإرادته أبسط من أن يفتحها ليتفاعل مع من حوله بإيجابياته وسلبياته، وأن ترى عينه الحرب والفقر والمرض صامتاً (أجمل) من أن يعيشها إن تكلم! فليصمت ما بقي منه قبل أن يحاسبه الزمن الماضي بما كتب لتاريخه والوقت القادم بما مزق من أوراق لهذا التاريخ ولتواريخ أخرى ستكتب أو لن تكتب. فما أصعب أن يكتب تاريخ من صمت! |
ما اصعب ان يكتب تاريخ من صمت؟؟؟؟؟
؟؟؟؟؟؟؟؟؟؟؟؟؟؟ والذي يخايف من حقيقية التاريخ يعيش في اوهام بين الظلال و الغبار رائعة يسلمو ايديكي:D |
اقتباس:
|
اقتباس:
|
اقتباس:
شكرا لرأيك واهتمامك. أنا بحب الكتابة كتير وحابة اطور نفسي ، يمكن شي يوم حقق حلمي وصير كاتبة ، وأعمل شي فرق بهالحياة. ويا ريت دايما تعجبك كتاباتي :clap: |
عنجد كتير حلوة و الفكرة احلى
:D |
اقتباس:
وفعلا مشكلتنا هي الهروب من العقل واللجوء للقدرية وبالتالي الاستسلام باسم القدرية |
شكرا للجميع ، ورأيكم بهمني كتير
بالأسلوب والفكرة. :D :D :D :D :D |
شيئ صعب ان يكتب تاريخ من صمت
ولكن لدي سؤال كيف يكتب التاريخ من صمت مع انا التاريخ نفسه الاحداث كلها فكيف من صمت[/color] |
لك تقديري و اعجابي ........
تعليق: لم تستخدمي نقطة تنوير بالخاطرة لذى أرجو الانتباه لذلك.. لا تفكريني شغلة بالكتابة................. بل أقول كما قال أبو قراط ( أستطيع التميز بين العجة الشهية و الاشهى رغم أنني لا أعرف كيفية صنعها) |
اقتباس:
وهادا رأيي. |
اقتباس:
مو شرط الواحد يكون علّامة ليقدر يعطي رأي او يعبر عن حالو وذوقو ورأيو. |
اقتباس:
التاريخ فعليا مانو الاحداث نفسها..... التاريخ هوي وجهة نظر بالاحداث ولما بيسكت طرف من الاطراف المعنية بالاحداث بيصير التاريخ عبارة عن وجهة نظر احادية وبالتالي مستحيل يكون حيادي |
اقتباس:
وجهة نظرك قوية جدا. |
اقتباس:
|
اقتباس:
اايدك بذلك......... و يقول نابليون بونابرت( بالحروب يستشهد الأبطال أما الجبناء فينالون النياشين) |
صح الكلام ,,,هل ممكن يوما ما نحنا كعرب أو كأمة أو كجزء من هالعالم نكون منتصرين حتى لو بتحقيق كيان يعبر عن وجودنا ؟؟؟؟؟؟؟؟ ووقتها يكون النا تاريخ أو مستقبل ينحكى عنو؟؟؟
|
اقتباس:
انو نصير ... صعب كنت بقول مستحيل، بس ما بعترف بوجود المستحيل مشان هيك صعب لازم بالاول ننتصر ع انفسنا لازم بالاول ننتصر ع الهتنا لازم بالاول ننتصر ع رسلنا لازم بالاول ... ننتصر ع حكوماتنا لازم بالاول نعمل كتير شغلات... بالمنطق، كيف بدنا ننتصر ع عدونا، ازا البيوت بالملايين و المعاش بالملاليم ؟؟؟ ازا واحد فينا بدو يتجوز، بيقعد سنة يخطط هوي و خطيبتو، و بيحسب كل شي بالبيكار و الالة حاسبة كيف بدكم يانا ننتصر و نحنا منفوت ع الحرب بدون خطة ؟؟؟ كيف بدنا ننتصر و نحنا اصلا ما منعرف نخطط؟؟؟ نحنا بس شاطرين بالامتال الحرب خدعة الحرب سجال الحرب كر و فر (شوي تانية بيركبونا ع الجمال) الخ من هالسخافات بس واقعيا على مستوى النظام منضم... منفوت بالحيط بدك يانا ننتصر، وين العلماء يللي رح ينصرونا ؟؟؟ ازا احمد زويل طفش و فايز فوق العادة طلع مجنون و عمر الخيام طلع كافر و ابن سينا مهرطق و لسا في خلق بتجي بتتغنى بعلماء ماتوا و صارت عضامهم مكاحل، و بيتحدوا فيهم الغرب كلو ... كلو مو انو دولة او تنين لك من كتر خيبتنا، مستعد عدلك العلماء العرب و المسلمين (حرما و جمعا) بخمسين او ستين اسم، من ايام ابوهم ادم لهلأ هدول الخمسين او ستين اسم، يا دوب... يطلعوا عدد العلماء الشهريين باميركا، يللي عطتهم مجلة "ساينس" افضل علماء العدد (مجلة شهرية هي) (يعني في غيرهم اقل حظا ..) |
| الساعة بإيدك هلق يا سيدي 17:17 (بحسب عمك غرينتش الكبير +3) |
Powered by vBulletin® Copyright ©2000 - 2015, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون