|
شو بتعمل لما تتنرفز ؟؟؟
الرّجلُ عندما يتضايق لا يتكلم ابداً عمّا يُضايقه ، فهو لا يريد أن يُثقِل كاهِلَ الآخرينَ بمشاكله ولا حتى زوجته ،وبدلاً من ذلك يصبح هادئاً جداً ، ويدخل إلى كهفه الخاص ( صمته وعزلته ) ليفكر في مشكلته ، يقلبها ليجد حلاً ، وعندما يجد حلاً ، يشعرُ بالتَّحسُّن ويخرج عن صمته وعُزلته .
أمّا المرأةُ عندما تصبح منزعجةً أو تحتَ ضغطٍ من أحداثِ يومها ، فإنها تبحث عن شخصٍ ما تثقُ به وتتحدَّثُ إليه بتفصيلٍ دقيق عن مشكلاتِ يومِها ، لكي تشعرَ بتحسُّن . من هون بدي كل عضو\ة يعرفنا ازا صار معه\ها شي مشكله او مصيبة شلون بتتعامل\لي معها وكيف بتنسى\ي همومك وبتريح\ي حالك من الضغط النفسي ؟؟ |
بصراحة
انا عندي دفتر مذكرات بكتب فيه كل همومي ووجعي وبفضفض فيه والسر انو ما حدا بيعرف بهالدفتر وللأسف كنت بتمنى يكون عندي صديق اشكيلو همي ويشكيلي همو ونفضفض لبعض بس الله كريم... |
انا ما بنرفز.. ما بعصب منوب.. او بعصب بس قليل كتير يعني ما بطلع عن طوري.. بس بزعل وبحزن كتير..
واذا زعلت من شي ما بحكي.. بس ببكي.. وبضل ابكي لحتى ارتاح.. |
بضل عم نرفز ونرفز ليسنفرها الله
|
xلما بتنرفز ما بحكي لحدا حتى ما ثقل حدا بهمومي يعني و نادرا ما بتنرفز :p
|
بدخن بعمق شديد
او بكسر اي شي قدامي |
بدور على اي شي بضرب فيه اللي نرفزني
وبشغل سيكارة بروق فيها شوي ... |
انا بس بتنرفز بصير احكي حكي شروي غروي وبقطع ورق حيالله ورق (ورق دفاتر ،كلينيكس..):o
|
اقتباس:
بتقطعي ورق؟ قطعيلنا هالليله على خير كيفك وين غاطه |
اقتباس:
منيحة انا طمنا عنك كنت بسيرتك بطق الحنك هلاء بيعملونا سبام اقتباس:
|
انا بحكي وبحكي وبحكي وبفضي كل شي جواتي وببكييييي كتير المهم ارتاح
|
شاي :larg:
|
بسكت وبروح عاللاب توب وبفتح نت وبفش خلقي بالماسنجر
|
لما بنرفز بفش خلقي بصرف المصاري
|
باكل عقب السيكارة :larg:
بعدين بعيط صوتين لشي حدا يلملم الغرفة و البلور المكسور :oops: |
اقتباس:
وما ( ط ع ن ت ن ي) بقعد لحالي هيييييييييييك حتى روق من غير ما احكي مع حدا.. |
كم لوح شوكولا غير شكل بيزيدو الوزن كم كيلو، وشوية شوبينغ بيخربو البيت :cry:.
هيك بتروح النرفزة وبيجي التعصيب :p |
انا بصراحه ما بحب احكي لحدا بعض مشاكلي
لاكن لو حبيت انو احكي لحدا فبكون هالشخص اما بابا او ماما او وحده من رفقاتي لاكن اغلب الاوقات ما بحب اني احكي مشاكلي لحدا بفضل انو اقعد بمكان هادي وأحاول اني ادور عحل للمشكله |
| الساعة بإيدك هلق يا سيدي 07:40 (بحسب عمك غرينتش الكبير +3) |
Powered by vBulletin® Copyright ©2000 - 2015, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون