اسئلة موسيقية فنية مثيولوجية تاريخية حمصية تحشيشية منوعة
 

اوكي المكتوب مبين من عنواني (ما حدا يئلي مو مبين..مبين)..
‏
اول سؤال ذو شقين تحشيشي ومثيولوجي تاريخي..

بغنية زياد "زمان الطائفية"
بيئول "يا رواد الابجدية"!
هوي مين عم يحاكي؟.
طيب بعرف مين هوي قاصد..
فمننتقل للشق التاني..تاريخيا مين هني رواد الابجدية؟؟

شو هي ابجدية :shock:

ع علمي الفينيقيين باوغاريت ع زمة كتاب القومية :p

بالغنية بيكون زياد عم يسخر من الشعب يللي بيفتخر بتاريخو حضارتو ..
و هون عم يشير للإنجازات الفينيقية ( اختراع الابجدية ... فن الملاحة و صناعة السفن .. صناعة الزجاج و اكتشاف اللون الارجواني .. و على فكرة أخدناهون بنفس الترتيب بالابتدائي )
و بنفس الوقت هالشعب حالياً ما عم يفكر و يحصر مخو غير بطائفة و ديانة الآخر


بس إذا بتشوف الجزء الأخير من الأغنية .. فهو تحشيشي أكتر ...و بيحكي عن انجازات هالشعب بالعصر الحديث

وويا زماااااااان العلمانية ميتا شوفك ميتا فيزيك :cry:

ما انا فهمان هيك..
بس بالشق التاريخي..
هلئ هوي ميخاطب الشعب اللبناني.. بس اول ابجدية هل وجدت بلبنان؟

هوي عادة ما بيتاخد بكتاب القومية..
بس هون مزبوط اول ابجدية براس شمرا باوغاريت..

مهو معلم كان في ليبانيز بيبول ما بعتبرو حالن عرب

وانن فينيقيين

وزمان ما كان في لبنان وسوريا
كانو الفينيقين سارحين ع هالشط :)

أول أبجدية وجدت عند الفينيقيين .. بكذا مكان أهمهم أوغاريت ( رأس شمرا ) و جبيل
هلأ اللبنانيين بيحكو بقصة الفينيقيين أكتر .. و بيعتبروا حالون ورثة الفينيقيين .. لأنو لبنان كلو عبارة عن جزء من الساحل السوري
و بالتالي أهم الحضارات يللي مرت عليهون هيي الحضارة الفينيقية
بينما سوريا بسبب مساحتها الأكبر ...احتضنت حضارات أكتر من منطقة ما بين النهرين حتى البحر المتوسط
لهيك ما منشوف عنا الهوية الفينيقية راسخة بذاكرة الشعب و تاريخو ... بالحجم الموجودة فيه بذاكرة اللبناني

كفيتو وفييتو شباب مع انو لسا عندي اسئلي عن الموضوع بس مو هون محلها..
‏
المهم هلى بغنية "كلمات" لماجدة..بتئول "والمطر الاسود في عيني..يتساقط زغات زغات"
شو المطر الاسود؟شو بتئصد!؟

يعني الحزين بعتقد

انا رأيي لازمنا موضوع شرح مفردات :larg:

زغات ولا زخات ..؟؟

^^
هي بالقصيدة زغات يمكن:p

هلا معلش في سؤال اهم من هازا وزاك
يقول الشاعر البحبحاني في قصيدته
متى اشوفك اشوفك ياغايب عن عيني فرائه الفرئه والله وفرائك على عيني

هلا ليش ماقال ياغايب عن داني عن انفي مثلا ليش يعني عيني
شمعزا

زكرتوني باسئلة البكالوريا السنة الماضية

لمازا قال الشاعر سليمان العيسى

:::::::::::
وحدة في السماء والارض منها لهب يغسل الاذى والدخيلا

ولم يقل يحرق الاذى والدخيلا


يحرق اختن روحولنا علامتين :x
كان درست معهد فندقي:sick:

بالسهرات بيكونو الصبايا حاطين كحلي..فوئت بيبكو بيطلع الدمع اسود
والمطر الأسود بعتقد هوي الدمع مع الكحلي:ss:(استنتاج رهيب:lol:)

فحل..

طيب كمان بيئول نزار بقصدتو الدمشقية
"وللياسمين حقوق في منازلنا
وقطة البيت تغفو حيث ترتاح"
بعيدا عن القطط خلونا بالبيت..
بيتو لنزار حدا بيعرف وين؟
يعني بيت ابو المعتز بأي حارة هلأ..لساه بيت ولا تحول لشي تاني؟..
لساه لعائلة القباني؟

*هاموش:يذكر انو بعنوان الموضوع قيل "حمصية تحشيشية"
يعني الحماصني فقط بيحئلهن يحششو بهاد الموضوع :p..ايوا..

معناها .. عينك عن نزار وقصائدو .. شنّو .. لا يمت للحومصية بصلة .. :p

ماعلينا لو ما كنا حمصيين نتحومص ..يعني بس قلولنا شو بدنا نعمل تنتحومص :deal: