برايكن .. البنت العربية غبية وسطحية كل هاد ..
 

انا ما قلت انه الصفة للبنات السوريات لان سوريات

انا ذكرت اني عم بحكي على المسلسلات السورية

الي عم تذكر هاد الموضوع بشكل متكرر

فهمت علي

بس ما اكتر

والله أنا رأيي .. من حفر حفرة لأخيه وقع فيها:lol:

هالشي مابيتعلق بجنسية البنت يعني هيك حالات موجودة بكل مجتمع من مجتمعات العالم وللاسف:frown::frown:
وهالشي راجع لسيطرة العاطفة عنا نحنا البنات على العقل ولو بنشغل عقلنا واحد بالمية كنا زتيناكون عن السطح:lol:

يعني بعيدا ً شوي عن فكرة الموضوع يا سيدي...انا بسأل هل التلفزيون هو وسيلة لنقل الواقع بصورة حقيقية..

ام لتشويه الصورة .... ؟؟؟؟؟

بالنسبة لموضوعك برأيي العلاقات بين الجنسين اذا ما كانت صريحة و صادقة.....رح تتفسر بكتير احتمالات بغض النظر من قبل مين الشب و لا البنت

هلق بالله عليك في حدن بهالأيام غشيم وغبي وسطحي يلعن تحتح يازلمة

هلق انا بالنسبة ألي مافي حدا غشيم وغبي لك أي أول مايصير عمر البنت أو الشب 5 سنين جوززو بتلاقي على أيدو ولد بس أحياناً في منون بيسلبوها على أساس غشيمة ومسكنة على مبدأ مشتهية ومستحية

وبنرجع بنقول مافي حدا غبي بهالأيام كلو مفتح وعرفان كلشي وماعاد في لاحصان أبيض ولا فارس ولاقرود كلو عرفان شو بدو من كلو

ودمتم بخير

صباح الخير
انا فهمت انو الموضوع عن المسلسلات السوريه واذا كان تصويرها للواقع صحيح ولا لا مابعرف اذا فهمت غلط
بس الصراحه المسلسلات بعيده كتير عن الواقع وبتعبر عن جزء صغير من المجتمع وبتكبر مشكلات صغيره وبتحجم مشكلات كبيره وعموما البنت السوريه فهيمه وذكية ووقت بتتغابى بتتغابى بكيفها وبمزاجا

شبنا بنفسجة ما ذكرنا ليش خصينا السوريات

يعني انا قلت انه مو السوريات المعنيات بالنقاش

بل هي المسلسلات السورية والصورة الي عم تعكسها عن السوريات

وانا طالع لحالي على السطح ما بدي مين يزتني ايوا انا رجال :adal:

لا بالعكس انت جبت لب الموضوع

انه التلفزيون يعكس صورة حقيقية ولا شو

وانا من رايي طبعا لا

احيانا ممكن بس في كتير اوقات يعني بتتخن

يعني باب الحارة مثلا

انه قسما بالله عم يتقطع قلبي على الاحتلال الفرنسي

من الي عم يعملوه فيهن حارة الضبع

وبالاخص نسائها

اي يعني والله عيب :D

يا عيني عليك هاد الي عم اقصده

ودمت ب 100 خير :D

لا لا مو غلط صح

عليك نور

:D

في لوحات بالدراما السورية .... عبارة عن مثال واقعي جداً للمراهقة الإعلامية مرافقة إرهاب فكري مبني على اسس ثقافة الدحش وبالصرماية


يُفشل جداً يعني .... :lol:

دحش شو؟؟؟ :shock:

دحش مضمون هاللوحة اللي عماعطي مثال عنها ( ما حددت مثال معيّن يعني ) مثال عن النوعية البعيدة عن الواقع ... او يمكن موجودة بهالواقع الزفت ... بس مو لهالدرجة اللي عميصوروها

يمكن هية مو دحش بالمعنى الحرفي

صايرة "حشي" يمكن ازبط

بس ازا ببالك دحش من نوع تاني كمان عميصير يعني مو انو ما عميصير :lol:

البنت السورية آخخخخخ

بتلف على بلد فيا متلي و متلك .. و الباقي على ألله . :pos:

لك حبيبي .. قطة لبنانية .. طولي بالك شوي بفرنكين ..

واقرا الموضوع قبل ما ترد يعني ..

شو بهن بنات سوريا؟ قطط مغمضة الله وكيلكن!!. بس الله يخليكون ما حدا يحط الحق عالتلفزيون، يعني في بنات مدارس بيحطو اللي عم يطلع بالتلفزيون بالجيبة الصغيرة، الثقافة الجنسية موجودة منذ الأزل وما تغير شي، يمكن تغيرت أساليبنقلا من جيل لجيل، وصارت مصورة أما اللي بيقول أنو البنات من زمان ما كانو يعرفو شي وهلأ صارو مفتحين، قهالشي ما بعتقد أنو صح.
هلأ المشكلة أنو العدسة تبع المخرجين ما عم تظبط، يعني يا بيطلعو النملة فيل (متل باب الحارة مثلاً)، يا الجبل ما بيبين معون.
هو الفن المفروض أنو يركز على نقاط معينة ويكبرا ليسلط الضو على مشكلة معينة مثلاً، بس مو لدرجة أنو الفرنسيين يطلعو متل العصافير أدام حارة الضبع، أو أنو زواج رجال من وحدة أصغر منو بمدري أديش نعتبرو رجولة وشهامة.