|
بنوك النطاف البشرية !!!
لقد أمكن في السنوات الأخيرة من القرن العشرين الميلادي حفظ المني في بنوك خاصة تحت درجة حرارة متدنية جداً ( - 196ْم ) لاستخدامـها فيما بعـد في عمليات التلقيح و هو ما يعرف ببنك النطاف وقد قام أحدهم بإنشاء بنك خاص للعباقرة فقط بالولايات المتحدة الأمريكية لإنجاب الأطفال المتفوقين، يشترط في المتبرع أن يكون من الحاصلين على جائزة نوبل في أحد المجالات العلمية، ونفس الشيء بالنسبة للمرأة التي يقع الاختيار على بويضاتها بموجب اختبارات ذكاء تخضع له قبل عملية البيع، وقد أعلنت جامعة بيل الأمريكية مؤخرا عن توفر السائل المنوي لبعض العباقرة، وبويضات لملكات الجمال "والسوبر مودلز" سعر البويضة الواحدة 15 ألف دولار..! ورغم أن بنوك حفظ وإنتاج البشر هذه من المفترض أن تحصل على السائل المنوي من أناس أصحاء أقوياء، كما أكد أصحابها مرارا وتكرارا، إلا أنه قد يحصل في هذه البنوك ما لا يتوقعه العميل، فكما امتلأت الصحف ومواقع الإنترنت بالأخبار والإعلانات التي تروج لها فقد امتلأت أيضا بشكاوى الزبائن (العملاء)؛ حيث تقدمت امرأة إلى المحاكم تشتكي أحد البنوك المنوية؛ لأنها حصلت على سائل لمعتوه، وهناك من طلبت ماء رجل أبيض فحظيت بطفل أسود، يعني شو رأيكن بهالشغلة الظريفة بالله ؟؟؟؟ |
ضد ...
شو هالنهفة هي ... يعني هي اسرع طريقة للمساهمة بعملية التفكك الأسري وضياع الانساب لكن بهالحالة الزواج شو لزمته وشو الداعي اله ؟ برأيي الشغلة مرفوضة اخلاقيا ودينيا واجتماعيا . |
انا ما عندي اي مشكلة.. اذا شخص ما عندو رغبة بالزواج وعندو رغبة بالحصول على طفل ..ما بلاقي اي مشكلة انو يستعين بمتبرع للسائل المنوي اوالبويضة..
أكتر من هيك اذا صادف وكان في امرأة حابة انها تكون أم ولأسباب صحية هيي غير قادرة على الحمل.. انا ما عندي اي مشكلة انو احمللها طفلها من بويضة من بويضاتها وملقحة من سائل منوي لأي رجل هيي بتختارو لمدة 9 شهور وبعدين هيي تاخد الطفل.. بس بصراحة ما عندي استعاد لاتبرع ببويضة مني أنا لأي شخص او بنك.. |
ما بقدر حدد اذا ضد ولا مع..
بس بتصور لو خيرت اني اتبرع ما بعملها..ما بقدر اتحمل فكرة انو جزء مني يلي هوي ابني(النطفة)يربى بعيد عني.. وبلاقي الشخص يلي عندو أسباب تخليه يستعين بمتبرع..أنو هالشخص لو فكر بالتبني بكون أحسن من كل النواحي..ومنو بيساعد طفل يتيم بس بتضل شغلة محيرة..ما بعرف |
اكيد ضد هيك بتختلط الانساب
|
اقتباس:
ممكن يكون في حالات معينة يكون هاد حل معقول وعلى فكرة هي البنوك بتعطي قروض؟؟؟ طويلة الامد؟ :lol::lol: |
شكلي انا راح اعمل هيك
احب الاولاد بس اخاف اتزوج:shock: |
من حيث المبدأ .. يمكن اي .. انو للعقيمين جنسياً .. ممكن تفيد كتير .. بس إذا بدا تصير ذات بعد مادي بحت .. انا ضد .. وخصوصي هالشغلة انو عباقرة ومدري شو .. العبقرة مانا شغلة وراثية .. ممكن يطلعو الولاد أغبياء .. هني عم يستغلو هالشي للرواج مش أكتر .. المهم تكون النطاف نضيفة ورائياً من الأمراض والطفرات .. وبس ..
|
اقتباس:
|
بس حدا فيه يشرحلي شو يعني بتختلط الأنساب، وليش العالم كتير بتهتم بقصة الأنساب؟ أنا بحس هالموضوع فيه نوع من العنصرية، وتفضيل مجموعات بشرية على غيرها.
بالنسبة لموضوع الاستبيان، بعتقد هاد الموضوع حرية شخصية، يعني شو المشكلة إذا شخص حب يتبرع، أو إذا شخص (أو فعلياً شخصة) حبت تستعين بنطاف متبرع. المهم أنو أي شخص بدو يجيب ولاد يعرف كيف بدو يربيهن ويأمنلهن جو أسري سليم لأنو هاد كمان تأثيرو كتير مهم ويمكن اكتر من النواحي الوراثية. |
أنا مع فكرة بنك النطاف بس مو ضمن هالطريقة الاستعمال .. يعني أنا بشوف الفكرة منطقية كتير و واردة في حال إصابة الإنسان بمرض عضال بسن مبكرة (سرطان مثلاً) فممكن قبل ما يخضع للعلاج الكيماوي (اللي بيخرب النطاف) يحتفظ لحالو بما يكفيه للإنجاب في حال حب ينجب بالمستقبل ...
:D |
اقتباس:
انا معك في كلامك أهم شيء الانساب :deal: |
اقتباس:
|
اقتباس:
وين العنصرية بالموضوع ؟! القصد باختلاط الانساب ،انه بصير هالولد مو معرف مين هو ابوه ( بهي الحالة تحديدا ) . هلق اول مشكلة انه لما هاد الولد رح يكبر رح يصير يسأل عن ابوه مين هو ، لما يدخل المدرسة ويشوف كل اللي حواليه او خلينا نقول معظمهم بيعرفوا ابهاتهم مين ( يعني بتصير للولد عقدة نقص ) او بصير يدور على الشخص اللي يعبي الفراغ اللي تركه الاب اللي مو معروف مين هو ، بعدين في نقطة تانية مهمة اكتر موضوع الميراث ، بكل الدنيا وبكل المجتمعات في مواريث ، طيب هاد كيف بيتعامل ، هلق اذا كانت النطاف مو معروف قرعة ابوها منين خلصت القصة ، بس اذا كان صاحبها معروف ، يعني شو بيعمل ؟ لأنه من الناحية النظرية الولد ابنه، نطافه هي اللي سببت عملية الحمل والى آخره . اقتباس:
ما اختلفنا انه التربية هي الأساس وتوفير الجو الأسري هو المطلوب ، ولكن :كيف بدنا نوفر جو أسري واهم مكونات الاسرة مختل ؟ ليش عم نحكي عن مسألة الاولاد وكانه عم نشتري لعبة ؟! يعني اذا كان الشخص اللي عباله اولاد ومو مشتهي يدخل بمسؤولية الزواج فكيف رح يكون عنده الالتزام تجاه مسؤولية التربية ، الموضوع مو بس جبنا هالولد وحطينا نتسلى معه . يعني المسألة الها ذيول كتيرة وما وقفت بس على عملية التلقيح والحمل والولادة . :D |
اقتباس:
|
انو انا شو بدي بالولد ازا ما كان ابني وابن جوزي ؟؟؟؟
مو يتبنو ولد احسن !!!! :sly: |
اقتباس:
|
اقتباس:
بس بالحالتين يا اما بكون ابني يا اما ابن جوزي يعني مافي شي مشترك فينا نحنا التنين بهالطفل فهمانه عليي مو عرفانه اشرح انا وبعدين شو هي بتحب يصير عندا طفل بدون ما تتزوج متل وين دانك يا جحا :pos: |
| الساعة بإيدك هلق يا سيدي 18:03 (بحسب عمك غرينتش الكبير +3) |
Powered by vBulletin® Copyright ©2000 - 2015, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون