|
المكتبة والويكبيديا العالمية ؟ ( تخطيط ونقاش )
براسي كان أنو ندعم حملة اللي عاملها المدون " شمس سوريا تشرق على الويكبيديا " ، واللي بتقتضي بكتابة شي عن سوريا بالويكبيديا ، هلق أنا فكرت أنو بالمكتبة ندعمها بطريقة تانية مختلفة شوي ، أنو منجيب اللمحة الموجودة أساسا عن أهم الكتاب السوريين " وإذا ما موجودة منأمنها " ، ومنستفيد من وجود كتير مغتربين بأخوية ، وناس بتحكي لغات ، بأنو نترجم معلومات عن هالكتاب وننزلها بالويكبيديا الخاصة بالبلد ، هلق ما بعرف ، إمكانية تطبيق هالشي متعلق بمدى " رغبة " و "قدرة " الأعضاء ، على تطبيق الفكرة ، بانتظار اقتراحاتكن و آرائكن ، " الموضوع ، رح يغلق بعد انتهاء التصويت " شكرا ً :mimo: |
الفكرة حلوة و كنت عم فكر بشي مشابه من فترة بس المشكلة عندك انو الترجمة الأكاديمية مو سهلة و مو مين ما كان فيه يشتغل فيها
انا بقترح اذا في شي حدا محترف ترجمة من الشباب هون منترجملو النصوص و براجعها هو ليشوف شو فيها نواقص لأنو الشغلة مولعبة و كمان في اقتراح تاني اللي هوي نقل بعض المواضيع الرائعة من الويكبيديا الأنكليزية للغة العربية يعني الويكبيديا الأنكليزية ما في شي بالكون مو موجود فيها و الويكبيديا العربية على الرغم من شموليتها الا انها تعتبر صغيرة مقارنة بالأنكليزية افضل شي انو يصير في خطة عمل مدروسة و نتقاسم المهمات و الأدوار فيها حسب الفراغ و الخبرة و شكرا عالموضوع:D |
مظبوط، يعني أنا بقدر ترجم من الإنكليزي للعربي بس العكس ما فيي غامر فيه لوحدي، بس عالعموم إذا بلاقي شي بقدر أعملو فما في مشكلة
|
كتير رائعة الفكرة. أنا ممكن أساعد بالترجمة للاسباني
بس بتصور أنو بعض الكتاب رح يكونو موجودين على الويكيبيديا، خصوصا اللي عندهم شهرة عالمية وتترجمو للغات تانية. بانتظار لتتوضح الأمور أكثر، بسجل إعجابي ودعمي للفكرة:D |
فكرة كتير حلوه,وانا كمان حابه ساعد بالترجمه حسب الموضوع و اللغه:)
|
كتير رائعة الفكره وياريتهابتكون نواة لترجمة مقالات وكتب من العربي الي اللغات التانيه وبالعكس
واعتبروني مشارك بالترجمة للالماني :D |
انا ابو العبد انا مين غيري انا:larg:
انا بساعدكم بالترجمة منو بفيد ومنو بستفيد :gem: |
شاركت من فترة بالويكبيديا الانكليزية وشوي بالعربية:pos:..
وعلئت بكتير مشاكل وفتت بكام حرب تحريرية وبطلت فوت.. و لازم تعرفو أنو اي نقل حرفي لأي مقال منشور مسبقا بيحذفوه.. وسعدو يكون معكن :D.. |
أنا ممكن ساعدكن من العربي للإنكليزي بس إنو وقتي ديق يعني بدكن تصبروا عليي :D |
انا عاجبتني الفكرة وانا هلاء بكتب شغلات بالويكي
انا ممكن ساعد من الانكليزي للعربي ويعني انو نتساعد انا وحدا مشان يكون المقال صحيح 100% وانا جاهز وحسب الوقت منسق وميرسي مرسيل ع الفكرة الحلوة |
اقتباس:
لهيك انا بقرا المقال ويكتبا بصيغة تانية هلق انو صحي المقالات اللي كاتبها بيصلوا حاطين علها انو مانون اكيدين منها بس انو منيح :D |
انا بامكاني ساعدكم بطباعة صفحات او مقالات بقدر ما بيسمح الوقت المهم شارك معكم ... وبأي شي بتريدوه بس ترجمة ما بتوقع اقدر .
|
انا مالحقت التصويت بس فكرة حلوة فيني ساعد بالترجمة
|
ظريفة الفكرة .. و موجودة من زمان بكتير منتديات عربية ....
بس أهم شي ما لازم تكتبو شي منشور قبل عالنت |
أنا برأيي المواضيع إلي موجودة بالأصل نبلش نعدل عليها بالعربي
وبنفس الوقت الناس إلي بتعرف لغات بتشتغل بالترجمة بهالحالة بكون عنّا مواضيع كاملة وبنخلص منها أول بأول |
شكرا ً يا جماعة بصراحة حماسكن بيشجع :gem: رح راسل جماعة الويكبيديا مشان ننسق معن ، وبلكي منبدا ع بداية شهر إيلول :mimo: |
مع و مع كتير كمان :deal:
و أي شي بيلزم فرنسي - عربي / عربي - فرنسي أنا جاهزة :gem: |
بيلزمكن صيني شي........:?
|
| الساعة بإيدك هلق يا سيدي 14:23 (بحسب عمك غرينتش الكبير +3) |
Powered by vBulletin® Copyright ©2000 - 2015, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون