الرجل والمرأة ... هل المعادلة مستحيلة الحل !
 

موضوعك رائع بس معقد واكبر من انو نرد عليه بسطر ولا موضوع
العلاقة بين الرجل والمراة مفروض تكون علاقة تكاملية
كل واحد بيكمل التاني
ما حدا بيئدر يكون او يستمر من دون التاني
بس الي تعلئ على كم شغلة ئلتهم بالموضوع


بغلطة غبية؟
اسمحلي معناها هون في طرف عم يستنى التاني على نكشة
انا بشوف اي خطا ممكن نسامح عليه باستثناء متل ما بيحكو الخيانة
مع انها مش شي وارد لما منكون عم نحكي عن حب - حب ئحئيئي يعني



هي فعلا بتحط غشاوة على عيونها بس عن عيوب واخطاء حبيبها
البنات بيتحملو منا اكتر بكتير من اللي منتحملو منهن



هو هيك مفروض يكون
بس في رجال بيستغلو كونهم هاد الطرف القوي يلي بتحتاجو المراة




بظن الوحدة بعد تجربة مريرة فاشلة رح تتجنب الجنس التاني وتصير تبعد عنو
وهيك نحنا بس يمكن على اهف كونا منتعدى التجربة الصعبة بوئت ائل
مفروض التنين يتعاونو ويكونو سوا بهالحياة
وكل واحد يتغاضى عن عيوب اللي معو ويحاول يستوعبو متل ما هو بدون ما يغيرو

رائع موضوعك ياغالي:D

سمحلي قلك انك معقّدها كتير زيادة عن اللزوم :lol:

لك خيي المرا مشكلتها بمجتمعنا مو عارفة تتصرف و بكتير من الأحيان بتنصدم و ممكن نتيجة هالصدمة تتصرف تصرفات غبيّة :lol:

كل هالشي نتيجة تربية البنت بمجتمعنا في جانب غير صحيح بهالتربية ....

شغلة تانية لك أخي البنت بتحب تتدلل :lol: يعني وبسبب هالشي و كترتو ممكن تطير من أيدها كتير شباب ممكن يكونوا كل ما تتمناه بحياتها

كتير من الأفكار الخاطئة ممكن تراود البنت متل أنّو الدّلال الزّايد و تتقيل الحال أو شوفة الحال الزّايدة .... هي منرجع للتربية و الأفكار الغلط اللي ممكن تربا عليها ...

كتير من البنات ممكن يتصرفوا تصرف مع الشب ما بيعرفوا شو نتيجتو

هلأ ممكن يصادف شب عاقل يتحمّل لحد ممكن ... بهالوقت ممكن البنت تفكّر انو ما بيقدر يتخلا عنها ، بس بعدين بتكتشف أنّو غيّر رأيو و قلب مخو 180 درجة ، ممكن هيي بهالحالة تنصدم و ممكن تفكّر تفكير تاني

بس أنا برأيي المشكلة من طريقة التربية للبنات تحديداً

:D

او العكس تماما
التدليل الزايد منها للشب والاهتمام والحب يلي رح يخلي الشب يشوف حالو عليها هو اللي ممكن يخلي فجاة يتخلى عنها

[quote=THE_unforgiven;1298859]
أصبحت المرأة ... تقيم مسابقات الزواج ... تختار فائزها (عريسها) حسب ذوقها .. ربما حسب امكانياته المادية .. أو مكانته الإجتماعية .. ربما .. ليس الحب هو الدافع .. وبعد الزواج تكتشف .. الكارثة العظمى .. تجد نفسها .. حرمت من اعظم شي في هذه الحياة .. الحب الحقيقي ..
[/quote]
ومين قال انهالمرأة بتنبسط وقت بتعمل هالمسابقات يلي أغلبها بيتحدد من طرف أهلها..ومين قال انه المرأة ما بتضحي بالحب ع حسابها كرمال أهلها والناس يلي حواليها ينبسطوا

اقتباس:

كاتب النص الأصلي : THE_unforgiven (مشاركة 1298859) ليس الرجل ذلك الوحش الذي تتخيله المرأة .. ليس شرساً أو حقوداً .. ليس خالياً من المشاعر .. أو فارغاً من الأحاسيس ... الرجل عبارة عن كتلة من الأحاسيس .. ولكنها تبقى مختبأة وراء قناع الوحش ... انه الأب .. الحنون .. الصديق .. الأخ .. الحبيب .. انه ... الزوج .. انه .. الرجل .. ذلك الإنسان الآدمي المنحدر من سلالة آدم نفسها ... انه آدم نفسه .. ولكن مع تغيير طفيف بشيفرته الوراثية ... ودون تغيير .. في كونه رجل ..

ماحدا قال انه الرجل هيك بس الأغلب عم يكونوا تحت هالقناع
في كتير رجال بشوفهن حبابين حتى بتمنى الشب يلي ارتبط فيه يكون مثلهن .. بس بعدين بنصدم وقت بسمع انه عندهن صاحبات مثلاً

كتير بحب شوف هالمشهد يلي هو أب عم يشتري طابة مثلاً لابنه ..يكون مخلص لزوجته
كل أمرأه بتحلم بأنه تكون مع الرجل يلي بتحبه ويكون أمين مخلص لألها تحت سقف واحد

بس كأنه في ظلم للمرأة بهالمقال


[/quote]

وتحياتي الك THE_unforgiven
ابقى لا تطول الغيبة علينا

و الله انا اللي شفتو انو المرآة مخلوق لطيف رقيق بحب انو يتدلل بس ما بحب يدلل و ما بيبين انو بحب يتدلل مع انو التناقض بتصرفاتوا اللي احيانا بتضطر الواحدة تحرم حالها بس من شان تجنن او تبين شي عكس البدها الياه للطرف التاني

بس عنجد بتلاقي الذكر بيستمتع بهالنوع من التناقض اللي فيها و اللي بيتسمى تدليع بالعامية بس لدرجة معينة بس لانو احيانا التدليع و التناقض اذا زاد عن حدو قلب ضدو

هلأ عند بعض الشباب ممكن تصير بس برأيي الشب اللي بصحللو بنت تهتم فيه و تدللو و تحبّو لدرجة كبيرة و يتخللى عنها فهوي شخص مريض .. :sick:

لأن الرجل بحاجة ماسّة لأهتمام و رعاية المرأة و دلالها له ....

كلام سليم مية بالمية بس هاد اللي بيترك هيك بنت مو مريض هاد مجنون :yahoo:

بظن هالشي بيعود على الفارق الفكري و البيولوجي بين الجنسين و هالشي موجود من اقدم العصور

انا معك من هالناحية الا ما ندر احيانا بتلاقي ازواج كتير رومانسيين بس نادرة
هاد نتيجة واقع المظاهر و حكم المادة العايشينو هلئ من ورا الفقر و القلة و قلة الثقافة بس هاد الشي بيعود عالبنت نفسها فهي اللي جابت الدب عا كرمها متل ما بيقولو :sick:

كمان هالشي بيعود لمنعكاسات المجتمع العايشينو حاليا و الثقافة شبه البرجوازية العايشينها بهالدنية لان كل واحدة صار بدها واحد اسطوري الجمال و المال كمان بدون ما تتطلع عالجوهر يا اخي الجمال ضروري و المال اضر بس الجوهر هو الاساس


اي بتصير كتير و المصيبة بتعمل حالها كأنو مو فارقة معها و انو الحق معها و هي مو سائة

ما بيقلولك المراة بنص عقل فهاد التفكير بيجي من النص الفاضي :sly:

عادي جدا ممكن تروح اكتر من هيك عا حالها :shock:

طيب هاد الشي معلوم بس كمان في جزء من الرجال بعيد العنك بيغالوا من جهة اظهار الرجولة وشوفة الحال و الضحك عالدقون بس في نسبة رومانسية كبيرة منن كمان :gem: :ss:

عندما يعي الجنس الاخر اهميتنا :cry:
-
هاد هو السؤال اللي ما عم لاقيلو جواب :shock: و اذا حدا لقالو جواب :? فيستر عرضكن دلوني و اسعفوني بالجواب:sick:


سلام :D
.

هيك بالبداية وبينبسط عليها فعلا بالاول بس بعدين بيمل او بيئول لما بتصير مشكلة انها متل العادة رح تصالحو والبنت لما بيتكرر هالشي اكتر من مرة طبعا بتفضل تحتفظ باللي ضللها من كرامة وبتنسحب

في كتير متل هيك وبعرفهم شخصيا

بصراحة يا اخوان انا برأيي انه المرأة صندوق مجوهرات كل يوم بيطلع بجوهرة جديدة وكل ما تفتحه بيطلع بجواهر جديدة بس بدها الرجل يلي بيعرف يفتح هالصندوق لا تخلو العتب كله على المرأة انا برأيي لازم الرجل يتحمل مسؤولية اكبر منها بكتير هي انثى ربنا خلقها لترمي همومها على الذكر بهي الطريقة بس ممكن تقدر تسعده بالنهاية بس اذا هي حملت هموم صعب تعيش سعيدة وصعب تسعد زوجها

ليش هو كمان لما تقدملها تقدملها على أي أساس ؟؟ مو على أساس امكانياتها
ولا هو معلش يروح ويختار على زوقو وهي ما بيصير

وبعدين عم تحكو على ردة فعل البنات ... اي طلعو شو عاملين معهم هالشباب لآخدين هالردة الفعل السلبية :frown:

لا بهي اسمحيلي اي غلط بيصير بين شب وبنت تنيناتهم بيتحملو مسؤولية هالغلط البنت اذا الشب غلبها وخدعها فهي بتتحمل مسؤولية متلها متله

انتي قلتيها البنات صايرين ما عم بيقصروا
يعنى مو حلقة اضعف
والله انا شايفهم صاروا الحلقة الأقوى ونحنا الحلقة الأضعف