|
الأغاني الهابطة و نقابة الفنانين .
يسعد أوقاتكون أغاني من نوع / الخط الأحمر / و / لا تمد ايدك فوق الثوب / و / بيًن رقم المحرك / الى ما هنالك من هالاغاني المنتشرة بالوسط السوري بالآونة الاخيرة اصبحت ظاهرة مألوفة بكتير من الاماكن و هوي انتشار لنوع ردئ من اغاني الملاهي الليلية بالشارع . اليوم نقابة الفنانيين السوريين قررت التصدي لهالظاهرة بغرض الحفاظ على الذوق العام و الحد من انتشار الاغاني المخلة بالآداب على حد تعبير نقيب الفنانيين اسعد عيد . لكن هل الشعب السوري بحاجة لرقيب اخلاقي يحدد له ما يجب ان يسمع ؟! أم انه فعلاً باتت هالظاهرة مزعجة و غير حضارية و يجب قمعها ؟ بكل الحالات هل من حق احد قمع فن مرغوب و مسموع في الشارع . حيث ان مستمعي و رواد هالنوع من الاغاني مو ناس مستوردين من المريخ . رأيي الشخصي منع هاالنوع من الاغاني هوي قمع و تعيين رقيب اخلاقي على اذواق هالشعب و اسلوب غير ناجع لتطوير الذوق و الارتقاء بالفن اما تنظيم هالاغاني و اعادتها الى الأمكنة التي نشأت منها هو شئ ممكن التطبيق في بعض الاحيان و ليس سلبياً . انتو شو شايفين ؟ و نامت عليج سليمة شلون تنامين :lol: :D |
مرحبا اب الصف ..
هلا خيو باختصار شديد .. انا مع وبشدة .. انو .. مو تنمنع .. بشكل قانوني مثلا او شي .. لانو ما لح يقدرو يضبطوها لو بشدو شعرن يعني .. بس انو تتخفف كتير .. او انو تنحصر مثلا .. داخل الملاهي او .. امكن معينة مثلا لرواد .. او العالم اللي بحبو يسمعو هيك شي .. بس يا خيو الوضع اخر فترة مانو طبيعي ايدا .. يعني مثلا ناا من العالم اللي ما بطيق اسمع هيك اغاني " رغن انو غنية الخط الاحمر حفظتا كاملة :p عقد ما سمعوني ياها وعقد ما بتضحك كلماتا .. وخلي ناكل شوية ترا جوعان .. " بس انو يعنوي معلم .. صرت تفوت عمحل صندويش تلاقيه حاططا .. تطلع بالمكرو غص من عنك بدك تسمعا الشوفير هيك بدو .. بالتكسي بدو يسمعا .. تروح بالباصات بتسمعا .. بتروح عالمابعرف شو بتسمعا بالطريق .. انو يا اخي هلا انا مثلا بحب اب وديع بس .. ما لدرجة .. انو اسمعو وين ما روح ووين ما اجي .. اي والله بتطلع روحي .. لذلك بتمنى انو يكون في نوع من الزوق من قبل الناس قبل ما يكون .. في ضوابط قانونية .. لانو متل ما حكينا شعبك لا .. برد عقوانين ولا عشي .. لو بدو يسمعا لح يسمعا .. واجرو فوق كلشي .. :D |
أوكيه ما اختلفنا انها أغاني درجة تانية
لكن متل مافي ناس بتحب الأغاني الدرجة الاولى في ناس بتحب الدرجة التانية يعني رايي قريب من رأي يمان لايلغوها بس كمان يحدوها شوي يعني بتكون ماشي بالطريق بتلاقي واحد عندو كشك صغير وحاططلك مسجلة باغنية مدري شو ومعلي الصوت على الأخير ومبسوط ومروء على الاخير ومصطهج اصطهاج تام وعام:p بس يعني مابخفيكم ايام بيهف قلبي على هيك اغاني :lol: |
اقتباس:
|
يعني هلق ازا لقيت مية واحد بكب زبالة بالحاوية
ولقيت شي مية تانيين بيكبو الزبالة بنص الطريق الحالة الاولى عادة صحية وظريفة ... ويُشجع استمرارها طيب الحالة التانية لا صحية ولا ظريفة .. ولا يُشجع استثمارها هلئ قمع هالحالة التانية ... هوي ظلم الهن ؟ منطقياً وفعلياً نوع هالأغاني لا يمت للفن بصلة ، والحالة التانية لي ذكرتها انا لا تمت للذوق بصلة يعني ما بشوف مانع من منعها.. بالعكس .. مع وجداً :gem: |
شكلك حضران أخبار سوريا عالمشرق اليوم
بالنسبة لرأيي ... أنا ضد أي نوع من الرقابة على أي نوع من الفنون .. إذا هيك نوع من الاغاني ماشي .. معناها المشكلة بالمجتمع ... مو بالأغنية و من ناحية تانية ... مو شرط تكون هالأغاني خارطة مشط الناس لتنشهر بيكفي تكون فيها مصطلح جديد لتنتشر يعني بعرف كتير ناس بتسمع هالأغاني متل ما بتسمع النكت المتداولة عالبلوتوث .... بس لتضحك |
اقتباس:
:sly: |
اقتباس:
تشبيهك مو بمحلو الزبالة الها ريحة بشعة وبتجيب صراصير ونمل وحشرات لاسعة وضارة ومدري شو:sick: اما هيك نمط مهما كان تاثيرو مو متل الزبالة وبعدين في متل بيقول كول ماتشتهي نفسك والبس مايليق بين الناس خلي الناس تتهنى بحياتها فوق كلشي كمان نقلهم لاتسمعو اغاني لا والنمط يلي بتحبوه ولله انا عندي غنية من هدول احسن من اغنية بوس الواوا وهي العب العب تبع ماريا:pos: |
اقتباس:
بالنسبة للموضوع .. انا مع المنع .. او خلينا نقول الحصر .. ما الحصر بأماكن محددة .. بس أخي الحصر بنوع معيّن .. بفنانين معينين .. يعني مثلا يعملو نقابة اسما نقابة الفن الهابط :lol:.. ويسجلو فيها هالعالم:larg: يمللوهن شوي بالمعاملات .. بتجي القصة خالصة |
أنا مع وجدا . الامور خرجت عن حدها . ومحاولة اصلاح شي غلط خطوة جيدة . بكل دول العالم بتطلع كل فترة قوانين منع ز في ناس بتهاجمها انها حرية شخصية وفي ناس بتدافع عنها . بس اغلب الاوقات بتكون هي القوانين خطوة للأمام هامش ياريت يطلع قانون بيحكم الأغاني بالمواصلات العامة . اسوة بغير دول . لأنو أغلب التكاسي والسرافيس عنا صارت أشبه بكازينو متنقل |
هلأ يمكن كل واحد حر باللي يسمعه وكل واحد وعلامه
بس اللي عمبصير إنهم عميجبروك تسمع هالنوع من الأغاني بالمكرو أو بالتكسي أو حتى لماتفوت على محل. وإنت مالك مضطر فاللي بدو يسمع يسمع لحالو وعلى فكرة يعني أنا كتير أغاني مابتعجبني ومو ستايلي أبدا بس على قد مابتنعاد مابلاقي حالي ولا بالصدفة عمغنيها يعني هاد اسمه الهبوط بالذوق العام أول مرة بنسمعها بنشمئز منها وبعدين بتلاقيها عادي وبعد بشوي يمكن تغنيها وهي الطريقة المتبعة بتسويق كل الأغاني الهابطة مشان هيك أنا بأيد بشدة وجود هيك ضوابط:D |
صافي أنا ومن هذا المنبر أرفض رفضاً قاطعاً تسمية هذه الأغاني بالهابطة لما يحتويه هذا التوصيف من تجني وتعدي على فناني وجمهور هذا النوع من الغناء :sly:
|
كيف يعني بدهم يراقبو و يحدو من انتشارها؟؟ :?
القرود الحمرا ما بتوقف بوجه سواق سرفيس حاب يمخمخ ع الطريق :lol: بعتقد اذا صار و عملو رقابة.. هالشي ما رح يزيد الناس الا اصرارا على متابعة هيك نوع من الاغاني فـ انو بلاها الرقابة و خلي هالعالم تسمع اللي بدها ياه.. شه بهالمناسبة.. حدا يسلم على جعفر و يقلو ... شلونو شلونو يا يمّا بالله شلونو :lol: :D |
اقتباس:
والله الشوفيرية متل القطاط صارو على قصة حزام الامان والرادارات . فالرقابة عم تعطي مفعول . بس صراحة مستغرب من شعبنا يلي مابيعمل الشي الا بالأجبار . كل يلي كان ينحكا عن اخلاق قيادة السيارات . ماكان حدا يقيمو من أرضو . لما صار اجباري وغالي وفي نقاط وسحب شهادة . كلو التزم فجأة |
كل واحد بينام على الجنب يلي بيرحو
بس انو هالاغاني الها وقتها يعني بربك على شو بدنا ندبك على باسل رجوب و رشا رزق يعني لكلشي الو شي و نحن ما معنا صلاحية بالغاء الاخر |
اقتباس:
صار بدا جمعية حماية حقوق المستمعين قال في اغنية من هالشكال لبرشلونة وريال مدريد :lol: |
اه واذا أغاني مو كل هل القد , بس بتسلي و بتقيم عن القلب غصه , تسالي يعني ورفع لروح النكته بين الناس
أنا مثلا من الملل بغير كلمات أغاني عبد الوهاب وبسويها ما تناسب ولا أي ذوق لا عام ولاغيره والله بكون كتير مبسوطه , :lol: |
اقتباس:
:p |
| الساعة بإيدك هلق يا سيدي 18:27 (بحسب عمك غرينتش الكبير +3) |
Powered by vBulletin® Copyright ©2000 - 2015, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
